هذي روايه لقيتها في منتدى ثاني عجبتني
...............................................................................................
اسمي مريم أكبر خواتي وأقلهم نصيب في الجمال , ما أقول أني شينه بس عاديه بالنسبه لجمال اهلي
قصيرة وملامحي مرره ناعمة بس في نفس الوقت جذااابه على حسب كلام اللي حولي , حياتي غريبة عن حياة أي بنت في عمري
أحب العزلة ارتاح لما أجلس مع نفسي , وفي نفس الوقت اتغير ميه وثمانين درجه لما أكون مع صاحباتي
اضحك وامزح واستهبل أكون إنسانه ثانيه .

بس ماتغيب عن اللي يقابلني لأول مره لمحة الغموض الطاغيه على نظراتي حركاتي حتى كلامي !!

اختي مشاعل : اكره انسان في حياتي ماعمري كرهت انسان كثرها , وسبب هالكره هذا كله امي وابوي !!!
أي امي وابوي لأنهم كانوا دائما يقارنوني فيها . في كل شي خصوصا الشكل وهالشي كان يزعجني مررره
مع اني في الواقع اتفوق عليها بالجمال ماعدا الجسم كانت هي فارعه في الطول أما انا فعلى قدي .. انا اكبر منها ب 4 سنين ,

علاقتي بعائلتي سطحيه مرره ويمكن تكون معدومه بعض المرات !!
حياتي روتينيه لدرجه ممله اصحى اروح المدرسه (اخر سنه الثانويه ) ارجع اتغدا انام اصحى الساعه 4 ادخل غرفتي وأدرس الين الساعه 7 وبعدها اجلس على النت الين الساعه 9 بعدها عالتلفزيون وبعدها انام وهكذا امس هو نفسه اليوم واليوم راح يكون نفسه بكره ..

.,.,., الفصل الأول .,.,.,.

صوت امي : يله يامريوووم قومي بتتاخرين كل اخوانك راحو مدارسهم قومي ووجع !!
أنا اكون صاحيه بس ما احب اقوم من فراشي على طول احب ابقى شوي عشان استوعب اني صحية !!
مشاعل وهي تهزني يله قومي قومي ترا بخلي السواق يوصلني وانتي بكيفك
انا بصراخ : طيب طيب خلالالاص صحيت روحي عن وجهي(هذا اسلوبي معها مايتغير صراخ في صراخ )
بعد مالبست سحبت شنطتي على الأرض ونزلت للمطبخ عشان أفطر لقيت مشاعل واخوي فيصل أقذر ما خلق ربي مايهتم بنظافة وترتيب شكله مع انه مملوووح بس هو كذا ياكل والسعابيل تنقط منه عااادي الكل يهزأه بس ماحولك احد , دايما يتحرش فيني الأحترام معدوم عنده ماخذ الدنيا مزح في لعب أكبر مني بسنتين 20سنه

انا جلست من غير ما اسلم لاني ما اسلم على اللي في البيت ألا لما اكون مسافره او راجعه من المدرسه ولقيت امي او ابوي في وجهي .

امي : روحي مشطي هالكشه ان شاء الله بتروحين المدرسه كذا ؟
انا : توني قايمه من النوم بفطر وبعدين بمشط شعري
امي : وين تفطرين اشربيلك أي شي وقومي بسرعه صاحيه متأخر وتبين تفطرين يله الحين الساعه 7 ألا ربع تأخرتوا يله قومي خلي السواق يوصلك
أنا توني اصحى لنفسي : يؤيؤيؤ ياربي تأخرت يله بسررعه انتي قومي خلصينا
مشاعل بصراخ : انا لابسه صارلي ساعه انتي خلصينا انا بستنى في السياره وأذا ماجيتي بروح
ابوي سمع صراخ مشاعل قالها بعصبيه : انتي هيه مين تكلمين كذا بصراخ احترمي اختك اللي اكبر منك
والله انتوا يبغالي ارجع اربيكم من جديد

أنا لبست عباتي ومن السرعه ما انتبهت اني لبستها مقلوبه يعني بالعكس قطيت الشيله على وجهي ورحت اركض للسياره وانا اسحب شنطتي ,

.,.,., في السياره .,.,.,.
انا : يله كومار بسرعه روح مدرسه
انا في السياره ما تغطى لأن محد فاضي يناظر بوجهي من الصبح وأنا اتغطى بالشيله يعني راح يكون كتمه فأكشف
اما مشاعل فكانت تتنقب (تلبس نقاب ) عشان تبين عيونها الوساع والمكحلين خلقه .

عند الأشاره اللي عند مدرسه مشاعل وقف جمبنا رنج اسود فيه واحد مزيون
بس شكل الدراسه كارفته كرف ماسك الكتاب بيد والدركسون ( القير) بيد ثانيه ويقرا ويهز راسه مبين عليه انه دافور مررره , انا كنت انجذب لأي انسان يقرا حتى لو كان اشين ما خلق ربي يصير غزال بعيني
لأني انا كنت على درجه عااااااااليه من الثقافه وهذي كانت الخاصيه الوحيده اللي ما تقدر مشاعل تجاريني فيها الكل كان منبهر بأسلوبي لدرجة انك مستحيل تلاقي شخص مشغول لما اتكلم الكل يسمع لي !!!

الولد انتبه لي لأني كنت اناظره كني راح آكله قام وأبتسم لي انا على طول لفيت وجهي وسويت نفسي كأني ما انتبهت ,, نزلت مشاعل من السياره وهي تقول كومار انا اليوم في يتأخر تعال الساعه وحده ونص وسكرت الباب وراها ومشت

انا يله كومار الحين روح ثانويه
كومار : اوكي مدام
انا : كومار انا كم مره اقول لك انا مش مدام انا مس ,, اففف ما ادري متى بتفهم

نزلت من السياره ولمحت وراي الرنج الأسود والمزيون اللي فيه خفت وبسررعه دخلت المدرسه

.,.,.,. في المدرسه ,.,.,.

سارا : هلا وغلا بمريوووم انتي وش فيك دايم مكشره نفسي اشوفك جايه المدرسه وانتي مبتسمه
لو مره فحياتك
انا مبتسمه : انتي وش ماكله على الصبح فيل جايتني نشيطه تنططين مو من العاده
سارا : من اليوم ورايح بتشوفيني كذا
انا : ليه وشصاير ؟
سارا : واخيرا خطبني ولد عمتي ووافقت
انا : هيه انتي صاحيه تتزوجي الحين ؟؟ توك بزر اسمعي كلامي وأرفضي واذا كان يحبك يستنى لما تخلصين دراسه
سارا : أي دراسه اللي تتكلمين عنها هذي اخر سنه ثانوي وامي تقول البنت بعد الثانويه مالها غير بيت رجلها
وبيني وبينك ما اعتقد اني راح اجيب نسبه زي الناس يعني انا طموحي 70% خخخ شايفتني دفرره زيك
حبيبتي انا الجامعه مخليتها لك ما ابيها
انا : تصدقين والله راح ترتاحين من أمك وابوك واخوانك على الاقل محد يقولك تعالى هينا ولا تروحين هناك يعني بتصيرين وحده متزوجه مسأوله من زوجك وبسسس محد له شغل فيك
سارا : يازيييييين الزواج زيناااااااه
انا : هههههههه امشي قدامي خلصينا الحين علينا فيزياء ما ابي انطرد

في الحصه سارا كانت جالسه جمبي سالتها بصوت واطي : اقول ياحلوه ماقلتيلي وش اسم سعيد الحظ ؟؟
سارا بحيى : حموودي
انا : اوه اوه هذا قبل الزواج حموودي الله يستر بعد الزواج وش بيصير هههههه
طيب يشتغل ؟؟
سارا: لا وش رايك يعني من وين بيعيشني ؟؟ اكييد يشتغل اليوم عليه اختبار ياقلبي الله يعينه
انا بغباء : شلون يشتغل وعنده اختبار ؟؟
سارا :ياربي انتي وشلون طالعه الأوله مدري , هو يشتغل ويدرس في جامعة البترول
انا : اوه اوه من قدك ههههه
سارا: اوص خلاص لاتنتبه علينا العله وتطردنا

,.,.,. في مدرسة مشاعل( الفسحه ) ,.,.,

فاطمه ينادونها فوفو : اهلين ميشو اخبار الجو عندك ؟؟
مشاعل : والله مافي جو
فوفو : يؤيؤيؤ لييييه وين راح فهد ؟؟
مشاعل : فهد طلع يكلم وحده ثانيه ولما قلت له انت خاين قالي لاتصدقين اني بوفي لك لأني عارف انك تكلمين غيري عشر
فوفو : مالت عليه هو الخسران ولايهمك حياتي اليوم روحي المول وتلاقين غيره عشره
مشاعل : هههههه وانتي الصادقه ., طيب انتي اخبار سعود ؟؟
فوفو : يوووه سحبت عليه من زمااااان تخيلي يقولي ما ابي اشوفك كاشفه مره ثانيه وماتروحين مكان ألا لما تقولين لي ؟؟ خير ان شاء الله مين يكون ؟
مشاعل : شكلنا صرنا في الهوا سوا هههههه اليوم نعوضهم في المول
فوفو : هههههههه

,.,.,., الفصل الثاني .,.,.,
دخلت البيت لقيت امي جالسه تكلم في التلفون طلعت ابدل ملابسي ورجعت للصاله لقيتها خلصت كلام
قلت لها : يمه صديقتي سارا انخطبت وتبيني اروح معاها المول عشان تشتري شويت اغراض العصر اوكي ؟؟
امي : طيب بس خذي مشاعل معاك
انا : يمممه بنتك غثيثه وبتذبحني لو راحت معي
امي : اجل خلاص مافي روحه
انا : طيب خلاص امري لله اذا رجعت قوليلها تجهز عالساعه 5 العصر
امي : على وين ؟؟
انا : بروح انام ما ابي غدا

.,.,.,. الساعه 5 .,.,.,
جوالي يرن انا : الوو اهلين
سارا : هلا والله يله انا عند باب بيتكم
انا : طيب دقايق وانزل

رحت طقيت الباب على مشاعل ماردت قلت لامي: البنت تستنى عند الباب وحظرتها مشاعل ماجهزت الين الحين
امي : ماتبي تروح تقول تعبانه
انا : اوكيه يله بااااي

.................................................. .................................................. .................

انا : يله سوسو من وين راح نبدا ؟؟
سارا : راح نروح الراشد
انا : اوكي
.................................................. .................................................. ...................
في الراشد:
سارا: ميمي خلينا نروح ستراديفاريوس بشتريلي كم شغله من هناك
انا : اوكي
ومن بعد الدواره من محل الى محل قلت لسارووه : سوسو انا جوعاااانه خلينا نروح ناكل لنا شي
سارا: اقول الحين الساعه كم ؟؟
انا : يؤيؤيؤ الساعه 10 ياويلي من امي بتذبحني قايلتلي الساعه 9 اكون بالبيت
سارا: دقي عليها وقوليلها المول زحممه بنتعشى ونرجع بسرعه
انا : اوكي , الوو : اهليين
امي بصراخ : انتي وينك تعرفين الساعه كم الحين ؟؟
انا : والله المول زحممه مررره بس اتعشا وارجع البنت اوكي
امي : طيب بسررعه

سارا : ميمي انا بدخل الحمام انتي اسبقيني للمطاعم
انا : اوكي


كان في واحد لاحقني بس من بعيد يغمز ويوزع ابتسامات بس انا ما اعطي هالأشكال وجه ابد
بس لما طلعت في الأصنصير ( المصعد ) دخل معانا ولصق فيني لدرجة ان كتفه بيضرب بكتفي وقال : تكفين عطيني وجه والله قصدي شريف !!
انا : وين قصدك شريف وانتي تلاحقني من محل لمحل وتغمز وتتبسم ماشاء الله كل هذا وقصدك شريف
فتح الأصنصير وطلعت

في جلسات المطاعم كنت جالسه انا وسارا نتعشا شوي لمحة الولد اللي في الأصنصير وانصدمت لما شفت مشاعل تناظره وتتبسم له انا قلت اعوذ بالله يمكن اكون مشبهه دقيت على امي أسألها عن مشاعل قالت لي انها راحت عند صديقتها تذاكر من المغرب
دقيت على جوال مشاعل : اهلييين
انا : انتي وين الحين امي تقولك ارجعي البيت بسرعه
مشاعل : انا ببيت صديقتي
انا : علينا ببيت صديقتك ومين اللي واقفه تتبسم قدامي ؟؟
مشاعل برتباك : والله ماتبسمت هو اللي لاحقني
انا : بسرعه تعالي الحين
مشاعل : طيب

مشاعل لفوفو : ياربيييه هذي مريووم العله شافتني
فوفو : عادي قوليلها هو اللي لحقنا
مشاعل : امشي بس الله يستر

فوفو : اهليين ميمي اخبارك ؟؟
انا ما اطيق هالبنت : تمام الحمد الله
مشاعل : انا جوعانه بجيب لي عشا
انا : ما في وقت راح ناخذه تيك اويه امي تقول لازم نرجع الحين
سارا : ميمي ميمي شوفي حموودي هينا
انا : وينه وينه ؟؟
سارا : هذاك اللي واقف هناك , لابس تيشيرت ازرق
انا انصدمت لأان محمد هو نفسه اللي لحقني في الأصنصير ولحق مشاعل !!! الولد طلع راعي خرابيط
سارا مسكت جوالها ودقت عليه : اهليين محمد
محمد : هلا حياتي انتي وين
سارا : بالراشد
محمد بخوف : وين بالراشد ؟؟
سارا: جالسه قدامك شفتني ؟؟
محمد : ايه ايه شفتك بس مين اللي معك ؟؟
سارا : صديقتي مريم وأختها
محمد : طيب حياتي انا مابي ازعجك بس لما ترجعين البيت دقي علي اوكي
سارا : اوكي

انا : سوسو انا باخذ البنات وبروح البيت وانتي روحي تمشي مع محمد اوكي
سارا : اوكي يله اكلمك بالليل
.................................................. ..................................................

... الجزء الثاني ....

محمد : وين راحو صاحباتك ؟؟
سارا : راحو بيتهم لأن امهم ماترضى يطولون برا البيت
محمد : اها طيب يله امشي نروح نتعشى
سارا : توني متعشيه
محمد: طيب نروح نشرب لنا شي
سارا : يله
.................................................. .................................................. ..................
مشاعل : والله مريم ما اعيدها بس تكفين لا تقولين لأمي
انا عطيتها نظرت احتقار وسكتت
دخلت البيت لقيت امي نايمه طلعت لغرفتي وحطيت راسي على المخده وانا افكر في سارا ياربي اقول لها ولا
بس اكيد كل ولد لازم تكون عنده حركات وبعدين يمكن بعد الزواج يعقل اخاف اقول لسارا واتسرع
لالا خلاص خلني ساكته احسن لي .. ماحسيت بنفسي الا وانا نايمه
.................................................. .................................................. ........................
يوم الخميس الساعه 5 العصر صحيت ونزلت الصاله لقيت امي جالسه ومشاعل
رحت المطبخ ادور لي شي ينوكل بعد ما تغديت رحت الصاله امي : اسمعي اليوم خالاتك بيجون عندنا يعطي اطلعي ألبسيلك أي شي
مشاعل كانت لابسه وجاهزه مابقى لون ماحطته فعيونها خخخ امزح كانت لابسه تنوره طويله بنيه
وتوب بيج وعليه كلام وصندل ناعم

انا طلعت وخذيت لي دوش ولبست بنطلون جينز ضيق شوي وتوب اسود وبنفسجي غامق وعليه جمجمه بالستراس ( زي الكرستال )) مع صندل عالي شوي وروج وردي فاتح وكحل ابيض داخل العين ومسكره كنت طالعه مررره ناعمه وفي نفس الوقت ستايلي كان قريب من ستايل افريل لافين
وصلوا خالاتي وبناتهم بس خلوني اعرفكم على بنات خالتي اكثر

بنات خالتي لولوه
العنود :20سنه حلوه ودلوعه وفي نفس الوقت مغروره تحب ولد خالتها (مشعل ) وهو يحبها بس الحين باين عليها انها كرهته
ندى : 18سنه اخت العنود بنوته مررره حبووبه اقصر مني لووول تحب واحد يقرب لها من اهل ابوها اسمه مازن عايش بالرياض اكبر منها بخمس سنين
سلمان :24 متوسط الجمال بس جذااب مايحب الدراسه بيني وبينه قصة حب من ايام الطفوله ,, بس اعتقد انه نساني لما كبرنا
بنات خالتي نوره
ملاك : 19 سنه حبووبه وعلى نياتها ماعندها سوالف تدور على حب حياتها بس الين الحين ما لقت اللي يستاهل حبها متوسطه من ناحية الجمال
ود: اخت ملاك اكبر مني بيوم مغروره جمالها عااااادي معتزه بقبيلتها مع اننا قلنا بنات قبايل بس مختلفه
يعني كل وحده من قبيله ثانيه الموهيييم انها تحب اخو العنود وندى ((سلمان)) بس هو مايحبها !!
مشعل :26 يشبه يعقوب عبدالله !! وسيم ذووق وفي نفس الوقت مو كل وحده تعجبه كان يحب العنود بس الحين اتوقع انه نساها

بنت خالتي منيره

ريم : صاااايعه لأبعد درجه ياما كلمت وياما طلعت مع شباب !!! هي اصيع وحده فينا تحب (( سلمان )) بس هو كمان مايحبها !!! هي بنفس عمري
.................................................. .................................................. ......................................

في غرفة الجلوس
ريم : مريم فيك شي متغير محلوه
انا : تسلمين عيونك الحلوه
ريم : لا والله من جد اتكلم يمكن اول مره تفلين شعرك
انا : يمكن
العنود : اقول مريم جيبيلنا مسجل خلينا نردح شوي
ندى: أي والله بنات فيني رقصه
انا : هههههههه اوكي ولا يهمكم بتردحون اليوم الين ماتتعبون

انا طلعت اجيب المسجله من غرفتي وما انتبهت ان سلمان كان واقف عند الدرج جبت المسجل وانا نازله شفته
والتقت نظراتنا انا برتباك : اوبس (( لأني اتغطى عنه ))
سلمان قاطعني : اهلين مريومه كيفك ؟؟
انا برتباك : تمام انت كيفك ؟؟
سلمان : بخير دامك بخير
مريومه اذا ماعليك امر ناديلي خالتي بسلم عليها وبمشي
انا : ماراح تتعشى ؟؟
سلمان : ليه تبيني ابقى ؟؟
انا بنحراج : دقيقه وانادي امي
سلمان : عشانك اترك اشغال الدنيا تتعطل وابقى
انا مشيت عنه انحرجت ما ادري وش اقول وناديت امي
ووقفت استنى في الممر الين مايمشي سلمان عشان اقدر اروح عند البنات

امي : خلاص الولد راح

انا طلعت ودخلت عند البنات

العنود : وينك ضيعتي الطريق ساعه على ماتجيبين المسجل
ندى : يله بلا كلام فاضي شغله ترا فيني رقصه ما اقدر
انا : هههههه طيب شوي شوي لا تموتين علينا
الكل : هههههههههههههههههه
وبعد الردح والرقص حطو العشى والكل راح بيته
طلعت لغرفتي وانا افكر في كلام سلمان : معقوله الين الحين يحبني ؟؟
ولا كان كلامه استهبال وبس ؟؟ يوووه راسي يعورني ونمت

.................................................. .................................................. .....................................
يوم الجمعه
بعد صلاة الجمعه العايله كلها تجتمع على الغدا
ابوي : مريم انتي اخر سنه صح ؟؟
انا : أي اخر سنه الله يستر والله خااايفه من النسبه
ابوي : اسمعي جامعه بفلوش مافيه (( حالتنا الماديه كانت متوسطه )) تبين جامعه شدي حيلك وجيبي نسبه
مشاعل : بابا اليوم بطلع مع صديقتي المول
ابوي : لا !!! تبين تروحين خذي اختك معك
مشاعل : بس بابا مريم ماتحب تروح معي
انا بنذاله : لا بالعكس ليش ما احب اطلع معك ولا قولي انتي ماتبيني اجي
مشاعل : أي ما ابيك تجين لأنك غثيثه ولحجييه وتفشلين
انا : لا تكفين عالجمال اللي معذبك
ابوي : خلالالاص تغدوا وانتوا ساكتين

.................................................. .................................................. ......................................
بعد الغدا الكل طلع لغرفته وانا بقيت في الصاله ومن قناة لقناة
دق تلفون البيت
رفعت السماعه : الووو؟؟
؟؟: هلا بالقمر
انا عرفت نبرة الصوت ماغابت عن ذهني ابد: سلمان ؟؟
سلمان : ياعيون سلمان
انا : ؟؟؟؟؟
سلمان : مريم وين رحتي ؟؟
انا : معاك
سلمان : ادري اني مصختها بزياده بس والله لازم اقولك عن اللي بقلبي
مريم انا ماعمري نسيتك ماغبتي عن بالي لحظه صدقيني ادري راح تقولين طايش ويلعب علي
لكن اللي بيننا مو حب يوم وليله عشان العب عليك , اللي بيننا حب سنييين راحت بحلوها ومرها
مريم مريم ؟؟
انا : معاك
سلمان : طيب انتي وش رايك ؟؟
انا : منصدمه
سلمان : ادري ياحياتي انك منصدمه بس اذا ماعرفتي بحبي اليوم بتعرفين بكره
انا : سلمان
سلمان : ياعيونه
انا : لا تتوقع اني من البنات اللي ينلعب عليهم بسهوله تحبها اليوم وبكره ترميها ولا كأنك في يوم من الأيام قلت لها ....
سلمان قاطعني : لالالا لاتفهميني غلط والله ماجيه ببالي أي شي من اللي قلتيه مريم انتي قلبي في واحد يلعب بقلبه ؟؟؟
انا : ؟؟؟؟؟
سلمان : مريم ممكن سؤال ؟؟
انا : تفضل
سلمان : تحبيني ؟؟
انا :؟؟؟؟؟
سلمان : تحبينيي ؟؟
انا:؟؟؟؟
سلمان : ادري سؤالي غبي شوي وماله داعي بس اجابته تحدد مصيري
راح اتركك اليوم تفكرين وبرجع ادق عشان الاقي الجواب اوكيه ؟؟
انا : اوكيه

انا كنت منصدمه يعني معقوله سلمان مانساني طول هالسنين ؟؟
والله اني احبك ومانسيتك ولا لحظه بس ياربي سؤاله كان محرج يعني اقوله اني احبه !! مستحييل ماعندي هالجرائه هذي كلها وبعدين اخاف اقوله اني احبك يستهين فيني .. ياما ريم بينت له انها تحبه والكل لاحظ هالشي بس هو استحقرها لأنها خضعت له بسهوله وارخصة بكرامتها وقالت له انها تحبه .. لا مستحيل احط نفسي بمثل موقف ريم مستحيل

قطع صوت جوالي حبل افكاري .. ألووو؟؟
سارا : ارحبووووو
انا : هههههه متى راح تبطلين حركات العيال هذي .. والله ما اقول غير الله يعين محمد عليك
سارا : على طاري محمد .. مريووم تخيلي يقولي اطلعي من المدرسه وخلينا نزوج الشهر الجاي !!
انا : وانتي ان شاء الله بتسمعين كلامه ؟؟
سارا:والله فكرت !!!
انا : وش قررتي الحين ؟؟
سارا : قررت اترك الدراسه !!
انا : انتي صاحيه ما بقى شي وتخلصين صدقيني راح تندمين كله شهر وتبدا الاختبارات يعني ماتقدرين تصبرين شهر واحد بس !!
سارا : ميمي انتي عارفه اني كسلانه يعني راح انجح على الحفه هذا اذا نجحت وبعدين نسيتي ان على دور ثاني رياضيات ؟؟
انا : لا مانسيت .. يعني خلاص ماراح اشوفك في المدرسه مره ثانيه ؟؟
سارا: مريوم لاتعذبيني وربي دمعتي بطرف رمشي خخخ لا جد والله بشتاق لكم مرررره
انا : ليه انتي ناويه تقطعين ؟؟ والله لو تروحين اخر الدنيا بلحقك هههه
سارا :هههههههه
انا : طيب متى الزواج ؟؟
سارا: بعد الاختبارات بأسبوع
انا : اهااااا زين
سارا: طيب ميمي امي تناديني
انا : اوكيه خلاص اكلمج بعدين .. مع السلامه
سارا : مع السلامه

.................................................. .................................................. .................................................. ................
انا كنت تعبانه ومصدعه فطلعت لغرفتي .. وانا في الطريق لغرفتي سمعت صوت مشاعل : هههههه اوكي حبيبي اشوفك اليوم في السوبرماركت !!!!!!

صدق اللي سمعته ولا اتوهم ؟؟ مين هذا اللي بتقابله مشاعل ؟؟ وتقوله حبيبي بعد !!!
والله يامشاعل لتكون نهايتك على يدي .. لازم اعرف مين هذا اللي بتقابله الحقيره

مشاعل : ميييين ؟؟
انا : انا مريم
مشاعل : ادخلي
انا : مشاعل بروح السوبرماركت اليوم بتجين معي؟؟
مشاعل بفرحه : أي والله توني كنت بقولك لان صراحه ناقصتني اشياءابي اشتريها
انا : اوكي اجل الساعه 6 المغرب كوني جاهزه
مشاعل : اوكيه

مشيت لغرفتي وانا افكر مين ممكن يكون هذا اللي راح تقابله مشاعل
رميت جسمي على السرير وانا افكر كانت غرفتي مرتبه والشباك مفتوح كان الناس شتاء وبررد رحت عشان اسكر الشباك
لمحت جسم في الشباك اللي مقابل لغرفتي في بيت جيراننا .. كنا تونا منتقلين لبيتنا فما اعرف شي عن جيراننا شي غير انهم ماعندهم بنات في نفس عمري .. الجسم اللي لمحته لما انتبه اني انتبهت له اختفى ورا الستاير .. يالله مين هذا اكيييد يتهيالي انا مدري وش صار لي بعد سلمان .. اااااه ياسلمان اشتقت لك مع ان ما مضى على اتصاله غير ساعتين بس بالنسبه لي كنها سنتين !!

جلست اذاكر الين الساعه 6 المغرب .. لبست جينز وتيشيرت مريح وجزمه فوشيه ونزلت للصاله .. لقيت مشاعل لابسه عباتها وجاهزه : وينك انتي ماقلتيلي اننا راح نروح السوبرماركت ؟؟
انا اتظاهر النسيان : يوووه سوري نسيت انك راح تجين معي يله قولي للسواق يجهز السياره
مشاعل : حااااااااظر

لما وصلنا السوبرماركت انا رحت جهة الشامبو والكريمات
مشاعل : مريم ابغى اشتريلي اشياء خاصه .. فاهمتني ؟؟
انا : أي فهمت روحي بس لا تطولين انا بسنا هينا
مشاعل : اوكي
انا طبعا مافاتني انها كذابه وراح تروح عشان تقابله حبيب القلب فرحت ركض ورااها
شفت مشاعل واقفه لحالها ... شوي قريب منها واحد يووه مايبين وجهه .. شفت وجهه .. هالانسان مو غريب علي ؟؟ ... هذا !!! شهقت !!! هذا راعي الرنج الاسود اللي عند الأشاره !!! من وين جابت رقمه مشاعل ؟؟

انا رحت بخطوات ثابته وقلت لمشاعل : كل هذا واشياء خاصه ؟؟
مشاعل بتوتر : أي كنت بطريقي للاشياء الخاصه بس سالني الرجال اذا كنت اعرف وين يلاقي خلطات السلطات !!
راعي الرنج : اهلين اختي والله مو قصدي شي بس انا اول مره ادخل السوبرماركت هذي وما ادري وين الخلطات
انا بجديه : في هنود يشتغلون هينا روح اسال أي واحد وبيقولك
راعي الرنج : ما ادري اختي بس احس اني شايفك في مكان بس مو متذكر
انا : بس انا اول مره اشوفك
راعي الرنج : اهااا اجل يمكن اكون مشبه
انا : يمكن اخوي بغيتشي لاننا تاخرنا
راعي الرنج : لا اسف اذا سببت لك أي ازعاج
انا : لا عادي

واحد اماراتي من بعدين ينادي : احمممد !!
راعي الرنج : طيب طيب جااي

انا في نفسي : واااااو مثقف ويجنن واسمه احمد بعد !!

مشاعل : بس خلاص كليتي الرجال بعيونك
انا : يله امشي خلصينا
مشاعل : مريم ابي اروح قسم العصاير ابي اشتريي عصير
انا : اوكي. انا بروح احاسب انتي تعاليلي هناك

راحت مشاعل ولحقتها شفتها تلتفت يمين وشمال شكل اللي مواعدته كشت فيها وعطاها طااااف
انا رحت عن الكاشير وانا جالسه احاسب سمعت صوت من وراي : مريم !!
انا لتفت .. وشهقت : احمد !!! ( راعي الرنج )
احمد : ههههه شكلك حفظتي الاسم من اول لحظه
انا : ؟؟؟؟؟؟؟
ااحمد : سؤال اخير ادري تجاوزت حدودي بس والله محد معطيني وجه
انا : هههه ليه محد يعطيك وجه ؟
احمد : مدري الكل يقولي انت واحد فاضي
انا : طيب وش سؤالك ؟؟
احمد : وين يبيعون كتاب ......... اللي يدرسونه في جامعة ......... ؟؟
انا : في مكتبت جرير
احمد : تعرفين هالكتاب ؟؟
انا : أي قريته الصيف اللي راح
احمد : شكلك تحبين الكتب
انا : مررره
احمد : باين على لهجتك انك مثقفه
انا: حتى انت كان باين عليك لما كنت ماسك الكتاب عن الأشا !!!! انا غبية نسيت نفسيةخذيت راحتي
احمد : هااا الحين انا تذكرت انتي اللي عند الأشاره صح ؟؟
انا : ؟؟؟؟؟؟؟
احمد : وانا اقول باربي هالبنت مو غريبه علي صراحه ما ادري ليه صورتك مو راضيه تغيب عن بالي
انا : ليه يعني ؟؟ انا مافيني شي زياده عن أي بنت عشان تنجذب لي
احمد : الا فيك شي جذبني مادري وش هو بس شي ماقدرت اقاومه
انا : ؟؟؟؟؟؟؟؟
احمدحس بجو التوتر اللي كنت عايشه في : هههههه طيب ممكن تفسرينلي نظراتك الغرييبه هذاك اليوم
انا : ههههههه كنت مستغربه اني الاقي واحد مثقف ووسيم في نفس الوقت
احمد : ههههههه

مشاعل : مريووم انتي الين الحين ماحاسبتي ؟؟
انا : الا يله خلاص نادي كومار خل يشيل الاكياس
مشاعل : الله ياخذك ياكومار وين رحت
مشاعل : مريم كومار مو لاقي موقف يعني مايقدر ينزل
انا : اجل خلاص شيلي معي الاكياس

مشاعل شالت كيسين وخلتلي 3 اكياس وراحت
انا جيت اشل اكياس بس كانت ثقيله
احمد : مريم خلي عنك الاكياس انا بشلهم
انا : لا ماله داعي خلاص بشلهم
احمد بجديه : خلاص قلت لك خليه انا راح اشيله
انا : مابي اتعبك معي
احمد : تعبك راحه بس انتي امشي قدامي للسياره

انا مشيت ولما وصلنا للسياره حط الاكياس انا : مشكووور والله تعبتك معاي
احمد : لا عادي تعبك راحه يله مع السلامه
انا : مع السلامه
مشاعل وتكلم فوفو: انا قلت الغبيه ماراح تجي جلست استناها بس ماجات
انا عرفت ان اللي بتقابهل واحد من اللي تعرفهم فوفو بس كان تفكيري مشغول باحمد ياربي هالولد ملالالاك
.................................................. .................................................. ............................................

انا في غرفتي كنت اطلع الأغراض من الأكياس ولقيت ورقه حسبتها الفاتوره رميتها على سريري وبعد مارتبت الاغراض فتحت والورقه بس ماكانت الفاتوره !! كانت من ........ احمد !!!
مكتوب فيها :

اهلين مريم اتمنى اسمع صوتك اليوم بالليل : 050......... ارقم !!!!
معقوله احمد يفكرني من البنات اللي عندهم حركات حسافه عليك اعجابي والله انك طحت من عيني

قطع افكاري صوت جوالي : كان مسج
( سلمان ): تصبحين على خير حياتي !!
انا خير ان شاء الله حياتي !!!! ماخذ راحته هذا !!!

قفلت جوالي : لاني انصدمتمن اللي سواه احمد
وحاولت انام وبعد فتره نمت

بدت الاختبارات ونسيت معها حب سلمان واعجاب احمد ركزت على المذاكره وبس عشان اجيب نسبه
تدخلني الجامعه والحمد الله نسبتي كانت 98% , مشاعل نجحت بنسبة 88% بنت خالتي ريم اللي معاي نجحت بنسبة 77% هالنسبة ماتأهلها انها تدخل أي جامعه الا بفلوس حالتهم الماديه كانت ممتازه فكانت النسبة شي ثانوب بالنسبه لها يعني اهم شي تنجح وبس

... يوم الأربعاء ...
جوالي يرن ..
انا : الووو
ريم بنت خالتي : اهلييين بالدافووووره
انا : هههههههه
ريم : وش هالنسبه انا لما قالولي ماصدقت ابد قلت لازم ادق واتأكد هههه
انا : هههههه لاصدقي صدقي حبيبتي انتي ماشفتي شلون كنت اكل الكتب اكل
ريم : ههههههههه, وش عنك بكره ؟؟
انا : فااااضيه
ريم : هههههههه اوكي اجل انا والبنات ( بنات خالتي ) بكره بنطلع نتعشا في البحرين
انا : راح يجون خالاتي ولا ؟؟
ريم : لا والله وانتي وش رايك يعني راح يرضون لنا نروح البحرين لحالنا
انا : ههههه ياليييييت , انا اسمع امي تقول لمشاعل عن الروحه بس انا قلت ماراح اروح لأني كنت اعتقد انكم ماراح تروحون
ريم : لا لا راح نروح بس ماراح نتمشى معاهم
انا : اجل ؟؟؟
ريم :راح نروح احنا البنات مع سلمان ومشعل ( محارم خخخ )
انا : اممممم اوكي خلاص بس شلون راح نتقابل ؟؟
ريم : انتي جيبي جوازك وخلي خالتي تنزلك بيتنا اوكي ؟؟
انا : اووووكي
ريم: يله اجل اشوفك بكره
انا : اوكي باااي
ريم : بااي

.................................................. .................................................

سارا : الووو
انا: هلا والله بالعروس كللوووووووووووش
سارا : ههههههه توني ماصرت عروس ليه مستعجله ههههه
انا: هههه ليه تووك ترا خلاص مابقى شي عالزواج
سارا: أي والله مابقى غير 5 ايام بس مريوم وربي خاااااايفه
انا : عادي كل البنات كذا
سارا : مريووم اسمعي ابيك تجين معي الكوافيرا اوكي وتجلسين معي بالغرفه وو
انا بمزح : وانام معك بالمره
سارا: ههههه عشان ارميك من الشباك خخخ
انا : ههههههههههه
سارا: مريوم تتوقعين محمد يحبني
انا : اكيييد يعني هو ماتزوجك الا وهو يحبك , ولانتي حاسه بغير كذا ؟
سارا : لا بالعكس احس انه ميت فيني بس مدري احساس يقولي هالزواج بيكون مصيبه
انا : لا ان شاء الله , لاتقولين كذا
سارا: مريم قبل يومين كنت طالعه معاه وكنا في كوفي راح يطلب ونسى جواله على الطاوله معي جاه مسج مكتوب فيه ( حبيبي اشوفك الساعه 9 !!! ) مريوم انا كنت راح اموت .. مسكت اعصابي ولما رجع سألته عن المسج وقلت له اذا كنت مغصوب علي خلنا نفسخ الخطبه !! وماكلمته اسبوع بعدها رجع لي يبكي!! يقولي : والله ما اعيدها مره ثانيه انا ماحسيت بقيمتك الا لما فقدتك ,, انا وين راح القا بنت حلوه زيك وتحبني ومن لحمي ودمي !!
انا منصدمه : طيب وانتي وش قلتي ؟؟
سارا : سامحته !! سامحته لاني احبه جد احبه وما اتخيل حياتي مع شخص غيره ابد!!
انا : سارا هو حس بغلطته واعترفلك انه يحبك لازم تعطينه فرصه ثانيه .. بس قبل كذا لازم نتأكد انه بططل حركات
سارا: شلون ؟؟
انا : عطيني رقمه !!
سارا: مريووم وش راح تسوين يالخبله ؟؟
انا : راح ادق عليه اذا عطاني وجه افسخي الخطبه !! واذا طنشني لا تفرطين فيه
سارا: اوكي

انا دقيت عليه من جوالي :وبصوت نااااعم : الووووو
محمد بجديه : وعليكم السلام . مين معي ؟؟
انا بنعوومه : ممكن نتعرف ؟؟
محمد : استغفر الله انتي وحده فاضيه روحي دوريلك على واحد ثاني تلعبين عليه
وسكر بوجهي
رحت جربت من تلفون البيت وغيرت صوتي ونفس الحركه ماعطاني وجه
دقيت على سارا وبشرتها ان محمد نجح بالأختبار !! سارا فرحتها ماتنوصف سكرت مني حتى من غير ماتقول مع السلامه عشان تدق على محمد وتقوله انها سامحته

[b]... على جسر الملك فهد _ رحمه الله _ ...

كنت انا وريم والعنود وملاك وندى و ود ومشعل وسلمان بسياره وامهاتنا كانو ا مع السواق في سياره ثانيه
كانت ريم و ملاك لاصقين بشباك السياره يشوفون اللي رايح واللي جاي و كل وحده تختار لها زوج خخخ ناس فاااااضيه , والعنود كانت طول الوقت تحاول تلفت انتباه مشعل لها شكل البنت رجعت تحبه بس هو كان عاادي حتى مرات ماكان يعطيها وجه بس مشعل يكررره ريم مايطيقها عشان كذا طول الطريق ماتكلم معاها ولا كلمه حتى ماسلم عليها , وانا وندى كنا نسمع في الأي بود كان الجسر مرررره زحمه
لما وصلنا لعند المطاعم وستار بوكس كانت الساعه 4 العصر انا قلت : انا بروح لستاربوكس تبون شي ؟؟
قال سلمان : وين تنزلين الناس زحمه مافي روحه ؟؟
انا : كرهت تسلط سلمان وسيطرته فرفعت جوالي وكأني ماسمعته ودقيت على امي:
الوووو. اهلييين , انتوا وين الحين ؟؟
امي : احنا في بداية الجسر الين الحين ماوصلنا
انا : طيب يمه بنزل ستاربوكس والله جوعانه باخذ لي أي شي عادي ؟؟
امي : لا زحمه مافي
انا : احنا قريب يعني ماراح امشي قدام السيارات كثير بنزل بسرعه وبرجع
امي : طيب بسرعه واذا كان زحمه لاتاخذين شي ارجعي السياره
انا : اوكي يله باااي
امي : باي

انا وبتجاهل لسلمان : بنات تبون شي من ستار بوكس انا بروح
ود وندى : نبي فرابتشينوا
انا : اوكي وغيره ؟؟ العنود ملاك تبون شي ؟؟
العنود وملاك : لا تسلمين
انا : مشعل سلمان تبون شي ؟؟
مشعل : أي مريومه جيبيلي هوت شوكلت
انا : اوكي . وانت سلمان ؟؟
سلمان وهو مرتفع ضغطه : لا ما ابي شي
انا فتحت الباب ونزلت , كان غطا وجهي شفاف يعني ماكان له داعي اني اتغطى من اساس بس كنت اسمي حاطه الشيله على وجهي وبس .. وطبعا جاني كم هاااائل من التعليقات لأني كذبت لما قلت لامي ان ستار بوكس كان قريب مني كنت لازم امشي قدام حوالي 12 سياره عشان اوصل له
وصلت ستار بوكس ووقفت في اللاين طبعا قطيت الغطا وكشفت لان انا اشوف انه عادي اكشف بس ما ابين شعري وما احط مكياج !! بيني وبينكم انا كنت حاطه مكياج بس مو كثير عني بس جلووس وردي ناااعم مخليني طالعه ناااااعمه ومرره كيوت ..
لما طلبت وخلصت جابلي الطلب وخذيته ماحسيت الا بيد تلمس كتفي انا لفيت : سلمان !!!!
سلمان : جيبي الكيس اشيله .وبعصبيه ونبرة امر : غطي وجهك !! ماتشوفين اللي هناك كيف يناظرون !!
كان فيه شله عيال من نوع الكشش والبناطلين النازله بس كان بينهم واحد حاط عصامه ولابس كندوره اماراتيه انا شهقت : مجوووود !!!
سلمان : مين ماجد ؟؟
انتبه علي اللي لابس كندوره اماراتيه واشر لي بأيده قمت انا واشرت له
سلمان : خير ان شاء الله مين هذا وليه تأشرين له ؟؟
انا : هذا مجووود واحد يقربلي م الأمارات
ماجد : اهليييين مريوووووم شحالج؟؟
انا : تمام الحمد الله شحالك انت ؟؟ من زماااااان عنك
ماجد : انا ولا انتي اللي مختفيه ماتبينين ؟
انا : توني قبل كم شهر كنت في الأمارات ماشفتك
ماجد : زين انتي ليش ماقلتي انج بتيين ( بتجين ) ؟؟
انا : مااعرف رقمك , واصلا انا ماطولت كم اسبوع ورجعت
ماجد : اهااا, زين انتي مع منو يايه ؟؟(جايه )
انا : مع امي وبنات خالتي وكلنا
ماجد : اهااا زين منو ها اللي واقف عدّالج ؟ ( مين اللي واقف جمبك )
انا : هذا ولد خالتي سلمان
اشرت لسلمان عشان يجي
سلمان : هلا والله
ماجد : اهليين شحالك ؟؟
سلمان : بخير دامك بخير وانت وش اخبارك ؟؟
ماجد : تمااام
ماجد : مريووم وين بتروحين في البحرين
انا : بروح السيف
ماجد : زين عيل ( اجل ) لما توصلين دقي علي اوكيه ؟
انا : اوكيه بس ماعندي رقمك ؟؟
ماجد : اوكيه سجليه عندج ......................
( طبعا مستغربين مين هذا ماجد , ماجد هذا واحد يقربلي من الأمارات مررره وسيم وكووول مرات يصير سخيف بس مو مرره هو كابر مني بسنه صراحه انا كنت معجبه فيه مررره بس شلت هالفكره من بالي لأن الولد يجنن مستحيل يحبني او يفكر مجرد التفكير في انه يحبني)

انا : اوكيه يله انا بروح الحين وبدق عليك
ماجد : طيب عطيني جوالج شوي
عطيته ورسلم من جوالي مسج على جواله عشان ياخذ الرقم
سلمان : يله اجل اشوفك مره ثانيه ماجد احنا لازم نروح
ماجد : اوكيه
انا : يله باي
ماجد : باي

كنا في طريقنا للسياره سلمان : ليه عطيتيه رقمك ؟؟
انا : وش فيك سلمان ترا عادي ماجد مثل اخوي
سلمان : حتى لو مايصير تعطينه رقمك
انا : انت مكبر الموضوع
وصلنا للسياره ولما طلعنا من الجسر ووصلنا البحرين مشعل : الحين وين تبونا نروح ؟؟
انا : خل نروح السيف نشوف الأفلام اللي معروضه
سلمان في نفسه ( تشوفين الأفلام ولا تشوفين الأخ ماجد )
مشعل : اوكي [/b]