وعليكم السلام ورحمة الله وبركاتُه آنسة لينارا.

والله تمام بس الملل فجّر أخلاقي الله يفجّره .
وأنتِ؟ ان شاء الله تكونين تمام بعد بس بدون ملل لول.

المهم ان موضوعك حيل جذبني للأمانة، أحسه طق
عرق اللقافة فيني مليون .

جديًا يعني، اخترتي موضوع يجذب كثير
وحبيت هالشيء جدًا نمنم .

عاد أنا وحدة من ذيك الشخصيات الخجولة واللي 'شوي'
فاشلة نوعًا ما بناحية التواصل... وإيه كان الموضوع مُفيد جدًا لي.

الحين صدق بتدرب على إني أسوي هالحيل مع اللي أعرفهم
عشان أفوز بنفاش ولو بسيط غغااغغغ .

بس النقطة الأولى مرة غريبة واحس تشكك شوي...
وربي ما توقّعت أن العدو بعد بيستغرب،
احس مدري بيشوتني بعيد ممكن .

معلينا بجربها مع الإنترنت حقنا
لأنه صدق ذي الفترة بيعاديني بفففف.

النقطة الرابعة والتاسعة على انها قوية وكذا يعني
بس يوه احس مقدر اسويها. أخاف صدق انكتم يوم أطالع
بعيون الشخص بداله وأصيح .

النقطة السابعة، هوللل. وأنا أقول ليه بعد كل فترة
يجيني أحد ويقول انه اشتاق لي ومن هالكلام.
طلع صدق عشان دايم يوم أقابل أحد أكون بموعد متأخر!
صدق ما كنت أدري حماس.

النقطة 12 ... اللعنة على النقطة 12 بس .
دايم يسوونها فيني عشاني ما أتخذ قرارات سريعة،
واحس خير وقاحة اللعنة .

13 دايم أسويها للأسف، لأني دايم أشكّ بأفكاري واعتقاداتي .
بس ويت يعني أنا عادي أشكّ بأفكاري بس أحد يجي يشكّكني فيها بنسفه !

15 دايم بعد يسوونها لي وريڤالي تعبت من هالشيء.
أنا مضطهده يا جماعة ):.

16 مرة طرب، احس تحمست أجربها خصوصي بالكوبلات
العسل حقتي . بقعد أعيد انميات ومسلسلات وأشياء ثانية
بعد عشان أعرف إذا هم صدق يستاهلون التشبيك أو لا .

18 مدري ما أتوقع، دايم أنا أزيد عدد الكلمات
بدون أي هدف كالبقره .

أنا بقرة حلوة جدًا نمنمنمنمنمنم .

19 دايم تكتّم لعنتي مع الأسف .
صدق أنا دايم أكون محبطة وكذا بعدين يجون يقولون لي
انه اي صدق انتِ كذا وكذا وماتقدرين تسوين أي شيء
مفيد بالحياة ويالله روحي موتي وشوي إلا أشوفني
أعاندهم بس بشكل إيجابي ههه.... يفشل.

وأخيرًا، هاذي الأشياء اللي جذبتني جدًا،
لو تحمست نقطة بس زيادة أكيد بحط كل الموضوع .
لأن خير وربي حلو ومفيد مرة احس تأثرت .

شكرًا على مجهودك آنسة عسل، أنا مُمتنة لكِ كثيرًا على
هاذي المعلومات النفسية .

وإذا قدرتي مُستقبلًا، سوي جزء ثاني وبمعلومات
جديدة بس بنفس الفكرة.

حرفيًا والله الموضوع جاب راسي، خصوصي انه
بسيط ولطيف ومافيه معمعة واجد .

غيّرتي من جويّ الله يسعدكِ .

وايه شكرًا مرة ثانية على الدعوة اللطيفة،
أنرتِي ملفي بموضوعك والله .

ويارب ما تحرمينا من المواضيع المُبهرة والمُلفتة حقتكِ
ويكون لك طلّة قريب هاها .

في النهاية، أتمنى انك تحظين
بيوم لطيف، جميل، ومُنعش .

دُمتِ بود، في أمان الله تعالى .