.* يوم التخرج *.

عمر وجاسم كانو يتكشخووون ..

عمر : جسوم بخاطري اشوف شكلي

جاسم بلع ريجه : مب طبيعي ، تجنننننن عمور

عمر : اييه الله كريم

قعد جاسم يكشخ عمر ويمشط له شعره ..

عمر :

ولوهو في حسن يوسف
كسف بالنور نور ضياه
واختمها
عسى ربٍ بلاني به
يقويني

جاسم : آآآآآآميين ويفكك وتنساهااا ..


عمر : هه ..

حلفت بنور عيني لو يطول البعد انا مانساه
انا وشلون ابيع اللي من العرضان
شاريني؟؟؟

جاسم : شالسالفه اسألك ترد باغنيه ،، عمور جد انساها وفك قلبك من طاريها ، تتعب عمرك على ولاشي!!

اللي تحبها راحت منك صارت لغييرك افهمممم

عمر :

تصبر ياخفوقٍ صار داه اليوم وسط رداه
على رجو أن رب العرش
يدنيهم ويدنيني


جاسم يهز راسه : الله يهداك بس ..


عمر : يهدى الجمييع انشالله ، ماقلت لي وتاليتها وياك انت وهالغاليه؟؟

جاسم : لا خلاص انشالله قريب حتفرحوا فينا

عمر : صصصج والله!!

جاسم : هاهاهااااااي

عمر : ماينخاف الا من الساااااااااااكت يالهيس

جاسم : ههههههههه اعجببببببك

عمر : هههههه مبروك مقدمآ حبيب قلبي

جاسم : يبارك فحياتك انشالله

عمر : خلصني الله يخليك مب شعر ذيه اللي من مساعه تمشطه خلاص لو هو شعر نعيه خلص

جاسم : ههههههههههههههههههههههههههه شحقه تشبه روحك بالنعيه قلت التشابيه

عمر : شسوي شبيهتي ههههههههههههههههههههه

جاسم : ههههههههههههههههههههههههههههههههههه



غلا و خالد كانوا بالفندق وصلوا من يومين ..

خالد : ااااااااخ كسررررررررتينا بهالسوق الله يسامحج

غلا :هههه والله هاي كان شرطي

خالد : يبييي لج ضررررررب ههههههههههه

غلا : لاااااااا والله

خالد : يالله يا إمرأه خلصي لبس خنروح ..

غلا : شلبس خااااااااالد

خالد : دفتج زينه

غلا : لا والله دفه بامريكا

خالد : لا فالمريخ ، أي بامريكا ..

غلا : شكلها جذي ..

كشخت غلا من تحت العباه بتنوره تايجر وبلوزه سودا وكشخت بخاتم شاريه خالد والساعه

لبست عباتها وخلصت ..

خالد لبس بدله رسميه جاكيت اسود والبلوزه بيضا ..

غلا : ياسلاااااام ،، يالله خل تعشقك امريكيه ..

خالد : أيه وان زعلتي اقول لها تراها من الارهابيين

غلا : افااا تبيعني عشانها ،، الله يساامحك

خالد : اخسسسسسسسسسسسسسسسسي والله اناا ، قلبي غلا لحقييييييييه

غلا : ههههههههههه خاالد لاتقول جذي الله يخليك

خالد : شسوي احبج !!

غلا سكتت ماقالت شي ..

بعدها ...،،

غلا : خالد!

خالد : عيونه

غلا : عمر يدري ان احنا هني؟؟

خالد : لا مفاجأه ..

غلا نزلت راسها : بس شلون بيشوفنا؟؟

خالد :ها؟؟ ، يالله مافكرت فيها ..(قعد على الكرسي) ، غلا ليش ذكرتيني ، تصدقين ماشتهي اروح

غلا : شدعووى خالد والله ماقصدت

خالد : لا مب منج ، اصلآ السالفه لو ماذكرتيني انا بذكرها ، بس من اذكر سالفته

يظييق صدري واحس .. شاقووول ياربي حسبي الله ونعم الوكييل..

غلا : ماعليه ياعمري احنا شنقدر نسوي ،، اللي صار صار ! بس .. انا سمعت في علاج للعمى

خالد : الله كريم ..

غلا ابتسمت له وراحت تكمل اخررر لبسها ..

خالد مب قادر يروح علامات الحزن من ملامحه ..

غلا لمت شعرها ولبست شيلتها ، خذت شنطتها وطلعوا من الفندق ..

خذوا السياره اللي اجرها خالد وقالوا للسواق يوصلهم ..

وبعد الحفله بياخذون عمر معاهم عشان يردون قطر ..

وصلوا للجامعه والشباب كانوا يلبسون روب التخرج والكبابييس

عمر : الله والله شعووور حلوووو ياريتني مفتح بخاطري اشوفكم

جاسم : حلايا هالشيف شتشوف فينا نلوع الجبد

عمر : جسوم قلبي فيه شي احس حد هنييييي تكفى طالع

جاسم : محد هنيي صدقني

عمر : اااخ شفيك ياقلبي لاتجذب على روحك بعد ، بسك ..

قعدوا الشباب على الكراسي المخصصه لهم ..

وخالد وغلا بعد ..

جاسم انتبه على خالد بس ماعرفه عدل لانه متغير بالبدله ماركز عليه عدل ..

الحفل كان طويل فالبدايه شوي ..

وبعدها بدت مراسم التخرج ..

يقرون الاسامي ويسلمون الشهادات ..

خالد و غلا كانوا بالصف الثالث ..

الحفله كانوا مسوينها بره الجامعه لان عددهم كان كبير ..

غلا كانت فرحانه لولد عمها ..

وحزينه على حالته ..

ياريتك تفهم اني ماعدت حبيبتك ياااريت ..

عمر كان فباله الف سؤال عن غلا .. !

انا تخرجت تدرين عني ولا نسيتني من كل قلبج .؟

معقوله يضيع الحب وامانينا تصير اوهاام ؟؟

هاي اللي كان يدور فباله ..

جا دور اسم عمر وخالد فز يمسكه ..

خالد اشر لجاسم انه يسكت ..

عمر مانتبه من مسكه ..

سلموه الشهاده وسلم ،، نزل من على المنصه ولمه خالد و كل وريد بجسمه متفجر شوق لاخوه ..

عمر : خااااااااااااااالد؟؟

خالد خانقته العبره : أي خاالد يااااااطوايف هلي ، ،سامحني يالغااااالي سامحني

عمر يوخر عن حضنه ودموعه طايحه من عينه بس مب مبينه من النظاره ..

عمر : لا ياخوي لاتقول جذي (يبي يحب يده بس خالد يسحبها ، لمه عمر بقو وصاح ) ..

خالد : لاتسوي بروحك جذي حبيببببي ياعمر ، الله يخلييك ..

عمر: وينكم عنييي !

خالد : احنا هني حبيبي، عمير يأشرون لك لازم تقعد الحين ..

عمر : لاتروح خالد ..

خالد : انشالله حبيبي انا جاي لك شلون اروح؟؟

عمر ماقال شي وقعده خالد على الكرسي ..

الشباب كلهم باركوا لبعض وبعدها وقفوا وفروا الكبابيس

وابتدى التبوووووس والتلمممم من بينهم ..

عمر : جسوم ودني حق خاالد

جاسم : انشالله تعال ..

مسكه جاسم ووقف يوم شاف غلا ماعرفها ، رفع حاجب ..

ابتسم وتخرع يوم شاف خالد .. عرف انها مرته

جاسم ( شهالحظووووووووووووووووووظ ، والله صاج عمور وين تنسي ؟؟؟؟ ) ..

خالد : مرحبااااااااااا بالشيووووخ

جاسم : هههههه هلا والله ..

سلم جاسم على خالد وغلا وبعدها خلاهم ..

طبعآ قعد يتربص احسن الفرص ويكلم غاليه ويخطفها من بين رفيجاتها ..

جاسم : الف مبروك

غاليه : يبارك فيك ، مبروك عليك وعلى عمر ..

جاسم : يبارك فحياتج ، ها متى ؟

غاليه : صبررر جاسم ، مو الحين نرد الديره ويصير خير

جاسم : يصير خير؟؟؟

غاليه : تقدر تقول !!

جاسم : مافهمتج ..

غاليه : شوف جاسم انا عندي شرط ان قدرت كان بها وان ماقدرت كل منا فدرب ..

جاسم : شنو الشرط؟

غاليه : شوف انا شرطي واحد ياانا ياعمر .. ااذا تبيني تنساه خله لهله وعده واحد من ابعد ربعك ..

جاسم انصدم : عمر؟؟؟ حرام عليج ، هذا اخووووي

غاليه : خلاص عيل انساني ..

جاسم : قعدي مكانج

غاليه : شتبي خل رفيجك ينفعك

جاسم : لاتقولين جذي ، خلاص احنا لما نرد قطر اكيد بيلهى عني مع هله

غاليه : بس مرده بيرد لك ، انا مابيك ترافجه وهذا شرطي ، فكر فيه وقولي ،، عن أذنك ..


خلته غاليه وراحت لصديقاتها ..

غاليه : نفذت الوعد ياريما ، والولد شبه موافق

ريما : صصصصج ،، يعني برتاح بعرف ان قلبه بيحترق

غاليه : ههههه طبعآآآآآ ،، مو هو اللي يطنش ريما

ريما رفعت حاجب جنها منتصره بحرب ..

و عمر للي ماكان يدري عن ولاشي باللي بينهل عليه فالايام الجايه ..

كان بغمرة افراحه مع اخوه وبنت عمه ..


عمر : مشتااااق للدوحه برد لها ، رجعوني باجر ..

خالد : هههه انشالله .. من هالعين قبل هالعين

عمر : والله من صجي ابي ارجع خلاص اففف الحين صج عرفت ان احنا بنعمه ..

خالد : حمدلله ، يلا ياعمير احنا بنرد الفندق هني شكلهم بيسوون حفله مادري شهالعفسه

عمر : خيااااااس بيسوون حفلة رقص وطفاس ، برد وياكم واللللله لي مكان؟

خالد : افا عليييييك عيوني وين راحت انا؟

عمر : مااتقصر خلاص بس ودني اسلم على ربعي ..

خالد : انشالله ،، غلا تنتظرين هني ولاتجين ويانا؟؟

غلا : لافشله اروح بنتظر ..

خالد : خلاص عيل مانتأخر لاتروحين مكان بروحج ..

غلا : انشالله ..

مشى خالد وهو ماسك عمر ووصله عند ربعه ..

سلم عليه وعاتبوه ..

تامر : انا قلت انت بتغني لنا اليوووووم ، وين راااااايح؟؟

عمر : لا خلااااص من بعد هاليوم مافي اغاني

تامر : لييش يبا؟

عمر : هههه جذي ، يالله نشووفكم على خيير ياشباب ..

تامر : لا والله بنزعل علييييييك ، ودااعيه ..

عمر : لالالا الله يخلييك

تامر : عاد انا حلفت

عمر يلف على خالد ..

خالد : لاترد ربعك ،، خلك وياهم وانا شوي وبرد لك ..

عمر : خلاص ، بس لاتتأخر ..

خالد : لاتحاتي ..

قعد عمر معاهم شوي ..

تامر : يلا عاد بتنشف ريجنا غن ..

عمر : انشالله ،،، ( سكت شوي ) ..

ووو ..

لي بنت عمٍ
ماوطت درب الادناس
مادَنِست يوم النسا
يَدنسنِ
ضربتها وانا احسب الضرب
نوماس
طلقتها يوم اخفت العقل مني
لو ينشكي حب على الذيب سرحان
يسرح مع الطليان ولا يجفلني
لو ينشكي حبي على الطير
ماطار ...


كلهم سكتوا لان الخبر بان مرت اخوه بنت عمه الوحيده انتشر من وصلت

لان السؤال عنها ماوقف ..

البنات والشباب كلهم صارو يسألون من ذي ..

لانها الوحيده اللي بالعبايه والوحيده الحلوه :P خخخخخ


خلص عمر وقام من وسط هالصمت بصمت ..

قام ووقف على حيله مشى شوي وجاسم راح بعييد عنه ..

مانتبهت له الا غلا

التفت تدور خالد ماحصلته

غلا (ياربي شلون بمسكه الحين والله فشله ، عييب وينه خالد بعد وين راح)

عمر يمشي ويتخرطف ..

غلا جدمت وراحت له والعيون كلهاا عليها وعلى عمر ..

غلا : عمر ..!

عمر مثل كل مره كل مايسمع اسمه على لسانها قلبه يعوره من اول مانطقته ..

عمر : ه هلا غلا !

غلا : حاسب شوي شوي

عمر : انشالله ..

غلا : ماتدري وين خالد ؟؟

عمر : لا والله قال بيروح وبيرد لي ماجاج؟

غلا : بلا بس بعد انا قالي بيروح وبيرد

عمر صخ وماعلق ...

عمر : شلونج غلا؟

غلا شكثر تخاف من هالسؤال ماتقدر : انا طيبه

عمر : عيال اخوي حلوين !

غلا ابتسمت : على ابوهم


تامر وهو مار على عمر : أي ياشيخ من قدُُك

عمر : هههه

غلا ابتسمت ونزلت عيونها وهم يتكلمون ..

غلا : الله يهداه خالد نبي نطلع من هني

عمر : زهقناج يابنت عمي ، حقج علي

غلا : لالالالا مب عن جذي بس المكان كله رجال ، وانا شكلي غلط بينهم هههه

عمر : افااا مايوحشج الغلط يابنت عمي

غلا سكتت ، استحت من كلامه ..

نست كل شي نست الدنيا وكل شي صاير

حست انها رجعت بنت عاديه لا متزوجه ولا وراها عيال وبيت وريل

توها تحب عمر .. بس رفعت عينها ، لفت وشافت خالد جاي

حست انها تبي تروح بعيد عنهم كلهم

بعيد عن كل هالناس تروح لمكان تطلع فيه كل المشاعر اللي كابتتها داخل صدرها ..

تحس الظييق ساكن صدرها من صغرتها وفي يوم بيجي لازم تطلعه وماتخليه اكثر

تعبانه وماتعرف شتسوي ..

ماتعرف تكلم من والا تشرح لمن ولا تعلم من

بين كل هالأفكار واللي يجي على بالها طيف عمها مر عليها وارتوى قلبها

حسته معاهم لفت يمين يسار جنها تدور حد

خالد انتبه لها وهو يشرب العصير : من تدورين ؟؟

غلا : ها لا ولاشي ..

رجع يكمل ..

خالد : يالله عمير ماتبي تمشي تعبنا واحنا واقفين

عمر : بلا يلا ..

طلعوا من الجامعه وغلا فواادي ثاني . ..

طلعوا من الجامعه وعمر سمع ريما تقوله By عمر ..

مارد عمر .. وطلعوا من الجامعه وهو فباله احلى ذكريات لسنه عاشها بعيد عن هله

وصلوا لشقة عمر وخالد ماخلاه يتم بالشقه بروحه

وهو وغلا شالوا كل اغراضه عشان يشحنونها ..

وعمر كان قاعد بالصاله ..

غلا فصخت عباتها وشيلتها ..

وقعدت تشيل وتحط بالاغراض هي وخالد ..


عمر : 1 2 3 خالد ياحياتي

خالد : ههههههههههههه شايفني بالملعب انااااا

عمر : هههههههههههههههه



عمر :

المشاعر في غيابك
ذاب فيها كل صوت
والليالي من عذابك
عذبت فيني السكوت
صرت خايف لاتجيني
لحظه يذبل فيها قلبي
وكل اوراقي تموت

ماهو بس انا حبيبي
الاماكن كلها
مشتاقه
لك ..


غلا كانت توها بتشيل الكتب المحطوطه و هدتهم ..

تدري ان اللي يقوله لها

خالد اللي طلع من الدار وشاااااااافهم !!

تدرون شسوى!!











مب قايله....




انتظرووني فالنيوو باارت..


تقبلو أجمل تحياتي
مجنونه بس تجنن