وعليكم السلام ورحمة الله وبركاته،
شخبارك اخوي؟
تصويرك؟ شتسوي هني اخوي، روح قسم التصوير لوسمحت واسعدنا بصورك
ماشاءالله الموضوع مرتب . واضح خذا منك وقت وجهد وطالع مزبوط
البطة اللي في الهيدر مسوية تسريحة؟ ولا ذي شكلها بالاساس ولا ضفت سكرابز؟ فصلت عليها

البطة الانثى

https://5.top4top.net/p_1279b6zui1.png

تشبه الديك الرومي، مايبين من شكله انه عدائي، خبري البط أليفين، لكن نفس ماقلت. الزين مايكمل.

معرفه الذكر من الانثى سهل جداً ولا يحتاج الى خبير الذكور عاده تكون رقبتها اطول والحجم اكبر من الانثى واكثر عدائيه بعكس الانثى اصغر وملامحها وشكلها انثوي واضح

بناءا على هالمعلومة حاولت أميز ذكر والانثى، لكن فشلت بنجاح
حسيت ملامحه انثوية وناعمة وقلت ذي

https://5.top4top.net/p_1279gxtmt2.png

انثى، طلع ذكر

هالبط

https://1.top4top.net/p_1279z0fqr3.png

اللي انشهر بتوم وجيري ، وطول عمرنا نعرفه بس مانعرف شسالفته

ماشاءالله ريش هالبطة

https://2.top4top.net/p_1279ycp564.png

نفس جلد الفهد

هالبطة الكاشخة

https://3.top4top.net/p_1279rsdle1.png

احين عرفت سالفة شعرها، واضح العرج الفرنسي فيها . سبحان الله الشعر فوق مرتب كأنها تسريحة.

أكثر بطة عجبتني هالبطة

https://5.top4top.net/p_127908zes3.png

، جميلة ماشاءالله. وبياضها يلفت النظر.

لما زرت حديقة الحيوانات اللي عندنا طلبت على البط لكن ماحطيت بالي على الأنواع الموجودة، وصوتهم بشكل عام مزعج
يلا ان شاءالله لرحت الحديقة مرة ثانية بحاول اجوف الانواع الموجودة.
يعطيك العافية أخوي على الموضوع المرتب، ونفس ماقلتلك تعال قسم التصوير >استغلالية