الف نكتة ونكتة عراقية

1) مصري مطبب راسه بالبطل، گالوله شنو هاي شدتسوي گال: رأبتي سداده..

2) واحد محشش راح لابو صيدلية كلة عندك شريط فلو اوت؟؟؟كله اي..كله حطة خلي نسمعة.

3) فد يوم باجتماع بين مسؤولين من العراق والصين والأردن شافوا رئيس الوفد الصيني يأشر بأصبعه للسمه رئيس الوفد الأردني سأل :هذا شبيه كلوله هذا ديتصل عبر الاقمار الصناعيه... ورة شوية باوع على عدنان الدليمي وشاف راسه يهتز كال هذا اشبيه؟كالوله هذا يمكن اجته رساله.

4) اعمى گام يشوف صار بيه شلل من الفرحه.

5) واحد متعاجز حيل... مرته دگت الباب گاللهه: انتي طالق.

6) خبيث فتح مدرسه للخباثه.. لما كمل عدد الطلاب سدهه .

7) غبي خطف غبية چتفها وخلاها بالسيارة بالطريق المخطوفه بدت تعيط بصوت عالي...الخاطف الغبي گللها اذا متسكتين انزلج من السيارة...الغبية گلتله اوكي رح اسكت.


8) غبي گالوله اشسميت ابنك؟ گال مامستعجل... گالولي راح تنزل حروف جديده.

9)اثنين محششين يباوعون على الضوه مال الشارع واحد يكول هذا كمر والثاني يكول هاي شمس مر من يمهم غبي سالوه هذه شمس لو كمر كال والله اني مو من هذه المنطقة.

10) محشش سئلوه ماهو سبب عدم زرع التين بالارجنتين ؟جاوبهم:لانها من الدول اللا – تينية


11) واحد يعرف يحسب من الواحد للثنين بس ... راح يشتري ببسي گاله اطيني ثنين ببسي وواحد ببسي.

12) ذبانه تصيح وزززززززززززززززز وگعت انكسر سنهه كام تصيح وثثثثثثثثثثثثثثثثثثثثثثث.

13) مرية كالت الزوجها باجر عيد زواجنا شنسوي؟ كلها خلي نوكف خمس دقايق حداد

14) واحد گل لابو المحل: اريد نظاره.. گلله: للقراءه لو للشمس؟؟؟ گكلله لا .. لمرتي.

15) عجوز شافت ذيب، خافت.... گللهه لاتخافين ماأحب النواشف.

16) غبي إشتره سيارة كير أوتوماتيك كص رجله اليسار وكال: هذي بعد ما أحتاجها.

17) غبي شاف دعاية مارلبورو ... تأثر بيهه راح اشتره حصان.

18) فيل طب للگهوه.. طلب نرگيله بدون قمچي.

19) غبي سالوه اشتريت ملابس للعيد؟كال ليش اني مشتري لنفسي حتى اشتري للعيد

20) نعجه صاحت مييييع سمعهه طلي گال: اروح فدوه لهل صوت .

21) زرافه تگول: امنيتي ألگي بلوز ابو الرگبه يرهمني .

22) وحده گالولهه بيتچ مليان تراب.. گالت صوچ رجلي ميسمع غير اغاني قديمة.

23) غبي إتزوج وحدة رومانسية فكالتله: إنطيني كلمة تحسسني بالدفء..كاللها: قمصلة

24) واحد خبيث گل لحرامي علمني البوگ واعلمك النذاله... الحرامي باگ محفظه گدامه گلله شوف شلون ابوگ .. يلله علمني خباثه... الناصريه گام يصيح: حرامي.... حرامي...

25) طبيب خابر الشرطه گاللهم: شرد من المستشفى واحد مخبل حيل اصلع وشعره مكفش.. گالوله شلون تصير؟؟ أصلع وشعر؟؟ گال مو گلتلكم مخبل حيل.

26) واحد شاف اعمى لازم جريده گال اول مره اشوف اعمى يقره كلله الاعمى: ومنو گللك اعرف اقره؟؟؟.. اني جاي اباوع عالصور بس.

27) طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.

28) وحده حلمانه واحد يركض وراهه .. گالت له: ليش تركض ورايه؟ گاللهه: آنه أدري؟؟ انتي اللي حلمانه لو أني.

29)غبي شاف وحده حلوه راكبه بالتاتا... نزل اخذ الرقم.

30)خبيث بالسينما، ماكو غيره وواحد لاخ.. گام گعد وره ذاك وگلله: بلكي شويه تدني راسك اخي.

31)واحد گل لابوه: يابه اريدهه تكون بيضة وطويله... گام جابله ثلاجه عشرين قدم.

32) غبي خابر مكتب خطوط ..گاللهم: بالله شگد تستغرق الرحله للهند؟گاله الموظف: لحظه..سد الخط وگال لصاحبه: لا موبعيده كلش.

33) عزة الدوري دخل على صدام بيوم 9 نيسان رافع أصبعين(علامة النصر)..گال صدام:ها إنتصرنا؟ گال:لا بقينا بس إثنين.

34) غبي سمع أكو حقل مزروعه بيه ألغام...راح ثاني يوم يسگيهن.

35) غبي اشتره حذاء ضيگه.. گالوله: ليش؟؟ گال لو تدرون شلون ارتاح من انزعهه؟؟

36)غبي ما يفتهم بالرياضيات.. گام طيّر الأوراق.. گالوله: ليش؟؟ گال: حته افهمهه وهيه طايره.

37) سوداني شاف اسد گام يبچي ... گلله مروتك لاتاكلني.. گلله الاسد: بالعكس، اصلا اني ما اكل مشويات.

38) أحول اشتره ديچ طلع الديچ همينه احول اجه يحطه بالقفص حطه بره.... الديچ على أساس لوتي راد ينهزم طب بالقفص.

39) عجوز اتزحلكت وطاحت.. گالت: شفتوا شلون دبل كيك؟

40)غبي گل لقاسم أبو الگص: فد نفر گص...قاسم گلله: سفري لو بالصاله؟؟ كلله: سويه مشكل.

41) اكوا واحد سحب كهرباء من عامود الشارع فرجع الى بيته فلكه الثلاجه تشتعل والمروحه تنطفي والتلفزيون يشتعل والضوء ينطفي فرجع الى الشارع لكه نفسه ساحب الكهرباء من اشارة المرور

42) غبي كمشو الأمن عنده فلم خلاعي شلون؟؟ چان حاطه ويه افلام رياضيه وكاتب عليه العراق 5 البرازيل 0

43) طفل احول لگه بالشارع عشرة گام يصيح: هيه هيه عشرين عشرين.

44) مره وحده قالت الى زوجها خلينا نروح الى الحديقة العامة ونسترجع ايام الخطوبه وبعد ان راحو اجت الشرطة ومسكتهم الزوج صار يتوسل بالشرطي فقال له الشرطي اوكي هذه المره انته سماح بس هذي بنت الملعون صار 12 مره نگمشها.

45) ثور گص گرونه گالوله ليش گال : صارت مزعطه.

46) قزم اشترك في برنامج من سيربح المليون من راد يصعد على الكرسي طلب مساعده الجمهور

47) واحد يشتغل بشركة البيبسي.. شافه مدير الشركه يشرب سفن أب گام طرده.

48) مر حشاش راح لابو تسجيلات كلة عندك كاظم سلاهر كلة اي جان كلة صيحة اريد احجي ويا

49)خبيث صوّر الدفن مال ابوه بالفيديو.. كل شويه يراويه لأمه.

50) أمه همينه عالعناد كلما تشوف الفلم تگوم تتحمر وترگص.

51) خبيث گل لبخيل: إش تتمنه؟ گال: يموت أبويه وأورثه؟؟ وإنته؟؟ گال: يندعم أبويه ويموت حته همينه الورث وهمينه الفصل.

52) خبيث أعمى، تبرعتله مرته بعينهه.. وره العملية گللهه: وفوگاهه عوره؟؟ گام طلگهه.

53) ديچ مراهق مضوج دجاج المنطقه.. گالتله وحده: ماعندك أهل يربوك؟؟ گاللهه: لا والله تفقيس مكاين.

54)بخيل مات ابوه حط لافته بالسوگ: يونس ينعى اباه ويصلح الساعات.

55) غبي لزم ارهابي كله جم مرة فجرت نفسك

56) چلب فقد الذاكره.. گام يكول: نَوْ نَوْ؟؟ لا.... بَوْبَوْ ؟؟ همينه لا.... يا الله نسيت شلون ينبحون.

57)غبي هارب.. اشتره جواز مال واحد اسمه حسنين وبدل الصوره..بالسيطره سألوه شسمك؟؟ گال: إثنين حسن.

58) خبيث يوصي ولده: ما أوصيكم بالخباثه ويلادي ....الخباثه الخباثه.. ثم الخباثه. گالوله: ولايهمك... لمن مات ذبوا جثته بالزباله.

59) طفل خبيث أبوه مانطاه عيديه ... كتب عالباب: يعيش الزرقاوي.

60) قصة أسلام أول هندوسي: مسلم زار هندوسي يباركله بالمولود الجديد.. سأله: ولد؟؟ گال:لا ... گال إذن بنيه... الهندوسي تعجب.... ورأسا أعلن إسلامه.

61) غبي سأل شيخ عشيرة ، گلله: إشكد عمرك إمحفوظ؟؟ گلله الشيخ:42.. گلله الغبي شلون صدفة.. نفس قياس القندره مالتي.

62) محشش فتح محل سماه: بقالة الاقمشة الكهربائية لحلاقة الاحذية الغذائية

63) غبي گللتله مرته: آني أحبك.. گللهه خللي علاقتنه صداقة بس.

64) واحد گالوله: إبنك أجته طلقه تايهه.. گال: أصيل... أكيد راح يدلليهه.

65) غبي گالوله الحفله تنكريه.. دز أخوه ابداله.

66) فد يوم واحد غبي يمشي بالطريق ووكع بحفرة شكد ماراد يطلع ماكدر جان ايكول والله اخر مرة اذا ما طلعت هالمرة راح اروح للبيت.

67) واحد لوتي سألوه: امك حيه؟؟ گال لا عگربه گالوله: لأ.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه.

68) عجوز اجه ابنهه نص الليل سكران..گالته: ماشاء الله !! متأخر؟؟ .. لا وچماله ريحة القمار مالتك واصله للسمه.

69) احول سكر گام يشوف زين.

70) احول سألوه منو تعجبك من نساء العرب؟؟ گال: حوله بنت الأزور.

71) مصرية تعاركت ويه وحده بدويه.. گالتلهه.: غوري، گتك نيله.. گلتلهه: انا غوري يادلة الگهوه؟؟

72) غبي راد يقلد كاظم الساهر نزل كاسيت رائحة القدمين.

73) واحد گالوله: نحزرك حزوره وإذا عرفتهه ننطيك نص مليون.. گال: لعد والنص الثاني المن؟

74) مرة اياد علاوي هوة ومرتة نايمين كعدتة مرتة كلتلة سمعت صوت بالسطح كللهة يفيدنة بالانتخابات

75) أحول راح للبحرين.... وصلهه شافهه أربعة.

76)غبي گلله الطبيب: يوميه تمشي 10 كيلومترات... خابره وره شهرين گلله دكتور آني هسه بعرعر... أرجع لو أطلع گبل؟؟

77)خبيث صب لأبوه گهوه.. گلله ابوه: شخبار الخباثه؟؟ گلله: نص الدله ديتول.

78)غبيه گالتلهه جيراننه: اني مسويه ميك أب.. گالتلهه: وأني مسويه شيخ محشي.

79) اكو لفة وبيبسي يركضون بالشارع ليش...وجبة سريعة

80) طيار غبي وگعت بيه الطيارة ... لمن لگوا الصندوك الاسود سمعوه يگول للمساعد: ماتفكلنه جامة الشباچ شوية من يمك

81) غبي دخل لمحل تجهيزات رياضية گلله ماعدكم احذية مال هجوم؟؟

82) عجوز شافت جني گالت أعوذ بالله منك ومن شكلك.. گللهه: شلونج هسه انتي عاد؟؟

83) فد چلب گاطع الشارع عالرايح والراد... گالوله: ولك ليش متصير آدمي؟؟ گال: لعد شلون أصير كلب إبن كلب بعد؟؟

84) غبي يشتغل بالتنقيب عن الآثار... ديحفر طلعتله طابوگه جمهوري... ركض للمدير يصيح: إستاد.. لگيت الدوشيش مال حمورابي؟

85) وحده سمعت صوت بالليل گعدت رجلهه گللتله: گوم شوف يمكن حرامي.. گلهه ما تگومين انتي .. يجوز حراميه.

86) واحد يحب وحده من طرف واحد، سنه كامله يتابعهه وهيه متدري، وره فتره شافهه ويه واحد گللهه: شوفي اللي بيناتنا تره كلله انتهى.

87) صدام من ختل بالحفره يگللك حط فوگاهه عش حمام وحمامه وبيض وعنكبوت ومن هالشغلات.. المهم اجوي الامريكان يدورون شافوهه.. گللوله: أطلع لك قابل احنه زواج مثل قريش؟؟

88) غبي ديزين لحيته دگ التلفون .. كام شخط خده بالموس... گال ليهنا واصل.

89) اغبياء اثنين ديلعبون شطرنج... كلما يموت جندي ينصبوله فاتحه 3 أيام.

90) محشش طب للصيدلية كله عندك شريط باراسيتول ؟ كله : اي كله : ممكن انسمعه !!!!

91) كصير تزوج كصيره جابوا قزم .. طهروه خلص.

92) محشش راح للجيران سالهم عدكم طماطه كالوله أي كاللهم احنا هم عدنا

93) أقدملك نفسي:الأخضر الأبراهيمي... تشرفنا آني الأحمر الدوري.

94) عتوي گل لبزونه: نااااو كللتله: نو.. نوت ناااااو.

95) طبيب اطفال راح يخطب گالوله: چان كملت دراسه ؟

96) غبي طلع گول عله فريقه.. كال أقربلي.

97) اكو واحد راح الراس الشارع لكاه اكرع

98) واحد راح لدكتور غبي كاله:دكتور بطني تطلع جاوبة الدكتور كاله:طول الفانيله

99) اكو غبي سالو شنو اقدم حيوان كال حمار الوحشي لانة اسود و ابيض

100) مرة وحدة مرية اتاخر زوجها راحت لامها كلت لامها مام اشوهذا تاخر اخاف ازوج علي كالتله اتفائلي ايجوز مسوي حادث

101) واحد أخذه ابوه لفاتحه حته يعلمه الأصول.. سأل أبو الميت شلون مات؟؟ گال دعمته سياره؟؟ گلله: شجابه عالسياره؟ سجابه عليهه؟؟ وره فتره راح بوحده لفاتحه. سأل شلون مات گالوله موت الله.. كال شجابه على الله شجابه عليه؟

102) وحده من السودان جابت 9 اطفال 8 سود او واحد ابيض سألوها ليش هاذة ابيض كالت لان خلص الحبر

103) شيخ جامع قبل ما يطلع للصلاة اخذ شريط حبوب او طلع يخطب من خلص الخطبه جماعته راحوله للبيت..كالوله هاي اشسويت شيخنه كال اشسويت كالوله كلت معركه بدر صارت بالطيارات او مشيناها كالوله كلت صلاح الدين الايوبي ظرب القدس كمياوي هم مشيناها بس مال اتكول ابو جهل باع بلال الحبشي البرشلونه ابخمس ملاين يورو هاي وين لا كيها..

104) فد مرة اثنين اغبياء كاعدين بمطعم كلة جام , واحد منهم باوع عالجامة الكدامهم كل للثاني هذولة الاثنين اني شايفهم بس وين ما ادري؟ الثاني كلة خلي انروح انسلم عليهم ونشوفهم من يا عمام فكامو ديروحون عليهم الاول كلة اكعد اكعد همة اجوي علينة مو كتلك نعرفهم!!

105)غبي زرع خس بالملعب ليش ... حتى يطلع ابو الطوبة

106) غبي شاف بنت حلوة كال شسم الحلوة كالت اسمي موجود بكل حديقه (يعني وردة) كال شنو صوندة

107) غبي يدرس بوحدة طلع ثاني عالصف

108) غبي راكب بهليكوبتر... گال للكابتن: بروح أبوك ماتطفينه المروحه الفوگ.. تراهه بردت شويه.

109) تحشيشات: تعال = تعال ابو الاصبع /هسه = هسه لو تبليط/ اريده = اريده لو مجلة /كلكم = كلكم لو بهارات /حيل = حيل لو نومي بصرة /نومي = نومي لو كعدي / حنان = حنان وكعدوني فد شوية /هدير = هدير بانزين للمولده /انته = انته لو شعير/ ينكت = ينكت مي /مي = مي عز الدين /قديمة = قديمة مال هاون /حنطة = حنطة دبلوماسية /جاي = جاي وحليب/ هاي = هاي وكهوة /باي = باي وشربت/ شطوله = شطوله مال لبن /عاجل = عاجل عكله /مباشر = مباشر لو عكب باجر /حدس = حدس وتمن /سامر = سامر روحه من السطح

110) واحد راح يشتري دوه لأبوه من الصيدلية، رجع لگاه ميت، گال: شوف السخيف.

111) اكو غبي صبغ دشداشته من جوا ليش\\\ حتا ما زنجر

112) انتحاري غبي فجر نفسة بالحديقة ليش ؟ لان الثيل امريكي

113) لبناني تعرف على وحده صينيه، گاللها: شو إسمك؟؟ گالت: مي شان شو.. گال: ميشان نتعرف.

114) حرامي كمشته وحده سمينه حيل، نامت عليه وگلت لزوجهه: بسرعه .. خابر الشرطه .. گاللها زوجها: هوه شگد الرقم؟؟ گلله الحرامي: 111 بسرعه يمعود.

115) ابو بريص سكران يگل لصاحبه: والله لوما الشرب والنسوان جان هسة اني باقي تمساح.

116) شايب عمره 90 سنة، اتزوج بنية عمرهه 15 سنة ، بليلة الدخلة سألها: بابه انتي تعرفين شيسوون من يتزوجون؟؟ گالت له: لع، راح ليغاد .. صفن.. گام يحچي ويه نفسه: هاي اشلون ورطة؟؟ البنية متعرف وآني نسيت!!

117) واحد راح لساحر كاله حولني الى شي كل الناس تحتاجه الساحر حوله شحاطه

118) احول طب للحمام يسبح ليف الكيزر

119) سألوا غبي: انته اتدخن ؟؟؟ گلهم: والله من امشي ما اباوع ورايه.

120) غبي لگه كنز.. گال: بقت بس الخريطه.

121) محشش خابر الشرطة، گاللهم: انباگ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي.

122)غبي سمع انه الجزر يقوي النظر.. راح اشتره گونية جزر وگعد يتباوع عليهه.

123) واحد گال للبگال: عندك سكر؟؟ گال: نعم.. گال: الحگ ..الصليب الاحمر جايبيلكم خوش ادويه.

124) محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس.

125) مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله.

126) بخيل مات ابوه... گلله المغسلچي انطيني 10000 دينار مال الغسل. گال: إشدعوه؟؟ قابل مغسل بي أم ؟

127) واحد توّه گايم يصلي، راح للحسينية گاموا يتفيكون براسه واحد يگلله دنّي تربتك عليمنه واحد يگلله شويه عاليسره الى ان طگت روحه.. گاللهم: اگلكم.. تره هسه أبطل .. هيه صلاة لو ضربة جزاء؟

128) أكو فد گمل وگملايه ستوهم متزوجين گاللهه: وين تحبين تگضين شهر العسل؟؟ گالتله: يمدحون بشعر هيفاء وهبي.

129) وحده تگل لزوجها: جيراننا كل ما يطلع يبوس مرته، ليش ما تسوي مثله؟ گللهه: تعتقديهه توافق؟؟

130) بخيل واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن الكلب.. بابه وحده كافي.

131) بخيل مات... لگوا بوصيته مكتوب ( آني غاسل.. لا تغسّلوني ).

132) تلاثه خبثاء رادوا يبوگون بنگ، فقسموهه بيناتهم: واحد يبوگ و واحد يراقب ........ وواحد يروح يبلغ الشرطة.

133) تاجر مخدرات غبي كتب على باب الگهوه مالته : يوجد لدينا طحين نقي جدا (من اللي ابالكم).

134) شيخ جامع خبيث قرر يسوي محاضره للعميان عنوانهه: نعمة البصر.

135) سكران ضوّجته ذبانه، كمشها وشلع جناحاتها .... گللهه: دِدگيها مشي يبنت الكلب.

136) جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده.

137) (شجر كلو فلفل، نهر كلو فلفل، حور عين كلو فلفل) ... شيخ جامع بالهند يوصفلهم الجنه.

138) واحد احول ماشى بجنازة امه يصيح: آخ... ياويلي.. هم امي وهم خالتي ..

139) بياع شراي مال سيارات گالوله: المهر مال بتنه خمس ملايين، گال: مَيصرّف.. حصّلت وحده بمليون وحامل.

140) أحول تزوج على مرته... طلعت هيه نفسهه.

141) واحد باگ سياره.. راح يبيعهه انباگت منه.. گالوله: بيش بعتهه گال: بفلوسهه.

142) خروف خانته نعجة، وگف تكسي ... گلله اقرب مطعم باچه... هيچ حياة هم متنراد ..

143) غبي كالوله باجر عيد الحب , كال : هاي شلون صلاتها؟

144) واحد غابت روحه صاحوا الناس: جيبوله مي .. گال: ماكو سفن؟

145) جريده مال خباثة نشرت صورة واحد يعبّر فد أعمى الشارع، كتبوا جواهه (متى تنتهي هذه الظاهرة؟)

146) نملة كل ماتحب تقرا تصعد عل ظهر الفيل ليش؟؟تريد تاخذ دراسات عليا!!

147) مرة صدام زار روضة اطفال فكام الطفل كالتلة المعلمة تعرف هذا منو كال اي شلون مااعرفة هذا كل مايطلع بتلفزيون ابوية يتفل ابوجهة

148) واحد متدين صاحبته گللتله: أهلي ماهُمّه بالبيت، تعال يمي.. گاللهه: إذا خايفة أقري المعوذتين.

149) مرة سالوا غبي كلوله شنو رايك بالملوية؟كال اكبر برغي بالعالم

150) محششه تحچي ويه نفسها: آني أحب آكل برغل هوايه بس ما أدري آكل برغل يحبني لو لا؟

151) محشش گال لابو الاسواق: عندك جگاير كنت؟؟؟ گلله نعم.. گال: آني همينه.

152) غبي قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر.

153) ثنين سكاره وگفهم شرطي المرور گال: شاربين؟؟ گالوا: لا.. گال: لعد ليش ثنيناتكم عيونكم حمر؟؟ گالوله: مو إحنه گرايب.

154) صدام سال واحد كلة شنو القدر شنو المصيبة كلة سيدي القدر يعني لاسامح الله انت كاعد تمشي بصف حايط ويوكع عليك الحايط والمصيبة كلة سيدي تطلع كلشي مابيك ومتموت

155) أحول يتحارش بوحده حوله گاللهه: اللي عاليمنه أحلى وحده.. ردت عليه : أما صدگ إنتو جوگه مال أدبسزيه.

156) محشش ضرب عمود ،إحولّ ...گام يسمع الواحد إثنين.

157)غبي مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض.

158) غبي سأل صاحبه: هيه مصر بعيده؟؟ گلله: ما أعتقد، لأن المصري اللي بصف محلي يوميه يجي عالبايسكل.

159) غبي حزّر صاحبه، گلله: اذكرلي اسم حيوان برمائي.. گلله: تمساح.. گلله: بعد حيوان ثاني.. گلله: تمساح ثاني.

160) طالب بدوي، گلله المعلم: إذكرلي اربع حيوانات.. گلله: چلب وتلث بعران إستاد.

161) شاب غبي، كامش بيده سيم وواگف براس الدربونه.. گالوله: ليش؟؟ گال حتى البنات تگول عني: شوفوا هذا ... شاب وسيم.

162) غبي رايح للحج وماخذ وياه دودة گال: سمعت إنه الحج أيام معدودة.

163) واحد كيكي أبوه هداله كتاب ديني.. رجع ورة إسبوع لگاه متحجب.

164) سوداني سجل بمدرسة مسائي، كلما ينطفي الضوه يضحك.. حتى لايسجلوه غايب.

165) واحد أفرار من الجيش گطعوله آذاناته، گام يكثر من أكل الجزر.. گالوله: ليش؟؟ گال: إذا ضعف نظري وين أعلگ النظارات؟

166) واحد راح يخطب بنيه ، أبوهه سأله: إنته تدخن؟؟ گلله: لا، بس مرات من أسكر ويه البنات بگعدات القمار أجرلي چم جگارة حشيشه.

167) مره واحد ضافوله صفر صار عشره هههههههه

168) واحد.. الفگر ثاوله.. ضحك للدنيه تفلت بوجهه.

169) واحد يشتغل بالمعارض مال البياع، إجاه مولود گال للممرضه: الله عليچ لاتغسليه، خللي بترابه.

170)أغبياء زوّروا أبو العشرتالاف كشفوهم شلون؟ لأن كاتبين عليه: أم عشرة ألف.

171) بإنفجار مقر الأمم المتحدة ببغداد راح غبي يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال الكردي يمكن ديوصي خللي أكتب الوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عن صوندة الأوكسجين تره راح أختنگ وأموت).

172)غبي راح يصلي بالصحن مالت النجف ، طبت جنازه، گال: إيه.. يمكن أجه العشة.

173) واحد صعد بتكسي، گال للسايق: نادي الشباب من رخصتك گلله: متناديهم أنته ليش آني أشتغل عد الخلفوك؟

174) مرة غبي وكفة الشرطي كله وين ساكن كله الغبي ويا اخوية الشرطي كله اخوك وين ساكن كله الغبي وياي عصب الشرطي وكله انتة واخوك وين ساكنين !! كله الغبي واحد ويا الثاني

175) وحده گلت لرجلهه: تره هذا الولد يأشرلي.. گلله لاتوكفيله .. دوسيلها.

176) حرامي نجح إبنه، گلله: إبني شنو رايك بسيارة الجيران؟

177) غنام، بليلة الدخله ما لگه موضوع يحچي بيه، گال للعروسه:ماعندچ علم إذا أكو طليان للبيع منا؟ مناك؟؟

178) نم م

انتظر رد ع هذه النكت العراقيه

__________________
مخالف للقوانين

(عدم كتابة الايميلات في التوقيع الخاص بك)

http://vb.arabseyes.com/rolls.htm

هههههههههههههههه مرسي حلوين كتير بس في كم نكتة ما عرفت معناهم

شكرا ع المرور الطيب

شهر رمضان شهر المحبه

__________________
مخالف للقوانين

(عدم كتابة الايميلات في التوقيع الخاص بك)

http://vb.arabseyes.com/rolls.htm

مشكور