ااااه على رمضان - عيون العرب

@جمرة غضا@ · #1 09-14-2008, 01:30 AM

السلام عليكم ورحمة الله وبركاته
مرحبا اخوانى بعيون العرب ومبارك عليكم الشهر
حابّه اتكلم عن مواضيع المسلسلات الرمضااانيه ومسابقه القنوات على افضل مسلسل لاحظو لكل قناة مسلسل خاص من مسلسل خليجي مصري سوري وبدوي... زحمه مسلسلات ...
وطبعا المسلسلات الكويته جميع ممثلاته فاتنات الخليج جمال عجيب لكل وحده مسويه كم عمليه قبل لاتبدأالتصوير هذا غير لكل فنانه كوافيره خاصه ومصممه ازياء...خاصه مسلسل شر النفوس الي المفروض ايخلون اسمه( شر الفتنه)...وقصة المسلسل تتحدث عن رجل اعمال عايش بقمه السعادة مع زوجته وامه الحنونه والغريبه انهم خلوا ام الرجل قلبها ابيض على الزوجه وهذا الشي غريب بمسلسلاتنا لكن مو كل شي حلو بيستمر الرجل المحب لاسرته.بيطيح على يد ناس سحارين وحده تسحره عشان ايحب بنتها وايصيرو يلعبون بالفلوس لعب...وطبعا يفتحون عقول الناس على السحر وعلي حاجات ثانيه وبرمضان.. وقبل فترة كنا نسمع ان الشيوخ حرموا مسلسل نور عشانه مسوي فتنه.. انا متاكدة ان الشيوخ ماشافوا هذا المسلسل...على الاقل نور مسلسل يتكلم عن العادات التركيه يعنى مافيه شي غريب بس شر الفتنه اتصدقون انا واخوانى انتابعه يوميا واحنا انموت من الضحك... القصه ممكن اتكون واقعيه شويه لكن القصه وين! والتمثيل وييين!!... في وحده بغرفتها تبي اتنام حاطة مكياج حنان الدشتى... انا ماادري اتكلم على مين واخلي مين ابي اتكلم عن الفاااااااااتنه ....مونيا
اللي المنتج لما شافها قال لازم اسوي مسلسل كااامل عشان جمالها...والعجيب انها مو مخليه عمليه الا مسويتها حالفة يمين الا اتصير رزان المغربي الخليجيه.. ولاحظو انها عندها مصممه ازياء خااصه يعنى اللبس لبس وحده محترفه ,بس انا عرفت هي ليش جايبه وحده اتصمم لها لانا طبعا مراح تلقى بلوزة اتدش عليها مشاالله الصدر اكبر مقاس منفخته ...والمصممه بس شغلتها اتكبر بمقاس البلايز الي اتجيبها واتقصّر بالتنانير....هذا طبعا لازم ماننسى دور الكوافيرة الرائعه الي اتحط لها كيلوا مكياج وطبعا ماننسى الاحمر على الشفايف الكبيرة بيطلع واووووو....
وبعدين هي ما تستحي يوم تلبس شي مو لايق لها، يعني الممثلين الرجال لابسين ثوب سااااتر وهي حضرتها مصدقه حالها اوروبيه تروح تلبس ضييييييييق. منجد احس ان البنطلون بينشق

والحين ابي اتكلم عن الدكتورات اول شي الدكتورة سوسن ماشاءالله لابسه بااروكه ومريحه حالها من الاستشوار كل يوم، ممثله ذكيه ,الباروكه لون اصفر مناسب على البشرة بس مقاسها اكبر من راس الممثله وانا اطلب من الدكتورة سوسن اتروح اتنفخ خدودها اول ماتستلم الفلوس من المسلسل لانها لما تلبس حلق مره كبير وباروكه اكبر من راسها واتحط كيلو مكياج على عيونها يختفي الوجه مانشوف الا باروكه وعيون.... وهذا غير الدكتورة نورة المحجبه نص حجاب والوان ملابسها تخلي المريض يتعب زيادة، والدكتورة عبير هذي عاد خطيييييره لأنها لها كم يوم تنام وهي لابسه تاج على راسها، ويوم ترجع من الدوام تغسل وجهها من المكياج عشان تحط مكياج البيت....انا من يوم مابدأ المسلسل وما شفتهم ايعالجون اي مرضى كله بس يتمشون بممّرات المستشفي المستشفى خسرمنهن ويلبسون لبس حق سهرات الترتر والقصير والاحمر والاخضر مشالله متابعات للموضه... بس انا عندي سؤال محيرنى الحين لو جاء للدكتورات حاله محتاجه لعمليه وسووا له العمليه ماادري مايخافون ان اظافرهم او رموشهم الاصطناعيه أو عدساتهم اتطيح ببطن المريض!! ماادري كيف ايشوفون اصلا ^45^
يعني انا نفسي اعرف هم ما تعلموا شي من المسلسلات التركية؟!
ما اخذن درس ان المكياج الخفيف أجمل وأحلى وأقل ضررا على عيون المشاهد المسكين!؟
شوفوا انا الصراحة من بعد ماشفت مسلسل"شر الفتنة" قلت خلاااااص من الحين ورايح ابي اتابع اول مسلسل تركي جديد يجي علا القناة عشان عيوني ترتاح شوي من الألوان خخخخخخخخخخ

وانا عارفه ان هذولا الأشكال ما يمثلواابدددددا بنات الكويت الأصيلات لأن بنات الكويت محافظات جدددا....وترا هذا المسلسل الوحيد الي ياادوب نقدر انتابعه لو انتابع غيرة راح نترقّد بالمستشفى.. واتعالجنا الدكتورة نورةخخخخخخخخخخخخخ

يعنى انا ماادري ليش مسلسلاتنا صايرة منحطّه لهالدرجه وخاصه بشهر رمضان ما احترموا الشهر الفضيل ولا احترموا المشاهد المسكين... مسلسل كله قايم على الاغراءات الغبيه و التشجيع على السّحر والفتنه بين الناس ....يعني لو يمثلوا زين! كان نتفرج واحنا ساكتين.. لكن يا حسره!!! ما توقّع احد منهم درس التمثيل على اصوله. لكن درسوا اصول الدلع والغنج الماسخ التافه.
ياريت القى تجاوب منكم قبل لا أطق راسي بالجدر من القهر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هكذا كان صلى الله عليه وسلم في رمضان	سيف الإسلام	نور الإسلام -	21	08-29-2009 11:29 PM
أى رمضان رمضانك !!؟ (رائع لا يفوتك)	fares alsunna	أرشيف القسم الإسلامي 2005-2016	6	09-30-2007 12:17 AM
الثبات بعد رمضان	عيون الطفولة	أرشيف القسم الإسلامي 2005-2016	14	10-21-2006 02:31 PM
الموضوع: عشر وسائل لاستقبال رمضان وعشر	المشتاق لله	أرشيف القسم الإسلامي 2005-2016	8	09-23-2006 10:05 PM
مسجات بمناسبة حلول الشهر الفضيل رمضان	سنيورة أمواج	أرشيف القسم الإسلامي 2005-2016	6	09-20-2006 02:46 PM