وصلنا السيف نزل مشعل وسلمان انا طبعا كنت كاشفه لاني ما اتغطى في البحرين ( لا تسألون ليه ) وملاك وود كانو يكشفون بعد , العنود كانت مره تكشف ومره تتغطى متردده , ندى كانت متبرقعه ( تحب البداوه خخخ ) وريم كانت معبيه عيونها كحل واي شدو وردي وحاطه لثمه كان بااااين عليها انها تبي ارقام !!!
انا كنت امشي مع ريم لانها تقول انها ماتبي تمشي مع باقي البنات لانهم يفشلون !!
طلعنا نشوف السنما وكانوا عارضين فلم ( .......... ) انا كنت شايفته من النت بس البنات قالو يبون يدخلونه انا قلت لهم : اوكيه خلاص اجل انا راح ادور لي فلم يبدا ويخلص في نفس وقت ( ......... ) وانا كنت ادووور بين لوحات العروض سمعت صوت وراي : بسسسسس
انا : بس مالله خوفتي ياسخيييف
ماجد : هههههههه شو يالسه تسوين ؟؟ ( وش جالسه تسوين ؟؟ )
انا : ولاشي بس بنات خالتي يبون ....... الخ
ماجد : زين فلم ( ......... ) راح يبدا في نفس الوقت وينتهي بعد في تفس الوقت
انا : والله زييين
ماجد : هيه ( أي ) انا بدخله تدخلين ؟؟
انا : ايي
ماجد : عيل ( اجل ) انا بروح اقطع تكت وراجع انتي روحي اشتري شي ناكله
انا : اوكي
وانا في طريقي عشان اشتري
سلمان : بس قلبي وين رايحه
انا : رايحه اشتري بوب كورن ( فوشار ) وكم شغله عشان الفلم
سلمان : أي فلم راح تدخلين ؟؟
انا : (........)
سلمان : اهااا
ماجد : هااا مريووم شريتي ؟؟
سلمان وهو متضايق : اهليين ماجد
ماجد : هلا سلمان , مريووم امسكي التكت بروح اشتري
انا : لا ماله داعي بروح اشتري انا
ماجد : عيل يله بسرعه ترا مابقى شي عالفلم انا بستناج داخل القاعه
انا : اوكي
راح ماجد القاعه
سلمان : ما شاء الله كن ماجد راح يدخل معاك الفلم ؟؟
انا : ايي راح يدخل لأنه الفلم الوحيد اللي يبدا وينتهي في نفس وقت ( ....... )
سلمان: خلاص اجل راح اروح اقطع تكت لي
انا : اوكي
شريت الأكل ورحت للقاعه لقيت ماجد قلت له : ميووود ( عشان باللهجه الأماراتيه الجيم يقلبونها ياء ) امسك الببسي بيطيح من ايدي
ماجد : يله بسرعه الحين بيبدا
بدا الفلم والين الحين ماجي سلمان انا : ميوود ماشفت سلمان
ماجد وهو منسجم مع الفلم : لا لا ماشفته
انا دقيت على سلمان : وييينك ؟؟ بسرعه تعال ترا القاعه زحمممممه
سلمان : مافي تكت !!!
انا : اهااا يعني ماراح تجي ؟؟
سلمان: لا بستنى في سينابون جمب السينما
انا : اوكي اذا خلص الفلم بجيك
سلمان : احبك
انا : ؟؟؟؟؟؟
سلمان يستهبل : ليه ساكته يعني ماراح تقولين لي انك تحبيني ؟؟
انا: اوكي سلمان لازم اسكر الحين
سلمان : اموووواه
انا : قفلت الجوال

خلص الفلم وماجد راح مع العيال اللي كانوا معاه وانا رحت لسلمان
سلمان : تو الناس كان خذيتيلك كم لفه مع ماااجد
انا : بلا سخافه خلص الفلم وجيت . وين البنات
سلمان : هذا هم جاو يله نمشي
مشعل : يله خلصوني عورتي راسي طول الفلم صياااح !!!
انا :هههههه ليه لهدرجه يعني الفلم يحزن
البنات بصوت واحد : اييي يجننن
انا : ههههههه
مشعل : لا والله سخيييف يجيب المرض
انا: هههههه حرام عليك مو لهدرجه
سلمان : طيب وش رايكم نروح نتعشى لاني مررره جوعان

رحنا تعشينا ورجعا الخبر الساعه كانت 1:30 بالليل طبعا خالاتي الساعه 9 كانت كل وحده ببيتها
وصلنا امشعل و ملاك و ود بيتهم كان سلمان اللي يسوق و وصلني انا : يله لا تقطعون ( اقصد خوات سلمان العنود وندى )
الكل : اوكي يله بااي
انا : بااي
.................................................. ................................................
دخلت البيت الكل كان نايم رحت لمشاعل في غرفتها طبعا هي ماراحت معنا البحرين لانها ماتحب بنات خالتي تقول انهم غثيثات !! كانت في ساابع نومه
دخلت غرفتي ورميت جسمي على السرير كنت مررره تعبانه ونمت

اليوم هو يوم زواج سارا صديقتي صحيت الساعه 4 العصر ورحت على طوول للكوافيره عشان اسوي شعري اما الميك اب فانا احب احطه لأني ما احب ابين اووفر مررره جات ..
الساعه 8 كنت توني داخله البيت لان الكوافيره كانت زحمه طلعت لغرفتي وبعد مالبست الفستان اللي شريته خصوصا لزواج سارا كان اسود من غير اكتاف ضيف شوي وطويل كنت طالعه فيه كني من بنات القرت التاسع عشر ستايل قدييم بس في نفس الوقت راااقي.. مشاعل كانت رايحه معي اللزواج كانت لابس فستان بنفسجي غاامق قصير معطيها طول زياده على طولها الطبيعي ومنحفها صاير جسمها تحفه ..
وصلنا القاعه كان الزواج رااقي وكل شي فيه مرتب انا رحت ركض على غرفة العروس .. انا : احم احم
سارا: هلا والله مريووووم ادخلي
انا : كللوووووووووش مبروك مبروك عقبال ماتزوجيني خخخخ
سارا: ههههههه ان شاء الله ازوجك على حبيب القلب ( كانت ساره تعرف عن حب سلمان )
انا : ههههههه والله صايره قمر قمر ما شاء الله
سارا: تسلمين , اقول مريووم شلون الناس بره زحمه ؟؟
انا : ايي بس الزواج مرتب ورااقي
سارا: الحمد الله اقول ميمي الساعه كم الحين ؟؟
انا : الساعه 12
سارا: بعد شوي الزفه خاااايفه
انا : لاتخافين والله صايره قمر , يله انا الحين بروح اوشف المعازيم
سارا: اوكي

بدت الزفه وكانت سارا تجنن ماشاء الله عليها
وبعدها بحوالي نص ساعه دخل العريس ودخل معاه ابوه واخوان العروس انا في نفسي : ياربي هذا اللي عاليسار اعرفه كني شايفته في مكان يوووه يمكن اكون مشبهه انا كنت كاشفه وحاولت اقرب عشان اشوف مين هذا اللي مشبهه عليه هو ناتبه علي وانصدم !! ماشال عينه عني طوول الزفه , انا ماكنت اشوفه بوضوح تعرفون الأنوار كانت خفيفه وزحمه البنات كلهم لاصيين بالمسرح , انا اشوف ساره تأشر لي عشان اجيها للكوشه انا قطيت الشيله على وجهي ورحت لها
سارا: مريووم شلون كان شكلي بالزفه ؟؟
انا : رووووعه, ( انا طاحت عيني على اللي مشبهه عليه يالله هذا احمد !!! )
انا منصدمه : سوسو مين هذا اللي لابس شماغ هناك
سارا: هذا اخوي احمد ماتتذكرينه
انا : هذا احمد ما شاء الله ( احمد اخو سارا كان رايح برا يدرس )
انا: ومتى رجع من السفر ؟؟
سارا: قبل حوالي شهر
انا : اهااا طيب ياعروس اخليك مع عريسك
سارا: هههههههه اوكي عقبالك
انا : امييييييييييييييين

طلعت من القاعه عشان ادور مشاعل ما ادري وين طست شفتها بالحمام انا :انتي وينك ؟؟
مشاعل : بسم الله كنت طوول الوقت في القاعه شفت وحده من البنات اعرفها وجلست معها
انا : اهاااا
مشاعل : طيب انا الحين رايحه داخل
انا :اوكي
وانا طالعه كنت طبعا فسخت عباتي على اني راح اروح الحمام ولما ارجع يكون الرجال طلعوا بس بالصدفه شفت احمد بوجهي طالع من القاعه جات عيني بعينه وبتسملي انا بنحراج دخلت الحمامات عشان ما يشوفني
خلص الزواج وكانت الساعه 5 الفجر لما رجعت للبيت
.................................................. .................................................. ........

صحيت على صوت جوالي كنت تعبانه من الزواج ونمممت
انا بصوت كله نوووم : الوووو
؟؟؟:: ما ادري اقول صباح الخير ولا مساء الخير
انا : مييين ؟؟
؟؟؟: راح اقول بس تكفيين لا تقفلين
انا : خلصني ترا فيني نووم بسرعه قول انت مين؟؟
؟؟؟: واكي خلاص راح استنى نص ساعه الين ما تصحصحين وراح ادق من جديد
انا قفلت الخط بوجهه قمت وغسلت وجهي دق جوالي انا : لاحوول انت بتقول انت مين ولا شلون ؟؟
؟؟؟: معاك ..... احمد
انا :؟؟؟؟؟؟
احمد : انا احمد ماعرفتيني ؟؟
انا استهبل : أي احمد ؟؟
احمد : انا اخو سارا واللي بالسوبرماركت عرفتيني ؟؟
انا: اهاااا احمد الحين عرفتك
احمد : ههههه حسبتك نسيتي
انا : احمد سارا فيها شي ؟
احمد : لا مافيها شي تسلم عليك
انا :الله يسلمها
احمد : ادري ان اتصالي ماله داعي بس ماحسيت الا وانا سارق رقمك من جوال اختي وداق
انا : أي صح الحمد الله على السلامه
احمد : هههه الله يسلمك , سمعت ان نسبتك ماشاء الله 97% ناويه تكملين دراسه ولا ؟؟
انا : أي ناويه اكمل هندسه معماريه في جامهة ( ........) هينا
احمد : وش هالصدفه !!!انا ناوي اكمل بعد في هالجامعه وكمان هندسه معماريه بس ترى لازم تشدين حيلك لان الهندسه يبغالها عقل مفتح . الله يوفقك
انا : ويوفقك
احمد :قدمتي اوراقك
انا : أي قدمت وبكره را يسوون لي مقابله
احمد : انا سوولي المقابله والحمد الله قبلوني
انا : وش اسألوك ؟؟
احمد : اسأله تافهه ليه تبين تدرسين هالتخصص ووش تبين تصيرين اذا تخرجتي ومن هالأسئله
انا : اهااا
احمد : عالعموم انا بكره راح اكون متواجد في الجامعه عشان اخلص اوراقي فلو احتجتي لأي شي انا بالخدمه
انا : مشكوور
احمد : لاشكر على واجب يله اخليك مع السلامه
انا : مع السلامه

انا ماكنت ابيه يقفل كنت فرحانه مره باتصاله وفي نفس الوقت منصدمه !!! معقوله احبه ؟!!
طيب وسلمان ؟؟ انا عارفه ان شعوري اتجاه سلمان مجرد اعجاب

اليوم هو اول يوم لي بالجامعه انا كنت خاااايفه لانها اول مره اروح لمكان لحالي وما اعرف فيه احد
وقفت عند بوابة الجامعه كان فيه بنات من كل شكل ولون وحتى اولاد بس كانو في مبنى معزول ومشترك في المكتبه يعني بس المكتبه هي اللي يصير اولاد وبنات
رحت للبوفيه وطلبت لي كوفي وكورواسان شفت بنت لحالها جالسه في طاوله معزوله شكلها اول سنه قربت من طاولتها : السلام عليكم
البنت : وعليكم السلام
انا : انتي اول سنه ؟؟
البنت : ايوه
انا : حتى انا بعد اول سنه , ممكن اجلس ؟؟
البنت : أي تفضلي
انا : معاك مريم
البنت : نوره
انا : عاشت الاسامي , بأي قسم نوره
نوره : هندسه معماريه
انا : وش هالصدفه انا في نفس هالقسم
نوره : هههههه
انا : بس تصدقين ما اعرف مكان هينا بالموت وصلت للبوفيه
نوره : هههههه انا اختي كانت تدرس هينا جات علمتني على الاماكن والقاعات
انا : الحمد الله على الاقل لقيت وحده توديني لقاعتي ما اعرف وين هي
نوره : ههههههه اوكي . طيب عرفتي الكتب اللي لازم نشتريها
انا : لا
نوره : انا خذيتهم من الدكتور (.....) راح يحاظر لنا
انا :اهاااا طيب وش هم ؟؟
نوره كتاب (..........) وكتاب (......) وكتاب ( ...........)
انا : اهااا زين

وبعد ماخلص اول يوم لي في الجامعه طلعت عشان استنى السواق وانا جالسه استنى مر من قدامي احمد ولما انتبه لي وقف سيارته ونزل
احمد : مريم ؟؟
انا : اهليين احمد
احمد : هلا والله وش جالسه تسوين ؟؟
انا: استنى السواق ما ادري وش فيه تأخر
احمد ( كان نفسه يطلب مني انه يوصلني بس كان عارف اني راح ارفض ) :طيب اجل راح استنى الين مايجي السواق
انا :لا ماله داعي الحين بيجي
احمد : وشلون لقيتي الجامعه ؟؟
انا : كبييييره ماتوقعتها كذا
احمد : هههههههه, تعرفتي على احد ؟؟
انا: أي تعرفت على وحده معاي في الفصل
احمد فطس ضحك : وش فصله خلاص كبرنا على الفصل يقولون قاااعه
انا :ههههههههههه والله يازين الثانويه زيناااه ههههههه
احمد : ههههههههههههههه
انا : هذا هو السواق وصل
احمد : يله اجل اخليك واذا احتجتي لأي شي انا في الخدمه
انا :اوكي .وسلملي على ساره يله باي
احمد : يوصل, باي

انا دقيت على امي وقلت لها اني خلاص ماراح اروح لان صديقتي شرت لي الكتب
نزلت للصاله وجلست افرفر بالتلفزيون الساعه 10 جاني مسج من سلمان (( اذا كنتي مستعده تشرحيلي اللي صار اليوم دقي !!))
انا اوووف وش هالغثه ياخي قلت لك ما احبك خصب رسلت له مسج (( سلمان انا مامنعتك انك تحبني بس ياليت تحبني بقلبك وبس من غير ماتحرجني ))رسلي (( احبك ) انا خذيته على قد عقله الولد رومننسي وطنشت
.................................................. .................................................. .........................................
مرت الأيام وخلصت ألسنه الدراسية كان يوم اربعاء الساعه 9 بالليل
انا : الووووو؟
سارا: ارحبووووه
انا : هههههه هلا وغلا
سارا: باركيلي باركيلي
انا : مبروك بس على وشو ؟
سارا بحيى : انا.. انا... انا ...
انا : خلصيني يله قولي
سارا: انا حااااااامل
انا بصراخ : مبروووووك
سارا: اوص اوص فضحتينا
انا : ههههه وربي اني ماني مصدقه انك راح تصيرين ام!!!
سارا: ههههههه حتى انا والله
انا : طيب محمد درا
سارا : ايي وفرحان مرره حتى احمد يقول اذا كان ولد مانسميه الا على اسمه احمد
انا : ههههههه الا صح احمد نجح
سارا : أي نجح بس ماراح يكمل
انا : يؤيؤ لييييه ؟؟
سارا : عشان صديق ابوي فتح له شركه وعرض على احمد انه يشتغل معاه بمرتب زين ووظيفه زيينه واحمد وافق
انا : اهااا, الله يوفقه
سارا: الا انتي وش اخبارك وش علومك وربي اني مشتاقتلك حيييييل
انا : والله انا مثل ما انا ماتغيرت
سارا: طيب وش اخبار العاشق الولهان ( سلمان ) ؟؟
انا: كح كح غبااااااار
سارا: ههههههههه لييييه ؟
انا : سوسو انتي تعرفين ان سلمان ماهو من نوعي المفضل !! يعني انا كنت ماخذته استهبال وتسليه !!
سارا: مسكيييين حرام عليك طيب على الأقل قوليله انك ماتحبينه
انا : قلت له بس هو مو راضي يفهم
سارا: هههههه صدق اللي قالو الحب اعمى
انا: هههههههههه
صوت الباب انفتح عند سارا
انا : مين اللي على الباب اخاف حرامي ههههه
سارا: ههههههههه لا هذا محمد
انا : اجل اخليك وادق عليك بوقت ثاني
سارا: اوكي يله مع السلامه
انا : مع السلامه

بعد حوالي شهر
الساعه 2 الفجر
انا : اووف مين السخيفه اللي داقه على بهالوقت : الووو
سلمان : هلا اسف اني صحيتك م نالنوم
انا خفت لان اول مره يكلمني سلمان بهالوقت :سلمان فيك شي ؟ خالتي فيها شي ؟ البنات فيهم شي ؟
سلمان : لالا مافينا شي بس ... كنت ابي اسمع صوتك
انا : وربي انك فاااااااضي وماعندك سالفه هالحين مصحيني من النوم وكنت بموت من الخواف واخر شي تقولي ( اقلده ) ابي اسمع صوتك !!
سلمان : كنت ابي اتكلم معاك بموضوع
انا : خير وش هالمضوضع اللي ماقدرت تصبر الين الصبح ؟
سلمان عصب مررره : ممكن تتكلمي بجديه اكثر ولا اخاف انك جالسه تتكلمي مع بزر ( صغير ) وانا مدري
انا انتبهت لنفسي : اسفه , وش الموضوع ؟
سلمان : تتزوجيني ؟؟؟
انا ماكنت اتوقع ان راح يجي يوم يسألني فيه سلمان هالسؤال
سلمان : ادري ان الفروض ما اسالك واني لازم ادخل البيت من بابه بس خفت اني اكلم الوالده وتحرجيني برفضك مع اني عارف انك مستحيل ترفضي !!
انا : وش اللي يخليك وااثق كذا ؟
سلمان : لانك تحبيني وانتي عارفه ان في رفضك نهايتي
انا في نفسي ( وربي وااااااااثق ): بس ماتحس انك استعجلت شوي
سلمان : لا بالعكس هذا انسب وقت انا موظف واقدر اصرف علينا
انا : بس انا ابي اكمل دراستي
سلمان : طيب كملي دراستك مين قال لا
انا : بس ماراح اقدر اوفق بينك وبين دراستي يعني وقتي راح يكون كله للدراسه
سلمان: يكفيني وقتك بالليل !!
انا بعصبيه : سلماااااان!!!!
سلمان : اسف بس والله ابيك جمبي اليوم قبل بكرا ليه مو راضيه تفهمين
انا : طيب عطني كم يوم افكر
سلمان: خذي راحتك بس تكفين لا تطولين
انا : طيب اذا قررت بدق عليك لا تجلس كل دقيقه تدقدق علي !!
سلمان: انتي تامرين
انا : طيب ممكن الحين تقفل عشان ابي انام
سلمان : نوم العوافي
انا : مع السلامه
قفلت من غير ما اسمع رد سلمان . يعني معقوله بعد اسلوبي وكلامي هذيك المره الين الحين يحبني !!!
بس انا ما تخيل نفسي زوجة سلمان او سلمان زوجي لالا مستحييل انا ما احب سلمان ليه اضيع عمري معاه ؟
يوووه بنام الحين وبكره يصير خير .....



بعد يومين الساعه 2 الظهر كنت متواعده مع ساره اني اروح معاها عند الدكتوره عشان نتطمن على البيبي
رد جوالي سارا: اهليين
انا : هلا والله
سارا: كيفك ؟
انا: تمام توني صاحيه
سارا: ماراح تجين معي للدكتوره ؟؟
انا : اكيييييد راح اجي دقايق والبس
سارا: اجل انا نص ساعه واكون قدام البت
انا : اوكي
سارا: باي
انا : باي

لبست جينز وتيشيرت اسود مريم وصندل عالى شوي عشان يعطي مشيتي شويت نعومه لاني بالجزمه( الفلات ) كني عربجيه هههههه الموهيييم اني نزلت لصاله كان البيت هدوووء وفاضي ماعدا الانسه ميري : مدام يبغى غدا؟
انا : ايش في غدها
ميري : كبسه لحم
انا : لا ما ابغى
صوت ابوي نازل من الدرج : صباح الخير كان ماصحيتي
انا : ههههه الناس عطله اقول من الصبح ليه ماوراي شي
ابوي وهو مستعجل وشايل شنطة اوراقه :طيب انا رايح الشركه تبين شي ؟
انا : سلامتك

انا : ميري روحي فوق جيبي عبايتي
ميري وهي تتحلطم : حاضر مدام
بعد حوالي ربع ساعه دق جرس الباب انا عرف انها ساره رحت ركض للباب أستهبل : تو الناس كان ماجيتي يالعصله( لقب سارا لما كنا بالمتوسطه )
سارا: هههههه يله تعالي اركبي تأخرنا
سارا اركبت قدام انا ما انتبهت على اللي يسوق فقلت بهستيريه : والله حركات يالعصله من بعد الددسن صرنا نركب بي ام ههههه
ماسمعت الا صوت رجال :: ههههه اهلين مريم كيفيك!!!
انا طاااااااح وجهي ما انتبهت ان احمد هو اللي يسوق لانه كان ساكت ولابس ثوب من غير شماغ وشعره ناعم واسود كنه هندي هههه انا : اسفه ما انتبهتلك
احمد : لا عادي ليه تتأسفين
سارا جالسه تغمز لي وتسوي حركات ترفع النقاب وتطلع لي لسانها وانا كاااتمه ضحكتي
احمد : الا وشلون الدراسه معاك ؟راح تكملين ؟؟
انا : والله صعبه شوي خصوصا لما دخلنا بالرسم بس اكييييد راح اكمل
سارا: تتذكرين مريووم لما طردتك ابلة الفنيه المصريه مرفت ؟
انا : هههههه أي الله اخذها خلتني ابكي هذاك اليوم
الكل :هههههههههه
وصلنا للمستشفى ونزلنا انا وسارا اما احمد فجلس يستنى في المواقف وبعد ماتطمننا على البيبي كنا بطريفنا انا وسارا للمواقف
سارا: هيه انتي وش مسويه في اخوي
انا : وش مسويتله ؟
سارا: اول مره يتكلم مع احد بهالأسلوب ولا اعلاده كله صفط
انا :ههههههه
سارا: حتى انتي اللي اعرفه ان مريوم ماتعطي احد من الاولاد وجه ايًا كان بس اشوف العكس مع احمد لاتكونون في العسل وانا مدري
انا : ههههههه والله اسئلي اخوك الا سارا وين محمد ؟
سارا: في الدوام مرسلينه دوره للجبيل
انا : اهااا
وفي السياراه
سارا: احمدوووه ودني ستار بوكس جوعاانه
احمد : انتي ماوراك رجال انا تعبان ماراح اوديك الا مكان واحد اختاري يا استاربوكس او مطعم عشان تتعشين
سارا: لا خلاص مطعم اصلا ستاربوكس مايشيع
انا : طيب خلاص اجل ودوني البيت
سارا: لا مافي بتتعشين معاي
انا : بس ماما ماتدري
سارا: عادي مو مشكله دقي عليها وقوليلها يله ياسخيفه وربي من زمااان ماطلعنا
احمد : خلاص مريم انزلي تعشي معانا صراحه اخاف اجلس معاها لحالي اخاف تاكلني
الكل : هههههههه
سارا ارسلتلي مسج (( ياسلام على الحب عليني عينك طيب اوريك لما نرجع ليه ماقلتيلي ؟)
انا رسلت لها ( ههههه ياسخيفه اقول بس بلا كلام فاضي وجهزي المهر بجي اخطب اخوك هههه)
سارا بصوت عالي :اقول يابنت اثقلي بس هههههه
انا اأشر لها اووووص انتبه علينا احمد وعرف اننا كنا نحش فيه
بعد صلاة العشا رحنا فرايديز اللي على الكورنيش كان مرره زحمه
كنت انا وساره في طاوله واحمد في طاوله ثانيه بعد العشا سارا: ميمي انا بروح اغسل ايدي
انا :روحي يالدوووبه ماترتاحين الا لما تضربين بالخمسه ههههه
سارا: هههههه سخييفه
راحت سارا وطاحت عيني على سلمان اللي كان يدفع الحساب انا فنفسي وربي انه يجنن يااااخذ العقل حتى وهو من غير شماغ بعد يجنن
احمد انتبه لي وابتسم انا سويت نفسي ما انتبهت مر من جمبي : بالعافيه
انا : الله يعافيك
احمد : وين العصله ؟
انا : هههههه راحت الحمام
احمد : طيب اذا خلصتوا تعالو للسياره
انا : اوكي
اااه على العيون وربي تعذب مو الضب سلمان الله ياخذه وععع
جات ساره ووصلتني البيت كانت الساعه 10 بالليل
دخلت لقيت امي جالسه على التلفزيون ومشاعل تكلم بالتلفون انا : السلام عليك
الكل : وعليكم السلام
انا :بطلع بتروش وبعدها بنام
امي :ماتبين تتعشين
انا : لا ما ابي عشى كليت من البوفيه في المستشفى ( طبعا ماقلت لامي اني تعشيت مع سارا واحمد لاني راح اتهزأ امي ماترضى اطلع مع اخوان صديقاتي ابد )