|
|
#26
02-14-2008, 08:04 PM
| ||
| | ||
| رد: غلا °¨*~¤¦ الفصل الثاني ¦¤*~¨° ••• .* بعد مرور اسبوع *. غلا اللي طنشت عمر هذاك اليوم ولاقعدت وياه .. عمر سوه روحه زعلان ، وغلا لهت صارت خلال هالاسبوع كل يوم تطلع وياعمها سعد تشتري ملابس للسفر وهدايا لأهلهم .. فتحت غلا باب دارها وهي شايله بيدينها الثنتين قرابة ال12 كيس حست يدها بتنقص خلتهم على الارض وفصخت الشيله على طول .. نست الباب مفتوح وصارت تنقل الاكياس من عند الباب لين فوق السرير سمعت صوت خالد يتنحنح وهو طالع من الدار .. لفت شيلتها بسرعه ( عاد تدرون غلا كانت تموت على تنحنحة خالد كانت تطلع بصوت رجولي كله هيبه ) .. خالد وهو مار وكان بهاليوم جدي .. خالد : شحالج ياغلا ؟ غلا : بخير الله يسلمك .. خالد : انا طالع اذا سألت امي قولي لها طلع غلا : انشالله .. خالد : يلا مع السلامه .. غلا : مع السلامه .. غلا (( شفيه اليوم ؟ جدي ههه يحليله ،، انا احط ملابسي بأي شنطه امممم قعدت تطالع الشنط فغرفة الملابس .. اممم ام كانت عمتها تغريد طالبه لها شنط طقم ماركة فندي .. ملابس واصغر واصغر طقم كامل يعني .. غلا : شكلي باخذ هذي .. طلعتها غلا وحاولت ترفعها تحطها على السرير بس كانت الشنط كلها داخل بعض وجسمها الهزيل ماساعدها .. طلعت بره الدار تدور حد وهي مفتشله انشالله يارب القى حد من الخدامات .. خالد اللي كان لين الحين ماطلع يتكلم بتلفون البيت متصل واحد من ربع ابوه وقعد ياخذ من عنده كم شغله ضروري توصل لابوه .. غلا كانت قاعده تشوف وتفكر ( ياربي اطلب منه ولا؟ لا صح لانها فشله ؟ لا ليش فشله خالد عادي مثل اخوي ؟ لالالا واي فشله بروحه حلو واليوم شحلوه .. لالا واي ماقدر .. لا خلاص بروح كاهو يطالعني) مشت له غلا وقالت بصوتها الناعم الخجلان .. غلا : خالد ؟ خالد اللي كان لاهي نسى يكتب شي : عيوووون خالد ، (اوله وانتي ماتطلع عيون خالد الا وياج ؟) .. غلا (لااا مو جي) : خالد بقولك شي بس مفتشله خالد على باله سالفه جايده قرب شوي : آمري غلا .. غلا اللي قلبها بدى يدق بصوب قوي مسموع : لا ولاشي بس انا ابي اجهز ملابسي والشنطه وايد وايد ثقيله اذا مم ...... يقاطعها خالد : افا عليج الف طلب مثل هالطلب ياغلا .. تامرررررررني غلويه .. وينها هالشنطه خليني العن خيرها لج .. غلا شبت : ههه داخل الدار خالد : يالله وديني غلا اللي كانت منحرجه من هالموقف كانت تمشي وخالد وراها وهو يعدل غترته وهو يمشي وهي كل شوي تفتشل ازيد وتحس انها فنار .. وقفوا ثنينهم عند الشنطه خالد : هذي؟ غلا : أي خالد : شماكله بنت اللذينه ها ؟ (يشيلها ويحطها على السرير وجنه يكلم حد) شماكله اعترفي غلا: هههه ماقصرت خالد ، مشكور خالد : افا عليج لا ماتشكريني انتي اختي ووقت ماتبيني تامريني بس غلا سكتت وهي الحيا تحس انه انتشر فكل جسمها .. خالد : يالله ياغلويه انا طالع تامريني بشي؟ غلا: لا سلامتك . خالد: يسلمج ، يلا مع السلامه غلا : ............................ طلع خالد وغلا قعدت ترتب ملابسها قفلت الباب وشغلت كالعاده المسجل بس هالمره مو كاظم (هههههه) .. تدرون ششغلت ؟؟؟ تبون تعرفون؟؟ تدرون شبيصير ؟؟ |
|
#27
02-14-2008, 08:05 PM
| ||
| | ||
| رد: غلا ((نكمل)) .. غلا شغلت CD مسويه لها عمر (غبره هالحركه ياعمر) .. نشوف على أي اغنيه تشغل .. غلا اول ماحطته بمسجلها طلعت لها اللسته اللي مسويها بالشاشه .. الف اغنيه حاط ههههههه غلا شغلت على طول ماختارت .. كانت على اغنية .. .* غلااها *. غلاها ياكبر عندي غلاها .. عشقها القلب والخاطر هواها.. تولعت بهواها دون مدري.. وباع الناس قلبي واشتراها .. تلاشى البدر من طلعة ضياها.. جمال الكون كله في سناها.. بديت اغار من نفسي عليها.. واغار من العيون اللي تراها.. غلا تقول فبالها وهي تبتسم وترتب (( الله عليك ياعمر ، والله انك تجنن صراحةً مادري شلون بصبر عنك )).. قعدت تصف بالشطنه الاولي اغراضها كلها والشطنه الثانيه كانت شوي اصغر حطت فيها الهدايا .. عمر اللي دخل البيت ومالقى حد سأل الخدامه قالت له ان غلا توها ردت وخالد طلع وامه معزومه عند بيت خالته وابوه مارجع .. راح عمر وبكل عصبيه طق باب غلا غلا درت انه عمر فتحت الباب وهي حاطه يدها على خصرها من ماجنن عمر.. غلا وهي حاطه يدها ومايله بوقفتها وماسكه الباب وهو مشرع ورافعه عينها لفوق بكل دلع .. غلا : نعم ؟ عمر : اطخ جذي انا غلا : آمر خير ؟ عمر: غلا وين اللي بتقعد وياي؟ غلا : لهيت .. عمر : زين والحين ؟ فاظيه ؟ غلا : اممممممممممممممممممممممممممممممم عمر : تكفييييييييييين غلا : هههه أي فاظيه عمر : زين وين تبين داري ولا دارج ؟ غلا : لا نطلع بره عمر : مو بكيفج بره الحوش لا داري غلا : بس الباب يتم مفتوح .. عمر (اوف زين): انزين راحت غلا وياه للدار وقعد عمر على طاولة المكتب وغلا على السرير .. عمر: متى رايح ياحلو ؟ غلا تقوم وتمشي بداره : عقب باجر . عمر: فيج خير خل يخطبونج .. غلا :ههههههههه شدعوى عمر عمر : غلا ترا بتسافرين ويانا غلا : انشالله .. عمر : صج؟ والله ؟ يعني بتسافرين وياي؟ غلا : وياكم مو وياك عمر : زين زين غلا : هههههههه وانت كله معصب؟ عمر : وانتي ولامره قلتي لي كلمه حلوه .. (بعد صمت) أحبج غلا غلا : عمرررر مووقته هالكلام .. عمر : احبج لها وقت؟ غلا كانت فرحانه وطايره : مو هاي قصدي عمر : تكفين قوليها لي غلا ، تكفيييييييييييييين غلا : شقول ؟ عمر : بطرها منج يعني غلا : لاا حبيبي عمر : هاااااااااااااااااااااااااااااااااااااااااااا ااااا اااااا شقلتي غلا : هههههههههههههههههههههههههه ماقلت شي عمر : لالا اكيد احلم غلا : هه شدعوى ، اسمع عمر انا بروح الحين اخاف حد يجي يشوفني هني عمر : عادي ولد عمج انا غلا : لا ماعليه مره ثانيه صدقني عمر : مافي طلعه لا غلا : يه عمر : غلا ماتحبيني؟ غلا : شهالسؤال؟ عمر : ردي علي غلا : اكيد أي عمر : ليش جاسيه علي ؟ غلا منصدمه : اناااااا ؟ عمر ولهجته جديه وحاده : أي انتي على بالج ياغلا انا اطنش ؟ انا كل يوم نااار تولع فيني وانتي تصدين وتدرين انج مولعتها انتي فيني ، موحرام علييج ؟ غلا : ........... (منصدمه) عمر : ليش ماتردين علي؟ اخاف كلامي غلط وكل يوم ذابحتني كلام عسل غلا: عمر الحب عندك حجي حلو ؟ عمر : الحب يجي منه الكلام الحلو غلا تصد عنه وتغمض عينها : وانا احبك عمر : هااااااااااااااااااااااااا! لالا عيديها تكفين غلا بنفس الوضع : احبك عمر يمسك قلبه : آه ألبي قعدوا يسولفون وعلى ظحك وكلمه حلوه من عمر على غمزه بعدها .. غلا : هههههههه عمر : هههههه شفتي شلون ! غلا بدلع : عمر .. عمر تسبه : ياروح عمر غلا : تكفى مره سمعتك تغني ،،، غن لي عمر : هههههههههههههههه من صجج غلا : والله من صجي الله يخليك بسوي لك اللي تبيه بس غن لو شوي عمر : هههههههه لا غلا وع غلا : وغلاتي عندك طلبتك .. عمر سكت : شتبين تسمعين ؟ غلا : على كيفك اللي تبيه عمر يفكر : اممم زين فكري وياي .. غلا : هههههه اممممممممم عمر يتنحنح : صدقيني انتي من نفسي ولي اذكريني بس تلقيني قريب مثل عينك للنظر لرموشها مثل روحي لي وغيرك لي غريب .. غلا اللي ظاعت بصوت عمر الروعه غلا : لييييييش سكتت كمل عمر : هههه مب حافظ الباقي غلا : زين أي شي عمر تذكر انها تحب الساهر وكان حافظ اغنيه له (اشرب مر) عمر : تامريني احم احم عمر.. اشرب مر واكل المر ولاتعاشر لك مرر تشيب قلبك والله وبلوعتك مايشعر غلا اللي فهمت نغزته يوم سكت وكملت الاغنيه (شوفوا ) .. غلا .. اتركني يابولسانين اهنى واقفل بابي موقلب عندك عشرين لاعب لعب باعصابي عقبك كنت لعب بلعب كل عشرتك حيله يكمل على اللي غنته له غلا .. عمر.. عاشر حبيبه تراعيك ماتنام لومسك هم تفرش لك الدنيا ورود تسهر لك بمهجة أم تتحملك وتدلك.. ليله بألف ليله غلا وعمر : هههههههههههههههههههههههههههههههههههه عمر : ها خلاص ؟ بردت ! غلا : لا عمر : يه على جي بينشف ريجي غلا : تبي ماي ؟ عمر : هههههههه لا والله وناسه نكمل؟ غلا : اممممممممم بس بدون مااغني صوتي وع انت اللي تغني بس عمر : اول شي جب ثانيآ اوكي غلا : اممممممممم اوكي عمر : شتبين اغني لج عاد غلا : والله على كيفك احب اغانيك عمر وهو متشقق : ههههاااي ادري .. بعد تفكير .. عمر : لكاظم طبعآ طبعآ تبين ؟ غلا : ياريت عمر : بعععععععععععععععععععععععععد ، أوكيه خنشوف شحافظ لهالعله .. اممممممممممممم بغني لج بس استحي غلا : شدعوى توك مغني وملاسني بعد عمر : هههههه لا هاي تفشل شوي غلا : يعني ؟ عمر :مادري غلا : خلاص بطلع بره الدار وبسمعك عمر : لالالا غلا وهي ماتسمع له وترد باب الدار .. عمر : اوووف زين بارد حبهم بارد وحبي يشفي العله يبعد واحد واحد وخلو الحب لاهله ليش تهز الشارب؟ وليش تحرك حاجب؟ مسكينه ارتبكت عثرت ظحكت صاح الكل اسم الله.. عمر واهو مغمض عينه عمر : لاتدشين بكمل لج غلا: هههههههههههه انشالله .. ولهاااااان(وهويمطها ويرفع فيها وينغمها) واغلى الناس ولهانه والشوق فيني تبض اشجانه دلوووووعتي بين البشر دانه ياليت ربي لي يخليها غلا وقفت على حيلها بنفس الثانيه اللي وقف فيها عمر فتحت غلا الباب ومشت لعمر وهوبعد تعرفون هاللحظه هذي؟ تمشون فيها وكل مشاعركم تتحرك بالحب ؟ واللي تحبونه يقرب منج بنفس خطواتج؟ عمر كان يبي يمسك يد غلا مره ثانيه بس مايقدر .. غلا عيونها كانت تلمممع .. عمر : غلا ،،، كلام وايد داخلي ماعرف اشرحه كلش غلا : وانا بعد ياولد عمي وانا بعد عمر : احبج والله احبج غلا : انا اكثرررررر اللي قطع رومنسيتهم هاللحظه طقة (ليديا) خدامتهم للباب .. عمر : اف شتبي هذي ،،، What You Want ? ليديا اللي تخرعت من عمر : Nothing sair ,But ur Mum and MR. Khalid wants you and gala too غلا : يلا عمر خل ننزل لهم Coming عمر : بعد غلا وعمر انزلو من ماقرص قلب لطيفه .. خالد : هلا هلا ،، هلا والله ،، خشمك خشمك عمر : هههههههههه (يسلمون خشم) شصاير توك تشوفني ؟ خالد : هلا هلا غلا هلا وغلا ياغلا اسمج فكل مكان غلا : هههه هلا فيك ، ليش وين شفته ؟ خالد : مادري كل ماسلم اقول هلا وغلا مب انتي غلا : هههههههه لا هاي غلا ثانيه خالد : اااااااها فكرتج انتي غلا : ههههههه لا خالد يقعد حذا امه : يحليلها كله ههههههه جنه حد يدغدغها لطيفه : هههه وانت شعليك ، تعال عمر حبيبي عمر : نعم يمه . لطيفه : حبيبي ابوك يقولك لازم تصور عشان جوازك عمر: انشالله .. غلا : يمه ترا سفرتي عقب باجر .. عمر رد لهمومه وبان عليه خالد : يه يه يه شعندددددددددهم غلا : ههههههههههههههههههههههههههه خالد يلف على امه : شفتي هاي اكبر دليل مامي لطيفه : أي انشالله توصلون بالسلامه . طمنينا عاد اذا وصلتي غلا : انشالله .. لطيفه : قاصرج شي؟ غلا : لا يمه حمدالله .. خالد : عيني فعينج بسسسسسسسس غلا : ههههههههههههههههه خالد دخل الدار وطلع لهم وهو توه شاري بدله جديده للسفر يعني .. كانت سبور-شيك رهيبه فنانه على جسمه .. كانت من تحت تيشيرت على بلوزه جاكيت رسمي وفيه من ورا كاب ومتدلي منه مثل الخيطين ولابس معاه بنطلون بني محروق على اسود غامق يعني والجاكيت بني بعد ومن تحت اللون السماوي .. كان شكله فناااااااااااااااااااااااااااان عدل من الزين .. خالد وهو طالع لهم : ها شرايكم ؟ لطيفه : الله الله شفت شلون حلوه عليك عمر : اوب شعنده بس غلا ماعلقت .. خالد : وغلا؟ غلا : وايييد حلوه ماشالله ، قياسها مظبوط والالوان حلوه بعد خالد : احم احم ، عيونج الحلوه والله يابنت عمي .. عمر (اووووف انجب انت وياها) خالد : لحد يتحرك بجرب بعد نطروا راح خالد يجرب البدله الثانيه .. عمر : وانا ماخذتي لي شي يمه ؟ لطيفه : لا حبيبي ماقلت لي بعدين مارحت ويانا عمر : خلاص نروح باجر كلنااا (ينغز الاخ) لطيفه : لا يمه تعبت انا، انطر علي، اليوم خالد هلكني وياه عمر : ههههههههه خلاص عيل ( احسن لين ترجع غلاي من السفر ونروح ويا بعض كلنا) .. طلع خالد وهو لابس تيشيرت كيوت حده مع جينز التيشيرت كان اصفر هالمره وبس رسمة شفه عبيطه وطالع منها لسان .. اول ماطلع ظحكوا خالد : يييييييييييييييييييه ماعلي منكم غلا بس اللي تشجع غلا : ههههههههه وايد حلووووووووووووووووه خالد : شفت مع ويهك هاي الخوات مب انت فاج حلجك تقول حصاله(يرفسه) عمر : هههههههه بل بل شوي شوي علي خالد : مب مكمل زين غلا : لا كمل خنشوفهم خالد : عشاااااااااان اختي بس ولا انت مالت عليك اييي صح وامي بعد لطيفه : هههههههههه روح يمه روح خالد راح وهو لابس هالمره بدله كلاسيك .. سودا البنطلون والبلوزه ورابط كرفته بس بشكل مبهدل مو مرتبها لان جي ستايلها سوده وفيها الرصاصي المزرق اول ماطلع عمر : حلاااااااتين خالد : ترقع يعني لطيفه : هذي شوي ظيجه عليك خالد : هههههههههههههههه يمه بنفجر غلا : ههههههههه لا يمه عدل سايزها هي لازم تجي شوي ظيقه هني لطيفه : خلاص عدله عيل خالد : ايوووووووا جذي انتوا حلوين يلا سلملم وراح خالد بدل ملابسه وراح يتسبح .... |
|
#28
02-14-2008, 11:37 PM
| ||
| | ||
| رد: غلا °¨*~¤¦ الفصل الثالث ¦¤*~¨° ••• لمحه سريعه عن اللي صار آخر مره ... خالد راح عقب ماوراهم بدلات السفر يتسبح وينام .. غلا راحت دارها ترتب كل شي عشان سفرتها مابقى عنها شي ، خلصت كل شي قامت ترتب دارها .. قعدت ترتب تشيل وتحط شالت ورقه من على المكتب لقت تحتها رسمه ، تدرون أي رسمه؟؟ تذكرون لما دخلت دار عمر؟ مع عمها سعد وخالد؟ وشافت رسمه على مكتب عمر!!!! كان حاطها عمر لها لا وموقع بعد ، غلا (فرحان على عملتك بعد) راحت غلا وهي معصبه مب وايد شوي بس .. طقت باب دار عمر لقت محد يرد عليها خالد طلع من داره يبي يجيب له شغله وشاف غلا .. خالد : ايوووووى يامدموزيل غلا ، تبين شي؟ غلا ارتبكت : لا بس ادور عمر خالد يغمز لها ويسوي روحه مايدري خالد : أي عمر عمر ، اوه آه أي عمر صح صح عمر محد تحت تلاقينه غلا : تحت هالحزه؟ خالد : أي خفاش اخوي ، عادي عادي غلا : هههههههههههههههههههههههههههههههههههههه خالد : شفييج هاي شي حقيقي ومن الطبيعه عمر اخوي خفااااش بات بات غلا : ههههههههههههههههههههه نط لهم عمر بنص ظحكهم .. عمر : من الخفاششششششش؟ خالد : واحد والله ، اسمه عمر بن سعود تعرفه؟ عمر : اممم ، جنه انا ؟ خالد يطالع غلا وهو ظابط الدور عدددل خالد : هو غلا؟ لالا مب هو صح! لاماظن غلا : أي أي صح خالد : ههههههههههههههههههههههههههههههه غلا: ههههههههههههههههههههههههه خالد: ااااخ والله ابي اقعد وياكم بس ادري محد يبي لي الله هههه لا اصلآ انا باروح بناام لاني من قرن مانمممممممممت (يتمغط) آآآآآآآآآخ ، عمور تجي تسوي لي مساج؟ عمر : روح زين خالد : افا يابوسّعود عمر : شتبي خالد (يغمز له) خالد : أي أي عشانها عمر بعصبيه : خااااااااااااالد ..! خالد : انزييييييييييييين يه بروح كاني رحت انام (يلتفت له) ، جني اخوك العود؟ عمر تصرقع : أي والله على عيني وراسي والله .. خالد : أي احسن لك ، يلا تصبحون على خير غلا : وانت من اهله خالد : شوف اللباقه شوف الذرابه والصوت الحسسن مب انت (يدق حنج عمر) غلا : ههههههه (بعد ماراح خالد وشوي هدى المكان) عمر : آمري غلا : عمر مب عدله حركتك عمر : شسويت؟ غلا : احنا صج نحب بعض بس ماقبل انك تهديني اشيا احتفظ فيها يعني حد يمكن يشوفها ويسألني من من عمر : كاج تاخذين اشرطه! غلا : الاشرطه عادي ممكن استغني عنها عمر : غلا تكفيييين غلا : اسفه عمر ماقدر الله يخليك عمر : الي تبينه .. (بحزن) غلا : ........................... عمر : طبعآ باجر مب محصلينج حتى بالتفق ! غلا : بروح بيت ابوي العود الصبح وعلى المغرب طيارتنا عمر : اهاا غلا : يالله تامرني بشي ؟ بروح انام ..! عمر : سلامتج غلا : الله يسلمك عمر : ديري بالج على روحج .. غلا : وانت بعد لفو وكل منهم ماعطي ظهره الثاني يمشي لفت غلا وبصوتها الجذاب .. غلا : عمر عمر يغمض عينه ويمسك قلبه عمر : سمي غلا : باجر الصبح بتقوم ولا نايم؟ عمر : اافا عليج من فجر الله قايم غلا بابتسامه عذبه : هههه خلاص عيل ، تصبح على خير .. عمر : الله وياج .. وراحت غلا وكالعاده عين عمر وصلتها للدار ورجعت له وغمض جفته وغلا بعيونه عشان يصحى ويلقاها جدام عيونه .. ثاني يوم الصبح الخدم كانو ينزلون الشناط وغلا كانت تلبس عشان تطلع .. لبست بنطلون اسود قصته روعه وبدي وردي شيفون بناتي وايد كان عادي ومافيه حركه كلش غير ربطه على الرقبه قعدت تفكر شتحط وياه حطت بروش كبير قالت يظايق للسفر وتحت العباه وحاله فتحت صندوق السلاسل وطلعت سلسله لولو ولبستها تنلف مره وينزل منها بعد صف لولو مطوق طلع شكلها حلو وناعم وايد .. خطت كحلتها وحطت روج وردي (مات) .. وشوية بلاشر ومشطت شعرها ولمته كله دورت عباتها استحت تنزل جدامهم جي طلت على حد من الخدامات فالممر محد اتصلت بالانتركوم محد يرد طلت لقت عباتها تحت محطوطه وشافت محد بعد بالصاله غير لطيفه لفت شيلتها المسكينه احتياط حد يمر ولاشي نزلت على الدرج الا خالد يقرم تفاح وواقف بمكان ماشافته غلا من فوق خالد اول مره يشوف غلا بهالبس شوي ظيج مخصر جسمها الفنان خالد استحى من الموقف ونزل عينه فالارض مثل ماغلا شبت النار فضلوعها من الفشله لبست غلا عبايتها بسرعه وقعدت ، خالد من الفشله راح داره كان اول مره يستحي جي حتى امه انتبهت له .. عمر راح داره لقى عمر يتعطر من عطوراته عمر : بل شفيه ويهك محمر خالد : هههههههه اسكت صرت نمله ، غلا بنت عمي نازله ويعني مب كامل لبسها ( مب عارف يعبر = ههههههه = ) عمر : اوله وانت شسويت خالد : اسكت تمنيت الارض تنشق وتزحرني عمر : ههههههههههههههههههههههههههه خالد : والله مالي ويه الحين بيقولون جليل حيا ورافع عينه عمر : لايخسون من يقول يلا خويلد فشله بتسافرر خالد : أي يبا شعليك عمر : ههههههههههههههه يلا ناطرك خالد : برب ببدل هالمهزله اللي لابسها ،، حد غير سعد بيجي؟ عمر : يمكن عمتي تغريد مب أكيد ! خالد : اماااااااااااااا والله تغريد ماعرفها بس انشالله يجيبون علاوي شكثر سولفت عنه غلا عمر : هههههههه يلا عجل ناطرك خالد : برب عمر : ههههههههههههههه نزل عمر وهو لابس ثوب ابيض ومعدل شوي شعره بالجل مرتبه يعني والقفل شحلاته وعيونه كانت جنها مكحله من غلظ رموشه .. نروح شوي لسيد الكشيخين خويلد ،، ياويلي عليه هالصبي ، الكشخه وماأدراك مالكشخه ؟ << شهالتعبير بس ههههههههه .. لبس خالد ثوب سعودي عجيييب شكله وسوى حمدانيه طلع شكلها كووول عليه مع شعره الطولان شوي وحواجبه المقرونه طلع شيخهم تعطر وولع زقارته ونزل غلا اللي انحرجت منهم ومن خالد انه نزل بعد .. تعرفون لما تكونون قاعدين والناس كلها مهتمه فيكم وانتوا انتوا وبس .. غلا استحت وايد .. |
|
#29
02-14-2008, 11:38 PM
| ||
| | ||
| رد: غلا دخل عمها سعد بس بدون تغريد بروحه بس كان جايب علي و خالد ولد تغريد الصغّير كان عمره سنه وسعد متلعوز فيه دخل وسلم سعد خالد : هلا والله هلا وغلا بالعم (يسلمون خشم) شحالك عمي ؟ (ينزل يبوس علي) من هالشيخ ؟ علي : انا علي بن راشد خالد : ونعم والله .. انا خالد ولد عمك تعرفني علي : ايي انت اعرفك بس ماشفتك خالد : هههههههههه (يشيله) وها كاك شفتني علي : أي بس انت وايد طويل ليش ؟ سعد : ههههههههه علي بس خالد : اويلي من هالمزيون ؟ سعد : هههههههه سميك ولي عهد راشد الجديد هذا خالد : آآآآآآآآه ياعمري شهالملاك (يشيله كانه شايل شي زجاجي خايف يكسره ، خالد كان يمووووت على شي اسمه يهال يموت عليهم ).. سلم على عمر وقعدوا خالد اللي قعد فآخر كرسي وخالد فحظنه وعمر عند ريله يلاعبهم الجو على كيف كيفه .. غلا راحت تغسل يدها فالحمام وطلعت شافت خالد يلاعبهم وكانه يبي يقول لها شي طار قلبها لايكون يعتذر ولاشي ترا والله العظيم اصيح خالد : غلا الله يخليج تعالي صورينا.. ( كان يبيها تصوره مع علي وخالد بالموبايل) غلا : أي انشالله .. خذت الموبايل وصورتهم خالد بعفويه : راويني خل اشوف يشوف الصور خالد : لالا بعد بعد ، قوم علوي بس انا وسميي فج شوي تصوره غلا ومافي شي واظح غير حفرة خالد اللي بخده (هههههه) يعني غمازته غلا واي يحلوكم .. خالد : مااااااقصرتي ياغلا .. سعد : يلا يبا يلا غلا مشينا ؟ غلا اللي عيون عمر كانت تاكلها .. غلا : انشالله . لزقت فعمها وودعتهم كلهم وعمر يحس ان روحه انشلعت من مكانها .. ركبوا السياره وغلا من تحت غشوتها وخالد بحظنها كانت تشوف الدنيا غييييييير حلوه بحبها لعمر وحبه لها بس تمنت انه لو سافر وياهم . يالله ماعليه .. غلا : عمي عندك جارج ؟ موبايلي خلص سعد : أي كاهو ( يطلعه من البوكس ) : آخ تفتقت يدي مسكي حياتي غلا عقب ماحطت الجارج وشغل سعد الf.m غلا : الا اقول عمي سعد : آمريني غلا : مانويت تعرس؟ سعد : ههههههههههههه انشالله بتشوفين عروستي بعد غلا وهي تعدل خالد بحضنها : صج والله ؟ من عمي سعد : هههههههه لاوصلنا الكويت تشوفينها غلا : لا عاد قوللي الحين سعد وهو يعدل ثوبه : لا عمري مافي غلا تفكر : زين من ؟ هيفا ؟ نور ؟ مريم ؟ ساره ؟ سعد : ههههههه لا وينها حبيبتي ماجبتي اسمها غلا : من عمي لعوزتني سعد : ع.......... غلا : ع ، من ؟ سعد : تذكري غلا تفكر وعقبها تشهق : هيييييييييييييييي عليااااااااااااااا؟ سعد : ههههههههههههههههههههههههههههههه أي عليا غلا : احلللللللللف عممممممممممممممممي ؟ بتاخذ عليا سعد : هههههههه أي عليا ليش؟ غلا : الله وناسة الوناسه عيل (اوه انا مب عايشه فالبيت عود صح!) سعد : شفيج؟ غلا : لا بس نسيت على بالي اذا رديت بتم فالبيت العود .. سعد : ............... غلا تبي تغير الجو : والله زين ماخترت عمي ، عليا حبوووووووووبه وايد وحلوووووه بعد سعد : ههههههه عاد احنا جسنا النبض وشكله كل شي اوكي غلا : هي تحبك ؟ سعد : بتموت فيااا غلا : ههههههههه لا جد عمي سعد : مره يوم كنا صغاااااار من زمان ايام الدراسه قعدنا عندهم الصيف كله وكنت كله اتحرش فيها وهي كانت غير عنهم كلهم ، آخ ياغلوي كانت حلووووووووه والله مانسيت ولاشي منها غلا : الله الله طلعت تحب ياعمي سعد : ههههههههههه شفتي شلون غلا : وهي شلون كانت وياك؟ سعد :عادي بس ماكانت ترضى تقعد وياي بروحنا غلا عورها قلبها تدري ان اللي تسويه غلط مع عمر بس خالتها تدري! غلا : اهااا سعد : عاد تصدقين ، هههههههههههه كنت احب شعرهااا غلا : ههههههههههههههههههههههههههههههههههههههههههههه ههههه هه سعد : والله من صجي غلا : هههههههههههههههههههه الله يهداك ياعمي وصلوا البيت .. سعد : نزلي بس نزلي نزلت غلا وسلمت على عمتها ويدتها وقعدت ريحت شوي وقطت عباتها وقعدت تهذر مع عاليه فالتليفون . راحت غلا الدار اللي كانت لها وعورها قلبها وايد على المكان كان فاضي بس ذكرى من بقايها اللي نستهم براويز صور اشيا بسيطه دمعت عيونها وصاحت شوي انسدحت على السرير اللي تحبه وايد قامت بدلت وعلقت لبستها الوحيده هذي فالكبت ولبست جلابيه بيت خفيفه غسلت ويهها عن المكياج كله وطلعت رولا جايبتهم وياها ولفت شعرها من الزين وقعدت تمنكر اظافرها بالوردي .. خلصت ولمت كل شي ورتبت كل شي عشان تقوم بس تلبس وتنزل .. غفت لها ساعتين وقامت على صوت منبه موبايلها شافت ان في وقت وايد بعد نامت لها ربع ساعه بعد وقامت نزلت كلت لها شي وخذت وياها نسكافيه لدارها علي يزخ رولاتها ، علي : الله شنو هاي؟ كوره؟ غلا : ههههههه لا حبيبي هاي حق الشعر علي : أي انزين ، تلعبين معاي ؟ نلعب ؟ غلا : حبيبي انا بروح البس اذا خلصت بسرعه بنزل العب وياك ، اوكيه! علي : انشالله ، انا بروح حق امي عشان اروح الالعاب تجين ؟ غلا : ههه لا ياعمري بروح البس عشان بنسافر علي : أي بسافر وياكم زين غلا : انشالله روح جهز اغراضك بس علي : انزين غلا ( وينها فاطمه مالها أثر ) الاخت فاطمه الله خير فغرفتها تسمع اغاني وتترقص .. راحت غلا وطلعت لبستها قالت للخدامه تسوي لها فحم عشان شعرها وشوي تتبخر قبل لاتروح .. شغلت كعادتها شريط كاظم الساهر .. شغلته .. إلك وحشه إلك وحشه يابوظحكةٍ الحلوه تعودنا عليك اليوم شلون بلوى! مانستغني عنك يوم واحد لاراحه لنا بعدك وقوه إلك وحشه وغيابك ويل ياويل يافراق العزيز يطول الليل حنانك بحر واحنا نريد تدليل دللنا قضينا العمر قسوه غلا وقفت على جنب وحطت راسها على منظرة الكبت اللي كانت تتعدل جدامه وهي ماسكه كحلتها تفكر طبعآ بحبيب قلبها عمر (( أول مره ادري بان الفراق جي؟ هاي واحنا جي اسبوعين بس لا انا اقدر بس احس شي كبير مني مو موجود ، احبك عمر والله احبك جبيبي )) عمر بالصوب الثاني كان منسدح على سوفا مجلس رفيجه ويفكر (( شسوي الحين؟ رجعي روحي قبل لاتروحين تكفييييين ، وراس اللي جابتني احببببج لاتعذبيني غلا تكفيين )) عدل عمر قعدته بعد ماهزه رفيجه وقعدوا يسولفون وغلا انتبهت على الوقت وقعدت تتعدل حطت شدو وردي شوي فاتح على جفونها وخطت الكحله حطت مسكره وصلت رموشها الطويله لين السقف حطت نفس روج الصبح وبعد شوي بلاشر ورجعت كحلت عيونها صارو سووووووود من الزين لبست ملابسها وفجت الرولات وطلع شعرها اللي يشوفه على طول يقول (واو) كان طولاااااااااااااان وطالع فظيع الرولات تنقز عجيييبه بشعرها رشت شوي عليه سبراي عشان مايفش تحت شيلتها بالطياره خلصت كل شي ولمت اللي خلته غيرت شنطتها خذت وحده ورديه فيها سكارف اسود ووردي وحاطه عليه علاقه سورافسكي اسود مختلط مع الوردي وحاطه بروش على جنب فيه حركه ورده ونازل منها حركات كانت الشنطه ناعمه وايد حطت عطرها وموبايلها وبوكها وحطت قلوس عشان لاوصلوا تحط منه وكحل بعد (هههه سوالف بنات) ..حطت لها كم شي وسكرتها لبست لها جوتي اسود كلاسيك مريح وشكله فنااان وايد للسفر تعطرت بالعطر على شوية دهن عود والبخور بعد ونزلت لعمها سعد هالمره بدون شيله ( ههه ) تغريد : الله الله شهالحلاه شهالزين غلا بحمرة خدودها : ...... ( ) تبتسم سعد وهو يبوس راس امه وغلا من بعده : يلا يما احنا ماشين وسلمو على الباقي وعلى توصيات من امه ووداعهم لها ركبوا السياره وللمطار للطياره وبعد ساعات حطت الطياره على أرض الكويت .. نزلت غلا على درج الطياره شوي شوي وهي تحاسب على خطواتها وهي ماسكه فيد عمها سعد .. غلا كانت مستحيه لان في واحد من شله شباب كانو وياهم بالطياره منتبهين لها .. نزلت وركبت فالسياره اللي تنقلهم لداخل المطار راحو وخلصوا دز عمها سعد الجاري وهي يمه وهو ينكت له وهي وجهها ينور من تحت غشوتها وتلالي عينها .. سعد يدور من جايهم وغلا بعد انسطلت بواحد نسخه من عمر وحذاه واحد بعد اسمر مزيون .. ثنيناتهم بثوب بس بدون غتر .. سعد : اوب هاي عيال أحمد غلا : عيااااال خالي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سعد : أي يالله مشينا وراحو سلموا على سعد وغلا اللي منحرجه ترد بصوت واطي .. خذوهم للسياره وطول السكه وهم يتسألون الشباب اللي جابوهم كانوا 2 من عيال خال غلا (أحمد) ال10 = ههههههه = ماشالله عليهم كانو 7 اولاد وو 3 بنات لكن كل بنت من بناته ال3 كانو آيه فالجمال . وعياله الشبيبه بعد .. كانوا : (( جاسم (23) ، محمد(21) ، عبدالله(19) ، سطام (شبيه عمر)(18) ، ثواب(15) ، عبدالرحمن ومتعب ( 3 سنين ) .::. أما البنات الثلاث كانوا : آمنه (سمية أم غلا ) وعمرها (20) ، وصايف (18) >توأم سطام< ، روعه 11 سنه. نزلت غلا وعمها البيت وعلى تهلي وترحب العايله اللي كلها موجوده وملتمه بكل حب وروح الثاني على الثاني ، حست غلا بدفاهم وحبهم لها لأنها بنت أختهم الطيبه المرحومه آمنه .. حزنوا لما شافوها كانت ماخذه من زين أمها الباهر وأبوها ماخذه طوله وخشمه وشعره المسبب ]: عيال خالها وخالاتها انعجبوا حيل فجمال غلا .. وشافت غلا عليا وكانت قمر بذاك اليوم لابسه فستان ناعم أبيض وشريطه لافه من را الخصر لين الصدر ورديه والفستان فرنسي شكله وطالعه جنان .. بعد ماراحو الشباب كلهم قطت غلا عباتها وقعدت شوي وراحت مع بنات خالاتها وقعدت واستانست وايد من بعدها راحت عشان تنام وياعمها بس بنت خالتها (( مها )) أصرت على انها تنام وياهم لان البنات كلهم بينامون عشانها فالبيت العود وراحت خذت لها اللي تبيه ونامت وياهم .. |
|
#30
02-14-2008, 11:39 PM
| ||
| | ||
| رد: غلا حطت الطياره على أرض الدوحه بسلام وفيها غلا وعمها وسعد واصلين من الكويت ,, غلا كانت فبالها أروووووع الذكريات لهالأيام بنات خالاتها وخالاتها وخوالها والكل راحت بيت يدتها اول شي وقعدت وياهم وعلى العشا طلعو لبيت العم سعود .. فالحوش والجو كاان ولاأحلى من جي هوا عليل وحاله .. الجمييييييل خالد ولطيفه وعمر كانو قاعدين فالحديقه والعم سعود كان بشغله .. خالد كان لابس جلابية بيت بيج فااتحه مايله للأبيض وكاروهات بالكحلي المسود وعمر كان لابس مثله بعد مطقمين .. خالد يغني : بشتااااااااء لك لابإدر شوفك(يغمض عينه ويفتحها بيده) ولابإدر احكيك (يغمز لعمر) بنده لك خلف الطرئاات وخلف الشبابيك (يطلع له من ورا كرسيه ) .. عمر : هههههههههههههههههههههههه خااالد تكفى لطيفه كانت لاهيه عنهم مع الزراع تقوله عن شي فالزرع خالد : خلاص فظهااا قالو لك جايه ترا مو لايق تسوي روحك تحب عمر : ههههههههه صج عاد خالد : صج عمر يلف عنه وهو يمسح على راسه بتوتر .. (( شلون بشوفها ؟ شبقول ؟ اول مره!! بعد اسبوعين كاملين هيي بعيده عني اوف والله وهقه من قلب )) نزلت غلا من السياره مع عمها سعد وعمها يقولها عن كشخته .. سعد : ها غلاي جي عدل! غلا : ماشالله ماشالله شهالعم الحلوو سعد : ههههههههههههههههههههه غلا : الله يحفظك من العين سعد وهو يتغشمر : أي والله غلا : ههههههههههههههههههه خالد من بعيد : ياهلاااااااااااااااااااااااااااا والله بعمييييييييييييييي ( بصوت عالي شوي ) نور نور بيتنا وقامو كلهم ولما قربوا ،، هلا هلا بغلاااااااا نورتي بيتنا .. غلا استحت منه ومن عيون عمر وسلمو على بعض وخالد مارحمهم وهو ينكت ويستعبط .. .* مر على هالكلام أسبوعين *. غلا كانت داخله البيت مع لطيفه كانو رايحين يشترون ملابس واغراض للسفره بيروحون فينا .. خالد كان منسدح على سوفا بالصاله وطربان حد الطرب عايش فيه .. ويغني (( ياربي وشهالجنون اللي سكن دمي ؟؟ خلااص مافي طاري غير طاريها ؟؟؟ هالآدميه أظيع ان شفتها يمي واتوه في كلماتي وافقد معانيها )) لطيفه وهي تقعد على الكرسي : اذكر ربك اذكر ربك خالد : هلا والله هلا بأم خالد (يحب راس امه ) مامي اشتئت إلك ، هلا غلا شلونج ؟ غلا : تماام .. خالد : ها يمه طبعآ ولا شي حق خلود امه تحذف عليه chocola شاريته من ماركس ذهبي .. يموت عليه خالد خالد وجنه محصل كنز : الللللللللله يمه احبج لطيفه : هههههههههههههه خالد فتح وياكل ياكل يطلع وحده ، هاج يما لطيفه : لا يمه مابي خالد : خذيها غلا غلا : لا والله ماشتهي خالد : خووووووووذيها آخرها اطيبها غلا : هههههههههههههههههههههه خالد : يلا غلا عشان خاطر اخوج الاعور لطيفه : بسم الله عليك ليش اعور ! خالد : يمه ادلع نفسي عادي عادي غلا : ههههههههههههههههههه (تاخذها) خالد : بس عاد على بالج بعطيج (يتغشمر ) كلهممممم لي ( جنه رجع ياهل بو 5 سنين ) غلا : هههههههههههههههههههههههههههه عمر نازل من على الدري يبوس راس امه وقعد على الكرسي عمر : الله شنو هاي خلود خالد : ها عاااااد اشوفكم استحليتوها ترا مب زين الاسراف عمر : اوله وانا شقلت الحين خالد : كيفي والله ! عمر يلف ويهه وماله مزاج كلش .. لطيفه : عمر يمه ماشريت لك شي للسفر عمر : يمممه ماصارت سفره خلاص أي شي بلبسه ، يطلع بره البيت فالحوش لطيفه عيزت منه وراحت الدار وخالد بعد غلا قعدت تشوف اذا في حد ولا وطلعت له بره الحوش ... قعدت على كراسي الحديقه وعمر على الثاني .. غلا : شفيك عمر .. عمر : مافيني شي غلا : ماتبي تقولي يعني ! عمر : مافيني شي عشان اقوله غلا : براحتك (تقوم عنه ،، وتلف له مره ثانيه) بس اذا فيك شي اعرف اني مستعده اسمعك .. عمر(والله احبج) : مافيني شي قلت لج غلا (شهالنفس الخايسه) : اوكي وتدخل الفلا وهي شوي متنرفزه من حركته البايخه (( على باله بقعد اراشيه يقولي شفيه فستين داهيه ،، مااااااشي )) وصلت سيارة بيت العم سعود للمطار ونزلو منها غلا كانت مفتشله حدها قاعده حذا خالد وهي ساحبه روحها عنه كثر ماتقدر تخاف يده تدقره ولاشي وهو مثلها نصه على عمر اخوه وعمر مطنقر ليش ماقعد فالنص سمعوا شقال خالد لابوه يوم هم فالسياره – ههههههههههه – عبيط هالولد .. خالد : يبااااااا جني ياهل فالنص سعود ": زين يبا خايفين عليك خالد : يبااا جنه قوطي تونه الله يسلمك عيوني يبا شوفهم (محلات عيونك والله) نقزو غلا افتشلت لايكون ظيقت عليه ( أي ادري شمتني صايره اكيد ظيقت عليه ) نزلو وغلا تسولف مع لطيفه وبسرعه للطياره لانهم شوي تأخروو .. فالطياره .. كانو ماخذين سيت فالنص والسيت الثاني ل2 عند الدريشه .. فالنص كانت غلا عمها على يسارها وخالتها على يمينها .. والسيت الثاني خالد عند الدريشه وعمر على الطرف.. خالد بثوبه وعمر لابس جينز اسود وقميص رجالي طالع روعه عليه خالد مسوي تفله خفيفه وحالق بس محدد عشان يطلع شكل القفل مايصير فضاء فويهه عمر كان مسوي قفل بس ومحدده عدل طالع روووووعه مع الزلف وشوية جل فشعره .. الرحله طولت شوي لفينا . خالد نام على طول لووول وقام لعمر فنص الرحله خالد : قوووم عمور عمر : افف اسكت خالد خالد : يلا مدرسه ياصبي قم عمر : ياخالد لاتستعبط بنام خالد : اووف قوم محد وياي (الطياره مظلمه شوي كانت ) اخاف بروحي هيهيهيهي زلام هاهاها عمر قام وهو متنرفز : شتبي خالد ؟ خالد : ماعندي حد يالخايس شسوي؟ اغازل المظيفه عشان يقطوني بره طيارتههم عمر يظحك وهو متنرفز : هههه خالد : مالت على الظحكه اقول عمر : يييييييه توك تقول قوم اقعد وياي والحين مالت خالد : خلاص زين اسفين عمر : زين شبتسوي خالد : امممممممممممممممممممممم مادري؟ عمر : ولا انا خالد : نشوف فلم؟ عمر : انزين خالد طق للمظيفه وجاته وطلبو الفلم وحطوه لهم وخالد اللي نام بنص الفلم لووووول وعمر قعد يتحلطم عليه عمر قعد ياكل M&MS سحبه من جيب خالد هههههه عمر شاف غلا تتحرك كانها توها قايمه حذف عليها وحده غلا لفت له وهي معصبه غلا بصوت واطي وهي تأشر : شتبي انت شتبي ؟ عمر صخ ماقال شي ورجع راسه على الكرسي غلا ( شفيه ذي؟ حده متغير علي؟ شسويت انا؟) وبعد كم ساعه حطت الطياره على الارض وهي نفس كل الطيارات تهتز لما تنزل خالد قام وخض عمر خالد : ها ها شصار فجرونا؟ زلزال؟ اغتالوك؟ عمر وبنات فالسيت اللي وراهم : ههههههههههههههههههههههههههههههههههههههههههه خالد (شلكم خص انتو)؟ غلا كانت تنزل شوي شوي على دري الطياره وخالد جدامها وعمها سعود حذاها كانت بتتخرطف ماتدري فشنو مسكت ؟ اقولكم ولا؟ تدرون شبيصير؟ |
 |
| مواقع النشر (المفضلة) |
| |
العرض العادي
