|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
11-06-2008, 09:27 AM
| ||
| | ||
 شوفو الشباب اش يسوى لمن تحمر الاشارة شوفوا الشباب شو بيسوا عند الاشارة :ee:  النوع الاول : وهو الذي يستغل وقته ويرتب سيارته ويفتح دروج سيارته ويعفط في الفواتير ويرميها في الشارع وفجأه ما بتشوف الا وهو ناطط في المرتبه اللي ورا يرتبها .. ولا تستغرب اذا شفته ناط في شنطة السياره ( الرجال مرتب ) وتنفتح الاشاره والاخ مشغول في التنظيف .. النوع الثاني : وهو اللي تقول ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح وشوي ويقص اظافر يده وما بتشوف الا وهو مرفع رجله ويقص اظافر رجله ^بب^ ^بب^ ^بب^ ^بب^ هذا اذا كان معاه مقص اظافر والا ماعنده مشكله يقصها باسنانه ( قمة النظافه ) !!  النوع الثالث: وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخو ويرقصون السياره معهم !! وعاد شوف الرقص كيف النوع الرابع: وهو عكس الي قبله وهو الي يشغل شريط خالد عبدالرحمن (اى اغنية قديمة) وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!! النوع الخامس: وهو الي تقول مكتشف انه ابو وماتسمع غير هواشه على بزرانه الي مالين سيارته وماتشوف الا وهو ساحب العقال ومخرب التشخيصه (يستعمل اساليب التربيه الحديثه) ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!! النوع السادس: وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون) مسوي جو اجنبي!! النوع السابع: وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشوارما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!! النوع الثامن: وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريده ومسوي زحمه في الشارع واللي جنبه طفشان ومشتغل مسجات بالجوال !! النوع التاسع: وهو الي سيارته زحمه مو ناس لا ماخلى ثوب ولا شماغ ولا بدله ولاجزمه الا ومركبها (الله يكرمكم)) معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!! النوع العاشر: وهو من يوقف عند الأشاره وهو بس يقز في هذي السياره وهذيك وعاد انواع الفنون لما تكوون السياره اللي جنبه فيها بنات وانواع الترقم والمغازل ويتميلح حتى لو كان شكله حلو ومو هذاك الزود اهم شئ تشوفو البنت لاتشوفوعطته اهتمام برد قلبه مالت بس شو تميلح عليه .. ها يا شباب انتو اى نوع الصراحة راحة والى يكذب يدخل النار  اكيد كل هادا الحكي مزح ولا يوخد بعين الاعتبار |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| من مشكلات الشباب وكيف عالجها الإسلام | BOSS of BAGHDAD | آدم ~ | 4 | 09-22-2010 02:07 PM |
| ثقافة العمل التطوعي مفقودة لدى كثير من الشباب السعوديين | بــو راكـــــان | نور الإسلام - | 4 | 10-18-2007 08:39 PM |
| الشباب والعمل الاجتماعي التطوعي | الوطن العربي | نور الإسلام - | 9 | 10-18-2007 08:34 PM |
| الدليل الكامل لعلاج حب الشباب | دهوكى | صحة و صيدلة | 0 | 04-13-2007 10:45 AM |
العرض العادي
