بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان
يخبطها بِبريك قوي، حتى الغراض اللي بالعربانة وگعنْ واطّشرنْ... وگام
يصيح: لگيت بيت... لگيت .. نِزل بالسطح وبُقه يدوّر على فتحة مال مدخنة
يفوت منها!!.. ماكو.. راد باب مفتوحة !!.. ماكو.. راد شباچ يكسره ويفوت
منة؟؟.. مالگة.. لأن كلهة بيهة كتايب.

المهم.. فات من الفتحة مال المبردة وحطْ الهدايا يم الشجرة وطِلع.. أول ما
طِلع چان يسمع، صوت واحد يصيّح (حرامي ..حرامي !!!).. وعينكم ما إتشوف
الاّ النور.. إشتغلتْ الطلقاتْ والبوكسياتْ وحتى قاذفات وهاونات.. على
هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف
شنو الفلم.. عباله صارت حرب.


والتمّت الهمرات والحرس الوطني والشرطة... واحد يگول شفتة لابس حزام
ناسف!!.. واحد يگول العربانة مالته مفخخة. هناك چان يچيّت عليه واحد،
وكُمشه.. وسحله من لحيتة للمركز طبعا بعد ما شبع كتتل بالطريق.. وبالتحقيق
محد صدّگه وكل ما يفك حلگه..يجي راشدي.. وبعدين زينوه صفر وأخذوا موبايلة
وچانت بجيبة أربع أوراق ونص هم أخذوهِن.. تالي طلع بالگوّة، گالو: رجّال
چبير.


رجع (بابا نويل) للبيت يلي نِزل بالسطح مالتة لگة العربانة ماكو.. سِئل
جاهل گله: شصار من العربانة؟؟... گله الجاهل: الغراض إلي بيهة إتحوسمتْ
كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟
هنّة چم حمار وعربانة مكسرة إجو أخذوهن الدوّارة أهل الطحين وراحوا.

كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه..
وهمْ عذبوه وگلوله: إنته منين؟؟ سني لو شيعي؟؟ مسيحي لو كردي؟؟.. گاللهم
يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ
مديذبحوه چان تجي الغزلان والعربانة... طلعوا فالتين من بغداد وبالكوة
چلّب بيهن وفلت.. المهم هوة عبالة إرتاح وگال: الحمد الله جتّي على هيچ
وبس.. بعده ما منَجِّم بالسِما، چان يجيه صاروخ من هذا الحنَيّن ويضرب
العربانة وإشتغلت السبعة وخمسين علية ودوشكات... حرگوا الجو حرگ على
الرجال المسكين.. المهم هوة مدري شلون إنشمر فوگ غزالة من غزلانه وچلّب
بيها وفِلتْ وراح لبيتهم بالقُطب وقدّم استقالة من هاي الشغله..


وهسة هوة كلّش يكره الجهال وما يحب الهدايا وبس يباوع أفلام رعب واشترى
مسدسات ورشاشات ويصيح طول اليوم.... وين يروح المطلوب إلنة ...

مع أن ما قرأت ليست له أية علاقة بميزان الشعر وبحوره ولا بتفعيلاته وموسيقاه ....
غير أني أكاد أقسم بأني قد قرأت شعرا حرك مشاعري واستفز انسانيتي نحو دمعة خجول...
هل بقي لدينا ما نفعل غير ذلك؟؟
أرجو من الجميع المشاركة في اقتراح المنتدى المناسب لهذه القصيدة غير الشعرية

__________________

والله انا ما افهم العراقي

__________________
صحي قلوب الناس
صحي بنا النخوة
واصرخ بكل احساس
ان العرب اخوة

__________________
مخالف للقوانين

(عدم كتابة الايميلات في التوقيع الخاص بك)

http://vb.arabseyes.com/rolls.htm

هههههههههههههه و انا ما بعرف اللهجة العراقية بس فهمت هههههههههههههههههههههههههه رووووووووووووووووووووووووووووووعة مرسيييييييييييييييييييييييييي ههههههههههه يا حرام يا بابا نويل ههههههههههههههههههههههه