بسم الله الرحمن الرحيم
السلام عليكم ورحمة الله وبركاته ::
قصيدة (ياماحلا الفنجال مع سيحت البال )
لشاعر :/ الشيخ راكان بن حثلين العجمي (رحمه الله)

يا ما حلا الفنجال مع سيحة البال---في مجلسن ما فيه نفسن ثقيله
هذا ولد عم وهذا ولد خال---وهذا رفيق ما لقينا مثيله
يا ليت رجال يبدل برجال---ويا ليت في بدلا الرياجيل حيله
يا بو هلا طير الهوى خبث البال---الطير نزر والحبارى قليله
يا الله يا اللي طالبه ما بعد فال---يا اللي من الضيفات نجى دخيله
أفرج لمن قلبه غدا فيه ولوال---والنوم ما جا عينه الا قليله
لا من ذكرت ارموس عصر لنا…زال---شوف الفياض وفقد عز القبيله
يا زين شدتهم آليا روح المال---يتلون براق حقوق مخيله
يسقى خصيفا والثمان أرضها سال---مرتع معطره السيوف الصقيله
عجمان لا ركبوا على كل شملال---يفرح بهم راعى النياق الهزيله
من جو ساقان إلى السيف همال---وينوش حسنا والرديفة هميله
ولا قادنا من يمه القفر خيال---يصبح شديد البدو عجل رحيله
قاد السلف واستجنبوا كل مشوال---والعصر يا محلا تخيبط نزيله
وإن شرف البادي على روس الأقذال---والما كثر الزول زود جفيله
تلافحت ما بينا شهب الاذيال---ومن ضيع المفتاح يا عزتى له
ركبوا على طوعاتهم كل عيال---وكل لبلج يحرى بكسب النفيله
تغانموا المفزاع ذربين الافعال---من قبل تسبق غارة تنثنى له
يبغون طوعه روسهن قبل الادمال---وتغانموا خلف كثير هجيله
وحال الكمى من دون عطرات الاجهال---ومروا ولحقوا مقحمين الدبيله
واللى تريض عقبهم يلبس الشال---من صنع داود دروع ثقيله
يلزم عليهم علة عقب الانهال---ومن غارته لزم يضيع دليله
والدم من قحص الرمك يثعل اثعال---يزعج على وروك السبايا وشيله
هذى براعيها من المعرقه ماله---وهذى شكلها مطرق ما تشيله
من وقع كل مجرب قدله افعال---وفروخ صاد الحبارى فصيله
وليا ركبنا فوق عجلات الازوال---وبايمنا حدب السيوف الصقيله
وما حن نحسب لا شتبك عج واكتال---وترك صبى يفتنع بالفشيله
وصلاة ربي عد ما زايل زال---على نبى الحق راعى الفضيله

وسلامتكم
هذي من اروع قصائد الشيخ راكان بن حثلين العجمي

وتبهر كل القارى من الجزاله والمعاني التي تحتويها هذي القصيدة

تحياتي /
أب نواف و البلوي

__________________

إلي يقول البعد ينسيك الاحباب قله يجي ويشوف حااالي بعينه