راسي يوجعني وللحين م خلصت المحاضرات باقيلي وحده يالله يارب تخلص بسرعه والأفضل تعتذر وتفكنا

الناس الي تدرس معي بعضهم اوتاكو كل يوم اتفاجأ انه فيه ناس اوتاكو وفيه بعضهم يتابعون بس باين ان ذي بركات هجوم العمالقه خلت الناس تلتفت للأنمي أول أيام القحط والفقر ولا معلومه عندهم عن الأنمي كل شوي تتقفل أخلاقي من مستوى السماجه الي يقولونها عن اي احد يتابع مسوين نفسهم ظريفين

- مساحة حلطمه -

اوك من وين ابدأ ؟ كيف أطلع حرتي بالمانجا الي أقراها ؟ الولد قاهرني البنت كانت كل يوم تصبح عليه وتقوله احبك ومن ذا الكلام وبالنهايه فضّل ذيك عليها ادري انه تعاطف مع حالة ذيك بس وإن يكن يعني !! مو تختار الحين وبعدين تجي تندم وتخون ذيك وترجع للي انقهرت وهي تصبح وتمسي عليك انها تحبك عقب م شافت السعاده وراحت بطريقها مع واحد يقدرها تجي انت وتخرب كل شي ؟!! قطيعه لك انت واشكالك ان شاء الله حرام كل م اتذكر البنت وهي تنقهر وتبكي عشانه اهتم بذيك وتركها ودي اكفخه بكفوف الدنيا المهم ان شاء الله م تتأثر مشاعرها ويارب م تهتم بإعترافه السخيف وتكمل حياتها وتتركهم وم تدخل بعلاقتهم وتحاول ترجع الي قهرها وذيك لبعض خليهم بالطقاق ان شاء الله شعليك منهم ؟ حمدلله والشكر بس
+ حاسه اني بتعاطف مع الولد بعدين مشكلتي اشوف احد يبكي اتعاطف معه

" انا اعتقد ان تحب احداً يعني ان تحترم مشاعر ذلك الشخص لايهم كم انا متألمه اذا هو لم يعد يحبني اذا لا اعتقد اني استطيع ان افعل اي شيء اخر حول هذا الموضوع اذا لذلك السبب أريد ان احترم مشاعره لكن ماذا عن مشاعري اين سوف اضعهم .. "

مع اني م احب الي قالتها بس جدياً كلامها منطقي عشان كذا بعض الأحيان اكره الشخصيات اللعوبه ' الا الي شكله حلو اوالي يتعدلون بعدين ' ، تأثرت مره بكلامها خصوصاً لما قالت مشاعري وين اوديها منجد دايماً اسأل هالسؤال كل م مر علي مثلث حب او حب متعدد الأطراف احس حرام يتركون الشخصيات الجانبيه الي دورها تحب ع الأقل لازم نهايه سعيده للكل اغلب الوقت اكرهم بس بعدين بعد م اخلص الانمي او المانجا احزن عليهم يعني حالهم يكسر الخاطر

من أول كنت اهتم بالبطله وكنت ابغاها تلقى سعادتها بس الحين تنرفز كأنها بدت تميل لصديق طفولتها مو معقوله والله طب حبيبك ي حيوانه ! حرام عارف انها جالسه تتجسس عليهم ومع ذلك ساكت م قال شي حقيره البنت والله يعجبني حبيبها مكبر عقله وجالس يهتم فيها بس ضروري يجي يوم وبينفجر عليها انا م تحملت تصرفها كيف عاد هو