|
|
#26
08-03-2008, 10:11 PM
| ||
| | ||
| رد: الحب في الجمس لا تفوتكم دشو وشفو ماراح تندمو قصه ولا اروع رومانسيه وجر ييئه عندالشباب نايف: اقولكم انزلو تراني واعد البنات يلعبون مروان: وليش تعب نفسك معهم والله مالها داعي كلافه مشعل: تصدق اني منب نازل رامي: واحد يخب ويسحب عليهم بالدور نايف: موب على العدد بس انا اخاف على بناتنا منكم تفحطون وتتجيفسون عليهم والله يروحون فيها نواف: اقووووول تعالو نفرش الزوالي هنا وراحو وفرشوزوليه في مكان جنب المكان اللي فيه الدبابات راحو البنات والعنودالقائده العنود: ناااااااايف تعال نايف: سمي العنود: اخص تتكشخ عشان بعض الناس معنا والتفتت على البنات وقالت:بنات اللي تبي شي تطلب وتتمنى ولفت له: شوف احنى نبي نلعب 1الاولاد يروحون 2 عمي سلمان يجي معنالان فيه ناس تخاف نابف: اقول عطيناك وجه اخلصي ركبو البنات الدبابات على طرف الزوليه جالسين البيبسي ويناظرون البنات وهم(مشعل-ومرواان- ورامي-وائل) وائل: حظه سلماااااان شفه يلعب معهم ويقزلها بحسره مشعل:ايي حظه لو انا مكانه كان والله لافحط عليهم واسقط عليهم وخليهم يطلعون الاباليس بهذا الليل<< الولد ماعنده تفاهم مروان: ياخي مدري ليش نتمتع اذاعذبنا البنات رامي: ياليت تمسكلك وحده بجهه وتهاااوشها لحد ما تصيح ذيك الساعه صح تحس برجولتك<<فاهم الدنيا غلط وائل كان مسطل ناديه تلعب ويناظرها مروان يتغامز هو ورامي: مروان: اخص شف شف من هذيك النعومه اللي تلعب بشويش هناك رامي:اف اف وش هالدلوعه هذي ا وش يلعبها دبابات هالرقيقه... ومامداه يكمل الا بوائل وقف وائل: ياحميير بتغايظوني انسو ولاواحد فيكم يقدر مروان: كذاب تتحداني اروح اكلمها وائل: بوثوق: اتحداك راااااح مروان وناديه تقول وش يبي هذا مروان: ناديه ناديه وقفت اصلا كانت تمشي بشووويش وعلى مهل ناديه: نعم مروان: والله انا متراهن اناوائل اذا اقدر اجي اسلم عليك وترى يسلم علليييك كثييير وتراه يحبك ارحميييه عاد ناديه: يصير خير مروان: عاد لاتتغلين عليه كثير ناديه: ..... ودخلت بنص نهى نهى: خيييير ياعمي ماتدري اننا بسعوديه وهاالطعوس والدبابات والبراقع اكبردلييل مروان: ياشين البزران الا داري وش عندك؟؟ نهى: انت وش عندك جاي تحاكيها وجت فهده سفطت جنبهم فهده: توام روحي تبين مساعده نهى: لا روحي تحبك>>هذي القابهم <<مايحتاج اا تفاهم معه مروان: اخص يادورييه نهى: ورى ماتروح مروان : زين وهو راجع يشوف وائل محترق مروان: جلس وهو يحاول يكتم الضحكه وائل:وش قلتلهم؟؟ مروان: قلت لناديه تدرين ان حبيبك يحبك مسيكن ويرسلك سلمات قالت لي وينه خله يجي وائل: منهو هذاحبيبها مروان: وهو يغمز له من غيرك توسطنا لك يالحبيب بس شف ترى هي تقول انا احب اتغلى علييه كثيراحبه يترجاني وائل تهلل وجه وابتسم ابتسامه عرييضه : وراح ولمه لا اراديا نايف: هييييه شف انهبلو خير وش صاير لكم وائل ياشر على مروان وهوبيروح :هذا انا احبه نواف: اافااا خرب الولد خلك على ذيك المسيكينه وش لاقي بخشه هذا وتوه بيكمل سلسله الطنايز الا واوائل عند ناديه وهي واقفه وائل: ناديه ناديه: انت وش تبي وائل ابتسم ذكر كلام مروان وائل: كل هذا ومافهمت وش ابي افا ناديه: وخر عني بلعب وائل: موب لازم تلعبين حاكيني ؟؟؟؟؟؟؟؟؟؟؟؟؟؟؟؟؟ في جهه الثانيه نسايم: بنات خل نغامر ندى: حلو الفكره بس وشلون مشاعل:يوووه لاتحروني لو بسوي شي محسوب علي ناسين الجرح ولالا فهده: ولا تزعلين انا اصرفك في زوليه الشباب متسدحين نواف يناظر ندى بحقد وندى معطيته اكبر طاف ماهمها نايف: ماخذله غفوه مغمض عيونه ويفكر ملكته بعدثلاث اسابيع والبيبسي جالسين يراقبون وائل عند وائل وناديه وائل: ناديه ماله داعي تستحين مني قولي اللي بقلبك ناديه: انت بتوخر عني ولاشلون تبي تعرف اللي بقلبي اجل اسمع يااخي فك انا ماحبك ما اواطنك افهم انا ماشتهيك حل عني الله يعافيك وائل انصدم ماكانه عايش بالدنيا حس ان الدنيا ضيقه...... ماله مكان فيها...(عاد المراهقين يكبرون السالفه)...... ناظر ناديه بنظرات مافهمتها وراح يمشي دخل داخل خذى مفاتيحه وطلع من المزرعه بكبرها ناديه بعد ماراح تنفست كانت مخنوقه وتنفست....... نزلت من الدباب ودخلت داخل |
|
#27
08-03-2008, 10:12 PM
| ||
| | ||
| رد: الحب في الجمس لا تفوتكم دشو وشفو ماراح تندمو قصه ولا اروع رومانسيه وجر ييئه اماالبنات قاعدين يخططون جا سلمان ودخل عرض وش تسوون شافته مشاعل ورجعت على ورى حس بحركتها بس مااهتم سلمان: وش رايكم نسوي اكشن العنود: وشلون يالفالح سلمان: وجع احترميني انا اقولك هذا ياطويله العمر بما انكم بنات اخواني بدور كل وحده تركب معي وافحط فيها ترى هذا عرض سخي مايتكرر دايم العنود: حلووو انا اول وحده سلمان: انتي اوش واول وحده بتركب نور عين عمها نسايم نسايم: بعد عمري عمي وركبت معه وفحححححححط فيها رج راسسها نايف يناظر: اووف مسيكينه هاللي راكبه مع سلوم مروان:يعيني توك تفتح عيونك وتو مسكرها نايف: والله خذتلي غفوه وقمت مروان: على حد نسايموه تعرف تصحصح نايف التفت في نفسه( ولله انك ماعرفت زوجه المستقبل): والله انت وش عليك انا وخطيبتي نصلح مروان: نساااااااايم تعالي اسمعي الحبيب قام نايف ورجفه برجله: بس عادمب منك من اللي قاعد معك ياللبزر طلع عليهم ابو وائل ابو وائل: وين وائل من ساعه ادوره مالقيته وجواله مسكر مروان ذكره يوم يناظر مالقاه لاهو ولا ناديه مروان بخاطره( يخوفي انحاس هو وياها عاد هي مخفه وهي مسوي فيها توم كروز)!!!!!! وراح الخال عند البنات وسئلهم ولا وحده تدري هنا ندى حست بالسالفه فيها شي خصوصا ان ناديه ماهي فيه دخلت جوا ودورت ناديه ولقتها بالسطح ندى: حسبي الله عليك وينك تكسرت رجولي ادورك ناديه: ندى: ناديه وش فيك تكلمي؟ ناديه: انفجرت بكي وبكائها بصوت عالي خلى ندى تخاف ندى: وش صاير تكلمي وش فيك ناديه مستمره بالصياح: كل منه.............. والله... انا.. اخاف....... هو مايفهم........ اناصغيره.......محد يحس........ ندى مافهمت شي : قومي غسلي وجهك وقولي لي السالفه ناديه مسحت دموعها ناديه: قصت للندى كل السالفه ندى مبتسمه على حركاتهم ناديه: لاتناظريني كذا ندى لفت وجهها ولا شي بس ممكن اسال سوال ناديه؟؟ اسالي ندى: ماتدرين هو وينه ناديه بقلق: لا ليش ندى: ابد والله يدورونه مالقوه ناديه بدت بتصيح ندى: قومي تحت البنات مسوين اكشن وحركات امشي عند وائل وائل: دق على صديقه وراح له وقال له كل السالفه عمر: والله تبي تجيب راسها وائل: خلاص انسى ماعاد فيها امل عمر: تتحداني وائل يناظر الرايح والجاي وسافهه لانه عارف هالحكي ماينفع مع قلب ناديه عمر: اسفهها خلها تعرف موب وائل الرجال اللي تهزه كلمه منها والله بتتحسف وائل رجع يناظره وهو يفكر بتمعن: رايك كذا عمر: هذا الراي الحين قم ارجع ولاكانك تشوفها واذا سالوك الاهل قل واحد من الربع موقفه عليه السياره واستانس ووسع صدرك وائل وهو يشيل جواله من على طاوله ويشغله : اقنعتني يلله بايدعواتك عمر: باي الله يعينك على مابلاك عند الشباب: سلمان: هالحين ماتقولون لي هالشيفه وين راح خالي كلا قلبي وهو يسال نايف: والله مدري عنه عند البيبسي(مروان_ومشعل_ ورامي) رامي: خاف صار له شي ولا انتحر مشعل:والله يسويها الله يهديه عقليته مدري من وين جايبها مروان: ياتافهين اسكتوا والله اني احس بالذنب اني كذبت عليه مشعل استغل الفرصه: والله يمكن وعاد ذنبه برقبتك اذا جاه شي حلهاانت رامي اللي اعجبته الحركه: لالا عاد انت كذبت وديت الولد في داهييه مروان: توه بيرد خش نواف نواف: الحين ياسوس وش قاعدين من ساعه تبربرون اكيد تعرفون وينه جا عبد العزيز وحمد ووقفو على روسهم حمد: ورى ما تتكلمون ياتافهين عبدالعزيز: تكلمو وخلكم ناس عاقله .......: السلام عليكم التفتو: وعليكم مروان قام: وينك ياشييييييخ تعبنا وانا ندورك وائل: واحد من الربع خربت سيارته وهو قريب وصلته ورجعت مروان( علينا اكيد انها قالتلك شي وزعلت) سلمان: رح لابوك ترى غثني عليك وائل: طيب يوم راح مشعل: اخصوالله الولد هادي وشكله مرووووق عل اخر رامي: الحمد الله ماجاه شي امشو نقعد |
|
#28
08-03-2008, 10:13 PM
| ||
| | ||
| رد: الحب في الجمس لا تفوتكم دشو وشفو ماراح تندمو قصه ولا اروع رومانسيه وجر ييئه عندالبنات نسايم: واللله مليت بهالغرفه مشاعل: اي والله فهده: بنات وش رايكم نروح للددسن رهف: حلوه بس لاتعيدينها نسايم: انت ماتوبين عندك عزيمه الله وعلم من وين جايبتها ناديه: لالا الله يعافيكم كلش الا هذي فهده: خلصتو يالبقر البنات:؟؟؟؟ فهده: افهمو حاجه الددسن أول شي موقف بالكراج يعني محد يجي لمه ننروح ونقعد فيه وانتي يارهف جيبي اللاب توب حقك وانا بجيب الاونو وناخذ تموينات السهره ونفرش في الددسن ونقعد على ضوء القمر نهى: حبيبتي والله يلموني فيك يلله وطلعو البنات ونفذو اوامر فهده بكل دقه عشان لا تذبحهم (خلونا نتكلم عن فهده شوي فهده بنت قياديه وقويه وماعندها فحد تمشي الكل بمزاجها بس مزاجها دايم يكون حلو وعادل بحق الجميع دلوعه ابووها لو ايش يصير فهده غير رامي يغارمنها لانها الدلوعه حمد اخوها احيانا يخاف عليها واذا عصبت تنقلب 180 درجه ماتخلي شي ماتسويه وفرفوشه وحبوبه شخصيتها ترجع للشخصيه جدتها ساره كثييربالطبايع و الحركات) جلسو البنات على سوالف وضحك ناديه على اعصابها وحالتها حاله تفكرماتدري انه منسدح مع الشعب ندى بناااات مامعكم شي يردح مشاعل: والله اني كنت بجيب الاستريو بس ماكفت السياره ندى: مالي دخل فيني زيران بطلعها العنود: شهيتيني ارقص دبروها رهف:وانا وين رحت افا عليكم ندى:؟ انشالله بتغنين انطمي احسن لك العنود:لا يكثر ودوري لناحل رهف: يالجهله وهذا وش فيه وتاشر على اللاب توب حقها ندى: هذا التفكير الصح رهف: يله وش تبون من اغاني ناديه: بنات ظلاام اخاف يجون بسم الله علينا مشاعل:وانت متى بتكبرين خلي الخوف على جنب ندى: بنات انا ببدى الرقصه فهده+نهى يلعبون اونو وسااجين ندى كانت لابسه تنوره اللي موديلها واسع وفيها جميع الالوان وع كورساج بنفسجي لانه اللون الكثير بتنوره وحاطه بشعرها ورده يعني بصراحه كذا جبسي(غجريه) رهف: وش تطلبين ندى:اممممممممم ايه ابي اغنيه لو بص يعيني لسرين عبد النور العنود: اخص يللي تعرف تختار ولا على نفس اللبس حركات والله فهده: اقول يمدحون يادار العنود:هههه اسكتي ياعجوز زمانك تبي اغنيه ترقص عليها لحالها ويادار صدق بيطلعون السكن علينا رهف: يللله ندوش اديلو هذي الاغنيه بتبدي ندى: قامت ترقص ومستانسه وتقلد رقص سرين مشاعل: ندى ارقي فوووق تندة السياره قلديها ندى: رقت و قامت ترقص مثلها من جهه ثانيه عند الشباب نواف: بروح اجيب هدومي وجي عبد العزيز: وانت ماتترك هالعاده جب شنطتك هنا وخلاص نواف: ايه عشان اجيبها ملايانه وارجع فاضيه نايف: افا اخوي ماخبرتك قعيطي نواف: منب قعيطي بس مابي اشوف هدومي على كل اللي جالسين تقول الاميره ديانا مسوين لها عرض حمد: اقول قم قم ورانا سهره نواف مشى وركب سيارته ماكانت على نفس صفه الددسن بس بينهم اربع سيارات ركب قدام يدور اشرطه و وكرتون مناديل واشيا بينزلها ويناظر وش هذا اللي بالسما وخصوصا الظلام مو مخلي احد شايف شي بسم الله الرحمن الرحيم وش ذى؟؟؟؟؟؟؟؟؟ عندالبنات: العنود:عاشت ندى يلله ورى ورى نسايم: ندى لفي مثلها وهي تدور ندى توها بتكمل الدوره طاحت عند نواف كان الجو هدوء وفجائه صار ازعاج صوت هجوم على دفاع لالالا هذا صوت البنات وفتح لمبات سيارته ويشوف وحده طايحه مشاعل: بسم الله عليك ندى قومي ناديه: اكييد بسم الله علينا بيدخلون فيها فهده: والله ان ماسكتي لخلي ليلتك سودا والله انك بزر العنود نطت تشوف وش السالفه العنود: ندى ندى ندى ندى: لارد وخصوصا انها معطتهم ظهرها العنود: تحاول تحركها ندى ندىىىى بعد نفس الشي نواف نزل من سيارته يوم شاف العنود وهو بعيد العنود: وش صاير عندكم العنود: اللي صاحت ندى طاحت مدري وش فيها ماتت نواف: وش هذا الكلام العنود: نواف البنت ماتتحرك تعال شفها والعنود صاحت من قلب لان ندى لها اككثر من عشر دقايق وهي كذا نواف جا ولا يدري ان الطايحه ندى العنود: نوووووواف ومسكت يده... ماتت نواف : لا انشالله ماصار شي ونزل لمستوى الارض ولف وجهها واستغرب منها من هاذي بنات عمي ولا وحده فيهم كذا<<< الاخ مضيع نواف يضرب خد ندى ويوخر شعرها على وجهها ندى فتحت عيونها :واااااااااااااااااااااااااااااااااااااااااااااااا اااا جلست علىحيلها: بسم الله انت وش جابك هنا نواف: رفع حاجبه يوم سمع الصوت واسلوب الحكي عرف انها ندى العنود: بسم الله عليك ندى وش فيك شي يوجعك ندى: مسكت راسها لانه كان يوجعها لما انتبهت ان ماعليها عبايه مشت ودخلت جوى العنود: ندووش وش هالحيا اللي جا فجائه نواف: بيروح وقال للعنود اذا حست بشي يوجعها ولا شي قوليلي اوديها المستشفى العنود ابتسمت: والله انها دواك نواف : خير وش قصدك العنود: ولاشي تسهل الله يعافيك ندى جوا: تصييييييييح دخلت العنود:؟؟؟استغربت منها كثيير؟؟؟ العنود: ندى في شي يوجعك ندى : تهز راسهالا العنود:اجل وش فيك ندى: شافني.... وانا ....موب متغطيه...... وحالتي حاله ومن بين شهقاتها ضحكت العنود( وش جاها البنت خاف بسم الله علينا على قوله نادديه لعبو بحسبتها): ندى وش فيك ندى مسحت دموعها ولا شي برووح اغير ندى كانت تبتسم لانها كانت تلعب على البنات و مافيها شي كل هذاك تمثيل بس يوم جا نواف خلاص ماعاد فيها كلام وتذكرت شكل عيونه حلووه بس صدق انه مايستحي وشلون يجي يقرب مني وانامو من محارمه حرام ايه بس هو جاي يساعد انت اللي لعبتي..... تحملي لعبتك......... ومن هالكلام يجول بخاطرها |
|
#29
08-03-2008, 10:15 PM
| ||
| | ||
| رد: الحب في الجمس لا تفوتكم دشو وشفو ماراح تندمو قصه ولا اروع رومانسيه وجر ييئه بعد سهره طويله عند البنات والاولاد وايام حلوه ومواقف مؤثره بيطلعون من المزرعه في الصباح الساعه السادسه بتوقيت ضاحيه بمبان بالسعوديه روعه ولااحلى كان قاعد يفكر في حياته كيف بدت وكيف ماشيه لحين كان همه الوحيد يرضي الناس بس الناس ماتهتم لراضاه قاعد مندمج بالافكار حس بيدد دافيه تمسك كتفه التفت ولحظه صمت درات بينهم كان الكلام يدور بس بلغه ثانيه ... سلمان: صباح الخير نايف بعد صمت: هلا سلمان: نايف لاتزعل مني اناعارف اني جرحتك بكلامي بس انا ماقلت هل كلام الا خوف عليك وعليها والله يشهد علي اني اتمنى اسعدك باي طريقه نسايم بنت هشه ماشافت من الدنيا شي والله انها جوهر ه محد يلقاها اناخاي ف عليها وعليك نايف كان يناظر قدامه بلا هدف وتعابير وجهه بارده نايف: من قالك اني زعلان والدليل اني..... سلمان: لاتقول انك مو زعلان انت زعلان والدليل امس كنت تكلمني وجالس معي عادي بس في عينك حزن فوق حزنك اللي تعودنا عليه كنت ماتحط عيونك بعيون احد افهم يانايف الحياه ماتمشي كذا خلا ص انسى كل شي نايف التفت له: صعب انسى انسى لحظات حياتي هذي روح راحت ماهي أي شي محد بيفهم الكلام بهاسالفه ضايع لو بنسى كان نسيت من 7سنين مو الحين خلاص قوم نشوف الاهل سلمان ما ياس انه يخليه يبتسم: طيب بس انت راضي علي الحين نايف ابتسم غصب: وشلون مارضى عليك انا اقدر سلمان: قم نقوم الامهة النايمه ورانا درب عند البنات: الجده داخله بعصاتها بتقومهم هذا اللحل الوحيد الجده وهي تضرب فهده بالعصى :قومي ياسوسه اخلصي ترى مانيب رايقه فهده: امي ساره متى ماصرتي رايقه دايم شابه خلينا النوم الجده: وجع قومي ولا والله مايفكني عنك شي نهى: امي ساره عن الازعاج العنود بسابع نومه وماتميز اصوات المزعجين: اسكتوووووووووووووووو بنوم وجع الجده وطت البنات بطريقها للعنود الجده: ياتسلبه ماتستحين<طلع الصدق العنود: اوه امي ساره والله احسبك ندى والا فهده الجده: قومو لا والله مانروح للمزرعه مره ثانيه قامو البنات بعد مشقه وعناء وتعب ندى اللي يشوفها يقول سكرانه مشيتها يمين يسار ولا والكلام مو بهذاك الزود دخل فهد يااااااااااااااااااااااااوووولد فهده: ادخل ماعندك احد فهد: يعنبو بليسك وانت وش تصيرين فهده: انا متغطيه ادخل اخلص فهد : زين........ندى وين غترتي ندى: بثلاجه فهد: عن الهبال ندى: والله انها هناك انا حاطتها امس<< كانت تتكلم بجديه لاتستحمل المزح ( بنتكلم عن ندى بهذالجزء ندى بنت حساااسه ودايما تعصب اذا احتست من شي بس عليها هبال ومزاجها متقلب ونادرا ماتترك لاحد حق عندها سواء هوشه ولا معروف كله واحد ام شي ترد ومثل ماقلنا تعاني اذا مانامت زين واذا نامت وهي زعلانه تصبح خطر على المجتمع( فهد: ياربيه اخلصي والله جدي فيذاك ذابحنا هواش حتى رامي هالمسيكين خلاه جدي يكنس الحوش عشانه ماقام دخلت ام فهد: فهدة... وش عندك فهد: ابدا ابي غترتي وام فهد وهي تاشر على الكنبه الللي بجنبه: هذي هي فهده: هههههه ماردى من اختك الا انت فهد: اقول فمان الله لايخليني جدي اغسل الحمامات (وانتو بكرامه وطلع) تجمعو الحريم جوا لابسين عباياتهم والبنات معهم ندى: امي ساره افصخي عبايتك بتموتين حر نهى: والله هالحريم مستعجلات اذا قالو لكم البسوها العنود: اشكالكم تحفه(هههه) الخال سعد: ياولد والله منب طالعين الحين بتغدى هنا بعدين بنطلع لان الساعه 11 والشمس حاره ولا لكم راي ثاني ام عبد العزيز ابد مالنا شور عقب شوركم وهداياه الله رهف: هههههه يلله فصخو عباياتكم وجلسو وتغدو وبعد الغدا الشيبان والحريم راحو نامو مابقي الا الشبيبه |
|
#30
08-03-2008, 10:17 PM
| ||
| | ||
| رد: الحب في الجمس لا تفوتكم دشو وشفو ماراح تندمو قصه ولا اروع رومانسيه وجر ييئه عند الاولاد: سلمان: طفشت من خششكم بروح عند حبيباتي مروان: من اللي هنا والاالي هناك سلمان: لا اللي هنا نواف: يعني فيه هناك ضحكوأ سلمان: وجع حرام عليكم مشعل: والله شوف اذا انت.. سلمان: اوص اوص انا اروح احسن عند البنات: سلمان عند الباب: ياولد رهف: ادخل ماعندك احد عاد سلمان جاب العيد ودخل مشاعل: وجع وانا وين رحت وتغطت بسرعه طلع سلمان وقال: ياولد فهده: ادخل سلمان: اكيد : اكيد سلمان: اخر كلام :فهده: ايه عاد عن التغلي وادخل دخل سلمان سلمان: شخباركم رهف: اكره الأسئله الغبيه توك الصبح فاطر معنا سلمان: جاملي ياكافي ليت عزوز معطيك شوي من حنيته وادبه واخلاقه رهف: منهو هذا لايكون اخوي اسكت احسن جلسو يسولفون ودقايق وائل: ياووووولد بلهجه سريعه: فيه احد( ناديه تقول اكيد جاي يراضني بعد تفاهته امس معي<< ياشين الغرور) تغطو البنات ودخل وهو يدور اخته من هالالوان : مشششاااعل مشاعل: نعم وائل:...... مشاعل: وشوو وايل لاتهبل فيني وائل: خذي ومد الجوال ناظرته مشاعل بعدين تكلمت: الو ياسر: هلا بصاحبه هالصوت مشاعل: هلاااااااااااااااااااااااااااااااااااااااواااااا اااات وينك ياشيخ ماتتصل ولا تسال وبدا مو جه من الصياح تعلن قدومها : موب حرام عليك شهرماتسال ياسر: والله المشاغل شعوله لاتزعلين خلاص اوعدك مانقطع عنك مشاعل: اوانا اقدر ازعل يابو سعد ازعل من الناس ولا ازعل منك ياسر: هذاالحجي للي نياه< بللهجه الاماراتيه مشاعل: اكيد هزاع ماثر عليك ياسر: وانا اقدر امش حال من دونه فديته وائل: شعييل عطيني الجوال بكلمه خذى وائل الجوال وكلمه وسكر مشاعل: وائل وش قالك يوم تقوله لاتخاف وائل: يالقاافتك ياشيخه مشاعل حست بالفشيله: اقول اقلب وجهك فهده: وائل تكفى نجاسه اقعد وائل: والله انك تفهميني سوسه وكمل بنبره تحدي مشتهي اطفر بامشاعل شوي مشاعل: وجع قم احسن ناديه تناظر وائل بين فتره والثانيه وتتمنى يناظرها وهو ماجاب خبرها او يحاول مايجيب خبرها وعلى هالحال وناديه تحس بكرامتها انهانت ماتدري ليش هي متعوده تتغلى على وائل ولو بنظرات بس كذا ماتعودت وجلسو يسولفون ويضحكون وسلمان مكيف ساعه يسولف ساعه يسرح الا ان طلع الخال معلن وقت الخروج وطلعو وركبو السيارات فهده: عزووووز خلك عن العجز وقم شل شنطتي عبد العزيز خذى شنطتها من دون ولا كلمه (نتكلم عن عبد العزيز بهذا الجزء ولد منتهى الرومنسيه والروقان يكره الكلام مو الكلام بحد ذاته الجدل يهتم بنفسه عايش حياته بروقان فوق الخيال وهو هاااادي جدا ويسميه حمد عاشق الصمت فهده تستانس لما يطيع اوامرها من دون نقاش ويملك صوت حنون كثيير بالغناء وحتى بالكلام العادي ويدق عود بمهاره وله عالم خاص مافيه احد غيره و..و..و عبد العزيز شخصيه مميزه مايوفيها الكلام مع الاحداث بتتضح شخصيته) نهى: حرام عليك مو عشان الولد يسكت تستوطين حيطه فهده: اصلا هذا لوووووح مايحس انت مصدقه بعد لله فلله يختي مطيع سمعها عبدالعزيز واوجعه قلبه ليش الناس تفهم تصرفاته غلط حساس ومايدري ان بعض الكلام يكون مزح وعاد فهده خربتها ركبو السيارات واتجهو للرياض مقرسكنهم وصلو وكل واحد شال عياله وراح بيته رهف اول ماوصلت فتحت اللاب توب صديقته ادلال مسافره لها اسبوع ولا فضت تكلمها راحت وسوت لها اضافه ولقتها اون لاين صيفنامع اهلنا احلى:<رهف اه لوادوس ارض السعوديه< دلال صيفنا مع اهلنا احلى: هاااااااااااااااااااااااي اه لو ادوس ارض السعوديه: هلا صيفنا مع اهلنااحلى: دليل وجع هذا استقبال اه لو ادوس ارض السعوديه: نعم صيفنا مع اهلنا احلى: دليل عن الاستهبال انتي الظاهر انهبلتي ( اللي كان يقرا كان يواجه صعوبه لانو ماعنده خبره كبيره بالعربي وعاد اذا كان عامي هذا غير الكلام المكسر او اللي نحذفه حروفه) نهايه الجزء توقعاتكم ردودكم اراكم محط اهتمامنا وائل وناديه بيصير بينهم شي؟ نايف ونسايم هل من جديد؟؟ ووندى ونواف هل هذا بيكون الهدؤ اللي يسبق العاصفه؟ و الجد والجده هل من جديد؟؟؟ واخيرا رهف من كان معها اون لاين؟؟؟؟؟؟؟؟ |
 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور رومانسيه متحركه ( حلوه كتير ) | احزان فلسطين كاذبة وناقصة عقل ودين وتتطاول على المجاهدين في غزة | موسوعة الصور | 295 | 02-16-2013 05:18 PM |
| أيها اليائس تعال واقراء قصة هذا الرجل وتعلم منه كيف هزم اليأس | غرور انثى | قصص قصيرة | 6 | 05-31-2008 10:14 AM |
| هذا الحبل من أجل الصلوات الخمس | بنت الصحراء | نور الإسلام - | 2 | 03-31-2007 03:04 PM |
العرض العادي
