(جروحي تنزف أحزاني) قصة سعودية رائعة - الصفحة 17 - عيون العرب

هايدي الصغيرة · #81 11-25-2006, 08:36 PM

تحس له في قلبها مشاعر كل مالها تكبر وهذا اللي مخوفها لانها مفتقده الاحساس بالامان معه...وخايفه تحبه وتنصدم صدمه ماتقدر تتحملها...

********

حول يرجع ينام ماقدر على انه مانام الامتاخر...فخاطره هذا وقت اتصال ياريم...
طلع وهو مبهذل وشعره منكوش وماله خلق حتى يغسل وجهه... لقى عمر وسعود في الصاله يتفرجون على التلفزيون...راح ورمى نفسه على الكنبه من غير ما يسلم...
سعود:"وليد صاااحي الظهر...مااصدق"
ماكان له خاطر حتى يرد...
عمر:"والله غريبه يااختي حتى الجماعه اياهم العاده مثلك نايمين..."
وليد:"ايه بس هالريم طبعها غير..."
سعود:"تصدق احس ريم عندك غير..."
وليد:"ايه غير...يااخي رافضه اني اشوفها نهائيا (وهو يعدل جلسته)سعود متاكد انها حلوه..."
سعود:"كلام صديقتها ...انها ملكة جماااااال"
وليد:"يالله نصبر ونشوف..."
سعود:"بس ترى البنت اهلها مو زي اهل مشاعل لا....محافظين برغم غناهم...."
وليد:"ماعلي من اهلها...وهي بيجيها يوم وتقتنع..."
عمر:"وليد والله حرااام عليك..."
ضحك وليد وسعود من كلامه...
وليد:"اسمع من ينصح...يااخي انصح نفسك اول..."
عمر:"ادري اني وسخ مثلك واكثر بس يااخي عندك خيسات كثير ....بس ليش تلاحقون بنات الناس وتوعدونهم وعود كذابه....اللحين ريم ماوعدتها بااي شي..."
وليد:"ههههه اكييييد اذا جا ابوي من السفر بروح وااخطبها ...."
سعود:"هههههه ابوك اللي له سنين ميت...."
عمر:"يااخي استغرب من هالبنات معقوله باقي فيه بنات ساذجات كذا..."
وليد وهو يعدل جلسته:"ايه فيه...البنات ينلعب عليهم بكلمتين...وكل وحده تقول لا انا حبيبي غير..."
سعود:"والله انك صادق مشاعل على اني متاكد انها كنت تكلم غيري اللحين مسويه لي عاشقة زمانها"
عمر وهو يتنهد:"شباب ...والله صرت اخاف من عقوبة ربي..."
سعود:"ياشيخ خل نتسلى وعقب يهدينا الله..."
عمر بمراره :"تضمن عمرك دقيقه..."

هايدي الصغيرة · #82 11-25-2006, 08:41 PM

وليد:"يالله ياحبك لنكد...يااخي مانضمن اعمارنا بس فكنا..."
عمر:"واحيانا اخاف زي مااذيت المسلمين في اعراضهم الاقي من يأذيني في عرضي..."
وليد:"الحمد لله انا ماعندي خوات..."
عمر:"بتتزوج بعدين وبيصير لك بنات...تضمنهم..."
وليد:"اذا تزوجت يصير خير...وبعدين بعرف اربيهم زين..."
عمر:"المشكله احنا ماتركنا لا اللي مربينها اهلها زين ولا اللي مالقت احد يربيها..."
سعود:"عمر اشفيك اليوم..."
وليد:"لا هو كذا في النهار يصحصح وفي الليل يرجع عمر الحبيب..."
هز عمر راسه وهو متندم على كل اللي يصير لكن من مشى في دربهم درب الحشيش والبنات صعب صعب يتركه....ناظرهم وهو عارف انهم هم اللي سحبوه في هالطريق
ضيع كل شي خسر اهله ووضيفته اللي مهمل فيها عقب ماكان من انشط الموظفين وممكن يخسرها اذا استمر....واهم من ذا كله خسر دينه مايدري متى اخر مره سجد لربه...

**********

فتحت عينها واستغربت ان اللحين المغرب ماحست في نفسها...كان صداع خاف عنها
اول مارجعت من المستشفى نامت ...كان خالد مهو فيه قامت تصلى وعقب ماخلصت تذكرت امل ...مادامها طيبه بتروح لها...دورت رقم خالد لانها مهي حافظته...دقت الرقم...
خالد:"هلا..."
بسمه:"اهلين خالد ...وينك فيه"
خالد:"قريب بغيتي شي...."
بسمه:"ايه ودي اروح لامل..."
خالد :"الحمد لله توك راجعه من المستشفى وفيك شده تروحين..."
بسمه:"ايه الحمد لله اللحين احسن ودي اطلع ضايق خلقي..."
خالد:"طيب اشرايك نطلع نتمشى بلا امل بلا هم..."
بسمه:"خلها مره ثانيه ...امل لو تدري تزعل علي..."
خالد:"اوكيه تجهزي واذا وصلت دقيت عليك..."
بسمه:"اذا مارديت دق تحت لاني بنزل"
.
.

هايدي الصغيرة · #83 11-25-2006, 08:42 PM

اول ماخلصت نزلت تحت كانت مشاعل جايه تزور ريم وقاعدين في الصاله مع ام خالد بعد ماسلمت عليهم ناظرتها ام خالد:"اشلونك يابسمه اللحين..."
بسمه:"لا اللحين احسن الحمد لله..."
كانت مشاعل تناظرها نظرات متفحصه لانها اول مره تشوفها...ما تدري بسمه ليه ماارتحت لهالادميه...
بسمه:"بروح لبدريه ياخالتي اشرايك تروحين معي..."
ام خالد:"مااقدر ابو خالد اليوم مهو طالع صعبه اخليه بالحاله...عموما سلمي على بدريه"
بسمه:"الله يسلمك..."
ريم:"وانتي وش يوديك عندهم ...تدرين ان اليوم بيجي ولد عمها وشوله حاشره عمرك..."
بسمه واللي صارت ماتتحمل كلام ريم:"شي مايخصك رحت ولا مارحت..."
ريم:"يالله هذا وانتي تعباااانه....صدق فيه بعض المرض دلع"
بسمه:"لا حبيبتي خلينا الدلع لك..."
ام خالد كانت متضايقه من ريم وبسمه ومهي قادره تتكلم عشان مشاعل موجوده...
ام خالد:"ريم روحي انتي ومشاعل غرفتك اخاف خالد يدخل فجأه..."
ريم وهي قايمه بتروح:"يكون بعد احسن...."

*********

كانت منسدحه وتلعب بشعرها حولها امها وابوها واللي يسولفون وهي سرحانه تفكر الله ياحلوك يالندن وناسه وسعة صدر وحريه مهو الرياض اللي رغم حريتها واللي تميل لتسيب اكثر ....تحس نفسها مكبوته....
ام محمد:"عبييير اكلمك..."
عبير:"هلا يمه ما سمعتك..."
ام محمد:"اقول ترانا غلطنا في حق محمد بسبتك..."
عدلت جلستها وبعصبيه:"ايش تقولين...محمد هو اللي غلط...كان بيمد يده علي..."
ام محمد:"من لسانك اللي هذا طوله..."
عبير:"ادري فيك تحبينه اكثر مني..."
ام محمد:"مافيه ام تفرق بين عيالها وشفتي اشلون وقفنا معك ضده"
ابو محمد:"ماعليك من امك...طول ماانا حي مافيه احد يزعلك..."
عبير وهي مبتسمه:"مشكوووور يااحلى ابو في الدنيا.."
ام محمد:"مامدلعها الا انت..."
عبير:"الله يخليه لي...اقول اشوف شكلكم تعبانين..."

هايدي الصغيرة · #84 11-25-2006, 08:43 PM

ام محمد:"منالدوران من الصبح ماتركتي مكان الا ورحتي له.."
عبير:"ترى بطلع بعدشوي..."
ام محمد:"وين تطلعين... "
عبير:"يمه كاني اول مره اروح لندن...وبعدينمواعده وحده من صديقاتي جايه من السعوديه لها اسبوعين"
ابو محمد:"روحي يابنيتيبس انتبهي على عمرك..."
ابتسمت لابوها صحيح بتطلع مع صديقتها بس معهم صحبهطيبه....

*********
"الله ياريم ماتوقعت بسمه كذا"
ريم بضيق :"فكينامن بسمه...يرتفع ضغطي من اسمع اسمهها"
مشاعل واللي مااهتمت في كلام ريم:"صحيحعبير احلى منها بكثير بس البنت نعووووومه حيل وتخلي الواحد غصبيتأملها"
ريم:"ايه شفتك بس دخلت تنحتي مثل الهبله"
مشاعل:"تصدقين عبيرمنافستها مهي سهله...اشلون علاقتها مع اخوك؟؟؟"
ريم:"ماادري عنهم قدامناعادي...بعد سالفة الجوال ماكانوا يكلمون بعض ابد بس اللحين اشوفهمعادي..."
مشاعل:"يعني كلام حب قدامك ..."
سكتت لما شافت ريمتضحك..."
مشاعل:"الحمد لله ماقلت كلام يضحك..."
ريم:"حبيبتي خالد طبعه غيرماادري بس احس اذا حب احد يحب ينرفزه يعصبه بس كلام حب مااتخيل خالديقول.."
مشاعل:"لا حبيبتي اكيد يقول بس يمكن مايحب يظهر..."
ريم:"يمكن...بستصدقين حتى يوم خطب عبير اول ماشافها تخيلي ايش قال..."
مشاعل:"وش قالياحلوه..."
ريم:"قال لها الله ياعبير كبرتي واحلويتي كنت دايم اشوفك بكشتكتلعبين في الشاااارع"
مشاعل:"عبير اكيد ارتفع ضغطها..."
ريم :"ايه بس بعدينتعودت على كلامه..."
مشاعل:"ياشيخه روحي كنت عند عبير مره وهو يكلمها....ياكلامالحب اللي سمعته"

ريم:"ماعلينا المهم...وليد مجنني الا بشوفني..."
مشاعل:"احس عااادي بس احذري لازم يكون في مكان عام.."
ريم:"لا عام ولا خاص ...مستحيل"

هايدي الصغيرة · #85 11-25-2006, 08:44 PM

مشاعل:"كيفك انتي حره...."
ريم وهي تتنهد:"احبه يامشاااعل واموت فيه بس اخاااف لو يدرون اهلي...صدقيني خالد بيموتني ولا يسأل"
مشاعل:"خليك حذره..."
ريم:"اليوم يتكلمون عن ولد عمي فهد...ماشفتي خالد اشلون عصب لما قلت والله مااتزوجه"
مشاعل:"تتوقعين ابوك يغصبك على الزواج..."
ريم:"لا ابوي مستحيل يغصبني بس ماادري خااايفه...."

**********

تسولف مع بدريه ورهف بعد مادخلت امل عند ولد عمها...كانت قبل ماتدخل قمه في الارتباااك...
رهف:"اقول بسمه وين خالي ..."
بسمه:"راااح يقول مشغول.."
بدريه:"كان دخل سلم..."
بسمه:"يقول يحس احراج يدخل مافيه الا عبد الله واخوه وولده صعبه.... بس بيدخل لما يجي ياخذني"
رهف:"اللحين اذا تزوجت امل يصيرون الخطاب يجوني"
بدريه:"مالت عليك باااقي صغيره وتبين الخطاب من اللحين"
رهف ببرأه:"ادري بس لمااكبر شوي..."
هزت بدريه راسها وتفكر في هالجيل اللي الحيا فيهم كل ماله يختفي...
بسمه:"الله يابدريه كبرتي وصار عندك بنات ينخطبون.."
بدريه:"شفتي عاد..."
رهف:"بسمه من اول تقولين لامي خالتي واللحين بدريه حاااف"
بسمه:"تزوجة اخوها وصرت اقول لامها خالتي ..."
بدريه:"ماعليك منها بدريه احلى...."
دخلت امل عليهم وهي مرتبكه ورمت نفسها على الكنبه...يكلمونها وهي ماترد كان شكلها يبين اشكثر هي سرحانه.....
.
.
.
ماكانت تقدر تاخذ راحتها في الكلام قدام امها ورهف...اول ماراحوا عنها راحت جلست بجنب بسمه ومسكت يدها...
امل:"يووووه يابسمه كنت بموت من الحيا..."

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إصنعوا بأنفسكم شمعة رائعة علي شكل كعكة	قمرمصر	إقتصاد منزلي	6	06-05-2007 06:26 PM
قصة غريبة في فيلا سعودية	توتا	أرشيف المواضيع الغير مكتمله او المكرره او المنقوله و المخالفه	31	05-04-2007 04:06 PM
إستشهاد طبيبة سعودية	(عبد الله)	أرشيف المواضيع الغير مكتمله او المكرره او المنقوله و المخالفه	4	02-17-2007 04:24 PM
مجموعة فلاشات رائعة .........	الداعية	أرشيف المواضيع الغير مكتمله او المكرره او المنقوله و المخالفه	4	10-05-2006 12:31 AM