مثل ماعمر ذبحته اللقافه ودخل غرفتها دخلت هي غرفته

وخلت الخدامه عند باب الصاله اول مايجي حد تقول لها ..

دخلت غلا الغرفه ..

وشافتها ..

فتحت بوكس من المعدن حاطه تحت المكتب ..

فتحته وانصدمت لدرجة ان الدموع طفحت بعينها ..

كانت كلها اشيا تتعلق بغلا ..

اوراق وعليها اسامي غلا اغاني على غلا ولما خطبوها لخالد

كاتب اشيا تدل على قهره

وكان راسم رسمه حلوووووه ..

كتب فوق بعض وتحت الصفحات مشققه وطايحه ..
وكتاب مفتوح بس فاضي ..

وكاتب

هذا كتاب عمري من تركتيه

فاضيٍ ولا له نبض وغلا !!!!

صرتي للغير وربي يعين

على دمعٍ بهله وإنتي لغيري !!


عورها قلبها غلا حيل على

عمرها على حياتها على حالتها على حظها

تحسه دامر ولا تحس متوفقه وتكره حياتها تكره عيشتها كل شي فيها ..

اشيا وايد لقتها وشافتها اشيا تدل انه يحبها حيل

ولو شيصير ماراح ينساها

غلا انهارت وسط ماهي تشوف الاوراق وطاحت عليهم تصييييييييييييييح

وتشهق ماقدرت تستحممممممممممممممممممل

وقفت على حيلها ونادت الخدامه تدخل الاغراض

وراحت لطابقهم وقفلت الدار عليها

وقعدت تصييييييح

ماتعرف شتسوي ..

" غلا ماتنلام ، صغيره ومب فاهمه شي ، مافطنت باشيا كثيره

وماعندها حد ينصحها ، هي مو بسن خالد اصغر منه حيل

ومشاعرها لين الحين ماتعرف بالظبط توجهها لمن "

قعدت يمكن ساعه كامله واكثر

تتذكر كل شي صار لها من صغرتها لين دخلت هالبيت وحبت عمر

ولما عرست وحبت خالد

(( انا احب من ياااااااااااااااربي افففففف انا يمكن لاني ماعرف اكره حد

يمكن احب عمر مجامله !! ويمكن خالد !!

بس لا انا ام عاليه قالت لي ان خالد اللي لازم احبه ))


.*.*.*.*.*.*.*.*.

بعد مافضى شوي بيت محمد من الشباب

كانو كم واحد ربع عمر وكم واحد من ربع محمد

محمد : هاا عند وعدك يابوسّعوود

عمر : اههههه من صجكم

محمد : ها عييييل ، يلا يبا انت رجال وعند كلمتك صح ولا

عمر : اكييد

محمد : ترا كل اللي تبيه موجود عود بيانو

جاسم : أي وطار وفرقه منخشه ورا البيت

عمر : ههههههههههههههههههههههههههههههههههههههههههه

محمد : تتطنز يااااااااااااااااااااااااااكلب

جاسم يطالعه : انا كلبب يافتتتتتتتتتتتتتتتى

محمد : وستون كلبآ

عمر : من اللي يدق عود؟؟

محمد : محد ، بس انا اشتري هالاشيا اجمعهم

جاسم : مسرف اخ الشيطااان

عمر : هههههههههههههه حدك عااااد الا بوجسووم

جاسم : ينجلع ، هاي ابوي

محمد : ها عاد اشوف قلبتها

جاسم : هههههههههههه لالا نتغشمر

محمد : دقايق عمر اجيب لك العود وارد لك

راح محمد وجابه له

وقعدوا ثلاثتهم يتبعونه ..

بدى عمر وقعد يدق وشوي شوي الكل ينتبه لهالدق العجييب

واخيرآآآآ

غنى عمر بصوته الحزييييييين المايل لللبكااء ..
'



يامال فرقى العين يومه نساني
الصاحب اللي مابقى غير طرياه
راح وتركني في حياتي اعاني
مع هاجس الذكرى عيوني (تمناه) ..
مدري وشاللي في غرامه بلاني؟
راحت بي الذكرى مع ايام لقياه ..
واليوم اشوفه لجل غيري رماني !
نسى عيون اللي تعذب بفرقاه ..
والله مدري والمصيبه حداني !
قلبٍ يحبه " عزم اليوم فرقاه " .. !
ابيه يذكر وش خذا من زماني ..
ظحيت من شانه وادور على رضاه ..
واليوم كانه عقب هجره نساني
" عز(ة) الله اني قلتها اليوم ابنساه "
لا صورةٍ تبقى ولا له مكاني
بنسى عيوني اللي لها المر ذقناه ..






نزل عمر عينه اللي لمعت وخشهم عن ربعه
ورفعها لما صفقوا

محمد : اللللللللللللللللللللللللللله شهالصووووووت ياعمير

عمر : اهههه ..

جاسم : بعدك ماسمعت شي ماسمعته يوم يغني نقازي خخخخخ فنان

عمر : بس عااد جذي صوتي بيروح كفايه عيوني ( يقط نظارته ويفرك عيونه )

محمد : افاا عليييييييييك ماتغلى عليك عيووني ، بس يجون سايزك

عمر : ههههههههه ماعليه نظوقهم ههههههههههه


قعدوا ربعه يسولفون ويظحكون معاه ..

سألوه ليش لابس النظاره !! قصر نظر ولا بعد نظر!!

عمر قال لهم : لا بس كان عندي شي غالي حيل وظااع

ربعه فهموا من التلميح انه مايبي يعلمهم وهم شبه افهموا بس ماتكلموو ..

قعدوا لين الساعه 1 وربع ..

عمر : اووووووووف جسوم شوف الساعه جم

جاسم : اولللللللله ، يالله مشينا ، مع السلامه حمود

محمد : الله وياكم بس هاا سمعوا لصلاة الجمعه تعالو هني

عمر : صج والله في مسيد هني؟؟

محمد : أي في بس بعيد يعني احنا نصلي الصلوات فالبيت

بس الجمعه والعيدين فالمسيد

عمر : زين زين خلاص عيل نكشخ لك بالثوب ههههههههههه

محمد : ههههههه ولايهمك ناطرك انا

عمر : يالله فمان الله ..

طلع عمر وجاسم وخذوا تاكسي

لان الجو كان مرعب ظلام وصوت الجلاب تنبح والبررد ..

خافوا وركبوا تاكسي

ارتاحوووو لان السواق كان عراقي ..

ركبوا ثنينهم ورا وجدام واحد من ربعهم بيقطونه على دربهم

لانه مع جاسم بنفس السكن

وعمر شقته بعماره يفصل بينهم شارع بس ..

عمر : محمد ساكن بروحه ؟؟

جااسم : لالا مب بروحه ، عايلته كل صيف تجي تقعد 3 شهور عنده

وعمامه و 2 من خواله وكم واحد يقربون له شارين هالبيت ويدرسون هني

واللي شغل ومادري شنو لخبطه والله

عمر : ماشالله والله حلو جذي ؟؟

جاسم : أي حلو والله الغربه مافيها حلاه ..

عمر : آآخ بهذي صدقت

سكتوا وعمر حط قلبة يده على جبينه وهو يفكر

وصلوا ونزلو

وصلو عمر وراحو ثنينهم ..

عمر ركب باللفت لين شقته ..

شاف البنت اللي دعمها قاعده على الدرج ومحاوطينها يهال ،،

كان اسمها ريمه ..

وتلعبهم

ركظت بنيه صغيره لعمر

الياهل : هذاااا اخووووووووووووووي ..

عمر : اههه لا ياحلوه انا مو اخوج

الياهل شوي وبتصيح : بلاااا انت اخووووووووووي

ريمه : تعالي هذا مو اخوج

البنت صاحت وتهز عمر : آآآآآآآآآآآآآآآآآآآآآآآآ ،، قول لها انت اخوي

عمر يشيلها ويمشيها فالممر : خلاص خلاص انا اخووج بس سكتييي

ريمه : مريم تَعالَي بعلم ابوج ترا

الياهل : اخووووووووووووووووووووووووووي قول لها

عمر نزلها : شوفي ،، اسمج مريم صح!!

الياهل وهي تفرك عينها : ايي

عمر : شوفي يامريومه الحين انتي روحي عند البنت وانا بتسبح وبرجع لج زين جذي؟؟

مريم تفكر : انزين بنطرك عند باب القرفه ( الغرفه) ..

عمر : ههه لا موزين نطريني ويا اليهال

ريمه تقرب منها وتشيلها : مشكوور ماتقصر

وقعدت تهاوش مريم بصوت هادي خخ

عمر خلاهم ودخل الشقه وطى على صوت القرآن

وفصخ جوتيه ..

اححححح ظهري متسكر والله لو عندي هالمريم الصغيره تدوس عليه جان زين


.* كيف نخفي حبنا والشوق فاضح؟؟ *.




" اترك لكم التعليق على هالمقطع .. "



خالد دخل هالحزه وهو معصب حده محد قدر يكلمه حتى غلا ..

سلم وطلع الدار وطلعت وراه غلا ..

رقع باب الحمام يتسبح

وطلع ..

غلا ماقالت ولاشي

بعد صمت ..

غلا : ماتبي تتعشى ؟

خالد : شبعان ، تصبحين على خير

غلا : !!!!!!!!!!!!!!!!!!!!!!!!!!!!!!!!!!!!!!!!!!!!

وانت من اهله

" وانا اللي انتظره ، صج انه ...... استغفر الله شفيه بعد كفايه اللي فيني "

تموا على هالحال 3 ايام

كلام وهواش على شنو مايدرون

خالد صار كلامه جااااااااف لغلا

وغلا صارت شبه كل يوم تصيييييييييح

بس طبعآ بدون لايشوفها خالد ..

الساعه كانت عشر ونص يوم الخميس فالبيت الكبير ..

لطيفه : اتصلي لريلج عشان نروح

غلا وهي تبلع الغصه : الحين يجي فالمجلس هو

لطيفه : طرشي له حد يستعجله

غلا : يمكن عندهم رجال فشله خله على راحته

لطيفه : ماعمري قلت لج شي وقلتي انشالله

تغريد : شفيج عليها لطيفه الله يهداج كلامها صح

لطيفه : ماقلنا شي بس لين متى بنتم !!

دخل عليهم خالد ..

خالد : السلااام عليكم

الكل : وعليكم السلام

الكل لاحظو ان خالد وغلا ماكلمو بعض وايد وشكلهم زعلانين ..

خالد : ها عمتي شلونج؟؟

تغريد : طيبه

خالد : مرتي وينها؟

تغريد : بالدار تلبس عباتها

لطيفه : يلا لاتبطون ..

خالد : انشالله ..

دخل خالد على غلا وهي ماعطته ظهرها تسكر عباتها ..

غلا سمعت ان حد دش بس شافت ظل خالد .. ماتحركت

خالد : غلا ؟

غلا ماسوت شي حركت شعرها على ورى ولمته ..

خالد نزل عينه ( لين الحين زعلانه علي بغبااااااائي انا الخبل )

خالد : اكلمج غلا ردي علي

غلا بصوت واطي حيل وهي تشيل شنطتها وشيلتها : انا خلصت بنطرك بره

مشت ويودها خالد بقووو من يدها وسكرت عينها بين عليها انها تعورت من مسكته

خالد : رحميني غلا

غلا طاحت دموعها من عينها : افففف خالد لاتسوي جذي ويالله خل نمشي

نفظت يد خالد ومشت عنه لفت شيلتها وطلعت من الباب اللي ورا

لطيفه : وين مرتك ؟؟

خالد وهو مستعجل : سبقتنا

لطيفه : يالله مع السلامه ياام علي

تغريد توصلهم لين الباب : الله وياكم ..

وبعدها جا ريل تغريد وردوا لبيتهم

وفضى البيت العود

دخله سعد ولقى امه نايمه

ظاق خلقه

محد وياه ، ياربي متى اعرس بس افف

=========================

دخلت غلا البيت قبلهم

وراحت لطابقهم وهي تمشي على الدرج

تحس بشي يظعف حيلها ماتقدر تكمل الدرج

بس غصبت روحها وكملته ..

وصلت لين الدار وقطت روحها على اقرب كرسي

حطت راسها على يدينها على الكرسي وهي مدنعه من عوار فيها ..

دخل خالد وجنه كان يدورها ..

خالد تخرع : شفيج غلا ! شي يعورج ؟؟

غلا تقوم على حيلها : مافيني شي مافينيييييييييي

خالد سبقها ووقف بويهها : وين بتروحين غلا ، قعدي معاي ابيج شوي

غلا تجتفت : شتبي مني؟ مو انا صاير كلامي ثقيل عليكم كلكم

انت وامك و حتى عمي مادري ليش !

شتبي مني الحين اقعد واغثك بكلامي ؟؟؟

خالد تنرفز : لاتقولين جذذذذذذي

غلا : شتبيني اقول عيل خالد ، انت اللي قولي شقلبك علي؟؟

خالد : ماقلبني شي مافيني شي بس كنت تعبان وماعرف شيطلع مني

غلا : ........ ( ماردت عليه )

خالد : غلااي تكفين انتي اللي شفيييييج والله مو غلا اللي اعرفها قولي شفيج

غلا بس سمعت هالكلمتين من خالد

طاحت على الكرسي تشاهق وهي تصيح

خالد تخرع : غلا شفيج ، ليش تصيحين (يهزها) ، غلا تحجي

غلا ترفع راسها .. : خالد بذمتك قولي

انت لو بمكاني تستحمل معاملتي لك بنفس معاملتك لي

بتستحمل معاملة امك لي !!

انا ماقدر خلااص والله احس بموووووووت خالد

تكفى اذا لي عندي غلاه عندك طلعني من هني

تعبت هالبيت خلاص بكبره صار يتعبني هو وبهله الله يخلييييك

خالد تذكر انه كان عازمها على الشاليهات ونسى

شلون راحت عن باله وهي ماذكرته كلش انا شلون نسيييييييييت

افففففففففففففففففففففففف صج اني ثوووووووووووووووووووووووووو
ووووووووووووووووووووووووووووووووووو
وووووووووووووووووووووووووووووووووو
ووووووووووووووووور ..

خالد : غلا خلاص انا آسف اوعدج ماعيدها وانا اسف على وعدي

انا بنطلع مع بعض ونسيت وغلاتج يالغلا مادري شلون راح عن بالي

خلاص من باجر احنا بره هالبيت زين ؟؟

غلا وهي لين الحين تصيح : يصير خير

خاالد : لاتصييحين ، عشاني غلا

غلا سكتت شوي وقامت عنه

خالد بعذوبه : وين رايحه عني !!!!!

غلا : راسي مصدع خالد ماقدر اقعد ..

خالد : اللي تشوفينه ، تصبحين على خير ..

غلا : وانت من اهله

راحت غلا تسبحت يمكن شوي ترتاح

وطلعت لقت خالد بالصاله يدخن

تنرفزت وصلت ركعتين رتبت الغرفه وعطرتها ونامت ..


******************

ترقبو الجديد من التقلبات والأحداث..

انتظروني


تحياتي
مجنونه بس تجنن

°¨*~¤¦ الفصل الثاني ¦¤*~¨°


.* يوم الخميس *.


خالد وغلا كانو واقفين عند باب الشاليه ،،

غلا قطت غشوتها وهي مرفعه حواجبها من أشعة الشمس ..

خالد كان يخشخش فمخباه يدور المفاتيح ,,

لقاهم ،،

خالد : بريلج اليمين

غلا : ههههههههههههه

خالد : يلا عشان يتبارك المكان

دخلت غلا وقعدت على الكرسي

وخالد نزل الشنطه ،،

غلا كانت ماعطته ظهرها وتفصخ عباتها وهي قاعده ..

حطهم خالد عند باب الغرفه وراح حذا غلا

قط غترته

خالد : اففف ليش الشمس نازله جذي

غلا : ههههههه تبي تشوووفك

خالد يكلمها بغرور بس باسلوب يذبح : صج عااد !

غلا مااتت منه وماردت عليه ظحكت وخدودها حممممممر ،،

خالد : بس الشمس !

غلا ظحكت وهي خلاص حست انها تغوص فجسمها من الفشله ..

خالد : اههههه شوي شوي

غلا : بس خااااااالد

خالد : عيووووووون خلود انتييي

دخل خالد وغلا شافو الدار

وارتاحو لهم ساعه من الطريق ،،

قامو على العصر

صلى خالد ولقى غلا حاطه الغدا وكان يووعان من قلبه ..

غلا : مايعت !!

خالد بلؤم : اوف من قلبي

غلا : هههههه زين يلا اقعد

خالد : انشالله يامدام

غلا تتخصر :افففففف ردينا

خالد : اففففف ردينا

غلا : خااااااااالد عاد

خالد : انزييين ياعمررررررري انتي خلاص قعدي

قعدت غلا مع خالد يتغدون وخالد يسولف لها بس بطريقه تظحك

وغلا تحس اللقمه ماتقدر تكملها من الظحك ..

دخلت غلا ولبست برمودا جينز وتيشرت أبيض عليه كرزتين بالفولك الاحمر

وربطت شعرها ربطه رفيعه شوي

كحلت عينها خفيف وحطت قلوس لمعه بس

طلع جمالها طبيعي حيل ولبست خلخال ناعم

قلبين واحد فصوصه شفافه والقلب الثاني أحمر ،،

خالد لبس بعد برمودا بس لين ركبته هم جينز وتيشيرب ابيض خفيف

ولبس نظارته ..

تعطرت غلا وطلعت شافت خالد بالصاله متسند على الطوفه على جنب ويدخن

مرت عليه غلا بكل هدوء وجاذبيه وجرت زقارته وصبت عليها ماي وفالزباله

خالد ( يهههههههههههههههههههههههه )

غلا طلعت برا وخالد لحقها

خالد يشوفها ( يحليلهااا والله هذي مال سباحه واقطها فالبحر ههههه فديت عمرهااا )

خالد : تعالي غلوي

غلا تتخصر : غلوي هاااا !

خالد : ههههههههه غلاا خالد انتي ادلعج

غلا : مابي دلعك

خالد : افاااااااااا ماتبين دلعي خلاص انا قررت اركب فوق البيت واقط روحي

غلا تناحسه : صج وناسه بروح وياك عيل

خالد راح لها وشالها ودورها فالهوا وقعدو على الارض بقوووه

خالد : تنتحرين هاااااااااا ، عشان اذبحج

غلا ماتت ظحك وهي تناهت دورها بقوه جنونيه : شدعوى لا انتحرت بتم فيني روح عشان تذبحها

خالد : آآخ وانا الحي شقول ، ذبحتيني وانتي روحي احبججججججج

غلا ماردت عليه وشالت شعرها اللي طيره الهوا من عليها

خالد : ماتبين تعرفين شنو هي المفاجأه ؟؟

غلا: اكيييييييييييد ابي متحرقصه بسمعها

خالد : افا عليج من هالعين قبل هالعين بس قبل

غلا : أي

خالد : ههههه ابي عربون

غلا : ههههههه صج لها عربون بعد

خالد : والله هو كاش مانقبل شيكات بس عشانج يلا

غلا : ههههه خااااالد

خالد : لوسمحتيييي ، محد ويانا تكفين ليش بخيله علي ( ينزل راسه ) خلاص ماجبرج

غلا ( واي يحلاتك ) : لاتزعل عاد

خالد وهو يمثل عدل يرفع عينه وهي تلمع : مازعلت حبيبتي

غلا تبوس خده وتصاصره : انت حبيبي ،،،

خالد : اوووش دام السالفه فبالي خل اقولها قبل لاتطير

غلا : ههههههه قول

خالد : شوفي حياتي ،، بس نرد الدوحه انشالله عندج اسبوع واحد بس

تتجهزين عشان تنزلين وتنورين بيتج الجديد

غلا: صج!!

خالد : صج الصج ، وبيت بعيد عن بيتا بس مو وايد

غلا : وين وشلون وعمي شقال؟؟

خالد : شوفي عمري ، رفيجي باني بيتين بس بمناطق غير والبيت يعني مو كبير حيل ولا صغير حيل

يعني يناسبنا والبيت فخم من داخل وسيع ، سعره كان مناسب شريته بس عشان اشوف ظحكتج

الحلوووه هذي ،، وبيتنا هذا انشالله يدبرونها يسوونه مجلس مطار مطعم قهوه اللي يبونه ،،

وبعدها جان ماعجبج البيت انا ابني لج واحد وعلى نظرج انتي وباللي تبينه ..


غلا كلمات خالد وايد فرحتها حست ان في حد صج يحبها

يدور وناستها ،،

وهي شكثر سخيفه وتافهه لما كانت تفكر باخوه

خلاص عمر لازم انساه وبالي يصير لك انت بس

خالد : ها شقلتي؟؟؟

غلا : شقلت .. !

خالد : أي شقلتي

غلا : أ ح ب ك

خالد : تكفييييين ، احلم انا !


غلا : هههه لا والله خالد ، انا يمكن قبل كنت مادري شلون مشاعري ملخبطه

من يومين قصدي وانت شفت وعرفت ،، سامحني على اللي طلع مني ، وصدقني ياخالد

انا حاولت وايد اتغاضى عن تعامل امك معاي بس ماقدر احس اني ماقدر اتنفس ،

انا وامك صعب نتوالف مع بعض هي تفكيرها غير وانا غير عنها حيل ..


خالد : بدون ماتقولين غلا ، انا عارف .. خلاص كل اللي صار انسيه

وانتي مثل ماصبرتي طول هالشهور اللي طافت صبري لج اسبوع بعد

وصدقيني انا بعوضج عن كل شي ..

غلا نزلت راسها من كلام خالد

خالد : اتفقنا؟؟؟

غلا تهز راسها ..

خالد : بسسس ماتفقنا على ذي

غلا رفعت راسها : شنو؟؟؟

خالد شالها بكل قوته ودخلها البحر وهي تصارخ ومتعلقه فيه

غلاا : لاا خاااااااااااااااالد تكفى

خالد : هاهاهاهاهاهاااااااااااااااااااااااااااااااااا ااااا ااا

غلا : الله يخليييييييييييييييييييييييييييييييييييييييييي يك.

خالد وغلا متشبصه فيه : شرايج ندخل فالغزيرر؟

غلا تصررررخ : لاااااااااااااااااااااااااااااااااااااااااااا ااا

خالد عورت قلبه وهي تصرخ وحطها على السيف وهو متبلل كله

غلا : جذي تسوي فيني الله يسامحك

خالد : ههه يحليلج غلوي خوافه

غلا : يالشجاع

خالد : خل يطلع لي حوت بس اراويج

غلا : ههههههه بسم الله .

خالد خذ شوي ماي وجر تيشيرتها من ورا وصبه

غلا صرخت : افففف خاااااااااااااااااااااااااااااااااااااااااااا ااااا االد

خالد : افففف خاااااااااالد

غلا خذت ماي ورشت عليه

خالد دخل فحلجه : وعععععععععع مالحححححححححححححححححححح احححح

غلا تظحك : ههههههههه تستااااااااااااااهل

شالها خالد وركض فيها بقو لداخل البيت وكانت المسافه كبيره

تعب من الركض

غلا : يووويلك ان قربت منييييييي

خالد : هاهاهههااااا كيف كيفي والله

غلا : واااااي افففف

خالد : واااااي افففف

غلا : بسسسس

خالد : بسسسس

دخلت غلا وقفلت الباب وقعد خالد بخياسه على الكرسي

ماي البحر ورمل غلا تسبحت بسرعه وشافت الوقت ظلم

طلعت وانسدحت لان حست انها تعبت شوي ،،

خالد يطق : غلا فتحي ترا بتسبح فالمطبخ

غلا : ههههههههههه دقيقه بس

غلا لبست وبدلت لبست روب حرير جنااااااااااااان لونه عنابي ونشفت شعرها عدلت شكلها وتعطرت ..

فتحت الباب