السلام عليكم ورحمة الله وبركاته
كيفك نيهان عساك بخير؟! اكيد بخير دامني جيت

قرأت الفصل الاول قبل ما نتعرف بس تكسلت ارد و كنت مشغولة مع اليكس و كذا، بس وعدتك اني ارد و ها انا انفذ وعدي ، قرأت الفصل الثاني و الثالث اليوم و خلصتهم ، ما شاء الله علي ، و قلت رح ارد لمن ارجع البيت << لاني برا البيت ، لكن توفر لدي النت ✌🏻 😎، فقلت لازم ارد، في البداية فتحت الصفحة ابغى ارد بس سحبت، بس رجعت و قلت الى متى تأجلي يا بنت ردي دحين!!!، فرديت 😁...

بدل الثرثرة اللي فوق خليني اتكلم عن روايتك اللي ادمنتها 😍😍👌:-
اولا و قبل كل شيء العنوان:...
رومانسي 😑، تراني غسلت يدي من الرومانسية << لا تصديقيها تتفرج الشوجو 😏، بس حلو يعنى حتو لو انه رومانسي يظل حلو ✌🏻، بس بما انه بوليسي و كذا فتمنيت عنوان اقوى <<< طنيشيها...، بس زي ما قالتلك فاير ان نطقه بالانجليزي جميل جدا

التصميم:-
جميل هاديء و الخلفية البيضة زادته فخامة ، يناسب الرواية بس ما حبيت المعطف الطبي، اكره الطب و كل ما يخصه خخخ، ما علينا المهم التصميم فخم جدا ما شاء الله تبارك الله، و لا غبار عليه يا رب اكون محترفة انا كمان

المكان:-
تركيا؟! اسطنبول؟!! لحظة وحدة - تستوعب - ما اقدر اتخيل اللهجة، اتخيل الشخصيات بس اتخيلها تتكلم ياباني و لا احيانا احول الكلمات الى معناها الياباني و اتخيل الشخصيات تنطقها ، بس شسمه تصدقي انتي كسرتي الروتين بذي الحركة و صراحة انهيك على الحركة ✌🏻👌🏻👌🏻، عاد انا احب كسر الروتين تعالي بجانبي صديقتي ✌، احس اصلا تركيا تناسب احداثك .

الزمان:-
في البداية تكلمتي عن المستقبل و طبيبة ضربت كل المزعجين اللي جوها ، و بعدين حولتي للماضي، احب الحركات ذي اللي تجيبي المستقبل بعدين تجيبي الماضي عشان نفهم ايش صار ، بس نسيت هم في اي زمن ، ترى ذاكرتي مشوشة شوي فلا تستغربي اذا لخبطت في الاحداث و كذا، المهم الزمن اللي هم فيه الماضي 2007 !!!! << راحت شافت، و المستقبل 2018 😱، ان شاء الله النت يصير اقوى وقتها ، المهم احب التلاعب بين المستقبل و الماضي ✌🏻.

الاحداث:-
لحد الان ما صار شيء غير احداث روتينيه، قصدي ان تتعرف على البطل و كذا، بس تعرفي شخصية البطلة خطييييرة والله انها عجبتني و تموت ضحك ، كل ما اقرأ مقطع لها مع جدتها اموت ضحك، يا بنت الكوميديا صاارخة عندك<<<مو زي بعض الناس 🤐، بس البطلة والله انها تحفة بعصبيتها و عنجهيتها و كذا، ما ينفعلها الا جدتها ، و المشكلة انها عارفة انها قليلة ادب بس مكملة حياتها شكله الناس كلها بتكرها بعد اسبوع 😂😂، بس ابدعتي بشخصيتها صارحة ✌.

الشخصيات:-
ياختي شخصياتك متفردين عن بعضهم اقصد كل واحد له شخصيته الخاصة👌، البطلة حالتها حالة تخاصم و تضارب و لسانها اطول منها و كل ذا و تجي الجدة اخرتها و تقول هي طيبة!!! انا كنت كذا : نعم 😧؟!! متأكدة؟!!! ، بس كلامها صح البطلة طيبة و الا ما انقذت البنت اللي تنمرت عليها نازالي بناديها نيزك لان اسمها قريب من نيزك و انا مو مرة حافظته 👌🏻، بس اهم شيء الفلوس ، المعلم طيب و هاديء حنون و لطيف بس ياويل سواد ليله اللي يخليه يعصب اذا خلى شسمها فليز تخاف اكيد يخوف ، هو عكس فليز باين عليه انه طيب و هو عصبي فليز باين انها عصبية و هي طيبة، نقيض رائع، يعني احسك اوهمتينا انها قاسية و كذا و هي اساسا طيبة و البطل طيب و كذا و هو قاسي و مخيف 👌 مدري بس حسيت زي كذا، اوز بكتبه كذا لاني كل ما اقرا اسمه اقراه اغوز انطق الغين، ياختي هذا محجوز لي من دحين ، زوجي ✌ ، ارسليلي صورته بعدين ، شكله هو المتنمر رقم واحد في المدرسة ، بتصير بينه و بين البطل مهاوشات و مناقرات على فليز ، شوفي انا اكره سوء الفهم اذا طول فخوفي يجي سوء فهم ، المهم خلينا نكمل الجدة و ما ادراك من الجدة ، شخصيتها هذه ابدعتي فيها و بقوة اهنيك الصراحة عليها، ياختي تموتني ضحك تحديدا لمن تتخاصم مع فليز، و مت ضحك لمن انصدمت ان فليز قبلت رأسها ، حسيتها تقول البنت اكلت شيء؟!!، العم ما طلع كثير بس شكله بار بأمه مو زي ابو فليز النذل اللي مدري ايش اقول عنه**** هو و زوجته النذلة!!

الاسلوب:-
لا غبار عليه ماشاءالله، يعني وصفتي كل شيء ما يحتاج ، و اوصلتينا مشاعرهم جيدا ✌✌، سلس و سهل الفهم ماهو صعب و كذا، اقدر اتخيل الشخصيات و هذا هو المطلوب، روايتك متكاملة ماشاءالله تبارك الله .

الفصول:-
تصدقين تعبت يدي بس بكمل 😁، وش وراي؟!!،المهم ردي هذا بعوضك عن مليون متابع << خفي علينا بس، المهم خلينا نبدأ:-

الفصل الاول:
اسميه تمهيد و كذا، اب فليز ياني ابقى اضربه و الطشه و اخلي عليه كدمات ما تروح هو و زوجته النذلة اللي مسوية نفسها بريئة، ابغى ادعي عليهم من كثر ما اكرههم، بس فليز برضو غلطانة راحت تتخاصم معاهم ما تطنشهم، بس جدتها خطيرة تعجبني حزنتني لمن قالت ابن عاق حتى ما سلمت علي 😭 قلبي الصغير لا يتحمل اكثر من ذلك ، هذا اللي صار فكذا قلت عنه تمهيد .

الفصل الثاني:-
فصولك قصيرة ياخي كيف تبغيني احللها ، حسيت نفسي في مباراة، المهم بدأت الاحداث تبدأ تقريبا، حيث عارضت جدتها فراحت طلبت منها توصل الخضراوات الى مطعم و هناك تخاصمت مع المدير شجارهم يضحك موتني ضحك ، احس اثنين اغبياء يضاربوا ههه ، و هناك تقابل المعلم او البطل او زوجها او او...، المهم انها تقابله و تتخاصم معاه، هذه البنت حقت مضاربات هههه، و لا واثقة انه ما رح يدرسها بعدين تنصدم انه مدرسها ههههه ، ياني مت ضحك عليها.

الفصل الثالث:-
اللي لفت انتباهي ان فليز انصدمت من اغوز و رفاقه و حماقتهم فراحت بتنقذ بجيدها، للاسف زاد الطين بله لمن طاحت على اغوز هههه، و شافهم المعلم و صرخ و جت بتنهض بس منعها، واااو متحمسة للمضاربة اللي بتصير بينه و بين المعلم 😍😍😍، بس خلي المعلم قاسي و اغوز طيب رجاءً ههههه.

توقعاتي:-
يموت البطل بسبب خطة سواها اغوز او اي احد و ما كان مخطط ان البطل يموت فهي عشانها ما انقذت البطل و ندمت و كذا صارت طبيبة عشان تنقذ الناس، و انها ما تتزوج اوغوز احسن لا تتزوجه، الصراحة ما اقدر اتوقع ايش اللي بيصير بعدين *^*!!

مقاطع عجبتني:-
الجدة لمن عاقبت فليز و خلتها تلبس لبس كيوت و تشتغل هههههه ، و الله ان الجدة خطيرة 😂

و لمن تخاصمت مع مالك المطعم ، و رفست المعلم 😂

و اخر شيء لمن درسها المعلم بعدما خططت الجدة لذلك ههههههه 😂

الاسئلة:-
رأيكم بالنبضة الثالثة؟!
فصيرة -.-'، طولي الاحداث يا بنت، بس جميلة و فخمة
تعليقاتكم عل الاحداث؟!
كتبت فوق
افضل مقطع؟!
فوق
ظهور اغوز القوي ليسيطر عل الاحداث؟!
خيااالي
نيهان، نازلي، امير، اموت...ماذا يخبيء القدر يا ترى؟!
لا ادري صراحة...*^*

الخاتمة:-
قصتك جد جميلة و اعتبريني متابعة لها ، استمري و لا توقفي لا اذبحك، و بس

في حفظ الرحمن