ام حمدان وولدها....ابن عااااااااااااااااق - عيون العرب

توتا · #1 05-10-2006, 11:57 PM

هذي قصيدة ام بعد ان وداها ولدها .. للمصحه "دار العجزة" او كما يقااال ( دار النسيان )

الله لا يوفقه
‎

اترككم مع القصيدة

وين انت ‎يا حمدان امـك تناديـك
‎وراك مـا تسمـع شكايـا وندايـا
‎يا مسندي قلبي على ‎الدوم يطريـك
‎ما غبت عن عيني وطيفك سمايـا
‎هذي ثلاث سنين والعيـن تبكيـك
‎ما شفت زولك زايـر يـا ضنايـا
‎تذكر حياتي يـوم اشيلـك واداريك
‎والاعبـك ‎دايـم وتمشـي ورايـا
‎ترقد على صوتي وحضني يدفيـك
‎ما غيرك احدٍ ساكن فـي ‎حشايـا
‎واليا مرضت اسهر بقربك واداريك
‎ما ذوق طعم النوم صبـح ومسايـا
‎ياما عطيتك من حنانـي وبعطيـك
‎تكبـر وتكبـر بالأمـل يـا منايـا
‎لكن ‎خساره بعتني اليـوم وشفيـك
‎واخلصت للزوجه وانا لي شقايـا
‎انا ادري انها ‎قاسيـه مـا تخليـك
‎قالت عجـوزك مـا ابيهـا معايـا
‎خليتني وسط المصحه وانا ‎ارجيك
‎هذا جزا المعروف وهـذا جزايـا
‎يـا ليتنـي خدامـة بيـن اياديـك
‎من ‎شان اشوفك كل يوم برضايـا
‎مشكور يا ولدي وتشكر مساعيـك
‎وادعـي لـك الله ‎دايـم بالهدايـا
‎حمدان يا حمـدان امـك توصيـك
‎اخاف ما تلحق تشـوف الوصايـا
‎اوصيت دكتور المصحه بيعطيـك
‎رسالتـي واحروفهـا مـن بكايـا
‎وان مت لا ‎تبخل علـي بدعاويـك
‎واطلب لي الغفران وهـذا رجايـا
‎وامطر تراب القبر بدموع ‎عينيـك
‎ما عـاد ينفعـك النـدم والنعايـا

أسـأل الله أن يفرج هم أم حمدان وكل أم تعاني قسوة قلب أبناءها وبناتها وأن يصلحنا أجمعين ويجعلنا بارين بوالدينا

اللهم آمين

**ماجد السعودية** · #2 05-13-2006, 10:21 PM

‎يـا ليتنـي خدامـة بيـن اياديـك
‎من ‎شان اشوفك كل يوم برضايـا
‎مشكور يا ولدي وتشكر مساعيـك
‎وادعـي لـك الله ‎دايـم بالهدايـا

وتدعي له بالهداية وتتمنى انها خدامة عنده ...

الله يحلنا من والدينا ويحلهم ويعيننا على طاعة وبرهم

اللهم امين