|
|
#256
04-08-2008, 09:28 PM
| ||
| | ||
| رد: غلا بقى 3 ايام عن سفرة خالد .. خالد رجع من الصبح شكله موقع وطلع من شغله .. غلا : خالد؟ شفيك حبيبي ؟ تعبان؟ خالد يظحك : لا عمري شفيج متخرعه مافيني شي غلا : طالع وهل ،، هاا شصاير !! خالد يدقها على جنجها : مشتاق للحلويين "يغمز لها" غلا سكتت ومشت وراه لين الدار .. خالد ظحك : هاا ادري بتم فراسج لازم تعرفين شمطلعني غلا تمثل اونها ماتبي :لااا حبيبيييي شدعووووى (وهي موطيه راسها) خالد : لاا حبيبي شدعوى ، طالع لان بعد 3 ايام السفره ولا نسيتي غلا تذكرت وقعدت على الكرسي وهي تتأفف خالد : غلاااا حبيبتي غلا تطالعه بخوف : خالد ماتعودت اتم بروحي! خالد : عيل سمعي هالخبر غلا فرحت يمكن كنسلو السفره او شي : شنوو؟ خالد : السفره بتصير اسبوع غلا شهقت : شنووو؟ من صجك؟ خالد يبوس يدها : سااامحيني غلا ، كل شي صار اليوم غلا فكرت ليش تنكد عليه خلاص بينت له انها ماتبي تفارقه وايد ،، ابتسمت لها غلا : ترجع لي بالسلامه خالد : صج! غلا : أي صج خالد : بعد عمري والله غلا : بس ها اسبوع بس ان تأخرت يووويلك خالد : هههههههه خلاص انشالله .. عمر طبعاً صار يويماً من يطلع اخوه من البيت يلزم الارض اللي جدامهم و بعدها يرجع لعقليته وبرد البيت .. قعد هاليوم و بس يناظر الدريشه يمكن غلا تطل او شي لكن اللي ماتوقعه شاف خالد اخوه و اللي حذاه غلا طالعين بالسياره ..!!!! انصدم من الموقف هزه من داخله ، كل كلمه انقالت له بعد زواجهم طرت عليه ، كل كلمه الكل كان يحاول فيها يكره غلا فعمر كانت تتردد على مسمعه ، غلا ، خالد ، خلتك ، فيصل وسعد ، واشيا وايد تصورت وسمعها فمخه لين ضرب بيده على السكاان ودمعته طاحت .. حس نفسه مثل المغفل ماله أي هدف فحياته مايدري ليش عايش اذا كان اللي عايش لها خلته وراحت عنه! لكن حتى لو جبر قلبه يحب بآخر خطوه يتراجع قلبه ويعلن الهزيمه ويرجع حب غلا يكبر ويزيد كأنهم عشاق لين الحين خالد و غلا كانو طالعين يتعشون بطلعه رومنسيه ، خالد يبي يقضي اليومين قبل سفرته بأوقات كلها حلاوه و صفا مع غلا وعياله وياخذهم تذكار معاه فالسفر .. غلا : خالد ،،، وين صرت؟ خالد ينتبه لها : سرحان بعيونج غلا حمرت خدودها مع ان الخجل المفروض يكون تخطته لكن .... خالد يغمممض عيينه غلا : خالد شفيك؟ تعبان؟ خالد يتنهد : لاا ، عشان اخلي صورتج بعيوني غلا ماتعرف شتقوله اليوم صاير رومنسي بزياده .. خالد : عاد بوله علييييه ولي عهدي غلا : هههههههه أي واحد؟ خالد : ولي عهدي وملكتي و السكيورتي غلا : هههههههههههههههههههههههههههههه ، لا والله عاد ها ماسمح لك خالد : ولا انا ماسمح لج تحطين ولدي سكيورتي غلا : هههههههههههههه خالد : آآخ الحين امي شبقول لها ، سين و جيم وسجن بعد غلا : ولايهمك حبيبي ، هذي خلها علي ، انت سافر وتطمن خالد : من غير ماقول لها؟ غلا : أي من غير ماتقول خالد : من صجج غلا ، ماعرف امي اقط هالسالفه عليج .! لوسمحتي مدام غلا : لوسمحت انت ، مالك شغل ، بتسافر اصلآ انا قلت لعمتي وهي قالت لها خالد : غلاا ، حبيبتي ، مو علي انا ، انا خالد ، ماقلتي لها ادري .. غلا : خالد وغلاتي بتسافر و انا اللي بقول لها و بعد ماتسافر زين !! واللي بيجي منها بتحمله ، علشانك خالد يرجع على وراه ويطالع غلا وهو مرفع حاجب غلا : شفيك؟ خالد : صايره لنا جيمس بوند ، هههههههههه غلا : صصج تظحك علي ها ، زين ياخالد ، ان ماوزيتها خالد : حلاااااتج والله ، وصرتي بحزب امي بدال عندوه ، ياسلام احلى حرب تنشن عليي والله كل يوم بجيكم هناك وسوو لي سالفه ها غلا !! توصي فيني ريلج انا غلا تبي تظحك تبي تسوي اشيا وايد بس ماتعرف شتجدم و تأخر تحس كل شي متلخبط اليوم ..! سهرتهم بره البيت طولت و عمر مايأس من الانتظار وكأنه ماخذ شي يمنعه من النوم .. لين رجعوا تقريباً قريب ال1 خالد او ماشاف سياره جايه من بعيد ، طفى سيارته وانخش فيها ولما تأكد انهم وصلوا وتسكر باب بيتهم طلع من الفريج وهو بقلبه عوار وذكريات تزيد آلامه .. غلا اول مادخلوا البيت سبقت خالد وهي شوي وتطير لعيالها خالد : ها ويين؟ غلا : بشووف فيصل ومريم و سعد خالد : 3 بعيووون الحسود غلا ماتت ظحك عليه : ههههههههههههههههههههههههههه غلا مشت وخالد جرها : بس ها موتخليني غلا : ثواني وارجع لك غلا دخلت على فيصل و سعد لقتهم نايمين ، و فتحت دارهم و قربت عند مريم، دلوعة خالد ، و تمت تطالعها و شكله كأن حد كان عندها ، لفت انتباهها صوت السلو الميوزك من العلبه اللي على الطاوله ، كان شاريها خالد لغلا وداخلها هديه ، من العلب اللي تنفتح ولها سلو ميوزك .. استغربت بس ماعطت السالفه اهميه ، غطت مريم عدل وباستها ، تنفست عطر تعرفه من زمان و شافت عمر بعيونها لكنها ظحكت ( لين متى بتم مراهقه انا ههههه ) .. قامت عنها و بدلت ملابسها و نزلت لخالد لقته يتكلم بالتليفون و عن الشغل تسندت على الطوفه وهي متنرفزه بس ماحاولت تبين لخالد .. قعدت غلا على الكرسي و خالد لين الحين يتكلم ويتكلم تمت يمكن ربع ساعه بعدها صج زهقت طلعت من طورها و راحت الغرفه وهي معصبه وان سألها حد شفيها دموعها بتسوي فيضان غلا (لو انت ياعمي موجود ، ماصار اللي صار) .. .* اليوم الثاني*. خوال خالد و خالاته جوهم الصبح و خالد و غلا تفاجئوا بالزياره حتى ان خالد شك ان غلا قايله لهم .. بعد ماطلعوا خالد قرر يقضي هاليوم بعيد عن الشغل وسكر موبايله لان خذ محاضره مرتبه من غلا امس و كفايه لوول .. لما طلعوا وصلهم خالد لين الباب بعد ماسكره رجع لغلا و هو مستغرب خالد : انتي قلتي لهم؟ غلا : هههه لا والله ، انا مثلك مستغربه ، هذي 2 مره يزورونا اول مره اول مارجعنا من شهر العسل ، غريبه صح! خالد : أي والله (يطل من الدريشه) اخاف السدره فالدرب غلا : هههههههههههههه لا حبيبي مستحيل امك تزورنا خالد : لا عاد مومستحيل غلا سكتت خالد : لاتنكرين انها ماتزور ، زارتنا وايد ، بسس سابقاً غلا : هههه صح سابقاً خالد : شفتي شلووون .. غلا قعدت على الكرسي و خالد راح ورجع وهو شايل مريم ويلعبها ويطيرها و غلا ترتب الكلام اللي بتقوله لامه بعد مايسافر .. على العصر غلا كانت فالصاله و خالد نايم على السوفا ، تذكرت عاليه اللي صج راحت عن بالها ونستها اول مارفعت عاليه السماعه .. غلا : قلييييييلة اصل انا والله عاليه : ههههههههه لاا ويي عاذرييييينج ، يبااا بوفييييصل نساااااج اسمممممممج هااااا غلا : هههههههه حبيبتي علوي وحشتيييني غلا تمت تسولف معها بعيد عن خالد عشان ماتزعجه بنومته .. جات مريم وهي تمشي ، كان توها تخطي وتتدربح من المتن شحلاتها ،، خذت الجهاز المحطوط حذا راس خالد وبتغشمر ضربت خالد فيه على خشمه خالد نقز من على السوفا خالد : احححححححح (يزعق عليها) مريوووووووم!! مريم شافته معصب تخرعت و غلا سكرت خالد يمسك خشمه ويشوفه فالمنظره هاه قطرة دم صغييييييييره حييل شسوى فيهم غلا : خاااالد شدعوى كلها قطرره خالد : أي قطره شوفيني انزف غلا : الله واكبرررررر ، خالد ، هذي مررريم دلووعتك خالد : يلا تذلف روحي مادلع حد يلا يلاااا غلا : ههههههههههههههه قامت غلا تمسح النزيف على قولته وهو حواجبه 11 لووول غلا : شدعوى خالد شفيك؟ ياهل من صجك انت خالد : شفييييج يبا ، نتدلع شووووي (يغمز لها) مايحق لي ، ولا بس انتي غلا : ههههههه يحق لك حبيبييي لما بدت الشمس تغرب بعد صلاة المغرب عمر لا إرادياً شاف نفسه قايم ويبدل ويكشخ عشان يتوجه لمكانه المعتاد .. لبس ثوبه وقعد ساعه بس يكشخ بغترته ويعدلها ويرجع يسويها اللي يشوفه يقول رايح يقعد معاها ، مب رايح مثل الحرامي يبوق شوفتها و من ابعد من البعييد .. كت على روحه العطر و كااشخ عدل .. فتح الباب يطل عشان لايكون حد موجود فالممر ، هو من رجع من امريكا ماغير مكان غرفته ، كانت قريبه من الباب بس مو باب الصاله باب يطلع على جانت من الحوش ... المهم ... تأكد ان لا امه و لا ابوه بيمرون من هني توه مسكر الباب الا بضربة عصا على ريله عمر سكر عيونه الطقه على العظمه احح تعور اليده : عمور وين رايح هاه؟ وينج بتهيت ادري بك ، خلك بره البيت ها لاترجع عمر : يدتي شفيج شفييج ، كلها ساعه ساعتين وراجع ، مع ربعي رايح يدته تدزه : جذاب ، كاشخ وين بتروح هاه؟ تغازل ياعمور تغازل؟ عمر : يااااااااويلي يدتي شبلاج قلبيني سفاح بعد يدته : اييه طول لسانك عليي ، سعووود يا سعووود عمر : لالالالالا يدتي (يحب راسها) يلا يلا فمان الللله و شررد عنها قبل لايوصل ابوه و ركب سيارته وهو يظحك عليها .. عمر : هههه عليها حركاااااااات .. خالد ماحب يستعجل فالرده بيقعد شوي فالمسيد لانه من زمان ما قرى غير عن قبل .. سبحان الله ، تم فهالييوم بالذاات مطول فالمسيد .. نسيت اقول لكم ، ان المسيد شوي يكشف المنطقه اللي يتواجد فيها عمر بس مو عدل الا اذا حد انتبه لها يعني .. المهم .. خالد قرى ولما خلص طلع من المسيد راجع للبيت مانتبه للسياره ولا للأرض .. وصل للبيت و غلا كانت فالمطبخ كلمها على السريع لانها كانت مشغوله وبعدها راح الدار يبدل ملابسه .. حس الغرفه شوي كتمه و جو المكيف ماعطيها ظيقه و الهوا مب وايد نقي ، فتح الدريشه و لف وجهه رجع نظره مره ثانيه وهو شابك حواجبه مستغرب بعد ماضربت ليتات السياره كانه حد موجود .. ماهتم و مشى .. |
|
#257
04-11-2008, 09:02 PM
| ||
| | ||
| رد: غلا ننتظر التكملة .. و تسلمين لناااااا قطرية كيووت
__________________ يآمآ جرحوني بس ما بكيت { أجرح !!.. صمتي على جرحي يسبب جرح أدخل و أسدح توبكك هنا ~.~ " قطرية كيووت " |
|
#259
04-12-2008, 12:03 PM
| ||
| | ||
| رد: غلا خالد اصطلب مره وحده فمكانه !!!!!!!! هالسياره مب غريبه عليه .. ركز بنظره وفكره شوي على السياره وكانت الرؤيه واضحه حييل عنده !! عمر؟؟ هذا عمر اخوي؟ شيسوي هناك؟ بروحه؟ شيسوي فهالأرض؟ شمقعده؟ غلا ماسمعت الا خطوات خالد وهو يمشي بسرعه مثل المينون كأنه يبي يلحق على شي .. خالد كان يمشي ودقات قلبه تزيد والعرق من راسه ينزل مثل المطر و الغضب شان الحرب على عمر .. لكنه كان حليم ومسك نفسه لين وصل عند الارض ، انخش وطل بنص جسمه شافه ماعطيه ظهره ومركز نظره على الدريشه اللي غلا كانت تطل كانها تدور خالد ..! عمر ماحس الا بحد لافه من ثوبه خالد وهو يزعق عليه : عمر؟؟؟؟؟ شتسوي هني عمر هني لسانه وقف عن الكلام ، مخه وقف عن التفكير ، كل شي فجسمه تعطل ومات ماعرف شيسوي لابيده يشرد ولا بيده يتكلم صادوه مثل الحرامي بالجرم المشهوود ، شتسوى عليه ؟؟؟؟؟ خالد يهزه وهو ماسكه بيد من ياقة ثوبه : ماتتحجى شتسوي هني؟ عمر يبي يتكلم لكن الحروف تخونه وتعصيه ماتطلع على لسانه خالد : آه يالخسيسس انا اخوك جذي تسووي فيني هذي اخرتها عمر :لا لاتفهمني غلط خالد يدزه : بقى فيها فهممم ، انت اخو ؟ عمر مارد عليه و خالد سحبه معاه لين البيت رفس خالد باب البيت ودز عمر جدامه خالد زعق من قمه راسه بصوت واحد هز البيت : غلا غلا قلبها على يدها طلعت من الصاله وهي كانها تلقط آخر انفاسها وشافت عمر و الحاله اللي هم فيها غلا : خالد؟؟ عمر؟ شصاير؟؟ خالد : وتسأليني؟ تسأليني يامرتي؟ يام عيالي يابنت عمي؟ هذي اخرتها ، جذي تسوين فيني تخليني مثل الاهبل غلا : خالد شفيك ، شتقول انت؟ خالد : ماتتحجى ياخوي ، قول لها ، قول وين شفتك وشتسوي غلا دموعها تصب وصوتها يرقل :عمر شفيك انت و خالد (تصيح) تكلموا الله يخليكم لاتطيرون عقلي خالد يجره : امش معااي ، تحرك غلا : وين خالد ؟ بروح وياك خالد : انا اعلمك ياعمير ، هذي اخرتها ياولد امي ، افا والللله بس على اللي اعتبرته فيك وعديتك اعز من عندي ، حسافه يوم أمنتك على هلي (يهز راسه) حساافه غلابسرعه لبست عباتها وركبت السياره وهي ولا تدري شالسالفه لدرجة ان سالفة عمر وقعدته راحت عن بالها وصلوا لبيت ابوهم ونزل خالد و عمر و غلا عمر وقف وماقدر يدخل للبيت ، خالد فتح الباب خالد بعصبيه : ادخل عمر ينزل راسه خالد يجره كانه بيضربه من ثوبه ويدزه بكل قوته على الارض خالد : يبا ، يمأ لطيفه جات تركض وسعود سبقها سعود : خالد؟ شفيك؟ شمسوي فاخوك؟ خالد : يخسي ، هذا ماعده اخو من اليوم ، خساره هالاسم فيه حتى غلا تشهق : حد منكم يتكلمم حرام عليكم خالد يصرخ عليها : مابي اسمع صوتج انتي ، فااااهمه مابيه غلا تخرعت من اسلوب خالد و صراخه سعود يزعق عليه : خالد،، تكلم عدل ، شمسوي اخوك؟ خالد : اانا اقولكم والباقي عليكم ، اللي تقولون عنه اخوي ، قاعد و جدام بيتي ولا جدام داري انا ومرتي و صاير مثل المراقب ، ومتى بالوقت اللي انا محد فيه ، ماتقولون لي شنو هاي؟ سعود : شنو؟؟؟ عمور؟ صج اللي يقوله اخوك؟ خالد : قلنا انك تحبها وسكتنا ، غازلتها وهي على ذمتي بما فيه الكفايه ، بس ها ياعمير انا تحملت بما فيه الكفايه و دست على قلبي وكرامتي عشانك يوم كنت اخوي ، لكن توصل فيك انك تفكر تخونييييي ، واللللله احرقك ولا اسأل فيك سعود رفع عمر من على الارض و عطاه بكف ولا حلم فيه الكل انصدم من الكف والحركه ، و خالد عوره قلبه ، صج محتقره لكن كان فيوم اخو له غلا حطت يدها على ويهها ماتصدق اللي تسمعه ولا اللي تشوفه شاللي يصير اشيا كانت تسمع فيها ماتصدق انها فيوم بتصير حقيقه ولهم هم ..! خالد : هذي اخرتها ياعمر؟ جذي تسوي فيني؟ وين النخوه يارجااال؟ ضاعت منك؟ تخوني انا؟ حساافه والله ، غبي انا و اهبل و عمي يوم اني امنتك عليهم غبي يوم فكرتك طيب و غير عن هالناس (يلف على غلا) ، اتهمتيني انا بالخااين ياغلا ، خالد مسكه من ثوبه وقرب وجهه منه وتم يطالعه بنظرات الغصب فيها ماله حدود .. هده خالد و طاح على الارض ، طلع خالد من البيت و غلا تصيح و هي منصدمه ، صورتها لعمر تغيرت اهتزت ، شبه منكسره ، ماتقدر تثق فيه مثل قبل خالد طلع من البيت مايعرف وين يروح اللي شافه واللي كان فيه مثل الصدمه كهربائيه له حرقت كل شي فجسمه ولا يعرف شيسوي .. كان يمرر راسه على يده من الغضب اللي هو فيه ، فقد اخوه الوحيد ، وبطريقه محد يحبها ، طريقه بشعه ، يخونه؟ خالد وقف عند البحر وتم مثل اللي لسانه مقطوع وقلبه موقف لا حي ولا ميت شيسوي شيسووووي!! تذكر لما مره جا البحر بروحه والبنت اللي شافها ، بس فكر انه كان فحلم او شي .. شاف الظلام يزيد و الوقت تأخر بيرجع البيت! هذا اللي قرره .. ركب خالد السياره فسكون مب طبيعي مايسمع الا صوت موج البحر ، انوار السيارات كانت تضرب فعينه ووو .... شبيصير ف خالد؟؟؟ |
|
#260
04-12-2008, 12:14 PM
| ||
| | ||
| رد: غلا ركب خالد السياره و كان فصمت فظيع مع نفسه غير عادته .. حتى غترته قاطها ولا يدري بالدنيا .. انورا السيارات كانت تضرب فعينه تعكس دموعه المتجمعه بعينه وحابسها .. كل شي الا غلا ..! مايبي حتى يقول حق نفسه انه خلاص صار صج مجنونها .. قلبه من داخل شبت فيه الف نار ، غيره ، وحرقه ، و قهر على غلا و على عمر اخوه .. حسافه اللي صار ماكان يبي يخسر آخر رجا حاطه فآخر انسان من هله انه يفقده .. و صل للبيت و غلا كانت تنطره كانها قاعده على نار لاتقدر تقعد ولا تقدر توقف و لاتقدر تطلع تدووره ..! و أخيراً وصل غلا بخوف : خالد ؟ خالد بهدوء : هلا؟ غلا : وين كنت؟ انشغل بالي عليك خالد يمسح على راسها : تأخرت عليج غلا انصدمت فخالد؟ جذي يعاملها؟ توقعت بيرجع و بينقلب البيت كله فوق تحت وصريخه بيوصل لآخر بيت غلا تمسك يده : خالد؟ خالد : انتي مالج ذنب ، الذنب ذنبي غلا وعيونها تدمع : لاتقول جذي خالد ، انت مالك شغل خالد : انا كان لازم ارفض من البدايه ، حرام اخذج منه ، هذا عقابي من الله ذوقني اللي ذاقه عمر غلا تصيح : خالد لاتقول جذي ، انا بتم لك ، تكفى لاتقول جذي خالد يبتسم لها وهو طالع على الدرج ، رجع لها خالد .. : بس يمكن لازم نتغير شوي! صح! كبرناا غلا مافهمت ولا كلمه من اللي قاله خالد لها ، يتغيرون؟ على شنو؟ خالد دخل الدار يبدل وهو كاره المكان ويحاول كثر مايقدر مايشوف الدريشه سكرها و سكر الستاير عليها بدل ملابسه و انسدح على السرير نص سدحه وهو يفكر ، صج اللي صار اليوم؟ انا شلون كنت عمي؟ انا شلون ماكنت منتبه له؟ انا اهبل غلا كانت تزعل و تذبحني ليش ان دوامي طول اليوم بره البيت ، وانا الاهبل ولا ادري باللي يصير ، اكيد كانت خايفه منه؟ يعني هو سوى لها شي؟ (فتح عيونها خالد) خالد نقز من على السرير : يسوويها فتحت غلا باب الدار وطلع خالد فويهها ، خالد خفف من عيلته غلا : وين بتروح؟ خالد : نص ساعه وراجع غلا تقفل الباب : لا خالد رجع على وراه وسكت غلا : وين بتروح؟ خالد : شغل غلا عصبت : بعد ، ردينا للشغل ، شفت آخرة شغلك شنو !! خالد : غلا تكفين سكتيييي مابي اسمع هالسالفه مره ثانيه، سكريها غلا : ماني مسكرتها خالد : اففففففف شتبين تقولين خلاص ، شتبين تسميني فيه بعد!! غلا : انا اسمك؟ خالد (هي مالها ذنب كفايه اللي شافته مني) : مب انتي غلا : تذكر يوم كنت اقولك اعتذر عن شغلك لا تروح ، قلل الساعات ،، شكنت تقول؟ تسكتني تقولي انشالله انشالله بحاول ، يصير خير ، اذا قدرت ، ماني متأخر ، هذا اللي كنت تقوله ، انا من شفته كنت المح لك لكن انت مافهمت ، انا خفت اكون ظالمته ، لاني فكل خطوه اخطيها اكون ظالمه ، مادري ليش؟ خالد فهم قصد غلا و سكت يسمع كلامها .. غلا كانت تكلمه وتشوفه ، شكله وايد يعور القلب ، منزل راسه ويطالع الارض وسااكت مايعلق غلا قعدت عند ريله : خالد كلمني خالد يطالعها: سوى لج شي؟ كلمج؟ قال لج شي؟ غلا : لا ، ولاحتى جا البيت وانت مو موجود .. خالد : زين انج قلتي كنت بروح اخلص عليه غلا ماعرفت شتقول له ، تدري انه ماسك نفسه عنه ، بتسكت لانها اذا زادت السالفه شكله بيهييج مره وحده .. قعدت حذاه وهي ساكته مثله وهو يفكر وهو سااااااااااااااااااااااااكت .. خالد قام يدور فالغرفه و غلا قاعده ، تشوفه ، تناظر الطويل ، البُعد البعيد ، الحي الميت ، هالشي العجيب اللي كانت تحلم فيه .. ((شلون حبت عمر؟ عمر خوان! و خالد سبق و خانها؟ لاالا خالد مايخوني انا كنت ظالمته، بس انا دايمآ اطلع ظالمه؟ مو يمكن اكون ظالمه عمر؟ لاا مستحيل ، انا اظلم بس خالد لا ، يعني عمر خوان؟)) .. تشوف لمعة عيون خالد و كبريائه المكسور جدامها .. انقهرت من عمر باللي سواه فخالد .. حتى لو كان عمر حبيبها فيوم ، خالد الحين ريلها .. غلا نزلت راسها وانهارت مره وحده تصيح خالد تخرع وراح لها : غلا ، غلا شفيج؟ شصار؟ غلا من كلامه صياحها يزيد خالد : تحجي غلا (يشيل يدها عن وجهها) ، قولي غلا شفيج؟ شصار؟ عمر مسوي شي صح!! غلا شهقت : لالالالا ، لا خالد والله لا (تصيح) خالد : عيل ماتقولين لي شفيج، ريحيني حرام علييج غلا ( شقووول لك بس؟؟) لمت خالد بكل قوتها تطلع الخوف اللي فيها بدون ماتشكي له خالد مط شفته من الحره ، مايبيها تصيح خالد يشيلها ويمسح دموعها : لاتصيحين غلا ، محد بيقدر يصيحج دامج معاي ، فاهمه! غلا كانت خايفه ماردت خالد : فااهمه؟ غلا هزت راسها خالد خلاها وقام فتح البلكونه و قعد على الكرسي و غلا داخل الغرفه خالد قعد وحط يداته الثنتين ورا راسه خالد (( قلبي شبيشيل ياغلا ، حبج ولا قهر من غيرج ، انتي مفكره اني ساكت من قوةٍ فيني يامسكينه ، انتي اقرب الناس لي ، مابي اخسرج ، خسرت عمي ، وابوي و امي واخوي ، خلاص تعبت كل مافيني تعب حتى صبري تعب)) خالد لف على يمينه وهو مبتسم لقى غلا حذاه ، استانس على رغم اللي فيه ، بس كان مايبي يبين لها .. غلا كانت بين كل رمشة عين والثانيه تخطف نظره على خالد وتبتسم كانهم اول مره يشوفون بعض ..! خالد يطالعها وساكت ... غلا انتبهت له وسكتت شتقول له بعد؟ تزيده على اللي فيه .. .* من الهدب لين الهدب .,,.,. بحر و مراكب من لهب ، امواج تبحر ب رضا و امواج تلعب بي غصب *. خالد : شسوي فيه غلا؟ غلا : فمنو؟ خالد : فيه هو غلا : مادري ، انساه خالد ، انت اصلآ تبي الشاره عشان ماتروح بيت هلك خالد : من قال؟؟ غلا : عيل ليش ماكنت تروح لهم؟ خالد : مابي اروح لهم عشان يحرمون من هاللي يسوونه فيني و فيج ، عشان يحسون على دمهم ويعرفون شكثر انا تعبان شكثر انا متحمل وساكت (يطالعها) بس عشانج ، ساكت و اعامل الكل فوق المحترم بس عشانج انتي لكن اللي صار ياغلا اليوم هزني ، فتح عيوني ، شلون كنت عمي شلووون! كنتي تقولين لي انتبه وانا مادري بشي ، كنت مفكره اخوي ، شلون منخدع فيه ، علميييني شلون؟ غلا : خلاص حبيبي اللي صار صار ، وانت قلت مب مسوي الا الواجب معاهم ، خلاص سوه معاه هو ، خلك احسن منه خالد : غلا من صجج؟ يخوني و تبيني اعامله بالزين ، من كل عقلج تتكلمين؟ غلا : عيل بتصير غبي مثلي لما خليتك ورحت عنك؟ خالد انربط لسانه غلا : كنت غبيه أي ، ليش سكت؟ غبيه ، كنت ظالمتك بس حمدلله كل شي شفته عدل خالد : تبيني ارجع حق عمور؟ واعامله عادي ؟؟؟؟ غلا : لا ماقصدت اللي تقوله ، قصدي ان السالفه توها صايره ، وانت اعصابك محترقه ، باجر كل شي يتلاشى وينسي ، وانت طيب ياخالد خالد : لو تنطبق السما على الارض ماعانيته بالكلام ، يخسي غلا سكتت عنه غلا : زين خلاص قوم نام ، سفرتك باجر خالد جنه تذكر شي ناسيه : اوهووووووو ، اسافر بعد غلا : افا عليك ياخالد ، شنو يعني ، وان سافرت ، تطمن مب صاير شي ، عمي و درى بالسالفه ، تلاقيهم حابسينه الحين لا طلعه ولا شي ، ولا هو من نفسه مأنبه ضميره خالد : وانتي شدراج؟ غلا بلعتها : اتوقع ياخالد ، تطمن مافي شي من اللي فبالك ودخلت الدار خالد دز الكوب المحطوط ( انا شفييييني ، قمت اشك فيهاا ) خالد يلحقها : غلا ،، غلاا ! غلا ماردت عليه بس طالعته وهو سكت ماعرف شيقول لها .. خالد تم واقف وهو يقوي من تسكيرته ليده مايعرف شيقول لها ، لو قلت سامحيني يمكن هيي .... غلا : شفيك؟ خالد انتبه : شنو؟ غلا : شفيك؟ خالد : ولاشي خالد انسدح بينام ..... |
 |
| مواقع النشر (المفضلة) |
| |
العرض العادي
