Hello misery my old friend.

حاليا انا انسانة تعيسة جدا، أدعي هالفصل يخلص على خير قبل لانتحر.
كل يوم أداوم فيه بالنسبة لي كابوس. فعلياا.
لوول، اذا مادخلت عقب فترة يعني قررت أرتكب جريمة وادش السجن احسن لي.

هلوو،
*تنتبه للكلام المكتوب*
ترا ماتحلطم وايد هذي يسمونها فضفضة >يصير خير
من أغرب المواقف اللي صادتني ولا قادرة أحصلها تفسير أو معنى
ركزوا معاي شوية.
اختكم في الله راحت السوق مع امها، وكنا طالعين بسيارتي،
ولأنه صارلتي فترة ماطلعت بسيارتي فصارت تغطيها طبقة غبار خفيفة
ماعلينا الغبار يتنظف
المهم رحنا السوق وخلصنا شغلنا ورجعنا للسيارة.
واحنا نحط الأغراض بالسيارة لاحظت شي غريب.
تعرفون شلون السيارة لما تكون مغبرة تقدرون تكتبون فيها؟
احزروا شحصلت مكتوب فيها؟ اسم "غدير" ورقم تلفون .
اخت غدير غلطانة بالسيارة ولا شنو؟ :َضحك:
المهم مسحت الرقم والاسم بعبايتي لانفضح.

__________________

مع اني الوسطى في عايلتنا الكريمة بس مادري ليش دايما تنقط علي مصايب أخواني
يعني بالعادة الفرد الصغير أو الكبير هو اللي مفروض تنقط عليه المصايب صح ؟.
خلوني اعطيكم مثال:
اخوي بأيام مراهقته، كان خاطره يجرب يسوق، والشيخ موراضي ينطر لما يوصل لـ18 ويتدرب
على قولته "مينون أنطر انا".
المهم، مرة من المرات طلع بسيارة أمي
سوى مصيبته ورجع فيها، بس كانت في مشكلة بالسيارة، ماذكر شنو المشكلة بالضبط.
وقتها ناداني عشان اساعده ندف السيارة. الله يهديه مادري منو قاله اني راعية عضلات
وانا المسكينة وقتها كنت اتابع ايداتن جمب اللي كان ينعرض في سبيستون .
رحت بكل براءة اساعده. لما عرفت أمي بالسالفة شوطت .
بالنهاية اثنينا تعاقبنا وانا أصلا مالي خص

__________________