من روائع الشاعر حمدان المري - عيون العرب

الهضاب النوايف · #1 09-15-2008, 01:21 AM

استأذنك .. بسافر ايام .. وآجيك
وان طالت ايّام السفر .. لاتحاتي
حتى ولو طوّلت .. ماني بناسيك
ياللي بدونك .. ويش تسوا حياتي؟
تامر على حاجه؟؟ .. بودّعك واليك
عسى عوّض الايام .. في المقبلاتي
حتى يدي .. ماودّها تفارق يديك
ساكت .. وانا اشوف البلا في سكاتي
ماشفتني لارحت منك .. التفت فيك
بلاي والله (( روحتي والتفاتي))
لكن قبل ماروح .. ودي اوصيك
وانت الوحيد اللي يقدّر وصاتي
لاحدٍ سالك .. وقالك ((وين مغليك؟؟))
قله: "لوازم لاقضاها بياتي"
وان طروا النسيان .. ماني بناسيك
ياراس مالي في الحياه .. وغناتي
وان طروا السلوان .. ماني بساليك
طيفك معي حتى وانا في صلاتي
قلبي .. وهو قلبي اذا مرّ طاريك
لولا ضلوعي .. كان عزوا مماتي
لو جض صدري .. كان يمديه ياتيك
ويبات عندك .. ويهنى بالمباتي
انا .. وقلبي .. والغلا .. ساكنٍ فيك
وانته .. وقلبك .. والغلا .. وسط ذاتي
غلاك .. مثل الحكم عند المماليك
اكبر طموحي .. لا .. كل امنياتي
شف في غيابي ايّ حاجه تسليك
لاني بعدك .. اسلى مع (( ذكرياتي))
احاول اذكر .. اي شيٍ يطريك
"واقول هو سوا .. وانا ذي سواتي "
كني موادع .. كل شيٍ حواليك
وكني حسبت حساب ((حزة وفاتي))
احب .. لاني مقدر انساك .. وآبيك
ولا اقدر اخليك .. ياللي تحاتي
معنى احب .. وماقدر انسى واخليك
((يعني بدونك ويش تسوا حياتي؟))

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحميل فيديو الحلقة السابعة من التصفية الثانية برنامج شاعر المليون الجزء الثاني مرحلة 24 شاعر	صنيتان	أرشيف المواضيع الغير مكتمله او المكرره او المنقوله و المخالفه	13	03-06-2011 05:54 PM
صور حفل زواج زفاف الشاعر محمد بن فطيس المري	تئلمت بس تعلمت	أرشيف المواضيع الغير مكتمله او المكرره او المنقوله و المخالفه	13	09-06-2009 02:55 AM
من روائع الشاعر العمر الرقصة ُ الأخيرة ْ	قلم الآقصى	قصائد منقوله من هنا وهناك	1	08-24-2008 09:07 AM
تحميل فيديو الحلقة الاولى من التصفية الاولى برنامج شاعر المليون الجزء الثاني	واقعي جدا	أرشيف المواضيع الغير مكتمله او المكرره او المنقوله و المخالفه	9	01-15-2008 02:27 AM
لقاء مع الشاعر صالح ال مانعة المري القطري شاعر المليون الموسم الثاني	script	أرشيف المواضيع الغير مكتمله او المكرره او المنقوله و المخالفه	0	12-30-2007 01:56 AM