سالفة بنت و يا أهلها تموووووووت ضحك - عيون العرب

**فوق مستواااك** · #1 01-14-2009, 04:52 PM

بسم الله الرحمن الرحيم

هاذي قصه تموت من الضحك

كنت احلم بحلام سعيده لين جاني حقنة عمري(عبيد اخوي الي بعدي سادس)ووخر فراشي دغدغ رجليني وجرب كل حركات كراش على جسدي المتهشم وهو يقول((اصدرت وزارة التربيه والتعليم انتس تقومين وتحملين القش معنا >هينا يقول التربيه والتعليم الي هي امي <))قلت انا ((من قالك تدخل غرفتي)) قال ((وازر التربيه والتعليم>>ابوي<<)) هينا يوم سمعت وازر شخطت للحمام ثم حملت القش وبعد العنا و الشقا يااله ركبنا والتم شملنا طبعا انا في اقصى قصي يعني محلوته ورا بس عادي احبه ذا المكان >والله علشاني مغصوبه عليه<المهم عاد جنبي أختي 2x1 ثرثاره وبنفس الوقت بليده الي هي (دلال في ص

) وجنبها
اختي منور>مشتق من كلمة منيره وهي بصف 1<
والي قدامنا أختي الكبيره (هنادي >أموت واعرف وش معنا اسمها يتهيأ لي انه شلقت هنود متجمعه < صف
متخرجه من الثنوي) وجنبها أخوي (عبيد) وجنبه(دحيم 5سنين) وقدامهم امي الموقره(عيب اقول اسمها والعمر عيت تعلمني عمرها) وفي حظنها(عزوز توه يحبي)
وجنبها ابوي(سؤالين مايجاوبني عليها 1-كم عمره 2- كم راتبه)
طبعا انا قاعده اتغصب النوم بس بسبب البلوتين
الي جنبي ما قدرت أرقد تخليو وش قاعدات يغنن يمال معاد نيب قايله الوجع قاعدات يغنن ((يابابا سنوني توجعني ودني لم الدختور معاد ابي ككاو بس ابي فسن اب)) والله لو يسمعهن الي مغنيها أن يخلي وظفته حرفو في ابو الغنيه طبعا السطل الي قدامي قاعده تقظم بطاطسي معطتها ايها علشانها ظافه البيت عني والنشبه الي جنبها عبيد يلعب قيم بوي ودحيم راقد (احسد التنكه الي قدامي على مكانها يعني علشانه الكبيره تقعد قدام)
المهم أنا نمت عقب ما رقدو المجدر الي جنبي ويوم وصلنا لقريتنا دخلت لغرفة النوم المعتاده الي هي غرفه نرقد فيه يا البنات(وش عندي ) لقيت بنات عمي في تاسع نومه المهم انا انجطلت في اقرب مكان لي دخلت أختي دلال قلت لها (قبل مايذن الفجر قوميني >لانها قالت لي بتسهر<) قالت (طيب بس بشرط ) قلت (وجعتين وش تبين )قالت (ابي قوطي ببسي) قلت (أوكيه طيب >ادري انها مافهمت اوكيه بس قلت طيب علشان تفهم<) المهم رقدت خخخخخا خخخ خخخخخخا خخخ حسيت بشي ينفظني نفظ الحمير يوم قمت لقيته أختي دلال تقول(قومي تراه بيذن ذا الحين) المشكله تقول بيذن الحين وانا اسمعه يقول(الصلاة خير من النوم)
قلت انا عاد(مشاء الله بيذن ذا الحين أقول وين قوطي الببسي جبيه الحييييين ) قالت (لييش) قلت (والله لتس وجه بعد تسألين ول ما قوى وجهتس جيبيه) هي خافت وعطتني اياه ودميعاتها اربع اربع حطيته تحت فراشي وطلعت برا علشان اتوظا خلصت متوظيه ويوم جيت أدخل فتحت الباب يوم دريت ايلا القطوه تطلع من تحتي وانا من الخوف عكرفت لها لين تدربت إلاها ماتدري وين سحرها من نحرها انا دخلت ورجفت الباب بقوا ماعندي إلا يوم قامت جدتي (ام ابوي) وهي تقول(من ذا) طبعا رحت سلمت قالت لي (ابوتس جا) أنا هينا بغيت أفتر (ايه جا يله أنا برقد)
رحت لقيت الشغاله سلمت عليها قالت (أبوي انتي وامي انتي يجي) انا طلع مني شرارمن السؤال وقلت(لا جايه بلحالي وابوي وامي على ليموزين)وراحت للمطبخ وفوقها؟؟علامه؟؟؟؟؟
صليت ونمت وقمت (10 ونص) وبنات عمي ما قامو قلت في نفسي||مشاء الله ماعاد هيب نومة أهل الكهف|||
رحت جلست مقابله شريط بسمه لين اذن المغرب
افطرت تمر وماء ثم صليت عاد جا دور الفطور الثاني اندومي والببسي الي أمس عاد أختي كل ما مرت علي قامت تدعي علي علشان الببسي تقول(يا جعله ما يحدر)
وهنادي وبنات عمي يقوسن ملابس العيد رحت عندهن قالت لي بنت عمي شيخه(كبر هنادي) (تعالي ورني ثوبتس العيد) أختكم في الله ماصدقت خبر الا ودرعمت للشنطه ودرعت بثوب العيد و اعجبها ثوب العيد حقي(على حسب قولها)
عاد قالت هنادي (ترى أنا الي مختارته لها) قلت (والله لو انتس انتي الي مختارته لي ان ما اخذه ) وفي نص الهوشه دخل عبيد وولد عمي و خويلد (اكبر من اخوي بشهر ويومين)قال خويلد (ولا واحد زين ) هينا انا فتنت وقلت (من زين ثيابكم عاد ماندري ان عندكم عيد الا اذا حطيتو قلم في مخابيكم واذا كشختو مره حطيتو كبك)
قال عبيد (أخسي يا هي من نزين ثوبتس الي تسنه صوف عنز جدي) قلت (وانا بنت ابوي )وأقوم انا وبنت عمي(سوير أكبر مني ب12س)ونربك فوقهم لين حلتو السنتهم وتابو بعدها معاد يجونا ولا يسبون
وسهرنا وسولفنا ورقدنا وتوته توته خلصت السالفه

~~المزيون سامي~~ · #2 01-14-2009, 05:32 PM

والله السالفة حلوة

وتصدقين تصير كثير

مشكورة على النقل الرائع

تسلم يدك

الرعب الصامت · #3 01-14-2009, 06:06 PM

واااااااااوشكرا على النقل يسلموووو

**فوق مستواااك** · #4 01-15-2009, 06:56 AM

اقتباس:

المشاركة الأصلية كتبت بواسطة المزيون سامي

والله السالفة حلوة

وتصدقين تصير كثير

مشكورة على النقل الرائع

تسلم يدك

مرورك الاحلى

و ياكثر ما تصير

العفو
و أنت سالم

**فوق مستواااك** · #5 01-15-2009, 06:57 AM

اقتباس:

المشاركة الأصلية كتبت بواسطة ساسكي66

واااااااااوشكرا على النقل يسلموووو

العفو أخوي
منور

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طفلة في الابتدائية تطعم أهلها .. و لكن ... من أين؟؟!	ريم الخور	حوارات و نقاشات جاده	19	08-19-2009 01:47 PM
دليل براءة المجاهدين في العراق من العمليات التفجيريه(و شهد شاهد من أهلها)	fares alsunna	أرشيف المواضيع الغير مكتمله او المكرره او المنقوله و المخالفه	2	06-10-2007 11:53 PM
النار... أهلها وأهوالها	samir albattawi	نور الإسلام -	0	04-05-2007 12:05 AM