.* بعد مرور اسبوعين *.


خالد وغلا كانو قاعدين ،، غلا فهالفتره مرت فحالات نفسيه كسيفه اذا صح التعبير. .

بسببين موتة عمها ، وحمالها ..

وكانت دايمآ تحط اللوم على خالد

وخالد يسكت يخليها تطلع اللي فيها فيه

لدرجة انها تضرب بس مو ضرب قوي

لمن تصيح تطقه وتدزه لبره الدار ..

خالد ماقال لها أي شي بالعكس

كان يلمها ويخليها تطلع كل اللي يجيش بصدرها . .

خالد كان قاعد بالدوام ويفكر بأي شي ينسي غلا اللي هي فيه

غلا لما تكون مستانسه احس كل شي كامل فالدنيا

لكن من يصيدها أي شي تظيق علي هالدنيا شسوي ياربي

انا ابتليت فهالصغيره مادري صج احبها ولا بس ......

قعد يفكر وحط آخر حل انه يستشير دكتور نفسي

شاللي يسعدج ياغلا ؟

ياريت لو اقدر اسالج وتردين

لكن ادري مستحيل يطلع منج هالشي

فكر خالد ورسى على حل

" انا ليش ماكلم خوالي وهلي ونرد مثل قبل ، يمكن اذا رضوا تتغير نفسية غلا

بالجمعه ومع بنات خالي ، تلهى معاهم شوي وتنسى .. ! "

اقتنع خالد بالفكره وعلى طووووووووووووووووووووووووووووول رفع السماعه

كلم خواله وخالاته وتغريد وريلها وأكيد على تغريد لان غلا ترتاح لها مع انها اكبر منها ،،،

أكد عليهم خالد ان باجر الخميس يتجمعون

والجمعه الغدا فالبيت الكبير واللي بعده عندهم وبعدها عند خاله وجذي

وماتوقع ان خواله بيرحبون بهالفكره ..

استانس خالد وارتاح ،،

اتصل لها خالد وردت غلا

غلا : تووك تفتكر فيني وتتصل ؟؟

خالد : خل العتب واسمع لروحٍ تناديك وان ماسمعت اقرى فعييني اشتياقي

غلا : صج

خالد : صجين ولهان عليج حددددددي

غلا : متى بترجع ؟

خالد : امممم يقولون قلب المره دليلها

غلا : هههههه من صجي خالد

خالد : لا بسويها مفاجأه

غلا : زين

خالد : يلا عمري تحملي بعمرج

غلا : انشالله ، لاتتأخررر

خالد : لالا يرن الجرس قصدي يخلص الدوام وانا طاير للبيت

غلا : هههههههههههههههههه

خالد : فمان الله

غلا : مع السلامه


.*.*.*.*.*.*.*.*.*.*.*.*.*.*.*.*.*.*.*.*.

عليا خطيبة سعد من الجهه الثانيه من كثر حنة امها عليها انها تاخذ ولد خالتها

قررت تذبح عمرها ..

فتحت باب حمامها (وانتوا بكرامه) ..

طلعت حبوب وخذتهم كلهم ورا بعض ..

حست بشي فظيييييييع فراسها ثقلت ماتقدر تمشي

طلعت من الحمام وووو




خواتها كانو رادين من السوق يدورونها مالقوها ..

قالت لهم امهم انها نايمه ..





.*.*.*.*.*.*.*.*.*.*.*.*.*.*.*.*.*.

خالد رجع من الشغل للبيت دور غلا مالقاها ..

صعد للدار ولقاها ..

خالد : هلا واللللللللللللله

غلا تظحك : اهليين عمري ..

خالد : انتي وينج ادوررج

غلا : يه كاني

خالد : لا وينج

غلا : ههههههه خالد

خالد : عيووون خالد انتي

غلا : يلا ماتبي تتغدى

خالد : امبلاااااااااااااااااااا من قال مابي

غلا تفرصه : عيل بدل وانزل

خالد يرفع حاجب : انزييين

غلا : مو تتأخر

دخل خالد غسل وبدل ملابسه وغلا كانت تسكر باب الكبت

بطنها لين الحين ماكبر ولاشي ولا جنها حامل ..

خالد : وينه بطنج

غلا افتشلت من قلب : وينه ؟ كاهو

خالد : عيالي وينهم ليش جذي صغار

غلا تدز يده : خااااااااااااالد

خالد : غلا خالد انتي

غلا ماعلقت ومشت قبله

شوي الا حد طاير فيها لين اخر الدرج ..

نزلها خالد ..

غلا : لين متى يعني

خالد : كيف كيفي

غلا قعدت على الطاوله وحطت راسها على يداتها وهي شابكتهم ..

رفعت حاجب وهي تطالعه ..

قعد خالد وتم يطالعها

تطالع ويطالعها ،، غلا ماسكه ظحكتها وخالد كلششش جامد

غلا ماتقدر تمسكها بعد

خالد نظراته تقوى وهو يرقص حواجبه ..

غلا انفجرت ظحك : خلااااااااص عاد

قعدوا يتغدون وغلا مالها نفس للأكل ..

خالد : اليوم معزومين

غلا : وين ؟

خالد : البيت العود

غلا وطت راسها ولفته الصوب الثاني ..

خالد يهد الشوكه من يده ويلف وجهها : طالعيني غلا

غلا ترفع عينها و هي تبرق من الدموع اللي حابستهم ..

خالد : لييش ياغلا ؟ بعد دموع شقلنا احنا

غلا : انشالله ..

خالد تنرفز كل مانست رجعت تذكر شسوي بعمري

غلا تبي تغير الجو الي خربته : من عازمنا ؟

خالد استانس : كلنا بنتجمع اليوم ..

غلا : والله ، زيين حلو

خالد : عاد هااا راويهم مرت خالد شلووووون احلاهمممممممم وتسواهمممم

غلا : هههه انشالله ..

خلصوا وطلعوا لغرفتهم ..

انسدح خالد على السرير وهو يطالع غلا

كانت تطالع عمرها بالمنظره ..

بعدها فتحت الكبت تشوف شي تلبسه ..

جاها خالد من وراها ..

غلا لفت عليه : شفيك ؟؟

خالد :


قولي حبيبي قولي

قولي اني اتنفس هواك

قولي نديمك قولي

قولي افراحي معاك



غلا تمسك يده وشفايفها مبتسمه بخجل ..

خالد يقعد على ركبه ..


اعرفي اني مانسجت الحلم واحساسي

اعرف اني ماطلبت الصبر في ياسي


يقرب يدها ويبوسهااااااااا ..

خالد سحبهاوقعدوا على السرير ..

غلا : شنو بعد ؟

خالد : غلا ، حياتي ، اذا رحنا ادري صعبه عليج تنسين اللي صار بس ,,

انا قد ماقدر بحاول اطلعج من اللي انتي فيه بس ابيج تساعديني ..

جامليهم على الاقل ..

غلا : انشالله .

خالد : وعد ؟

غلا تغمض له عيونها على انها موافقه ..

نام خالد وغلا حذاه بس هي مانامت ..

اليوم عمها سعد طرى عليها وايد ..

شلون بقدر اجاملهم ؟؟

افففف الله يعيني والله ماقدر ..

طلعت ملابس تلبسهم وطلعت ملابس لخالد بعد ..

طلعت فستان اسود كمه طويل

ومن فوق فيه فراشه لماعه بالفيروزي ..

طلعت لها معاهم اشيا تلبسهم ..

شافت نفسها تعبت وارتاحت لها شوي ..

قام خالد وراح يصلي العصر ..

رجع لقى غلا نايمه ماقعدها وخلاها ..

فتح البلكونه وقعد يدخن . .

غلا قامت على ريحة الزقاير وصرخت

غلا : خاااااااااااااالد

خالد تصرقع : هلاا !

غلا : اطلع

خالد : لا تكفين ردينا !

غلا : بره دخن بررررررررررره

خالد طفى زقارته : لا مابي خلاص

غلا : اففففف لاتدخن فمكان انا فيه الريحه ماطيقها

خالد : انشالله انشالله

سكتت غلا ودخلت الحمام ..

خالد تنرفز ( صج اني بايخ ) ..

بعد المغرب غلا كانت تمشط شعرها وخالد يتكشخ ..

خالد جر المشط من يدها ..

غلا : خالد عطنيييييييييي

خالد يسوي روحه مايسمع

غلا : الله يخليييييييييك خالد بنتأخر

خالد شال غترته وقعد يمشط شعره اونه كلش متحدر لين ركبه ..

غلا انقهرت : الله يخليييك تكفى خالد

خالد : أي أي بعد ترجيني

غلا : اففففففففففففففففففففففف خاااااااااااااااااااالد هاته

خالد عطاها المشط وهو سكران ظحك عصبت من صجها ..

خالد : زين يلا

غلا : زين

خالد : هههههه فديت المعصب

غلا : خالد اسكت عني

خالد : يه احبج

غلا : يووووووه ..

خالد : هههه زين زين لاتشنين حرب علينا

طلع خالد بره الغرفه ينتظر ..

طلعت غلا وطالعته

خالد : شدعوى يبا ، حني علينا

غلا ماتقدر على كلامه : شتبي؟

خالد : ابيج انتي شبي بعد

غلا : لا والله ، يلا يلا لانتأخر ..

خالد : صج عاد

غلا : خااااااااااااااااااااالد

خالد يشيلها : عيووووووووووووووونه انتي

غلا : ياربي الله يخليك خلني

خالد : نوو

غلا ماقالت شي

خالد : طحنا طحنا غلا

غلا : ههههههه خاااااااااااااااااااااااااالد

خالد : وئعت

نزلها خالد ..

غلا : وئعت !

خالد : هههههههه يس

غلا : هههه يلا حبيبي لانتأخر عليهم ..

ركبوا السياره وخالد صار كل مايطلع مع غلا يشتري لها شي ..

شرت غلا هالمره بس شغابه كان فيها حجر فيروزي ..

لبستها فالسياره ..

وصلوا للبيت وغلا تبلع ريجها

تبي تحبس دموعها لآخر درجه ،،

وصلوا للبيت ونزلوو ..

كانت سابقتهم بدقيقه عمتهم تغريد وريلها وعيالهم ..

سلمو عليهم وغلا دار راسها البيت ممتلي بالناس

رجال وحريم حتى من الدوخه كانت بتسلم على ولد خالة خالد لانه فوسط امه وخالته ..

انتبهت لعمرها وقعدت حذا فاطمه ..

قعدت شوي تلقط نفسها ..

غلا : شلونج فطامي ؟؟

فاطمه : اووكي ، انتي شخبارج ؟ شخبار البيبي !

غلا : هههه تمااام

تجمعوا كلهم فالصاله الكبيره ..

والبنات فصاله مسكره داخل ..

الشباب فالمجلس ..

وبعضهم فالصاله اللي فيها الكبار خوالهم وخالاتهم تغريد و سعود والبقيه ..

غلا كانت تشوف مكان عمها سعد مبين والجَمعه كريهه بدونه ..

غلا كانت تدور شي بعيونها تشوف الدرج

كل باب تطيح عليه عينها تنتظر شي ..

خالد كان يطالعها وهو مستانس ..

تكلمها غاده وبنات خالته وهي تظحك وتسولف معاهم

شكلها غير غلا وهي مستاانسه

" روعه " ..

غلا اخيراً طاحت عينها فعين خالد ،، على طول ماعطل عمره خالد وغمز

غلا استحت لان غاده شافته ..

راحت غلا عند خاله لما ناداها ..

بعدها بشوي ..

تغريد : يلا تفضلوا على العشا . .

خالد : عاد ها توصو فمرتي

تغريد : هههههه انشالله بدون ماتقول

خالد : أي لحد ياكل قبلها نطروها تخلص بعدين انتوا اكلووو ..

غلا استحت منه موووووووت يعني يقول لها هالكلام بصوت واطي

اهون من مايقوله على مسممممممممممممعهم كلهم << عاش التعبييير

جاسم : يعني تحرنا لاتحدني باجر اتزوج

خالد : محد ماسكك روح تزووج

جاسم يكلم بنت خاله نوف الصغيره : يلا نوفو باجر بتزوجج

نوف تقط عليه اللعبه وتشرد لحظن خالها ..

خالد : اوه خجوله بنت الخال ..

خاله وهو لامها : أي سكتوا عنها

تغريد : زين يلا خلصونا بيبرد العشااااا

خالد : يلا قومو قبل لايشنونها علينا حرب

تغريد : منو

خالد يستعبط : الجنس الناعم ..

والصاله كلها انفجرت ظحك ..

تغريد تكلم بنتها : روحي نادي البنيات عشان تتعشون

فاطمه : اوكي

تجمعوا البنات على الطاوله

والباقي على الارض ..

البنات كانو بسن فاطمه واكبر واصغر يعني مراهقات .. (ينفعون لبعض )

بعد العشا ..

الشباب طلعوا يلعبون كوره

جاسم جمع اليهال وقعد يلعبهم فآخر الصاله

البنات كلهم تسبهوا على خالد وهو يغازل غلا ..

استانسوووووووووووو

هههههههههههههههههههه

حلييييييييلهم لوووول

خالد كان يكلمها ونظارته خبيثه وهي مسكينه شابه فمكانها ..

من شكلها مبين مستحيه ..

الشباب الباقين راحوا للمجلس مع خوالهم ..

خالد وخاله تموا ..

لطيفه : وليش مارحت معاهم

خالد : تكفييييين ياام خلود ، اعاف هالقمر واروح للمجلس شبي فيهممممممم

غلا خلااااااااااااص لفت ويهههها ماتقدر استحت صج ..

تغريد : الله شهالحب

لطيفه : شفتي يختي

تغريد : الله يهنيهم ..

خالد خذ غلا وراحوا يتمشون فالحديقه بره ..

البنات كلهم يدابجون على الدرج لدار غلا

عشان يطالعونهم من البلكووووونه ..


الجو كان روووعه ..

هوا حلووو والحديقه توسع الصدر ..

كان خالد ولد تغريد مع نوف الصغيره يلعبون بكل هدووء ..

فارشين لهم مفرش يهال لونه برتقالي فاتح وعليه رسمات

ومقعدينهم وناثرين الالعاب ..

غلا تطالعهم وتتبسم ..

خالد قعد على الارض وهو رافع جسمه ومسك يد غلا ..

غلا لفت عليه وطاحت شيلتها ..

غلا تمت تطالعه وتفكر شبيقول ترا ان جاب طاري عمي اقلبها نوح وصياح ..

خالد من كل قلبه :

ليت الحزن تنساه
عيونك معي
وضيم الليالي يفارق مدمعي ..
ابنتظر لحظه تهنينا سوى
بارق امل يشاع في ليلك
ضوى


غلا تقرب منه وهي ماسكه فيده ..

الله يخليك ياأعز انسان
الله يخليك يااااني بولهان ..

خالد : شكثر ولهتي ؟ مستحييل كثري ! ولهت لغلا اللي من تظحك انسى كل التعب

انسى كل شي صار لي كل ظيقه وهم ساكني ..

انا ماقدر ياغلا صدقيني اني اشوف دمعه من عينج واسكت

ترا انا وانتي واحد وان تكدرتي انا بعد يمسني اللي يمسج ..

غلا ماعرفت شتقول ولمت خالد وحبست دموعها بس خانتها هالمره

خالد : شقلنا ياام فيصل شقلنا ؟؟

غلا تظحك وهي تمش دموعها : لاتقولي ام فيصل

خالد : نعم ؟ ليش بالله

غلا : ياسلام تكبررني

خالد : صج وولدي وين احطه

غلا : مادري

خالد : بدينا خيانه ماتبين تعترفين بالولد

غلا : ههههه ماقلت شي انا

خالد قطع كلامه معاها موبايله

خالد : اوووه هذا عمير ،،، هلا ومرحبااااااااا

غلا خلته يسولف وراحت عند خالد اللي دخلو عنه نوف

شالته وشافها خالد جاها وهو يكلم عمر

خالد : أي أي ، انزين "يحاجي عمر" /،/ يشيل خالد الصغير من يدها وينزله ..

غلا تتخصر له وهو يأشر لها "جب"

غلا تدووس ريله

البنات فوق استخفوووووو ..

فاطمه : ياااااااي يحظهم

البنات : الللللللله

ههههههههههههههه صج مراهقات ذكروني بناس

سكر خالد من عمر ورد لغلا اللي وقفت عند البحيره الصغييره كانو مسوينها شكل بس

خالد : الحلو وين راح ؟؟

غلا تظحك له : معاك ..

خالد : بقلبي؟؟

غلا : امممممم مادري !

خالد يحط يده على قلبه : آه قلبي ،، لالا تشكين بغلاج يالغلا هذي طعنه

غلا : بسم الله عليك ، خااااااااالد

خالد كالعاده بالتمثيل احسن واحد : طعنه بالورررررريد ياغلا ، مش آدر ..

غلا : هههههههههههههههه

خالد : عندج حل عشان يوقف النزيف

غلا : شنو هو ؟

خالد : حلين

غلا : أي شنو هم زين

خالد : ياانج تبوسيني ياانج تعطيني ووح

غلا : لا يعني فرقو عن بعض

خالد : شوفي عاد ترا انزف عليج الحين بسرعه

غلا تبوس خده بخفييف

خالد : لين الحين ينزف

غلا تبوس غمازته

خالد يمثل جنه تعبان : غلا

غلا : عيووون غلا

خالد : ياويلييييييي تعبت تعبت مش آدر صج هالمره

غلا : ليش عمري شفيك

خالد : احبجججج هاي كل اللي فيني

جاسم جاهم معاه عمر بوعين زايغه

جاسم: انت متى بتفك بنت الناس

خالد : وانت شعليك ياخي مرتي وكيفي ، يلا يلا

جاسم : ياخي البنت جات تتشكى لي تقول ماتقدر قاعد على قلبها تبي تتنفس

لطيفه اللي كانت قاعده مع مرت اخوها فالبلكونه نادت خالد تساله

وغلا تنتظره فالحديقه مع جاسم وعمر ..

عمر : حسافه ماعندج خوات ..

غلا : ليش يعني !

عمر : جان بيطلع فيهم شبه منج وخذت وحده منهم

غلا ظحكت : ياسلام

عمر : أي تطلع وحده حلوه عليج

غلا : لاا والله !

عمر : أي والله

جاسم : انت هيه والله يسمعك خويلد يدفنك هني

عمر : لا عادي هي اكبر مني وانا اصغر

وصل خالد

جاسم : هاا اعلممم

خالد وهو مرفع حواجبه : عن !

جاسم : لا ولاشي بس عمور أذى غلا

خالد عصب : نعممممممممممممممممم

عمر : لالالالالالالالالالالا

جاسم : هاهاها اتغشمر يلا يلا عمور امش

عمر : يلا

خالد يكلم غلا لما راحو عنهم : صج غلا ، قال لج شي ؟

غلا : لا والله

خالد : قال لج كلمه ظايقتج

غلا : لا حبيبي والله ماقال شي

خالد : اكيد عمري

غلا : اكيد حياتي ..

قعدوا يسولفون وغلا تظحك ..

خالد وهو متسند على الكرسي وغلا قامت تتمشى وترد .

خالد : شحلاتهمم ياناس ، كاشخين بالاسود بعد

غلا : ههههه شفت شلون

خالد : شقطع قلبي انا غير هالفراشه انا

غلا : ههههههههههههههههههههههههههههههههههههههه

خالد يقص ورده : هاج ورده لها مايصير بروحها لااهل ولاشي

غلا : ههههههههههه ياسلام ..

خالد : أي نعم ..

غلا مسكت الورده

غلا : خلاص خلندخل خالد

خالد : ليش عمري؟

غلا : ظهري عورني بدخل ارتاح شوي .

خالد فز من كرسيه : يلا يلا

شالها ودخلها من باب من ورا يدخل على غرفة يدتهم ..

غلا : بس خالد تكفى نزلني

خالد : يااااخي انا اللي شايلج مو انتي

غلا : يشوفنا حد مو حلوه

خالد : مرتي و على ك ي ف ك ي ف ي ،، زين !

غلا تحط شيلتها : زين

دخلوا وراحت غلا لدار ثانيه لان يدتهم ماتحب حد يتم بدارها ..

دخلت غلا وخالد تنرفز مسكه ريل تغريد يتسأل عن الشغل ومادري شنو

غلا قطت شيلتها وانسدحت

(( اففففف ياربي شهالعوار بموووووووت ))

غلا كانت تحس ظهرها شوي وينقص من التعب

ماقدرت تتحمل بعد وصاحت دخلت عليها غاده اللي دخلت تحط ولدها اللي نام

غاده : بسم الله عليج شفيج غلا ؟

غلا : ظهري ياغاده بمووت

غاده تعدل سدحتها : ماعليه حبيبتي لازم انتي توج ، عودج بعده ماقسى

غلا وهي مب متحمله العوار : افففف شسوي الله يخليج

غاده : ارتاحي ولاتتحركين كلش ..

غلا شوي شوي لهت بكلام غاده ونست العوار وخف عليها شوي ..

غاده : ها احسن الحين

غلا : أي ، ماتقصررين حبيبتي

غاده : ولايهمج شدعوى ، وحده من خواتي انتي ياغلا ..

غلا عورها قلبها على كلام غاده

وايد طيبه معاها ..

غاده تسولف معاها : وشقررتي تسمينه

غلا : خل نعرف شنو بنت ولا ولد

غاده : لين الحين ماعرفتوو

غلا : لا موعدنا بعد اسبوعين

غاده : اها عاد تصدقين احسج بتجيبن ولد

غلا : شمعنى ؟

غاده : حمال الولد يتعب اكثر من البنت

غلا :والله ؟

غاده : وه سأليني كنت اتعذب وانا حامل بهالهيس

غلا : هههههههههههههههههههههههههه

غاده : تخيلي جاتني فتره انتفخت ، ههههههههههههههه ، اول مره حملت حتى خواتمي متدش باصابعي

غلا : لااا الله يستر انا كفايه جذي

غاده : الله يستر من شنو الله يخليييج متني ترا ان كبر بطنج ماراح يبين غيره

غلا : ااااهههههههههههههههههههههههههه شدعوووووووووووووووووووووووووووووى

غاده : ههههههههههههه

قعدوو يسولفوون وغلا حبت غاده اكثر عن اول مره ..

نست شوي سالفة سعد وبعدها غاده راحت لبيتهم هي وريلها ووولدها ..

دخلت عليها لطيفه تاخذ عباتها وغلا ساااكته ولاتكلمت ولا قالت شي ..

لطيفه : شدعوى اشوفج طاقتها سالفه ويااغاده وانا يوم دخلت حتى شلونج ماقلتي

غلا : انا خالتي؟

لطيفه : لا يمه انا ، نامي ارتاحي مب زين لولدج التعب

غلا تنرفزززززززززززززززززززززززززت

طلعت لطيفه وغلا انقهرت من قلبها

زين انا ماقلت شي لاسبيت ولاقلت أي شي لازم كل ماتشوفني تغثني

شدعوى مستحيل هاي انسانه

اعووذ بالله

بعدها بشوي دخل خالد

خالد : ها حبيبي نايم !!

غلا : لا بس اريح

خالد : شلونج حياتي احسن الحين ؟؟

غلا : أي حمدلله ، يحليلها غاده تجنن

خالد : ايي غاده وايد طيبه يحليلها

خالد : ايي يحليلها شكثر كانت تدرسني وانا فالثنويه وانا تيس

غلا : ههههههههههههههههههههه

خالد : يلا حياتي قومي ..

غلا : بنروح

خالد : يس يس ..


قامت غلا عشان تلبس عباتها

خالد وهو على السرير ويلعب فموبايله يقطه ويشيله : ترا بنوصل عمتي

غلا : اوكي !

خالد ظحك لها وغمازاته بينت عدل


غلا استخفت .


طلعت غلا من الدار هي وخالد وظحكتهم ترن فالمكان ..

لطيفه : لا والله وتظحكون بعد ، عمتكم لاعت جبدها وهي تنظركم ..

خالد يحب راس عمته : اسمحي لي يالعمممممممه

لطيفه : امش خلصها وصلها

تغريد كانت مبققه عيونها على لطيفه وتسكتها وهي ولاتسمع لها ..

خالد عصب وطالع غلا

غلا تربرب على جتوفه وهو محتر

تهزأه جدام عمته وعيال خاله هذي صج صج قويه ..

ركبوا السياره وغلا ركبت ورا ..

وخالد ساكت ولا قال كلمه ..

طلع زقاره بيدخنها

غلا تحط يدها على جتفه : حبيبي !

خالد : اوه نسيييت ..


وصلوها للبيت ونزلت ..

خالد : يلا تعالي جدام دورج ..

غلا : مايصير اتم ورا ؟

خالد : ياحلاوه ،، يلا يلا بسرعه

غلا تسوي روحها ماسمعت

نزل خالد وفتح بابها وشالها فتح الباب ودخلها وسكره ..

ركب السياره وقفل بابها

غلا : ههههههه ليش بعد

خالد : تشردين

غلا : هههههههه

طلعوا من البيت وراحو يتمشون فالسياره ..

غلا ( مسكين خالد على كثر ماتهزأه أمه
مايبي ينكد علي
وانا على اقل شي اعفس عيشته..
ياربي ) ..


عمر كان متجمع مع ربعه فبيت رفيجهم (محمد) ...

جاسم بعيد عن حشرة المكان قرب لعمر اللي فاتح الدريشه وحاط كرسي ويطالع وهو سرحان ..

جاسم : عمير !!

عمر : .... (مانتبه له) .

جاسم هزه : عمر ! !

عمر انتبه ولف له : ها هلا

جاسم : وين سرحت ! فالريمممم

عمر قام من على كرسيه
عمر : تنجلللللللللع ، مابقى الا هي

جاسم : اف اف شفيك اعصابك علينا

عمر : مالي خلقك جسوم تكفى

جاسم : افا ليش

عمر عيونه غرقت

جاسم يهزه : شفيك

عمر : مشتاق جسوم

جاسم : لمنو !

عمر : لهلي ، الدوحه ربعي الكل

جاسم : ماعليه ياعمير ، كلها جم شهر ونركض للدوحه

عمر : مب قادر اصبر ..

جاسم : شنسوي ياعمير ماتقدر تسافر هالفتره ناسي ان الحين الامتحانات

عمر مارد عليه وجاسم قعد يترس مخه من هالكلام وهو يسمع من هني يطلع من هني ..

عمر : جويسم انا برد الشقه ..

جاسم : افا ليش ؟ حد يعوف هاليمعه ..

عمر : ماعليه متظايق شوي ..

جاسم : اللي تشوفه ، تبيني اوصلك !

عمر :لا برجع بروحي

طلع عمر للصاله وسلم عليهم من بعيد وطلع ..

عمر خذ تاكسي و قال له ينزله قبل عمارته بشارع يبي يتمشى ..

نزله وشاف كشك يبيع تفاح مغمس بالعسل

عمر حسه ثقيل وشاف اليهال وايد مستانسين عليه

راح صف قال اخذ وحده اجربها ،، وخذ معاها كولا .

مافتحها عمر وخلاها مقرطسه ..

فتح الكولا وتم يشربها فالطريج ..