|
| |||||||
| حوارات و نقاشات جاده القسم يهتم بالمواضيع الحوارية والنقاشات الجادة والمتنوعة |
 |
| | LinkBack | أدوات الموضوع | انواع عرض الموضوع |
|
#1
08-27-2008, 05:43 PM
| ||
| | ||
| لاتهملونا وعقبها تلومونا  الكلام حلو وطيب وسهل , بس الفعل صعب كلنا نتمنى اشياء ونحلم باشياء وفي منا الي يحققها وفي العكس والاسباب ممكن تكون من الضروف الي تجبرك وتبعدك عن احلامك , وفي الي هو بنفسه ابتعد وممكن يكون ضيع حياته انا ما اعرف ابتدي بكلام طويل وعريض وشعارات مالها وأول ولا تالي انا الي اعرف وابا اوصل له ووصل من حولي له شي واحد... نحن بشكل عام اول مانسمع عن كارثه او مصيبه اوفضيحه.....الخ ننشر الخبر ونتداوله وننزيد من الفضيحه وتكون ملح جلساتنا سمعتم عن فلان وعلان ياريتنا ناخذها عبره جان زين بس للاسف هي سوالف تسليه.. طيب مافي حد مره سال عمره هالي انا سمعت عن فضيحته ورمست عنه ليش جي سوى هل هو مريض هل هو صاحي هل حياته اساسها صح ...الخ الناس بس تحكم وياليتها ترحم ونسوا ان الدنيا دواره مثل مادارت عغيره بتدور عليه المشكله ان نحن فاهمين هالشي ونقوله بس ماننطبقه خير شر ونادر منا الي يكون جي .. مثال : جيلنا هذا الي فيه تغيرت نص عاداتنا وتقاليدنا .. وشبابنا الي صارت موضتهم غير شكل واحد مادري شو مسوي بشعره ولبسه وشكله وواحدحالته حاله مع السيارات وكل يوم متكسر وواحد طايح في هالديسكوات والبلدان الي مامن وراها الا المصايب وواحد شاف عمره وسيم قام وبدل ملابسه لملابس بنات وسم عمره كاكاوه ......الخ صار الغرب اعقل منا وصرنا فحاله لا يرثى لها بس هذا كله ليش لو ينا ودرسنا حالتهم جان حسينا فيهم وممكن نساعدهم وخاصه الاهل بعد مايفوت الفوت جو واحتشروا واشتكوا تركتوهم وهم بحايتكم ويوم سرى الغلط بعروقهم انتبهتوا ياليت الاهل يفهمون ان التربيه مب بس صراخ او اوامر لا التربيه لها عدة افرع الاهل هم الربع والمدرسه والحنان والقسوه والصداقه وكل شي بالتفاهم حلو لا بالضرب الدايم ولا بالفلوس الزايده لو من البدايه تاسسو صحوا ما اغلطوا لو زرعوا الخوف والمحبه لله جان ماكان هذا حالهم وحتى لو صادفوا رفقة السوء صعب انهم يتغيرون بسهوله وحتى لو قدروا راح يقدرون بنسبه خفيفه ممكن تقدر تلحقها قبل لا تزيد عسى الله يحفظ اولادنا ويرضى عليهم جميعنا ويهديهم ويثبتهم عدينه وصلاته ااااااااااااامين ( اما عن البنات فلهم قعده ثانيه مع قصص وصور واااقعيه ماتلقونها الا عندي انا وبس )  |
|
| مواقع النشر (المفضلة) |
| |
اشكركم عالمرور والمشاركه نورتم الصفحه
.gif "flowr")
العرض العادي
