|
|
#151
03-16-2008, 05:44 PM
| ||
| | ||
| رد: غلا اوكي حبيبتي وهذي التكمله غلا ماتت وقفت تحس بطنها بيطيييح يالله شهالمنظررررررررر؟؟؟ تبي تمشي تحس ريلها مو شايلتها .. خالد كان منسدح جنه ميت والزقاير ماليه الطفايه غلا تخلبصت اكيد صار فيه شي اكيد انا شسوي الحين ماعرف شي راح تهزه .. غلا : خالد ،، خالد (تصيح ) خالد قوووم خالد خالد فتح عينه : شفيج غلا غلا : انت شفيك صار فيك شي خالد : لا بس غفت عيني وماحسيت غلا : اوف خرعتني عليك خالد : لا عمري مافيني شي غلا تمت ماسكه قلبها .. خالد : انا بطلع عندي شغل ، تامريني بشي ؟ غلا : لا سلامتك .. خالد : ماني مطول ساعه بالكثير وبرجع غلا : ولايهمك .. لبس خالد وطلع من البيت غلا نزلت للصاله وقعدت تشوف التلفزيون تمللت قعدت تكلم رفيجتها عاليه ويسولفون .. عمر كان راد من بره وجايب معاه عشاه هو ومحمد جاسم خلاهم هالمره .. ريما كانت واقفه مع مريومه يسولفون وجنها تنتظر حد عمر ظحك حق مريم .. مريم تسوي له باي وعمر يغمض له عيونها .. ريما: دشي داخل ،، وراحت لعمر .. ،، عمر ممكن شوي؟؟ عمر انصدم : نعم؟؟ محمد : هات العشا وانا انطرك .. عطاه عمر العشا ودخل محمد عمر : آمري؟ ريما : انت شتبي فينا؟؟ عمر : شبي؟ مابي شي؟؟ ريما : كل يوم طالع لي حتى بالجامعه و صاير ونيس لاختي وطاقها رفجه مع بنت عمي .. عمر : اناا؟ ريما : بلا هالحركات ترا مكشوووفه .. وراحت عنه عمر طنقر وصل حده وصرخ عمر : هيي انتي ريما فتحت عيونها : شنو هي عندي اسم انا عمر : ماحب انطقه ، وانتي اللي بلا هالحركات ، انا واحد ماعندي هالخرابيط اللي حاطتها فبالج وانتي اللي كفاج تلاحقين لج رجال وانتي البنت ترا عيب اللي تسوووينه وان كان مفكرتني مرابع اختج لغرض تراج غلطانه ياهل وحبيتها وشكلي غلطت بهالشي وراح عنها وكفخ باب الشقه .. قعد يتعشى وماقال لمحمد شي ولما شاف جاسم ثاني يوم قال له .. جاسم : شفيها هذي؟؟؟ وانا اللي اقول ذايبه فهواك عمر : يلا زين جاسم : اففف بس اللي وياها علتني اسمها غاليه تدري عمر طرت عليه غلا وظحك له .. جاسم : غاااالي علي واغلى من كل البشر عمر يرفسه : جب بس جب جاسم : تدري ان باجر مسوين لنا كشته عمر : هههه صج وين جاسم: زا سي عمر : البحر؟؟؟؟ جاسم : أي يبا بحر امريكا عمر : ههههههههههههه جاسم : بروحي متنان حدي ابي شورت ابي شورت عمر : شايفني فاتح محل بالله قاعد وتتأمر علي جاسم : لا ابين لك حاجتي بس عمر : اها جاسم يبتسم : نعم نعم .*.*.*.*.*.*.*.*.*.*.*.*.*.*.*.*.*.*. |
|
#152
03-16-2008, 05:45 PM
| ||
| | ||
| رد: غلا سعود خذ مرته وراحو سكنوا فالبيت العود مع امهم ،،، امه كانت خلاص كانها ميته انصدمت وايد بعيالها ربتهم وكبرتهم وزوجتهم وفالآخر راحو وخلوها .. وماعندها غير آخر عيالها سعود .. ان راح عنها ياويل حالها .. لطيفه : هااج يمه شربي على الاقل شوربتج اليده : مابيها يمج ، شبعانه سعود :يايمه ماكلتي شي مب زين لصحتج اليده : ماعليه يمك العصر بنطر الغدا سعود : لاحول الله ، على راحتج يايمه سكتت ودخلوا عليهم خالد وغلا .. خالد :السلااااام عليهمممم سعود وهو يظحك على ولده : وعليكم السلام ، هلا خالد خالد يحب راس يدته وبعدها ابوه : شلونك يالغالي؟ سعود : طيب ، شخبارج ياغلا ؟ غلا : حمدلله عمي (بعد ماسلمت ) سلموا على لطيفه وهي توها داخله الصاله كانت تجييك على الغدا . خالد : ها اشوفكم استحليتوا البيت غلا تظايقت وينه عمي؟ وينه انا كل ماجي هني اشوفه نازل من هني نايم على هالكرسي يتغدا يتكلم يظحك .. تظايقت وخنقتها العبره وسكتت .. خالد بدا ينسحب شوي شوي من سوالف ابوه الممله وراح لمرته لمى راح ابوه يبدل عشان الغدا .. ويدتهم تطالع برنامج فالتلفزيون كان نظرها خفييف بس تسمعه .. خالد يروح لغلا : ليش ماتقطين عباتج ؟ غلا : الحين اقطها (عيونها كانت تلمع وصوتها يرقل) .. وقفت غلا وسحبها خالد قعدها : شفيج ياغلا؟ شفيج ياعمري؟ غلا : لا ولاشي خالد : قولي لي عشاني غلا : صدقني مافيني ، عادي شفيني؟ خالد تنهد وهو مب راضي عن اللي فغلا وهي راحت الدار وفصخت عباتها لين الحين مابين بطنها وهي فالشهر ال2 .. وقفت غلا عند الدريشه وسندت راسها عليها ودموعها تطيح على ويهها (( وينك عمي ليييش تروحون وتخلووني ، يارب تاخذني انا بعد حرام اللي انا فييه انا اتعذب وخالد يداريني وانا ماقدر حتى اجامله )) دخلت عليها لطيفه .. لطيفه : شيصيحج ؟؟ ^^ الحين بدال لاتواسينها تتنهزرين عليها .. غلا : مافيني شي لطيفه : ها متهاوشه وياريلج؟؟ غلا : الله لايقولها ، مابينا شي دخل خالد .. لطيفه : عيل شيصيحج خالد راح عند مرته ولمها على خفيف ييبي يعرف شيصيحها .. خالد : شفيج غلا ؟؟ لطيفه : اكيد متهاوشين خالد : افا احنا ؟ لطيفه : شيصيحها عيل؟ خالد : شفيج عمري؟ غلا : مافيني شي والله لطيفه : قاعده بروحج وتصيحين غلا : حرام اقعد بروحي ، بالغصب بتخلون فيني شي (ووخرت عن حظن خالد راحت غرفة عمها سعد وقفلت عليها الباب.. وانهارررررررررررررررررررررررت صياااح تشهق وتصيح تحس روحها بتطلع وهي تصييح .. تلف على الكمدينه صورته وهو لابس بدلة شرطه مع خالد بالثنوي .. وقفت عند المكتب تشوف من تحت قزاز الطاوله حاط صور غلا وهي صغيره وصوره صور العايله كلها تقريبا طاحت تصيح بموت والله بموت .. تروح تشوف كل شي فالدار وتصيح خالد : فجي لي الباب ياغلا ، فتحي يايبا مب زين اللي تسوينه غلا ماترد عليه خالد : فتحي ياغلا فتحي غلا : رووووووح عني روح خالد : اعوذ بالله ردينا ومشى عن الباب غلا هني ماعرفت شطلع منها رديت اطرده رديت افكر انه بسبته مات انا شسوي غلا ماكانت تدري انها فخرافات الحمل .. يعني تسوي تصرفات ماتدري انها تطلع منها .. قعدت غلا تطالع عمرها فالمنظره وتمشط شعرها وهي تصيح كانها ففلم رعب .. تجمعوا كلهم على الطاوله لان انتظروها وايد كلهم قاعدين ياكلون وخالد يدينه الثنتين رافعهم لحنجه وهو محتر ينطرها شوي الا تصرخ من فوق : خاااااااااااااااااااااالد خالد فز من كرسيه وطار لطيفه : شفت هاي وهي توها طاردته طار لها سعود فتن عليها : يامره وانتي شعلييييج خلج بحالج وفكيهم من شرج لطيفه بلعت لسانها .. خالد وصل لها وهو يركض وبحنيه : ها عمري؟ غلا : خالد صدقني توني شفت عمي توني خالد (هااااه؟؟) : شتقولين غلا الله يهداج عمي توفى الله يرحمه غلا تصيح وتتكلم : لا خالد توني ( تمسح دموعها) ، شفته حتى قعد معاي بس ماطول روح جيس السرير كان قاعد عليه خالد ماصدق بس غلا كانت تدزه لين السرير حط يده عليه وصج كان المكان دافي جنه حد قاعد عليه ، بس طبعآ خالد ماصدق قال يمكن هي اللي قاعده .. خالد لمها : لا ياغلا عمي خلاص توفى يتراوالج غلا توخر عن حظنه : صدقني صدقني انا شفته بعيووووووني خالد : حياتي شتقولين انتي خالد توه بيكلمها الا يشوفها مب متحمله شي وصاحت من كل قلبها لمها وخاف من كلامها اللي قالته شلون شافته؟؟ يعني شالسالفه انا بديت اشك بنفسي ياااغلا كفايفه جنووووووووووون هالمره شنو بتخليني ابيع ثيابي غلا مادرت عن عمرها انها نامت وهي لامته خالد ظحك بس ارتاح .. طلعها من دار سعد وحطها بدارها .. غطاها وتم يطالع دارها اللي كانت فيها اول مره .. ماقيد نفسه بأي شي وعطى لنفسه الحريه المطلقه وتم يشوف كل شبر بدارها اشوى ان غلا كانت رافعه هدية عمر وناسيتها فوق الكبت .. قعد يشوف كم لبسه ينعدون على الاصابع وكبت عريض وعلى جنبينه اليمين و اليسار كباته طوال مثله قزاز وعلى قزازه ستاير شيفون .. فتحه لقاه مبطن من داخل بالعنابي الملكي لقى فالوسطي فستان عرسها .. ابتسم ابتسامه فقصت غمازاته .. عيونه تبرق قاعد يشوف الفستان وتذكر غلا يوم العرس شنو كانت مستحيه منه مارفعت عينها كلششش فتح الكبت اللي مثله على يمينه .. لقى البومات اوف شنو يموت على شي اسمه صور .. طلعهم كلهم وفتحهم واحد واحد اول البوم كان وردي وفوشي وقلوب وورود وحالة مال مراهقات يعني على الغلاف صورة غلا مع وحده .. قال اكيد هذا لها ولرفيجاتها خلاه على جنب وقلبه عشان مايشوف الصور .. خذ الثاني كان لونه بني وعليه نفش بالذهبي .. فتحه كانت كلها صور غلا استخف حطه جدامه وانسدح على بطنه مراحل عمرها كلها صوره صوره .. صورها يوم هي صغيره بدون اسنان ويوم كبرت بالمدرسه بالروضه حتى باول يوم مدرسه مصورينها ،الروضه،اعدادي،ثنوي حتى صور لها بالجامعه .. وصور بره قطر وصور فنيه استانس وقعد يطاااالعهم ورجع شافه من اول وجديد يمكن 4 مرات خلاه على جنب وخذ اللي وراه الالبوم كان اسود وعليه شريطه حمرا فتحه صور لامها وابوها بس .. حزن وايد لما شاف صورهم .. والي بعده لعمها سعد واللي بعده ليهال العايله وووووووووو ،،، إلخ |
|
#153
03-16-2008, 05:45 PM
| ||
| | ||
| رد: غلا رجعهم وخلا البومها وياه .. كان كبير شوي الالبوم .. فتح اللي على اليسار .. لقى كله بوكسات وداخلها اشيا تخص غلا رسايل من صديقاتها كروت وبوكس مليان ورق لف لهداياها ظحك عليها خالد : يحليلها والله كل شي محتفظه فيه هالبنيه ، هههههه مب انا ملابس امس مادري وينها اذن عليه العصر رجع كل شي بسرعه ودز الالبوم تحت سريرها .. راح صلى وقعد يقرى له قرآن شوي .. خلص ولقى واحد عند باب المسجد يجمع تبرعات عطاه وراح يدور نعاله .. ياربي انا متأكد حاطها هني وين راحت دورها دورها مالقاها افتشل يطلع جدام الرجال حافي رد داخل المسجد وتم ينتظر تسند على عواميد المسجد وقعد يسبح ويذكر الله ويظحك على حاله بايقين نعالي شاف المسجد خلى من الرجال مافي غير الامام وحلقة يهال يسمعون قرآن ابتسم لهم خالد وطلع .. مشى لين البيت بسرررررعه .. راح لقى غلا صاحيه بس لين الحين فدارها اشوى انها ماكانت تذكر ولاشي من اللي صار كلشششش خالد على طول دخل الحمام يغسل ريله .. غلا عند باب الحمام المشرع .. غلا : شفيك؟؟ خالد : شفيني، واعليه وعلى حالي رحت المسجد وباقو نعالي غلا : ههههههههههههههههههههههههههههههههههههههههههههه ههههه ههه هههههههههههههههههههههههه صج خالد : أي والله باقوها غلا : ورديت حافي خالد : شسوي اتم اطر .! غلا : ههههههههه خالد : اححح القار حاااااار حرام عليج غلا : ههههههه تستاهل خالد : الله يسامحج غلا : يسامح الجمييع خالد : عادي عادي احبج غلا : يه وراحت عنه خالد شاف في شور جل لونه احممممممممممر خذه وحطه على ريله شوي وعلى المغسله وشوي على الارض وقطه فالزباله خذ الكاس المحطوط ورضخه بقوو غلا وقف قلبها وجاته تركض : شفيييييييك خالد اللي كان يمثل ببراعه وهو منسدح على الارض خالد : آآآآآآآآآآآآآآآآآآآي ريلييييييييييييييييييييييييييييييييي اححححححححححح غلا : بسم الله عليك ، قوم خالد خالد يفتح عين وحده : احيييييييييييييييييييييييي ماقدر غلا : خالد شسوي انا قوم زين بره الحمام خالد : مش آآدر غلا : خالد مو وقته بس لبره الحمام هات يدك غلا شافت فقاقيع صارت على رجله غلا درت انها تمثيله : حبيبييييي والله تعورت خالد : أي أي والله وايد تعورت غلا غلا : دقييقه بس راحت غلا وجابت شوية ماي وحطتهم على ريله غلا مسحت الصابون على ريله كلهاااااا وقاعة ريلها غلا : يلا قوم يالمتعور خالد : اففففففففففففففففف صج نذله بزلق الحين غلا : عشان ماتجذب مره ثانيه خالد : ادري بروح النار بس حرام عليج والله حرام ابو ولدج انا غلا : مالي خص . خالد : الله يسامحج طلعت عنه غلا وخالد تحسف على تمثيليته شلون بوقف الحين بالله صج اني ممثل فاشل زحزح عمره على ورا كثر مايقدر وحط ريله بالبانيو وشغل الماي غسل الصابون عنهم وطلع خالد : تسوين روحج مالج خص وبريئه غلا كانت واقفه تاكل CHOCOLA خالد : زين عطيني شوي تكسر له غلا قطعه وتعطيه خالد فتح حلجه لها ههه ويوم كلها : هممممممممممم غلا : امك لين الحين تحت ؟ خالد : نعم لين الحين السدره تحت غلا : ههههههههه خلصت غلا اللي في يدها ومادرت انها خلصت كل اللي عندها غلا : خااااالد (وهي شوي وتصيح) خالد تخرع: ها شفيج شيعورج غلا : مايعورني شي ، ابي جوكلت خالد : غلا عمري خلصتي اللي هني كله وحامج عليه شنو شبتجيبين لي الله يهداج غلا : مالي شغل ، ابي الحين خالد : عمري الساعه 3 مافي شي فاتح غلا : افففففففففففففففففففففففففففففف خالد : خلاص بروح بروح غلا : نص ساعه بس ولا تعرف شبيصير خالد : انشالله طلع خالد فعز الشمس وراح للاند مارك دخل السوبر ماركت خذ فوق ال5 علب CHOCOLA .. طلع منه ودخل ماركس خذ كل شي من الCHOCOLA عندهم حتى مصاص لليهال خذه طلع بعد وراح الاوبرا كانو يسوون اشكال كلها بالكافي خذ واحد كبير على شكل Angel خذهم حطهم فالسياره وشغل المكيف على اعلى شي تجمد المسكيين رجع للبيت وكلهم نايمين دخل خالد الاغراض وغلا تظحك عليه خالد : أي ظحكي خميت كافي الدوحه كله اصلآ غلا : مشكوووووووور عمري (تبوس خده) خالد : اصلآ رحت كل مكان وشمس على راسي غلا تظحك وترد تبوسه خالد : من مكان لي مكان تخيييييييلي شوي واروح البحرين غلا تبوسه ولمته وهي سكرانه ظحك خالد : والله على حدود الصين غلا : ههههههههههههههههههههههههههههههههههههههههههههه ههههه هه ههههههههههههههههههههههههههههههههههههههههههههه ههههه هههه خالد : شفيج يلا غلا : هههههههههههه بس بس باكل خذت غلا علبه كامله وكلتها وخالد يبوق شوي وتضربه على يده .. خالد : اححح يالبخيله انا شاريهم غلا : يعني؟ خالد : بس شوي غلا احبه الله يخليج غلا : ههههههه مافي خالد باق واحد بسرعه وشرد غلا : ههههههههههههههههههه اخذه حلال عليك خالد جنه ياهل بو 5 سنين مو رجال بيجيه ولد .. .*.*.*.*.*.*.*.*.*.*.*.*.*.*.*.*.*.*. |
|
#154
03-16-2008, 05:47 PM
| ||
| | ||
| رد: غلا عمر وشلته كانو قاعدين بشورتات وتيشيرتات نص كم ونظارات عاكسه وكشخة البحر لاعبه لعبه وصافين على البحر وحاطين جاجز شبك بينهم وبين البحر اللي خلوه للبنات .. قامو نص منهم لعبوا كرة طائره ونصهم تسبح فالبحر .. بعدها تجمعوا الخليجين وعمر وواحد ثاني اصواتهم حلوه يغنون والباقي يبلفيت ايقاعات واحد ماسك علبه معدن (طبل) بس عمر عالعود وواحد كاسات وقفشه (بيانو)  يصفرون يعني ناي والبيقيه يصفقون ورداده (( شرايكم حد يبي يسجل فهالفرررررررقه؟؟؟؟ )) عمر : يلا شبااب شتبووووون ؟؟ جاسم يصاصره .. عمر : يلا روح جاسم : تكفىىىىىىىىىىىىى عمور طالبك عمر : زين زين بس لاتفضحناا قال حق اللي بيغني وياه توه الثاني ( ثامر) بيتكلم عمر : لا الله يخليك بتقول للفرقه الموسيقيه يعني ثامر : هههههههههه عشان يدرون بس لايخربونها عليناااا عمر : يلاااا ياشباب جاسم يستعبط : يلا يابنااااااااات << يقلد شمس .. ظحكوا الشباب 1 2 3 احباب // احباب عسى دايم نكووون احبااااب عسى الله مايجيب عتاب ولا بعد وهجر وغياب عسانا مانتفارق يوم عسى دايم نكون احباب بدى التصفق يعلى ويعلى والبنات قاعدين يسمعونهم .. من الدنيا وش المطلوووب؟ سوى راحة فكر وقلوب وخلٍ في هواه تذووب وهو مثلك ف حبك ذااب جاسم قام يصفق بهبل وعمر يظحك عليه.. عمر ياشر له بس ،، وهو يدق .. جاسم ياشر لالا .. يبيه يكملها عمر ماعانده .. عسى تسلم وتبقى لي فرح دنياي يالغالي فقربك ياهنيالي تهنيت وزماني طااب الشباب كلهم صفقوا حتى البنات عمر استتتتتتتتتتتحى مايحب هالموااقف الشباااب : شنو من صجكم يلا يلا بعد ثامر :ها شتبون بعد واحد منهم : يباااا خلونا نذكر حجينا بس كلهم : هههههههههههههههههه عمر : آمروو انتوا شتبون بعد كلهم قالوا له على كيفك وخلوا هالمره بس عمر اللي يغني .. عمر سكت شوي ورجع لهم .. لا واهنيك دالهن يابوسعود تمشي وقلبك دايمٍ سالي مالاعك اللي لاعني يابو سعود ولا جرى لك ماتهيا لي ماصاب كرعك راعي العيون السود ولاشكيت مفارق الغالي ماصوبك راعي العيون السود ولا شكيت مفارق الغااالي اسهر وكل العالميين رقود ودموع عيني تهمل همالي اسهر وكل العالمين رقووود ودموع عيني تهمل هماالي اللي نبيه ماعاد به موجوود يابوسعود هذا منزله خالي (يرجع يعيد) اللي نبيه ماعاد به موجوود يابوسعود هذا منزله خالي ماهو بقصده يوم راح صدود لا شك هذي دبرة الوالي .. يالله عساها كل زمان تعود وترجع ليالي ضايق البالي بس اتحرى يومه الموعود حالي قضى ماعاد به حالي لا واهنيك دالهن يابوسعود تمشي وقلبك دايمٍ سالي ،، سكت عمر وربعه سكتوا الاغنيه تدل على شي صدمهم بس ماعرفو صفقوا وبعدها طلبو اغنيه عمر : عاد هالمره دور ثامررررررر الشباب : لالالالالالالالالا وياه انت عمر : بس بس خلوه هو صوته احلىىىىىىىى ثامر : لا ابغاك تغني معااي عمر : خلاص عيل ثامر : بس بنغي لكم نقاازي نبي الصفقه عشان نحرهم (ياشر على البنات وقامت صرخات الصبيان Woow ومادري شنو واووكي ويلا .. )) ثامر : 1 ,, 2 ,, 3 .. خمس الحواسس ساألني عنك وقلبي فيه جرحين جرح التجافي والتجني وجرحٍ سكن في قلبي سنين الشباب ماتو ظحك بس مب كثر عمر اللي سكر عمر يأشر له شنو ذي والشباب الاماراتيين قامو ييولون وعمر ميت ظحك ماقدر يغني معاه حتى .. كل مانسيت يذكرني الشم ، والتفكير ، والعين واحساس قلبي لك يعني ويحير دمي فالشرايين ! ان كان قصدك تمتحني ترا حياتي بين قوسين صنت الليالي وغدرني والحين وين انت وانا وين؟ وبعدها كلهم قامو يلعبون كرة قدم وريمه سرحت فعمر بعد ماتوزعوا البنات .. دخلوا كلهم الشباب لان هالوقت خصصوه بس للبنات ينزلون للبحر اذا يبون في بنات نزلو وتسبحوا بس ريما وبنات خالتها لا قعدوا شوي غطوا ريلهم فالماي راحو لاخرررر البحر بعيد كل البعد عن شاليهم .. يمكن نص ساعه مشوا عشان الشباب مايشوفونهم وعاشه تصور بالفيديو عاشه : يلا كل وحده تقول شي حقي ريما : بقولج متى بتيوزين عن هبالج عاشه : واي ياقلبي مشكوووووووره وتمت كل وحده تقول شي عاشه : يلا سوو دعاية شامبوو هههه البنات ماجذبوا خبر كل وحده قطت شيلتها وفلت الشعر وتمت تطير شعرها وحاله .. عاشه تسوي زوم عليهم وتقول.. عاشه : لا تضيعووووونه كل الزواحف القوراض الدينصورات من شعرج بتنزل غاليه : هههههههههههههههههههههههه دانه السعوديه : زواحف كمااان عاشه : ايه تتوفر بكثره عندج دانه : ههههههههههههههههه ----------------------------------------------------------------------- رجعوا البنات لمقرهم ودخلوا فالخيم اللي حاطينهم لهم .. بعدها جمعوا البنات والشباب فالخيمه الكبيره وحطوا لهم عشاهم وكان في مدرس لهم منعجب فجمال غاليه .. حاط شوايه ويشوي لهم اونه باربكيووووووووووووو .. ريما كانت طول الوقت تراقب عمر وهو ولا يدري عنها سارح بدنيا ثانيه ،، دنيا غلاه .. شآخرررة عمر وحبه الأبدي لغلا ؟؟؟ ريما شبتسوي عشان عمر يحس انها تحبه !! وخالد ؟؟؟؟؟؟ |
|
#155
03-16-2008, 05:50 PM
| ||
| | ||
| رد: غلا عمر وربعه خلصو عشاهم وشالو الأكل يحطونه فالمكان المخصص له .. عمر وهو يسولف مع رفيجه يطالع ،، شاف ريما ( شفيها ذي؟؟ ) .. عمر : انزين ، اقولك بس والله ومن يومها ولا شفته جاسم : ياراجل عمر : ههه والله العظيم جاسم : اتصل له عيل عمر : بتصل والله بس الحين الشسمه ، كرتي الرصيد بيباي جاسم : ااف جان تحجيت هني وين نلاقي حد يبيعهم عمر : لا عادي بروح اسالهم انا وبرد لك جاسم : اوووكي تسند جاسم وقعد يشرب كولا وهو يطالع غاليه .. جاسم : شيهانه واللللله لفو عليه ربعه وردو كملو سالفتهم .. سأل عمر واحد من المدرسين وقال له بيلقى بس لازم يمشي شوي قعد يتمشى ولقى مثل المنتجع .. دخله وشكله كان حيل محترم بينهم .. عمر استحى من المناظر اللي شافها وطول الوقت عينه فالارض .. دور على نفس الكشك اللي قال له عنه المدرس وراح عنده .. ريما بهاللحظات زهقت من سوالف رفيجاتها وطلعت تتمشى بروحها شافت حد جاي من بعيد كان عمر .. قعد تراقبه لين وصل عمر ماحس لصخره صغيره بس هزته وطيحت نظارته عمر ( اوووووف مو وقتها كلش ، وين راحت ذي ؟؟؟؟ ) عمر يتلمس الارض يدور نظارته وشكله كان يقطع القلب ريما كانت تمشي له بسرعه وعيونها متروسه دموع شكل عمر اعجز عن تعبيره شاب توه فأول عمره هذي حالته موطي وهو مغمض على عيونه يدور نظارته على الارض .. ريما : كاهي كاهي .. عمر خذها ولبسها ونفض يده من الغبار شافها ورفع حاجب : شكرآ ماتقصرين وراح عمر عنها .. ريما ( ياربي احبه والله العظيم احبه يجنن هاوشني وبعد احبه )) قعد عمر وسط ربعه واستأذن منهم وطلع قعد على كرسي خشب صغير يحاجي رفيجه تركي .. عمر : الوووووو !! تركي : هلا والله حي هالصووووووووووووووووووووووت عمر : بك زووووووود يالغااااااااااالي ولهناا عليك شخبارك شمسوي ؟ تركي : الله يسلمممك والله انا والربع كلنا مشتاقين للك تم عمر يسولف معاه وريما منخشه بس تتسمع عليه قربت اكثر لقت صوته انقطع .. طلت لقته محد وماحست الا بقبضة يد قوووووويه على جتفها .. شهقت وطالعت كانت عاشه ريما :افففف بسم الله خرعتيني شتبين انتي عاشه : شتسوين ريما :ماسوي شي قاعده عادي عاشه : علينا زين يلا امشي ريما: ليش عاشه : شيقعدج بروحج ريموه ردي داخل ويانا ريما : شوي وبرد زين عاشه : بنرزح انطرج ترا ريما :ههه اوكي دخلت عاشه وتلفتت تدور عمر لقته بعد شوي تمت مكانها وعمر مشى لين رد لمكانه وصار السمع واضح لها .. سرحت وهي تسمعه وتلعب فاصابعها .. عمر : ممكن اعرف شتسوين ؟؟ ريما فتحت عيونها أكيد حلم : شنو؟؟ عمر : شمقعدج هني؟ شكلها كان واظح انها تتسمع عليه لانها قاعده فمكان مو للقعده .. ريما : كنت ،، انا ، قاعده انطر رفيجتي عمر : ريما كبري عقلج هالحركات مب للبنات مب هم اللي يقطوون روحهم ترا ها .. ريما : وانا اقط روحي على من؟ عمر : سألي نفسج بتلقين الاجابه صدقيني ريما : انت مستحيل يكون بقلبك ذرة احساس عمر مندهش : انا؟ ريما :أي انت عمر : انا شسويت عشان اتجرد من الاحساس بالله ! ريما : انت لو تحس ماعاملت بنت بهالطريقه عمر : والله انا اعامل كل بنت بالطريقه اللي تناسبها ، ولعلمج انا اكثر واحد فنان بالتعامل خصوصآ مع البنات ريما : وبنت عمك الدليل هدتك وخذت غيرك .. عمر رفع يده وانتبه لنفسه ثووووووووووووور عليها عصب حده عمر : وانتي من عشان تكلميني ولا تتجرأين وتجيبين طاري بنت عمي اللي تسواج على لسانج؟؟ هذي مره صدقيني وان عدتيها اعلمج طاري من اللي تطرينه ريما : بتمد يدك بعد عمر : لمثل اشكالج اللي ماعرفوو السنع وشلون يعاملون الرجال ريما خلته ودخلت وهي متخرررررررررررررررررررعه ريما : خلاص خنرد الغرف انا بنام غاليه :أي والله اخذيني وياج .. وراحو وريما تمشي بسرعه.. اول مافتحوا الغرفه دخلت الحمام تتسبح وتصيييح انا شسويت شسوييييييييييييييييييييييييييييييييت عمر دخل على ربعه وهو متنرفز محد قدر حتى يسأله شفيك ولا يغير جوه .. .*.*.*.*.*.*.*.*.*.*.*.*.*.*.*.*.*.*.*. |
 |
| مواقع النشر (المفضلة) |
| |
العرض العادي
