هذه بعض الأشعار المنقوله لشاعرنا المصرى الكبير...صلاح جاهين .
خرج ابن آدم من العدم قلت : ياه :
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

ياما صادفت صحاب و ما صاحبتهمش:
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

أنا شاب لكن عمري ألف عام :
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

نوح راح لحاله و الطوفان استمر :
نوح راح لحاله والطوفان استمر
مركبنا تايهه ولسه مش لاقيه بر
اه م الطوفان واهين عليك يا بر
ازاي تقدر تبان والدنيا غرقانه شر
عجبي !!

ضريح رخام فيه السعيد اندفن :
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

إنسان أيا إنسان ما أجهلك :
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

أنا كنت شئ و صبحت شئ ثم شئ :
أنا كنت شئ و صبحت شئ ثم شئ
شوف ربنا .. قادرعلي كل شئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!


باتمنى انها تكون عجبتكو .وكل عام وانتم بخير .

السلام عليكم ورحمة الله وبركاته
مشكور يا اخوي على القصيدة المنقولة ويعطيك الف الف عافية على مواضيعك
تسلم

__________________
عضوه في شلة ضايعة
عضوه في شلة الشعراء بس ما حصلة على عضوية الأنظمام
رئيسة شلة المصرقع والمجنن والمهبل

وعجبي


شكراً لك أخي trekaaa
على هذه المشاركة للراحل الكبير "صلاح جاهين".

__________________
مع تحيات أخوكم / خالد (information)
--------------------

هِيَ أُمَّةٌ
طُبِعَتْ على عِشْقِ الدَّمارْ


هِيَ أُمَّةٌ
مَهْما اشتعلتَ لكي تُنير لَها الدُّجى
قَتَلتْكَ في بَدْءِ النَّهارْ


هِيَ أُمّةٌ
تَغتالُ شَدْوَ العَندليب
إذا طَغى يَومًاعلى نَهْقِ الحِمارْ


هِيَ باختصارِ الاختصارْ
غَدُها انتظارُ الاندثارِ
وأَمسُها مَوتٌ
وَحاضِرُها احتِضارْ
= = =
أحمد مطر

يسلموووووووو تريكا على القصيدة الرائعه ننتظر منك المزيد
لك مني خالص الشكر والتقدير

تقبل مروري