E v e r y t h i n g - عيون العرب

**↵ Y E L L O W ⌁** · #1 08-13-2019, 05:48 AM

يمة وش قاعدة اشوف آني ! ، مرة مميز ولطيف وربي
Y a g i m a

السلام عليكم ورحمة الله وبركاتة
شحالكم ؟ وه أول موضوع بعد م يقارب تقريبًا اكثر من 6 شهور

قبل فترة كنت أنظف فوني من الصور الي مالهاش داعي

ف جفت هذيل الي كنت أرسمهم وقت الحصص الجامعية xDD
طبعا هذا ايام 2016 - 2017

هنّ 11 صورة . . وان شاءالله تعيبكم

هنيه يوم كنت أدرس في مادة الأنجليزية . . كنت أدرس كلمات

وطريقتي ف الحفظ دايمًا الأستاذ انها غريبة xD
اكتب الكلمات في أماكن عشوائية في الصفحة عكس بنات الكلاس

يسوون لكل كلمة جدول خاص

يقول أول مرة أجوف شخص يسوي هالشئ xD

هنيه والله عاد م أتذكر شو الرواية الي كنت أقرأها

لكن من الكلمات الي مكتوبة شكلها كانت بيض

هنيه في كلاس الأنقلش بعد . . أبو الملل قسم بالله :")

يعني تخيلوا كل الكلاسات الانقليزية بس أرسم . . عندي كثير رسمات

ان شاءالله ف المواضيع الياية < بعد 5 سنوات xD

هنيه يوم أحسب الدقايق والوقت الزفت :")

لا والي يقهر حاطين لنا ساعه فيها ثواني

طيب فهمنا أن الوقت يمشي جي مب لازم تزيدونها *قلب مكسور*

بصراحة أحلى رسمة عندي حسيت نفسي ريلاكسسس يوم رسمتها
ويبين أني وايد كنت مروقة xD

أحلى شئ فالكون هو معقم اليدين >//<

صدقوني سوو في أيدكم عقبها حركوا يدينكم في الهواء بشكل سريع
باااااارد يجنن

^ نفسية م عليكم xD

طفش السيارة . . .

تبا كييوت >/////<

المهم هنيه كنت اسوي فيديو لمشروع مادة مُعينة

هنيه كنت أنتظر الوالد الله يحفظه نزل يصلي وخلاني بالسيارة x'D
ومن الطفش كنت حاطة ريل ع ريل بعدين يتني الفكرة وسويتها

شكل الفضاوة كانت لاعبة فيني ف غرفتي
ي أن كان عندي أمتحان وما أريد أدرس
أو أن ما كان في نت

هنا كنا سايرين مكان اتوقع نتمشى بس معرف وين
المهم أن كان ابوي مشغل شيلة ورسمت هالاثنين
عاد من زين الكلمات xD
المهم حولت الفيديو لـ جيف

وفي النهاية . . نصل الى ختام الموضوع

نشكركم لحسن المتابعة

ان شاءالله عيبكم الموضوع اللطيف

ونلتقي في موضوع يديد ان شاءالله أسويه قريب

في أمان الله ورعايته

سبحان الله وبحمده - سبحان الله العظيم

**Y a g i m a** · #2 08-13-2019, 06:31 AM

-

السلام عليكم ورحمة الله وبركاته

..

شفتي شكثر قلوب صفر جنب السلام ؟

كلهم لج وبس

شلونج ؟

عساج بخير و ما تشكين من اذية يارب

ايه زين الحين آني قادرة آخذ راحتي بالكلام وياج عشان لهجاتنا متقاربة

اول شيء التصميم حق الموضوع مرة جميل

، شغلت البروكسي عشان اشوفه

الوانه جميلة وحبيت الخلفية السوداء تبعه اساسا كله لطيف وقميل على بعضه ربي يسعدج X)

اييييييييه نجي للرسمات ياااااااخي انت اول مرة احس واحد يعرف معنى الرسم عن قلب واللهX)
اخبرج شلون ؟ *-* عندي رسمة شفتها بقناة وحدة تحب الرسم وتجمع عنه صور وكذا مع انها مب رسامة ،
يعني قناتها مخصصة لأمور عن الرسم من الأدوات لين النقل لرسمات اشخاص من الإنستا والخ الخ ..

شوفي هذي الرسمة ، الشخص اللي راسمها مخلي الرسمة هي اللي تخبرة وش يعمل وكيف يكمل الرسمة
يعني مو هو المتحكم بالرسمة بل تارك الرسمة تتحكم فيه ، مرة حبيت هالشيء وكان نفسي اجرب لصير مثله

هو عايش مع الرسمة وكأنها شيء حي ، لاحظي الخطوات كيف تحسس الواحد بحيويتها الله ياالله بس

الحين انتي موضوعج ذكرني بهذي الصورة ، على طول اول ما عرفت ماهية موضوعج جت الرسمة على بالي

عشان جي بقول لج انج تعرفي معنى الرسم ، انتي جبتي فنج ورسمج الى واقعج وهالشيء مرة يسعد ولطيف

موضوعج مرة ظريف وربي استانست بيه وااااااايد X)

، تراج مانج الوحيدة اللي تخربش وترسم بوكت الدوام

حتى آني جي ، خصوصا لو الملل يصير سيد الحصة وهالشيء بوكت حصة الفيزياء ربي ياخذها للأجيال القادمة X)

اكثر رسمة حبيتها هي حقة بوطج

، بالنسبة لي آني ! هذي بالذات مرة مميزة عندي

تبع الرسمة الكيوت اللي راسمتها بصورتج اثناء المشروع هذي ظريفة والظرافة تنقط منها ياااخ >,<

انتي وريتينا جانبج الفني بالتصوير وجانبج الآخر حق الرسم ولطافتج بعد

تصويرج فخم ورسمج لايق عليه

مرة استمتعت وآني اقرأ تعليقاتج على رسماتج والمواقف وأساسا موضوعج طالع مبهج بشكل *-*

سعدت وااااااايد بتواجدج هني والله يشهد ع كلامي

، أمانه كثري من زياراتج للقسم

قلب7..
وآني بعد اريد اخلي الرسم جزء من واقعي وحياتي بالضبط مثلج ومثل ذاك الرسام/ة لأنه المعنى الحقيقي للرسم ):

لايك - سمعة - تقييم

- ختم

- تعليق بسيط لج

تقبلي مروري المتواضع من موضوعج الظريف والكيوت

، في أمان الله لموس تشي

#ياجيما

**|تيتوس|** · #3 08-13-2019, 06:16 PM

Y a g i m a

السلام عليكم ورحمة الله

كيف حالك اختي

ما شاء الله تصويرك × رسمك رهيب سو كيوت

سوقوي شو لطيفين و جميلين

هيك كأن الرسومات حية بعالم الواقع يعطو احساس انهم معنا جد

حبيتهم جميعا بس ذولا الاثنين خطفو قلبي

كيوووت :

:
لطيفة جدااا

الفكرة لحاله تخبس

اطلق رسمة >.<

كأنه يقراء معاك

شكله جميييل ><

مواقف كلهم حلوين ولطيفين و م انسى حقت بوطك تهبل كمان

شكرا لمشاركتنا كمية الجمال واللطافة ذي

دمتي مبدعة

في رعاية الباري

**T Y P H O O N** · #4 08-13-2019, 09:09 PM

Y a g i m a

وعليكم السلام ورحمة الله وبركاته
اهلين لمسه كيف حالك. ان شاء الله طيبه .

موضوعك لطيف. ^ ^
بـ النسبة لي حصة الانجليزي مره ممتع. لانها كانت كل حصة نتكلم عن موضوع جديد.
و اتوقع كل حصص الانجليزي كذا فـ غريب انك تملي فيها .

بنسبة لرسم.

صراحة ضحك على هاذي.

حاولت اعرف نوع السيارة الصراحة. بس عجزت . اتوقع كيا. ؟
طبعاً الرسمة لطيفه .

هاذي حالتي في مادة الادارة تبع التخصص.
أعد أجزاء الثاوني. الي ان تخلص. الحصة .

.
شكراً لك على هذا الموضوع اللطيف.
شكراً لك على الدعوة.
وتقبلي مروري البسيط.

**↵ Y E L L O W ⌁** · #5 08-14-2019, 12:56 AM

-

شكرًا لمن مر من هنيه وقيمني

تعليقاتكم كيوت وتضحك