|
| |||||||
| روايات كاملة / روايات مكتملة مميزة يمكنك قراءة جميع الروايات الكاملة والمميزة هنا |
| | LinkBack | أدوات الموضوع | انواع عرض الموضوع |
|
#16
08-26-2008, 08:41 PM
| ||
| | ||
| رد: لا تحاتي غناتي دامك انت معاي ..هالمره الروايه كامله!! احمد : حياتي وش فيك ساكته ؟؟ انا : مافيني شي بس... احمد : لاتكونين من اللي يخافون من الطيران انا : بالضبط احمد : هههههههههههه ياقلبي اقول انا وشفيها البنت جالسه على اعصابها انا : ههههههههه الكابتن يعلن عن بدأ الاقلاع انا هينا كنت بموت مسكت ايد احمد بقووه استقرت الطياره في الجو احمد : خلاص فكي ايدي استقرينا ذبحتيني انا : خلاص ؟؟ احمد : أي خلاص انا : الحمد الله احمد ( فاقع ضحك من شكلي ) جات المضيفه احمد : وش تشربين انا : هوت شوكلت احمد : تو هوت شوكلت بعد مرور كم ساعه وانا معلقه بالجو وصلنا المطار احمد خلص الاجراءات وعلى طووول على الفندق وصلنا الفندق احمد : انا تعبان وبروح انام مابتجين ( يغمز ) ؟؟ انا : لا مافيني نوم بجلس على التلفزيون احمد : طيب صحيني الساعه 6 المغرب انا : اوكي مسكت الريموت وجلست افرفر من قناة لقناه الساعه 6 دخلت الغرفه عشان اصحي احمد بس ماكان في السرير احد !! ادور يمين شمال انادي احمد احمد محد يرد ماحسيت الا ب : بووووووووووه انا : ااااااااااااه احمد : ههههههههههههههههههه انا : ياسخييييييف كنت بتموتني من الخوف احمد : بسم الله عليك من الموت انا : يله قوم اجلس معي زهقة احمد : وش رايك نطلع نتمشى انا : اوكي طلعنا نتمشى في شوارع مدريد بعدها رحنا نتعشى بعد العشا احمد : برا مطر كثير مانقدر نطلع انا : يعني وش راح نسوي انا فيني نووم احمد : استنيني في المطعم بروح اجيب مظله وبرجع انا : اوكي بس لاتتأخر احمد : ماراح اتأخر دقايق وراجع انا جلست استنى استنا استنا ياربي احمد تأخر انا طلعت عشانادوره بس المشكله اني ضعت معاه جلست حوالي ساعتين وانا ادور ودمعتي على عيني واخيرا لمحت احمد واقف عند باب المطعم يدور انا جيت اركض وضميته احمد : انتي وين رحتي خوفتيني عليك انا : انت تأخر وخفت عليك احمد: امشي خلينا نرجع الفندق كلك مبلله رجعت الفندق وانا راسي يعورنيي احمد : وش فيك جالسه على السرير ماقمتي من رجعنا انا : تعبانه راسي احمد : اكيد جاك برد اجيبلك دكتور انا : لا مافي داعي اخذ بندول واصير احسن اليوم الثاني انا صحيت الساعه 10 الصباح احمد كان نايم طلعت للمطبخ عشان اسوي فطور بس ماكان لي خلق فطلبته من الفندق وجلست افر فر في التلفزيون والمجلات الساعه 12 انا طفشت لحالي فقلت خلني اصحي احمد على الاقل يجلس يسولف معي دخلت الغرفه كانت بااارده انا اهز احمد من اكتافه: احمد يله قوم الساعه 12 احمد:فيني نووووم بعدي بعدين انا :يوووه كيفك اذا شبعت نوم قوم احمد: سكري الباب معاك انا طلعت وسكرت الباب بقوه اووف طفش الحين شسوي مافي غير ادق على سارا اسال عنها خذيت جوال احمد لان جواله دولي جلست ادور في الارقام لقيت رقم سارا انا : الوووو؟ سارا : هلا وغلا بالعروس كللوووووش انا :ههههه بس خلاص فضحتيني سارا : ههههههههه انا : كيفك؟ وكيف البيبي؟ سارا : تمام انتي كيفك وكيف شهر العسل معاك ؟ انا : تمام سارا: وين اخوي اشتقت له انا : نايم داخل سارا: طيب اذا صحى سلميلي عليه انا : يوصل سارا: متى راح ترجعون ؟ انا : والله ما ادري , سوسو دريتي وش صار بالطار؟ سارا: وشو ؟ انا : شفت سلمان هناك !! سارا: سلمان ؟ وش يبي ؟قوليلي وش صار بالضبط انا: ...... الخ ( في هذا الوقت احمد طلع من الغرفه ) احمد : مين تكلمين انا : سارا سارا: هذا احمد اخوي عطيني ابي اكلمه انا امد الجوال لاحمد : خذ تبي تكلمك احمد بعد ماقفل من سارا : ليه مكلمتها من جوالي انا : لان جوالي مش دولي وصلت لاحمد مسج احمد: طيب انا بطلع اجيب كم شغله وراجع انا : بروح معاك احمد : لا اجلسي في البيت انا : ليه طفشت ابي اغير جو احمد: امس طالعه وبعدين انتي تعبانه ماتصلح لك الطلعه الجو بره باارد انا في نفسي : غريبه هذي اول مره احمد يكلمني فيها بالأسلوب هذا ) انا :طيب خلاص بجلس احمد دخل بدل ملابسه وطلع انا في نفسي : وين رايح وش هالمكان اللي مايبيني احمد اروح له؟؟ ألحقه؟ بس اخاف اضيع يووه كيفه بعد نص ساعه انا خلاص طفششت مليت من الجلسه في الشقه دقيت على احمد عشان اقوله اني راح انزل للسوبر ماركت اللي جمب الفندق بس محد كان يرد انا اول شي خفت انه يهاوشني لاني نزلت من غير ما اقوله بس بعدين فكرت اني ماراح ابعد عن الفندق كثير لبست ونزلت تحت الفندق كانت السياره اللي مستأجرها احمد واقفه قدام الفندق ماتحركت انا قلت اكيد انه رايح مكان قريب عشان كذا راح مشي رحت السوبر ماركت وشريت كم شغله وطلبت من الرسبشن انهم يطلعونها للشقه وانا رحت عشان اجلس في الكوفي على الاقل اجلس اشوف الرايح واللي جاي اونس نفسي شوي دخلت الكوفي بس كانت المفاجأه ان احمد كان جالس في طاوله من الطاولات يالله احمد وش جالس يسوي لحاله ليه ماقالي انزل معاه ؟ اكييد دق على تلفوني , تلفوني يوووه نسيته بالشقه اكيد دق ومارديت انا توني مشيت كم خطوه عشان اروحله بس لما شفته وقف يستقبل بنت كان باين عليها انها سعوديه انا هينا كان قلبي بيوقف دارت في بالي اسئله كثيره مين هذي البنت ؟ وش بينها وبين احمد ؟ يعني عشانها احمد خلاني اجلس في الشقه وما اطلع ؟ جلست البنت جمب احمد تسولف وتضحك واحمد كان يسولف معاها كان باين عليه انه فرحاان بشوفتها نزلت دمعه من عيني معقوله هذا حبيبي اللي رفضت سلمان وجنونه عشانه ؟ معقوله هذا فارس احلامي اللي تمنيته ؟ ياحسافه حبي فيك يا احمد !! جمعت اللي بقا لي من قوه مع اني حسيت اني في لحظه انهرت كلي وطلعت للشقه وانا عيني مليانه دموع بعد حوالي ساعه احمد رجع للشقه ومعاه علبة شوكولاه شكلها ختييير احمد يحضني : هلا وغلا باحلا زوجه في الدنيا كللها انا ابعد عن حضنه :تو الناس كان ماجيت مليت وانا جالسه لحالي احمد : انا خفت عليك تطلعي في الجو هذا خصوصا بعد اللي صارلك امس , طيب عشان ماتزعلين وش رايك ننزل المطعم اللي في الفندق نتعشى فيه ؟ انا : مابي عشا مو مشتهيه روح تعشا لحالك احمد : لييه؟ وش فيك؟ انا : مافيني شي بس تعبانه احمد : طيب خليني اوديك المستشفى انا : ما ابي بدخل انام دخلت الغرفه وسكرت الباب بعد خمس دقايق احمد دخل الغرفه وجلس جمبي انا كنت اسوي نفسي نايمه احمد : ميمي يله قومي اجلسي معي مليت انا اسوي نفسي نايمه وما اسمعه احمد : ادري انك صاحيه مانمتي انا : اكيد مانمت شلون انام وانت جالس تتكلم فوق راسي احمد : طيب يله قومي اجلسي معي , اهون عليك اجلس اكلم نفسي كني اهبل انا : عشان تحس فيني لما اليوم اصحي وانت في سابع نومه احمد يلعب بشعري : طيب قومي اعوضك عن اللي صار وخلينا ننزل نتعشا انا تذكرت شكله وضحكه مع البنت وقلت بصراخ : قلت لك ما ابي اتعشا ماتفهم !! احمد انصدم من صراخي فجأه فكانت ردة فعله انه طلع من الغرفه وسكر الباب بقووه وقال : عمر جدك ماكليتي !! |
|
#17
08-26-2008, 08:42 PM
| ||
| | ||
| رد: لا تحاتي غناتي دامك انت معاي ..هالمره الروايه كامله!! وبعدها ماحسيت الا وباب الشقه يتسكر انا جلست لحالي ابكي وابكي ماتوقعت في يوم من الايام ان احمد يخونني طيب اذا كان بينه وبين هالبنت شي ليه تزوجني ؟يمكن اكون غلطانه بس لازم اصارحه ما اقدر اجلس كذا ما اقدر اتحمل كل هالأسئله مسكت جوالي ودقيت على احمد بس ماكان يرد , اكيد زعلان من اسلوبي معاه جلست استنى استنى الساعه 1 بالليل دخل احمد الشقه انا كنت جالسه في الصاله دخل من غير مايقول أي كلمه كان جايبلي معاه عشا حطه على الطاوله ودخل الغرفه انا بعد خمس دقايق دخلت الغرفه كان احمد متسطح على السرير انا : بتنام ؟ احمد : أي بنام انا : طيب ممكن سؤال احمد : خليها بكره انا تعبان !!! انا تسطحت جمبه وعيني في السقف احمد : بتنامين ؟؟ انا : لا احمد : اجل ليه متسطحه جمبي ؟!! انا : يعني ماتبيني انام معاك اوكي اصلا انا اللي المفروض اطردك مو انت !!! احمد : انتي وش فيك تفسرين الكلام على كيفك ؟ انا قصدي انك خلاص بتعفنين من النوم كل ماجيت اكلمك قلتي بنام انا :؟؟؟؟؟ احمد : وش فيك ساكته ؟ تكلمي !! انا : ماعندي شي اقوله !! احمد بحنان : قولي لي وش فيك ؟ انا : مافيني شي احمد : الا فيك شي مو على بعضك من لما رجعت من برا انا في نفسي والله مو مني من اللي شفته احمد : يعني ماتبين تقولين لي ؟ انا : بقولك بس ... احمد مسك ايدي وضغط عليها : قوليلي وش فيك من غير ماتفكري في الكلام خليه يطلع بعفويه انا الحين زوجك المفروض تقولي لي عن كل شي كل شي ماتخبين عني أي شي انا : اوكي بتكلم , اليوم بعد ماطلعت مليت لحالي دقيت عليك عشان اقولك اني راح انزل السوبرماركت بس ماكنت ترد ففكرت انه عادي انزل لاني ما راح ابعد عن الفندق نزلت ورحت السوبرماركت بعدها جيت بجلس في الكوفي بس ... احمد قاطعني : وشفتيني جالس مع بنت صح ؟ انا في نفسي وش هالجرئه اللي عنده يعترفلي انه كان مع وحده غيري !! انا ابكي : طيب مدامك ماتحبني ليه تزوجتني ؟ ليه خليتني اعيش في وهم !! احمد : اسمعي , انا لو ماكنت احبك ماتزوجتك !! انا : اجل ليه تكلم بنات وتقابلهم اذا كنت تحبني يعني انا فيني عيب يخليك تسوي كذا ؟ طيب قولي احمد :انتي فاهمه السالفه غلط انا بصراخ : شلون فاهمه السالفه غلط زوجي وشفته جالس مع بنت من غير مايقولي شلون فاهمتها غلط فهمني احمد بعصبيه : مافي داعي للصراخ احنا مش بزران خليني اتكلم !! انا : يله تكلم احمد : طيب , لما سافرت اول سنه لامريكا عشان ادرس كنت ساكن شقه مشتركه مع (ساشا ) البنت اللي شفتيها معي انا : ماشاء الله طيب ليه ماسكنت مع ولد ليه يعني مع بنت احمد : بلا هبال هي الشقه الوحيده اللي كان سعرها مناسب ورخيص انا : طيب وش جيبها هينا اسبانيا لاتكون اللين الحين تطالبك بالأيجار احمد بعصبيه : راح تسكتين بكمل ماراح تسكتين روحي عن وجهي وخليني انام !! انا : طيب خلاص بسكت كمل خل نشوف اخرتها مع الزفت ساشا احمد يغمزلي : تغارين انا : وربي فاااااااضي يله كمل احمد يرجع لجديته : طيب , الموهيم اني بعد سنه طلعت عنها لاني لقيت شقه مع شباب سعوديين بس ماقطعت علاقتي فيها انا : علاقه !! احمد : اووف يعني صداقه انا :اهااااا احمد: الموهيم انها الحين تشتغل منظمة حفلات ولما عرفت اني راح اتزوج قالت لي انها راح تنظم لي حفلة الزواج بس لما حظرتك كنتي مستعجله وطايره قلت لها تنظم لنا حفله بسيطه لما نرجل الخبر فهمتي الحين السالفه انا : اهااا بس هذا كل شي احمد:يب انا : يالله وانا كبرت السالفه وجلست ابكي وصارخت عليك ( احضنه ) والله اسفه احمد يبوسني على خدي : عادي اتس اوكي انا :بتنام ؟؟ احمد : أي والله تعبان انا : طيب , انا مافيني نوم بجلس على التلفزيون احمد : طيب انا : تصبح على خير احمد : وانتي من اهله .................................................. .................................................. .......................................... طلعت من الغرفه وانا في نفسي : ياقلبي يا احمد والله لو واحد ثاني وصرخت عليه هالصراخ كان ذبحني بعد حوالي عشر دقايق جاني مسج في جوالي انا : اكيييد من الاتصالات بس لما فتحت المسج ماكان من الاتصالات كان من .......... سلمان !!!!!! |
|
#18
08-26-2008, 08:43 PM
| ||
| | ||
| رد: لا تحاتي غناتي دامك انت معاي ..هالمره الروايه كامله!! كان المسج ( تدري من الشوق صرت انا في غيابك اشتهي ظلمك واحن حتى .... لعذابك ) انا : لا حوووول هذا ماخلصنا منه رسلت له ( خلاص انا الحين وحده متزوجه ليه مو راضي تفهم !!) بعد خمس دقايق ارسلي (( محتاجك حييييل.. بعد كل اللي صارلي ماحن قلبك ؟! )) انا : يووووه هذا ليه مو راضي يفهم احسن شي اني اقفل جوالي وانام وخله يرسل من الحين الا بكره دخلت الغرفه حاولت انام بس ماقدرت كنت خايفه ان احمد يفتح جوالي ويشوف المسجات ياربي متى ارتاح مكن ياسلمان... انقطع سلمان عن ارسال المسجات بعد حوالي اسبوعين كان موعد العوده الى الشرقيه ... ال  الظهر احمد : يله مريووم بنتأخر يله انا ألبس عباتي : طيب خلاص خلاص خلصت يله احمد: يله في المطار كنا جالسين في قاعة الانتظار احمد كان جالس يقرا في الجرايد وانا جالسه اتفرج على اللي رايح واللي جاي كان في الطاوله اللي جمبنا جلسين فرنسيين عندهم توأم اولاد يزننون رن جوالي انا : الوووو امي : هلا حبيبتي انتوا بالمطار انا : اهلين يمه أي بالمطار امي : كم باقي على طيارتكم؟ انا : حوالي ساعه ونطير امي : اجل خلاص العشا اليوم عندنا انا : اكييد مشتاقتلكم موووووت امي : ههههه طيب توصلون بالسلامه انا : ان شاء الله امي : مع السلامه انا : مع السلامه احمد : هذي الوالده ؟ انا : أي تقول اليوم العشا عندهم احمد : ان شاء الله, ورجع يقرا في الجرايد اللي قدامه انا جاني مسج في جوالي فتحته كان من سلمان كاتب فيه (( اخيرا قررتي ترجعي !!)) انا قلت في نفسي اكيد امي قالت لخالاتي اني راح ارجع اليوم اووووف بعده بدقيقتين جاني مسج ثاني منه ( روحي عند الشباك الكبير االلي على يسار المسجد!!) انا لاحووول خلني اشوف اخرتها معاه احمد : وييين؟؟ انا : بروح الحمام احمد : طيب ترا مابقى على طيارتنا شي انا : ماراح اطول دقايق وراجعه احمد : اوكي انا رحت للمكان اللي قالي عنه سلمان كان في عجوز مع زوجها كانوا كبار في السن حوالي سبعين سنه جالسين مع بعض انا في نفسي وش يقصد سلمان من هالحركه ؟ جاني مسج منه ( بعد سبعين سنه راح نكون انا ونتي كذا مع بعض وراح نموت ...مع بعض !! ) معقوله سلمان يكون في المطار طيب هو الحين في امريكا راسلينه العمل مثل ماقالي في المطار انا رسلت له سمج ( سلمان انت وينك؟؟) ماحسيت الا بأيد تلمس كتفي انا شهقت : سلماااان!!! سلمان : كنك مو فرحانه بشوفتي !! انا : انت وش اللي جابك هينا ؟ سلمان : معقوله اخليك تسافري لحالك انا : يعني انت طول الوقت كنت معي سلمان:مابعدت ولا ثانيه!! انا بعصبيه : ما ادري وش اللي راح يخليك تفهم اني خلالاص متزوجه!! سلمان بصراخ: أي زوج هذا اللي خلاك تنسي اهلك , خالتك ماتت وانتي ماتعبتي نفسك وجيتي العزا!! انا مصدومه : خالتي ؟ أي خاله سلمان نزلت دموعه كان يحاول يخبيها عني بس ماقدر انا بصراخ وبديت ابكي معاه : سلمان تكلم لاتحرق اعصابي سلمان : امي وابوي سوو حادث وتوفو اثنينهم!! انا: وليه محد قالي ؟ سلمان : هم توفو ثاني يوم من بعد ماسافرتي عشان كذا ماكنا نبغى نخرب عليك انا جلست ابكي :والبنات وش صار فيهم سلمان : راحو الرياض عند عمي راح يعيشون هناك انا : وانت ؟؟ سلمان: محتاجك حيييل محتاجك تكوني جمبي تساعديني ما اقدر اتحمل كل هذا لحالي !! في هاللحظه رن جوالي كان احمد انا : الله يستر ليكون شافني سلمان : الخكري انا عطيت سلمان نظره سكته ورديت : الوووو احمد بعصبيه : وينك انتي تمشين على بيض يله تعالي راح نطير الطياره بسرعه استعجلي انا : طيب طيب يله انا جايه قفلت ومشيت عند احمد من غير ما اقول أي كلمه لسلمان احمد بصراخ : كل هذا حمام يله تأخرنا انا اهديه : طيب ماصار شي هذا انا جيت يله ركبنا الطياره انا : احمد خلني اجلس عند الشباك احمد من غير نفس : طيب اجلسي انا جلست لما اعلن الكابتن عن الاقلاع انا مسكت يد احمد مثل ماسويت في البدايه بس هالمره احمد سحب يده وقال : بطلي هالحركات والدلع تراني ماني طايق نفسي !! انا نسيت الاقلاع وخوفي :احمد وش فيك من ركبنا وانت مو على بعضك ؟ احمد : مافيني شي انا : كل هذا ومافيك شي احمد بصراخ : قلت لك مافيني شي يعني مافيني شي والحين ممكن تسكتين !! انا : اسفه !! بعد نص ساعه وبعد ما استقرينا في الجو جات المضيفه احمد : تبين شي ؟ انا : لا احمد : ون كابتشينو انا في نفسي : هذا وش فيه ياربي ليكون شافني مع سلمان , ما ادري اتهور واقوله اني شفت سلمان بالمطار صدفه ؟؟ بس اكيد ماراح يصدقني اوووف ياربي الحين وش اسوي انا : احمد قلت لسارا اننا راح نرجع اليوم احمد :لا بخليها مفاجأه انا : اهاا احمد : انا بنام الحين بعد كم ساعه صحيني انا : اوكي احمد رجع الكرسي ونام انا جلس تلحالي اقرا الجرايد والمجلا توطلبت لي هوت شوكلت وجلست اشرب بعد كم ساعه كان باقيلنا نص ساعه ونوصل انا اهز احمد : احمد يله راح نوصل احمد يتثاوب : الساعه كم ؟؟ انا : الساعه 6 المغرب انا : وين بتروح ؟؟ احمد : بروح الحمام بعد خمس دقايق رجع والشرر يتطاير من عينه انا : شفيك ؟ احمد : هذا اخر شي اتوقعه منك !1 انا : وانا شسويت ؟ احمد : كل هذا و وشسويت ؟, طيب شغلك في البيت !! انا : احمد تكلم انا وشسويت لكل هذا ؟ احمد بعصبيه : شوفي وراك وانتي تعرفين انا التفت وراي : سلماااان !!! احمد : لا والله متفاجاه علينا هالحركات انا : احمد انت فاهم الموضوع ... احمد قاطعني :ولا كلمه اوص خلاص قلت لك في البيت انا ياربي الله ياخذك ياسلمان كل اللي انا فيه منك الله يستر وش راح يصير في البيت استقرت الطياره على اراضي مطار الملك فهد في الدمام احمد عند الجوازات : امشي بسرعه قدامي انا امشي وانا ساكته ماينلام احمد كان موقف سيارته في الباركات ركبناها وتوجهنا لبيتنا اللي كان عباره عن صاله متوسطة الحجم  غرف نوم ومجلس ومطبخ حمامات , كنت اول مره ادخل الشقه واشوفها لانها هديه من احمد هو اللي تكفل في كل شي كل شي كان على ذوقه , كانت الشقه مرتبه وبالرغم من انها صغيره بس كان الاثاث رااقي انا : واااااو كل هذا من ذوقك ماتوقعتك كذا احمد يسحب الشنط : دخلي الشنط للغرفه !! انا : أي غرفه ؟ احمد: الحقيني مشيت وراه كانت غرفة النوم تجنن الجدار سود والاثاث مرره راااقيه انا رميت نفسي على السرير : اااه تعبانه بقول لامي تأجل العشا احمد: طيب طلعيلي بجامه ابي اخذ شور انا : تآمر طلعت له بجامه ودخل ياخذ شور وانا جلست ارتب الثياب وادور في الشقه دخلت المطبخ وبديت اسوي العشا دقيت على امي عشان اقولها اننا وصلنا وان مانقدر نجي العشا اليوم بعد ماجهزت على شي وحطيت العشا على الطاوله انا : تأخر احمد كل هذا شور دخلت الغرفه عشان اناديه بس كان في ساااابع نومه !! انا اهمس : احمد احمد بس لاحياة لمن تنادي انا حن قلبي عليه وسحبت الفراش وغطيته لان المكيف كان باارد طلعت وجلست اتعشا لحالي !! |
|
#19
08-26-2008, 08:43 PM
| ||
| | ||
| رد: لا تحاتي غناتي دامك انت معاي ..هالمره الروايه كامله!! اليوم الثاني صحيت ولقيت احمد مش في السرير انا : اكيد صحى قبلي طلعت للصاله مالقيت احد دقيت عليه احمد : صباح الخير انا : صباح النور , صحيت ومالقيتك احمد : أي انا في الشركه كنسلت اجازتي ورجعت الدوام !! انا : اهااا طيب متى ترجع احمد : متى ماخلصت برجع انا : يعني استناك على الغدا ؟ احمد : لا تغدي يمكن اطول انا : طيب احمد : يله تبين شي انا مشغول الحين انا : لا سلامتك مع السلامه احمد : قفل من غير مايرد دقيت على امي عشان اقول لها اني دريت عن اللي صار لخالتي الله يرحمها واتفقدت معاها اني اروح ازور بنات خالتي لانهم راح يجون بيتهم قبل لاينتقلون نهائي للرياض بعد حوالي ساعتين احمد دخل البيت انا : رجعت بدري توك تقول مشغول احمد : خلصت الشغل بسرعه ورجعت .................................................. .................................................. انا حاولت قد ما اقدر اخلي الاوضاع طبيعيه وما اجيب أي طاري لاحمد وحركاته امس جلسنا وجبت القهوه وتقهوينا وجلسنا نسولف بس كان احمد شارد مو معاي كني اكلم نفسي انا : احمد شفيك ؟ مو معاي ؟ احمد : ولا شي معاك انا : دريت ,ام سلمان وابوه توفو احمد متفاجأ: من جد ؟ انا : والله ثاني يوم من سفرنا عشان كذا ماجابت لي امي طاري احمد :وناتي مين قالك امك ولا سلمان !!! انا : شدخل سلمان في السالفه احمد بصراخ : لا تحسبيني نسيت سالفة المطار هو اللي قالك صح؟ انا : قلت لك ما ادري انه كان في المطار احمد : والله ؟ ومين اللي كنتي واقفه معاه عند الشباك ظله ؟ انا :احمد !!! احمد بعصبيه : وش اللي احمد بعيني اشوفك جالسه معاه وتقولين لي احمد انا :انت فاهم السالفه غلط خلني افهمك احمد : يله فهمي انا :لما كنا جالسين في المطار جاني مسج من سلمان خفت ارويك المسج يروح بالك بعيد عشان كذا سكت ورحت .... الخ احمد : والله ؟ برافو ياشاطره انا بعصبيه : احمد انا اتكلم بجد وانت تستهبل ؟؟ احمد : اسمعي من اليوم ورايح انسي ان كان عندك عيال خاله !! انا : ليه يعني تبي تحرمني من اهلي ؟ احمد :انا قلت اللي عندي وماراح اعيد !! دخل الغرفه وسكر الباب بقووه انا دقيت على امي وقلت لها اني ما اقدر اروح معاها لاني مشغوله وبروح اشتري اغراض للشقه الساعه 8 بالليل دخلت الغرفه احمد كان صاحي وجالس يقرا اوراق جايبها معاه من الدوام انا احاولي اهدي الجو : انت صحيت ؟ احمد :وش شايفه !! انا : تبي اسويلك شي ؟ احمد:لا انا : جوعان ؟؟ احمد: بروح بعد شوي اجيب عشا انا : مافي داعي بسوي عشا احمد : طيب انا : وش تبي عشا ؟؟ احمد : أي شي انا : دقايق والعشا يكون جاهز انا دخلت المطبخ كانت ثاني مره اطبخ اول مره سويت اندومي (نودلز ) وحرقت البيت الله يستر هالمره شيصير انا دقيت على امي عشان تعلمني خطوه خطوه شلون اسوي بشميل واخيرا ضبطت معاي دخلت عشان انادي احمدوجلسنا نتعشا انا : شلون المكرونه زينه؟ احمد : تسلم ايدك انا : وش رايك بعد العشا نروح السوبرماركت نشتري اغراض للبيت ؟ احمد : طيب رحنا السوبرماركت وخذينا اغراض للبيت في السياره انا : احمد؟ احمد:نعم انا : زعلان ؟ احمد: لا بس لا تعيدينها انا : قلت لك والله ماكنت اكلمه وكنت مو عارفه اصلا انه راح يجي المطار احمد : تذكري شعورك لما شفتيني جالس مع ساشا انا كان شعوري كذاواكثر كنت راح اجن انا : والله اسفه احمد يعلي على المسجل : اهداااء لاحلا زوجه في الدنيا ( بين ايديا ماجد المهندس ) |
|
#20
08-26-2008, 08:51 PM
| ||
| | ||
| رد: لا تحاتي غناتي دامك انت معاي ..هالمره الروايه كامله!! بعد 3 شهور الساعه 9 الصباح انا اهز احمد اللي غرقان في النوم جمبي : احمد اصحى يله تأخر ع الدوام يله يله احمد : بعدين ابي انااااااام انا :يووه تستاهل ليه تسهر يله قوم الساعه 9 احمد يتثاوب : طيب خلاص خلاص صحييت دخل يغسل وجهه انا ديت اقوم عشان اسوي له فطور بس حسيت بدوخ ماني قادره اوقف وراسي مصدع احمد : وش فيك شكلك تعبانه ؟ انا : لا بس دوخه بسيطه بعد شوي اصير احسن احمد يلبس ثيابه : خليني اوديك المستشفى انا :مافي داعي واصلا اليوم بروح مع سارا عشان نتطمن على البيبي ونعرف موعد الولاده فلو حسيت بأي شي راح اشوف الدكتور هناك احمد : طيب انا رايح تبين شي انا : سلامتك احمد : يله مع السلامه انا : مع السلامه .................................................. ................................... بعد خمس دقايق خفت الدوخه وطلعت للمطبخ صلحتلي فطور وجلست في الصاله تلفون البيت يرن انا : الووووو سارا: ارحبوووووووو انا:هههههه اهلييين سارا: اكيييد توك صاحيه من النوم ياكسلانه انا : لا والله صارلي فتره صاحيه بس ماقدرت اقوم من السرير مدري شسالفة الدوخه اللي معاي سارا: امممممم طيب راح تجين معي للدكتور انا : اكييييد سارا: يله اجل نص ساعه واكون عندك انا : اوكي قفلت من سارا ورحت البس بعد نص ساعه دقت علي عشان انزل وصلنا المستشفى والحمد الله كان كل شي اوكي عند البيبي واحتمال كبير يكون البيبي بنوته!! وحددو موعد الولاده 27 ربيع الاول انا وسارا واقفين عند باب الدكتور سارا: مريووم خلينانسويلك تحليل انا : ليه تحليل بسم الله علي مافيني شي زي الففل(أغمز) سارا:يوووه مريوم وش راح يضرك لو سويت تحليل وسمعتي كلامي مره وحده بس وترا ماراح تطول النتايج خمس دقايق وتكون عندنا انا :طيب امر لله يله امشي وين غرفة التحليل سارا تسحبني : تعالي من هينا رحنا سوينا تحليل وبعدها جلسنا في صالة الانتظار سارا: يله مريوم النتايج طلعت خلينا نروح انا : سوسو انا احس بدوخه روحي انتي شوفي النتيجه وتعالي انا بستنا هينا سارا: اوكي بعد دقيقتين ماشوف غير سارا جايه تررررركض انا : شوي شوي نسيتي انك حامل !! سارا تتميلح : وش لي عندك ؟؟ انا : اللي تبين بس اخلصي علي سارا: انتي ... انتي .. انتي حاااااااااااااامل كللوووووش انا عيون طلعت من مكانه : حاامل ؟؟ سارا: أي حامل, بس اسمعي ترا اذا جبتي ولد ماياخذ الا بنتي اخاف تعنس انا : ههههههه ولو طلعت بنتك شينه يبتشل فيها ولدي سارا تضربني : بسم الله على بنتي من زين ولدك اصلا الكل " ههههههههههههه سارا: يله دقي على احمد قوليله انا : لاخليها فيس تو فيس احسن سارا: اوكي .................................................. .................................................. .............. رجعت البيت كانت الساعه 2 الظهر ياسبحان الله معقوله الحين في روح جالسه تكبر في بطني !!! صدق احساس الامومه شي غريييب يارب اعطي كل محرومه لانه من جد احساس ولا ارووع انا ادق على احمد : اهلين حبيبي وينك ماخلصت ؟ احمد : لا حياتي شكلي اليوم راح اتأخر انتي لا تستنيني على الغدا انا : طيب احمد : وش صار مع سارا في المستشفى؟ انا : يقولون بنووته احمد : هههههه مسكينه اذا طلعت زي امها انا :هههههههه احمد : يله ميمي عندي اجتماع الحين اكلمك بعدين انا : اوكي مع السلامه احمد : مع السلامه .................................................. ........................ دقيت على امي وقلت لها اني حامل كانت طااايره من الفرح بعدها كلمني ابوي ومشاعل وخالاتي وبناتهم يباركون لي |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| دوره كامله لتعليم الاكسل (excel) | نبيل المجهول | تحميل كتب مجانية, مراجع للتحميل | 21 | 07-07-2013 08:27 PM |
| اضف مواضيع موقعك كامله الى جوجل | wolf1965 | إعلانات تجارية و إشهار مواقع | 5 | 10-27-2009 09:01 AM |
| لا تحاتي غناتي دامك انت معاي والله والله لخلي ودنا ما يضيع روايه تجنن | MeeMi | أرشيف المواضيع الغير مكتمله او المكرره او المنقوله و المخالفه | 3 | 09-28-2008 01:18 PM |
| ** موسوعات اسلاميـــــــه كامله ** | بــو راكـــــان | نور الإسلام - | 7 | 07-02-2006 02:45 PM |
العرض العادي
