عترافات رجل يكره يحب يعشق يبغض النساء ......************** كنت بموت من الغيض وأنا أشوف فيلم عدو المرأة لرشدي أباظة ونادية لطفي ..الفكرة مهضوم حقها ..لاتوجد أي عداوة تستحق اسم الفيلم ...النهاية قهرتني أكثر ...تعرفون من عدو المرأة الحقيقي ؟؟؟ أنا . ..لي عداوة مع المرأة منذ الازل ..كل النساء على الارض بدون منازع ...مافي وحده فيهم قدرت تقنعني بغير هالشي ..بالنسبة لي المرأة من جنس الافاعي ..لها نفس الطباع ..في منها المسالم .ومنها الشرس ومنها القاتل ..منها الذكي ومنها القوي ..والسلاح اللي تختبي خلفه هو الضعف ..لان احنا الرجال مهووسين بقوتنا اللي نبي نحمي المرأة فيها ..وبسرد لكم قصتي مع المرأة ....في هالكم فصل اللي جايين ...وانتو احكموا ..من هي المرأة ...الفصل الأول ......************ صباح يوم الاحد ..توجهت لمكتبي .. مثل عادتي طلبت من سكرتيري سمير يجهز لي مرافعاتي . اللي طبعهم الليلة اللي قبل .. استاذ يوسف ...هذي مرافعاتك .. مشكور ... سمير لوسمحت اطلب لي جاي راسي مصدع ...سمير من عيوني استاذ .. تسلم .. سمير نسيت أقولك استاذ ..عندك موعدك الساعة تسع ونص ...مع موكله ..من ذكر لي تاء التأنيث عقدت حواجبي .. من؟؟؟ سمير موكله اسمها خلود ابراهيم .. قضية شيكات ..شيكات؟؟؟ فكرت في نفسي .. بدون رصيد؟؟ لاتقبلها ..أنا ما اتعامل مع زباين يوقعون شيكات بدون رصيد علشان مااكون ضحية لهم بدوري ..سمير اعرف سياستك استاذ ..بس انت متفرغ الساعة تسع ونص ..وأعتقد انك لازم تسمعها ..ابتسم وفهمت سبب اصرار سمير وقلت هي لهالدرجة حلوة؟؟؟؟ نظرات الذهول اللي على محيا سمير ضخكتني ..فقلت له .. سمير لاتحاول ...مابفكر في الزواج ولو بعد مية سنه ..شفت الحرج على وجهه سمير اللي احس انه اخوي اكثر من انه موظف عندي ..طول عمري أقدر الاخلاص ..وسمير كان مثال حي لها الشي ..سمير دي بتاخذ العقل ..جميلة وشكلها بنت ناس ..ابتسمت وقدرت له اهتمامه لا تحاول .. أنت عزيز على قلبي ..وما أحب أشوفك خايب ..لكن في هالموضوع لاتحاول.سمير بس يا استاذ ..قاطعته بس سمير ..بقابلها وبعتذر لها بنفسي .. في مواعيد ثانية ؟ سمير اييه واحد متهم في النصب والاحتيال ..وواحد ثاني عنده مشكلة في شغله ..هزيت له راسي اوكي ..تفضل لمكتبك ..وشوف ليش تأخر الجاي ..خليني أراجع المرافعات ..وبدت عيوني تنتقل من ملف لملف وأراجع الاتهامات ومعطيات القضايا ..لين رن تلفوني ..سمير استاذ ..الموكله .. خلها تدخل ...فتح الباب وللحظات ..صحيت من موجة ذهول انابتني ..ابتسمت وعليكم السلام تفضلي ..كانت آية من الجمال ..من الرقة اللي لمستها ..والعطر البسيط اللي حاطه منه تغلل للمكتب اللي ريحته سجاير ..حسيت بانتعاش بسيط ..لكن له مفعول غريب ...لكني كنت مستغرب هالانتعاش سببه بالضبط؟؟ الابتسامة اللي على ويهها ولا الجمال الافاطوني ولا العطر ولا الكلمات ولا ايش ..ولا هذا سمها اللي تخدر فيه العقول؟؟ أعطتني ملفها ..وحسييت باحراجها من نظراتي ..قلبت الاوراق ..مشكلة بسيطة جدا ماتستحق روحه للقاضي مثل ماتقول الوالدة الله يرحمها ,, أوراقج يامدام ماتحتاج كل هالقلق .. بس روحي للي عطيته الشيكات وخذي منه هالشيكات وأعطيه المبلغ ..ياليت تلحقين عليه قبل لايروح الشرطة ...متى موعد استحقاق الشيكات؟؟ ردت بصوتها اللي يطلع من حنجرة ذهبية .. هذي المشكله ..موعدها نهاية هالشهر ..أنا خايفه تصير قضية ..وخايفة ينصب علي ويقول ماخذت فلوس ..خايفه من اللي يصير للمغفلين ..قلت بصوت بسيط محشومة ..ردت لا ..أنا أحس أن المسألة مابتمر على خير ..ويااستاذ أنا أحب كل شي بالقانون .. لو تبين كل شي بالقانون ماكتبتي شيكات بدون رصيد..نزلت راسها محرجة كنت مضطرة ..بس كنت أعرف أني بسدد الفلوس أقرب وقت .بنات حوا ..لو هم في قمة احراجهم ..لكن التمسكن واحد من أساليبهم القوية للتمكن .. مدام اذا سمحت لي أنا بدبر هالموضوع ..بس عطيني الرقم ..وأنا بحدد موعد ..وتعال بكره ..وخلي ملفج عند السكرتير .. والاجر ؟؟ اجر استشارة بس ..حاسبي عند السكرتير بره .. مشكور صراحة أنقذتني من ..قاطعتها موفر على نفسي ضيقة خلق ماله داعي ..تفضلي وحطي رقم الشخص عند السكرتير ..وفتحت لها الباب وطلعت محرجة من معاملتي الجافة مثل عشرات غيرها ..بعد خمس دقايق ..دخل سمير كل هذا يا استاذ تعتذر لها عن القضية..ابتسم من نغزة سمير ماعندها قضية بس استشارة اتصل في صاحب الرقم وحدد موعد ..خليه بكره ..جلست وانا اتابع نظرات سمير الخبيثة ..طلعت سيجارة وبديت أدخن ..سمير فترة راحة ؟ اطلب لك شاي ؟؟ ياليت ..سمير استاذ ..انا في غرفة النسخ ..لو تبي شي مني .. اوكي لاتنسى الجاي ..اه ..هالخلود رجعت لي ذكريات ماكنت أحب أتذكرها ..رجعت لي طيف هدى . رجع لي أيام غبائي ..للحظة شفت لمحة منها ..وهي تتمسكن علشان أساعدها في قضية الشيكات ..والزيارات تكررت منها ..وأنا بغبائي ساعدتها وشلت عنها اشياء شكثر ..كنت أركض ورى طيف الحب ..وبالأخير اكتشفت انها تزوجت مجرد ماخلصت قضية الشيكات ...بعد بفترة مابرى جرحي بعد لما شفت آية ..وكانت القضية لاخوها ..وسبحان من سماها آية ..كانت قطعة من الجنة ..وأنا رجل أحب الجمال ...نستني شيماء وطوايف شيماء ..كان الخجل محليها اكثر في عيوني .. سرعان ماطاحت من عيني لما شفتها تتكلم مع سمير ..كان لسانها أطول منها ..لما ناقشت معاها الاجر ..فكرت في نفسي هذي لو تزوجتها بتطين عيشتي ..اذا ريال غريب وماخلت شتيمة ما شتمته اياها ..عيل لو ريلها شتسوي فيه؟؟؟؟؟؟؟؟؟ رن التلفون ..رقم منال .. آلو ..منال السلام عليكم ..شلونك ؟؟ الحمدالله ..منال تعال تغدى عندي اليوم مسوية لك كبسة تموت عليها .. مو فاضي عندي شغل ..مشكورة على كل حال ..منال جوزيف ..أخوي ..هذي رابع مرة ترفض عزيمتي ..ليكون للحين حاط علي .. لا ..نسيت السالفة ...منال خلاص تعال تغدى عندي اليوم .. عندي موعد ..ما اقدر..خليها ليوم ثاني ..منال جاسم بيزعل .. قولي له خل يلاقيني في القهوة الشعبية عندي سالفة معاه ..منال وانت كل ما اكلمك تبي الفكة من ويههي؟؟ الشرهه على اللي يتصل فيك ..وصكرت التلفون معصبة ...ما فهمت سبب عصبيتها ؟؟ شفيها منال؟؟ انا نسيت سالفة المقلب السخيف اللي سوته فيني. كان يوم كئيب ..رحت لها وكانت مرة عمي غانم عندها ..بعد ما سلمت عليها قالت منال لها اني ابي وحده من بناتها ..كان موقف محرج..ما اقدر اقول ما ابي ..علشان مااحرج مرة عمي وتقول شفيهم بناتي ..كان ردي بسيط ..اني ما افكر في الزواج ..ومؤجل هالفكرة ..ليش ياربي الكل يبي يزوجني ..توني عمري ثلاثة وثلاثين سنة ..بس ...ابتداء من سميرانتهاء باختي منال ..دخل سمير المكتب .. استاذ في ايش سرحان؟؟ ونسيت تشرب الجاي؟؟ ولاشي ..خلينا نخلص شغلنا ..************************** دخلت البيت الكبير ..فاضي ..فيه برودة ..مدري من الوحشة ولا الرخام ..ورحت غرفتي وأنا تعبان ..بعد حمام نعنشت فيه ..مسكت رموت التلفزيون ..وبديت أقلب ..من قناة لقناة ..واستقريت أخيرا على مسلسل رأفت الهجان ..مسلسلي المفضل ...أطالع اشكال الممثلات قبل وأضحك .. الساعة 6:30 ..فتحت عيوني ...وكنت دايخ بالمرة ..تذكرت اني لازم اقابل جاسم في القهوة ..قمت من سريري وبدلت ملابسي ..ضبطت الكشخة .. ولبست الجوتي المحترم ..بعد ما تأكدت ان الصبي لمعه عدل ..من ماتت امي وانا عايش في هالبيت الكبير مع هالصبي ..ركبت سيارتي وعلى طول للقهوة ..كان جاسم جالس مع محمد اخوي .. السلام عليكم ..محمد +جاسم وعليكم السلام ..جاسم انت شسويت في مرتي؟؟ابتسمت .. ولاشي ..جاسم من رجعت الدوام وهي دموعها على خدها ..شمسوية لك المسكينه ..ابتسمت ..دموع التماسيح ...السلاح الرئيسي عند الاناث .. أبد ,,قلت لها قولي لجاسم ينطرني في القهوة صكت التلفون في ويههي..جاسم ليش مادقيت عليها تعرف ليش زعلت؟؟جاسم مايعرف بالمقلب اللي سوته منال فيني .. انت مالك شغل هذي اختي وحنا منا لبعض نصطفل ..جاسم هذي زوجتي ... ما ارضى انك تزعلها ..محمد خلونا من منال الحين ..شخبارك اخوي ليش ماتمر؟؟ ابتسمت ليش ؟؟ علشان تم زوجتك مريم تحن علي بالزواج مثل مازوجت منصور؟؟العازب الاشهر على مستوى الوطن العربي؟ضحك محمد . لكن جاسم كان معصب شوي .. شفيك ؟؟جاسم يعني انت تبي تكسر الريكورد مال منصور؟؟هزيت راسي بلا شوف ..أنا مب معترض على الزواج ..وما ابي اسجل الرقم القياسي مثل ماتفضلت ..بس أنا مأجل الفكره ..بس ..جاسم لين متى؟؟ يالله ..هذا الشخص الثاني يكلمني عن الزواج اليوم .. جاسم...أمي وصتك علي شي؟؟ ليش الكل معترض على عدم زواجي ؟؟ انا انسان ناضج ..احترموا قرارتي ..انا ما اتحمل المرة ساعة على بعض أتحملها طول العمر ؟؟ مالي خلق ..سكت جاسم ..لكن محمد هو اللي تكلم هالمرة .. بس بتندم بعدين ..لما يوونك عيال ..تكون أكبر منهم بوايد ..ويمكن ماتلحق على حياتهم اسم الله على عمرك ..كلام محمد مب غلط ..بس مين يكلم ؟؟ خلوني من هالسالفة اللي أتكلم فيها تقريبا كل يوم مع سمير ..خلينا نروح نتعشى بمكان أنا يوعان ماتغديت ..جاسم وهذا سبب ثاني للزواج .. جسوم ..أرجوك ..قفل على الموضوع ..جاسم ماقلت شي ..دخلنا المطعم وانا كنت صج يوعان قضيت على المقبلات ..وقمت علشان أييب لي صحن ثاني.. وللحظة دخت من قوة العطر اللي دخل المطعم كله وغطى على كل ريحة ثانية سواء أكل ولا شوي ولابخور ..وشافني محمد وجاسم واضحكوا .. تشمون ..محمد هذا عطر اعتقد اسمه شانزليه أو شي جذييه ..اشتريته من كم سنة لمريم ..ريحة الجازمن ..جاسم استغفر الله هذي ماتدري انه حرام؟؟ سحبت نفس قوي العطر عجيب ..جاسم جوزيف ...لو سمحت اخوي حنا في مكان عام ..محمد تعال ..ايلس ..لكني قلت بروح اييب مقبلات لاني صج يوعان ..بعد العشا طرا في بالي امر محل عطور ..وسألت عن العطر واشتريته ..لاني حبيت ريحته ..وحطيته في غرفتي ..بدون ما ارش منه ..وتم على الطاولة شكله غلط بين عطورة بوس وهوغو الرجالية ..طالعت ملفاتي ..وغرقت في شغلي لين ماحسيت ولقيت نفسي صاحي ثاني يوم ..اليوم مر بسرعه..انتهيت من قضية خلود ..لكني ما انتهيت من نظراتها .وكان لازم أمر أختي منال ..كانت زيارة بسيطة ..سلمت عليها شلونج شخبارج وشربت الجاي بعدين استأذنت ..الوحدة سيئة جدا ..الحين انا فاضي ..والساعه توها سبع ..وين ؟أقضي هالساعات الباقية؟؟ البيت فاضي والتلفزيون جرعة ماقبل النوم ..مافي حل ثاني غير أني أتمشى في المجمع ..ما أحب أثقل على أخواني .. وقفت سيارتي ..ولما طلعت ..شفتها توقف سيارتها ..ماقاومت فضولي .. وقفت أنطر نزولها ..أنا متأكد أنها هي..كان معاها ولد صغير عمره اربع سنوات ..ماقدرت اتكلم معاها مني والطريق ..لكن ...ماقدرت امنع نفسي .. آنسة شيماء ؟التفت ..وتفاجأت بشوفتي ابتسامة مقتضبة ..أستاذ يوسف ..من زمان ....شلون الحال ؟؟ ارتباكها ومحاولة انها تخبي الولد اللي معاها خلاني اشك .. الحمدالله ...وانتي ؟؟ شيماء بخير ..مسكت لها قضية من كم سنه ..فجأة انتبهت لانتفاخ بطنها .. ابنج؟؟طالعت كل شي إلا عيوني ..ايه..مافهمت ليش خوفها ..باركت لها زواجها ..ومامسكت لساني من سؤالها .. وسعيد الحظ .. عبدالعزيز .. من ؟؟ عبد العزيز .. اللي رفع عليج القضية؟؟ اييه .. موفقة ..عن اذنج .؟؟ماقدرت اكمل الوقوف هناك ..معقول؟؟ تتزوج شخص بهدلها سنتين في المحاكم ؟؟ يقولون ماتجي المحبة الا مابعد عداوة .. انتهت ليلتي بعد ماتعشيت في ماكدونالدز ..****************************** أول مادخلت لمكتبي تفاجأت بكتلة سواد..مقابلة سمير .. السلام عليكم ..سمير تعال داخل .. سمير اتأخرت يا أستاذ يوسف ... نمت متأخر شوي .كنت أشوف أمس فيلم لبروس ويليس ..من هذي اللي برى؟؟ سمير باشا ...تنهدت .. لما سمير يقول باشا معناها في خبر مزعج ..سمير تذكر المتدربة ؟؟ اللي تكلمنا عنها الشهر اللي فات؟ هي بقى دي .. شسمها ؟؟ ليال خالد ..ليال ؟ تنهدت ..متدربة ...اوكي .. خلها تدخل ...نشوف صرفة معاها ..دخلت ..بشرتها كانت بيضا أما عيونها مابينت من ورى النظارة الطبية ..شفايفها دقيقة وأنفها دقيق ..وهادئة في دخولها مب مرتبكة ولاقلقة .. السلام عليكم استاذ يوسف .. وعليكم السلام تفضلي .تشربين شي ؟؟ لا مشكور .. هالمرة من دلج علي ..عقدت حواجبها .. فابتسمت لها وشرحت ... المتدربين اللي ييوني دايما مطرودين من مكاتب ثانية ..ليال لا ..بس تقريبا كلامك صار لي ..المحامي عيسى عبدالهادي كنت متدربة عنده .. لكنه واجهه مشاكل مع زوجته ..فوصاني بمكتبك ..ابتسمت ...رفعت سماعة التلفون واتصلت عليه .وقبل أنطق بكلمة ..قال عيسى هي عندك .. اييه ..عيسى دخيلك يوسف انت الباتشيلور(العازب ) الوحيد اللي أعرفه الكل مايبون متدربة .. اييه ..شتوصيني ؟؟عيسى هي زينه ..تحملها شوي .. تراها عنيدة شوية . وحشرية ..ومتهورة . زوجتي أذتني كل يوم تتي وتسأل ...فكني اله يخليك .. بس ؟؟ زين ..براويك بعدين مع السلامة الحين ..ليال افهم من هالمكالمة انك ماتبي تدربني ؟؟ابتسمت بدت الحشرية لا .. كان يتكلم عن قضية خاصة بيني وبينه ..بس وصاني فيج .. خلي يوصلج سمير مكتبج وداومي بكره ..عبء جديد كأني ناقص ... وانتوا يالحريم شلكم في المحاماة؟؟ منتو قد هالمهنة ...الله يعيني شلون ببدأ معاها ...هذه وحده واثقة ..افعى من نوع الاصلة ..قوية ..ماتحتاج السم ..قوتها كافية انها تقضي على اللي في طريقها بسهولة ..****************** طول ما أنا في المكتب وأنا أحاول أترجم كلمات عيسى ..عنيدة متهورة حشرية ...احاول اوصل كل صفة بالثانية لكن ماتطلع معاي نتيجة ..أبي أعرف شلون أتعامل معاها دون ما أثر فيها ولاتأثر فيني ..بعاملها بليونه مابيمشي الحال ..ببساطة بتتعقد الامور ويمكن اتوهق فيها ..مافي معاي غير طريق القسوة ..لانها متهورة فتخاف من غضبي ..ولانها حشرية ..تتجنب الاهانة ..ولانها عنيدة فتشوفني اعند منها ...فماتغلط علشان تبين لي انها صح ..وبهالشكل ما أثر بتدريبها ..وأكون أتممت مهمتي على خير مايرام مع انها بتدعي علي طول عمرها ...بس ضميري بيكون مرتاح ..أني هيئتها لجو العمل ..طالعت الساعة اللي كانت خمس العصر .اليوم مر غريب ..غمضت عيني دقيقة ..طيف شيماء وابنها غزا مخيلتي ...شاللي خلاها تقبل على نفسها الزواج بشخص حقير ..شيماء انسانة ....فيها من العلو والفخر بنفسها ولا برنسيسه ..مع انها عادية ..فيها من الجحود تظنه امتنان ..لكنه ..جحود ..طول عمري أكره ناكرات الجميل ..لكن في شيماء.. هالخصلة تراءت لي كأنها الاخلاص ..والوفاء ...اللي يسمع افكاري ..يقول اني متناقض ...بس أنا رجل يكره ويحب ويعشق ويبغض النساء ..جمعت كل ما اشعر به في جملة ...وتوجتها مبدأ لمشاعري ...شيماء ... كل ما اتذكرج اتالم ..........سمير استاذ يوسف ..طلعت من بحر افكاري .. نعم ؟؟؟سمير مش عايز تروح؟؟طلعت من المكتب ...ولحقني سمير .. ماتغديتش النهار ده ليه؟؟ابتسمت من وفاة المرحومة وانا تقريبا ما اتغدى .. ماليش نفس يا سمير ...سمير تروح تتغدى معايا؟؟هزيت براسي بلا .. بمرراشد ...سمير على راحتك...دخلت شقته وابتسمت لما سمعت صوته وهو في الغرفة يغني .. قالت احبك ياراشد قلت من قدي ..طقيت باب الغرفة .فتح الباب مستغرب ..كان لابس فانيله وسروال بس وعلى كتفه منشفه ويهه كل كريم حلاقه ..قال بصوته العالي مااستحيت ودخلت الشقة بدون لاتطق الباب جاي تستحي لما وصلت الغرفة؟؟ يمكن أكون مع الجو ؟؟ شيسوى لك الاحراج؟؟ضحكت ..وسلمت عليه ... رشود ..للحينك ؟؟ صار عمرك اربع وثلاثين سنه ..وللحينك؟؟راشد انت آخر واحد يتكلم ...ات عايش بعز ولاراضي ترفه نفسك.. بالحرام ؟؟ ما ابي الترفيه اللي تتكلم عنه ..راشد اي حرام الله يخليك؟؟ ورقة زواج عرفي وانتهت اسالفة ..ولامسيار .. وليش هذا بعد حلال ؟؟ جوزيف اله يخليك .مثل ما تبيني أتكلم عن زواجك لاتتكلم عن زوزاجي ,,شذكرك فيني ؟؟وخلاك تمرني ؟؟ صار لك سبع شهور تقريبا ماشفت ويههك الخايس..ضحكت مخلي الجمال لك ..يا احمد رمزي ..شفت اليوم واحد ..فتذكرتك..راشد ليش هو لها الدرجة يشبه لي ؟؟ لا . حسن تذكره.. رفيجك اللي كنت تطلع مع اخته من وراه؟؟ هي شصار لها ؟؟راشد عرست وتطلقت ورجعت عرست ورجعت تطلقت ..وبعدين ردت لريلها الاولي .. الله متابع أخبارها ..راشد لا والله بس كل مايصير معاها جديد تتصل فيني .. علشان تتأكد انك فيلبل؟؟ متوفر ؟؟راشد لا وانت الصاج ..لانها تحبني ..وماتقدر تتخلى عني ..ياشين خداع المرة ...الحين تحب رشود وتزوجت واحد غيره وتمت على علاقة فيه ؟؟ أي ضمير ؟؟ أي أخلاق بس مو غلطتها ..طاحت برشود الي كله غلط من راسه لرجلينه ..الخبيثون للخبيثات ...راشد يوسف وين شردت؟؟ أدري أنك سبيتني في مخك ..وكرهت جنس المرأة ..لذهولي ابتسم راشد وكمل أعرفك من كنا في الاعدادية ..وتتوقع بعد كل هالسنوات ما افهم اللي في مخك؟؟لاتخاف اخوك قرر يتستت ..انصدمت ,,راشد يتزوج؟؟قال كأن ماعنده حيله بترك هالدرب بعد شهر ..ابوي خطب لي بنت عمي اللي كانت ناطرتني من عشر سنوات .. حسافة ماعندك بنت عم كبرك يا يوسف ..ولا كان خليتها ضمانه للمستقبل .. عندي بنات عم بس كلهم يهال ..والحمدالله ماكان عندي وحده كبري كان شفتني متزوج من قرون مضت .. خلص راشد حلاقة وغسل وجهه ونشفه ولبس ثوبه وقال .. يوسف ..أنت من صجك عازف عن الزواج؟؟ ليش ؟ صار معاك موقف كرهك في الحريم جذييه ..ابتسمت ..أنا ماصار معاي موقف واحد ..صار معاي اكثر عشرين موقف ..اعطوني مية فكرة وفكرة عن جنس الحريم . رشود ..خلنا نطلع .انا يوعان ماتغديت ..راشد اي مطعم هذا اللي يعطيك غدا هالحزه؟؟؟ انا مواعد وحده ..خليني اختم فيها عزوبيتي .. من هالمرة؟؟راشد وحده ..مبتدئة,, خاف الله فيها ولاتخرب مستقبلها .واطلع معاي ندور غدا ..راشد كانه كان ناطر هالنصيحه ..كان متردد ..وسرح شوي ..وقال هي اخت صالح ..كأن حد قرصني ونطيت من مكاني ...صالح رفيج عمرنا ,, أنت ماقلت لي انك بطلت تواعد خوات ربعك؟؟ لولا ان اختي متزوجة كان شكيت فيها مب عدم ثقة فيها بل عدم امان منك ..الحين صالح بيكون آخر ضحاياك؟؟ نسيت المعروف اللي سواه لنا من كم سنه ؟؟ حرام عليك ..راشد ........................ماكنت ادري انها اخته لين امس .. صار بينكم شي ؟؟ راشد لا ..البنت انا رسمت عليها من شهر ..مكالمات لين امس وافقت نلتقي ...تنهدت ,.وقلت له اتصل فيها وقول لها ترجع للدرب الصحيح ولا تقول لاخوها ..وخليها تغير رقم تلفونها علشان انت ماتدلها ..لما الشيطان يوزك عليها ..راشد بس ..صرخت فيه لا ..لا بس ولا اي زفت ...راشد ..هذا صالح اللي توسط لاخوك اللي كان بيروح فيها باعدام ..جذييه تجازييه؟؟ يلا قدامي الحين ..راشد زيين ...الله حطك في طريقي ..في هاليوم بالذات ..لان صالح ريال اسم على مسمى . وانا كنت متردد ..والله ماراد له الشر ..سبحان الله ..سبع شهور وانت ولا مفتكر فيني تطلع لي في اليوم وفي الساعه اللي كنت بهدم فيها حياة هالبنت ..الله يحب هالانسان ..وخلاك تمنعني من اذيته ....كلام راشد مس شي فيني ..بعد ما تاكدت من انه نفذ اللي قلته له ..طلعت من الشقة ورحت المسجد ..وصليت العشا ..من زمان مارحت المسيد للصلوات المفروضة كنت اروح يوم الجمعه بس ..من كم سنه تورط اخو راشد في حادث ومات واحد فيه ..وطاليوا بدم اخو راشد ثار ..ورفضوا الدية ..صالح كان يعرف هالناس ..واقنعهم انهم يتنازلون ..لان حادث مب عمد ..شلون يالك قلب يا راشد تسوي جذييه في هالريال الطيب ؟؟ مسكت القرآن وتميت اقرا ..وحسيت براحه ..كنت مفتقدها من زمان ...***************** من الصبح ومزاجي متعكر ...السيارة بطاريتها خربانه فاضطريت اروح بالتكسي للمكتب ..التكسي الحار والوسخ ولاريحه الاسيوي اللي راكبه ..سمير من شافني متعكر مزاجي ..اكتفى بصباح الخير وبس دون اي كلمة ..دخلت ليال لمكتبي وكنت نسيت وجودها .. استاذ يوسف في غلط في المرافعه اللي قلت لي عنها امس ..بلا تفكير ..وسبحان الله بعض الاحيان الانسان يقول شي غير اللي في باله بالمره .. يا انسه انت هنا تتدربين عندي مب انا اللي اتدرب عندك علشان تعلميني الصح والغلط؟؟حط الملف وتفضلي ..ما ادري شلون كانت نبرة صوتي ..ولا طريقة كلامي لاني م اتذكر ..ما اعرف السبب اللي خلى الالوان تشرد من ويهها ..وطلع وهي مرتبكه وتصدم الكرسي في طريقها ... وتطيح ملف اوراق كان على الخزانة الصغيرة ..نزلت ترتبه حسيت اني مب طايقها فقلت لها في استخفاف خلي كل شي وتفضلي ونادي لي معاج سمير ..تجاهلتني ..فقلت ماسمعتي كلامي ؟؟؟؟؟ اعيد يا انسة يمكن عندج مشكله في اذنج..دخل سمير ..طالعت عيونه حسيت فيها كلام لكنه مافهمت شنوعه .وكان ساكت .. شعندك؟؟انطق الجوهرة اللي تحوس في صدرك .قال آنسة ليال .. شفيها ؟؟سمير حرام اكلت علقة وهي بريئة ..طالعت له بنظرة غضب علقة؟؟ أنا ماهزأتها ولاضربتها ..اي زفت انت تتكلم عنه؟؟سمير لما تروق بالك يااستاذ حقولك.. اسمح لي ..وفتح الملف على ورقة وحطاه قدامي وطلع ..طالعت الورقة ..مالها علاقة ابدا باللي في في الملف ..هذي مرافعه قديمه ..مسودة كتبتها لقضية مشابهه وكنت ابي استفيد من بعض المعلومات ..ولما خلصت شغلي حطيتها على مايبدو بدل المرافعة الاصلية ..حطيت يدي على جبهتي وبعصبية ..فتح الشنطة وكانت الورقة الاصلية فيها ..طلعت سيجارة وبديت اسحب كم نفس ..لين مارقت فناديت سمير ...سمير رقت يااستاذ .. اييه ..سمير . خذ هالورقة وخلي ليال تطبعها ..سمير بس؟؟ يعني لازم أروح أستسمح منها وأبوس راسها ؟؟ بس ..سمير بس انت يا استاذ زعقت في وشها .. أنا ما صارخت ... سمير استاذ ..تنهدت ..كنت في قمة احراجي .. وسمير مابيتركني لين اصحح غلطي .. خلها تجي ..واتفضل انت ..سمير حاضر ..دخلت ..وباين عليها انها مآخذه في خاطرها ... اتفضل آنسة ليال ..جلست ..فقلت بصوت حاولت انه يكون هادي .. هذي الورقة مسودة عن قضية قديمة ..وهذي المرافعه الاصلية انا غلطت وبدلت في الاوراق ..اطبعي لي المرافعه مع سمير وراجعيها ..وشوفي البنود اذا في شي غلط ..ليال حاضر استاذ .. تفضلي الحين ..قامت من مكانها ..حسيت بفرحتها باعترافي بغلطي ..أكثر من امتعاضها بعدم أسفي لها ..القسوة ..لازم ما أرخي الحبل ..علشان تثبت جدارتها لي ..وتعاندني وتنجح ...وتبين أني غلطان ..خلصت كل شغلي ..وطلعت ..وقررت أزور أخوي محمد في بيته بعد العشا ..اللي أكيد بيكون دجاج بالكاري سواه لي الصبي سراج ..*********** مثل ماتوقعت بالضبط ..تمت مريم زوجة اخوي تحن على راسي ..مريم والله البنت زينة مرة ..أنا أحبها واشوفها زوجة ناجحة لك ... مريم ..بنعيد الاسطوانه كل مازرتج؟؟ وتشره علي ياخوي محمد وتقول ليش ماتزورنا ؟؟مريم يوسف ..عمتي الله يرحمها كانت بتزوجك هالبنت .. تقنعيني ان امي كانت معجبة بهالبنت؟؟مريم يعني أنا جذابه؟؟ قولها ...أصلا عمتي هي اللي دلتني عليها .وقالت لي بنت محسن عبدالرحمن خووش بنية ..وأشوفها زوجة لابني يوسف ..ابتسمت ..تذكرت أخوي منصور ..قالت له مريم نفس الكلام ..عن بنت فهد حمدان ..نفسي أقول لها يامريم انت جذابه .بس ..هي تبي مصلحتي ..وماقاصده تضرني في نظرها ..قلت لها أم جاسم ..صدقيني لابغيت أعرس بيي لج وأقولج ..بس ..الحين مالي نية زواج ..مريم يوسف ..الله يسلمك اذا كلامي غلط قول لي غلطانه ..بس حاليا ..ماتحس بفراغ في حياتك ؟؟ بعد الدوام شتسوي ؟؟ أنت مب راعي خرابيط علشان تسلي نفسك وتشغل وقتك .من وفاة المرحومة وأنا شايله همك ..من يداريك؟؟ في البيت مع من تسولف ؟؟ ربعك كلهم متزوجين ..من فيهم بيفضى لك ويسهر معاك ؟؟ على الاقل لاتزوجت ..مرتك بتشيل البيت ..وتونسك والعيال يشغلونك..وهناء بنت حبابة ..واخلاق كلش زينه ..اسمها هناء ..أنا أتخيل نفسي أنادي زوجتي هناء؟؟ هناء تعالي يعقوب يوعان ..هناء التلفون ..هناء . حبيبتي ...مب لايق ..ماعندي القناعه اللي تخليني اوافق ...وأنا مزاجي في الحريم ..مايساعد .مريم ها أنا غلطانه ؟؟ لا يا ام جاسم ...بس أنا ما أفكر في الزواج ..تعالي اسأليني بعد سنه ...مريم عيزت معاك يابويعقوب ..راسك صخر ..قول اذا شايف لك شوفه أو وحده مو من ثوبنا ..نزوجك المهم تكمل نص دينك .. تدرين انا عاجبتني وحده..اذا خطبتيها لي فيج الخير ..مريم قول قول ..اخطبها لك الحين ..في هالثانية .بس أشر ..من هي ؟ بروك شيلدز ..أعطيج العنوان ؟؟مريم أعطيني مقفاك أسهل لي ..وأنا صدقت أنك أخيرا ..ضحكت عليها وعلى الخيبة اللي على ويهها ..وقلت بروح أقعد مع خوي محمد ..من يبت سالفة الزواج وهو شرد للديوانية ... أعطيني ساره ..ساره بنتها الصغيرة ماكملت سنه ...مريم خذها مع انها ماتتذكرك وايد .. جاسم روح مع اختك لين الديوانية علشان ماتصيح ..جاسم زين يمه..جاسم عمره ست سنوات ..دخلت الديوانية وكان محمد مقابل الاخبار .. صار شي جديد ؟؟ لا ...ماتغير شي ..الكل في حالة حرب ..ها أقنعتك مريم بهناء ؟؟ أنا شفت البنت من ناحية الجمال ماعليها كلام .. بس انا ماشفتها يامحمد ..وما افكر بالزواج ..محمد كيفك ..بس انا اليوم مابنام في البيت لان مريم بتسندرني بسالفة عنادك .. الله يخليك صكر الموضوع ..وبديت ألاعب سارة شوي واضحك معاها ..وتركتها عند ابوها واستأذنت وطلعت .. مر شهر ..وحياتي مثل ماهي .. حضرت عرس راشد .. .سمير وليال نادرا ما اتكلم معاهم خارج العمل لان ماكان عندي اي كلام اقوله ..كنت قاسي مع ليال ..وكل ماتغلط ولو غلطة صغيرة ..أحسبها لها كارثة ..فصارت تتفادى الاغلاط ..وكنت بدخل الكتب لما سمعت ليال تتكلم .. تصدقين ..خلين اخخلص هالاوراق لايدخل علي استاذ يوسف ويعطيني نظرة تخلي الشعر اللي في جسمي يوقف من الخوف ...... هو زين . تدريبه ممتاز ...بس ..يحب يهين جنس الاناث ..وأنت تعرفيني من مناصري المرأة فما اابي انه يمسك علي شغلة غلط ...اييه ..قال لي ابوي يلا توكلي ..تعالي اليوم وبكمل لج السالفة ..مع السلامة ..كنت بدخل على طول ..بس ماحبيت اسبب لها اي احراجفتأخرت دقيقة ودخلت .. السلام عليكم ..ليال وعليكم السلام استاذ .. خلصت الاوراق ؟ ليال الحين استاذ .. متى الحين انا عطيتج اياها من ساعتين ..شالبطء ..انا لازم اروح الحين علشان يسوي لي الزبون توكيل ..ليال دقيقة استاذ ارتاح في المكتب وأنا أييب لك الاوراق ..حبيت اللعبة فقلت لو سمير كان خلصها من اول ما اعطيته اياها مب يضيع ساعتين من وقتي في الهذرة والسوالف ...ليال أستاذ يوسف ,,سمير متمرس ..لكن أنا مبتدئة ..قاطعتها لاتضيعين وقتج في الدفاع عن بنات جنسج ..خلصي الاوراق بعد خمس دقايق ابيهم في المكتب ..رجعت مكتبي وأنا فرحان بالانكسار اللي باين على ملامحها ...خصوصا لما لمحت لها اني سمعت المكالمة ..دخل سمير بعد خمس دقايق مع الاوراق ونظرة عتاب على ملامحه ..ابتسمت .. شفيك ؟؟ سمير استاذ هذي الاوراق اللي كانت عند ليال ..ممكن أسال سؤال ؟؟ابتسمت وانا عارف سؤاله اسأل ...سمير استاذ عملت لك اييه البنت ديه علشان تعمل فيها كده ..دي منهاره على مكتبها ..كان بالضبط الكلام اللي ابي اسمعه .. تبجي؟؟ سمير لاء .. تزغرد ...ضحكت ...فكمل سمير بنظرة عتاب دي بت غلبانه ..ماتكسرهاش ..يابيه ...دي تحاول تمسك دموعها وشهها اختفى منه اللون ..تقول ماسها جن ولاحاجة .. لاتخاف عليها يا سمير ...أقوى مني ومنك ..وأنا ماتعرضت لها في شي شخصي . أنا بروح الحين ..سمير بالسلامة يابيه ....وأنا في طريقي علشان اقابل الزبون ..رن تلفوني ..وسمعت الخبر اللي قلب حياتي كلها راسا على عقب .. ألو ...علي مرحبا يوسف أنا علي .. أهلا علي ..في قلبي أسأل أي علي ..علي يوسف ان مادريت بس جنازة راشد الساعة أربع العصر ....وفي ثواني الصدمة خلتني أوزن الامور علي اخو راشد .راشد الي مات ..شلون؟؟؟؟ راشد مات ؟؟ أنت من صجك ؟؟علي مات اليوم ليش ماعندك خبر ؟؟يوسف لا والله آخر مرة شفته كان يوم عرسه ..شصار ؟؟ شلون ؟؟لاحول ولاقوة الا بالله ..علي في حادث .. حرام ماتهنى بزواجه اسبوع على بعض الله يرحمه .. تعال المستشفى ..يوسف الحين بس عطني نص ساعه أخلص شغالي ..علي مع السلامة ..الصدمة زلزلت كياني ..راشد صديق العمر ..يروح بين ليلة وضحاها وهو في عز شبابه ؟؟ ماقدرت امسك دمعتي ..رجعت المكتب وانا مكتئب . سمير خير استاذ .. اتصل وكنسل كل مواعيدي ..أنا بروح ومابرجع اليوم ..سمير ليه استاذ ؟؟ ومال وشك كده .. راشد عطاك عمره ياسمير .سمير الله يرحمه دا كان في عز شبابه .. الله يرحمه ... *********************الفصل الثاني ....*************** بعد العزا بثلاثة ايام الكل لاحظ شرودي... كنت حزين جدا على راشد خصوصا بعد ماعرفت ان زوجته في المستشفى ....ليال استاذ ..سمير استأذن يروح للمطار يستقبل ابن عمه ..وطلب مني اسلمك هالاوراق .. يعطيج العافية ليال ...ليال الله يعافيك استاذ ..أدري انها متأخرة ..بس البقى في راسك في وفاة صديقك .. متأخرة ..ليش هو مات من متى ؟؟ليال من ستة أيام ..استاذ يوسف هذا عمره ..وقدره ..قاطعتها مشكورة ..تفضلي .. ابتسمت ابتسامة محرج وحست انها تدخلت في شي خارج حدودها فانسلت بره المكتب ولاسمعت لها صوت طوال الساعات اللي مرت ..ولما كنت أطلع ..دخلت ,, آنسة ليال انتي ما انصرفتي ؟؟ ليال كنت بنصرف ..لكن ..في زبونه تبيك في أمر مستعجل ..تقول انها من طرف راشد الله يرحمه ..ارتبكت ..من طرف راشد ..ليال استاذ الزبونه تصيح ..وحالتها تكسر الخاطر .. دخليها وهاتي لي جاي ولها عصير ..وانصرفي ..نظرة ليال مافهمتها .. في ايش ؟؟ليال وأخليكم بروحكم ؟ البواب والحراس مايملون عينج ؟؟ بعدين انتي كنت بروحج معاي ..ماخفتي على نفسج؟؟اضطربت ..وماقالت شي ..دقايق الا دخلت بنت ..وغشوتها على ويهها .. تفضلي اجلسي ...قالت لي انج من طرف راشد من أي طرف عاد...الزين و لا .... الطرف الثاني ..قالت بصوت مبحوح وكله صياح يعني تعرف بمصايبه ؟؟؟؟؟قلت بلامبالاة مارديتي على سؤالي .. قص علي قص علي ..قال بيتزوجني ..رفعت حواجبي مستنكر لكنه تزوج وحده ثانية..قالت منصدمة هو تزوج ؟؟ ولامات ..قلت الاثنين ..صرخت الحقير ...الحقير ..شقول لهلي الحين؟؟ هو مات ..وانا ابتلشت ؟؟قلت الزبده ليش ييتيني ؟؟دخلت ليال وحطت العصير والجاي .. مشكورة ليال تفضلي ..روحي بيتكم انا اخلص شغلي واصكر المكتب ..ليال حاضر استاذ ..طلعت ليال ..والتفت لها .. اختي ..الزبده ..ليش جيتيني انا .. لانك رفيجه وهو قال لي الجأ لك اذا تورطت في مشكله.سألت السؤال الحاسم وانتي اسمج..ردت أنا رغد ...أخت صالح رفيجك..كأن حد صفعني على ويهي كف ..اهتزت له اطرافي .. قطت الغشوة ..وكانت دموعها غسلت ويهها الاقمري ..وعيونها العسلية نسخة عن عيون اخوها صالح..وخصلة من شعرها الكستنائي تبللت بدموعها .. ماقدرت اتكلم ,,وهي تكلمت .. انت منعته مره من انه يكلمني ..هو قال لي هالشي بعدين لما غرر فيني ..رفعا حاجبي يعني ماكلمج في التلفون وقال لج هلينا نفترق ؟؟رغد لا ..والله الشاهد اني ولامرة سمعته ينطق هالجمله ..قال لي بيتزوجني ..وأنا غبية ركضت ورا المشاعر ..صمت وصمت وفطرت على بصله ..كل يوم الخطاب اشكال والوان ..وأنا أرفض ..وهو غرر فيني ..خدعني باسم الحب ..لين ماطحت فريسه له ..وتركني من شهر وغير ارقام تلفونه ..حاولت اوصل له ..لكن ماقدرت لين قرأت الخبر اللي في الجريده ن وفاته..انا ماطلبت منها تحكي لي قصتها لكنها استرسلت ..ومع كل كلمة تقولها احس بذنب اكبر ..لين ماقالت .. أنا حامل يا استاذ يوسف ...أنا حامل ..الحقني ..وانهارت في البجي ..قلت بلهجة ناشفة وشلون دليتي طريقي ؟؟؟قالت كان يتفاخر ..ويقول اسمك وانك صديقه المحامي المشهور ...والحين لقيت نفسي في مكتبك بغد ماتصكرت في ويههي كل المنافذ ... وأنا شسوي لج ؟؟ تبين أقول لاخوج صالح ؟؟شهقت لا ..أرجوك ..بيذبحني .. أقول له بطريقه عقلانية ..رغد عقلانية ولامسالمة ..بيذبحني ..الريال اللي انا حامل منه ميت ..يعني مافي امل بتصحيح الغلط ..كنت بلومها ..لكن ماقدرت ..اللي فيها كافيها ..مرت علينا لحظات مانطقنا بكلمة والموسيقى اللي تشتغل هي دموعها ..أعرف راشد وأعرف لعانته ونذالته ..واصراره على انه يطيح اي بنت ..بس ماتوقعت انه بيكذب علي ..ويخدعني ...رغد ساعدني أرجوك .. شلون أساعدج ؟؟ أنا مالي اي صفة في حياتج علشان اساعدج وراشد الله يرحمه ..رغد ........ خلاص تزوجني ...انتفضت كأنه نطقت كفر .. ايييييييش؟؟ ؟؟ رغد ننفصل بعد فترة .. واللي تولدينه تحطينه باسمي ؟؟؟ لا ..اعذريني أنا مب متوعد أنظف فضلات غيري ...رغد الله يخليك ..طلقني ولا الفضيحة .. خطأج أنتي ..وراشد أنا شدخلني ..لاتدخليني في الموضوع ..رغد راشد النذل مات ...ومافي غيرك .. الله يرحمه ..مو ذنبه ولاذنبي انج سهلة ...انهارت وتمت تصيح ...ارفعت راسها ,, بفضحك وأقول انك ابو اللي في بطني ..انصدمت ...ووقف عقلي عن التفكير ..رغد أنا مابيني وبينك شي .. خلينا نتزوج مثل اي اثنين عاديين وبعدين نسافر شهر عسل لاي دوله وأجهض نفسي ..ونطلق وارجع ..وبدفع لك كل التكاليف ..ارجوك ..استر علي لمدة شهر بس ..والا فضحتك وقلت للكل انك ابو الياهل اللي في بطني ... في اسمه فحص الجينات الوراثية ..رغد أثبت اني حامل وأرمي نفسي من على الدري ..وأسوي فضيحة صدقني منت قدها.. تهدديني ؟؟رغد أرجوك .وأنا أترجاك ..أنا بدفع التكاليف ..علشان راشد ..ترضى سمعته تتدمر .. قلت اللي في بالي وأنا شدراني انه ابن راشد ؟؟يمكن غيره ..رغد لو غيره ..ما ييتك ...ودبرت نفسي ...تميت في حيرة أقبل اللي تقوله ؟؟ وأستر عليها وأكسب فيها اجر واحفظ سمعه صديقي ..ولا اطلع من الموضوع وانفضح ؟؟؟؟ حيرتي اخرستني ..ماقدرت أنطق حرف ..ودموعها ونحيبها مااعطاني فرصة للكلام ...مرت عشر دقايق صمت وأنا أقلب الموضوع في راسي ...وأخيرا نطقت بعد ماحسيت انها هدت .. ما تقدرين ..مافي شي يثبت ابوتي لطفلج .. وانت تتبلين علي لا اكثر ..وانا مب مستعد أشيل مسؤوليتج وبعدين يصير لج شي وتصيرين في ذمتي ...وقبل كل شي ..الحين اتصل في الشرطة ..وكل شي بينحل ..رفعت سماعة التلفون فصرخت لا ..أرجوك ..صدقني انا ما احقد عليك بالعكس اقدر لك ان في يوم من الايام حاولت تنقذني ..لكن ..أنا ماعندي شي اخسره ..أنا ميته ميته ..بيذبحوني ..ومالي عيشه بهالدنيا ..بس اقدر انفذ بجلدي ..وانت تقدر تساعدني .. قلت لج ..أنا ما اقدر اساعدج ..رغد بدفع لك مية الف ريال .. وأنت من وين لج هالمية الف ريال ؟؟ واذا عندج هالمبلغ روحي لاي واحد من الشارع واتفقي معاه ..رغد ورثي من ابوي . اي واحد من الشارع مابيساعدنس مثلك ..انت صديق اخوي ..وتعرف راشد ..بتستر علي اكثر من اي واحد ثاني .أنا بدفع لككل ريال بتصرفه علي ..بس ارجوك ..انت نفسك بتكون في خطر بفضحك ..اسمك بيتوسخ وبيرتبط باسمي ...انا مذبوحة ..وأخواني مابيتنازلون عن دمك ...فاض بي الكيل وأنا شدخلني ؟؟ ما طقيتج على يدج وقلت لج اغلطي وبيعي نفسج ..رغد قلت لك انا ميته ميته ..ياما تتزوجني ..والا افضحك ويقتلوني ويقتلونك ..مابتخسر شي ..فلوسك بدفعها لك ..بس بكسب حياتي ...غمضت عيوني ..أقدر في اي لحظة اتصل في الشرطة وانهي الموضوع .. لكن ...زوجة راشد واهله ..صالح ..الصدمة شلون بتكون عليهم ؟؟ واسمي بيتدمر في السوق وانا تعبت كل هالسنوات يلا بنيته ..على يد بنت ..بتخرب كل حياتي ..كافي اسمي يتورط في المسألة ..والكل بينبذني ..واولهم هلي ..رغد استاذ يوسف ..أرجوك ..أرجوك ..لاتتخلى عني . بس انتي غلطتي ...رغد وبدفع ثمن غلطتي من فلوسي وصحتي وحياتي ..ان ماتقدمت لي يوم الخميس ..اللي يكمل عمر حملي شهر فيه ..بفضحك يوم الجمعه الصبح وعلي وعلى اعدائي ...مامسكت نفسي وصرخت فيها وأنا من وين اعرفج علشان اصير عدو لج ؟؟ أنا شسويت لج ؟؟ مب ذنبي ,,,قامت رغد وكانت في عيونها نظرة ياس تذكر ..أنا مابخسر شي لاني ميته ميته ..لكن انت بتخسر كل شي ..طلعت برا الغرفة وخلتني في ظلام حيرتي وغضبي ...أنا شدخلني ؟؟ ليش اشيل وزرج ووزر راشد ؟؟ لعبتها بذكاء ..هي فاقدة الامل بالحياة ..فما استبعد انها تسويها ..يالله ..وبدون وعي دفعت المكتب بقوة فانقلب وطاحت كل اوراقي ..كل مستقبلي ..بيروح .. بتكون سيرتي على كل لسان ..المحامي مع اخت صديقه ينقتلون في جريمة شرف ؟؟ هذا اسوأ ما يمكن ان يحدث .. رغد ..أفعى سامة كوبرا ...قدرت تقضي علي في لقاء واحد . أقدر اناضل ...أقدر استنكر ..بس بخسر أشياء وايد ..وايد ..على مايبدو مافي حل غير الزواج ..الله يلعنكم يالحريم ويلعن الساعه اللي عرفت فيها راشد ..الله يلعنج يارغد ..هزيتي كياني ..زواج ..هالشي اللي كنت اهرب منه طول حياتي .. والحين ..أتزوج بانسانه خسيسه ؟؟اعلنت الحرب على نفسج يارغد ...بذلج ..وأخليج تتمنين انج متي ..ولاتزوجتيني ..****************************** مريم من هي ؟؟ قول قول الله يخليك ..ابتسمت ابتسامه ميته اخت واحد رفيجي ..اسمها رغد ..مريم من اي عرب؟؟ بتعرفينها لما اوديج لها يوم الخميس ..مريم اليوم المبارك اللي تتزوج فيه ... مريم أبي الملجة بسرعه ..والزواج خلال شهر ..مريم ليش مستعجل ؟؟ يعني ما احب الامور تمشي ببطء ابتزوج بسرعه وابيه عرس اسطوري ..مريم عرس خلال شهر ..وأسطوري ؟؟ شلون ؟؟ كل شي بالفلوس يمكن يصير ..جهزي نفسج ..أنا كلمت اخوها امس وقال يوم عيد اليوم اللي اناسبه فيه ..مريم بيصير احباط في بنات العايله ..وايد يحبونك ..ابتسمت ..اعرف هالشي ..وياليتني تزوجت ..ولا ورطت نفسي في هالمصيبه ..مريم هي حلوة ؟؟ قمر ..بتشوفينها يوم الخميس ..روحي انتي ومنال ..أبيكم تكشخون عدل ...وتبينون لهم انكم عيال عز ..مريم وحنا عيال عز ..ولا شايفنا غير هالشوفه ؟ لا ..أبي اكثر ..أكثر ..مافهمت مريم بس هزت راسها ..وفرحتها بقراري بالزواج غطت على كل شي ..وهاليومين اللي فكرت فيها صكرت المكتب واجلت كل القضايا ..وصل يوم الخميس اسرع من باقي الايام ..وراحت مريم ورجعت مبهورة بجمال رغد ..مريم صدقني البنت فلقة قمر ..قلت في نفسي وهي من داخل قذارة ...منال والله البنت اعجبتني لولا الشحوب ..والا بانت شي ثاني ..مريم البنيه كان ويهها مخطوف من الخبر ..وأي بنت جذييه ..حددنا الملجة الخميس اللي ياي .. اتصل فيني اخوها وقال ان البنت وافقت ..منال هذا اللي ناقص في حد يرفضك يا اخوي؟؟؟ بس كان من الاول احسن ..مريم اييه والله .. مافهمت ..مريم لو متزوج من الاول احسن ..ما رديت ..لكني تفاجأت بأن الكل على عكسي سعيد بنبأ خطوبتي ...يوم الاحد دخلت المكتب ولقيت ليال و سمير يرتبون في المكتب.سمير الحق يا بيه المكتب باينته اتسرق .. شلون ؟؟ ليش ؟؟سمير دخلنا ولقينا المكتب مقلوب والاوراق في كل مكان ..بس ما ضاعتش حاجة ...الظاهر السارق مالقاش الحاجة اللي عايزها ..اووه نسيت صباح الخير .. صباح النور ..انا اللي قلبت المكتب كنت مضيع شغله..سمير انت يا بيه ؟ لييه ..اووه ..على فكره ليه قفلت المكتب الاسبوع اللي فات ..ابتسمت كنت مشغول ..سمير لا يكون اتجوزت .. تقريبا ...خطبت ...سمير حقيقي يا استاذ ؟؟ ده خبر بمليون جنيه ..مبروك يابيه ..ليال مبروك استاذ .. كأني (مب اكيد) لاحظت خيبة امل في لهجتها .. مشكورين تفضلوا مكاتبكم ..سمير انصرف لكن ليال تمت واقفة .. النظارة اللي لابستها ماخلتني اقدر اقرا اللي في عيونها من كلام .. نعم آنسة ليال ..ليال استاذ ..هذي محاولاتي في تدوين المذكرات والمرافعات ..اتمنى انك تلقي نظرة عليها ..أخذت من يدها الاوراق وقلت .. لكن ..أنا طلبتهم منج من زمان ..ليال كنت بعطيك اياهم قبل اسبوع ..ولكن ماقدرت اني اطبعهم بسرعه .. آنسة ليال انت مب سكرتيرة ..علشان اطالبج بالطبع ومرافعاتج مجرد مسودات مثل اوراق الامتحان ..ماله داعي الفخخه والطباعه ..مجرد ماتخلصينها بخط ايدج ..ابيها على مكتبي ..ليال حاضر استاذ .. يعطيج العافيه اعتقد انها تعبتج ..تفضلي لمكتبج الحين ..ولاتنسين اليوم بتروحين معاي المحكمة ..ليال حاضر استاذ ...غرقت في شغلي طول الوقت احاول انسى اللي ناطرني ..وأخذت ليال للمحكمة ..وتفاجأت بصمودها ..وعدم ارتباكها مثل المتدربين الباقين .. انت جيتي المحكمة من قبل ,,لبال لا ...استاذ عيسى كان يستبقيني في المكتب ..وأجل المحكمة لوقت ثاني ..الظاهر ان عيسى ماكان واثق من قدراتها كأمرأة ..************************ كل ربعي في حالة من السعادة الامنتهية ...لزواجي ..تمنيتهم العكس ..زواجي هذا خدعه لهم ..لكن لازم اذل رغد ..ومابذلها الا بهالطريقة ..جاسم ماتصدق منال اختك شمسوية في الدريول ..من مكان لمكان تجهيز العرس كله كله عليها ..محمد ومريم بعد ..المطاعم والورود والفرق ماخلت شي ماحجزته ..جاسم يوسف ..ماعهدناك ساكت ..تكلم ..شقول لكم ؟؟ خلي حريمكم توفر هالفخامة حق وحده تستاهل؟؟محمد يوسف .؟؟ لايكون مستحي ؟؟ لا ياخوي المعرس اخر شي يفكر فيه المستحى ...ضحكت.. محمد جاسم انا تعبان مالي خلق لسوالفكم ..بروح انام ..بكره عندي شغل من الصبح ..جاسم روح ..روح ..والله انك واحد مافيه خير ..الشره على اللي يبون يسلونك ..قمت عنهم لان مافيني حيل ..الهم اللي جاثم على قلبي ..مايخلي فيني مزاج .. آنسة ليال ..مرافعاتج ممتازة .. هذا يبشر بمستقبل مبهر لج كمحامية ..ليال مشكور أستاذ ..شهادتك اعتز فيها ..حسيت فيها ذبول .. أنت تعبانه شي آنسه ليال ..ليال لا ..بس امس الوالدة كانت تعبانه فما نمت وسهرت معاها .. تفضلي اخذي اجازة اليوم .. وارتاحي ..ليال لكن استاذ .. انسة ليال لاتناقشيني في اوامري ..تفضلي ..أنا ما احتاج موظفة مب مركزة ..ارتاحي واستأنفي شغلج بكره ..ليال شكرا استاذ ..طلعت من المكتب ودخل سمير أخبار عريسنا النهاردا اييه ؟؟ ماشي الحال ..عندي موعد الليوم؟؟؟سمير الموكل كنسله ..قال هيجي الاسبوع الجاي ... الاسبوع اللي جاي انا معرس ..سمير قلت له .انك حتاخذ اجازة من الاسبوع الجاي لين شهر وحتحول قضاياك المستعجلة لمكتب الاستاذ عيسى ..فقال انه مش مستعجل وهيزورك بعد شهر لان المسألة مش مستعجلة أوي ..وهو مشغول اوي .. زيين ..سمير وأنا وآنسة ليال فين هنروح ؟؟ بترك المكتب مفتوح وأنت رتبوا القضايا . وشغلكم العادي ..بعطي ليال توكيل ..تتابع عني الامور البسيطة ...أنا رتبت تقريبا كل شي ...سمير انشاء الله يتمم على خير ..ويرزقك البنين والبنات..كنت بصرخ في وجهه سمير لكني تماسكت في آخر لحظة .. مشكور وتفضل لمكتبك ..**************البخور والطيب والفرحه والاغاني .. كل شي حولي يمشي ..الا انا جامد في مكاني ..منال ومريم (زوجة اخوي وبنت عمي ) فرحانين وايد .. والكشخةة اللي هم فيها ما بعدها كشخه... استقبلت المعزين ..اقصد المهنئين .. ويا الوقت اللي ادخل فيه قاعه الحريم ..ركبت سيارتي مع صالح ومحمد وجاسم ومنصور ..اللي كانوا يسولفون مع بعض وانا ولا يمهم ..تفكيري متشوش ..بس انتبهت انهم بيرجعون للعرضه ويرقصون لين آذان الفير ..يصلون ويردون بيتهم ..دخلت البخور والزغاريد والاغاني ..جو ساحر ..تكشف الغطا عن رغد بعد ماطلعوا الرياييل ..كانت ....ساحره كل شي فيها ساحر ..عدا الحزن اللي في عيونها والشر اللي في قلبها ..وكانت تطالعني بنظرات عتاب ...************الفصل الثالث ..........**********انتهى كل شي ..ووصلنا الفندق والصبح طيارتنا حق امريكا .دخلت وشالت الغطا عن نفسها والدموع في عيونها ..تقول ان في كلام وايد ..وايد في قلب صاحبتها ..جلست ..فقلت لها قومي بدلي ملابسج وشيلي هالضبغ عن ويهج ..من غير لا تتكلم قامت ..وبدلت والبست دراعه بيت ..حسيت ان الصمت اللي في الغرفه بينفجر من كثرة الكلام المكبوت ...فقلت شفيج ؟؟ ماتحقق لج اللي تبين ؟؟ انت تزوجتي بدون فضيحه وبكره تسافرين وينتهي كل شي ؟؟رغد ليش ..يا استاذ يوسف ؟؟ ليش ايش ؟؟رغد ليش سويت جذي ؟؟ أنا قلت لك زواج بسيط ..مافي حد في الدوحه ماحضر عرسي ؟ والفخامه وال.. شتتوقعين ؟؟ أهلي يبون يفرحون فيني من عشر سنوات ..أخيب ظنهم بعرس بسيط .؟؟؟ صج أني خيبت ظنهم بعروس ...رغد لا تكمل ..أنت أذليتني اليوم فيما فيه الكفايه ..اذا تطلقنا بعد مانرجع شيقولون الناس؟؟ وبعدين كل اللي عندي في رصيدي ميتين الف ريال ..والعرس شكله بنص مليون ريال .. أكثر ...خمسميه وأربعين الف ريال .. الصالة الفخمة ..والفرقه المشهورة ..والمدعوين الخمسمية فرد ..والخدمات والسيارات ..وعرس الرياييل والعرضة ..غير المطعم والمقبلات ..دموعها كانت كفايه لاحس مدى انكسارها ..رغد واذا تطلقنا شتقول لهلك ؟؟ وشقول لاهلي ؟؟والعرس ..اللي بتتكلم عنه الدوحه شهوور ..بيتكلمون عن طلاقنا قبله ؟؟ شقصدك ؟؟ تبي تذلني لها الدرجة ؟؟ بالضبط ..كنت بذلج ..بس ماشفتي شي .. آنسة رغد ..لاتصدقين ان هذا كله لج ؟؟ ..هذا كله لي ..مب لج ..ولا انتي ماتسويين الدراعه اللي لابستها هالحين ..بكره السفر الساعه ثمان الصبح ..الرحله بتكون طويله ..رغد ما بشوف هلي ؟؟ يمكن اموت .. بنسافر ثمان الصبح اتصلي فيهم وودعيهم..أنا بروح انام ..وشلت غطا وحطيت راسي على الكنبه ..ورحت في سابع نومه ..ولما صحيت لقيت الساعه ست ..رحت الغرفه وكانت رغد جاهزه ..بدلت ملابسي ....وشلت شنطتها بدون كلمه ..وجهزت كل اغراضي ..ونزلنا من الفندق للمطار على طول ..وطول الرحله وحنا في حالة صمت ..رغد استاذ يوسف ..وين بنروح اول ما بنوصل ؟؟ فندق الهلتون انا حجزت هناك ..وبعد ما نرتاح بنروح عيادة متخصصه ..رغد على طول جذييه ؟؟ تبين متى نروح ؟؟ رغد بكره .. لما نوصل بيكون بكره ..سكتت رغد .. وطوال الساعات اللي مرت وهي هاديه ..وفي الترانزيت مارضت تتتحرك .. قومي الناس انزلوا ..قومي ..رغد في ألم في بطني ما اقدر انزل ..ما اقدر اتحرك ..أبي اروح الحمام ..ماكان مني الا اني شلتها ..وأخذتها لاقرب دورة مياه في المطار ..وقفت عند الباب ..ولما طولت ارتبكت ..أنا زوجها ..فعادي ..ودخلت الحمام ..كانت مبلله من العرق وتتنفس بقوة ..وهي تلبس عباتها .. رغد اطلع بره .. تأخرت ..شصار ؟؟ ..رغد اعتقد ..أني أجهضت .. آخذج لطبيب ؟؟ رغد لا ..لا ..بس اسندني لين البس شيلتي ..وكانت ماتتحرك بالهين تعبانه جدا .. سندتها لين كرسي ..ورحت وغيرت التذاكر ..وقررت اسافر سوريا ..مدري ليش ...بس حسيت انها احسن ..وركبنا الطياره وهي كانت في قمة التعب ..وأول ما وصلنا سوريا ,,رحت لمستشفى خاص ..وترقدت رغد اول مادخلت ..الدكتور عندها نزيف بسيط ...انتم من متى متجوزين ؟كنت بقول امس بس تذكرت انها حامل ..قبل الزواج من شهرين ..الدكتور وكنت عارف انها حامل ؟هزيت راسي بنعم ..الدكتور وماتعرف ان السفر خطر اثناء الحمل وخصوصا في الشهور الاولى؟ كنت مضطر ..الدكتور تظل عنا الليله لانها ضعيفه جدا وبكره لو بدها تطلع .. لا ..خليها كم يوم لين ماترد عافيتها ..وفي هالاثناء ..حجزت في فندق ...ثلاثة ايام ..وانا ازورها ساعه في اليوم اخذ لها فيها الاشياء اللي تبيها ..رغد خلينا نطلع. انا صرت زينه ...دفعت فاتورة المستشفى ورجعنا لفندق..وتفاجأت بدموعها .. ما سألت ..طلعت من الغرفه وأناساكت ورحت غرفتي الخاصه ..سالفة الحمل وخلصنا منها ...بقى الانتقام ..انتقامي مابيكون عادي ...مابيكون سريع ..بنتقم منج يا رغد ..على الامد الطويل .....الطويل ..*****************************رغد متى بنسافر ؟؟ أنا مآخذ اجازة شهر ...رغد ماكان له داعي ... بالنسبه لي له داعي ,,رغد والطلاق اول مانرجع ..ضحكت ,, رغد شاللي قلته بالضبط يضحك ؟؟ كل شي تقولينه يضحك ..رغد مافهمت ... آنسة رغد..في مثل مصري يقول ..دخول الحمام مش زي خروجه ...سرحت رغد شوي وطالعتني شقصدك؟؟ مابتطلقني ؟؟ ليش ..الطلاق بهالرخص ؟ تتزوجين بهالفخامه ومتوقعه تتطلقين بهالسرعه ؟؟؟ رغد انا ما طلبت منك هالفخامه ... الفخامه ..بالنسبه لي ما تنطلب ..الفخامه تجي بالمجان ..وقلت لج ...مب لج ..بل لي ..رغد ما فهمت ..يعني ما بتطلقني ؟؟؟ سأليني بعد سنه ...يمكن اوافق ويمكن لاء ...رغد سنه ؟؟ شمعنى سنه ؟؟ |أنا أحب أوزن الاشياء بتمهل ..كم تاريخ اليوم ؟؟رغد اعتقد سبعطعش يناير 2003.... تعالي اسأليني يوم 17-1-2004 اذا بطلقج ولا لاء ..رغد صار فيلم هندي ..احنا اتفقنا انك تطلقني بعد ما اجهض .. لاء ..حاسبي انتي قلتي انج تبين الطلاق بعد الاجهاض ..وانا ماقلت لج لا اييه ولا لاء ..أنا مب خدام عندج تجبرينه يتزوجج ويطلقج في الوقت نفسه .رغد يعني تنتقم مني ؟ اذا صح التعبير ..أرد لج طعنتج ...قمت من عندها وطلعت من الفندق .. وانا ناوي امتع نفسي بهالسفرة ..حجزت لنفسي مع قروب سياحي ..وما خليت مكان الا وزرته ..أما رغد ..فما طلعت من الغرفه اللي هي فيها من ايام ...مر الاسبوع الثالث ونزلت فيه لبنان ..وتجولت . ورغد ما طلعت من الفندق ..الا للمحلات تشتري هدايا للأهل ..كان الجو رائع ..الشتا والثلوج ..رغد استسلمت للأمر ..وصارت تسرح وايد ..دخلت الغرفه ..وكانت تحط ميكياج .. وين ناويه تروحين ؟؟ شلون تدخل من دون لاتطق الباب .. انا زوجج واسوي اللي ابيه من دون اذنج ..رغد كنت بنزل اتعشى في المطعم .. بروحج؟؟رغد يعني مع مين؟؟ انت كل هالوقت تطلع وتغيب وما اسال وينك ؟؟.. وليش هالكشخه كلها ؟؟رغد يعني تبيني اروح مبهدله؟؟؟؟؟ وشرايج انج اليوم مابتروحين ...رغد كيفك ..وحطت علبه المكياج من يدها واخلعت الشيله ..ما مسكت نفسي من اني الاعب شعرها الكستناي الحرير ..باصابعي ..رغد شتسوي ..وقامت من مكانها مخترعه .. نسيتي انج زوجتي ولي حقوق عليج؟؟رغد لاء ..احنا ما تفقنا على هالشي ..قربت منها تدرين ما اذكر اتفاقنا اللي ذابحتني فيه كل اللي اذكره اجبارج لي على الزواج منج ..وهالشي من متطلبات الزواج !!!******************** اول ما فتحت عيوني كانت نايمه بقربي ... قمت من مكاني ورحت غرفتي الخاصه ..خذت دوش سريع ولبست ملابسي وطلعت ..كنت اجول طول اليوم ..وانا افكر باللي سويته امس ؟؟ لو حملت؟؟؟ هذا مب من خططي ..ما ابي اطفال منها ..رحت لاماكن وايد ..تغديت وتعشيت وصارت الساعه حدعش فيالليل لما رجعت الفندق..دخلت غرفتي على طول .. متجاهلها ...وظليت لين اخر الاسبوع متجاهلها ..وقررت السفر اخيرا ...رغد ما ....صديت عنها ..ودخلت الغرفه وطلعت الشنطه .. ويهج مب ويهه عروس ..حطي شويه بودرة وهالخرابيط ..بتستقبلنا اختي وزوجها في المطار ..رغد زين ما ..لفيت بغضب ما ايش ؟؟ رغد ما بتتصل في اخوي صالح ؟؟ ليش ..رغد علشان بعد ما تطلقني .. نعم ؟؟؟؟؟؟؟؟؟؟ ما ادري اذا فهمتي كلامي اللي قلته لج آخر مره ..طلاق مافي ..حتى اشعار آخر .رغد بروح المحكمة ..ضحكت ...وكانت نظراتها مرتبكه ... وشو بتقولين ؟؟ أجبرته على الزواج مني وابي اجبره يطلق ؟؟؟ ليش ؟؟ هي سايبه ولا سايبه ...رغد يوسف ..مافي حياه بيننا ..أنت تبي تعذبني ؟؟ ها ..أعذبج ؟؟ لا تخافين بيكون قليل عليج العذاب ...رغد شقصدك ؟؟ قومي البسي عباتج ..ومع الايام بتفهمين ..أو بالاحرى ..تشوفين ...وتمت سرحانه طول الوقت ..والحيره على ملامحها تصرخ تبي الحل ...*******************************-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-دخل البيت وكانت منال جهزته ونظفته من مجاميعه .. هذا البيت ..الغرفه اللي على اليمين اول ما تطلعين الدري .ما تكلمت ..وكانت ساكته .. منال البيت كان وسخ يوسف وين الصبي ليش ما نظفه ؟؟ تعبت الخدامات وهم ينظفونه .. الصبي وديته بلاده .. منال زين ليش ما وصيتني اييب لك خدامه ؟؟ لا ..أنا ورغد بس في هالبيت وأنا ما حب الخدم فماله داعي.منال لا ..حرام البيت كبير على رغد ..بطرش لكم نور خدامتي ..وترى يبت لكم كم غرض من الجمعيه .. ماله داعي منال ..رغد ست بيت ممتازه ...وما في الا انا وهي ..منال والدريول .. ماله داعي هالثاني ..أنا تقريبا اكون فاضي من عينت هالمتدربه عندي ..منال حبيبي يوسف انت تزوجت مانك عزوبي علشان تلغي هالاشياء من حياتك ..صح رغد ..طالعت رغد بنظره ..فهمت معناها ..رغد لا ..أنا ويوسف متفقين على هالشي ..وانا احب شغل البيت خصوصا بعد ما تركت الجامعه ..منال انت تركتي الجامعه ؟؟ رغد هييه ..ما حضرت محاضراتي هالكورس ..منال ليش ..أمانه يوسف توسط لها ترجع .. بشوف ..قومي رغد يبي لنا الجاي والماي ..منال وييه .حرام هذي عرووس بقوم انا . اقعدي منال ..وقومي رغد ..المطبخ على يدج اليسار رغد زيين ..قامت رغد وهي اللي في حياتها كلها ما دخلت المطبخ ..منال قوم دلها وين مكان الجاي ...قوم خلك رومنسي معاها .. في الجاي والماي يا منال الله يهداج ؟؟منال تقوم ولا اقوم انا ؟؟؟ قايم ...وقمت ولقيتها تصيح بهدوء في المطبخ .. ليش تبجين ؟؟ رغد ما ابجي ..وحسيت انها حايره ماتعرف تسوي شي ..أشرت لها على غلايه الماي ..غسليها وحطي فيها ماي ..وشغليها ..وبعدين جهزي دله الجاي وحطي فيها خمس ميداليات ليبتون ..تلاقينه فوق ..وفي نعناع اعتقد و هيل ..حطي هيل ولا نعناع انتي حره ..بيالات الجي هذول ..غسليهم عدل وهذول قلاسات حطي فيها ماي من البراد ..والصينيه في الدرج والسكر في الكبت احذى اللبتون ..حطيه مثل ماهو على الصينيه لان جاسم مايشرب حلو ..تبين شي ثاني ؟؟رغد الملاعق الصغيره ؟؟ في الدرج اللي فوق درج الصواني ..طلعت من عندها ...ورجعت لمنال .. زوجج ابطى علينا وين راح ؟؟منال ييب عشا ..لان محمد وزوجته وعياله على وصوول ..ووصيته يتصل في منصور ..وأخوك فالح .. فالح ؟؟ منال تدري انه زعل بالحيل لما عرف انك عرست وهو مسافر ؟؟ بس هله حضروا ..منال لو كان يدري كان حضر هو بعد ..هذا اخوك .. منال الله يخليج ..بروح أغير ملابسي ..وأنام ..منال يوسف ..لي متى هالجفا بينك وبين فالح؟؟مارديت عليها ..وكالعادة عصبت من تجاهلي لها ..بعد ربع ساعه ..نزلت ..وشفت العايله كلها تحت ..منصور حمدالله على السلامه أخوي ..زوجته نوره حمدالله على السلامه .. الله يسلمكم ..وسلمت على محمد ومريم محمد فالح ياي في الطريق هو وهله .. حياهم الله .. هاغ جاسم ..قالت لي منالل انك رحت تيب العشا ..جاسم بيوصل بعد شوي الساعه تسعه ...بس جبت معاي المقبلات وأشياء تصبر .. يعطيك العافيه ..مريم ها ابن عمي ..شلون الزواج؟؟طالعت رغد اللي كانت لابسه شيلتها ..ومنزله راسها ..وفيها كدر الدنيا .. زيين ..مب سيئ ...مثل ماكنت معتقد ..محمد قومي مريم ..قومي ..بتزعجينه بأسئلتح لين الصبح ..مريم لا تحرجني محمد ...منصور ونورة هنيه ..منصور لا تستحين منا ..مريوم ..يلا نوره ..روحي انتي ومنال ورغد ومريم داخل ..في صاله ثانيه يلا ...منال استح من المرة توها عرووس ..تطردها في بيتها ؟؟منصور هذي اول مرة تدخل بيتها .وأنا كنت ساكن هني وأعرف البيت ...وبعدين خلاص صارت زوجة أخوي ..مقامها من مقامج انتي ومريم ..ويلا .. للصالة الفوقانية ..طبعا أثر هالكلمات علي كان قاسي جدا ..وينها وين مريم ومنال ؟؟ شلون تصيير معاهم في نفس المقام ..مريم قومي رغد حبيبتي ..قومي..يلا منال وانتي نوره .. خلينا نطلع بكرامتنا ..طالعتني رغد بعيونها ..وكأنها تقول لي ارحمني ..لكني تجاهلت ..قلت لها اطلعي يلا...طول ما أخواني يتكلمون .وأنا تفكيري شي يصير فوق ..شلون بتتكلم رغد ؟؟ شيقولون لها ...محمد أهلا وسهلا ..التفت للباب ..كان فالح داخل مع زوجته جواهر وثلاثه من عيالهم الكبار ..ماشفت هله من حوالي الثمان سنوات ...فالح مبروك ...يوسف ..مبروك .وسلمنا على بعض سلام بارد ...جواهر مبروك يوسف .. الله يبارك فيكم تفضلوا ..فالح مها هذا عمج يوسف ..مها مبروك عمي .. الله يبارك فيج متى كبرتي بهالسرعه ...؟؟مها اووه عمي السنه ثانويه ..والسنه اليايه بدخل الجامعه .. ما شاء الله ...فالح طلال ...طلال مبروك عمي .. الله يبارك لك ..وأنت جامعه ؟؟مها لا عمي ..عاد السنه ..السنه ثانويه مثلي .. شد حيلك لا تطلع قبلك مها ..فالح شيخه ..أصغر من مها بسنه .. مبروك عمي .. الله يبارك فيج ..ماشاء الله يا فالح عيالك كبروا بسرعه ..فالح الوقت مر بسرعه ...وين مدامتك ؟؟ فوق مع منال و مريم ونوره ..فالح يلا جواهر ..خذي بناتج وتفضلي .. وأول ما طلعت جواهر ,,,فالح ها منصور متى تصير ابو؟؟منصور أنا في الزواج أخذت أربع سنوات افكر تبيني اييب عيال ؟؟ لا .مني لخمس سنوات يصير خير ..محمد اييه والله هذا الكلام الزيين ..شلك في في دوخة العيال ...اسأل مجرب ..جاسم انا بالنسبه لي روان ..بنتي .عسل على قلبي ..محمد لا نها وحده بس لحين ماصار لها اخوان ..وبعدين اذا كبرت ...بتشوف المرض من ورا طلباتهم ..فالح لا .. مب لهالدرجه ... العيال حلوين .وانت يوسف ..متى ..؟؟؟ مأجل الفكره شوي ...سنه ...محمد هذا هو الكلام السليم ..ليش مستعجل العمر قدامك انشاءالله ..منصور صج منال حامل ؟؟جاسم اييه والله . صار لها شهرين ..فالح تبي بنت ؟؟جاسم اييه ..ياخي مليت من العيال ..منصور أرجوك عندك الحين عشر ..جاسم صج ماعندي عيال بس طول عمري عايش بين اخواني .. الي اصغر مني وأكبر مني ..أبي أشوف بنات أبي أترس البيت بنات ..منصور انا عشت مع بنت وهي منال ولاعت جبدي منها ..اذا بييب اطفال ياريت يكونون كلهم عيال ..فالح ماتصدقون اذا قلت لكم ان بدر ياني خاطب لبنتي مهوي ...جاسم بدر مين اخوي .؟؟فالح ايه ...جاسم توه صغير ..فالح عمره ثلاث وعشرين وصغير ؟؟ أصلا كان مفروض ازوجه منال اختي ..بس صارت من نصيبك ..جاسم مسكين يبي يلحق على بنت قبل لاتطيير ..(جاسم من عمري ..وتزووج من ثلاث سنوات باختي منال كان يبي يتزوج من زمان ..لكن ماكان عندي اخوات غير منال ..وكانت صغيره فاجلنا الموضوع لين اكبرت شوي )محمد وش قلت له؟؟فالح بعد الثانويه بسأل البنت ..وأشوف ..جاسم الخايس يخطب ولا يشور أحد من أخوانه ..فالح يا بروحه ..مثل ماتقول جس نبض ..حتى عبدالرحمن مايا معاه ..******************* بعد العشا انصرفوا كل واحد لبيته .... رتبي البيت ...رغد زيين ..أهلك طيبين ...مارديت عليها ..ودخلت غرفتي ..وقفلت الباب ..وقلبت الرموت ,,من قناة لقناة ...وأنا أسمع ضجة رغد وهي ترتب البيت ..صحيت من النوم وكانت الساعه سبع ونص ...قمت لين باب غرفتها وكانت نايمه ..رغد ..رغد .. هه..نعم .. قومي سوي لي ريوق بروح المكتب ... زيين ..************************ سمير حمدالله على السلامه يا بيه ...ليال حمدالله على السلامه ... الله يسلمكم ..دخلت لمكتبي ...وبديت شغلي ....ومر أسبوع على هالحاله .......***************** ليال استاذ هذي القضية ايش يمكن نسوي فيها ؟؟ الشاب هنا مدان لا محالة ..الشهود شافوةه مع الشلة ..يأكدون أنه كسر السياره ..فلازم نلجأ لانقاذه من هالمشكله .ليال نقدر نقنع القاضي انه برئ .. ليال ...( وكنت اول مره اكلمها بدون لقب انسه ) اسمعيني ..هذي مب محكمة وهيئة محلفين علشان تقنعين .. القاضي يمشي بالادله ..والشهود ..لازم ..نلقى حل نقنع فيه المدعي بالتنازل ...بس للأسف المدعي بينه وبينهم عداوة ..حاول من هالطرف وأقنعه بالتعويض المادي ..وبتصل في محامي باقي الشله ندبر لنا طريق يطلع فيها لانه اصغر واحد فيهم وماتعدى السن القانوني وامكانية كبيره انهم يرسلونه الاصلاحيه ..ليال ليش استاذ هو عمره كم ؟؟ ليش انتي مادرست القضيه ؟؟ليال استاذ ما انتبهت .. طبعا ..مسكينه ..الحين بانهال عليها بالنصايح والعتاب .. آنسه ليال ..كمحامية لازم تنتبهين لكل شارده ووارده ..لازم تكونين دقيقة الملاحظة .. المدعى عليه عمره 14 سنه ...والباقي اعمارهم في التسع طعش والعشرين.. انا ارفض منج هالاهمال ..وعدم التركيز ..واعتقد هذا شي بديهي ما يبي له توضيح ..تفضلي لمكتبج وادرسي القضية عدل وابي منج موجز على اوراق يكون كامل مافيه ثغره ..ليال (اختفى صوتها ) حاضر .. رن التلفون في هاللحظة .. ألو ..منال قوة أخوي .. أهلين ..منال يوسف باخذ رغد ونطلع ...شرايك ؟؟ أنا قلت لها بس قالت لي اقولك .. لاء ..منال ليش ..نبي نروح السوق ... لاء ...أنا باخذها السوق ..طلعة من البيت مافي ..منال بس ..صرخت قلت لاء ..منال انت ماتفهمين ..منال لاتصارخ ..زيين .. هي معاج ؟؟منال لا ..أنا في بيتي ..بس اتصلت فيها لاني كنت رايحه السوق .. خلاص ..يلا ..مع السلامه..صكرت السماعه وأنا معصب .. من اسبوع ومنال ما طلعت الا لبيت اهلها ..وكل شغل البيت عليها ..بس الغدا كله من المطعم ..دخلت ليال استاذ اتصل فيني استاذ عيسى ويقول انه يبي يقابلك اليوم .. وين سمير ؟؟؟ليال راح في مشوار ...من الصبح وانا تعبان .. فيني غثيان .. خلي الفراش يسوي لي نعناع ..ليال حاضر استاذ ..رحت الحمام ورجعت اللي في جوفي ....وأنا أحس بوجع في جنبي ..خلال ساعه اشتدت علي الآلام ...بصوت تعبان ومهزوز سمير...سمير ... دخلت آنسه ليال سمير ما رجع استاذ ..بغيت شي..استاذ انت بخير ؟؟ استاذ .. نادي لي راجو ..ليال الفراش؟؟ اييه ..وبسرعه اختفت ورجعت مع الفراش .. راجو ..اسندني لين السياره ...وسندني وتبعتني ليال ..وأول ما فتحت الباب ..ليال استاذ بتسوق وانت في هالحالة ؟؟ ما فيني شي ..ليال وين رايح استاذ ؟؟ للمستشفى ..ليال انا بسوق ..اركب في السيت اللي ورى ..بآخذك الطواري ..ماكنت في حال يسمح لي بالكلام ...تمددت ..وساقت ليال ...سواقتها بطيئه ومهزوزه ..خلال دقايق ..دخلت الطواري ..وكشف علي الدكتور ..وأخييرا ...بعد التحاليل ..الزايده .الدكتور مدام ...لازم العمليه . انفجرت وبتسبب له تسمم في الدم اذا مالحقنا عليها ....أنت زوجته ..ليال لا ..الدكتور اخته؟؟ابلعت ريقها لا .. اعطاها الطبيب نظره شك أنا متدربه عنده ..هو محامي .الدكتور اتصلي في حد من هله ..علشان نتخذ الاجراءات ..تكلمت رغم ان المخدر ريحني شوي أنا صاحي دكتور ..سوي العمليه .وليال .. محفظتي فيها رقم جاسم اتصلي فيه ..ليال حاضر .........................................................فتحت عيوني وأنا أحس بآلام فظيعه في جسمي ..الدكتور بتعطيك الممرضه الحين مسكنات الام ومضاد التهاب ...اكيد مفعول المخدر راح..هزيت راسي ...باين ان العملية خلصت ...الدكتور اهلك بره يبون يتطمنون عليك ..بدخلهم الحين ..دخل جاسم ومنال ورغد ..ومحمد ..جاسم ماتشوف شر ... الشر ما ييك ..منال اخوي شلونك الحين ..عساك طيب .. زين كلها زايده ليش دموعج ؟؟؟منال عليك .وبعد ..ماقدرت وانا اشوف رغد تصيح طول الوقت أني أمسكها ..التفت للرغد اللي كانت عيونها حمر وخشمها احمر وباين انها صاحت وايد .. خلاص ..بس صياح ..ماله داعي ...انتبهت للآنسه ليال ..اللي كانت واقفة بره .. أنسه ليال ..ما أعرف شلون أشكرج ..ليال حمدالله على السلامه ..جاسم مارضت تروح لين تطلع من العمليه .. فيج الخير ...الدكتور دخل لا ..ليش الزحمه ؟؟ شخص واحد يظل معاه والباقي يتفضلون ...المريض محتاج الراحه ..ماقدرت اتكلم وأنا أشوفهم يقولون لرغد خذي بالج عليه ..لفيت ويههي عنهم...وبعد ماراحوا بربع ساعه ..التفت لرغد .. رغد يوسف انت ما نمت؟؟ ليش كنت تبجين ؟؟ ؟؟ خفتي اموت ؟؟ ما مسكت رغد دموعها تقريبا ..خفت تموت ..ويظل ذنبك في رقبتي .... يوسف أنا آسفه ..سامحني ..أرجوك يوسف ..يوسف سامحني انا غلطت في حقك . ..سامحني ..ما حبيت أزيد عذابها لكني ماقدرت امسك لساني للي نطق ما اقدر اسامحج رغد ..لا تعتقدين الامر بهالسهولة ..مستحيل أسامحج..ما انتبهت للي واقفه عند الباب وسمعت كل كلامنا ..لين ما كحت شوي ..مسحت رغد دموعها بسرعه .. آنسه ليال ..نعم ...ليال استاذ ..نسيت محفظتك عندي فرجعت اردها لك ..حطتها على الطاولة . عن اذنك ..وطلعت بسرعه ..رغد اسكتت ..ولا قدرت تنطق كلمه عن شكوكها اما انا ..غمضت عيوني ولا سألت فيها .بعد هالموقف ..رغد ما قدرت تنطق كلمه ...مرت الايام وقمت بالسلامه ..وكانت العمليه متعبه جدا ..ماشفت ليال كررت زيارتها ..لكني ماعلقت .. ورجعت للمكتب ,, سمير حمدالله على السلامه .. الله يسلمك ...ليال حمدالله على السلامه .. الله يسلمك ..دخلت المكتب ..وقررت أشغل وقتي بالقضايا اللي اهملته طول المدة اللي راحت ..قابلت عيسى ..وتناقشنا قضية مشتركه ..ليال دخلت وحطت الملفات وطلعت دون ماتنطق بكلمه ..رجعت البيت ..وكانت رغد يابت أكل من المطعم ... حطته على الطاوله وطلعت غرفتها ..فأكلت بروحي ...وطلعت غرفتي ونمت ..************** فتحت عيوني وكانت رغد. نعم ؟رغد الدوا ...خذته من يدها ..وطلعت هي ..حسيت بفراغ ..ما أتحمل نظرات ليال ...ولا ..برود رغد ..لبست ملابسي وطلعت ..رغد مابتشرب الجاي ؟؟هزيت راسي بلا ..وطلعت ..مريت المكتبه ..واشتريت لي ثلاث كتب طبخ ..ومريت الجمعيه وكل ماهب ودب قدامي حطيته في السله ..واشتريت قهوة وجاي ....ما بتكلم عن الفاتورة .. .رجعت البيت ودخلت السيارة البيت . رغد ..رغد ..رغد نعم .. تعالي شيلي هالاغراض ..رغد لايش كل هذا ... مليت أكل المطعم ..بتطبخين من يوم ورايح .. رغد اسكتت ..وأول ما خلصنا نقل الاغراض ..رغد يوسف ..في مشكله .. مشكله ايش ؟؟رغد أنا ما أعرف أطبخ ... أدري ..ما أسمي الجبن المعلب اللي تحطينه لي الصبح والبيض اللي تقليته بالليل طباخ ,, حليت لج هالمشكله ..خذي ..وطلعت الكيس اللي فيه الكتب ..رغد زين.. وأنا في الجمعية سأألت عن طريقه حفظ هالأغراض ..ماقصر المسؤول وكتب على ورقه ...لاتخيس الفاكهه واللحم ..والورقه داخل ..رتبي الأغراض ..وطلعت من عندها وركبت سيارتي وطلعت ..مريت منال .وانصدمت لما لقيت عندها مها وطلال ..مها يينا عمتي منال تشوف لنا الرياضيات ..وتشرح لنا ..منال أوه من زمان ..مادرست أحد ..من دلكم علي ؟؟مها أمي جواهر ..طلال عمي وقالت لنا أنك ممتاز في الانجليزي .. لا ..كان زمان ..منال شدعوه يوسف ..نسيت بهالسرعه .. منال اعذريني بس ..انا المتدربه اللي عندي في المكتب ما اعرف أدرسها شغلي أدرس العيال شي نسيته من زمان ؟؟منال زيين يبت طاريها ..البنت حلوة وايد .وفيها الخير غريبه أن رغد ما تغار ...حلوه ؟؟؟؟؟ مب حيل حلوة ...زينه ..مها عمي أنا شفتها هذاك اليوم ..في المستشفى ..حلوة وايد.. ليش أنتي كنتي موجوده ؟؟مها رحت أنا وأمي نتطمن عليك ..بس بعدين لما دخلت العمليه طلعنا ..وردينا البيت ..لفيت لمنال ..اللي اختبص ويهها .. من قال لكم اني في المستشفى ؟؟مها عمتي منال دقت وقالت ..لفيت وطالعت لمنال ..اللي طالعت أي مكان إلا ويههي ..سكت ..وماقدرت أتكلم ..كل ما أبعد عن هالموضوع يرجعوني له .. طالعت منال ..اللي وصلت مها وطلال للباب ..ورجعت ..صرخت فيها .. ليش ؟؟؟؟؟؟ ليش ؟؟منال ماقدرت ..ماقدرت .. أنا ما قلت لج أني ما أبي شي يذكرني في هالموضوع ؟؟ ليش ؟؟؟منال يوسف ..ماقدرت ما اتصل فيها .. تبين تخربين بيتها ؟؟لو درى فالح انها يت في هذاك اليوم كان مابيحصل طيب ..منال يوسف .لا تعصب ..الله يخليك ..قمت من عند منال وأنا لافه فيني الدنيا ....جواهر...سبب كرهي للزواج وللحريم....عاهدت نفسي ما أتكلم في هالموضوع حتى مع نفسي ..وأنا مع عهدي ..خليني أفكر بشي ثاني .. ليال .ليال مب حلوه ..وأنا شدراني ..لما تدخل علي في المكتبه ..ما أحس أنها جميله مثل رغد ولا جواهر ..لا ..رجعت لجواهر ..انسى جواهر يا يوسف ...انسى جواهر ..رغد ...اوووووف ...ليال ...خليني أطلع من نونت النسوة ..وأروح القهوة أشرب شيشه ..كانوا يطالعون مباراه ..جلست معاهم ..ودخنت الشيشه .. جاسم يوسف ؟؟؟؟؟ الدكتور مب مانعك من الدخان ؟؟هات ..وأخذ الشيشه من يدي ..وصار يدخن ..جاسم كم النتيجه ؟؟ ثنين صفر ..جاسم ااوفف ..شفيك ساكت ؟؟؟ أطالع المباراه ...وركزت في الكورة ..و ضاعت روحي ...زوماحسيت إلا بجاسم يصحيني ..جاسم يوسف ..زوجتك بروحها في البيت ..قوم الساعه صارت عشر . أنا نمت ؟؟؟جاسم اييه نمت .. والمباراه ؟؟جاسم ما تغيرت النتيجه .. زيين ..وأنت ليش مارحت البيت ؟؟جاسم منال الحين في بيت مريم عندها جلسه حريم ومحمد رايح لعرس رفيجه ..قوم .. قمت ورجعت البيت ..وكانت رغد في غرفتها ..فتحت الباب ولقيتها تصيح ...وشفت بين يدينها صورة ...ودموعها وحزنها ما حسسها بوجودي ..سحبت من يدها الصورة ..ومثل ما توقعت ..كانت صورة راشد ..هي ما تكلمت ..وأصلا ماطالعت لي .. شلون دخلتيها بيتي ؟؟ما ردت .. ماقدرت أمسك يدي عن ضربها ..وهي مانطقت ..كف الثاني الثالث ...وهي ترجف ..حسيت اني لازم أنتقم منها ..مسكتها ..و.......***************طلعت من غرفتها أول ما سمعت الآذان .. خذت دش سريع ..ولبست ملابسي ورحت المسيد ..ورحت المكتب على طول ..الساعه سبعه ونص دخل سمير المكتب وشافني أكتب ..سمير صباح الخير ...أستاذ .. صباح النور ..سمير مبكر .. عندي شغل ما يتأجل ..طلع سمير لكنه خلا الباب مفتوح ..لكن الحقيقه "أني هربت من البيت ..هربت من رغد ..دخلت ليال .. صباح الخير سمير ..وقبل أن يرد عليها دخلت المكتب ..كانت بدون نظاره لأول مره ..ولأول مره ..أشوف الجمال اللي تكلمت عنه منال ومها ..انصدمت فيني ابتسمت صباح الخير استاذ ..هزيت راسي ونزلته ااطالع في الاوراق ..ماكان ودي أنزل راسي ..في ححياتي كلها ماشفت عيون بهالسحر ورموش بهالجمال ..وخدودها ..مثل التفاحه ..عيونها البنيه لها سحر اخترقني ..دخلت مرة ثانيه واجلست قدامي ..وأعطت مرافعاتها ..وكانت نظارتها بيدها .. ممتازه ..ليال ..شكلي بعطيج قضايا بروحج ..ليال لا أستاذ يوسف ..أنا بمساعدتج تتطورت شوي ..طالعت في عيونها ...وقلت لا صدقيني ..عندج الموهبه ..لكني لازم لج الشغل ...علشان تنجحين .. للحظه نظرتي بنظرتها التقت ..كأني غرقت من وسع بؤبؤ عينها ..بحياتي ماشفت بؤبؤ بهالكبر ..فما مسكت نفسي وقلت لها .. عرفت الحين سبب عدم لبسج للعدسات ..الظاهر مالقيت قياس بؤبؤ عينج ..نزلت راسها ..وطلعت ...بعد لحظات ...دخل سمير واستأذن يروح مشوار خاص .. سمير ..من يا ابن عمك الدوحه وانت مبتلش ..اطلع ...روح ..سمير شككرا يا بيه ..مرت الساعه اللي وراها وانا مشغول بمكالماتي مع الموكلين .. طلعت أطلب من ليال كوب جاي ..فتحت الباب فتحه صغيره وسمعتها تقول ..(( صدقيني قال جذي ..ما فهمت .. ايش ؟؟ غزل ؟؟؟ لا ..آخر شي ..تدرين يوم طاح في المستشفى سمعته يقول لزوجته ما بسامحج أبدا ..تصدقين ؟؟ ... أي قلب هذا اللي مايسامح شريكه عمره ؟؟........ اييه .. بس تدرين أنا أحس أني اعرف زوجته ..أعرفها بس ما أذكر وين شفتها قبل ..... يتغزل فيني ؟؟ سويره الله يخليج .. أي غزل هذا ومن مين .من الرجل الحديدي يوسف ...قصده عيوني حلوة ؟؟ الله يخليج مريوم كل ما يا لج وتتطنزين علي ..تلاقينه يتطنز علي هو الثاني ..ما أصدق لو هو يقول لي بلسانه انه يغازلني ما أصدقه ..صار لي شهرين في مكتبه كلمه حلوه بره الشغل ماقال ..ما قال لاتحاولين ..بعدين متزوج ...انتي حضرتي عرسه ..وشفت القمر زوجته ..بيني وبينها أشواط ..علشان جذي مايطالعني ........قال مدام القمر عندي مالي ومال النجوم ...سويره ..لاتحاولين ..لا ..شو أغرييه هذي ؟؟ الريال متزوج ..لا ..لا .تدرين باي ...)) صكرت التلفون ..وسمعتها تقول صج حماره تبي توديني بداهيه .. بتسمت ورجعت لمكتبي ..وأنا حاير في نفسي ؟؟ أنا غازلتها ؟؟ ولا لا؟؟؟؟؟؟؟؟؟الفصل الرابع ..........***************************** رجعت البيت ولقيت رغد حاطه السفره .. طالعت لقيت معكرونه بيضا ...ماعليها أي صلصه .. وديايه محمره ..بس .. هذي نودلز ؟؟ هزت راسها باييه .. ليش ما سويتي معكرونه بيت ؟؟ رغد اعذرني يوسف ماخلصت شغل البيت بسرعه .. فمالحقت أطبخ ..كليت وأنا ساكت ..شي أحسن من لاشي...رغد وين طلعت الصبح ؟؟ ... ليش تسألين ؟؟رغد بس ..صحيت أصحيك ..لقيتك مب موجود .. أروح وين ما روح ..مالج شغل ..ما مسكت رغد دموعها ... ليش دموعج ؟؟ رغد للحظة حسيت أني وحده .رخيصه .. ..بعد ما تقضي حاجتك منها ..تنسى وجودها .. وليش أنتي غير ..شالسالفه نسيت نفسج ..؟؟؟شهقت وابلعت دمعتها ...وغمضت عيونها ..وصدت عني .. كلي ...رغد شبعت .. قلت كلي ..ودامج في بيتي ...تسمعين كلامي ...كلي ..مدت يها وبدت تحوس في النودلز ..فقلت لها .. من بكره أبي غدا مثل الناس ...سمعتي ؟ عيش ولحم وصالونه وسلطه وفاكهه ..ولبن ..سمعتي .هزت راسها باييه ..خلصت غداي وقمت أغسل ايديني . ولما خلصت ..كنت بطلع غرفتي ..لكني مريت غرفه الطعام ..وكانت رغد تصيح بقوة .. ودفنت راسها بين يدينها ..تحاول تكتم صوتها ..رديت طلعت فوق وأنا تعبان وحطيت راسي ونمت ..وصحيت من النوم على ضجه ..كان محمد هو هله زايرينا ..رغد يوسف محمد ومريم هني ... الحين أطلع لهم ..نزلت وكان محمد ومريم جالسين في الصاله .. أهلين ...محمد أخوي ..البيت كبير عليك أنت وزوجتك ..شرايك تبدل بالبيوت ؟؟ هذي السلام عليكم يامحمد ؟؟؟؟محمد يا أخي علشان ما تقول حسدتك ..يلا ..قول رايك ..سلمت عليه هو ومريم وعيالهم ..مريم متى تجيب خدامه .. أفكر في الموضوع ...محمد ها شقلت في البيت ؟؟ لا يا أخوي ..مافي طلعه من هالبيت ...كل واحد خذ نصيبه وأنا بقى لي هالبيت ...وما أبي غيره ...مريم شفتك نزلت من غرفتك القديمه .. كنت نايم فيها .. ما أرتاح إلا فيها ........محمد عشرين سنه في هالغرفه تبينه ينساها بيوم وليله ؟؟ ين رغد ؟؟مريم استأذنت تيب الماي والجاي والعصير ..زوجتك وايد خجوله أمس مارضت تروح معاي العزيمه ..حاولت معاها بشتى الطرق لكنها رفضت ..محمد جذي الحريم ولا بلاش ....ضحكت بينما مريم قالت لريلها ترى اترك عيالك في رقبتك وأسافر بيروت مع أختي ...للحين ماسافرت ..محمد لا الله يخليج ..انتي الأصل ...ضحكت عليهم ... قامت مريم بشوف هالمسكينه ..شتسوي في المطبخ ..محمد نسوان آخر زمن .. متكبرات على المطبخ ..زين سويت أنك مايبت خدامه لزوجتك ..والا ظليت تاكل من أكل الطباخ لآخر عمرك ..وتدفع له .. محمد ..خلينا نطلع ..محمد ليش ؟؟ ما مليت من القهوة الشعبيه .. ما أبي أروح القهوة الشعبيه ..أبي أطلع أتمشى ...محمد يلا قوم ... لحظة أبدل ملابسي ..وقول لزوجتك ..محمد زيين ..واذا ما رضت ؟؟ قول لها بنييب لهم عشا ..يلا قوم ..طلعت مع محمد ..ودرنا في الدوحه ..وبالأخير رحنا البحر ..محمد شفيك يوسف ..ندمت على زواجك؟؟طالعت له شاللي يخليك تقول جذي ؟؟؟محمد ردة فعلك ..وما أشوفك سعيد ولا طاير بعروسك ومدللها .. ببساطه ما أبيها تصير مثل مريم ومنال ..مدللات ...محمد زين ..وجواهر ...نسيتها؟؟؟التفت له ...مستغرب فقال .. ذيك اليوم ..يوم رجعت من السفر ويات مع زوجها ...كان سلامك بسيط ...عكس ..قبل ...فرحت لك ان رغد نستك جواهر .. وأنت ناوي تذكرني بها الحين ؟؟؟.. لا تنطق هالإسم قدامي أبد ... أبد ..محمد زين ليش هالبرود في حياتك ..؟؟؟ مريم لاحظت ومنال وجاسم ..من تزوجت صرت غير ..وزوجتك ولامرة يبتها لنا ولا لبيت منال حتى في العزايم ..تقول لنا انها في بيت أهلها ..ليش معتزل بزوجتك عنا ؟؟ محمد يا أخوي اعذرني بس ...رغد ماتحب العزايم ..ما تحب تختلط في الناس ..كيفها ما بجبرها ..بالنسبه لي انا عندكم اغلب ايام الاسبوع ..محمد يوسف انت محيرني وأجوبتك ما تقنعني ..لايكون تحب غير زوجتك ؟؟طالعت له مبتسم أكيد منال حطت هالفكره في راسك ..محمد لا ..بس من يوم دخلت المستشفى ومريم اشتغلت الشكوك فيها .. عن ليال ؟؟ محمد تماما .وبشكل غريب أقنعتني ..شلون البنت أنقذتك وما رضت تروح إلا لما تشوفك بسلامه ..و..ووووو...واوات وايد ... ليال مجرد متدربه عندي .. ويوم اشتدت علي الالام ماكان سمير موجود ..والبنت سوت فيني خير ..وخذتني للمستشفى هذا كل شي ..خلي مدامتك تصفي نيتها ..ابتسم محمد ...وظلينا واقفين على البحر ..دقايق ..بعدين مرينا مطعم وخذينا عشا للبيت .. آنسه ليال ..وين الملف اللي أعطيتج اياه ..ابلعت ريقها ..وسكتت .. وينه ؟؟ ليال خليته في البيت استاذ ..نزلت راسها ...طبعا ..ماسلمت مني تهزيئه معتبره ..عن االاهمال ...وبالأخير قلت لها روحي البيت وييبيه الحين يلا تحركي ...وآخر مره ...ليال بس استاذ بيتي في ....قاطعتها مايهمني وين بيتج ..الحين تروحين وتييبينه..يلا...خذت مفتاح سيارتها وطلعت ..وغابت ساعه وربع ورجعت ..وأعطتني الملف ..وعيونها وخشمها أحمر ..باين صاحت..فقلت لها اي شي تآخذينه البيت يرجع معاج ثاني يوم ..هذي فايدة الشنطه ..تفضلي مكتبج ..سمير ما كان موجود ..فقمت للباب لما سمعت صوت ..سمعتها تتحلطم ... شقالت سويره الكلبه ..يغازلني ؟؟ هالثور يغازلني ؟؟ هذا مايعرف شي عن المغازل ..جلف ..صج صخره ..كلاني ..مايسوى علي ..مافي مدرسه ولا دكتور هزئني كثره ...حيط ..حيط ..زين ..زين ...هه .. أنا ثور ؟؟ !!!!!!!!!!!!!!!!! جلف صخره ..شمعنى جلف ؟؟ رجعت لمكتبي .ومسكت الملف ..واتصلت في صاحبه وبشرته ان صاحب القضيه رضى بتسويه ..***********************رجعت البيت ..وأنا أفكر أني أنتقم من ليال ...كانت رغد جالسه في الصاله وويهها شاحب ..اول ما شافتني قامت وحطت العشا ..كانت طابخه مسقعه ...كانت زينه ..مب سيئه .. تسلم ايدج ..كأني اعطيتها الدوا السحري ..ملامحها انفرجت شوي ..ويهها ردت له الحمره ...بعد ما كان شاحب ..هزت راسها بدون ما تنطق كلمه ..ما أدري ليش الشيطان ما يخليها ترتاح في لحظه ..وسوس لي وسألتها .. شلون غلطتي مع راشد ؟؟ أنا مو فاهم ..الدوا السحري اللي اعطيته اياها انتهى مفعوله ..والحين كأني سقيتها العلقم ..رجع ويهها مثل قبل ..الشحوب والمرارة .زيد عليهم هالمره الدموع والذل...تكلمت والكلمات تتطلع معاها ببطء.. كنت ..ظانه اني بتزوجه ..لانه كان يعرف اخوي ودخل لي من الباب ..سلمته نفسي .. وانا متوقعته يطلب يدي من ابوي اليوم اللي وراه ..كان معمي على عيني ..كنت ذايبه في الوهم ..ولما فقت ..فات الآوان ...ما أقدر أقولك أكثر من جذي .. "أنا ما ألومج ..أنا أعرف راشد ...وشفته مع كثير ..وأعرف شلون يمثل الحب بكل بساطه ..بس ألوم سذاجتج ..واستسلامج .....رغد يعني تقنعني انك ما حبيت أبد ؟؟ ما جربت الحب شلون يعمي العيون والقلب ويلغي العقل ؟؟ شلون الروح تحترق بناره ؟؟سكت ..أنا آخر واحد أتكلم عن السذاجه ..لاني اكبر ساذج ...شلون لمتها ؟؟ رغد .. ما انتبهت لعلاقة جواهر فيج ؟؟رغد جواهر ؟؟؟ شدخل جواهر بجواب سؤالي؟؟ هي الجواب ...رغد ما ادري نظراتها كانت حزينه وماكانت تآخذ و تعطي معاي .. تربيت في هالبيت أنا وأمي وجواهر ..أخواني الباقين كل في بلد ..جواهر بنت خالتي ..أصغر مني بسنتين ..من عشر سنوات ...كنا عايشين في هالبيت مع امي ومنال .وأنت شفتي جواهر .. كانت نسخة ميرفت أمين ..حتى في شعرها كنا عايسين في هالبيت بعد ما تزوجت امها ..وتركتها معانا ..وماكان بينا حاجز ..حبيتها ..حبيت جواهر من كل قلبي ..وبادلتني الحب ..كنا نجلس ساعات نتكلم ..منال كانت صغيرة فما فهمت اللي بيني وبينها ..كنت عاشق ..وخطتت أني أخطبها ..توفت زوجه فالح ام طلال ومها ..والعايله كلها انشغلت بهالمصيبه ..كانو عياله صغار وايد ..وبينهم رضيعه ..بعد شهرين ..ماشفت خلالهم جواهر لانشغالها برعايه الصغار ..تفاجأت بخبر خطبه ..خطبه جواهر وفالح .الحب اللي تتكلمين عنه ..عمى عيوني ..وتهاوشت مع فالح ..غلطت عليه ..وكنت أتصرف بدون وعي ..ولما طلعت غرفتي صادفت جواهر في طريقي ..صفعتني ..ويوم ذكرتها بحبنا صفعتني مرة ثانية ..جمدت في مكاني ..قالت لي بكلمات أقسى من صخر ..أنها ما تتشرف بواحد اناني ..تزوجت جواهر بفالح ..أنا غرقت في بحر الكره ...لليوم كل ما اتذكر كلمة أحبك من ششفايفها يفز قلبي ..وأكرهها من جديد ..من عشر سنوات وأنا عدو المرأة ..كرهت كل الحريم ..مريت بتجارب سطحيه عززت هالكره ..وعزفت عن الزواج لين أجبرتيني ..وكرهت الحريم زياده ..أنا وفالح ماتكلمنا من زمان ..لين تزوجت ..ياني يبارك ..ويات جاهر وكلمتها كانت باهته..عاهدت نفسي ما اذكرها ..وأحاول أنساها .بس مب بإيدي ..لليوم ..حبها متغلل في روحي ..وكرهها متمكن مني ..يمكن في عزاء لنفسي لما اشوف عيال اخوي ينادونها يمه ..جربت الحب اللي تكلمتي عنه ..وكان أسوأ تجربه مرت علي ..أتعذب كل ما أشوف أخوي ..ضميري يأنبني ..هو اللي سرق مني سعادتي ..وما ألومه ...جواهر تخلت عني ..تخلت عني رغم كل كلامها ..رفعت راسي وطالعت ملامح رغد اللي كانت باهته ..رغد وأنا اللي ظنيت أني سبب حزنك وقسوتك ..كانت رغد هي أول انسان أبوح له بعلاقتي بجواهر ..الكل كان يعرف اني كنت ابيها ..وحلفت ما اتزوج غيرها ..لكن محد درى باللي في قلبي من عذاب ..قلت لها .. تعادلنا ..استغربت ,,وعقدت حواجبها .. انتي تعرفين سري ..وأنا أعرف سرج ..نزلت راسها وقالت انا مب فخورة بسري ..وأتمنى أني أشطب هالصفحة من حياتي .. وبالنسبة لسرك ..بكون بير غميج ..ومابتكلم عنه ..قمت ..ابتسمت ..************************* مر شهر ..وأنا ورغد في هدنه صلح ...ما نتعرض لبعض .في المكتب ..ليال تحاول جهدها أنها تكسر رايي فيها كل ما يالها ..وتصير أكثر عناد بس مستواها تحسن جدا...وفجأة تأزمت الأمور ...دخلت علي منال المكتب وهي معصبه .. شيابج المكتب ؟؟منال يوسف ..ليش مانع رغد من الطلعه ؟؟ وللحين ما يبت لها خدامه ولا دريول ؟؟؟؟من شهر وأنا أماطل منال ومريم ..ما يدرون أني ما أوثق برغد ..فما يبت لها الدريول ..وكنت بعاقبها بالشغل والطبخ .قاطعت منال أفكاري الخدامه وتيي خلال يومين ..والدريل وين دريول أمي القديم رجعه لكفالتك .. منال أنا ما أبي خدامه . ..والدريول أنا أودي رغد وأييبها ..والطلعه أنا ما منعتها عن شي ..هي ما تبي تطلع ..منال دق عليها قول لها تطلع معاي الكوافير .. زين ..تف=ضلي الحين لان عندي موعد ...منال زين دق عليها أول قدامي ...واييه ..البنت بتدخل واحد وعشرين سنه الاسبوع اللي ياي ..نبي حفلة عيد ميلاد ضخمه .. اعذريني منال ..بس الاحتفال مقصور بينا ..أول عيد بينا ..كان عذر سخيف لكنه أقنع منال ...اللي اطلعت ..وتعثرت بالكرسي ..رجع لذاكرتي موقف قديم ..كنا طالعين أنا وأمي المرحومة ومنال وجواهر ..وكانت المرة الاولى اللي تلبس فيها جواهر عباة ..واشترتها طويله وايد ..وكنا رايحين الكورنيش ..جواهر آه يوسف الجو شاعري ..كانت امي مشغول مع منال فما انتبهت لي وأنا أقول لها .. خذا الجو من نسيمج عطر ..أحلى من ريحة الورد والفجر ..جواهر من نداج غار المطر ..ومن بسمة شفاج زعل القمر .سرقتي منه كل النور والسحر.. ولاجل عيونج رضى بالغدر.جواهر الله ..روعه ..يوسف من قالها ؟؟ أنا ..بس ما أدري عن الوزن ..بس دامج أنتي في البيت ..فأنا واثق أنج بتضبطين الوزن ..جواهر انا ما قلت لج ؟؟جواهر ما قلت ؟؟ ..ايش ؟؟؟يوسف أحبج ..وامي تناديج ..لفت علشان تروح لامي دقايق الا وأحس بشي يجر بدشداشتي للأرض وألاقيها طايحه متعثره في عباتها .. قومي فشلتينا الله يفشلج ..قومي شوف الناس شلون يطالعونج ..قومي ..جواهر العباة تحت ريولي ما أقدر ..فديتك يوسف ارفعني .. عى الاقل هدي ثوبي ..بيتقطع ..جواهر وأطيح على الارض لا يا عيوني ..سمير استاذ ..أستاذ ... نعم ..سمير صاحب الموعد حضر واليوم عندك محكمة .. دخله بعد خمس دقايق ..بسوي تلفون مهم ..طلع سمير اللي قطع أفكاري ..أنا عاهدت نفسي ..ليش فجأة الذكريات تهاجمني ؟؟ انسى هالاسم ...انسى هالاسم ...اتصلت في رغد وقلت لها تروح مع منال بس ما تتأخر ...************************** الفصل الخامس....****************** ما أروح البيت إلا لما أغلس على ليال ...هذي كانت نيتي ..دخلت بعد ما طلبتها .. ليال روحي السد ..في هناك موكل يدفع الاتعاب ..هذا عنوانه بالعاده أودي سمير بس بحتاجه اليوم أكثر منج ..حطي الفلوس في البنك برقم الحساب اللي في البطاقه ..ليال بس ما عندي سياره .. انتي تسوقين صح ؟؟وين سيارتج ؟؟ليال ما عندي سياره بس عندي ليسن ...للحين ما اشتريت سيارة لي هذي سياره خالي ..اللي كنت اسوق بين فترة وفترة .. خذي سويج سيارتي ..وتوكلي ...وأعطيتها المفاتيح كانت مترددة ...وتمنيت أني ما أعطيتها المفاتيح .... بعد ربع ساعه اتصل فيني عيسى زميل المهنه ..عيسى السلام عليكم ..شلونك يوسف ؟؟ الحمدالله وأنت شخبارك ؟؟عيسى الحمدالله كل الأمور بخير ..ها شلون ليال ؟؟ عبقرية ..لها مستقبل واعد ..شكلي بوظفها عندي في المكتب..عيسى يا أخي أنت تزوجت الحين ..شيل هالفكره من راسك ولاتجيب لنفسك وجع راس .. لا أنا زوجتي مب غيورة لها الدرجة ..عيسى هم جذي أول الزواج ..انطر شوي وتنفتح عليكم أبواب جهنم ...ضحكت ..عيسى تعال مرني المكتب خل نتغدى مع بعض .. كان ودي بس سيارتي مب معاي ..عيسى بمرك الحين ..ونروح للمطعم.. بس ها على حسابك ...عيسى لا تخاف ..الحساب مدفوع سلفا ..خلص شغلك ربع ساعه وأكون عند الباب ... ناطرك ...طول الساعتين والنصف اللي مروا كنت مع عيسى ..بعدين مرينا محل حلويات وكوفي و شربنا كابتشينو ...عيسى يوسف أنا ما أنصحك تتأخر عن المدام .. آيييه ..عيسى شقصد بإي هذي ؟؟ضحكت ..عيسى قول ..قول شقصدك ؟؟؟ أكيد أنت تأخرت على المدام فتبي تفتك مني ..ضحك عيسى لعيونك ماني متصل فيها وماني مرجعك للبيت لين الساعه وحده في الليل .. لا عيسى ..أنا ملتزم ...ما أقدر لسهره صباحي ..عيسى ها ..أشوف أنت اللي اعتذرت هالمرة .. صدق عيسى يا أخوي أنك ما تقصر ..بس المدام بروحها في البيت ...وسيارتي مع ليال..أجلها ليوم ثاني ..عيسى لا .. الليلة يعني الليله .. لا عيسى الله يخليك بظل معاك لين الساعه أربع ..وايد ..عيسى يوم ثاني ؟ أكيد ..وبتكون السهره على حسابي ..خلينا نسمع أم كلثوم ..حطيت شريط لسه فاكر ....وذبنا مع الالحان ..وفجأة صرخنا مع بعض ..(( كان زمااااااااااااااااااااااااااااااان كان زماااااااان ))*************************** فتحت الباب ولقيت رغد غرقانه في دموعها ..ما استغربت صراحه من تزوجتها مايمر يوم من غير ما تنزل هالدموع ..أصلا بستغرب اذا شفتها تضحك أكثر من استغرابي اذا شفتها تصيح ... رغد ...فزت وقامت تصرخ ...وتطالعني بنظرات خوف ورعب ... رغد ..شفيج ؟؟رغد لا لا لاااااااااااااااااااااااااا ,,,ما أبي أموت ..ما أبي أموت ..لا يوسف ..لا ...دموعها اربع أربع والخوف والفزع اللي فيها ..حسيت أن في شي غريب .,, رغد ...عن ايش تتكلمين ؟؟؟رغد آسفه يوسف ..آسفه ..ذنبك في رقبتي ..آسفه ...بس لا أرجوك ..قربت منها أبي أمسك يدها وأفهم اللي تقوله ..وهي تبتعد ..ولما مسكت يدها طاحت غشيانه ..موقف غريب جدا .. شلتها من على الارض وحطيتها على الكرسي ..وركضت وطلعت الكلونيا وغرقتها فيها ..فتحت عيونها مرتعبه ..مسكت يدها .. رغد أنا يوسف ..شفيج ؟؟ ليش كنتي تصيحين ؟؟؟رغد أنت ما مت ؟؟؟؟؟ عقدت حواجبي لا ..ها أنا قدامج ... وأنت ماسكه يدي ..شفيج ؟؟؟؟؟ شصار ...مسحت دموعها واحضنتي بقوة ...تفاجأت ..وبدت تتلمس وجهي وهي مب مصدقه ..واضحكت ..ورد اعتفس ويهها ..وقالت .. اتصلوا فيني وقالوا انك مت ..سيارتك محترقه على الطريق ..ليال ....أول شي طرا على بالي ... رغد مافيني شي ...هذا انا قدامج ...أنا بروح الحين خلج هنا بتصل في منال تيي وتم معاج ..وعلى طول طلعت تلفوني وركبت سيارتي المرسيدس بو عيون المركونه في الكراج ..انتبهت أن التلفون كان مغلق ..فتحته وانهالت المسجات علي ...على طول اتصلت في منال اللي كانت تصيح بقوة ...وطمنتها اني ما مت ...وأن في سوء فهم .. منال بس لقوا سيارتك ... اييه أنا سلفت سيارتي لواحد ...طمني الكل علي ..اوكي وروحي لرغد تراها منهاره من شافتني على بالها ملك الموت ياي ياخذها ...ضحكت منال .. الحمدالله على سلامتك ..والحمدالله ماصار لك شي ... اوكي ر وحي لرغد ...انحصر كل تفكيري في ليال ..مابسامح نفسي اذا صار لها شي ...أنا السبب ..كان لازم يعني هالموقف السخيف ..أول ماوصلت المستشفى ..وسألت قال لي الدكتور انها نجت بمعجزة ..والحمدالله ..ولما سألت عنها ..أشاروا لي على غرفه ..دخلت ..ولقيت ليال وشعرها الاسود الطويل منسدل على كتوفها وهي تطالع اصبعها الخنصر ..اللي كان مجبس ..تنحنحت..فحطت الشيله على راسها ..دخلت السلام عليكم ..ليال وعليكم السلام ... حمدالله على السلامة انت بخير ؟؟ عسى مافيج شي جايد ؟؟ليال لا الحمدالله ؟؟قدرت أطلع من السياره في الوقت المناسب .. الحمدالله على لامتج ...ممكن تقولين لي شصار بالضبط؟؟؟ليال السياره اللي صدمت فيها كانت طالعه من طريق فرعي لرئيسي بسرعه كبيره ..فاصطدمت فيني ..أنا آسفه ..سيارتك يا استاذ احترقت ..وسائق السيارة الثانيه هو وصاحبه توفوا ...على طول ..أناقدرت أطلع من السياره قبل لاتحترق كنت رابطه الحزام فما تأثرت لما اتقلبت السيارة .. ....والصدمه يات في جهة الراكب مب جهه السايق ..والحمدالله قدرت افتح الباب ..للحظات تخيلت ليال كأنها في فيلم هندي ..بعباتها وشيلتها شلون قدرت تطلع ؟؟؟ليال استاذ .آسفه لاني ..خربت السيارة .. مش مهم السيارة المهم أنج طلعتي بصحه وسلامه كلمتي أهلج ؟؟هزت راسها مايقدرون ييوني ..بيحاولون المغرب .. ما بيرخصونج ؟؟ليال رخصوني ..من ساعتين وهم نازلين فيني تحاليل وفحوصات مب مصدقين اني طلعت بسلامه ..بس لما يجون أهلي ..أروح معاهم ... قومي بوصلج ...ما اعترضت ليال ..يمكن لأن كل عظمة في جسمها مرتضه! وتبي ترجع البيت وترتاح ... وين بيتج؟؟؟ليال في المطار ..طول الطريق وحنا ساكتين ..ليال في عالم وأنا في عالم ثاني .ليال ادخل من هنا استاذ ..وأشرت على طريق فرعي ,,دقايق وقالت أنا بنزل هنا ... وين بيتج ..ليال هذا ...وأشرت على بيت قديم بابه ازرق مليان صدأ جنبه شجره سدر كبيره ...البيت قديم جدا وفي تصدع بجدرانه ..ليال تفضل استاذ معقوله وصلت لين الباب وماتدخل ؟؟ تفضل ..ما مانعت ..تبعتها ...وأنصدمت بالبيت من داخل ..كان مشطب جديد وابوابه زجاجيه وحديقته روعه ..ولما دخلت الديوانيه كانت فخمة جدا ..فرق بين واجهه البيت ودداخل البيت ..جلست ...دقايق ودخل ولد ..مراهق ... قال أنت المحامي اللي تشتغل عنده ليلى ؟؟؟ليلى ...ولا ليال ؟؟ قلت وعليكم السلام اييه يبه انا . الولد متى تدفع لها معاشها ؟؟ عبود ...يلا ادخل داخل .يلا ...دخلت بنت لافه شيلة الصلاة على راسها ... السلام عليكم .اعذرني يا أخوي الولد مب مأدب ..شتشرب جاي ولا عصير ؟؟ قلاس ماي لو سمحتي ..دخلت ليال..أو ليلى الديوانيه وبيدها صينيه فيها عصير .. تفضل ,, شكرا ,,,ليال هذي العنود أختي العوده ... والولد هو ابنها عبدالله ملسون ..اعذره ..ياهل غبي .. لا ..ماله داعي تعذرين .. عن اذنج أنا بترخص الحين ..ليال بدري ...اشرب العصير استاذ ... لا ...مافيني ..بعدين أنت تعبانه وتوج طالعه من حادث بمعجزة ..ارتاحي ولا تتن المكتب طول الايام اللي جاييه ..خذي راحه ثلاثة أيام ..ليال بس يا أستاذ .. بدون بس ..خلاص ..مرة ثانية حمدالله على السلامة ..عن اذنج .. ليال اذنك معك استاذ,, حياك الله .. أول ما طلعت من البيت حسيت كأن هم وانزاح عن صدري ...رجعت البيت ولقيت رغد جالسه مع منال ,.,,نزلت راسها مستحية مني ..ماقدرت أمسك نفسي وضحكت ..منال هلا أخوي ..ها ..شاللي صار .. أبد ...كنت مسلف السيارة لناس ..وسووا فيها حادث الحمدالله ما صار لهم شي بس السيارة ..راحت فيها ..منال تفداهم ...في الحديد ولا في ارواحهم ..لو صار لهم شي كان ذنبهم في رقبتنا ..اييه والله كلام منال صحيح ..لو صار لهم شي كان ذنب ليال في رقبتي ..غيرنا الموضوع وتكلمنا في أشياء وايده ..كانت رغد ساكته ..والهدوء مخليها روعه ..**************************أسبوع later ____كنت أتكلم مع سمير عن اللي طلعناه في هالشهرين اللي راحو ..وكان مبلغ محرز ...وصيت سمير بجزء منه لليال . كجائزة على جهودها ...وجزء له ..والباقي ..يحطه في الحساب ...وداومت ليال ..ماكانت مثل قبل بالحيوية والنشاط ...كانت مثقلة بالهموم ..وكنت محتار ليش؟؟؟رجعت البيت ..وخلال هالأسبوع رغد تعلمت شوي في الطبخ ..وكانت الاطباق اللي تسويها ممتازة ..بس الطبخ أثر على مظهرها شوي ..ما تعتني بنفسها مثل بداية الزواج ..أنا عاذرها لاني شفت جدولها اليومي ..تصحى من الصبح تنظف الغرف وتنظف الصالات والممرات ..وتسوي الريوق وتشيل الصحون وتنظف المطبخ وتغسل الملابس وتكويها وترجع للمطبخ تسوي الغدا وبعد الغدا الجاي والقهوة والحلو وبعدين تنظف المطبخ مرة ثانية من آثار الغدا تآخذ فترة راحه ساعتين بعدين ترجع وترتب البيت وبعدين العشا وتنظيف المطبخ وغسل الحمامات وأنتوا بكرامه وتجمع الملابس الوسخه علشان تغسلها اليوم الثاني و تحط راسها وتنام ..طبعا البيت كبير مكون من ثلاث صالات وديوانيه وثمان غرف ..وثمان حمامات غير المطبخ الكبير ..وماشكت أبد ...وما قالت أبي خدامه .... كأنه شي مسلم به .. هذا ببساطة كان جزء من انتقامي ..فما هانت علي ..خصوصا أني أعاتب اذا شفت شي غير مرتب ...رغم جهودها المضنية..***بعد قيلوتي المعتادة ..تفآجأت برغد في الغرفة ... شفيه ؟؟رغد أختك منال ونورة وجواهر ومريم تحت ..يبونك في موضوع خاص .. لا يكون يبون يكلموني عن الخدامة ؟؟؟ رغد لا ..ليش يكلمونك أنا ما اشتكيت وماطلبت شي ..بس اتصلوا وقالوا ان موضوع خاص بينك وبينهم ...وهم الحين تحت ..في الصالة الجانبية .. اوكي روحي أغير ملابسي واشوفهم ..قمت ولبست ملابسي ..جواهر ..جواهر في بيتي وتبي مني موضوع خاص ؟؟؟؟جواهر ..جواهر ..دقايق طقت رغد الباب .. نعم ..دخلت رغد .. ليش كل الكشخة والعطر القوي ؟؟ علشان جواهر يعني ؟؟ لا ..بطلع بعد ما أشوف شيبون ..رغد ممكن أسأل وين ؟؟ للقهوة ...راسي يعورني وأبي أدخن شيشه ...رغد وكل هالكشخة علشان القهوة ؟؟ لا ...بسهر مع عيسى ..حسيت أني أحط أعذار أي كلام ..لكن ظن رغد صحيح ..كل هذا علشان جواهر ..خليها تشوف شضيعت على عمرها ..رغد ييت أستعجلك ..ضيفتهم الشاي والقهوة والحلو ...وبكون في غرفتي ..اذا تبي شي .. يعطيج العافيه ...نزلت راسها وراحت ..طلعت من غرفتي و رحت للصالة ..تنحنحت قبل لا أدخل ..منال حيااك أخوي ...دخلت ..كانت جواهر جالسة في الطرف من كنبه مزدوجة .. ...ونورة ومريم على كنبه مزدوجة و منال على كنبه مفرده ..كل ذرة في جسمي كانت تبي تقودني أجلس جنبها ..لكني امتنعت ..وجلست قرب منال على كنبه مفرده ..وتجاهلت الانسانه اللي كل ذرة في جسمي تصرخ أكرهج يا حبي ..بعد ما سألتهم عن الحال والعيال ..سادت فترة صمت .. خحير ..ليش محتشرين كلكم ..شالموضوع المهم ..اللي خلاكم تطلعون رغد نور عيني من الجلسه ؟؟(طبعا الغزل كان استهبال مني علشن أغيض جواهر )اللي ماوقفت رجولها عن الحركة ..وللحظة حسيتها اسحبت كل الهوا اللي في الصالة..منال لو انها نور عيونك ماصارت سيرتك على كل لسان .طبعا ردة فعلي كانت أن علامة استفهام ضخمة انرسمت فوق راسي .... منال شتقولين ؟؟مريم يوسف , أنت بحسبة أخوي .ومن فاحت الريحه وحنا يينا نعدل الأمور ..فاحة الريحة ؟؟ لايكون اعرفوا بسالفة رغد ؟؟؟ ارتبكت ..انتابتني هزة خفيفة ..ما تكلمت وعقدت حواجبي ...ناطر اللي باقي .مريم البنية يقولون خوش بنيه ..ومحد تكلم عنها أبد صاينه نفسها ..محاولة استغفال مني عن ايش تتكلمين ؟؟ مريم عن المتدربة ..كأنه جبل وانزاح عن صدري ...تنهدت .. شفيها ليال ؟؟ منال يعني ما تدري أن سالفتكم صايره الحدث الرئيسي في الدواوين ؟؟ حتى الديوان الأميري ؟؟منال الله يخليك يوسف لا تتطنز ... سمعي نفسج أول وبعدين تعالي تكلمي .. منال يعني ما تبي تصحح الغلط ؟؟؟هني تفتح مخي شوي أي غلط أختي المصون ؟؟منال أنت وليال ..سالفتكم على كل لسان ..شلون يا أخوي ما خبرتك مال هالسوالف ؟؟..شلون تلعب بعقل البنت وانت توك متزوج ..وزوجتك أحلى منها ؟؟... يعني انتوا من صجكم تتكلمون ؟ مريم اييه يوسف من صجنا كنت أمس أنا وجواهر في مجلس أم علي وهي ام الاخبار وقالت لي حماج ريحته فاحت ..هو والمتدربة اللي عنده .. وقالت لي خلي يستر على البنت لانها زينه ..مب مالت خرابيط وشايله أمها وأختها ..انفلت مني لساني مب كافيني أني تزوجت ...للحظة سكت ..كنت بفضح رغد ...كنت بقول تزوجت علشان الفضيحة؟؟؟ سكت واستعذت من الشيطان غمضت عيوني وحاولت أرتب كلامي .. أنا زوجة وحدة كافيه علي ..وبالنسبة للمتدربة مافي شي بيني وبينها ..وبنت ممتازة وما عندها هالخرابيط ..منال بس ما في دخان من غير نار .. يمكن النار اللي تتكلمين عنها هي السيارة ..منال أي سيارة .. أنا مو قلت لكم اني سلفت سيارتي حق ناس اللي صار لها الحادث من اسبوع ؟؟منال قلت لي ..اييه .. كانت ليال ..طرشتها تيب أوراق من زبون ..مريم بس ؟؟ بس ...البنت أصلا أنا ما أتعامل معاها غير بطريقه رسمية ..منال وزين والفضيحة وسمعة البنت ؟؟ وأنا شدخلني ؟؟ مالي شغل أنا البنت ما قربت ناحيتها ..وأنتي ومريم لازم تكذبون هالكلام ..جواهر زين ليش كانت هناك يوم طحت في المستشفى ومارضت تروح ؟؟أخيرا سمعت صوتها ...بعد ما كانت تهز راسها بس ..وقلت لنفس السبب اللي رحتي فيه للمستشفى مع مها ..كانت تتطمن علي لاغير ...صار ويهها يقط لون ولون ..ونزلت راسها ...مانعتني من أشوف ردة فعلها ..مريم والحل الحين ..تدري أن ام ليال متصلة في منال ؟؟ ليش ؟؟منال ما فهمت شي بس ..قالت كفوا شركم عنا .. بس ؟؟منال بس .. زين منال ..بروح وياج بعد شوي بيت ليال..نوضح لها السالفة ..منال وتعرف بيتها وين وتقول مالي علاقة فيها .. منال موظفة عندي شلون ما اعرف وين ساكنه .؟؟جواهر هي متدربةو لا موظفة ؟؟ دام أدفع لها معاش الإثنين ...فهمت الحين شسبب الحيرة اللي فيها جواهر ..سببها شي اسمه الغيرة ..أي غيرة هذي ؟؟ ليش ما غارت من رغد ؟؟منال يوسف ..وين سرحت ؟؟ شكنت تقولين ؟.؟منال كنت أقول زين أن رغد ما تحب تطلع ولا المسكينه شبت نار ...ابتسمت ..رغد ما تحب تطلع ؟؟ رغد لولا اني أمرتها انها ما تخطو طوبة بره البيت من دوني والا هي هياته ..تذكرت كلمات صالح اخوها (بتذلك من كثر ما تحب تتمشى ..ييب لها دريول أحسن من وجع الراس )..هذا انت يبت لها دريول ..وغلطت ..من وراكم ..منال وين تسرح أخوي ؟؟مريم عن اذنكم الحين بنروح ...عيوني كانت متعلقة في جواهر ..لين ما اقرصتني منال وغمزت لي ...أني أوقف بحلقة ..نورة عن اذنك خوي يوسف ... هلا نورة ..ما سمعت رايج اليوم ..نورة انا صراحة ما ادري ..لان مااسمعت اي اشاعات .. اذا سمعني منصور اخوي بيذبحني بس ..تسلمين أحسن من اخت يات تتهمني وما قالت اشاعات ...ما في ثقة في اخوها ولا الثانيات ..ناسيات العشرة اللي بينا ..مريم خوي يوسف .. سامحنا حنا قلنا مافي دخان من غير نار ..هزيت راسي وقلت اييه ..مسموحات ..أدري الغيرة علي ما خلتكم تشوف طريقكم ..ما ادري ليش اهتز قلبي من التفاتة جواهر ..كان ودي أقول لها اي كنت قاصدج ..منال يلا نروح الحين ..بس خليني اسلم على رغد وينها ؟؟وكانت توجه كلامها لي .. في غرفت...في الغرفة بناديها ..نطري شوي ..قبل لا ادخل سمعتها تغني ...أحبك وأسهر أيام وليالي ...لسعد الفهد ..دخلت ،،رغد هلا ..راحو؟؟ لا ..منال تبي تسلم عليج ..ما تصدقين ليش يايين ...يبوني أغطي فضيحة وحده وأتزوجها كأن مب كافيني اللي ياني ..رغد ابلعت ريقها وأنت ووافقت ؟ هذا اللي ناقص خفت أنفضح من وراج انفضحت من ورا غيرج ..لو أدري ماكان تزوجتج ...سكتت .. انزلي اختي تبي تسلم عليج ..رغد ممكن تتعذر لها وتقول لها ان في الحمام ؟؟ مثل ما تبين ...نزلت ..الحين عرفت ليش ليال مهمومة هاليومين اللي راحوا ..ولقيت زوجات أخواني مكانهم ما اطلعوا ..وكانوا يتساسرون ..مريم كنا نبي نسلم على رغد ..وينها ؟.؟ أعتقد تتسبح .يلا منال ..نروح لبيت ام ليال ..منال يلا ..نروح ..وسقت السيارة وأنا أحاول أفكر شقول لمنال لما تسألني شلون دليت البيت بالضبط .. والسؤال اللي خفت منه سألتني اياه ...طنشت وقلت بعدين أقولج ..طقينا الباب ..ويا عبدالله وفتح الباب .. قول لجدتك ان في ريال يبي يكلمها ..عبدالله حياك استاذ ادخل الميلس ..ودخل الولد وأنا دخلت مع منال الميلس ..منال شدراك انها يدته ؟؟ مب امه ؟؟ما عرفت شرد ..عاد يبت منال الملاحظة القوية معاي لونها مريم ما فكرت اصلا .. أعرف ...وبس ..لحظات دخلت وحده خمسينية ..لابسه بطولتها وعباتها .. السلام عليكم .. وعليكم السلام ..منال وعليكم السلام .. ام ليال تفضلوا ..قبل لا تتكلمون شتبون نضايفكم ؟؟ لا ..ما جينا للضيافة ,,جينا نوضح سوء فهم صار ..منال اييه يا خاله ..ام ليال لا والله تدخلون بيتي وما تتضايفون ..لحظة ..عنود عنود ..يمه وين الشاي والماي ..والعصير .. ماله داعي يا خاله ...خلينا نتكلم ..أم ليال خير يا ولدي ..ان كنت ياي تخطب ..أنا بنتي ليلى مخطوبة وخالصة ..والعنود . ما تبي زواج ..ليال مخطوبة ؟؟؟ ...عقدت حواجبي و التقت نظراتي بمنال .. ليال ادخلت الميلس في هذيج اللحظة .. يمه ...استاذ يوسف ..اعتفست ملامح ام ليال ..وقفت اهلا ليال .أنا اليوم سمعت من اختي منال عن سوء الفهم اللي صاير ..وقلنا نيي نحله ...وأوضح لامج انج مجرد متدربة عندي واني ما تعديت علاقة المدير بموظفه ..والكلام اللي داير مجرد اشاعات ..منال اييه يا خاله اخوي يوسف مب مال خرابيط وريال مالي مركزه ومتزوج وسعيد مع زوجته ...وهو حلف لي انه ما تعدى الحدود بينه وبين ليال .. ام ليال زين يا ولدي بيضت ويهك ..وبنتي لعنود اتصلت في اختك وهي على بالها كلام الناس هو الصحيح ,, خبله ما وثقت باختها ...منال يا خاله انا يايه اأكد لج ان الكلام مب صحيح ..وأنا واثقة من اخوي وواثقة من ليال.. ام ليال بنتي ليلى وانا ربيتها عدل ..واعرفها ما تغلط ..وهي شرحت لي السبب اللي خلا الناس يتقولون عليها ..منال خلاص ..على جذي حنا نستأذن ..ليال لا معقولة ..لازم تتضايفون ..وكافي ان استاذ يوسف لما يا آخر مرة ما عزمناه على العشا ..طبعا تتخيلون ملامح منال ..ونظراتها ..منال لا اعذريني انا خليت عيال في البيت واخوي يوسف زوجته بروحها ..مرة ثانية انشاءالله لما تخلصين التدريب وتصيرين محامية كبيره ..ليال جذي مسموحة..بس ها لاتنسين العزومة ..تراها سارية المفعول ..منال انشاء الله ..طلعنا من البيت وأول ما ركبت السيارة وكانت تبي تنطق منال قاطعتها ولا كلمة ..أنا يبتها من المستشفى مرة وحده ..وأنتي سمعتيها مارضيت أطول ,,ما ابي منج ولا حرف ..سكتت منال ,,ووصلتها للبيت ..ورجعت البيت ..كان مثل ماتركته ..الصحون والدلال مكانها ..والباب الداخلي مثل ما خليته مفتوح .. صعدت فوق ..غرفتي مثل ماهي ما رتبتها رغد ..الفراش مبهدل وملابسي على الارض ..فتحت باب غرفتها ..وماكانت موجودة .. بس باب الحمام مقفول .. رغد ...رغد ..رغد افتحي الباب واطلعي .. محد رد ..والهدوء في الحمام مب طبيعي ..طقيت الباب مرة ثانية ...رغد اطلعي لا اكسر الباب ..محد رد ..الهواجس انتابتني ..ونستني كل شي .تذكرت اني قلت كلام لها ..أصنفه تحت مسمى الاهانه ..رغد .. رغد ..رغد ..كل شي على مكانه ..وأنا طلعت من ساعة ونص ..يمكن اكثر يمكن اقل ..لايكون سوت في نفسها شي ..طبعا مو مثل الافلام ادفع الباب وينكسر ..لانه مستحيل الباب من خشب ثقيل لكن فيه زجاج ..كسرت الزجاج ..وكان تقريبا مثل شياك صغير في الباب ..الذهول خلاني اتحرك بدون وعي وافتح الباب ..كانت ممدة في وسط بركة دم ..انتبهت لقيت جرح في يدها في معصمها ..الغبية ..السكين في ايدها الثانية... الغبية ..مسكت غترتي ولفيتها حول ايدها وضغطت بقوة ..فيها نبض ..بس انزفت وايد .. ليش يا رغد ..ليش بعتي آخرتج بدنياج ؟؟ ليش هانت عليج نفسج ..رفعتها عن أرض الحمام وحطيتها على السرير ..وطلعت لها عباة ولفيتها بها ..ونقلتها للسيارة ..وأنا أمشي شي غرق عيوني ..بطرف ثوبي ..********************* كنت سرحان بحالتها ..لين ما طبطبت على كتفي يد ..التفت ..كانت الممرضة .. sir why you crying?كراينق؟؟؟ مسحت ويههي ..هذا الشي اللي غرق عيوني ..- how is she ?المرضة she is fine ..the doctor want to talk with you before he calling the police..-بوليس؟؟ وير؟؟ in there ,,second room ..thanks-دخلت للدكتور .... ها دكتور شلون رغد ؟؟الدكتور كويسه لحد دلوقت حضرتك جوزها ؟ اييه دكتور .. انا يوسف ..الدكتور كل حادثه انا مضطر أبلغ عنها الشرطه ...وعلى ما يبدو دي حادثه ..انتحار ..صح ولا كلامي غلط ..قلت له دكتور المسكينه على بالها اني مت ..يالها خبر كذبة ابريل اني مت ..ارجوك دكتور أنا مستعد لكل طلباتك بس ..تغطي على الموضوع ..الدكتور يعني ..مش مشاكل نفسيه ؟؟ لا ..سوء فهم ... الدكتور بشوف الموضوع مجرد ما تقوم بالسلامة .. انا بنقلها من هالمستشفى لمستشفى خاص .. الدكتور لو عايز تنقلها ..مافيش مشكله بس لازم نبلغ .. دكتور أنا بنقلها ..هي حالتها حرجة ؟؟الدكتور لاء على الاطلاق كمية الدم اللي فقدتها مش كتير لدرجة الاعياء ..وتقدر تعوضه خلال ايام ..هي دلوقت على المغذي .والجرح مش عميق ..متوسط العمق بجراحه قدرنا نرجعه زي ما كان ... بس كان في دم وايد في الحمام وين اجرحت نفسها ..الدكتور لا ..يمكن ..لكن مافيش حاجة حاجة مانقدرش نسيطر عليها ..لان الجرح بسيط انا بعتبره حادث عادي ..وبتغاضى عن هالموضوع بس انصحك تنقلها مستشفى خاص علشان ما تكترش الاسئله عنها ..شكرت الدكتور ..وقمت باجرائات النقل بسرعه ..رغد رهبة فكرة موتج خلت دموعي تهل ..ودموعي مانزلت من توفت امي ..ما ادري شلون اقارنج بأمي ..وانتي ماتسوين التراب اللي تمشي عليه ..آآآآآآآه يا رغد ..انصدمت اليوم واكتشفت انج جبانه ...ليش ؟؟ ليش؟؟الفصل السادس ...******************ماقدرت أمنع يدي من اللعب بشعرها الكستنائي اللي تحت الكبوس ...شلت الكبوس وبديت أمسح ..وأرتب ..هي نايمه الحين ..والدكتور مابيمر عليها لين الساعه ثمان الصبح ..رغد ..شذنبي أتحمل ذنبج ؟؟ ليش ارخصتي بعمرج بعد كل اللي سويتيه علشان تعيشين ..رجعت ولبستها الكبوس وطلعت من المستشفى ...طلعت والهواجس أعلنت حربها في مخي ..هالحزة كل الناس رقود إلا العزاب ..ليش لاء ..من زمان مارحت ديوانية خالد ...من تزوجت ...بياكلوني ويقولون صرت مثل غيرك ..بس حاليا أنا محتاج تغيير جو ..محتاج أهرب من الهواجس والافكار اللي غزت مخي .. دخلت الديوانيه وكان فيها أربع شباب ..(خالد يشتغل في التلفزيون ودوامه مسائي ..سلمان مهندس مدني عنده مكتبه الخاص قاسم موظف في وزارة التربيه . سعد طبيب له عيادته الخاصه والبشوات كلهم عزاب )خالد أهلا وسهلا ....بخوي يوسف هلا هلا تفضل .. زاد فضلك السلام عليكم ياجماعه .الكل = وعليك السلام ورحمة الله ..خالد قلنا انك بتحطم القاعدة بس طلعت مثلك مثل غيرك ...طبعا قاعدة عدم السهر للمتزوجين .. خلود بكره تعرس ونشوف ياترى بتكسر القاعدة ولا لاء؟؟قاسم حياك تشرب ؟؟ لا ..ما اقرب هالاشياء .. بس اذا عندك سيجاره عطيني ..قاسم ممتاز ...خلود شاريه من الفندق ..معتق .. ما اشرب خمر ...بس عطني سيجاره اذا مستخسر فيني قلاس الماي ..صار لي مدة مادخنت ..قاسم أعطيك عيوني لو تبي .. تسلم لي عيونك بس سيجاره ...أعطاني قاسم السيجارة ..لاحظت ان سعد جالس بعيد ..وسلمان منسدح على الارض .. سعد شلونك ؟خالد سعد يي ييلس هناك ويطالع التلفزيون لايشرب ولاياكل .. معلش خلود دكتور ...خايف على صحته ...******************** فتحت عيوني ..وأنا دايخ ..خذ مني خمس دقايق يلا عرفت المكان حولي ..شقة ..شقة مين ؟؟ ما أدري ..قمت وأنا أحس بصداع قوي ..وكل شي حولي يتمايل .. صباح الخير ...التفت ..ولقيت سعد شايل بيده صينيه فيها ريوق ... صباح النور ..راسي يعورني يا دكتور ..أنا شلون ييت هنا ؟؟سعد أنا يبتك أمس معاي من ديوانية خالد ..ديزانيه خالد ..آخر شي أذكره أن خالد عطاني سيجاره ثانية ..سعد ..شصاير ...سعد يبتك بعد مادخلت الجو .. جو .؟؟ أي جو ..سعد كل ..تريق وبعدين أتكلم معاك ...بروح الحين أمر العيادة ..برجع بعد عشر دقايق وتكون هنا لاتطلع ..محتاج أكلمك .. ممكن تسلفني ثياب ؟؟ من امس وهالملابس علي ..ما غيرتها ..سعد الدولاب داخل بالغرفة ..خذ اللي تبيه ..والحمام في الغرفة خذ شاور سريع لو تبي ..تقريبا ..مامكنت مركز ..تسبحت ولبست ثوب من ثياب سعد اللي كانت واسعه علي شوي ..رغد ..نسيت رغد الحين تكون صحت ..طالعت الساعة احدعش ونص الظهر ..طلعت ورقة عليها رقم دكتورها ...وقال انها ماصحت لين الحين ..شيكت جوالي ...اووف الظاهر سمير قالب الدنيا علي ..واحد وثلاثين مس كول ..والرسائل عشرة ..ومثل ماتوقعت تقريبا كلها من سمير و من جاسم ومنال ..اتصلت في سمير ألو السلام عليكم ..سمير وعليكم السلام يابيه ..قلقتنا عليك .. كنت نايم ..وتلفوني بمكان ثاني ..شصار لكم في المكتب ؟؟سمير استاذ آنسة ليال تكفلت تقريبا بالمواعيد والقضايا ..وأنا أجلت الكبيرة ليوم ثاني ..أنت فين أستاذ في البيت ؟؟ لا ..مب في البيت ...في ...الش...الشاليه ..ما بحضر اليوم ..تكفل انت وليال بكل شي .. سمير حاضر يا أستاذ ...اتصلت في جاسم ومنال وقلت لهم اني بره البيت مع منال ..طلعت الصالة وكان سعد يصب لنفسه كاسة جاي ,,سعد ها تذكرت شصار أمس .؟شصار أمس؟؟؟ كنت في ديوانية خالد ..وسهرنا بس ما أذكر شي ثاني ...سعد أصب لك جاي ؟؟ ياليت يمكن يروح هالصداع الغريب ..سعد هالصداع من السجاير اللي كنت تدخنها أمس.. عمر السجاير ماسببت لي صداع ,,سعد شكلك ماتذكر شي بالمرة .. أذكر ايش؟؟؟؟ سعد اللي شربته أمس كان حشيش ..عقد حواجبي ..وغمضت عيوني ..الحين فهمت سبب هالصداع .. بس كانت سجاير عاديه ..ماكنت ملفوفة ..سعد لا ..كانت ملفوفة ..بس انت كان مخك في مكان ثاني ..والحمدالله ان خالد وسلمان كانوا تقريبا مغمى عليهم من السكر وإلا .. وإلا ايش ؟؟سعد سمعوا قصة حياتك ..حسيت أن الدنيا لفت فيني ..قصة حياتي .؟؟ معقولة وصلت لدرجة اللي انسى نفسي وأنا أتكلم ؟؟ حسيت أن درجة حرارتي ارتفعت ..وأن الاحراج متغلغل في دمي ..سعد لاتخاف يوسف ..محد سمعك ..البشوات كانوا نايمين وأنا أول ماشفتك بديت تفقد السيطرة يبتك هنا ..هي للحين في المستشفى ؟؟كانت هالجملة هي اللي قصمت ظهري ..يعني قلت كل شي..ما أدري ليش ما قدرت أمسك نفسي وأمسك دموعي.. شقلت بالضبط يا سعد ؟؟سعد قلت لي عن وحده اسمها جواهر ..وعن وحده اسمها رغد..وأنها في المستشفى الحين .. بس ؟ سعد تقريبا ..تتكلم شلون فالح أخوك تزوجها ..مين انت ماحددت ..ورغد شلون قهرتك وشلون بتنتقم منها ..وآخر اسم ذكرته كان ليلى ..ليلى مخطوبة لمين ؟؟ تقريبا ..هذي كانت جملتك ..سكت ..يالله ..يالله ....ياالله ..قمت من مكاني أدور سيجاره . لاني لو تميت جذي بيصير فيني شي .سيجارة ..ولقيت علبة على طاولة جانبية ..طلعت سيجاره وولعتها وصرت أسحب النفس ورا الثاني ..القلق اللي فيني والاحراج والقهر...محتاج جرعة تهدئة ...سعد يوسف ..أنا دكتور ..وتعودت أني أسمع مشاكل الناس ..وأنا رفيجك من أيام الجامعة ..وكنت رفيج راشد ..الله يرحمه ..حسيت أن الطعنات تتوجه لقلبي بدون توقف ..الطعنة ورا الثانية ..بلا هوادة مثل مايقولون .. سعد ارحمني ...خليني انسى ..سعد ليش علشان تروح وتحشش مرة ثانية وتفضح نفسك؟؟ سعد انا اللي فيني كافيني ..سعد يوسف ..تعال معاي العيادة .. لا ..سعد يوسف عيادتي مب بعيده في الشقة اللي تحت ..تعال .. وتحركت رجولي مع اني احلف اني في هذيج اللحظة كنت خالي من كل طاقة ..تحركت رجولي بدون وعي مني..وسكت ..واستلمني سعد ..سعد اوقف على الميزان ..ووقفت ..يعد خمسة وسبعين كيلو بس؟؟مارديت .بس انا في الفترة اللي راحتت غيرت ملابسي لانها صارت وسيعة ..تأكد من طولي ...سعد طول نفس ماهو...مية وثمانين سم ..ماكان وزنك تسعين ؟؟؟هزيت راسي كان ...سعد الحين في كم شهر خسرت خمس طعش كيلو ؟؟ مسوي ريجيم؟هزيت راسي بلا ..سعد الحين يوم كنت مع الصبي وتاكل وجبتين في اليوم كان وزنك تسعين .ولما تزوجت ضعفت؟؟؟ عكس الناس ؟؟ لا والله المسكينه كانت تطبخ ...بس أنا شهيتي قلت ..سعد عطني اصبعك اشوف السكري عندك ... آي ...سعد ابي دم ..فغزيتك بالابرة .. استأذن أول مرة ثانية ...انتظر لحظات..سعد طبيعي ..اشوف الضغط ..لحظات .. منخفض شوي .. سعد ..لازم تطلع فيني علة؟؟سعد لا ..مو القصد ..بس ..أبي أتأكد ..في أعراض معينة تحس فيها.... أحس بالذنب ..والفشيلة منك ..سعد لا ..هذي أعراض الشياب ..عند لك خبر مزعج ..انضميت رسميا لنادي المسنين .. والله احس عمري كبرت عشرين سنة زيادة ..سعد بس ؟؟ابتسمت ...سعد تكلم ..ليش رغد سوت جي في عمرها؟ قبل لا اطلع من البيت قلت لها كلام جارح ..وكنت كل ما ياتني فرصة ما اقصر معاها بالاهانات ..يمكن ..ملت ..وتعبت من الذل ..فيأست ببساطة ..سعد هي شينة؟؟ قبيحة؟؟ أحلى مني ومنك...أحلى من ..ميرفت أمين..طبعا قصدي كان مفهوم ..لكن سعد ..مافهم ..سعد حلوة ميرفت أمين ..أحلى منها؟؟...حلو .. لايروح مخك لبعيد ولاتتخيلها ..ضحك سعد .. تغار؟مارديت لانه كان سؤال سخيف .. سخيف ..سعد شوف ..أنصحك ..أنك تراعي الله في هالبنت ..دام ظروفها خلت راشد يتوسط لك علشان تتزوجها ..حاولت اكتم ضحكة ..هيووووووووج في قلبي لكني ماقدرت.. هههههههههههههههههههههههههههههه ..هيهيهي هوهوهوهو هاهاهاهاعهاختف بخ...هههههههو,,,سعد شفيك؟؟؟ ههههههه ..الله يقطع ابليسك خرعتني ..مافي شي ..قمت من مكاني وفجأة كل الهم انزاح عني ..كنت متضايق من نفسي اني قلت لسعد كل شي ..بس الحمدالله ...طلعت متوهم ..واللي قلته لسعد شي بسيط .. امانة سعد ..الكلام اللي صار خله بيني وبينك ..لانه يخرب بيوت ..وأنا ما ابي أخرب بيوت ..سعد أي كلام.. اي جي تعجبني ...عن اذنك الحين ..سعد بس أمانه يوسف ..ليش ضحكت؟؟؟ تذكرت شي ..وضحكت عليه شي ما ينقال ..سعد عجيب كل هالضحك من ذكرى .. لا..من وردة الجزائرية ...طلعت من عند سعد وأنا أحس براحة ..لان اللحظات اللي راحو كانت قاسية علي ..قاسية ...للمستشفى ..وكانت رغد صاحية .. حمدالله على السلامة ..كانت نظراتها ضايعه ..وماتطالع لمكان محدد ..ويهها شاحب ..هزت راسها اي كلام ..وحسيت الدمعة تلالي في عيونها ..كرهت نفسي ...لها الدرجة؟؟ شلون تحولت بليلة وحدة لهالألم ..الألم اللي احسه بأنفاسها ..اختلى فيني الطبيب ..ونصحني بعلاج نفسي لها ..بالأحرى مصحة نفسية ..لكني أكدت له انها ما تحتاج ..رخصها الطبيب ..خذتها للبيت ..وهي سرحانة ..حاولت الطف الجو .. شتبين تتغدين؟؟امحق تلطيف جو ..المصيبة انها ماردت ..حاولت ارقع .. خوفتيني عليج ..الحمدالله انج قمتي بالسلامة.ماردت ... رغد ..الطبيب قال لازم ادخلج مصحة ..بس ان عندي احساس انج بتكونين بخير ..للحظة ماصدقت نفسي لما نطقت بالكلام هذا ..احساس بخير؟؟؟كلمات نكرة ..ضربوا موقع حساس في كرامتي ..اخير لي أسكت ..ما اقدر اخليها في البيت بروحها وان خذيتها لاختي تكثر الاسئلة ..المصيبة ..اني ما اشوف اهلها وايد ..مايزورونها ولايتصلون فيها ..ولاهي تطلب مني اني آخذها لهم ..بتصل بعد شوي بصالح ..بشوف صرفة ..وصلتها لين غرفتها ونزلت تحت ..واتصلت في صالح . السلام عليكم بالنسيب اللي لايزور ولايسأل ..صالح مين؟؟ يوسف ؟؟ اسكت اسكت .انا على الاقل ما اقول لهل مرتي اني ما احب الزيارات .. ومن الجريء اللي يقول جذي ؟؟صالح انت ..رغد قالت لي انك ماتحب الزيارات ولا العيال ولاالضيوف ..وماعندك وقت حتى تسير ..وياي تشره علينا؟؟كانت صدمة عنيفة لي .. بس ..لحظة انا بيتي مفتوح لكل الضيوف وعيال اخواني مسوينه منتزه ..يات عليكم؟؟ لالا ..شكلي بطلق اختك لانها ترووج عني اشاعات غير صحيحة ..صالح والناس يطلقون حريمهم علشان جذي؟؟ لا ..هالاشاعة خطيرة ..انا من سلالة حاتم الطائي ..ما ارضى ....صالح عيل بزورك اليوم انا واختي سلوى .. ياليت ..خصوصا ان رغد صار معاها حادث بسيط في المطبخ ..صالح عسى ما تأذت .. انجرحت يدها ..توني رجعت من المستشفى ..يالله مر علينا انت والاهل ..وأنا عازمكم على العشا ..صالح نيي انشاءالله ..مع السلامة الحين..ليش رغد منعت اهلها من زيارتها؟؟ معقول؟؟ يعني ماتبي تثقل علي؟؟ لااراديا دقيت على منال .. منول هالو..منال اييه .. شفيج؟؟منال من كنا صغار كل ماتقول لي هلو معناها تبي شي مني ..ضحكت ..وصج كنت ابي شي منها .. اي والله ابي شي منج ..منال آمر ماتغلى عليك عيوني,, تسلم عيونج بس ما ابيهم ..بس ابي طباخج وخدامتج اعيريهم لي ..اليوم عازم اهل رغد ..وما ابيها تشتغل ..منال قلنا لك ليش بالش حرمتك بالشغل بس ماسمعت منا ..بس زين انك عزمتهم ..لانه فشيله ماتعزم الناس وهم نسايبك ..بطرشهم لك ..و بتفاهم مع الطباخ شيطبخ حق العزومة ..لانه مايفهم عربي ولاانجليزي ..بس انت ذقت طباخه .. ذقته ..ممتاز ..منال وهذا اللي مصبرنا ..المهم ..شتبي لحم ولا دياي؟؟ الاثنين ..منال تبي شوربات وسلطات وحلو؟؟ يستحسن ..منال وين رغد .. الحين فوق مدري وين ..ابيه كله على ذوقج رغد مب خبرة مثلج ..منال كم عدد المعزومين ؟؟ خليها عزومة حق سبع اشخاص ..وشخص زيادة ..منال انشاءالله الحين اتفاهم مع الخدامة تشرح للطباخ بعدين ارتب كل شي وأطرشه لك ..منال خبرة في ترتيب العزومات ..وياما بيضت ويههي قدام ربعي ..طلعت فوق لعند رغد ..اللي كانت جالسة على سريرها .. رغد ..الليلة هلج بيزورونا ..وزعلت منج انج قلتي لهم اني ما احب الزيارات بس ما بنتفاهم الحين بعدين لما تقومين بالسلامة ..قلت لهم انج جحرحت يدج في المطبخ ..قامت رغد من السرير .. وين رايحة؟؟رغد اسوي العشا .. استريحي ..تدبرت هالشي ..انتي استريحي في سريرج ..وبس ..اسكتت ..ماقالت شي ..مامنعت يدي من ان تمسك شعرها ووامسح عليه .شعرها ..اكثر شي يجذبني فيها ..لونه ..ريحته ..نعومته ..شيء لايقاوم ..انتبهت لدموعها ..فقلت رغد ما ابي دموع ..حياتنا مرة بما فيه الكفاية علشان نضيف لها طعم دموعج ..خلاص ..الليلة ما ابي دموع ..ولثمت راسها ..وطلعت من عندها ..******************************** خلال ساعة وصل طباخ وخدامة منال . الخدامة رتبت البيت والطباخ اهتم بالأكل ..جلست أسترخي في ساعة مع نفسي ...فكرت بكل اللي صار ..وحسيت أني بديت افقد مبادئي ..وكرامتي ..شلون سمحت لنفسي بتدخين الحشيش ؟؟ شلون وسخت اسم عائلتي بالزواج من رغد .؟؟؟شلون رضخت للأمر ؟؟ كنت خايف من الفضيحة ..لكن الفضيحة ياتني من طريق ثاني ..شغلي ..رغم اني غبت يوم ..بس أحس أني من زمن ماأخلصت فيه ..رغد ..شسوي فيج الحين؟؟ أحس انج مثل الهم الثقيل ..اللي ماله حل ...أطلقج؟؟ زواجنا عمره شهور قليلة ..وللحين ما انتقمت منج مثل ما تستحقين ..توقعتج قوية ..لكنج انهرت ..والحين ؟؟ ..من زمان ما شفت التلفزيون ولا الأخبار ..أقوم ..اروح غرفتي واريح ..بلا هم بلا نكد ..ما أدري ليش ريولي خذتني لين غرفة رغد ..ووصلني صوتها ...(( رجعت لك ياورق أشكي لك مجروح .. كتمت فيك أسراري لما انحرمت البوح ... وخنقت كل آهات و صرخات قلبي المذبوح... أعشقه أعشقه ولا لي في هواه إلا الجروح .. حبيبي الغالي قلبه القاسي ترك قلبي ينوح .. اغفر لي ارحمني أنا الغلطان ومنك السموح ... بس ياليت تحن علي بنظرة ترد فيني الروح ... أرجوك يا كاتم أسراري ..يادفتري المفتوح .... وصل له حبي واعتذاري مع حمام الدوح ..)) غليت من داخل وأنا أسمع كلامها ..كل هذا لراشد؟؟ للحين ما تبتي؟؟؟يمكن علشان جي حاولت تنتحر؟؟؟ زين يا رغد ..اصبري علي ...ما أدري شلون مرت علي اللحظات والساعات ..وأقبل المسا ..طلعت من الغرفة وأنا كاشخ ..بأي لحظة يدخل صالح وأهله ..قصدي أهل رغد...مرت علي الدقايق سريعة ..ولبست قناع السعادة ...لما دخل صالح وثلاث أفراد من عائلته محمد وحامد وعبدالله..وأخته سلوى ..سلوى الاخت الصغرى لرغد ..تماثل رغد في الجمال ...والرقة والنعومة ..وخجولة جدا لدرجة انها ما ترفع عينها في عيون القاعدين..صالح يوسف ..شخبار المكتب ؟؟تذكرت المكتب ..اليوم أنا ما كلمت سمير ولا ليال ..صح ليال ..مخطوبة لمين؟؟صالح يوسف ... تذكرت الحين اني ما اتصلت في المكتب اليوم ..بس الأمور ممتازة ..صالح من حسن الحظ ان بكرة اجازة...صحيح بكرة اجازة ما أدري شلون فقدت الاحساس بالأيام .. بشوف رغد ليش ما نزلت ..عن اذنكم ..صعدت فوق ..ماطقيت الباب ..دخلت على طول وكانت رغد في أبهى طلة ...كانت جميلة لدرجة الجنون ..حسيت أن كل ذرة في جسمي انتفضت .. هلج هنا ..رغد الحين انزل ..تصريفه ...يعني روح وأنا أيي وراك ..لكن ..الاهبل اللي هو أنا ما تحرك خطوة ..وحطيت نفسي في موقف سخيف ...رغد نعم يوسف بغيت شي؟؟تنهدت مثل الغبي وأنا أقول لا ,,,\وأطلع من الغرفة وانا مبهور ,,,اتذكر عيونها العسلية وشعرها اللي سدلته على ظهرها ولا البدلة اللي لابستها ..يمكن هالشي هو اللي مصبرني عليج يارغد ..انج قطعة ..قطعة فريدة بجمالها ... تأخرت عليكم ..صالح كنا نسولف عن بيت محمد ...سلوى أستاذ يوسف ..شرايك في أجار البيوت هاليومين؟؟ ماشي حاله ..بس المكسب مب قوي ..لان البيت عمره محدود والمؤجرين بيستهلكون كل الخدمات اللي فيه ..فيضطر المؤجر بعدين يدفع الدبل علشان الصيانة ..محمد بس أنا صرفت وايد على البيت ..البنيان والتشطيب ديلوكس ..أبي على الاقل أستفيد منه ..أو على الأقل أدبر فلوس التأثيث ..صالح وين رغد؟؟ الحين بتنزل ..سلوى فيه مانع أروح لها ؟؟ الحين تنزل ..بأي لحظة ..ونزلت ...من زمان ماشفتها بطلة حلوة ...ارسمت قناع السعادة وبسمة الفرح على ويهها ..واستقبلت اخوانها بالأحضان ...سلوى معقولة ما أشوفج من شهر ونص؟؟رغد عاد الظرووف ..صالح يوسف لها الدرجة خليتها تكرهنا ؟؟ أنا مالي شغل ..الصلاحيات بيدها ...وأنا الفترة اللي راحت انشغلت بقضية ...رغد أخواني اعذروني ..بس هالفترة كنت محتاجه أتعود على الجو ..صالح حشى ..وحنا بنخرب عليج المود؟؟ضحكت وضحكت رغد ..ضحكة مصطنعة ..وبدت السوالف ..والتمثيل ..وناقشوا مسألة تأجير محمد لبيته ..وكان راي رغد من رايي ...انها مجرد خسارة في معظم الاوقات ..خاصة اذا بيسكن البيت في المستقبل .. لحظات وقال عبدالله تدرون أن بو علي ذبح بنته سمية؟؟ صايدينها تكلم واحد ..محمد تستاهل الذبح وأكثر ..صالح لا إاله إلا الله ..حرام عليه ...حامد اذا البنت صايعة تستاهل الذبح ..طبعا ما بوصف الألوان اللي غزت وجهه رغد ..وخلتها ساكنة وجامدة ..وسلوى تقريبا انلدغت من نفس السالفة .. أنا أشوف أنه تسرع بهالشي ..محمد يوسف ..شقصدك؟؟؟ أنا أقول دام كان في امكانية انه يزوج البنت ..لهاالشاب ..ما ستر عليها بدل الذبح ؟؟ خصوصا ان الامر ما تعدى مكالمات هاتفية ..محمد لا يوسف ..اللي سواه هو الصح ..البنت ما انذبحت إلا وراها شي جايد .. لا تحط في ذمتك..يمكن تكون أشرف مني ومنك ..بس القدر ظلمها ..لاتحط في ذمتك ..والله يرحمها ..طالعت رغد اللي حسيت انها ارتاحت من كلامي ..وتطالعني بنظرة ما فهمتها هل كانت امتنان ام استخفاف ؟؟ انا يتهيأ لي انها نظرة استخفاف ..لاني انا نفسي لو طليت في المنظرة كان نظرت لنفسي هالنظرة ..وين الرجولة؟؟ وين الكرامة؟؟؟مرت الامسية على خير ..والعشا كان أفضل مايكون..سلوى كل عام وأنت بخير ..رغد وأنت بخير تسلمين لي ..ودعوا بعض عند الباب ...التفت لرغد بعد ما راحوا .. ليش باركت لج؟؟رغد أمس كان عيد ميلادي ...طلعت رغد فوق ..تذكررت ..منال من اسبوع قالت لي شي عن هالموضوع ..وأمس كان عيد ميلادها وانا نزلت فيها اهانات ...يمكن علشان هالسبب حاولت تنتحر؟؟؟ *** هالويك ايند كان متعب جدا ...يوم كان مع محمد ومريم ويوم مع منال و جاسم ... من الصبح توجهت للمكتب وأنا مستعجل ..أبي أسأل ليال ..من سعيد الحظ؟ ..بس .. صباح الخير سمير ..سمير صباح الخير استاذ .. سمير أجندة اليوم مع آنسة ليال أبيهم في مكتبي ..سمير سبقوك يا أستاذ ..وهما داخل دلوقت ..دخلت وكانت جالسة على الكرسي بكل هدوء ,,, السلام عليكم ..ليال وعليكم .. شلونج اليوم؟ليال الحمدالله ..أستاذ لازم نروح المحكمة اليوم .. في أي قضية؟؟ليال قضية سالم عامر ..أنا حضرت كل شي المرافعة والاوراق الرسمية ,, آنسة ليال ,, أنا في هالقضية خلصت كل شي ..بس باقي اني أوقف قدام القاضي وأطلعه براءة,, بس ما عندي مانع انج تطلعيني على مرافعتج..وأعطتني ملف في يدها ..ألقيت نظرة سريعة عليه ...#بعد لحظات آنسة ليال ... ما اشتغلتي بضمير ..ليال استاذ طول الليل وأنا أكتب فيها ,,, عقدت حواجبي الليل ؟؟ تدرين شلون بطلعه براءه؟؟ لان زميله في الشغل هو اللي زور الورق ..وهالشي انا اكتشفته من اسبوع ..وخبير خطوط ساعدني ..ولا تتوقعين اني بسهر طول الليل علشان أبرئ موكلي بأفكاري بس ..هذا مب امتحان ...حطي الاجندة وتفضلي ..كالعادة ..طلعت ليال وأنا أحس انها معصبة ..مسكت الاجندة وبديت شغلي ..نسيت أني من الصبح كنت احاتي خطيب ليال المنتظر ..كالعادة ..الشغل المتراكم يسبب الصداع ...بس بمجرد الانتهاء منه ..أنا بخير .اتصلت في موكلين تأخرت عليهم في الرد واعتذرت ..مرت الساعات كأنها دقايق ..ومريت المحكمة .ومثل ما توقعت طلع موكلي براءه ...كان انجاز آخر يضاف لإنجازاتي .. تفضل,,,دخلت آنسة ليال للمكتب .. نعم ؟؟ليال استاذ العقود الي طلبت مني اني اكتبها ..تفضل .. حطيها عندج ..ماقلتي لي من الخطيب؟؟ابلعت ريقها منافي خطيب تفركش كل شي استاذ .. في ثلاثة أيام؟؟ليال مالنا نصيب استاذ ...عن اذنك..ما ادري ليش فرحت ..لكني عبست وقلت لحظة ..ليال نعم استاذ .. جلسي بناقش صيغ العقود معاج .ليال بس اتاذ انا سويتها مثل ما كتبتها بالمسودة ,,ما ضفت شي لها علشان نناقشه .. آنسة ليال ..ما تبين تتعلمين شلون تصيغين العقود؟ انا صج خليتج انتي تكتبينهم ..بس لازم منج انتي انج تيين وتطلبين مني شرح لما فيها ..ليال واضحة مثل الشمس ..ما يحتاج شرح .. أنا اللي يقول شاللي يحتاج واللي مانحتاج ..وكم مرة نبهتج اني رافض تسييرج للأمور ضد رغبتي ..تفضلي اجلسي ..وباشرح لج سواء كنت محتاجة ولا لأ.. وجلست قدامي وخلال ساعة شرحت البنود وشلون تصيغها وعلى أي أساس ونوع القضية وأهم شي ماتتعرض للخداع ..و..و..و..الخ...وكانت مبهورة بهالدرس ..ورغبتها انها تعرف اكثر فهمت منها انها ماكانت تعرف شي عن هالدرس سوى الاشياء السطحية ..التقت عيونا أكثر من مرة ومرت علينا لحظة صمت أكثر من مرة ..بس ..حسيت بانجذاب ناحية ليال ..أو غموض ..شي ..غامض فيها يجذبني ...ايش بالضبط ؟؟ هذا الشي اللي كنت جاهله ..ليال شكرا استاذ .. تفضلي لمكتبج ..وأبي منج حل الواجب ..ابتسمت ابتسامة مشرقة وهي تقول حاضر استاذ ..ركبت سيارتي و رجعت البيت ..بعد يوم حافل ..كنت من التعب اني نسيت الجوع ..ودخلت غرفتي ومددت جسمي ونمت .*********************** فتحت عيوني ..وكانت الساعة سبع ونص بالليل ..و وقرصني الجوع بقوة ..تقريبا أنا صايم اليوم ..ما تريقت رحت بدون ريوق ..وماحسيت بشهية ..فماذقت شي أبد ..طلعت ومريت المطبخ وأكلت كل شي لقيته قدامي ..رغد يوسف .. نعم ..ماكنت شايفها من امس ..رغد يوسف ..أحط لك الغدا ؟ لا ..أكلت ..رغد يوسف ..صار لي شهرين ..أبي اقولك ..شي .بس ما قدرت .. شي مثل ايش تبين خدامة؟؟رغد لا ..شغل البيت تعودت عليه ..بس ...أنا قلت لهم في المستشفى مايقولون لك .. يقولون ايش ؟؟رغد أنا حامل يوسف ...عمر حملي ثلاث شهور .. ارتعدت اوصالي ..طفل؟؟؟لا لا لا لا لا ..ومن رغد ألف لا ...ونطقت بغضب .. ما أبي هالطفل ....رغد زيين .. قامت من عندي وصعدت لغرفتها...شلون رضت؟؟ ومعقول مع كل هالشغل الطفل ماصار له شي ؟؟ والحادث اللي صار لها ؟ حسيت ان الدنيا ضاقت فيني ...يالله ..ماصليت المغرب ولا العصر ..والعشا بيأذن الحين ...أقوم أخلص صلواتي وأطلع .لاني ما اتحمل ابقى في هالبيت ثانية وحدة زيادة ..*********************************|أنا من كل عقلي قلت لرغد ما ابييه؟؟؟ اللي ما اصدقه انها قالت زيين ..أستغفر الله ....ليش ماقالت لي من البداية؟؟ ..رغد رغد رغد ..أنا في حياتي كلها مافكرت أنه يكون عندي ولد أو بنت ..المعنى في حياتي ماتمنيت انه يكون عندي عيال ...نزلت تحت ولقيت رغد تنظف الصالة .. رغد ,,رغد نعم يوسف .. الطفل حاولي تطيحينه قبل لايكمل أربع شهور ..رغد ليش يعني ؟؟ .. بتكون جريمة ...رغد بسخرية ليش بيحاكمونا مثلا.؟؟ ان كنت ناسية ..ربج بيحاكمج ..لان الروح تكون منفوخة في الطفل .لما يكون عمره مية وعشرين يوم ...اووه ..نسيت انج نسيتي ربج و ماهمج حسابه ..قلت هالكلمتين وأنا طالع من البيت ..ومانطرت أشوف ردة فعل رغد ..كالعادة تمشيت وتعشيت بره ...ورجعت البيت ودخلت الغرفة أنام ..دون ما اطل على رغد ..والصبح رحت للمكتب دون ما اشوفها .. السلام عليكم ..ليال + سمير وعليكم السلام .. اوكي سمير روح للموعد الي استأذنت علشانه ..سمير مشكور استاذ..وطلع سمير .. آنسة ليال ..اطلبي لي قلاس جاي ممتاز ..ليال انشاء الله ..دخلت المكتب وابتديت اتصالاتي ..ليال تفضل .. شكرا ,,اجلسي .. خلاص بو عبدالهادي نتلاقى الصبح انشاء الله ,..اوكي..مع السلامة ..ليال خير استاذ .. بس حبيت أسألج عن ابن اختج...ليال مين عبادي؟؟ اييه ..وين ابوه؟؟ليال طلق أمه ... أنا آسف على التدخل ..بس استغربت انه ساكن عندكم ..انت والوالدة ..ليال مالها غيرنا الحين .. هي عندها عبدالله بس؟؟ليال اييه ....كانت حامل في بنت لما ..تطلقت ..وماعاشت البنت .. متى تطلقت ؟ليال من سبع سنوات تقريبا .. أنا سمعتهم ينادونج بليلى ...مب ليال ؟؟ليال أنا خالي سماني ليال ..بس امي وأبوي كلا ينادوني ليلى ..يقولون أسهل وأحلى ...بس ... أنا سألتج هالسؤال من قبل ..وفيني فضول اعيده عليج ..ليال أدري من خطبني؟؟ تقريبا ..ليال لا ..شخص ...ما اظنك تعرفه ..وانتهى الامر ..أي شي ثاني؟قامت من مكانها ... وليش انت على بالج انا ميلسج اسألج عن حياتج الشخصية بس؟؟ لا ..آنسة ليال ..أنا كنت أمهدج للسؤال الكبير ..جلست ليال .. ليش ماقدمت للديوان اول ماخلصتي يحطونج في اي وظيفة حكومية تحتاجينها ؟ ..ليش التدريب والشغل في المحاكم ؟؟وأنت مب قد هالحوسه ؟؟ليال أنا قدها وقدود...وأنا كانت رغبتي من كنت صغيرة اني اكون محامية ..ولا جان دليت الدرب .. بس بتتبهدلين...أنت منتي قد المحاكم والقضايا ..ليال في بلدنا الخير ..والمحاكم اللي تتكلم عنها ماتخوفني ..والقضايا مب فظيعة لها الدرجة .. ليال ...اللي تشوفينه هنا ما يسوى واحد بالمية من اللي برع...ليال أنا بحاول ..وماني خاسرة شي ..محد يوصل بالساهل ..لازم الشخص يفشل علشان ينجح دائما .. أنت خبله؟؟ هذي محاماه ..ونسبة نجاحج تعتمد على كمية القضايا اللي تفوزين فيها ..الفشل كلمة انسيها في هالمجال ..ليال أشوفك تتكلم ثقة عن فشلي .. ليال أنا ما قصدت اقتل الروح المعنوية عندج تجاه المحاماة ..بس توج بيبي ..عمرج كم ثلاث وعشرين سنه؟؟ ما انكر انج نجحتي في التدريب معاي وأثبتي صلابتج ..بس فيج بعض الاشياء اذا ما انتبهتي لها بتوديج بداهيه ...خذي تدريب أكثر ..خذي وظيفة حكومية ..وبعد خمس سنوات مثلا افتحي لج مكتب .وشوفي ..ليال ليش ؟؟ ليش يا استاذ في اللحظة اللي ترفعني السما في الحظة الثانية تصدمني بالارض ..يعني انت لما كنت في عمري نجحت بسرعه بس لانك رجل؟؟؟ أنا مانجحت لاني رجل بس .أنا رضعت المحاماة من كنت صغير ..الوالد الله يرحمه كان محامي عود ..من كان عمري خمسطعش سنه وأنا مرابط في هالمكتب ..أعرف كل شي عن المحاماة والفضل لابوي ..الله يرحمه ..وبعدين استلمه اخوي فالح ...بس بعدين رضى بوظيفه حكومية ..وترك المكتب فاضي لين جيت ..آنسة ليال ..مب كل شي سهل ..ليال أستاذ يوسف أنا كل يوم أتحطم من راك ..أستاذ أنا أبوي كان مسجون فيي السجن ظلم ...عشر سنوات ..من الهم شايل هم بنتين و زوجة ..مالها في الدنيا الا اخوها اللي ماكمل الثمنطعش .. أبوي انظلم عشر سنوات لين مامات من القهر ..علشان جذي تطلقت اختي علشان المعرس عرف ان ابوي انسجن...ومارضى على اسم العايله ..حلفت اني برد له كرامته وبفتح القضية من جديد وبرافع فيها بنفسي ..وانا قد حلفاني واذا ما تبي تدربني ..مب مشكله المحامين تارسين البلد ..سكت وأنا مصدوم من اللي سمعته ..ليال كبرت في عيني ..حسيت انها المست شي فيني .ليال أنا مستعدة أطلع من المكتب لو تبي ... ليال ...خلاص ...ليال خلاص ايش؟؟ أطلع ؟؟ وأدور غيرك؟؟ شو شايفتني تدورين غيري ..دكان خام؟؟ ابتسمت ابتسامة باهته .. ليال ,,أنا اللي بدربج من اليوم ..بس ها ..خلي عندج نقال ..ومن بكره كل قضية تكون اذونج مفتوحة ...ليال ..ان شفت منج تقصيير ..بطرشج بو سالم ..على طول ..ليال بوسالم منو؟؟ الكاتب اللي في البسطة .اللي قدام المكتب ...ضحكت ليال ..وطلعت ...وحسيت أن ضحكتها رنت في قلبي ..بس ...أنا نسيت شعور الحب من جديد ..بس ما اعتقد هذا هو .... يمكن شعور الرضا؟؟ يمكن ؟؟ سمير علشانه استأذن مبجر ..فأنا اللي بقفل المكتب ..راحت ليال ... شفت ورقة متعفسه على الارض ..ماقاومت فضولي أشوف ايش هي ..فتحتها وانصدمت ... كان اسمي فيها ..مكتوب ولا عشرين مرة بأكثر من حم مرة كبير ومرة صغيير ...يوسف يوسف يوسف ..هالخط اعرفه ..خط ليال ..انا مرة قريت مرافعاتها ..بخط يدها ..ليش كاتبه اسمي على كل سطر؟؟ كأنها محتارة ....رجعت البيت وانصدمت ..كانت امة لااله الا الله في البيت ..منال ومريم وجواهررررررررررر ...ونورة وسلوى وكل وحدة مع عيالها او اخوانها الصغار ... السلام عليكم ..الكل = وعليكم ... صار شي؟؟ ليش متجمعين جذي ؟؟ منال متجمعين بالخير ..زوجتك عزمتنا على الغدا ليش ماقالت لك ؟؟ماشاءالله طباخها ينان ...سلوى صج يالنسيب اكتشفت مواهب رغود بالطباخ مع انها ماكانت تداني المطبخ أبد ... هي وينها الحين..منال في المطبخ ..طبعا رحت المطبخ وعيوني مركزة بانسانة وحده .. من غيرها ؟؟ اللي تم قلبي يرجف طول ما اسمع نفسها .. رغد ..شالعزومة؟؟رغد حبيت انفذ اللي طلبته مني وقلت مالي غير اني أشتغل لين اتعب ..وهذا انا من الصبح وأنا على وقفة وحدة .. ارتاحي لاتموتين انتي..رغد لا ..أنا مرتاحة جييه ...بس ماتعبت لين الحين ..أب أتعب أكثر ,خلني غسل الصحون وانت روح تكلم مع خواتك ..انشاالله مثل الطيارة ويطيح بسهالة .. ماطاح بسهالة نسيتي انج ترقدتي؟؟ رغد مب مشكلة ..روح لخواتك لايشكون وانا الحين انجب لك الغدا ..رغم عني مب يدي التقت نظراتي بنظراتها ..كانت مريم ومنال ونورة منشغلات في سالفة ...جواهر وين رغد؟ في المطبخ..جواهر حرام.. لو ادري كان يبت خدامتي .. ماله داعي ..قمت من مكاني لين رغد... خلاص ارتاحي ...رغد مابقى شي .. قلت ارتاحي ..يلا روحي اييلسي ...رغد بس احط لك الغدا.. ما ابي ..تحركي ...شفت نظرات الجواهر اغتظت ....جلست بقرب سلوى ورغد ..اللي كانوا يتكلمون عن الغدا .... رغد يوسف ,,خلاص بس .. ها؟؟رغد من قال ها سمع ...نزلت عيوني ..من ييت وانا عيوني كل مرة تلتفت لجواهر ...لا اردايا ..حمار ..شسوي ...طلعت رغد لفوق تبدل ملابسها ..والباقي انتقلوا للصالة الثانية..بينما كنت أغسل وأتجدد علشان الصلاة ..رجعت الصالة ..وكانت جالسه بروحها ... ليش مارحتي معاهم؟جواهر الدريول بيي بأي لحظة .... وفالح ؟؟جواهر راح البيت على طول ... .......................................................كنت لاول مرة من عشر سنوات أنفرد بجواهر ... مرتاحةمع فالح؟ضحكت بسخرية ماكنه السؤال متأخر ؟؟ مب وايد ..تأخر بس عشر سنوات ..جواهر عايشين .... ....................................جواهر .........................................اقدر أقول كل كلمة أبيها ...لكن ...ما تجرأت ....الجبن تسلل لقلبي ....جواهر تغيرت وايد عن قبل ..لما شفتك ..ماعرفتك ... أي ناحية ؟؟ احلويت ولا صرت ما انبلع؟جواهر ستين بالمية للأجابه الاولى ...ابتسمت وتذكرت أيام قبل ...ماكان عندها في يوم جواب نهائي ..دايما تعطيني النسبة الاعلى من توقعاتها ... رجعتي لسلك التدريس؟جواهر بواسطة فالح ..صرت اداريه وفكيت عمري من عوار الراس ... موفقه ...جواهر اشتقت للبيت ..من زماااااان ماشفته ...ونسيت شكله شلون ... انتي اللي قطعتي زياراتج ....جواهر مب بكيفي ..حتى بعزا خالتي ..منعني اجي.. انت يبت هالعذاب لنفسج ..جواهر طول هالسنين ..ماكنت متعذبة كثر الحين ...تقول منال انك كنت تكره جنس الحريم ولاتطيق تسمع شي عنهم ...وفجأة بين يوم وليله فاجأت الكل برغد ...وكانت مفاجأة ...مفاجئة .. الحين بديت تحسين باللي كنت احس فيه طول هالعشر سنين؟؟؟ كنت حاطه يدج في ماي بارد ..وأنا يدي في النار ...حاس فيج الحين ياجواهر ....لاني كنت في موقفج ...جواهر الهندي الكلب للحين مايا؟؟ ياحبج لتغيير الموضوع ..اسمعنا صوت سيارة ...جواهر حرام عليك يوسف ..انا اللي فيني كافيني ... للحين قلبج ماعرف غيري؟؟جواهر ماقدر يكون لغيرك ... وفالح ...انتي كلج صرتي له ...جواهر الا قلبي ... ماكان ابد له.... تذكرين الكف ؟؟جواهر اذكر اني ضربت نفسي بنفس اليد ...ومرتين ... اللي قاهرني ياجواهر انه اخوي ....أخوي ..وأنت من عرضه ..يعني عرضي ...شلون قدرتي تفرقين قلوب وتفرقين اخوان؟؟جواهر وزنت الامور ..كانت حياة مها وطلال وشيخه وابراهيم...ولا حياتي .... كنت تحبين الاطفال وايد....جواهر صحيح.... والله مارزقج بظنى....جواهر رزقني باربعه كافي انهم ينادوني يمه... عشر سنوات ...وللحينج ماقدرتي تحملين؟؟جواهر الله كتب لي اني عقيم...ماندمت ابد على قراري بالزواج من فالح ...كأني كنت حاسه اني مابصير ام ...يمكن كنت بظلمك معاي؟ لليوم ..وأنا نفسي ما فكرت بالعيال ... بس ظلمتيني وظلمتي نفسج....جواهر في جزء في قلبي ماوصله احد ..جزء ..طول عشر سنوات وانا متطمنه انه في حالة ركود ...لين هالسنه ...صار في حالة هيجان ... تغارين؟جواهر اييه ...وودي اقطع رغد بأظافري ...وليال باسناني.ابتسمت للحين سالفة ليال مابردت؟جواهر مايهمني بردت ولا لا ...بس كل بنت قريبه منك تسبب لي تصدع في جدار القلب ...نفسي اتجول في البيت غرفة غرفة واتذكر الماضي ....هالصالة كنا دايما نيلس مع خالتيه ...انا اهمز لها كتوفها وانت تهمز لها ريولها ..وكنا نضحك على حواجبها اللي كانت تتراقص ..كان منى عيني اشوفها قبل لاتموت ....بس ...أخوك ذبحته الغيره والكرهه ..وحلف اني ما ارووح... تدريين شطلبت مني قبل وفاتها؟؟هزت جواهر راسها بلا ... طلبت اني اسامحج ...وما افكر فيج ابد لانج صرتي زوجة اخوي ومثل اختي ....طلبت مني هالطلب وهي في آخر دقايقها ...صوت سيارة برع ...جواهر ما اصدق اني الحين اكلمك ..وبروحنا مثل قبل ...تذكر؟؟ تصورت ان ذيك اللحظات انتهت ....ومالها رجعه.خذت شنطتها وطلعت ...وكانت ياييه بروحها ...صليت ..وجلست في غرفتي ...أخيرا .....انفردت بجواهر ...أخيير ....اعترفت لي انها للحين مانستني ..ماتدري انها ذبحتني زيادة بهالاعتراف .....لليوم احسها قطعه مني ..ما أقدر أكرهج ..ما أقدر ..أنا وأنتي تربينا مع بعض ..ما اقدر انسى عشرة خمس طعش سنه ..واذا نسيتها بكون قليل اصل...جواهر ... (( نسيت كل الخلايق والملا... وأمسيت حزين .... قلبي.. يا دنيا بالحب انكوى ..والسبة ...جواهر.... هانت عليهاعشرة عمر مضى.. عشرة ايام وسنين ... قالت للغير هلا .. تركتني في ظلام الهوى صابر ... ماهقيت منها الجفا ...اللي كانت لي.. نور العين ... جواهر .. قلبي فيج ابتلا ..وقلبج للأسف طلع غادر ...))****************************** الفصل السابع ....****************عطشت في الليل ..وماكان بقربي ماي ..طلعت من غرفتي ..ونزلت المطبخ شربت ماي ورجعت فوق .. مريت غرفة رغد ..فتح الباب بشويش ..وانصدمت ...كانت ماسكة القرآن ولابسة شيلة الصلاة ونايمه على الكرسي ..المكيف كان بارد وايد ..وهي بدراعة البيت .. خذت غطا وغطيتها وشلت من يدها القرآن ..وحطيته على الطاولة ...مسكينه ..شكلها من التعب ما تحس بحد ..تذكرت الكلام اللي قلته لها قبل ..انها نست ربها ما اقسى هالكلمات عليها....شلون نطقت بهالكلمات؟؟ رغد ... للاسف انتي خليتني انسان قاسي ...كنت مجرد كاره وعاشق ..مجرد شخص يحب ..ويكره ..القسوة ماكانت من اطباعي ..تركتها ورجعت لغرفتي ..وحطيت راسي ونمت ..*** كم رقم تلفونج؟ليال هذا ..وأعطتني ورقة عليها الرقم .. ماباخذج معاي للكل القضايا اللي في المحكمة...بس القضايا اللي بحس انج تحتاجينها ..علشان جذي طلبت منج انه يكون معاج هالنقال ...شي ثاني ابتداء من اليوم ..بتروحين مشاوير وايده ..وأبي منج شغل مضبوط..المشاوير الفايده منها انج تتعلمين شلون تضبطين دورج كمحامية في اي وقت وأي يوم ...بطرشج للسجن المركزي بعد فترة ..لاتخافين ..لازم هالخطوة ..انا بصنع منج محامية ناجحة بكل المقاييس.وأتمنى انج ماتخيبين املي فيج ..ليال حاضر استاذ ... تفضلي باي لحظة بناديج علشان أسلمج هالملف تدرسينه قبل لانروح للمحكمة .. حاضر استاذ .. كلام ليال طلع صحيح ..أنا سألت بعض المحامين اصدقائي عن اسم ابوها ..وخبروني انه كان متهم في جريمة قتل ..ومحكوم عليه بالمؤبد. لان اهل القاتل تنازلوا عن القصاص القاتل يقتل ..و هو ماكان عنده الدية ...والناس كلها قالت انه كان مذنب ..فمحد جمع له الدية ..فاهل القتيل رضوا بحكم المؤبد كعقاب خصوصا انه كان عنده بنتين صغار ..اللي هم العنود وليال ..بساعدج ياليال ..واذا كان ابوج فعلا بريء فالحمدالله اذا رجعت له كرامته ..لكن اذا فشلت ..للاسف انا سويت اللي علي ...ركبت السيارة واركبت هي معاي ..اجلست قدام ..وأنا ماتكلمت ...ووصلنا لين المحاكم الشرعية.. تعالي ..بنحضر اليوم محاكمتين ..وأبي منج تشوفين شلون الامور تسير ..عندج ورقة وقلم؟؟ليال اييه ... ابي منج تقرير وافي ...أيلسي على الكرسي اللي هناك ..أنا بروح عندي تخليص اوراق لازم أنهييه ..كانت المحاكمة لرجل ..كان مرتكب جنايه وذابح صاحبه .وهو سكران ...كانت بداية كبيرة على ليال المفروض تبدأ من صغير ...بس مب مشكله لازم اعرضها لها المحاكمة علشان تفهم متطلبات المهنة ..انتهت المحاكمتين وخلصت الاوراق اللي كنت ياي علشانها ..كانت ليال ساكته ...ولافة ويهها للدريشة ...ندمت اني عرضتها لهاالمحاكمة ,,يمكن كانت قاسية عليها ..طالعت الاشرطة اللي عندي ..كانت لابو عبده تقريبا ..حطيت شريط وشغلته ...حركتي هذا كأنها فاجأت ليال ..التفت لي ..ولمحت في عيونها دمعه .. كان غلط مني اني خليتج تبدأين بقضية كبيرة مثل هذي ..ليال يالعكس ..أنا استفدت وايد ...معنويا ...تخيلت ابوي يالس في مكان المتهم ..والقاضي يحكم ...فهمت الحين لما قلت لي ان هالاشياء كبيرة علي ..حاولت اتخيل نفسي مكان المحامي لكن قلبي تم يرجف بطريقة ماتحملت انتنفس عدل خلالها شلون بتكلم وبدافع .. أنا شفتج في المحكمة من قبل ..وكنت شجاعه ..بس محاكمة اليوم لمست شي فيج لانها ذكرتج بالوالد..الله يرحمه . كان ابو عبده يغني مجموعة انسان ..وسكت انا وليال...((قالت من انت ..قلت مجموعة انسان من ضد وضد تلقين فيني ..فيني نهار وليل وأفراح وأحزان ..أضحك ودمعي حاير وسط عيني )) *********************** مر ثلاثة اسابيع ورغد كل يوم ويهها اصفر من التعب .. للحين ماطيحتي الياهل؟ رغد حاولت ..وماقدرت ..دبلت الشغل ..بس لين الحين ماصار شي..يوسف خليني نسافر...وأنا بدفع التذاكر ..ماتكلمت ..رغد يوسف ..بس يوم ..كنت اضرب بطني ..بس الياهل ماطاح ..سكت ..رغد بحجز حق مصر بتسافر معاي ولا لا؟لهاالدرجة متمسكة بالاجهاض؟؟ يمكن علشان بعد الطلاق ماتتوهق؟ بروح ..وقمت طلعت ..فضيت نفسي هالايبوع علشان السفر ..ومريت منال اقول لها ..كان عندها مها ..وشيخة ..بنات فالح .منال هلا جوزيف ....مها هههه حلوة جوزيف هذي يا عمتي .. هييه انت مالج خص ...مها حشا عمي شفيك علي ؟منال أخوي ما يطيق يسولف معاي انا اخته ..تبينه يسولف معاج انتي وانتي السبب في ...طالعت منال وأنا معصب ..مها السبب في ايش؟؟منال في الكلام معاه!!!!!ضحكت ..كانت تغطية منال فاشله مثلها ...مها زين عمي بارك لي على الاقل .. ليش انخطبتي من بدر؟؟مها تدري عيل ليش ماتبارك؟؟ خصوصا انا ملجنا يوم الخميس .. ملجتي ؟؟ مبرووك بس محد عزمني لا على الخطبة ولا على الملجة ..العموم مبروك....لج ولبدر ..شيخة بس ياعمي ما يسوى ..ريلها مب مزيون ...مها أحلى منج يالسبال ..ضحكت على الغيرة .. شيوخ ..عمو اذا كل وحده ماتزوجت الا المزايين شخليتي للمساكين اللي الحلا خلا منهم؟ مها عمي الله يهداك ..فديت بدر والله انه حلو...شيخه شوفو الخبله للحين ماشافته وتتفداه ..منال شيوخ يوزي عن اختج ..وشالكلام يوسف ؟؟ مها صار ريلي خلاص . وكافي شفت صورته عند عمتي منال ...وهو بنظري حلو ... حلو حلو ..كلِ ريقه في حلجه حلو ماقلنا شي ...مها ؟؟؟؟؟ عمي!!! ....صراحة زعلت منك ..منال عمج يتطمش عليج...شيخه قصدج يتطنز عمتي ..منال قصدي يغلس عليها ..صج انج سبال ..بدر الحين مب حلو؟؟ عيل من الحلو؟؟ ابوج؟؟مها عاشت عمتي ...عاشت ..صج ابوي حلو في نظري(مع انه مو حلو ) بس كافي انج نصرتيني ..قاطعتها أصلا لو اني منج ما استانس ,..الا أغيير لان بدر كاان يبي منال من ثلاث سنين وتهاوش هو وجاسم عليها ..وعمتج اختارت جسوم ..انحرجت منال ومها انصدمت ..مها الحين بدر كان يبي عمتي؟؟ كانت البنت الوحيدة في عايلتنا ..أكيد الكل كان يبيها كانت حلوة وقمر ..منال شقصد بكانت ؟؟انا للحيني حلوة وقمر .. مش مهم ..عيال عمي تهاوشوا عليها وانتي واختج للحين ماكبرتوا ..مسكين جسوم طاحت في جبده ..منال مش مهم ؟ طحت في جبده الحين؟؟امحق اخو هذا انا واختك الوحيده. ..قلت لكم عمكم ما يحسب حساب احد ..الله يرحم ايام كنت مستغلني فيها .. مايسوى لي هالغترتين اللي غسلتيهم والخدامة مريضة ..بتمنين علي لين آخر يوم في حياتي ؟؟ضحكت البنات ..وانحرجت منال لاتنسى جو...اسكتت ..بعد ما خزيتها بنظرة .. بتمن علي بالجوال اللي قدمته لي هديه يوم عيد ميلادي من ثلاث سنين..مها عمي لاتنسى فضل عمتي منال ...عمي انت تعرف بدر عدل وأنا استحيت أسأل أبوي ..وعمي منصور مايعطيني ويهه ..شلونه؟؟ زيين؟؟ مافهمت سؤالج؟؟؟ تقصدين بزين يصلح كزوج؟؟مها اييه ,,\ شوفي ..بدر أنا خاويته من سنتين في سفر ..وكان خدوم وكريم ..ماشفت عليه شي ...أعتقد انه ريال زيين كزوج ..لانه وايد محترم نفسه .. مها عمي وانتوا وين رحتوا؟ ماليزيا؟؟منال هييه يابنت عيب هالكلام ...ابتسمت رحنا عمرة بعدين رحنا الاردن ..كان يبي يحضر عرس صديق له...وأنا مارديته منها سيااحه ..مها عمي كل اللي يروح ماليزيا يقول انه رايح عمره ..منال عمج مايجذب يالسبال ..لاتخليني اغير رايي فيج... ههههه لا ..صدق رحنا بسيارة ...شيخة المفروض يالخبلة ماتحاسبينه على شي سواه قبل الزواج ..الماضي ملكه بروحه .. منال بس من هالكلام الماصخ ...حفلة ملجتج متى تبينها؟؟مها خليني أول أجر عمي بالكلام وأعرف عن هالبدر كل شي .. ليش أنت خلاص صرتي زوجته ..تعرفي عليه ..مها عمي الملجة كانت من ثلاث أيام بس ..وحضرته حتى تلفون ما اتصل فيني كل اللي شفته صورة يقول مغصوب علي ..ضحكت على هالخبله اللي قدامي وانت ليش مستعجله؟؟ لو مايبيج ماراح خطبج بروحه حتى بدون ماياخذ جسوم ولا عبدالرحمن اخوه معاه..شيخه مسكينه ياعمي على بالها بيستوي مثل ماصار لرفيجاتها ... وشاللي صار لرفيجاتها ؟؟شيخة حفلة كبيرة يوم الملجة وبعدين يكلمون بعض ..ويطلعون مع بعض .. مافي طلعه ..في كلام ...بس ..الطلعه بعد الزواج فلاتحلمين بهالشي ..وبعدين يمكن الريال مستحي وناطر الحفلة لين يلبسج الدبل والذهب ..منال تذكرت شي انت يا يوسف ماسويت حفله لرغد ..الزواج كان خلال شهر ونص بس .. أنا وهي اتفقنا وخلاص ...مها بس أنا ما أبي ذهب أبي ألماس ..قوله عمي قبل لايشتري الذهب .. مهوي الغلط مب عليج على اللي معطيج ويهه .عن اذنكم ..مها زين عمي عطني رقمه وأنا أقوله ... عنبوج مافي مستحى؟؟ شو تكلمينه هذي؟؟ اذا هو ماكلمج احتفظي بكرامتج .. والله انكم لامستحى ولابطيخ ..يا بنات هاليومين المحترمات ..شيخة عمي يقولون لامستحى ولاخجل .. جب جب انتي ..يايه تعلميني..مب قاصره انتي الثانية ..يلا اذلفوا عن ويههي ...تمت تضحك منال ... قلت لكم ..مايداني الحريم الله يعينج يارغد عليه ..طلعت وأنا ساكت ..كنت أبي سبب أطلع . اووه ..نسيت اقول لمنال عن السفر ...يلا مب مشكله ..كله يوم...*******مسكت تلفوني أتصل في بدر .. الو السلام عليكم ..بدر هلا ولد العم ..وعليكم السلام .. وينك يالقاطع ..تعرس وأحنا آخر من يعلم,,,بدر والله اني قلت لعبدالرحمن يتصل فيك ...بس ..السموحه منك يالشيخ .. يالشيخ!! بدر ..أنا جوزيف نسيتني؟؟بدر مانسيناك ..بس نتعذر منك ..يالنسيب ... ها ..شفت مهوي؟؟بدر من مها؟؟ العرووس يالخبل ..بدر اييه ...اعذرني نسيت اسمها ..أنا رحت لفالح بس ابي أخطب ..وما سألت عن البنت ..والحمدالله الامور تحسنت .. بطرش لك رقم تلفونها ..كلمها ..ترا البنت ..خايفه لاتكون مغصوب عليها ..بدر أنا ماشفتها ..كنت بطلب الرؤيه الشرعيه بس استحيت من فالح ..وأمي ملزمة علي الا اخطب ..تعرف اصغر واحد ..لين شفت فالح مع بنت من بناته ..وقلت في نفسي نجرب ..والله سهل الامور وملجنا .. تقنعني انك ملجت بوحده ماشفت ويهها؟؟ بدر اي والله ...عاد قولي ..شلونها؟؟ مافيها شي بس خشمها شوي عود ..وبراطمها كنها تكه ..وعيونها تطبيق اندونيسي ..بدر لا ..لا تقول ..أكيد تطلع على فالح ..وينه وين الحلاه هالريال ..يالله ..والحين شسوي؟؟ .كان بدر من صجه مخترع .. عادي عمليات التجميل ببلاش هاليومين ..بدر لا والله ..والنسل بالله شلون نتصرف معاه؟؟ اووه قصدك جيل الالفيه ؟؟ لاتخاف لما بيكبرون بتكون العمليات بالكمبيوتر .,..بدون الم .....بدر تنكت يا ولد العم؟؟ والحين بنت اخوك شسوي فيها؟ بنت اخوي تسواك ....كنت أغلس عليك ولا هي ماشاء الله من الجمال الله ناعم عليها ..بس لسانها طويل شوي ..بدر أبي أشوفها .. تعال بيت منال ..أنا توني طلعت منه ..برجع الحين ..فز طولك وتعال هنا ..بدر بس أنا ما اكلم جاسم .. اوكيي باخذها بيتي ,,,أشوفك هناك ..بدر مشكور يا ولد العم ..صكرت من عنده ورجعت دخلت البيت .. مها ..مها ..مها عونك عمي ..انت هني ماطلعت؟؟ ايش هذي عونك؟؟ حنا في مسلسل بدوي؟؟مها لا عمي بس امي دايم تقولها لاناديناها وخذيناها منها ..شيخة شمعنى ناديت مهوي ؟؟ منال ها اخوي ليش رجعت؟؟ شرايكم أطلع من البيت؟؟منال لا حياك ..بس ..غريبه طلعت زعلان .. تذكرت ان مهوي عرووس ..قلنا آخذها معاي البيت ...شيخه ياليت عمي ..بروح السوق مع عمتي وهي مب راضيه ...وطرق بيتنا بعيد والوقت بيمر علينا ..ومانلحق ..مها يمه منكم بس تبون تفتكون مني؟؟ منال كلام شويخ صحيح ..هي تبي السوق وأنا ابي اييب شي للبيبي ..لازم ..قبل لا اثقل وما اقدر اشيل نفسي ..مها امي تقول مب زين نتشرى للياهل قبل ان يي ..فال مو زين ..منال عيل تبيني بعد ما اولد أتحوط في السوق؟؟ مابيكون عندي حيل اطلع والياهل وين احطه وهو عريان ماعنده شي يلبسه علشان الفال؟؟ضحكت شيخه .. وييه ..طاح ويهج ..شيليه شيليه .... بس عاد ..يلا مها ييبي عباتج وتعال السيارة بسرعه ..مها زيين عمي ..خلينا نستانس مع زوجتك ..اللي مانعرف عنها شي ..سكت وطلعت .. اتصلت في رغد .. الو..رغد ..رغد نعم يوسف .. بيوننا ضيوف ..جهزي الجاي والعصير ..أنا بمر أييب العشا ..اوكي ؟رغد حاضر .. رغد ..جهزي الصالتين مع بعض ..رغد ليش بيون حريم؟؟ لا ..مها ..بنت فالح ...رغد شفيها المها؟؟ ملجت ..وريلها يبي يشوفها قبل الحفلة ومستحي من فالح ..فقلت اخليه يشوفها ..رغد فهمت ...هي تدري؟؟ لا ..ماتدري ..جهزي لها بدله راهيه ..لانها لابسه دراعه كانت عند عمتها..وتعرفين سوالف الحريم ..رغد فهمت ..صكيت من عندها وشغلت المسجل ..وكان أبو عبده يطرب ..((ليت ربي ماكتب لحظة وداع ..ولافراق ولادموع ولاضياع..ليت كل الناس خل مع خليله ..وكل ماقالوا النهايه الفراق ..قلت أحبه حيييييييييييل ....كلما أدفن خياللك ياعنيد ..تمطر الدمعه وينبت من جديد ..شفت وش سوى بي حبك يابخييل ...))مها سوري تأخر عمي ..بس شوي ادبت شيوخ .. لايكون طقيتيها؟؟مها عمي .. انا أطق؟؟ الله يهديك ..انا أكسر العظام .. عاشت بنت اخوي..مها الله يسلمك ..طلعت الشريط ..مها عمي من يسمع محمد عبده؟؟ الله يهداك عمي ..عاصي الحلاني موجود وانت تسمع هالاشكال .. حدج ..بوعبده ماارضى عليه انتي وهالاشكال اللي يبتيها معاج ..طلعت الشريط وحطته ..وبدا الصوت الجبلي ..بأغنية عذبوني . الاغنية ماكانت سيئة بس ماحبيتها .. شوف اغنية غيرها ..مها اوكي عمي ..مالي صبر حلوة .. ماسمعتها ..وحطتها مها ...وبدت تقلب في دروج سيارتي ..مها محمد عبده محمدعبده محمد عبده ..عمي أشوف ماعندك غير أشرطته...لا ..فيه تغيير ..عبادي . عطاني هالشريط جاسم ريل عمتج ..لليوم ماسمعته..شيلي هذا عاصي وحطي عبادي ..مها اذا مو عاجبك بحط عبدالمجيد ..لكن هالجيل القديم مابحط .. وأنتي شايله اشرطتج معاج؟؟مها عيل شفايدتها؟؟ خلينا نستمتع بالطلعات ..طلعت الشريط وحطت شريط لعبد المجيد .. أي شريط..مها منت رايق ...أحب أسمعها عمي .. لا ...حطي شي فرفشه ..مها خلاص عندي ميامي ... تدرين ,,خليني احط الراديو احسن ..مها عمي انت مايرضيك شي .. عبدالحليم ..وش تبين أكثر من جي؟؟مها على حسب وداد جرحي يابوي راح أقول للزين سلامات ..سلمات ..سلمات .. بس انتي وصوتج النشاز ..بنمر مطعم ..ونشل عشانا معانا ..مها كل هذا علشان مدام رغد ماتطبخ؟ كل هذا علشانج يال ..ماراح أتكلم الحين ..بس لوتبين..أنزلج أشربج عصير لين مايخلص الطلب ..مها عمي لاتصير لي مثل طلال ..خذني في سيارة أبوي من شهر على أساس يشربني عصير شربني كرك من المعصرة وردني البيت .. لا لاتخافين عمج مابيشربج كرك ..بيشربج عصير فرش كوكتيل ..مها لا عمي أبي أيس كريم .. عسكريم؟؟ مها آيس كريم ..فانيلا .. يسمونه عسكريم هني .. ما أردج خايبه يالعرووس ..مها أحرجتني عمي ..بعد العسكريم .... لا ..تعالي شخبار الثانوية؟؟مها قربنا نخلص ..أنا قلت لابوي اني بدخل موازي من الحين ..مافيني شدة نسبة عاليه .. لا والله؟؟ بنت فالح هذا كلامها؟؟ تدرين أمج من كانت؟؟مها أمي؟؟ كانت مدرسة جغرافية .. أمج الله يرحمها ..أم طلال ..كانت طبيبة ..مها أمي أنا كانت طبيبة؟؟؟؟ اييه ..درست في الخارج ..هناك تعرف عليها ابوج ..لانه درس طب أول شي ..بعدين حول قانون ..مها أمي؟؟ اييه ..امج ساره..الله يرحمها ..مها ما كنت أدري امي جواهر ماتكلمت عنها ابد .. لانها ما تعرفها ..فالح تزوج وحده من بره العايله ..ناس غير كان لنا معاهم عداوة ..والوالد الله يرحمه ماحب نسبهم ...ليش أعور قلبج وأنا محضر لج مفاجأة ..مها الله ..أموت في المفاجآت أنا ..أرجوك عمي ..شالمفاجأة؟؟ بدر .. بيي بعد شوي لبيتي ..فجأة مهوي ام لسانين سكتت ..وهي مصدومة....ابلعت ريقها مها شلوووون؟؟ مفاجأة صح؟؟مها بس ..ما .. أدري أنا قلت لرغد تجهز لج بدلة من البدل اللي عندها ..وهي بتساعدج..مها بس عمي ..ما .. اش ...توج تشكين وتبين تكلمينه بدون حيا ..من وين نزل هالحيا عليج ؟؟ اسكتت مها وفجأة السوالف اختفت ..دخلت البيت ونقلت العشا المطبخ ..كانت رغد لابسه دراعه ..جنان ..روعه ..رغد قال لي يوسف يا المها انج يايه على غفلة ..تعالي ..عندي بدلة بتعجبج ..مالبستها للحيين ..كانت هديه من أختي وما يات مناسبه ..وأنا متاكدة انها بتيي قياسج ..المسكينه مها لسانها اختفى ..ربع ساعه ووصل بدر ..بدر كان وسيم ..أسمراني وخشمه حاد مثل السيف ..وعيونه ناعسه ..وحواجبه مرسومة بدقه ومعقوده ..له عارض مخليه شوي رزه .. هلا بدر ..تفضل البيت بيتك ..بدر هلا ولد عمي ها بتوريني عروستي؟؟ انطر شوي تقهوا عندنا بعدين نطلع لك البنت ..شالعيله..بدر ولد عمي أكيد هي شافت صورتي ..ها شقالت عني؟؟ قالت شلون هو بهالسمار وهالجكر ومسمينه بدر؟ عيل لوكان حلو شيسمونه؟؟ جيكر؟؟ بدر من صدقك؟؟ لا ..أمزح معاك ..البنيه للحين نونو ..توها في السبعطعش شتبي يطلع منها؟ بدر ولد عمي برد لي قلبي أرجوك ..هي راضيه فيني؟؟ بقولك شي واحد ...اليوم سمعتها تتفداك ..بدر لا والله؟؟ صدق؟؟ زيين ..الحمدالله ... ابتسمت على ابن عمي المسكين ..الحين تطلع المها ..ويشوفها ..المها حلوة ..عيونها وساع وخشمها دقيق |..ولها براطم مثل اليسا ..يالله شيبي بعد هذي الموضة .. خليني اشوفها ..طلعت ..ودخلت الغرفه كانت صج روعه ..لابسه بلوزة تركوازي مع تنورة بيضا ..لها حزام فضي ..والتنورة فيها كسرات ..وفاتحة شعرها ومسدلته على ظهرها ..واصل لين نص ظهرها ..ومكياجها متركز على عيونها .. وااااااااااااااااااااااااو ..صرخة اعجاب لج يالمها ..المها مشكور يا عمي ..بس محرجة من عمتي رغد ..كل هالفن وهالدقة ماشاءالله عليها ..رغد بس للأسف نسيت عطوري في بيت أبوي مع شنط السفر ....والمها ماشايله عطر معاها ..مها كنت شايله الله يغربلج ياشيخه خذته مني .. والحين؟؟ لازم العطر يعني؟؟مها عمي فشيله ..تذكرت شي ... لحظة ..دخلت لغرفتي ..دورت العطر ..أذكر اني شريت عطر ..لقيته ..ما اذكر اني حطيته في هالدرج ..رجعت لغرفة رغد خذي ..مها وااااااااو ..ريحته فظيعه ..همممرغد اييه ..يديد . ..حطي منه ..تراني جهزت العشا ..تذكرت احساسي أول مرة شريت من هالعطر ..مها روعه يا عمي ..روعه ..انا جاهزة .. اللي يشوفج الحين ...مايقول انتي نفسج اللي من قبل شوي ترتعدين من الخوف ..مها عمي كنت خايفه اني مب مجهزة نفسي .. عنبوج ماتستحين؟؟ مها لا عمي المستحى موضة قديمه .. نزلي قدامي لا احذفج من على الدري ..صج اللي استحوا ماتوا .. نزلت مها ..وتميت معاها وأنا أشوف نظرة بدر المعجبه فيها ..والمذهولة ..بدر ها ابن عمي بتظل ويانا ؟؟ شرايك؟؟ وين أروح؟؟؟ بدر يقولون انك متزوج ..حس فيني شوي...اتركني اتكلم مع زوجتي بحريه .. عشر دقايق بس ..بطلع اشوف المدام جهزت للسفر بكره ولا لاء..بدر الله معاك ..طلعت لرغد وانا مبتسم جهزتي نفسج؟؟رغد خذيت اغراضي البسيطه اللي باخذها معاي وخليتها في بيت هلي ...علشان اذا مريناهم بكره .. وليش نمرهم؟؟رغد اذا نسيت ترانا معزومين على الغدا عندهم ..تذكرت ان صالح اتصل فيني امس وعزمني ..رغد عطر مين؟؟ عطر اشتريته ..رغد ممكن اسال لمين؟؟ لي ..نزلت تحت .. احم احم هابدر ..تفاهمت مع مرتك..بدر اييه وقالت لي تبي الشبكه الماس ..انحرجت من مها الخبله اي عروس هذي اللي تطلب من عريسها هالطلب في اول لقا؟؟ وأنت وافقت؟؟بدر اكيد لعيون المها الغالي يرخص ..زين يلا رغد انجبت الغذا ..تفضل للصالة الثانيه ..بدر يعني ما اقدر اتغدى مع زوجتي؟؟ لا تغدى في بيتها بعد الامتحانات ..يلا قوم ..مها عمي عمتي رغد فوق ؟؟ثاني مرة تقول عمتي ..مابقى الاهذي تقول لها عمتي؟؟ قولي رغد بس بلا عمتي ...روحي لها تلقينها فوق ...لحظة بتصل انا في المتدربه نسيت اقول لها تروح للمحكمة بكره ..اتصلت في ليال ..اللي طوال الاسابيع اللي راحت وهي تشتغل بجد ..ومرابطة في المحاكم ..ليال نعم استاذ يوسف؟ بكره روحي المحكمة بروحج ..بينتظرج عيسى المحامي هناك ..احضري معاه المحاكمة ..واكتبي شصار في تقرير لما ارجع نتفاهم..ليال حاضر استاذ تروح وترجع بالسلامة.. مع السلامة...مها عمي بدر راح للصالة الثانية من زمان..الحقه قبل لايخلص الاكل ... هذا ريلج مب اخوج علشان تتكلمين عنه جذي الناس تقول بالعافيه ..تركت جهازي ورحت الصالة الثانيه ...بعد العشا ..استأذن بدر وطلع .بعد ماقعد ساعه ثانيه مع مها ..ومرت شيخة .. مها شيخة عند الباب تنطرج ..مها الخايسه ماتنزل تسلم على رغد ..رغد اكيد انتي كسرتي لها عظمتين ولا ثلاث ,,,,مها زين ليش ماتبين بدلتج والله انها راهية ..رغد قلت لج ماتغلى عليج وأنتي لبستيها اول مرة ..وخلاص مكتوبة لج اعتبريها هدية ملجة ..مها والله اني مستحية منج ...أنا عندي مب قاصرني ..بس ماكنت حاسبه حساب كنت عند عمتي منال في زيارة ساعية .. لا والله شاطرة تملين هالشنطة اشرطة ..مها عمي ..أرجوك لاتغلس علي تراني فرحانه .. تفضلي ..اختج بتاكلنا الحين ..مها الله الله ...كل هذا ياعمي علشان تصيير مع رغد بروحكم؟ يا فاصخة الحيا ..يلا يلا بره ..اختج ناطرتج ..بنات آخر زمن ..يلا ...********************************* بعد الغدا ..رحنا المطار ... آسف أخوي ..في عليك منع سفر ... شلوووون؟؟ الضابط الظاهر عندك قضية او شي ...رغد اخوي لازم نسافر هالاسبوع ..الضابط وأنتي اختي الجواز بكره ينتهي مدته..لازم تجددين ...سكتت وأنا أسمع اعتراض رغد ..اسبوع ويكمل الطفل اربعة اشهر ..رغد حاولت بكل الطرق انها تطيحه بس سبحان الله ...الظاهر مكتوب لي اصير ابو ...وبطفل من رغد ..القضية يمكن تكون السيارة اللي سوت فيها ليال الحادث ..انا ماتابعتها بس حذفتها في الكراج ... خلاص رغد ..رغد خلاص ايش ..كلها ساعات ونرجع ..أرجوك يا اخوي .. خلاص ..خلينا نرجع السيارة ..رغد بس .. خلاص ..مكتوب لنا ..وأنا ما اعترض على مشيئة الخالق ..اسكت رغد...وماتكلمت ............طول الطريق واحنا ساكتين . التفت لرغد اللي كانت دموعها على خدها .. ليش تصيحين؟؟رغد ولا شيء .. اذا على الياهل ..مافي مشكلة ..أنا مب معصب ..زادت دموعها ...سكت ...وماعلقت ...حطيت محمد عبده ...سير علينا ياهوى . احب هالاغنية وايد ..غريبة ..محد اتصل فيني من امس؟؟؟ وين الجوال؟؟دورته في جيبوبي مالقيته ..وفي دروج السيارة مب موجود ..وين راح؟؟ وصلنا البيت راحت رغد لغرفتها ..وأنا ميت أدور الجوال وين اختفى ... آخر مرة كان عندي ..لما كلمت ليال ..وين حطيته ؟؟ كنت ؟؟وين؟...دخلت الصالة الاولى ..ولقيته على الطاولة . الرسائل الواردة =4أنا مب حيل مع المسجات ..من مطرش لي أربع مسجات مرة وحده؟؟المسج الاول ( فديت قلبك يا غرام الليل ... ياللي قلبي من هواك عليل أحبك موت يا نجم سهيل .. يامن كنت لدروبي دليل .. ) ماكانت الابيات هي الصدمة!!!! الصدمة كانت من المرسل!! ليال!!!!!!!!!!!!!!!!!!!!!!!!!!!!!!!!!! المسج الثاني ..( تسافر وترجع لي بالسلامة ....))من ليال بعد!!!!!!!!!!!!!!! المسج الثالث (( صباح الخيير )) من ليال ..المسج الرابع (( حلم وتحقق لي ..غلاك في قلبي في غرفة الانعااش ...تصبح على خيير ..))من ليال !!!!!!!!!! حسيت أني عطشاااااااااان من كثر ما كنت أشهق ..ليال؟؟ لحظة... في مسجات ثانية بس مفتوحة ..قرأتها وأنا منصدم...( وانت بتوحشني اكثر ..)( فديتك ..) ( كنت كاتمة في قلبي طول الوقت ..ويوم عرسك كان يوم مماتي )( ليش كنت بهالقسوة )( وأخييييرا كلمة طيبة منك؟؟ توقعتك ماتعرف هالدرب)(نعم استاذ؟؟ ..)كانت الصاعقة ..ماكان مني إلا رحت الرسائل المرسلة ...وكانت الصدمة الثانيه!!!! كانت مسجات باسمي لليال ..كلها حب كلها غزل .....معقول ؟؟ أنا في حلم ولا كابوس!! من يسوي جي؟؟ من ؟؟ وليال؟؟؟ معقولة هي سهلة بهالدرجة؟؟ وتحبني من زمان؟؟ قمت من مكاني وأنا مختبص ..ورحت شربت ماي بعد ماكنت حاس بجفاف شديد في حلجي ..من يمكن يسوي جي ؟؟ من امس أنا رحت غرفتي على طول ورغد نفس الشي ..من؟؟ مهوووووووووي!!!!! هي اللي خليتها في الصالة وطلعت .. ركبت السيارة وطلعت ...واتصلت فيها ...مها هلا عمي .. عمت عينج يالحمارة ....مها ها عمي ..مستحي مني اني كشفت علاقتك بلي.. يالخايسه يالنذلة ..والحين شسوي؟؟ من سمح لج انج تمسكين جوالي ..وليش تطرشين هالمسجات البايخة وحطيتني في موقف محرج مع المتدربة؟؟ مها عمي والله ماكان قصدي بس هي ردت علي بطريقة خلتني اجرجرها بالكلام.. متى كان هالكلام؟؟مها وأنتوا تتعشون ..ورغد كانت فوق ..وأنت محرج عليها ماتنزل ... والحين ؟؟ شسوي ؟؟ وهالمتدربة والموقف المحرج اللي حطيتيني فيه؟؟مها عمي والله ماكان قصدي! لا تحلفين جذب يالجذابة ...بصكر الحين والله بس أشوفج بكسر لج راسج ..مها عمي فدييتك ... من قدك المتدربة المسكينة طايحة في ...صكرت التلفون في ويهها ...وأنا أغلي نار ... وحيرة ..الحين ليال شلون بمشي معاه الحال؟؟ وبعد تفكيير ....بخسر وايد اسماء في تلفوني خليني أنقلها على ورقة ...بعدين ..بس الحين لازم اتصل في سمير ... مافي غير هالحل ....و نزلت عند اول دكان .. اتصلت في سمير .. سميير ..سمير نعم استاذ ... بلغ ليال ان تلفوني انسرق ..اوكي لاتبي تكلمني او تطلب مني شي ..خل تطلبه منك وأنت تعرف شلون تلاقيني ..سميير ومن سرق تلفونك يابيه وامتى؟؟ أمس العصر ..ومن سرقه هذي قوية بلحق أصكر التلفون والغي الاشتراك من كيوتل ..وبعدين بطلع تلفون ثاني .. شوف خبرها الحين ..اوكي؟سميير حاضر يابيه ..وحضرتك في الطيارة دلوقت؟؟ لا السفر تكنسل مافي سفر ... بكره اشوفك في المكتب .مع السلامة ...سمير حاضر استاذ ..مع السلامة .. بقيه اليوم قضيتها في القهوة وأنا بالي مشغوول ...بليال ... اتخيل الاحرف وموقفها ...ليال ..ماتوقعت ..والحين شلون أواجهج؟؟ ...مشاعرج تجاهي غلط ..وأنا ما أشعر بشي نحوج ..يمكن شوية اعجاب ..بس لا اكثر ..معقولة ماصدقتي اني أعطيج ريج حلو فضحتي نفسج؟؟ لكن المسجات اللي طرشتها مها الحمارة ماكانت هينه ..صج حمارة ..************************* متى تعرس؟؟سعد وين تبيني احط زوجتي؟؟في الشقة؟؟ ليش وين بيتك؟؟سعد انت اكثر واحد يعرف.. والله اهل غير الناس ...انت قلت لي ليش ما تباها؟؟سعد ما ابي ..بس! جي.. زين التحليل وش يقول؟؟سعد ماشي غير فقر دم حاد ..بس... وذابحني تعال من الصبح النتيجة طلعت ..سعد احسك مو طبيعي ..فيك شي .. اسم الله على عمري سعد الظاهر ماعندك زباين وتبي تتدرب علي علشان ماتنسى اللي تعلمته!سعد لا والله ..بس انت نزلت في وقت قياسي .. انت مب مسوب ريجيم..شوف ويهك! صاير جلد على عظم المفروض وزنك تسعين .. انا ما يكون لي نفس اكل ...سعد وتشتهي تاكل شي وتلوع جبدك الصبح؟؟ مبرووك يالشيخ انت حامل .. مب انا المدام حامل ..سعد صحيح؟؟ وهذي آلآم التعاطف؟؟ من صدقي اتكلم المدام حامل...سعد مبروك لك....والله يعينها .. زيين ليش ماتاخذ بنت عمك وتيب لنفسك ولعايلتك وريث!سعد انت آخر واحد يتكلم ..لا تنصح ..ما اشوفك متهني ..و تزوجت وانتي في عمري الحين ..بالغصب لولا رشود الله يرحمه توسط لك ماتزوجت ..أبد .. تدري ...مع السلامة ..أنا عندي مكتب لازم أروح له ..سعد زيين . بس خلني اسوي ... لا تسوي اي شي .,.الحمدالله مافيني شي ..مع السلامة . الله يغربلك يا سعد من الصبح داق علي تعال ..عندي مكتب ..بايات ..سعد مرني هب تقطعني ... باي أشوفك في الديوانية .........باااااي ..سعد هذا اذا مريت يالغالي ..طلعت وأنا محتار ..شلون بقابل ليال ..بأي وجهه ؟؟ وجهه الخجول ولا الامبالي ولا الوجه القاسي .. شكلي بواجهها بالوجهه اللي ماشافته من ثلاث أسابيع .. الوجه القاسي ...بالاحرى يوسف الثور ..دخلت المكتب سمير من الحمار اللي موقف سيارته في موقف سيارتي؟؟؟(( طبعا الجواب ليال ..لكن ..لازم )) ليال أنا يا أستاذ!! دارت فيني الدنيا وحسيت قلبي يدق بقوة ..بقوة ,,ليش ؟؟ مب أول مرة أسمع صوتها ..ولا أول مرة أقابلها ؟؟ .. ارتبكت .. مرة ثانية لا تتجرأين وتحطينها مكان سيارتي ..(كان صوتي أهدى بشوية )سمير في مواقف كثيرة يا بيه .. عاد قول للي ما يفهمون هالكلام ..الموقف لسيارتي أنا بس فهمتوا ولا اعيد!! سمير حاضر استاذ ..للأسف ..خذلت نفسي ..وتكلمت بصوت شخص هادي .. ارتباكي كان مبين .. ليش ؟؟ بس لاني اكتشفت انها تحبني ؟؟ ولا ..ولا ايش ؟؟ القسوة القسوة .. أنا أكره الحريم ..ومب وقته اعيش نفسي قصة حب .. لا ..ومع مين؟ هالليال ..اللي لا لها حد ولا سند يتحكم فيها ..وتخاف منه ...لا ...ليال استاذ ..كم رقمك الجديد؟؟ ما ...طلعت .. للحين اليوم بروح وبشوف .. من انسرق وأنا محتاس ..ليال من متى انسرق ؟؟ اول أمس العصر ..ليال بس يا استاذ انت مكلمني من تلفونك اول أمس فالليل !طبعا كانت الصمت ردي .. نسيت أني كلمتها قبل لا اطلع من الصالة ..الحين شقول لها؟؟ متأكده؟ ليال هييه ..متأكده ..الساعة ثمان وخمس وعشرين دقيقة وثلاثين ثانية اتصلت فيني وقلت لي اروح المحكمة مع استاذ عيسى .. بللللللللللل حافظة الوقت!! ( كنت قاصد افكر في نفسي )ليال انا شيكت المكالمات الواردة ولقيت هالوقت بالضبط ..أنا مايبت شي من عندي ..اكتشفت اني تكلمت بصوت عالي .. دقتج ممتازة وفي محلها ..وأشجع فيج قوة الملاحظة اللي كنت تفتقرينها بداية تدريبج ..و...كنت برقع وأتكلم أي كلام يضيع الموضوع ....لكن ليال قاطعتني .. استاذ ..اذا منحرج من المسجات اللي بينا وتبي تتهرب مني ماله داعي تقطع تلفونك لاني ماكنت في وعيي وأنا أطرش لك ..ارتبكت زيادة وطالعتها باستغراب أي مسجات؟؟ أنا من النوع اللي مايحب المسجات ..وما أطرشها لحد الا لوقت الضرورة ..ليال المسجات ...غمضت عيوني وفكرت لدقيقة ..لاء يعني لاء .. وأنا أعض على شفايفي بنفاذ صبر أي مسجات آنسة ليال؟؟ انا تلفوني من اول امس ضايع مني ..بس ذكرتيني .. أنا يمكن كلمتج وأنا في مقهى ..يمكن نسيته هناك ! الحمدالله اسعفني ذكائي لاول مرة ودبرت نفسي .ليال .............................................. عن اذنك استاذ . ماكانت في وعيها؟؟ ماكانت في وعيها؟؟؟؟؟؟؟؟؟ يعني سكرانه ؟؟ ولا محششه!؟سوت كل هذا وهي مب صاحية ..؟ عيل لو صاحية شتسوي ؟؟ سمييير تعال بسرعة ..سمير حاضر استاذ .. دور لي أي محامي يستقبل ليال عنده ..أنا هب قد هالمسئوولية .. سمير استاذ ..بس .. لا تبسبس ..ماني قطو ..سمير أول أمس ماكنش في حاجة تعصبك كده ..حصل اييه؟؟كنت راضي عليها! لا أول أمس ولا ثاني أمس هو اللي عصبني عليها ..بس أنا اكتشفت اني ماني قد هالمسئوولية ..ويمكن هي مب قد هالوظيفة ..سو اللي قلت لك عليه ..وخلينا نرجع مثل قبل . مرتاح بالنا ..سميير ححاول بس مش هوعد .لان تقريبا كل المحاميين متنصلين من المهمة دي ..حسأل استاذ غانم .يمكن ..يوافق .. تفضل لمكتبك ..دقايق ..ودخلت ليال بدون طق الباب ..ليال أستاذ أنت وعدتني ...وطول هالاسابيع وأنا أشتغل بضميير ..مستحييل تتتخلى عن وعدك .. ليال ..ما أقدر ..بوصي غانم ولا محمد ولا صالح أي محامي أعرفه فيج ..لكن هالمكتب مب محتاج لج ..ليال استاذ ..انت وعدتني ..وأنا تحملت كل هالاشهر ..وماباقي شي وأنت قلت لي من سيومين ان شغلي بدي يصير ممتاز ..شاللي غير الحال .. شوفي ..دوام الحال من المحال ولاتزعجيني بسالفة الوعد هذي ..ليال ان كان على المسجات ..أنا آسفة .. كل ذنبي احبك ..بس ..نزلت عيوني ..وأنا متفاجأ من اعترافها ... بس أنا ما ابادلج الشعور ..والمسجات مب أنا اللي طرشتها لج ..كانت لعبة سخيفة من بنت اخوي وأنا كنت مشغول عنها ..فما كنت أدري ..نزل كف ناري على ويههي .. من يد ليال اللي كانت الدموع مغرقة عيونها ..وهي تكتشف أن تم تلاعب لا انساني بعواطفها .. مب معناته انج مرة اني ما اقدر ارد لج هالكف .. لكني محترمج في مكتبي وفاهم موقفج .. وأنا نفسي ماحبيت أعرضج لهالموقف وقلت لج ان تلفوني مسروق ..ليال ..لمي أوراقج ,,تفضلي من مكتبي ..لانه يتعذرج .. ليال أستاذ يوسف .. ما بطلع من مكتبك إلا اليوم الي أعلن فيه براءة ابوي الله يرحمه ..وجلست على كرسي قدامي ..وهي كاتمة دموعها ..حسيت أن قلبي هو اللي تكلم مب لساني موافق ..برافع فيها ..وبحاول أطلعه براءه ..بس ..تفضلي لمكتبج ..أول ما طلعت حسيت ان خدي جمر .. قلبي يدق بقوة بقوة ..مادق جذي من ...أيام ماكنت أحب جواهر !! لاء ..يعني أنا أحب ليال ؟؟ لاء .. لاء ..لاء ...ماني ناقص قهر ..ليال ...آآآآآآآآآآآآآآآآآآآآآآآآآآآآآآآه ...حسيت ببروده في أطرافي ..بس أكثر شي عور قلبي دموعها ..شفتها مكسورة لاول مرة في حياتي ..لاء .. قلت مافي حب ياقلبي ...لاتنسى المصايب اللي مكرت عليك من ورى الحب ..ماتتحمل زياده ..لاء .. ليش أنا منتفض جي؟؟ أكرهكم يالحريم ..أكرهج يا جواهر أكرهج ياليال ... أكرهج يا رغد .. سميير ,,سمير نعم استاذ .. تعال .. ..سمير مزمزيل ليال طلعت ... ادري . وأنا شدراني ؟؟؟بس ردة فعل طبيعيه للي في موقفها ..سميير بنستأنف قضية قديمة ,,بالاحرى ميته .. صاحبها ميت بس نبي نثبت براءته ..انا الحين بطلع بس كلم سكرتير المحامي حمد ,, تعرفه ..حمد فارس .. وخذ منه أوراق القضية كلها وتعرف باقي المعاملات جهزها أنا بطلع ..لكن ..بكره ابيها جاهزة ..سمير قضية مين؟؟ خالد مشعل سعد..سمير أنا سامع هالاسم قبل كده ..بس يا استاذ فين ماشي؟؟ عندك مواعيد .. في محكمة اليوم؟؟ ما اعتقد لاني فضيت نفسي حق السفر ..متى طلعت هالمواعيد؟؟سمير استاذ أنا غيرت المواعيد لليوم .. ارجع الغيها واحجز غيرها ..اليوم مافيني مزاج للشغل ..سميير ليه يا بيه من امتى الشغل بالمزاج؟ مع السلامة .. طلعت من مكتبي ..ونسيت أن ليال موقفة سيارتها في موقف سيارتي ..كانت تصيح بقوة وهي حاطة راسها على السكان . ..انقبض قلبي بقوة ..بسببي ..هالدموع؟؟ معقول لهاالدرجة تحبني؟؟ شالغرور ..يمكن الموقف كان قاسي عليها؟؟ ليش ريولي ماخذتني ناحيتها ..ليش وقفت جدام دريشتها ؟؟ كانت السيارة كامري .لونها أحمر .. احم احم ..( سبحان الله بثقة كأن ولا شي صاير ..)رفعت راسها ودموعها مغرقة خدودها ..اعقدت حواجبها اكثر .وقالت بصوت مبحوح السسس...السيارة ماتشتغل ..وكانت تتنفس بطريقة مضحكة .. ضحكت ..غصبا عني مب بكيفي ..ضحكت وضحكت وضحكت ...طبعا نظراتها المستغربة وأنا متأكد انها تقول في قلبها الحمدالله والشكر هذا على ايش يضحك .. يعني الحين يا آنسة ليال بتظلين في موقف سيارتي غصب عني . لكن السبب الوحيد للضحك كان اني اطرد كل هالقلق اللي فيني وكل هالشعور الغريب ... يا مسكينه ..قومي .. ليال بروح بتكسي.. قومي بوصلج بسيارتي ..ليال لاء .. قومي ..فتحت الباب ان مانزلت بيرج من ايدينج ..نزلت ...وماقاومت اني مسكت يدها اللي ارتعشت من لمسة ايدي ..ليال شفيك ماسكني جيه مقبوض علي ..ابتسمت ...ليال لا تبتسم ..ترى اللي فيني كافيني ..وما اتحمل منك كلمة .. تعالي .. فتحت لها الباب ..اركبت سيارتي ..ركبت ..وأنا ملامحي فجأة قلبت للجاد ..لين نص الطريق والصمت هو الحديث المسيطر ..شغلت المسجل ..وكالعادة أبو عبده ..((اعترفلك اني فعلا ما عرفتك...ما قدرت اوصل مع قلبي لحل وما فهمتك..تجمعين الضد في كل الامور راغبه مره ومره مثل نور..تشبهين ايام اوراق الخريف..تمطرين احيان احساسك زهور..صدقيني صرت من بعدك اخاف واعترف ان الخلاف...))بندت المسجل بعصبية ....انتبهت لها ليال ..وقالت وهي مبرطمة زين بندته ..ما احبه .. ممكن نفتح صفحة بيضا ؟؟ليال صفحة بيضا!!! اذا هان عليم الموقف اللي استوى ترى لي كرامة وما هان علي ..يكفي اني ... بتعطيني محاضرة آنسة ليال؟ بنت اخوي الخبلة هي اللي العبت في عواطفج ولا انا مستحيل أسوي جي..ليال يعني ما يحق لي ؟؟ ما املا عينك؟؟ نسيتي اني متزوج؟؟ليال اييه فضالة رفيجك ...مسكت بريك قوي وقفت على جانب الطريق ...هالكلمات اللي قالتها اصرعتني ... نعم!!!ليال أعرف كل شي .. تذكر يوم يت المكتب طلبت مني اني اروح . بس انا ما رحت ..وسمعت طراطيش كلام بما معناه ان راشد قص عليها ..بعد بفترة حضرت عرسك ..وحسيت اني شايفه زوجتك بمكان ..بس ما اسعفتني ذاكرتي ..لين نطقت اسمها مرة ..وربطت بين الامرين ..ما تكلمت ..ما اقدر انكر وبنفس الوقت ما اقدر أعترف ..ليال لاتعصب ..بس ..شلون قدرت تتزوج وحده عرفت غيرك .. بس اسكتي .. ظنونج كلها غلط يا ليال ..وزوجتي انسانة محترمة ..ما اسمح لج بالغلط عليها ..ليال ليش تدافع عنها ؟؟ يوسف .. بحياتي كلها ما كنت بهالجرأة ..بس .أحس أنك مظلوم ...بالزواج منها .. لما اشتكي لج ..تعالي وتكلمي ..وبالنسبة لزوجتي ..انتي غلطانه اللي ياتني المكتب ما كانت هي ... كانت وحده اسمها خلود ..ليال أنا متأكده ...قاطعتها آنسة ليال ..لو سمحتي .. اللي تسوينه اسمه قذف المحصنات ..وأنا زوجتي الحين حامل ..وهالكلام لا وصل لها بيستوي شي للجنين فبقاضيج ..سمعتي؟؟ليال أستاذ يوسف .. لا تكابر ..أنا أعرفك ..ما تقدر تكذب علي ..أنا أقرى عيونك وأعرف ..وكافي انك ماتحط عينك في عيني ..وأنت تتكلم الحين .. لاني مب طايق شي منج ..ليال نزلني ..هنا ..وأنا بآخذ تكسي .. ما طلبتي شي ..تفضلي انزلي ....نزلت ..بس أنا ما حركت لين تأكدت انها ركبت تاكسي .. اللي صار اليوم أقسى من أني أتحمله ..رجعت البيت ..حطيت راسي على مخدتي ونمت ..ولما فتحت عيوني ..رغد صح النوم .. كنت بس بآخذ ملابسك أغسلها ..ما قصدت أزعجك .. ما أزعجتيني ...أنا اكتفيت .. ذكرتني رغد بشغله ..اعتزمت أيب لها خدامة .. ووصيت واحد من الربع يشوف لي هالشغلة ..نزلت تحت وأنا بثوب النوم ..ويات رغد ..وحطت لي الجاي والقهوة ..رغد رديت مبجر اليوم عسى ما شر .. المتدربة اللي عندي سوت لي حارج..رفعت رغد حواجبها ..رغد مع اني سمعت انكم سمنة على عسل . من قال لج؟؟رغد مهوي .. هالخايسة لاتطرين اسمها جدامي الحين ..والا نط لي عرج ..رغد ليش سصاير ؟؟ الجحودة جذي ترد لي الجميل اللي سويته فيها؟؟ فوق ما جمعتها بريلها سوت لي كارثة ..رغد كارثة ايش؟ قلت لها كل اللي صار بيني وبين ليال .. والسبة مها ..حسيت نظراتها اسرحت شوي ..رغد ما كان لازم تخليها تروح بتاكسي .. لو صار لها شي بيصير في ذمتك .. اقولج ارفعت ضغطي ..رغد يوسف .. المسكينه ..مالها ويهه ..اللي سوته مها مب شوي ..وأنت تصرف ..كان وايد مبالغ فيه .. مها الحمارة ..براويها بس اشوف ويهها ..رغد بس شكلها ذكية هالليال ..بتطلع محامية ناجحة .. أنا تعبت من السوالف .. بقوم ابدل ملابسي وأمر الديوانيه ..تبين شي؟؟رغد لامشكور ..الفصل الثامن ........********************* قلبي ينبض بشكل جنوني ..ما قلت لرغد شعوري تجاه ليال .. ليال هالإنسانة العادية في نظري ..بس أشوفها ينقلب كياني ..مستحيل ..ما أقدر . ..مستحيل ..أحس أنه ما في مكان في قلبي لها ..ولا قادر أتصل فيها وأكلمها مثل باقي الشباب ..المفروض أسوي جي دامها أعطتني الضو الأخضر ..ليش ما اتصل فيها الحين؟ مسكت جوالي واتصلت ... السلام عليكم ..ليال وعليكم السلام .. شلونج الحين؟؟ليال بخير .. للحين زعلانه؟؟ ليال ................. لاء .. ليال أنت تعجبيني بشكل جنوني ..بس اللي قلتيه اليوم عن زوجتي ماعجبني ..ليال آسفة أسحب كلامي وبالنسبة للإعجاب احتفظ فيه ما أحتاجه .. احتفظ فيه؟؟ المهم ..ليال ممكن .. أشوفج؟سكتت ليال ..وما ردت .. خلينا نناقش قضية ابوج ..ليال ان كان هالعذر ..موافقة .وين نتلاقى؟؟ نتلاقى في مطعم ..سمي المطعم اللي تبينه واختاري قسم العائلات ...واقابلج هناك..**************************مريت محل عطور ..وشريت عطر انريززتبال من جفينشي ..وطلبت من راعي المحل انه يغلفة ..ومريت محل الورد وأخذت وردة حمرا ..حطيتها في الكيسة مالت العطر ..رحت المطعم اللي بتكون ليال موجودة فيه .. دخلت ولقيتها تنتظر ..كانت لابسة نظارتها ..وحاطة قدامها الملف ..حطيت الكيسة على جنب ..حاولت أنظم تنفسي .. السلام ..ليال وعليكم .. ملف ايش؟؟ ليال اوراق ..أعتقد بتساعدك في قضية أبوي ..بس قبل كل شي..أبي منك وعد .. وعد؟؟ ليال اييه ..قل أوعدج .. وأنا شاللي يضمني انج ماتطلبين مني شي ما اقدر عليه ..ليال بس اوعدني ..وصدقني هالشي تقدر عليه .. أوعدج ...ليال أبي أرافع في هالقضية .. انتي خبلة؟؟ توج مبتدئة ..ليال خلاص انت وعدت .. ولا بتتخلى عن وعدك؟ أشوف بعدين ..المهم ..شلت عن عيونها النظارة ..وتفاجأت من حركتي ..التقت عيوننا .... ماكانت حاطة شي من المكياج ...بس الهدب حول عينها من كثافته كأنه كحل ..غرقت في هالجمال الرباني ..واستسلمنا لتنهيده .. نزلت ليال عيونها ..وطاحت دمعة على الطاولة .. ليال ..لا تصيحين ..عيونج حرام تصيح ..ليال بس أنا مب مالية عينك ..وانت ما تتنزل وتفكر فيني .. ليال ..ماقصدت هالكلام ..بس بما ان العلاقة بينا زمالة ..ما حبيت أعلقج في أمور تعقد الامور زيادة ..وإلا أنا ..معجب فيج ..ليال انت معجب فيني؟؟ تحاول تقنعني بهاالكلام؟؟ ليال ... أحبج ....دهشتها وذهولها ..خلوها أحلى وأحلى...عيونها فيها بريق غريب ..قلبي في أسعد لحظاته ..ليال وزوجتك؟؟ هي زوجتي ...ليال وأنا ؟؟ انتي اللي اكتشفت اليوم انج متغلغلة في كياني..اليوم ..اتضحت مشاعري ..ليال يوسف .. انت سامع نفسك؟؟ ورجعت الدموع لعيونها .. لا تصيحين ..لاتصيحين ..ليال يوسف ..انت ...سامع نفسك؟؟مشيت دموعها بأصابعي .. وبعدين بست أصابعي .. دموعج ..غاليه ..لا تصيحين..ليال يوسف ..انكسرت مرة ما أبي أنكسر مرة ثانية.. لاتقولين جذي ..قولي انخدعت مرة .... لكن الحين محد يخدعج ,,الكلمات تطلع من شفافي برضاي ..ليال بس أنا ما أرضى أحب شخص يحبني لجمالي..ضحكت لو أني حبيتج لجمالج ..كان صارحتج بهالشي من اول يوم ..بس ..أخيرا تربعتي على عرش قلبي ..بوجودج ..وجمال روحج ..وذكائج ..وأحلف لج .. من زمان ما تربع هالعرش احد..ليال صدق؟؟ صدق ..ليال وأنا حبيتك من اول ساعة شفتك فيها .. وكنت أتعذب كل يوم وأنت تزيد في تحقيري ..بس ..حسيت اني صرت طموحة أكثر بس علشان أثبت لك العكس ..بس اليوم الصبح ..صدمتني .ويوم اتصلت فيني كنت أصيح .. حياتي ..ليالي عمري .. خلينا نطلع ..ليال وين نروح؟؟ أي مكان تعالي في سيارتي ..وخلي سيارتج ..ليال ييت في تكسي .. تعالي عيل ..مسكت يدها وشلت الكيسة في اليد الثانية ..كنت في قمة فرحي ..لأول مرة من زمن يتغلغل هالشعور فيني ..ركبنا سيارتي .. وصرت ألف في الشوارع وأنا أتكلم معاها ..وبدت بينا علاقة حب ..طولت كثير وأنا أتجاهلها .. هاذي لج ..ليال أنا؟؟ اييه ..لاتفتحينها الحين ..افتحيها بعدين ...ليال ليش يعني؟ ما أحب هاللحظات ..أحس بإحراج ..ليال علشان الشكر والمدح وهالسوالف؟ تقريبا ..ليال يا سلام ..يوسف .. ..أنت تحبني ؟؟ ماني راد عليج ..لأن هذدي المرة العاشرة اللي تسأليني فيها هالسؤال ..ليال أحس أني في حلم ! اصحي ..أنا نفسي هب مصدق نفسي .. من لحظات كنت ما ابيج تدخلين حياتي ..والحين ..العكس تماما .ليال وأنا مب مصدقة أني أكلمك مثل ما كنت احلم دايما .. أخاف بأي لحظة تيي العنود وتصحيني وتقول الساعة ست الصبح ..قومي .. أوصلج البيت؟؟ليال لا ..عند أقرب رصيف نزلني وبرجع بتكسي .. مب الحين ..ليال يوسف ..صار لنا ثلاث ساعات مع بعض ..أنا مب متعودة أغيب كل هالوقت.. تعودي ..ليال أنت قد هالكلمة؟؟ اييه ..لأني كل يوم بعد الدوام بطلع معاج ..ونتمشى ..ليال وشقول لأمي؟؟ قولي لها انج تناقشين معاي قضية أبوج ..ليال ذكرتني ..شيصير بعدين؟ بخصص لها ساعة من الدوام الرسمي ..وحاليا ..بستأنف ..بس خليني أدرس القضية .. ليال ادرسها معاي .. اوكي بكره الصبح ..ينتكلم ..ليال زين .. الحين ..وصلني لرصيف قريب التكاسي في هالمنطقة وايد ... اوكي هذ ا تكسي وراني بعطيه اشارة يوقف ..*********************** اسبوع كامل مر ..وعلاقتي بليال ..صارت أقوى ... علاقة حب بريئة ..نتبادل النظرات في المكتب ..وبعد الدوام نتمشى في السيارة نتغدى مع بعض ونسولف باللي سويناه في حياتنا العادية ..بس للحين ..قلبي ما وثق في ليال ..ما أعرف السبب ..رغم أنها أقرب لي من رغد ..بس وثقت في رغد وقلت لها كل شي عن نفسي ..لكن ليال ..ماقلت لها شي .. لاني أحس أن نهاية علاقتي فيها بتكون قاسية ..ليش ..ما أدري .. أعلنت رغد خبر حملها للعايلة ..والكل بارك لي ..لأول مرة أفرح بهالخبر ..لأن الكل فرحان لي ..ولأول مرة أنسى كل اللي سوته رغد ..اللي ازدات جمال مع الحمل ..وفي يوم من الأيام .. رغد أحس أن قلبك مو معاي .. ليش من متى كان معاج؟رغد قصدت أن تفكيرك مب معاي ..كل مرة تكون غير .. شلون غير ..رغد على الأقل لما كنت تطالع لي وأنت تتكلم ..أعرف أنك ماتفكر في شي ..لكن ..من ييت من الدوام وأنت شارد. .تسرح الشاي برد ..وماشربته .. يوسف في شي مضايقك؟؟ كنت أفكر أنج زدتي حلاة ..بس ..رغد مستحيل يكون هالشي هو اللي في بالك.. صحيح..مب هالشي هو اللي في بالي .. كنت أفكر في قضية ..وشلون ببرئ صاحبها ..رغد هو برئ؟ ما أدري ..المصيبة مافي شي يدل انه برئ ..بس لازم أبرئه ..لاني وعدت ..رغد قضية ايش؟ قتل..رغد صاحبها بينعدم؟ صاحبها مات ..بس أهله يبون يبرئونه.. رغد اذا كان برئ الله مابيضيع حق المظلوم ..لكن اذا كان مذنب ..للأسف ما بيدك حيله ..اعتذر من اهله ..خل يشوفون محامي ثاني .. في عندي صديق مقرب من الجاني ..المرحوم ..بقابله بكره الصبح ... واذا أكد لي ان المرحوم كان مذنب بتوهق ..رن التلفون في هاللحظة ..وقامت رغد وردت ..ضليت أفكر في القضية ..قابلت أرب أشخاص أكدوا ان أبو ليال مذنب ...وقابلت الشهود اللي اشهدوا في القضية ..ونفس الشي ..أكدوا أنه مذنب ..الأمل انشاءالله يكون بكره ..أشوف عامر ..صديق خالد المقرب جدا ..ويشرح لي القصة الكاملة ..رجعت رغد ويهها مخطوف مرة وحدة ... شفيج؟رغد خبر مزعج.. خبر ايش؟؟رغد استهدي بالله .. لا إاله إلا الله محمد رسول الله ..رغد فالح في المستشفى!نطيت على ريولي شلون؟؟رغد اتصلت فيني منال ..وهي تصيح ..بعيد الشر عنك والله يقومه بالسلامه ياته جلطة في المخ!دارت فيني الدنيا ..ما قدرت أوقف على ريولي أكثر .. فالح!! شلت نفسي غصب وركضت بدلت ملابسي .. وين هو الحين؟؟رغد في الطواري أيي معاك..لاتروح بروحك .. البست عباتها بسرعه .. ماله داعي تيين ..رغد يوسف ..أخاف تسرع .. احنا في مصيبة وحدة ..لاتخليها مصيبتين..وصحيح ..كان كلام رغد صحيح ..كنت وأتا أسوق يسرح فكري في الأيام اللي غلطت فيها على فالح..وبدون وعي أسرع ..رغد يوسف هدي السرعة كلها عشر دقايق ونوصل ..ولا تبي تودينا بوهامور! سرحت بأفكاري مرة ثانية .. شلون نسيت الأيام اللي علمني فيها فالح ..شلون قاطعته ..وليش ؟؟ هذا أخوي من لحمي ودمي والله ان صار له شي ما بسامح نفسي ..حرام ..عياله للحين صغار ..حرام ..لاء..يالله ...ارحمنا برحمتك يا رحيم .. فالح أخوي ... ورجعت لواقعي على صرخة رغد ... يووووووسف!!! أنت بخير؟؟رغد مم.. لحظة أنزل وأشوف شصار بعدين أرجع ..حسيت أن كتفي انرض بقوة ... كانت سيارة كريسيدا ... السلام عليكم يالشيخ ..أنت بخير؟؟ الريال اييه الحمدالله ..وأنت؟؟ الحمدالله ما صار شي ..طالعت سيارته ..كانت من جد كتضررة ..وسيارتي ولا فيها خدش...ومن حسن الحظ الشرطي كان قريب ..وبسرعه خلصت الاوراق والخطأ خطأي .. أنا بصلح كل شي ..بس ممكن أستأذن الحين ..زوجتي معاي وهي حامل وأخوي في المستشفى ..الريال أنا آسف ..تفضل ..الشرطي لاتنسى تراجع المرور .. ما بنسى ..وهذا كرتي ..أعطيت الريال كرتي وركبت سيارتي وعلى طول للمستشفى ..اللي مالاحظته أن رغد كانت شاحبه ..وصلت المستشفى .. يلا رغد ..رغد ما أدري ..بس أحس أني مب لازم أتحرك .. شفيج؟؟ رغد ولا شي ..بس حاسه بتعب خفيف ..على طول شغلت السيارة وحولت لمستشفى النساء والولادة ..رغم أنها توها في الرابع .. وعلى طول أسعفوها .. رغد ..رغد روح شوف فالح ..ومابيصير إلا كل خير ... في أمان الله ... أول ما رحت ..كان جواهر ومنال متجمدين..ومنصور وجاسم وطلال واقف ومكتئبين ..قامت منال منال يوسف ..زين ييت ..واحضنتني .. انشاء الله ما يصير إلا كل خير ..منال ليش تأخرت رغد قالت لي أنك موجود في البيت .. صار لنا حادث في الطريق ..ورغد الحين في مستشفى الولادة ..ما أدري شصار لها ..منال الحمدالله على السلامة ماكان لازم تخليها بروحها .. منصور اي يا أخوي ..المرة حامل ..والحين شيستوي فيها؟؟منال روح لها .. هي قالت لي أيي ..شلون فالح؟؟طالعت جواهر اللي كانت هادية ..وما تكلمت ..منال رجعت دموعها على خدها .. الحين في العناية ..يقولون حالته مب مستقرة .. سألت زين من ايش الجلطة؟؟منال ما أدري ..جواهر تقول الصبح ماكان فيه شي .. اتصلوا عليها من دوامه وقالوا لها انه طاح .. لا حول ولا قوة إلا بالله ...بروح أشوف الدكتور ..منصور حنا ناطرين من الصبح ..ولما يا قال ان الحالة مب مستقرة وممنوع دخول أي زوار ..وحنا ناطرين المستجدات .. أخوي ..الله يقومك بالسلامة يا أخوي ..الله يقومك بالسلامة ..منال ..بروح أشوف الدكتور ..يمكن يشرح لي الحالة ..والسبب .. .....وبعد عشر دقايق طلعت من عند الدكتور وأنا منصدم ..منال شقال لك؟؟ عنده جلطة في القلب مب المخ ..وهذي الثانية!!منال شلون؟؟ يعني ار فيه جلطة من قبل؟؟ متى ؟؟ وفالح من متى مريض بالقلب؟؟طالعنا كلنا جواهر ..جواهر يوم عرس يوسف ..ماكان مسافر ..كان في المستشفى ..بس كانت الجلطة خفيفة .. وليش ما قلتي لنا؟؟ جواهر هو طلب مني أني ما أقول لكم..وطلب منا نحر العرس ..سكتنا كلنا ..منال الجلطة انشاءالله تكون خفيفة مثل اللي قبل؟؟ لا..هالمرة ..لاء ..مب خفيفة ..والله يستر ..منال شتقول يوسف ؟؟ حرام عليك هالعيال من يبقى لهم؟؟ أنا بروح أشوف رغد ..جواهر اخوك هنا بين الحياةوالموت وتبي تروح تشوف زوجتك؟الكل طالع جواهر وهم مستغربين ..منال روح ..روح ..يا جواهر حتى ولده بين الحياة والموت ..روح ...رغد بروحها.جاسم منال ..روحي انت معاه ..مريم ومحمد بأي لحظة ييون ..روحي ..منال اوكي يلا يوسف ....كانت نظراتي تحتقر جواهر ...اللي اكتشفت انها كتلة حجر .منال يوسف يلا ..طلعت مع منال ..منال الخبلة جواهر شلون ياها قلب وقالت جي جدام طلال.علقت أنا قولي شلون ما استحت على ويهها تقول جي وزوجها بين الحياة والموت ...منال مب في يدها ..يمكن غارت ..يمكن تبيك تكون بقربها في هالأزمة .. منال ..ماعرفت لج .. يا تكونين معاها أو ضدها ...منال يوسف ..جواهر لليوم تحبك ..وانت تحبها .. أنا انتهيت من حبها من زمان ..منال يمكن تظن أنك تقص علي ..لكن أنا أعرفك أكثر من نفسك .. أنا ما قدرت أيي بروحي للمستشفى ..لزمت على جاسم أنه يي ..لاني ما بقدر أواجهه هالمصيبة بروحي .. خلاص منال ..صكي على هالموضوع ..ماني فاضي ..منال كيفك ..وصلنا لين رغد ..الدكتورة بتظل عندنا لين موعد الولادة انشاء الله .. شلون؟؟ منال ليش؟؟الدكتورة مشاكل للجنين ..وأي حركة يمكن تسبب خطر للجنين وللأم .. يعني بتظل هنا خمس أشهر كاملة؟الدكتورة يمكن بتولد مبجر ..في السابع أو الثامن ..بس الأفضل انها تبقى في المستشفى ..نايمة على ظهرها وما تتحرك ..وتحت اشرافنا ..منال زين ممكن نشوفها ..الدكتورة تفضلوا ..أنا شرحت لها الحالة ..كانت مكتئبة وهي متمددة ,منال حمدالله على السلامة ..رغد الله يسلمج ..قالت لكم الدكتورة؟؟منال اييه ..بس المهم صحتج ..تكلمت منال شوي معاها ..وبعدين يا جاسم وخذها ..رغد أنا بطيح هالطفل . لاء ..لاتتصرفين جنون ..رغد بس انت ما تبيه .. لا ..أنا أبيه ..أبي هالطفل ..رغد بس انت قلت لي انك ما تبيه .. رغد ...انا صرت ابيه ..أبي شي يغير حياتي ..بعدين في خطر عليج وعلى الجنين ....وأنا اكتشفت اني ابي هالطفل ..رغد يمكن أموت وأريحك مني .. بالعكس أنا ما حسيت أنج أزعجتيني أبد ..رغد تذكرت ..كل مرة أنسى أشكرك على الخدامة ...صج كانت مساعدة كبيرة لي مع اني تعودت على شغل البيت .. خلاص شغل البيت انسيه ..ولاتفكرين إلا بعبدالرحمن ..رغد من عبدالرحمن؟؟ البيبي اللي في بطنج .رغد بس يمكن تطلع بنت ؟؟ عيل لا تفكرين إلا بعذبة ..رغد عذبة؟؟؟ اسم امي المرحومة ..رغد الله يرحمها ويغمد روحها الينة ..***************************** فجأة حسيت أن مشاعري تغيرت ..وفجأة فقدت الشعور القوي تجاه ليال ..وهالشي هي لاحظته طوال اليومين اللي مضوا ..ليال ليش يا يوسف ابتعدت عني .. أنا ما ابتعدت عنج ..بس انشغلت .رغد في المستشفى وفالح بين الحياة والموت ..ومجرد ما اخلص من شغلي اروح لهم لين الليل ..ليال وأنا ..صرت ما تكلمني ..ولا حتى تطالعني مثل قبل .. ليال ...شفيج؟؟ ما فهمتي كلامي؟؟؟ليال عندي احساس انك بتستغني عني بأول .. بس ..خلاص ..تفضلي لمكتبج ..تدرون ليش فقدت اهتمامي فيها؟؟ من كلمت عامر صديق أبوها وأنا مختبص .تذكرت كلمات عامر (( خالد كان ناوي يقتل هالريال ..وهو قال لي شخصيا ..بس أنا ما اعرف اذا قتله ولا كان مجرد كلام ..))كان عامر هو الامل في اني أصدق براءة خالد ..بس للأسف ..ماكان عامل مساعد ..*********** الفصل التاسع .............****************** طلعت ليال من المكتب وهي تصيح بقوة ..كانت تحاول تقنعني اني ابدأ الاستئناف ..لكني قلت لها اني ما استند على شي يبرئ أبوها ..وصارت بينا خناقة كبيرة ..سمير ما كانش العشم يا استاذ .. سمير الله يخليك ..ماني ناقص محاضرات ..ياني ما يكفيني وزيادة ..سمير بس ماكانش لازم تزعق عليها كده .دي بنت غلبانه .. سمير , انت بنفسك شفت القضية على أي أساس أرجع وأفتحها؟؟ دورت لي أي شي يقنع القاضي بالاستئناف بس مالقيت ..الشهود في كامل قواهم العقلية ومحل ثقة ..الدليل عليه بصماته ..أفضل أصدقائه يقول انه كان ناوي يقتل ..الحين علمني شلون بستأنف القضية ؟؟على أي أساس.. ان بنته تقول انه بريء؟؟ فجأة سمعت باب المكتب يتصكر بقوة ..واكتشفت ان صوتي كان اعلى من الازم ! صدقني سمير ..عندي أشياء أهم من هالقضية ..مر أسبوع ما شفت فيه ليال ماقدرت أتصل فيها .انشغلت بأخوي اللي حاله يتدهور يوم عن يوم ..ورغد اللي كانت تعاني ألام قاسيه في ظهرها ..جاسم يقولون المصايب تجي ثلاث .. ومن وين يبت هالحكمة؟؟جاسم ما أذكر وين قريتها ..بس حالة فالح ماتبشر بخير ..منال وحرام رغد مسكينه الويع يزداد عليها أكثر وأكثر ..اييه تذكرت بمر بيتك أخذ لها أغراض .. لا لاتعبين نفسج انا بآخذ لها هالاغراض .. جاسم يلا سرينا يا منال؟؟منال يلا .. بدري ..خليكم تتعشون...جاسم كافيني ..أنا تعبان.. لا ..توصلوني بالمجان ؟؟ ..لا وبعدين الخدامة شغلها زين ..وأعتقد أنها سوت شي زين ..لأني شفتها تشتغل في المطبخ ..منال لا يا يوسف .وبعدين أنت من الصبح عندك أشغال ..والساعة الحين عشر ونص ..يلا جاسم ..لاتنسى زهب شوية ملابس وأغراض لمنال ..مع السلامة .. اقعدي اقعدي ..من متى الحريم تتحكم في الرياييل ..اقعدي ..منال يوسف أنت من الصبح من مكان لمكان ..وحنا من الصبح برا البيت ....ما بحس براحة إلا في بيتي .. الله أكبر هالحين نسيت هالبيت اللي عشتي فيه طول عمرج ؟؟ وماتقدرين تصبرين عن بيت عشتي فيه ثلاث سنوات بس؟؟منال هذا صار مب بيتي صار بيت رغد ..جاسم أنا تعبان بروح أنام ..حتى عشا ماني متعشي ..طلعت منال وجاسم ..وبقيت في البيت بروحي ..الخدامة بابا وين ناس؟ راحوا ..روحي نامي ..الخدامة وعشا؟ محد يبي ..حطيه في الثلاجة ..دخلت لغرفة رغد ..وطلعت دراريع من الخزانة وحطيتهم في كيسه ..وشحاطة ومشط وأشياء ثانية ..وبعد ما خلصت مددت جسمي شوي على السرير ..وانتبهت لشي صلب في الفراش ..طلعته كان كتاب..بالأحرى دفتر لونه أسود .. وايد متين ..تطفلت وقريت ..كانت مذكرات رغد في الجامعة ..وبعدين ..شلون التقت براشد ..وقصة الحب ..كانت تكتب التفاصيل ..لين اليوم اللي اكتشفت انه خدعها ..حسيت اني أتابع مسلسل و مندمج في الاحداث ..ومتفاعل معاها ..فجأة .في صفحة بروح ..اكتبت شي واحد بخط كبير ..اسمي!! وكتبت كل الأحداث اللي صارت بينا ..نسيت نفسي وأنا أقرأ صارت الساعة وحدة ونص في الليل ..أول ما صكرت الدفتر ..انزلت دمعة من عيوني .. رجعت على بعض الصفحات ..(( راشد ..أشكر لك شي واحد ..أشكر لك انك السبب في دخول يوسف حياتي ..))جملة هزتني ..(( كنت أمسك بصورتك ..وأنا أصيح ...وصلت لدرجة كرهت نفسي بسببك ..وضليت أسب فيك ,أصرخ ..ودخل يوسف الغرفة ..و حسيت أني غرقت في بير من الضياع ..وبالأخير ..عشت أجمل لحظات حياتي بين يديه ))(( أخيرا ...فتح قلبه لي ...واكتشفت انه فيه جرح عميق ..مهما دارت الايام والسنين صعب يندمل ..حسيت أني حبيته أكثر ..أحبك يا يوسف ..واليوم عيد بالنسبة لي ..))(( خلاص يا يوسف خلاص ..أنا تعبت ..تحملت تحقيرك ..تحملت اهاناتك ..أنا غلطت .لكن الله يسامح انت ليش ما تسامح؟؟ آه يا يوسف ..أحس أني ضعت في حبك ..ما أقدر أتحمل وجع قلبي قوي ..قوي ..مع السلامة ))فكرت في نفسي ..أكييد يوم حاولت تنتحر ..قلبت الصفحة (( حيرتني فيك يالغالي ..اليوم ماتتصور قد ايش فرحت ..يوم تكلموا اخواني عن الشرف ..كتمت أنفاسي ..ولما سمعت كلامك ارتحت ..ارتحت ..حسيت أنه في أمل ..الطفل اللي في بطني رهن بطلبك ..اذا ما بغيته بعق نفسي من على الدري ..واذا بغيه ..أفديك بعمري كله ..وعمره كله ..وتزداد محبتك أكثر ))(( جواهر ..أكرهج .. لسبب واحد أنج جرحت يوسف .هالانسان الغالي جرحتيه ..شلون قدر قلبج يرفض حبه؟ ليت نظراته اللي يطالعها لج ..يطالعني فيها ..أحبك يا يوسف وأنت ذابح جزء من قلبي ....يرتجف كل ما أشوفك ..)) كانت أكثر شي أثر فيني ..الحين يارغد حبيتيني مع كل اللي سويته فيج؟؟ ...صكرت الدفتر ..وأنا أحس أني تغيرت ..شلون ما أدري ..فجأة رن التلفون ..من داق علي هالحزة؟؟والرقم ماعرفته..ألو ...جواهر يوسف ...فالح مات ..عطاك عمره .. شلون ؟؟؟؟ متى ؟؟جواهر الحين الدكتور قال لي ..مات يا يوسف ..مات وتركني لاسند ولا ولد ...************************ طبعا كانت مفاجأة مشاعر رغد ليوسف ..ومفاجأة ما بعد منتصف الليل كانت أقوى .. شيصير ليوسف ؟؟ بيتحمل وفاة أخوه اللي غلط في حقه؟؟ وليال؟؟ هل بيقدر ينقذ اسم أبوها فعلا مثلا ماوعد؟؟ ورغد شلون بيعاملها بعد انكشاف المستور؟؟ صوتها الهادي ..جنني أكثر من الخبر نفسه جواهر ..أنتي شتقولين؟؟جواهر اذا غبي افهم ..فالح مات ..انزاح من طريقي..تأكدت أن جواهر ما تفكر وهي صاحية .تأكدت انها مينونة .. فالح مات!جواهر مات ..مات ..مات ..صكرت التلفون في ويههي .واتركتني بأبشع لحظات حياتي ..اتصلت في جاسم اللي اتصل في محمد ونقل له الخبر ..ومانمت في هالليلة أبد من كثر ما ازعجتني الافكار ..*********************** محمد يوسف ..قوم ..يوسف ..فتحت عيوني بتكاسل ..محمد واقف على راسي . ما تذكرت شي .. محمد ..محمد يوسف قوم ..حطينا العشا لك..مريم قوم يوسف ..تلفونك احترق من كثرما يدقون عليك ورغد كل مرة تدق علي تسألني اذا صحيت من النوم ولا لا ..محمد يو ناس وايد يعزون وسألوا عنك ..قوم ..من العصر وأنت نايم .. كم الساعة الحين؟؟محمد وحده في الليل .. ليش مارحتوا لبيتكم؟محمد الكل هنا ..ماعدا جواهر في بيت ريلها الله يرحمه .مريم تعرف عده ولازم ماتطلع لمكان ..قوم كلم زوجتك تراها تحاتيك ..وبنات أخوك في حالة الله يعلم فيها ..مايرضون يننامون.. ومنال شلون؟؟محمد الله ستر ..مجرد انهيار بسيط ..قمت ورحت غسلت ويههي ..وبدلت ملابسي في غرفتي فوق ..لان بيتي هو بيت العائلة ..فالعزا صار فيه ..بالرغم من اعتراض جواهر ..كليت شوي .وبعدين طلبت من مريم تسوي لي درب أشوف المها وشيخة ..وكانوا في غرفة فالح المرحوم ..اركضت شيخة ومها واحضنوني بقوة ..رغم ان علاقتي فيهم بسيطة .شيخة أبوي راح ..من لنا بعده ياعمي ..راح أبوي .. ايش هاذي من لنا بعده؟؟ اخوج ريال ويشيل مسؤوليتكم ..وحنا موجودين ..ثلاث عمام عندج وتحاتين..البقا في راسكم .صج محد يعوضكم عنه بس ..الله يرحمه .. مها عمي ..ما أصدق من أبوع كان مافيه شي ..وكان يضحك معانا ..واليوم شمعه وانطفت من حياتنا ..عمي ..حتى ما استسمحنا منه اذا غطنا في حقه يوم ..ما قدرت أمسك دموعي أحسن من عمج اللي غلط في حقه وحرم نفسه من الكلام معاه عشر سنين..وراح أبوج بدون ما استسمح منه ..شيخة ابوي كان راضي ياعمي ..وكان دايم يتكلم عنك ..طول ساعه وأنا أكلم البنات وأحاول أسري عنهم همهم .. كلمج بدر يا المها؟؟المها اييه يا عمي ..يا وعزاني في المرحوم ..ما أدري شلون بنعيش من دونه ..ما أدري .. الزمن بيمشي ما بيوقف عند هاللحظات ..لا تزعلين ..أبوج كان ريال مستقيم ..ويعرف ربه وأنشاءالله من أصحاب الجنه .وأن مع الأيام بتكملين حياتج ..انهاروا البنات في الصياح ..حاولت أخفف عنهم ..لكني الظاهر زدت عليهم ..طلعت من عندهم بعد ما تأكدت أنهم بينامون ..اتصلت في رغد ..رغد شلونك الحين.؟؟ ماشي الحال ..رغد كليت؟ اييه ..رغد لا تكدر خاطرك يا يوسف .. ما أقدر يا رغد ..هذا أخوي اللي عصيته واللي غلطت عليه .وراح وهو شايل في قلبه علي ..لو تشوفين بناته ..قلب يتقطع عليهم ..الله يصبرهم في مصابهم ..ويخلي لهم أخوهم طلال .رغد أتمنى أني أقدر أيي البيت .. لا ..رغد ارتاحي .. الحين نامي ..رغد وأنت توك صاحي وين بتروح؟ بتمشى ...أحس البيت ضايق فيني ..رغد حط بالك على نفسك .. تصبحين على خير.. طلعت وأنا ضايقه فينا الدنيا ... لفيت في السيارة في كل مكان ... وبالأخير نزلت للشارع ..بعد ما صفيت سيارتي ..وصرت أمشي ....كان الشارع تقريبا فاضي ..من صاحي الساعه ثنين في الليل ؟؟ وكان الرد على سؤالي مسج وصلني..(( آسفة كنت أنانية ..البقا في راسك وعظم الله أجرك ))كان المسج من ليال ...وماترددت واتصلت فيها ..ليال عالقوة .. شخبارج؟ليال ماشي الحال ولو اعرج .. ما شفتج من أسبوع وين اختفيتي؟ليال حسيت أني أبي أجازة ..لأني صدق تعبت ..السموحه منك ..كنت أنانية .وأنت كنت مشغول في أخوك ..آسفه .. ما صار شي ..زين أنج اتصلتي ..تعرفين واحد اسمه عبداللطيف حمد؟ليال اييه .. أعرفه ..كان رفيج أبوي في الشغل ..ليش؟ لقيت اسمه في الملف اللي اعطيتيني اياه ..بس ما مرتبط فيه أي شي لا شهاده ولا تعرف ...بس مكتوب عندالضرورة ..ومحطوط رقم تلفونه واسمه ..ليال هذا واحد مسنود ..وخوش ريال ..أبوي كان يمدح فيه دايما ..بس ماشفناه أبد لا في المحاكمة ولا في الزيارات .. زيارات؟ليال كنا نزور الوالد وكان دايم يزورونه ناس .. الله يفرجها انشاءالله ..ليش ما رقدتي لها الحزة؟ليال كنت مترددة طول اليوم ..وكنت أبغى أكلمك ..فقلت أطرش لك مسج ...قرأت الخبر اليوم في الجريده .. الله يرحمه .. الله يرحمه ..خلاص ردي نامي ..ليال وأنت؟ أنا بتمشى ..ليال بس يوسف ماتهون علي ..وين تتمشى في هالليل ؟ خلاص برد البيت لعيونج ..ليال تسلم عيونك ...مع السلامة .. مع السلامه ..صكرت من عندها وأنا حسيت بارتياح بسيط ..على الأقل ليال ما بتشغل بالي ..وتفاهمنا بعد هالاختلاف البسيط ..بسيط؟؟ ما اعتقد انه كان بسيط..********************* مرت أيام العزا الكئيبه ..والبنات صاروا أحسن ...كان خوفي الكبير على منال لانها كانت حامل ..ورغد اللي بروحها في المستشفى ..المسكينه ..فجأة حنيت على رغد ...من قرأت مشاعرها اللي لقيتها بالصدفه في سريرها ..داومت في المكتب لكن ليال ما داومت .. سمير ليال ما داومت؟؟سمير لا يا بيه ..ما جاتش من عشر تيام .. اتصلت فيها .. الو ..ليال أهلا ... ليش ما داومت؟ فيج شي؟ليال لا .ولا شي ..بس كنت محتاجه وقت افكر فيه .. في ايش؟؟ليال في قضية أبوي..تميت أدرسها طول هالعشر أيام .واتصلت في عبداللطيف ..بس للأسف طلع متوفي من ثلاث سنوات ..بس ابنه طلب مني ومنك أنه نزوره يوم الخميس ,,أو السبت .. وبعد الدراسه ..شفهمتي؟ليال كلامك صحيح اميه في الميه ..ما بيحل لنا هالقضية إلا معجزة ..صج في تضارب في كلام الشهود .بس محد يقدر يعتمد عليه لانه بسيط .. أكيد تتكلمين عن وصف الجريمه صح؟؟ أنا اكتشف هالتضارب بس طفيف ..ليال يعني في واحد يقول انه ابوي هجم على المجني عليه ..والشاهد الثاني يقول أن أبوي تخانق مع المجني عليه ... يعني مثلا هالخطأ الثاني ..الشاهد الأول يقول أن أبوي كان وأنت بكرامه لابس جوتي..ودشداشه بيضا ..الشاهد الثاني يقول لا ..كان لابس وانت بكرامه نعال ...وحتى يذكر أن وأنت بكرامه ..النعال وقع منه وهم يتخانقون .. تقريبا لاحظت هالاشياء ..واللي لاحظته ان تقرير الشرطة تقريبا مقارب من الشاهد الثاني ووصفه لأمور ..بس الشاهد الاول يقول ان القاتل صرخ على القتيل تشهد ..وهذا يعني انه النية موجوده ..فحكم القاضي على هالاساس ..ليال بس كان لازم يحققون أكثر ..يمكن الشاهد الاول يكذب ؟ تقريبا هذا شعوري ..بس هالحين بنروح يوم الخميس لبيت عبداللطيف حمد ..ونشوف اش نقدر نسوي ..ليال ما عليش تعذرني ..ما أقدر أروح لأي مكان .. ليش؟؟ليال ...ما كنت بقولك بس الوالدة تعبانه شوي ..وتحتاج حد يتم معاها .. ليش ما قلتي من الأول؟؟؟ يمكن تحتاج طبيب أو مستشفى..ليال لا ما تحتاج ..مشكور على كل حال. اهم شي سلامتها ..ليال الله يسلمك ..عن اذنك الحين ..أنا متأكده أن عندك مقابله ..أو محاكمة .. بطلع الحين أمر رغد ..ليال مع السلامة ..وصكرت بسرعه بدون ما اقول لها مع السلامة ..ليال ..ما أدري ليش حسيتج تغيرتي ناحيتي ..ورجعتي مثل أيام التدريب ..علاقة زميل بزميله ..لكن أنا مرتاح لهالتغيير .لاني أحس أني كنت متسرع بعواطفي ...وإن كان في شي بينا .. بيظهر مع الأيام ..********************** ومرت الأيام الرتيبه ..و سجلت انتصار ثاني في قضية ثانية ..ورغد في المستشفى واشتد عليها عوار الظهر ..اليوم الخميس .. مريت بيت عبداللطيف حمد..طقيت الباب .. السلام عليكم ..شاب مزيون طويل القامه فتح لي الباب .. وعليكم السلام أنت المحام؟؟ وين المحامية اللي اتصلت؟ اعتذرت ..أنا هنا مكانها .. لنها قالت لي انها بنت خالد .. اييه ..وأنا المحامي المسؤول عن القضية .. آسف نقعتك عند الباب تفضل ..اسمي سالم ... وأنا يوسف ..دخلت البيت الكبير ..واستغربت ان صاحب البيت هو من فتح الباب ..سالم تفضل داخل ..والحين أييك ..دخلت المجلس ..وانتظرت دقايق ..طل علي القهوجي وقهواني ..رجع سالم وبيده ظرف ..سالم أهلا وسهلا .أنا بدخل في المووع على طول من خمس طعش سنه الوالد طاح ومرض بشلل نصفي ..خلال هالسنوات الخمسطعش ..كتب هالظرف بحضور شهود و بصم عليه ..ما كنت عارف باللي موجود في الظرف .. ونسيت أمره لين توفى الوالد ..وكان من بين متعلقاته ومكتوب عليه خالد مشعل سعد .. مرت ثلاث سنوات وأنا نسيت هالظرف ..لين اتصلت فيني من مدة بنت خالد ..وعرفت عن اسمها كامل ..تذكرت الظرف وطلبت منها تحضر علشان تستلمه .. ما عليش أنا استلمه؟؟سالم بس هذا أمانه .. أنا المحامي الخاص لها ..سالم ما أقدر ..بس بمر المكتب ..وياليت تكون بنت خالد فيه علشان أبري ذمتي .. على الأقل علشان مايايروح تعب مشواري هدر خليني ألقي نظرة عليه ..سالم للأسف ..ما أقدر أفتحه و وصاحبه مب موجود ..قمت من مكاني وطلعت كرت المكتب من جيبي .. عيل أشوفك يوم الأحد ..سالم انشاءالله ..طلعت بعد ما استأذنت وكان مشوار ماله داعي ..*** احتشرت علينا منال .إلا تذوقنا من طباخها بعد ما أنا وجاسم شككنا من قدراتها ي الطبخ . جاسم أنا وأنت الليلة مترقدين في المستشفى لامحال ..جاسم الله يهداك لازم يعني تذكرها أن الطباخ أنقذها من المطبخ .. عدال يا أخونا ..ما كأنك قلت بالحرف الواحد لولا هالطباخ جان شفتني بضعفك ..جاسم أنت فتحت الموضوع ..عاد تحمل أي شي تطبخه أنت تاكله ,, جسوم ..الحين بشرد وأقول لها رغد اتصلت فيني .وأنت هالله هالله في الاكل لاتخلي الصحون مليانه والا نمت برع الغرفه ..جاسم والله مانت قايم لين تاكل معاي سواء عجباك الأكل ولا لا .. مالي شغل ..ماني بايع عمري .شوف الطباخ راح غرفته يعني ماشي مساعده منه .رحنا فيها ..جاسم قوم قوم خلنا نشرد قبل لا تسممنا أختك اللي في حياتها ما ادخلت المطبخ .. طبعال تربت في بيت عز ..شلها في المطبخ وسوالفه ..منال وين تبون تروحون ..ايلسوا ..مافي طلعه لين بعد الغدا ..جاسم نسيتي اليوم جمعه ..ولازم نروح المسيد ..منال المسيد بعد ساعة ..مب هالحين ..يلسوا .. ما يمدينا نتيدد ونصلي ونوصل مشي للمسيد علشان الحسنات ..جاسم كلام أخوج صحيح ..عن اذنج ..منال أول ما ترجعون الأكل بيكون محطوط ..وبتعترفون أني أعرف الطباخ ..أول ماطلعنا من البيت ..جاسم أي طباخ تعرفه ..هذي البيض ماتعرف تقليه .. قلت لك عايشه في بيت عز ..جاسم هذي مرتك ..من بيت صالح و هو بيت عز ..وتطبخ ماشاءالله مافي أحلى من طباخها .. هي تحب الطبخ .وأنا أكره الطباخين الآسيوين ..فلبت رغبتي واطبخت ..مب منال ..اللي ماتعرف الأغراض في المطبخ وين ..جاسم انت ماقلت أنكم بتأجلون سالفة الخلفة سنه؟ قلت ..لكن ..طلع من يدنا ..كانت رغد بتطيح الياهل ..لاني قلت لها اني ما ابي عيال ..بس ما مكتوب ..جاسم زين ليش ماتطيحه هالحين ؟؟ دامه معذبها .. في خطر على حياتها ..وأنا جذبت عليها وقلت لها أبيه ..وإلا أنا مب مهتم ..جاسم قول كلام غير هذا ..مو علي تمشي هالحركات .أول شي كنت مخبي الحمل عنا ثلاث شهور ..وبعدين فجأة أعلنت عنه ..قبل الحادث ..سكتت ..وابتسمت لجاسم ..وبعد لحظات أكيد منال وسوست في راسك..جاسم من غيرها يعني؟؟ صج حريم مايطوفهم شي ..جاسم قالت لي منال أنك أعلنت خبر الحمل بعد العزومة اللي احضرت فيها جواهر ..ليش؟؟ والخدامة مايبتها إلا بعد العزومة نفسها .. والله منال هب هينه ,,صدق ..أنا ما كنت أبي الطفل في البداية ..بس لما عرفت أن جواهر مافيها عيال ..قررت بيني وبين نفسي أني أبيه ..بس علشان أحرها وأحرق قلبها ..وبالنسة للخدامة أنا يبتها بعد ما استهزئت جواهر من شغل رغد واعرضت خدامتها كمساعده ..وكانت السخرية في عيونها أكثر من الاحسان ..جاسم والله اختك خوفتني .. صدق أحاسيسها ماتكذب ... عاد ..ماخذتها من حد غريب ...العايله كلها فيها هالطبع ..جاسم الحين أنت تبي الياهل بس علشان تغيض هالجواهر؟ كان هذا مقصدي ..بس الحين اللي يهمني حياة رغد ...جاسم والحين بعد وفاة فالح؟ ايش يعني؟جاسم السؤال اللي كان بينطرح .زهل بترجع وتتزوج جواهر؟ كنت ناطر هالسؤال ...وأجبت وانا متأكد من اجابتي .. لو انطبقت السما على الأرض ..ماني متزوجها ..جاسم معقول؟؟ جاسم ..مستحيل بعد كل الي صار ..مستحيل ..جاسم وايش الي صار؟؟ ماصار شي يخليك ما تتزوجها .. جاسم ..جواهر الحين في العده بعد وفاة فالح ..وفالح اللي توفى كان أخوي ..وجواهر انسانه داست على مشاعري ..اذا تزوجتها بكون كافأتها ..وبعدين لاتنسى أنا متزوج من رغد ..جاسم بضحكة استخفاف اللي بحسب شكوك منال ما تحمل لها في قلبك ذرة حب .. مب دايما منال صادقه في أحاسيسها ....وهالشي بيني وبين رغد منال ماتعرفه ..جاسم تعرفه ولا لأ ...خلينا نلحق على الصلاة وبعدين نشرد نتغدى في أي مطعم .. هههههه ..عناد فيك ماني مخليك تتغدى إلا في بيتكم ..جاسم بشرط تتغدى معانا .. أمري لله خليني أتصل في سمير يطرش لي سيارة اسعاف .جاسم بتمر زوجتك العصر ؟ عيل وين أروح؟؟ البيت فاضي ..والربع الليلة مع عوايلهم ..جاسم صدق ..ترى أنا ومنال بنطلع نتمشى .. طلعوا من قاضبكم ..جاسم متى ترجع من رغد؟؟ وأنت شهمك؟؟ بظل عند زوجتي وبعدين أرجع بيتي أنام ..جاسم لان منال بتحاتيك .. قل لها لاتحاتي .. ولاتقول لها عن شكوكها خلها في نارها ..جاسم برايك ..بيأذن بعد خمس وأربعين دقيقة ..وين نروح في هالخمس وأربعين دقيقة .. نمشي لين المسيد ..جاسم أنت صاحي بعيد المسجد . الجو حلو ..وحسنات أكثر و عندنا الوقت الكافي ..جاسم برايك مرة ثانية ..يلا خلينا نروح .. تعال شكان حادنا نطلع من البيت في هالوقت الغدا ماكان بيستوي لين ساعتين على الأقل ..جاسم حشرة أختك ..كلتنا بقشورنا ....******************************* ماكان شي يستاهل المخاطرة ..جاسم ايش هذي؟؟منال أكله صينيه .. ايش؟منال أكله تعلمتها من مجلة ..سمك ..جاسم تسمين هذا سمك؟؟ هذا سردين ..منال لاء ..هذا سمك .. وهذا ايش؟؟منال بروكلي .. ايش؟؟منال مثل الزهره ..بس لونه أخضر .جاسم وهذا؟منال شالسالفة بتحققون معاي كلوا وأنتوا ساكتين ..اذا عجبكم بالهنا واذا ما عجبكم ..المطاعم على أقفى من يشيل.جاسم كلى شوي .. ماشي حاله ..بس ليش السمك لونه جي؟ اييه صحيح كأنه مب مطبوخ ..منال لأنه مب مطبوخ ..سمك مدخن .. ايش؟؟جاسم كل يا يوسف كل قبل لانكتشف انها حاطة لنا شي ثاني .. سمك ني؟؟ ؟؟؟ ؟؟؟ من ياكل سمك ني ..منال مب ني مدخن ....مدخن ذوقه طعمه حلو وايد .. جاسم ..لايكون زوجتك تتنسى ؟؟جاسم اي والله شلون مافكرت جي؟؟ خل نشرد ..منال أمس كنت في الجمعيه واشتهيت هالاشياء ..هربنا أنا وجاسم ومرينا مطعم ..وطول يلا حط لنا الأكل ..جاسم أنا أقول شكان عشاي أمس ..كنت مستغرب كان أشياء غريبه .. مثل ايش؟؟جاسم ما أدري .بس ماكان شي أعرفه .. تاكل شي ماتعرفه؟؟ شفيك مب صاحي؟جاسم ماصار لي شي ..هذا المهم .*************************يوم الأحد ...**** كان المفاجأة الأكبر ..شهقت ليال ونزلت دموعها على خدها ..ليال وأبوك وين كان طول هالوقت ..سالم كان طايح مريض ..ليش الظرف فيه شي مهم؟؟ ليال الظرف فيه شي مهم؟؟ليال هذي شهادة خطيه من أبو سالم يشهد فيه أن أبوي قتل المجني عليه دفاعا عن النفس ..بعد ما هجم عليه ..وأن سلاح الجريمة ملك للمجني عليه !!كانت ليال ماتقدر تصدق اللي تقرأه وبعد ماتحققت منه ..صار لنا شهادتين معتمدتين ..بأن اللي صار كان دفاع عن النفس ..كنت فرحان لها ولتحقيق وعدها ..بس ماكنت مرتاح لنظرات سالم لها!!!وأخيرا تحقق لليال اللي تبيه ..ووقفت جدام القاضي اللي أعلن براءة ابوها من القتل العمد ..وانتشر خبر براءته في كل مكان ..وطول شهر ظلت الناس تتكلم عن هالقصة الغريبه ..مر شهر ثاني ... وليال صارت موظفة عندي ..النظرات مازالت مثل قبل ..لكن الكلام عن الحب اختفى ..كأنه في برود اجتاح مشاعرنا ..ماكنت أعطيها الفرصة تتكلم عن اللي داخلها ..وكانت تترفع بدورها عن اهانة كرامتها ....ورغد مازالت على الحال نفسه ..وتعاني من آلام شديده في جسمها ..كسرت خاطري وايد ..وكنت أحاول أصبرها ان مابقى شي .. بتستقلين بمكتبج بروح؟؟ليال لا ..ما أعتقد ..شكلي بسوي مثل ماقلت لي من قبل أقدم على الديوان وألاقي لي وظيفه ...راتبها مضمون .. والمحاماة؟؟ليال خاطري أتعلم وأكون محامية الكل يتكلم عنها ..بس أنا مترددة .. مترددة؟؟ليال اييه ..أحس أني بتبهدل .. لا تخافين مب كل المحامين يوسف ..ليال أدري ..أنت اليوسف الوحيد ..بس يبي له طولة بال ..وأنا انسانة تهمني الراحة ..خاصة بعد ماخلصت من قضية ابوي .. متى بتقدمين؟ليال بعد شهرين أو ثلاث ..أبي أكتسب أكبر قدر من الخبرةفي هالمكتب .. ذكرتيني ..أنا بسوي لج توكيل للظروف الطارئة ..ليال لا ..ماله داعي .. لا أنت الحين موظفة في المكتب ..وأحتاج مساعدتج .. **************** مر الشهر الثالث ..رجعت البيت بعد دوام شاق ...ماكنت عارف أني بتفاجأ بهالصدفة ..كانت جواهر بروحها في بيتي !! أنت شتسوين هنا؟؟جواهر وعليكم السلام .. أنتي ماخلصتي العده للحين؟؟ ..جواهر ضاقت فيني الدار ..قلت أيي أزورك..ما ارتحت من هالزيارة .. حنا في البيت بروحنا ..وأعتقد هالشي مب زين لا لي ولا لج.جواهر ياما كنا مع بعض ..وبروحنا ماصار شي ..فجأة اكتشفت تناقض كبير في شخصية جواهر .. أنت شقصتج؟؟ أنا حاس أن ييتج مب للخير ..جواهر أي خير؟؟ ..أذا تسمي اللي انت فيه خير انت جذاب ..مافهمت ..جواهر يوسف ..أنا أخيرا صحيت من هالكابوس .. أي كابوس؟؟ جواهر أخوك فالح أسوأ كابوس مر علي في حياتي .. سكت وما تكلمت ..جواهر كنت أكرهه أكثر من أي شي ..واللي كان مصبرني هو العيال بس .. محد طقج على يدج وقال لج تزوجيه ..جواهر غبائي هو اللي طقني على يدي ..للأسف .. والحين المطلوب؟؟جواهر حرام عليك يوسف أنا أتعذب..أخوك كان كلب ..حقير ..كان يرزل فيني دايما ويهيني أكثر .. مستحيل أخوي يسوي جي ..أنت جذابه..جواهر أخوك كان كابوس ..ماتصدق قد ايش فرحت لما مات ..تذكرت كلماتها في التلفون ..انزاح من طريقي !!! شلون تسمحين لنفسج تتكلمين جذي عن أخوي؟؟جواهر أخوك ؟؟ أخوك دمرني..خلاني أبتعد عنك ..يوسف أنا كلي لك ..ومامر يوم مافكرت فيك لدرجة أني كنت أدعي أنه يموت ..وأرجع لك ..من الصدمه اهتز جسمي وهي كملت .. أنا انبهرت بالأطفال الايتام ..لكن ..أنت كنت في أحلامي دايم ..كنت أحاتيك دايم ..صج اني ضحيت بشبابي وتزوجت فالح ..بس ندمانه صدق ندمانه ..والحين يايه تقولين هالكلام ..جواهر الحمدالله أخوك مات ...بس لو مات من مده أطول كان ماتزوجت أنت ..كنت أغلي في نفسي ..وأنا أفكر ..هذي هي الانسانه اللي خاصمت أخوي عشانها ؟؟ هذي الحقيرة هي السبب أني أكره أخوي؟؟ماصحيت من نوبة الغضب اللي اجتاحتني إلا والخدامه متصله في الشرطه ...علشان يفكون جواهر من يدي بعد ما طحت فيها ضرب !!!!!!! خلاص ..صكت فيني الدنيا ...وانتهى كل شي ..خلاص انتهى مستقبلي وانتهت حياتي ..ضميت ريولي لصدري وأنا شايل هم الدنيا على راسي ..فقدت الرغبه في الحياة والاستمرار ..طالعت الشخص اللي مد لي يده ... تدخن؟؟؟ اييه ..شكرا ..وأخذت من يده السجاره ..من زمان مادخنت ..تقريبا من احملت رغد ..سحبت لي نفس من هالسيجاره وحسيت بقهر .. ليش موقفينك ...؟؟التفت للشخص اللي يسألني ..رديت ضربت ناس ..حتى كلمة ناس حرام تنقال فيج يا جواهر ...فكملت ضربت حيوان ..الريال أنا مثلك ياخوك ...ضربت ابن عمي ..بس ماتوقعته بيشتكي علي ..كل اللي سويته له كسر في يده .. ابتسمت ... عيل أنا شسويت في جواهر؟؟؟؟؟؟؟؟؟؟ تكلم الشرطي عند الباب يوسف لك زيارة .. ياي يا علي ..علي ضابط تجمعني فيه قضايا وايد ساعدني فيها .. غريبه ..ماقيدتني ..علي آفا عليك يايوسف ..مايصير .. مشكور يا علي ..مشكور ...علي الله يفرج عليك ..ومايضيع مستقبلك .. الله يسمع منك..علي أي شي تبي أنا موجود قريب من هنا .. الله يوفقك ...ما أعرف شلون اطلع من يزاك ..دخلت لعند الضابط ...وكان جاسم ومحمد موجودين ..سلمت عليهم بهدوء ..الضابط ها أستاذ يوسف ... شلونك اليوم؟؟ الحمدالله يا بو ناصر ..الضابط بخليك مع أخوك وولد عمك ..خذو راحتكم بس تخلصون نادوني بكون عند علي .. انشاءالله ..طلع بوناصر ..محمد شلون تسوي جذي في مرة أخوك؟ اللي هي بنت خالتك؟؟جاسم محمد ..شوي شوي على يوسف ...التفت لي جاسم عسى مرتاح يوسف؟؟هزيت راسي باي..جاسم بنطلب من عيسى يكون المحامي الخاص لك ..وجواهر رافضة تتنازل ..محمد أنا لو مكانها ماتنازلت ..المرة في لمستشفى مرضرضه ومشوهه ويهها بالالوان من كثر الضرب ..ومكسور فيها ضلع ..جاسم محمد ..لو أدري أنك بتكون هالشكل مايبتك معاي .. جاسم ..خل محمد على راحته ..جاسم لاء ..الحين ..شتبينا نسوي.. نسيتوا اني محامي؟؟ وأني أقدر أدافع عن نفسي؟؟ فماله داعي وجود عيسى ..جاسم بس جواهر مابتتنازل ...منال ومها ومريم عندها الحين يبونها تتنازل لكنها رافضه ..محمد ما سألت نفسك شمستقبلك بعد اللي سويته ؟؟ فاض فيني الكيل . وقلت بنفاذ صبر لمحمد .. ماسألت نفسك شتسوي جواهر في بيتي الفاضي وهي في العده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بوناصر خلصنا ..دخل علي وبوناصر ..وكان الذهول مرتسم على ويهه محمد وجاسم ...اللي سكتوا ومانطقوا بكلمه ..طلعت مع علي اللي وصلني للحجز هذي أغراض من أخوانك .. مشكور ياعلي..علي ولو ..ماسوينا شي .....وشكرته ..ودخلت ويلست في مكاني ....أفكر في كل شي ..ما اقدر أقول الحقيقة ..بينفضح أخوي المرحوم فالح ..وعياله ..بسكت ..وأنتظر اللي يصير ..ان رفعت علي قضيه .. .بضطر أرافع عن نفسي ...شفت الاغراض ..كانت ملابس وأكل ..حطيت الأكل للريال وعزمته .. أخ يوسف ما بتتغدى؟ لا ...ما بتاكل؟؟ لاء ماباكل ..رغم أني ماذقت شي من الظهر ...بس ماني يوعان ..حطيت راسي ونمت ..بكره الصبح يصير خير .. الفصل العاشر والأخييييييييييييييييييييييييير ..........************************** شربت كاسه الجاي ..اللي حسيت أني محتاجها صحيح ..تمام (الريال اللي معاي في الحجز) يوسف ما بتاكل؟؟ هزيت راسي بلا ..تمام بس |أنت ماكليت شي من أمس ..قبل لا أرد عليه ..علي يوسف ..قمت من مكاني بعد ماحطيت كاسه الجاي ... صباح الخير ..علي صباح النور ..شكلك اليوم أحسن من أأمس .. صحيح ..ارتحت شوي أمس كنت على أعصابي ..علي كان مبين ...الحمدالله أن كل شي مر على خير ومحد مات ..سكت ,وماقلت شي ..علي تفضل .. شكرا .دخلت كان بوناصر ومعاه ليال وسمير .. السلام عليكم .. وعليكم السلام ..بوناصر لا اليوم أنت أحسن من أمس .. الحمدالله ..بوناصر بروح أ تريق ..وأخليكم براحتكم ..وطلع من المكتب ..ليال ماكتمت عبرتها اللي كانت تحاول تكتمها .. لاتصيحين ليال ..سمير حصل ايه يا استاذ؟؟ ماعرفناش ايه حصل .. ماشي مهم ..بس أمس تهاوشت ويا الاهل ..بس ..ليال رغد؟؟؟؟ لاء..مب رغد ..زوجة أخوي المرحوم ..ويات الشرطه ..ليال بترفع عليك دعوى ؟ ما أدري ..بس هي الحين في المستشفى ..ليال بحاول أنا أني أمنعها من انها ترفع القضيةو برابط عندها بس ماترفع القضية ..سمير لها الدرجة يا أستاذ؟؟ ماتوقعنك بهالقسوة .. شسوي يا سمير .. في نوبة غضب ..ليال زين من محاميك؟؟ أنا محامي نفسي ..ليال انت موكلني أنا فاسمحلي أنا بحامي عنك .. لا ..ماله داعي ..بس رتبي أموري في المكتب وايد عليج ..ليال أستاذ ..لك جميل علي ..وأنا مصممة أرد هالجميل .. جميل ولا قبيح ..هالقضية ماغيري بيقوم فيها ..لاني أنا الشخص الوحيد المعني فيها ..تعال سمير اليوم مقابلتي مع فهد ..وحاولت أشغلهم عن قضيتي وتكلمت في أمور المكتب .لكن نظرات ليال وعيونها المغرقة بالدموع ..ماقدرت أسلم منها ..ليال يبنا لك فطور وغدا ... ماكان له داعي ..ليال لا ..أكيد الأكل هنا مب شي .. الحمدالله كله خير ونعمه ..انتهت الزيارة ..دخل بوناصر خلصتوا؟؟ اييه كنت أوصيهم على المكتب .بوناصر شوف يوسف أنا بأجل القضية شوي وما بحولها للنيابه .. بنطر وأشوف يمكن اللي رفعوا القضية يتنازلون ..عاد وصي الاهل يحاولون لانه لو استلمتها النيابه كل شي بينتهي ... والله يا بوناصر ما عرف شلون أشكرك ..كل اللي تسويه ..قاطعني لا تنسى يا يوسف أني أنا نفسي ممنون لك ..وأنت متردني أبد في شي ...وياما ساعدتني ..فلا تتكلم ولاتقول ..ولاتتشكر ..هذا واجبك وأقل من واجبك .. سكت ..وماقلت شي...رجعت للحجز ..وأنا أفكر في آخرة هالعنا ..أنا قانونيا مذنب ..وشهادة الطبيب أكبر دليل ..اذا قلت كل اللي صار ..بيتأذون وايد ..وأولهم عيال أخوي وأهلي ..خليني كاتم في قلبي ..وأشوف النهاية ايش بتكون ..اليوم الثالث في التوقيف ..مازارني أحد ..بس وصلني أكل وأغراض ..وينك ياجاسم ؟؟ وينك يا محمد؟؟ ولا منصور أخوي وينك.؟اعتزلت عن الكل حتى علي مر فيني حاول يخفف عني ..بس للأسف ماقدر يطلعني من الهم اللي أنا فيه ..تمام ماحولوك للنيابه للحين؟؟ أنا بكره بيحولوني .. ماتنازل ولد عمك؟تمام لا ماتنازل ..صج كلب كان لازم أكسر عظامه .. ليش انت ضربته ؟؟تمام التيس خرب سيارتي أعطيتها له سلف يوم واحد رجعت مكسرة كأني شاريها من الحراج مب جديد مطلعها .. ليش الحراج للسيارات؟تمام قصدت المعنى المجازي ..أنها كأنها مستعمله..أنت ماقلت لي يا يوسف .. ايش تشتغل؟ حاليا عاطل ..ماعلق تمام ..وأنا سكت ..ونمت .. ..ما أبي أفكر في بكره ايش بيصير .. يوسف ..قوم افراج ..التفت لعلي ..وأنا توني صاحي من النوم ماميزت وين أنا ..علي يوسف ..قمت شفي؟؟علي خلاص صاحبة القضية تنازلت ..قوم يلا ..شيل قشك ..للحين مب مستوعب اللي صار ..جواهر تنازلت؟؟شلت الكيس اللي فيه أغراضي ..وقمت ورى علي ..كان جاسم هو اللي ناطرني بعد ماكتبت تعهد خطي بأني مابتعرض لجواهر .. شاللي خلاها تتنازل؟جاسم الناس تقول السلام عليكم ولا صباح الخير بالأول ..شوف شكلك ..ماحلقت لحيتك ليش؟؟ خلنا من هالسوالف ..شاللي خلاها تتنازل ..جاسم الكل تموا يقنعون فيها لين أمس في الليل ..والصبح قالت لي منال أروح أييبك ..اييه ..في خبر ثاني .. شالخبر؟؟ جاسم رغد .. شفيها؟؟جاسم ربت ..ويابت ولد .. شلون؟؟ تو الناس ؟؟؟؟ توها في السابع ..جاسم الولد الحين في الحاضنه ..أهم شي صحتها ..ومبروك .. شاللي خلاها تربي في هالسرعه ؟؟باقي لها شهرين؟جاسم ولد السبع يعيش ..لاتخاف .. خذني لها ..جاسم بتروح وأنت بهالشكل؟؟ أنا ماني مطمن ..روح لها ..استسلم جاسم للأمر الواقع ..وأول شي مرتي بالياهل ...كانت صدمة عنيفه لي ..كان نتفه ..صغير جدا ...وبعدين رحت لرغد ..الممرضة ممنوع الدخول ..وأرجوكم ماتخالفوش التعليمات كافي أنها خالفت والحمدالله قدرنا نلحقها والبيبي .. زوجتي أبي أشوفها ..الممرضة تعبانه جدا ..أنا طردت الستات من هنا .علشان راحتها ..مافيش دخول ..مافهمت ليش الممرضة تكلمت جذي ..بس طلعت من عندها وطلبت من جاسم أنه يوصلني المكتب ..جاسم يوسف ..شوف شلون صحتك ..ويههك شاحب رد البيت تسبح وحلق اللحية .. جاسم ..ماتبي توصلني التكسيات في كل مكان.جاسم بوصلك وأمري لله .. وبعدين ترجع بيتكم ..جاسم ليش؟؟ بداوم في مكتبي ليش بعد؟؟طبعا كنت بقابل ليال آخذ منها الملخص لكل اللي صار ..جاسم ماكان حاضر ..فماعرف ..وأنا أحس أنه شي جايد صاير ..منال ..ما أوثق فيها لانها بعض الاحيان تتكتم ..ومريم ماتتدخل .. مع السلامة ..جاسم مابتضيفني ؟؟ روح لزوجتك تضيفيك ..جاسم طرده عيني عينك .. مع السلامة ..أشوفك العصر ..جاسم هذا اذا عشت الحين اختك بتذبحني.. ريال طول وعرض مو قادر على منول العصقول؟جاسم ماتعرف اختك الظاهر مع السلامة ..مع السلامة .على طول لمكتب ..ومثل ماتوقعت كانت ليال وسمير في المكتب ..ليال حمدالله على السلامة استاذ ..سمير الحمدالله على السلامة . الله يسلمكم ليال ..أبيج ...تعالي المكتب ..ليال حاضر استاذ..دخلت على طول وجلست على مكتبي ..ليال ماكان لازم تيي هني على طول ..كان لازم تروح المكتب .ومبروك المولود الجديد .. الله يارك فيج ..ليال ..أبي تقرير شامل عن اللي صار ..ارتبكت ليال .. أعرف أنج تعرفين ..قولي..شصار بالضبط ..ليال ماكنت بنكر ..وماكنت بقول .. ليال ..اذا صدق تعزيني قول اللي صار ..ليال ماحبذ انك تسمع مني ..أنت بتعرف بتعرف ..اليوم ولا بكره .. ليال ...تكلمي أرجوج ..ليال ترددت شوي ..لكن نظرة الصرامة اللي في عيوني خلتها تتكلم ..ليال ....بقول ..جواهر كانت رافضه ..رحت لها أنا ومنال ,,ورفضت تتنازل واعتبرتك أهنت كرامته ..وطردتنا بره ..منال دخلت عندها للمرة الثانية ..ولكنها اطردتها .. عيل شلون اقتنعت؟؟ليال عن طريق رغد .. رغد ؟؟ليال اييه ..رغد يات من مستشفى النساء للطواري مشي ..وطلبت منا انها تدخل لجواهر بروح ..وطلعت من عندها لكنها ماقدرت توصل لين آخر الممر فطاحت ..فاضطروا يولدونها قيصيري علشان حياتها .. رغد؟؟ليال وبعدها بساعه جواهر طلبت الضابط علشان تتنازل عن القضية ..هذا كل اللي صار ..وما أعرف شي زياده ..ازدادت حيرتي أكثر من أول ..وانقهرت أكثر ..والحين من وين أعرف شاللي صار بين رغد وجواهر؟؟حسيت بغضب شديد ..لايكون رغد ذلت نفسها قدام جواهر؟ليال يوسف ...يوسف وين سرحت؟؟ أنا بروح البيت ..ليال المكتب في رقبتج هاليومين ..أنا برتاح ..ليال الاحسن أنك ترتاح ..رجعت البيت ولقيت سعد ناطر عند الباب ..سعد تعال يا يوسف .. خير يا ريال ..سعد أبيك تخاويني...أبي أسافر البحرين اليوم ..ومحتاج لشورك ..طبعا سعد مايعرف باللي مريت فيه ولايعرف أني مانمت عدل من يومين ...ولا أكلت عدل .. متى السفر ؟؟سعد الليله ... تعال بيتي ..تراه فاضي ارتاح شوي وكل لقمة ..وبعدين بنسافر ..المفروض أرفض .. لان رغد في المستشفى وعندي مكتب ..وواوات كثيرة ..بس حسيت أني بغير جو ..وأن سعد محتاجني .سعد البيت مثل ماهو من عشرين سنه... سويت له ترميمات ..وعدلته شوي ..أنت تدل غرفة الضيوف وين ..سعد من كان صغير وحنا ربع .بس مب كثر راشد ..دخل البيت ..صعدت لغرفتي بعد مادليت سعد لغرفة الضيوف وقلت له ان البيت بيته ..***************************** بعد وجبة دسمة ..من صنع الخدامة .. خلينا نسافر الحين ..سعد بسيارة ..تبينا ننطبخ في الحر .. اييه .. أبي ننطبخ في الحر .سعد ..أنا جاهز ..وأنت؟؟ حطيت لي كم ثوب في الشنطه ..يلا سرينا ..وأول ماقمت أنا وسعد دخلت مها تركض للبيت ,... عمي عمي الحق شيخه طاحت غشيانه .. وين هي الحين؟؟مها عمي في السياره بره ..كنا يايين نبارك لك وفي الطريق اغمى عليها .. أنقذنا في هالحالة وجود سعد ..الدكتور ..اللي لحسن الحظ كان شايل معاه شنطته الطبية .. شنا شيخه لداخل البيت ..وقام سعد بشغله وسط دموع مها .. انخفاض شديد في ضغط الدم ..خلي ننقلها الحن للمستشفى ..وبسيارة سعد نقلناها للمستشفى ..وبعد ثلاث ساعات اطلعت من المستشفى ..سعد كان وجودي صدفة غريبه .. اي والله ..الحمدالله .. مها ..خذت مها على جنب هاليومين روحوا لبيت محمد ,,لين أرجع من السفر ..مها بس عمي .. لاتبسبسين .. خلي مريم تعابلكم لين أيي ..مها وين بتسافر عمي؟؟ بسافر وأرجع خلال ايام ..يالله ..هذا محمد وصل ..محمد وصل ..بس ماحط عينه في عيني وأنا تحاشيت أسلم عليه .. يلا سعد ..سعد يلا ...وسافرنا البحرين ..والسفر كان لأغراض صحيه ..وكان عم سعد مريض جدا وسعد اضطر يراعيه طول الوقت ..وكان صدق محتاج لي ..وساعدته .. ليش عمك عايش بروحه؟؟سعد تدري ..شكلي بغير فكرة عن العزوبيه ..هذا عمي أشهر عازب في البحرين ..توه دخل السبع وثمانين سنه ..وهو مكسر ولاله ولد ولا حرمه تقابله ...ما أبي أنتهي هالنهاية ..وحيد .كلام سعد صحيح مافي أسوأ من الوحده وخصوصا والواحد يحتاج لرعاية أو مسن .. بنآخذه معانا للدوحه؟سعد ياريت ..بس من بيجابله ويقوم عليه؟؟ بعدين هنا له معاش تقاعدي يمشون له .. وين بتوديه عيل؟؟سعد مافي غير دار العجزة .. دار العجزة؟؟ سعد لاتنظر للأمر من الناحيه السلبيه ..بل من الناحيه الايجابيه ..في دكاتره ..يوصفون له الاكل الصحي ..في ناس من عمره يستانس معاهم ...على الاقل لاصارت فيه وعكه ولا شي الدكتور مب بعيد .. لاء ..دار العجزة مكان سيء ..سعد لو كان أبوي والله ماحطيته في هالمكان ..بس عمي لاله عيال يراعونه ولاحرمه تقوم على طلباته ...وأنا الحين برجع بيت أهلي ..لأن أبوي بدا يتعب .. خذه معاك ..سعد ياريت بس ياريت ماتفتح بيت .. الريال بترميه في دار العجزه حرام عليك ..سعد لاء ..حرام عليه هو ..لو أنه متزوج ماانتهى بهالطريقه.كلام سعد فيه من المنطق شوي..السفر طول بدل اليومين ..مر أسبوع ...ومر الاسبوع الثاني ..لين تأكد سعد ان عمه صحته رجعت ممتازة ..قررنا السفر ..مابتكلم عن اصرار سعد اني أسافر وأرجع لاهلي ..بس قلت له انه مافي شي يستاهل ..وأن شغلي موقفه حتى اشعار آخر ..خلال هالاسبوعين ماتصلت في حد ... وصلني البيت ..وراح ..مارضى ينزل يرتاح ..دخلت البيت ..شميت ريحه من ثلاث أشهر ماشميتها ..ريحة البخور ..والبيت نظيف ..بطريقه افتقدتها ..واللمسات الحلوة الورد ..واللوحات ..دخلت الصالة وكانت رغد سرحانه ..ويالسه في مكان معطتني ظهرها .. رغد؟؟نطت من مكانها ..وخلال لحظات سلمت عليها .. ويلست جنبي ودموعها في عيونها .. شفيج ؟؟رغد كل يوم كنت أنطرك ....شلون قدرت تغيب وماتقول لنا وين مكانك؟؟ خفت عليك وايد .. سافرت مع سعد ..بعد اللي صار ماتحملت ..وكنت محتاج تغيير جو ..رغد الحمدالله على السلامة .. الله يسلمج ..شلون صحتج وصحة عبدالرحمن؟؟رغد الحمدالله ..وعبدالرحمن في الحاضنه .مابيطلعونه لين يصير وزنه ثلاث كيلو على الاقل .. وليش كم وزنه الحين؟؟ رغد ثنين كيلو .. مشتاق أشوفه ..خل نمره اليوم ..صبت لي قلاس عصير وقدمته لي ..رغد ارتاح توك ياي من السفر .. أحط لك شي تآكله؟؟ لاء ..أنا وسعد من قبل ساعه مرينا مطعم وكلينا ... ليش ييتي هنا بروحج؟؟رغد أنا مب بروحي ..مها وشيخه معاي .. بنات فالح؟؟رغد اييه ...انحرجوا من مريم ومحمد خصوصا ان بيتهم صغير ..فيوا هنا ...البيت عود ماشاءالله وأنا ماكنت أبي أروح بيت أهلي .. ليش ؟رغد ما حبيت ..ما أكذب عليك ان قلت لك أكره بيت أهلي . لاحظت هالشي ..ليش؟؟رغد لاتسألني ..أكره وبس.. شلون ثلاث حريم في بيت بروحكم ؟؟رغد طلال وابراهيم موجودين ..بس في قسم الضيوف .. استغربت ..وبيت فالح؟؟ للحين جواهر في المستشفى ؟؟اسكتت رغد ..وماتكلمت .. شفيج؟؟رغد قوم ارتاح الحين يوسف ...وبعدين بخبرك كل شي ..حسيت بشي مب طبيعي في رغد ..في شي خاشته عني ..بس أنا كنت تعبان صحيح ..فقمت ونمت في غرفتي وصكرت رغد الباب علشان ماتزعجني,,..ونزلت تحت ..طالعت الساعه كانت عشر الصبح ..غمضت عيوني ..استسلمت لنوم عميق ....************************* فتحت عيوني على ربشه حولي .. حمدالله على السلامة يا عمي .. الله يسلمج يا شيوخ ..شلون ضغطج؟؟مها حمدالله على السلامة ياعمي ..لاتخاف زي الحمار ..مافيها شي ..شيخه حمار ريلج..مها جب ..ما تتكلمين عن بدر جي والا آخر يوم في عمرج .. ممكن تسوون لي احترام وتفكوني من نجرتكم؟؟مها عمي ليش نمت هنا ؟؟ أنا ارتاح أنام هنا ..ما أحب الغرفة الثانية ..اذا بغيت أرتاح أنام هنا ..شيخه عاد أنا كنت أنام هنا ياعمي ..وانصدمت لما دخلت وشفتك .. ماقالت لكم رغد؟؟مها ماقالت أصلا ماشفناها من رجعنا .. وين كنتوا؟؟مها كنا في بيت عمتي منال .. تغدينا هناك واستانسنا لين يا عمي جاسم فاستأذنا .. هذا حماج ..مب عمج ..مها في حكم عمي ..ها عمي ..شيبت صوغه لنا؟؟ مايبت شي ..مافضيت وما آخذت معاي مبلغ يحرز ..شيخه أسبوعين مسافر ومافضيت تيب لنا صوغه؟ سافرت البحرين .. دخلت رغد الغرفة .. آسفة ماقلت لهم أنك ييت ..أكيد= أزعجوك ..مها رغد ..ما أزعجناه ..طالعت الساعه كانت خمس ونص .. بللللللللللللللللللل نمت كل هالوقت؟؟ مها اي يا اونكل .. أنا أحس بنشاط الحين خلينا نمر نشوف عبدالرحمن ..مها وشيخة = من عبدالرحمن؟رغد اللي سميتوه كيووت ..مها واو ..بتسمونه عبدالرحمن؟؟رغد اييه يوسف اختار الاسم ..شيخة عمي مب لايق لك نناديك بوعبدالرحمن .. لايق لج انتي .ضحكت مها ....مها بس تدري ياعمي ..عبدالرحمن شكله وايد كيووووووووت ..يهبل ماشاءالله عليه .. رغد للحين الولد جلد على عظم ..والله من أشوف بنت منال ماشاءالله عليها .. وأرجع أشوف عبدالرحمن أنصدم الولد نتفه ..شيخة بنت عمتي منال عمرها ثلاث شهور ..والولد حرام صغيير عمره اسبوعين بس .. تذكرت ان منال ولدت وأني مامريتها إلا في المستشفى .. ..وماشفتها إلا يوم الحادث اللي صار بيني وبين جواهر .. ماشفت بنتها ...أكيد بتشره علي ...عاد البنت حلوة ..؟؟مها ماشي حالها ياعمي تتزوج ...متنا أنا ورغد وشيخه من الضحك على مها .. رغد لا والله البنت حلوة فيها من روان شوي.. شسمتها منال؟؟؟شيخه سمتها عذبة ...مها اي هي و جاسم متفقين يترسون البيت بنات ..ويسمونهم بالدور ..الطفلة الاولى جاسم سماها ..والطفلة الثانية منال .. اسم المرحومة امي ..شيخة عمي ..حنا أنا ومها بنروح غرفة عمتي منال سابقا ..ونخليك مع رغد ..اشردوا قبل لا أهاوشهم .. قليلات أدب ..هالجيل مايستحي على ويهه ..صغار ويتكلمون جي ..رغد مها اكبرت والحين جامعه .. وشيوخ ثانوية .. صج اكبروا ..رغد لازم تمر منال ..وتآخذ لها هدية أنت مارحت لها لما اطلعت من المستشفى .... كنت مشغول ..ونسيت ..كنت أمرج وأرجع البيت بس أنام .رغد أختك بتعذرك .. المهم ..قولي لي ..كل شي ..رغد كل شي؟؟ من رحتي لجواهر في المستشفى ...أبي أعرف شلون تنازلت عن القضية ..رغد يوسف أنا ماكلمت من هذاك اليوم ..بس جواهر اطلعت أصيلة ولما شافتني ييت لعندها وأنا في قمة تعبي ..اطلبت مني أرجع وهي بتتنازل . ما أصدق ..رغد هذا اللي صار ..طبعا أخذنا الكلام ..وقلت لها اني اعرف انك تحبها وانها تحبك ..والظروف فرقت بينكم ..ومن هالكلام ....ماصدقت كلام رغد ..ما أعرف ليش .. بس ساورتني الشكوك ..وسكت .. والحين هي وين؟؟رغد جواهر سافرت السعودية لبيت أمها ..بتظل هناك ..وبعد العدة ماتخلص بتتزوج من ابن زوج امها .. شلللللللللللللللللللللللللللللون؟؟؟انتفضت ..وانقهرت ..رغد ابن زوج امها ترمل من فترة ..وعنده اطفال صغار جدا ..اللي قالته لي منال ..انه عيال فالح كبروا ماعادوا يحتاجونها ..ومستحيل بعد اللي صار تبقى هنا ..مستحيل .. عصبت وانقهرت .. ...شون تسوي جي بكل برود أعصاب؟؟ بس بعد فتره ..اقتنعت ..صحيح ..هي مالها عيشه بينا ..دام أنا موجود ..مستحيل تتهنى ..وعيال فالح كبروا ماشاءالله وصاروا رياييل ..رغد عاد أنا قلت للبنات وللعيال ييون هنا ..البيت بيت عمهم ..وتحت أمرهم .. زين ماسويتي ...تركتني رغد بعد ماحست اني محتاج أكون بروحي ..جلست على سريري ...وتمددت ..واستسلمت لأفكاري .. واتخذت قرار أن عيال أخوي بيعيشون عندي لين يشتد عودهم ..ولين البنات تتزوج ..الاولاد أنا عندي قسم الضيوف شقة بروح لها بابها .فيها مطبخ تحضيري ...والاولاد بتكون لهم هالشقة علشان ماينحرجون من رغد .. والبنات لهم حجرة منال .. **************** أخيرا غزتني مشاعر الأبوه ...لما فت عبدالرحمن شلون نايم في الحاضنه ..كان ودي أضمه حيل لصدري ..رغد يالله أحاتي اليوم اللي يطع فيه .. كبر وايد ..كان صغيير نتفه يوم شفته ..رغد ولد السبع شهور ..أكيد بيكون نتفه .بس احمدالله ..بدا يكبر شوي ..شكلك يضحك بهالرداء اللي تلبسه .. قصيير وايد ..أكيد شكلي بيضحك يعني لازم ألبس هالرداء وهالكبووس؟؟رغد الاطفال هنا مناعتهم ضعيفه والزم مايتعرضون لاي جراثيم ..وهذا أنا لابسه مثلك .. أمانه تقارنين شكلج بشكلي؟؟ كأني أهبل ..كأني ناصر درويش ..ضحكت رغد ..وضحكت معاها ..طالعت لنا الممرضات معصبات ... شششششششششششششش..طلعنا أنا ورغد ومرينا اللاند نشتري هدايا لبنت منال ..********************* جرام هالخالية من ملامح الجمال تشيل اسم امي..منال بنتي حلوة يايوسف ..بس انطر عليها شوي..جاسم يوسف ..لاتغلط على بنتي.. مب حلوة ..منال تهبل ماشاءالله عليها .. مقيوله القرد في عين أمه غزال ..منال يعني ولدك الحلو؟؟ مب قاصر ..يلوع الجبد ..ماعلقت رغد واكتفت بابتسامة .. وييه يا عبدالرحمن ..متى يي الوقت الي أشلك فيه وأحر عمتك ..أنك أحلى من بناتها ..منال عاد ولدك عبدالرحمن وبنتي عذبه بيكررون قصة أمي وأبوي . اشش ...هذا اللي ناقص ..أنا بزوج ابني أحلى الحلوات ..مب هالقبيحة ..منال ولدك القبيح ..كل هالجمال وتقول قبيحه؟؟ جاسم أصلا أنا مابزوج بنتي إلا أحسن الرياييل ..ولد عز وشيوخ ...مب ابنك الكحيان .. ابني بيطلع شاطر مثل أبوه ..مب كحيان مثل زوج عمته ..جاسم أصلا يتمنى يتمنى يصير مثل زوج عمته .. ماباقي إلا أنت ...يلا روح مناك انت وبناتك القبيحات ..منال كل هالحلاة وقبيحات؟؟ صج صج ماعندك ذووووووق ...هالحلاة وهالعسل والشهد ..تعالي يمه روان ..تعالي أضمج ..مممممموااااااااااه ...شوف بس البوسه ترد الروح ..ماتشبع منها ..واستلم جاسم بنته الثانية واشتغلوا غزل في بناتهم ..****************************** السلام عليكم ..ليال وعليكم السلام ..حمدالله على السلامة .. الله يسلمج وين سمير؟؟ليال ما أدري من يا ابن عمه البلاد وصار يغط ومانشوفه وايد .. اييه ..ليال متى ييت من السفر؟؟ أمس الصبح ..ليال تشرب جاي؟؟ لا؟؟؟ييت أشوف الشغل وبكره بداوم ..اليوم مافيني ..ليال زيين ..أستاذ لك رساله ..في درجك الخصوصي.. من مين؟؟ليال ماعندي فكره .. اوكي..دخلت لمكتبي .. ..ليال ..ماحطت عيونها في عيوني من أول ماييت ..تتحاشى تطالع لي ...فتح المظروف ...(( بسم الله الرحمن الرحيم...يوسف .... لاتظن أني سامحتك لسواد عيونك ..أنا ماسامحتك إلا لما اتنزلت رغد وباست يديني ..وترجتني أني ما أرفع قضية عليك ..وإلا اللي سويته فيني مسستحيل أنساه ...أكرهك وكل حب في قلبي لك اختفى ..ما أثرت فيني توسلاتها أني ما أحطم مستقبلك ..كنت أحس أنه شوي فيك بعد اللي سويته فيني..للأسف ..ماقدرت أنتقم منك ..حرام فيك خمس طعش سنه حب ياللي هان عليك ذبحي ... جواهر ..))طبعا ..محد يقدر يفهم الحالة اللي أنا فيها الحين ...وصلت لحالة الانهيار ..انقهرت ...جواهر كانت تبيني أنذل وأعرف باللي صار ..اللي خبته عني رغد ..وصلت لمرادج يا جواهر ..وصلت لمرادج ..وخليتيني أنقهر ... قطعت الرسالة بيديني وأحرقتها ..وأحرقت انسانه حقيرة اسمها جواهر ادخلت حياتي ودمرتني ..حسافه فيج انتي ...بس من ناحية ثانية ..اكتشفت انسانة مميزة ..اكتشفت الاخلاص ..وأنا من عشاق الاخلاص ..اكتشفت أني ورغد تساوينا...رغد أنقذنتي وأنا أنقذتها ....تساوينا ..كبرتي في عيوني يارغد أأكثر ...قاطعت خلوتي دخول ليال للمكتب ..ليال ييت أسلمك المفتاح النسخة اللي عندي للمكتب .. ليش؟ليال خلاص أنا انقبلت في وظيفة حكومية ..وخلاص . يعني ما بتكملين وتصيرين محامية؟؟ليال هدفي وحققته ..وبعدين ..اسكتت شوي .. شفيج يا ليال ..ليال سالم تقدم لخطبتي ..سكتت ..نظرات ليال كانت ناطرة مني اجابه ..استنكار ...اعتراض ...بس للأسف خيبت ظنها ..ليال والظاهر اني بوافق .. مبروك ..مقدما ..كانت النظرة اللي في عيونها قاتله ..ادمعت عيونها .. ليال أتمنى لج السعاده .. وأنا ممنون لمساعداتج ..واذا احتجي أي شي ..أنا موجود ..ورجعت للأوراق اللي قدامي ...ليال للأسف ..وحذفت شريط على المكتب ... ليال مع السلامة ..طالعت الشريط وأنا مستغرب .. من موقفي ..قلبي يحبج يا ليال ..بس أنا متأكد أني ما بسعدج .. مسكت الشريط وركبت السيارة بعد ماقفلت المكتب ..هذا وداع بيني وبينج ياليال ..موفقة ..حطيت الشريط ..وكانت أغنية ماعرفت من صاحبتها ..(( قلي أنا كيف أنا بهواك أنت؟؟ كيف بدي كون مغرومة فيك انت .. عم بتغيب ناسي الغرام ناسي ..وخسارة فيك غرامي ياقاسي ...أبدا ... مش ممكن أنا أحبك ...وأنت بقسوة قلبك مش تارك عندي حنان ولابقدر فكر فيك ..تبعد بتجافيني ..ترجع بتراضيني ..أنا عمري بقربك ضاع وكأنه مابيعنيك ...أبدا مابعيش ..أبدا مابريد ..بقربك ولا يوم رويت الروح منك .. بعدك ولا يوم سألني الشوق عنك ..قلبي تعبان دايما مشغول بالي ..لو راح أهواك أنا بدي لوم حالي ..أبدا ... مش ممكن أنا أحبك ...وأنت بقسوة قلبك مش تارك عندي حنان ولابقدر فكر فيك ..تبعد بتجافيني ..ترجع بتراضيني ..أنا عمري بقربك ضاع وكأنه مابيعنيك ..))) انتهت الاغنية ..اللي اتضح لي بعدين أنها للورا خليل ..كان تصريح قاتل من ليال ...ليال ..في حياتي كلها مابنسى نظرتج في اللحظة اللي باركت فيها لج ..كأني خيبت ظنج ..موفقة ..مع سالم ...موفقة ... حطيت شريط أبو عبده ...((مذهلة ماهي بس قصة حسن ...رغم أن الحسن فيها بحد ذاته مشكله ..مذهلة ..كل شي فيها طبيعي ومو طبيعي أجمل من الأخيله ..طيبها قسوة جفاها ..ضحكها هيبة بكاها ..روحها حدة ذكاها ..تملأك بالأسئلة ..مذهلة مذهلة ...مذهلة ....يابدايات المحبة ..يانهايات الوله ..الحسن سبحان ربه ..ظالم وما أعذبه ... أعذب من الامنيات ..عالم من الاغنيات يا أجمل الشعر البديع من آخره لين أوله ..ليه عمري مالقى لبرده دفى إلا دفاك ..وليه أنا عيني تشوف وماتشوف إال بهاك ..يا أجمل من الأخيله .هذا جواب الأسئلة ..كي تكوني في عيوني ..ومن حنيني ..وبس فيني ومو بدوني مذهله ....)) ********************************* مها عمي متى نرجع بيتنا ؟ أي بيت؟؟مها بيت أبوي ؟؟ مابترجعون ..بتعيشون هنا ..هذا البيت لكم مثل ماهو لي ...أبوكم المرحوم ما أخذ نصيبه من البيت ..شيخه بس عمي .. لا ..مافي بس ..العيال ..لاقسم اللي انتوا فيه ..لكم ..ومها لج غرفة عمتج منال ..وشيوخ لها غرفتي ..طبعا كان الاستغراب الوحيد من رغد ...اللي التفتت لي وهي مستغربة ....وأخيرا لما دخلنا الغرفة..رغد ليش عطيتها غرفتك؟؟ البيت واسع والغرف وايد ... لان غرفتي قريبه من غرفة منال ..وبعدين شتبيهم يقولون لما يشوفونا نايمين في قسمين مختلفين؟؟رغد وأنت بتنقل للغرفة اللي جنب غرفتنا؟؟ لاء ...هذي الغرفة بتكون لعبد الرحمن ..أنا بانتقل لغرفتنا أنا وأنتي ..رغد بعد تاريخ 17 يناير اللي قرب؟؟ابتسمت ... لاء من اليوم ..رغد اسكتت ..وحسيت انها مكتئبة ...مرت الايام وعيال فالح سووا حس في البيت وتأقلموا ..كنت مسؤول عنهم ...ومنه تسديد دين الوصل لاخوي اللي قطعته بالجفا .. وجواهر محد فتح موضوعها مرة ثانية ,,سعد تقدم لخطبة شيخة مع أهله ..مانقدر نرفضه ..بس أجلنا العرس لين بعد الثانوية على الاقل ..ومحد ناقش الفرق العمري بينهم لان شيخة كانت راضيه فيه...وطلع عبدالرحمن من المستشفى ...اندمجت في دور الأبوة ..وكان من أروع المشاعر اللي يمكن تجتاح الانسان ..ليال ..ما شفتها من زمان ..بس وصلتني بطاقة عرسها ..اللي قررت أني ما أحضره ...*********************** 17-يناير 2004 ...من الصبح لاحظت أن رغد مكتئبة .. شفيج .. بتطلقني؟؟أنا أعرف أنا رغد ماتبي الطلاق .. ولكنها تبي تحررني من هالارتباط .. العصر بنطلع ..و بقولج ..************** كان يوم مقلق بالنسبة لي ..ركبت رغد السيارة ..وأنا أحس بتوترها ..خذيتها لمطعم هادي وفخم ........... شتآكلين؟؟رغد ماابي شي ..مرت الدقايق علي سريعه ..لكن باين أنها بطيئة بالنسبة لرغد .. ليش تطفت الليتات؟ علمي علمج يارغد ..رغد تلاقيه عيد ميلاد شخص ..أكيد هالحركة مايسوونها إلا لها السبب ...دقايق ..وتشغلت اغنية ...كل عام وأنت حبيبي لشيرين وفضل شاكر ..وقالب كيك شكبر عليه شمعه وحده ..هابي اننيفيرستي ..طبعا ما بوصف اذهول اللي على ويهه رغد لما القالب انحط على طاولتنا .. العمال باركوا وراحوا ..والأضواء صارت خافته ..ومع هذا لمحت دموع رغد .... رغد ... كل عام وأنت بخيير ..رغد مابتطلقني؟؟ لأ ...شلون أطلق الانسانه اللي أحبها؟؟طبعا كانت نظرات رغد المذهولة ..أحلى مافي الحركة ..رغد أنت تحبني؟؟ وأعشقج مووت ..يا أم عبدالرحمن ...يا أحلى زوجة في الكون ..كانت مشاعري صادقة أخييرا ...اعترفت لها بحبي لها ..وماقلت لها اني اكتشفت اللي سوته علشاني ..رغد خاطرت بحياتها علشاني ...وأنقذت مستقبلي من الانسانة اللي عشقتها طول عمري ..ماتستاهل الاحترام والحب؟؟؟ كانت أروع ليلة مرت علي من زمن طويل ...والي خلاها بهالروعه اعتراف رغد ..انها حبتني من أول يوم معاي ...وأنها تمنت الموت ...ولا عذاب الحب اللي قاسته .. انختم وسام حبها في قلبي للأبد .. أغلى انسانه بإخلاصها ..رغد ... انتهت اعترافاتي ..وكرهت النساء في جواهر ...وعشقتهم في ليال ...وحبيتهم في رغد .... يوسف ... انتهت ... سهر ..6-10-2004 2:27ص...منقوووووووووووووووووووووول

شو هادا يرسيلو على بر كل هادا ما بيحب النسوان ولا شو قصتو هادا
mlaak