يا ساكنه خفوقي
يا دفا دم يجري في عروقي
يا همسة بعد صمت تأخذني من وجودي
ضحكتك نسمة ربيع
نظرتك رعشة خفوقي
لمستك يجمد لها الدم في عروقي

***
جيتك والفرح فيني بحر
جيتك وعشقي لك نهر يتبع نهر
وضفافها لك إحساس عشق وغرام
خذي عمري الي راح واعبثي بباقي سنيني
ويومي بدونك ما ينحسب من سنيني

***
أنتِ وأنتِ وأنتِ

أنتِ
حبي الوحيد
أنتِ
نبضي في الوريد
أنتِ
راحة قلب قبل حبك من السعادة طريد

***
حبيبتي كوني لحبنا
مهرة بالوفاء لحبها عنيدة
طفله ما ترتوي من أحاسيسي اللي لها بالعشق فريدة

***
احبك وأحب الحب من حبك
واعشق قلب يسكن بين ضلوعك
في حبي لك عهد
في حبي لك وعد
قلبي مسكنك والدم يجري في وريدي
أنا لك دفا شمعه وضيها في دنيتك
وعيوني لك مرقد بغطاء وفراش
وصدري لك نهر من حنان وأمان وإحساس

***
حبيبتي

كل ما فيك ساكن بالعشق فيني
كل ما منك أنا بالشوق له غريق
همستك – ضحكتك – نظرتك
كلها منك تضنيني وبقربك تمنيني

***
يا ثورة شجوني
يا لهفتي وحنيني
أضمك ويقولها قلبي لقلبك احبك يا راوي عطش سنيني
وارتشف من شفاك شهد العسل
أنا وجودك وأنتِ وجودي
يا حياتي وفرح سنيني

يا ساكنه فيني

بقلمي

اتمنى ان تروق لكم

تحياتي

هاذ الخاطره اهداء خاص ... ؟ واعتذار اوك

كان هنا
جمال الكبيسي

كل مافيك ساكن بالعشق فيني،،
وكلماتك سكنت قلوبنا،،لامست مشاعر قد انتابها الصمت زمنا طويلا،،
أبدعت حقا،،،تحياتي لك،،

__________________

مشكور على الكلمات الروعة إنها حقا معبرة

همسات مخمليه
لامست حنايا الروح بجمالها
وشفافيتها

لا بد أن تشرق الشمس الدافئة
على القلب المتعب

تقديري
وتحيااااااااتي...

جريحة الصمت