|
|
#171
03-18-2008, 10:26 AM
| ||
| | ||
| رد: غلا قطعت عليناا احلى مقطع يلا كملي والي يسلمج يلا ياحلوة ومشكورة على التكملة موخرا ومقدما مواخرا مال قبل ومقدما حق الجزء الياي .gif "thanks")
__________________ ::.. اعذروني على غيابي الطويل ..:: ( عضوة في شلة الفتيات الخارقات ) غروري ثقه <<كلمه بنت مغروه سابقا  |
|
#172
03-18-2008, 02:24 PM
| ||
| | ||
| رد: غلا يسلموووو يا قلبووو ع التكمله بكمل القصة و برجعلك .... قطرية كيووت ...
__________________ يآمآ جرحوني بس ما بكيت { أجرح !!.. صمتي على جرحي يسبب جرح أدخل و أسدح توبكك هنا ~.~ " قطرية كيووت " |
|
#174
03-19-2008, 08:20 PM
| ||
| | ||
| رد: غلا تفضلوا .::. فتح خالد الباب وهو فحالة ذهوووول من اللي شافه صج ولا حلم ؟؟ شنو ذي؟ ؟ شاف الغرفه مثل ماتركها امس قبل لاينام عمر .. يعني كأن ماحد نام فيها ولا على سريرها .. الكبتات مفتحه وفاظيه .! الليتات موطيه والدريشه مفتوحه وشيفونها يطيره الهواا .. خالد قلبه صارت دقاته تقوى باللي بدى يفكر فيه خالد صرخ : عمر !!!! طلع عمر من الحمام : ها خالد ! خالد جره من قميصه : انت ويييييييييييييينك عمر انصدم : شفيك خالد ، شيل يدك .. خالد : قول وييين كنت وليش جذي مسوي عمر : ماسويت شي انا دخلت الحمام ممنوع ؟ خالد : وانا صار لي ساعه ادق الباب لين ماكسرته عمر نزل راسه و خالد عوره قلبه خالد يمسكه : عمير انا ماقصدت ازعلك ، عمر انا تخرعت عليك عمر : ماصار شي بروح لامي وابوي تسمح تودييني؟ خالد : انشالله تامر انت ، ماتبي تاكل؟ عمر : شبعت بلبس ونروح خالد ماقال شي وهز راسه وهو يبلع حجي عمر .. طلع من دار عمر وراح الصاله .. تمدد وهو قاعد على الكرسي .. خالد : روووووووز ،، رووووووووز روز : Yes خالد: I want My Black coffee ,Plz روز : Sure راحت تسويها له وغلا واقفه فوق الدري تشوفهم خالد ماانتبه .. دخلت الدار و خالد شرب قهوته و طلع عمر وقال له انه خلص .. خالد : دقايق البس وانزل لك .. عمر : اوكي دخل خالد وغلا قاعده على السوفا مسنده ظهرها و رافعه ريلها عليها يعني قاعده على جنب .. ولا تكلمت غلا وتمت ساكته اول مادخل خالد طاحت عينها فعينه وسكتت ماقالت له شي .. شافته يلبس ولا سألته وين بيروح ولا ساعدته ولا قالت شي خلص خالد كشخته وعدل غترته ،، تعطر خالد راح عند غلا حب راسها : بنروح بيت ابوي وبنرد غلا ماتكلمت ولا قالت شي .. تنهد خالد وسكر باب الدار من وراه . نزل و طلع مع عمر وهو ماسكه .. خالد : انت انتظر هني بروح اطلع السياره واجيك عمر : انشالله .. راح خالد جابها ووقفها عند المدخل ... مسك يد عمر وفتح الباب ركبه وسكر الباب .. ركبوا السياره ومشوووو .. طول الوقت صاخيين عمر : ياخي زهقه حط لنا شي نسمعه خالد : امم والله من زمان ماشغلت هالمسجل عمر : شحقه ؟ خالد : ههه وان عصبت المدام! عمر: ليش تعصب خالد: يعني عمي الله يرحمه وجذي عمر : اهاا لا ماتنلام خالد : شقصدك ؟ عمر ظحك ومد يده يتحسس وين المسجل خالد ظحك عليه : تنغز بعد عمر : افا عليك ، حاظريين خالد : ههههههه عمر : هني البور؟ خالد يرفع يد عمر فوق شوي عمر هوس وخالد نسى ان آخر شريط سمعوه شريط عمر اللي يغني فيه خالد طاحت عينه على اخوه لانه انتهى هد يده فحظنه وجنه منصدم .. خالد يبي يعرف شالسالفه : الله ، احلى اغنيه عمر مارد ولا قال شي خالد توه بتكلم عمر : شششششش خل نسمع سكت خالد ووقف عند سوبرماركت .. خالد : بتنزل عمير؟ عمر : وين ؟ خالد : بشتري زقاير وبرجع لك ولا تبي تنزل عمر : لايبا نخبط اغراضهم مب ناقصين بنطر خالد : اوكي عيل راح خالد وبسرعه خذ له باكيتين ورد .. دفع الحساب و بسرعه راح للسياره .. فالسياره عمر كان ساكت وخالد يشوفه وصلوو للبيت العود ونزل خالد قبله فتح الباب : يلا عمير عمر عطاه يده ونزل ريله بس تخرطفت شوي بس ماطاح .. خالد قلبه شكت فيه ألف شووكه على اللي شافه منظر اخوه يقطع القلب .. نظاره سودا ومسوي عارض شكله يقطع القلب .. نزلو ودخلوا للبيت كان ابوهم ويدتهم .. حبوا راسهم وقعدوا يسولفون .. شوي ونزلت امهم على الدرج وهي لابسه جلابيه زرقا .. لطيفه : هاا حيالله عيالي اللي ماشوفهم .. خالد فقلبه (يااااارب تعيني) : مرحبتيييييييين يمه حب راسها وسلمت على عمر وحب راسها قعدت تسولف وتسألهم عن أخبارهم وعمر فصمت يثير الف شك فالبال .. .* حسبي عليه صارت أحلامي مسلوبه ،،، اللي حل بي ياناس ماحل في مسلم *. لطيفه : وانت ياعمر شمسوي عمر : طيب لطيفه : ولا تسأل ولاشي خليتنا ورحت لاخوك عمر : هو اللي صفالي ؟ سعود كان مايسمعه .. لطيفه : واحنا وين رحنا عمر : على راسي انتوا .. خالد : شدعوى يمه كلنا واحد .. قعدوا معاهم وامهم كل شوي تقط كلمات قويه وتصد عنهم.. تغدوا وياهم وبعدها مشوا لطيفه : وين توكم خالد : يمه غلا فالبيت بروحها ماقدر اخليها اكثر من جذي لطيفه : أي هاي اللي قاطع قلبك روح لها يمه ، الله وياكم خالد هز راسه وماقال لها شي سكت وسلموا عليهم و طلعوا .. ركبوا السياره و عمر تظايق من كلام امه لخالد عمر مايبي خالد يزعل : خالد لا تزعل من كلام امي اكيد ماتقصده خالد يلف عليه بحنيه ويطالع : لا حبيبي مازعلت ، خلاص تعودت على كلامها عمر ظحك له وهو مهموم .. وصلوا للبيت ومالقوا غلا .. خالد : افف وين راحت هذي ! عمر : ياخي دورها عدل انا لو اقدر ماقعدت خالد : درت البيت كله ياخوك محد عمر : اسال الخدامات خالد ركض للمطبخ وسالهم الخدامه : She is in the garden Sir خالد : افففففففف شلون نسيت انا راح خالد عمر : ها وينها خالد : نسيت فالحديقه هي عمر : انزين خالد بس وصلني الدار خالد : أي انشالله وصله خالد بسرعه وقعد عمر على السرير .. خالد : تبي شي بعد حبيبي ؟؟ عمر : لا سلامتك .. سكر عليه الباب لانه يبي يبدل وراح الحديقه .. غلا كانت قاعده فنفس الكووخ بس مو مسكر يعني كأنه هيكل لكوووخ بالحديد .. قاعده على كرسي يعطي ظهرها للي جاي .. خالد حط يده على جتوفها وباس راسها .. غلا من حب راسها فزت جنها نفرت منه . خالد : شفيج ؟ غلا : مافيني شي سلامتك خالد : قولي شفييج غلا لاتخليني جذي غلا ثورت مره وحده : مافيني شي سلامتك ، مخليني هني فالبيت من الظهر لاتسأل ولاشي شبيكون فيني غير اني مستانسه خالد : غلا شسوي قلت لج انا وانا مابيج تروحين هناك عشان امي غلا : خلاص وانا قلت لك مافيني شي خلته وراحت للداخل البيت وركبت للدار .. |
|
#175
03-19-2008, 08:22 PM
| ||
| | ||
| رد: غلا .* بعد أسبووع *. كان عمر بالطياره مع جاسم بيردون لامريكا .. عمر من ركبوا الطياره نااااااااااااااااام وراح فيها .. غلا و خالد خلاص نسوا الي صار وصارو عيال اليوم  خخخ غلا كانت توها عاليه طالعه من عندها وخالد كانت عنده سفرة شغل بالبحرين .. بيتم سبوع.. اتصلت غلا على موبايله مره وانصدمت ردت عليها وحده غلا بققت عيونها يوم سمعت صوتها غلا : الوو ؟ البنت : أهلين وعليكم السلام غلا انصدمت شنو وعليكم السلام بعد انا ماسلمت : من انتي؟ غلا : انتي من وليش تردين على هالخط خالد لقف الجوال : انتي طلعي ومالج أي حق تردين السكرتيره المتولعه بخالد : ماعملت شي بس رديت عليه كان بيرن خالد : باذن من طلعي الحين ،، الووووووووو،،، حيااااااااااااااااتي !! غلا : هلا خالد : عمررري انتي شلووووونج حياتي ؟ غلا : طيبه خالد : حبيبتي شفيها ؟ غلا : مافيني شي خالد : زعلانه غلا : لا من هذي اللي ردت خالد : هذي السكرتيره والله أذتني ياغلا كلمت الاداره عنها ومالقو بديل غلا : اها ومخليها ترد على موبايلك حلوو .. خالد : لا غلا والله تخسي بس انا كنت بره هالمكتب اللي انا فيه وردت هال ... غلا : لا خلاص ماصار شي ، شخبارك انت ؟ خالد : سواها قلبك ياعنيييد ،، يومين ماسولف معااك ؟؟ غلا : ههه الله واكبر انا؟ خالد : أي انتيييييييي غلا : هههههههههههههههههههه يااااربي عليك والله وحشتني خاالد خالد : آآآآآآخ يابلسم حيااااااااتي والجرووووووووح غلا : هههههههه بس بس 24 ساعه تغني خالد : ههههه شسوي ، المهم غلااي انا يبوني الحين ضروري ارد اكلمج اوكيه ! غلا : لا ماعليك حبيبي ، خلاص لافظيت اتصل خالد : اوكي حياتي ، فمان الله غلا : مع السلامه وسكررت مرت عليهم الايام وصار يوم ردة خالد من السفر .. اتصل خالد على ابوه وقال له رفيجه بيجيبه .. وافق ابوه و جاه رفيجه خليفه .. وصلت طيارة خالد ونزل من الطياره نزل للمطار وشاف رفيجه خليفه ينتظره .. سلم علييه وركبوا السياره .. الساعه كانت 6 ونص وصله بيته و ودعه و راح .. غلا كانت فدارها كاشخه بجلابيه الوانها ناريه فاله الشعر ومكحله عيووووووونها عدل .. كانت تسكر شغابتها يوم سمته يناديها بسرعه سكرتها وتعطرت مشت للباب بسرعه توها بتفتح البااب فتحه خالد قبلها ابتسمت فويهه وهو بعد غلا : حمدلله ع السلامه .. خالد : ولهت عليج (يحب راسها) غلا ماقالت شي خالد : عياالي شلونهم غلا استحت منه ونزلت راسها : طيبين خالد : وامهم ! غلا تحس ويهها انقص من الفشله : شفيها امهم ؟ خالد يرفع راسه بصبعه : ماولهت علي؟ غلا بدلع : خااااااااااااااااااااالد .*.*.*.*.*.*.*.*.*.*.*.*.*.*.*.*.*.*.*.*.*.*. عمر كان بالجامعه يحظر معاهم المحاضرات وكل شي عادي ماشي معاه .. ريما اللي من درت بالخبر انقلب حالتها فوق تحت صارت تموت بشي اسمه عمر تحبه تمووت عليه وعمر ولا يدري عن هوى دارها .. كانت تحبه بكل شي حتى تحب تطنيشه لها .. حاولت تبتزه بكل حركه بكل كلمه حتى ان جاوبت بالكلاس تحاول انها تقصده .. لكن عمر جنه صخر بنفس اليوم بالليل الجامعه كانت مسويه حفله لطلاب انجزو مشروع و نحج طلاب الجامعه تجمعوا بالليل شباب و بنات .. عمر شسوي .. لبس ثوبه القطري و كشخوه بالغتره وراح للجامعه نظرات الطلاب له كانت تخرع ههه ظنوه ارهابي .. البنات استخفوا على عمر ريما كانت منغره فيه كل ماقالت لها وحده عنه قالت لها هذا لي وبتشوفوون !.!.!.! << شعندها ؟ القاعه كلها صخت لما سمعت الشباب يغنون و ريما استانست لان اكيد عمر بيغني تامر اللي كان يغني ورريما تزاحم السيد وفايدها كاس العصير تبي تتجدم وتشوف لين ماوصلت كانت تبتسم وتمت يمكن نص ساعه تنتظر عمر لين يغني واخيراً رضى انه يغني .. عمر كان مفكر باللي يقوله انه لريما .. ضجت زويا خفوقي وانشد ركوني وانا ولد شيخ لي هيبه وشخصيه الارض ارضي وكون المرجله كوني لكنه الحب و الغلا وطاريه تكفون ياناس بالله لاتلوموني الصدفه اللي بآلامي عاد جبريه سموني عاشقها المغرم وسمووووني الشاعر اللي قصايده ~إرتجاليه~ ريما وجهها نصل من كلام عمر وقامت من كرسيها وهي شوي وتصيح ريما ( هذا شنو يعني لو شسوي له ماراح يحبني من هذي بنت عمه اللي قدرت عليه جذي شلون قدرت عليه وانا لا انا شفيني ياااااااااااااااااربي ) . بدون لاتحس دعمت فصبي الصبي : هلا والللللله ريما : وخر زين ناقصتك انت بعد وطلعت من الجامعه وردت لشقتهم .. دخلت وشافت ابوها توه راد مع امها .. الابو : ها بنيتي شلون التكريم ؟ ريما : زين يبا ، انا بنام تعباانه دخلت عنهم وهم مستغربين من حالة بنتهم .. حطت مفاتيحها وشنطتها على الطاوله و تمت تفكرر وهي خاشه ويها فيداتها .. .*.*.*.*.*.*.*.*.*.*.*.*.*.*.*.*.*.*.*. |
 |
| مواقع النشر (المفضلة) |
| |
العرض العادي
