|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#7
03-23-2009, 12:59 AM
| ||
| | ||
| رد: معذبة قلوب الرجال رواية رومنسية مره الجزء الثاني مرت اللايام..والايام..وجا موعد العزيمه.. شذى:آلوووووو عبوووره خلصتي؟ عبير:أيه..وش تبين؟ شذى:ابغا نروح انا وانتي للعزيمه مع بعض..ولابتروحين مع ابوك؟ عبير:لا بروح مع السواق.. شذى:اوكي انا بروح مع اهلي خل ندخل مع بعض..اوكي؟ عبير:اوكي خلاص شذى:يالله باي.. عبير:باي سكرت عبير التلفون وراحت للمرايه..وشافت نفسها كانت جميله جدا جدا..كانت لابسه فستان اسود قصير تحت الركبه وحزام تحت الصدر..وكعبها كان ربط ف الساق..كانت روووووووووووووعه وصلت شذى مع امها ونايف للعزيمه..وشذى تتوعد في عبير للي جحدتها وراحت دخلوا وسلموا وجلست شذى مع البنات اللي في زاويه لحالهم بعيد عن حش الحريم خخخخ العنود:اهلين شوشو..مابغيتتوا تجون شذى وهي تناظر عبير:في ناس يقهرووووون قلت لهم ينتظروني بس جحدوني العنود:ههههههههههههههه عاد عبير احسن منك جت قبلك عبير:احسن..حررره شذى:هذا جزاي مابيك تدخلين لحالك..بس ناس ماتستحي عبير:اقول شذى لايكثر هرجك..ترا الغرور ماينفع لك .."وكملت بغرور"..بعدين انتي اللي جبيتني وتبغيني شذى سكتت ماعندها شي تقوله منال:هييييييييييي..بنات شفيكم ليش العداوه والبغضاء؟ عبير:ههههههههههههههههه حلوه شذى:عنوده متى جيتوا؟ العنود:امممممممم..جينا قبل منوله بشوي منال:تصدقين عاد العاده نجي احنا قبل..بس السواق ينرفز "هاااااااااااااااااااااااااااااااي قايز" في هاللحظه طبت عليهم بنت عمهم ابرار عبير:بربوره..هير شذى:بربووووووووره متى جيتوا منال:وانتي وراك كل ماجا احد قلتي متى جيتوا؟ عبير وعنود:ههههههههههههههههه شذى:مالك شغل..بربوووووووره ابرار تكشر:وجع..وشو بربوره عمى.. العنود 19سنه..منال 18..أبرار 22 وجلسوا ضحك وسواليف..هيا شوي تجلس معاهم وشوي تقوم تضيف الناس مسكينه مكرووووووفه وابرار معاها.. العنود:مسكينه هيونه مكروفه كرف مو بصاحي..وابرار وش حادها عبير:هههههههههه أي والله طبت عليهم منال:هييييييي!..شوفوا من جا عبير:مين؟ منال:اريج..ياكرهي لها العنود:انا بفهم ليش تكرهونها منال:انت جربي اجلسي معاها..تمووووووووووتين العنود:مدري احسها ادميه عاديه منال انتبهت على سكوت عبير:عبوووور..ليش ساكته؟ عبير:آآآآه بس ياليتها ماجت وصلت عندهم وهي تناظر عبير نظرات غرور سلمت عليهم..ولما وصلت ل عبير..عبير ماأبتسمت حتى مجامله مما خلى اريج تنقهر منها.. قالت اريج بأسلوب:تدرين الابتسامه في وجه اخيك صدقه؟ عبير:اممممم..ياقلبي انا ابتسم للي ابي..وبعدين اذا انتي عارفه نفسك تبين صدقه لاتدورينها عندي.. اريج انقههههههههههرت من قلب تعدتها وراحت تسلم على البقيه منال:هههههههه احبك مووووت..تعجبيني لوه انا كان ماعرفت ارد عبير:ههههههههههههه ياحبي لك شذى:بليز عبير لاتكرهيني العنود:هههههههههههه حلوه امر هذا؟ شذى:مدري المهم لاتكرهيني عبير:انا ماراح اكرهك انتي مثل اختي اللي ماجابتها امي..وحبيبتي منال والعنود:اوووووووووووووه باست شذى عبير على خدها دخلت اريج عليهم وكأنها تبي ترد الحركه:اقوول وش عند اللزبوووو؟(لزبو اختصار لزبيون ومعناها شذوذ) انصدموا العنود وشذى..لكن عبيرو منال لا.. لآنهم متعودين عليها وعلى كلامها...الوقح ناظرتها عبير نظرات كلها غرور:والله عاد كيفي ان بغيت صرت غييّ..انتي شعليك..محتره؟..وترا ياحلوه كلن يرا الناس بعين طبعه اريج انقهرت اكثر من عبير..كانت متوقعه منها انها بتجلس تقول احترمي نفسك ومدري ايش..لكن عبير فاجأتها انها مانفت كلامها بأنها لزبيون منال:اذا هم لزبو انتي عبد مارحتي بعيد يخلق من الشبه اربعين اريج تناظرها:وانتي شعليك احد كلمك منال كانت بترد بس عبير سبقتها:اقول اريج..البنت تبي تدافع عني..لانها.. "ووضحتها كثير" ..تحبني..اما انتي ماأضن هنا في احد يحبك فا وانتي طالعه سكري معاك الباب اوكي قلبووووو؟ العنود:اريج حبيبتي تعالي عندي..انا ابغاك كانت اريج بترفض بس دخلت هيا وابرار بهالوقت.. هيا:حيّا الله اريج..تفضلي ليش واقفه اريج ماحبت تكسر بخاطر هيا..ماراح تحرم نفسها المتعه عشان عبير راحت اريج وجلست مع العنود وابرار وهيا والعنود كانت من فتره لفتره تجلس يامع عبير وشذى ومنال...ولا ابرار وهيا اريج اريج..بنت عمة عبير..عمرها 20سنه..مغرووره..تنرفز الواحد بكلامه اللي ماتثمنه.. دخلت ام طلال عليهم وسلمت عليهم وسولفت معاهم شوي.. ام طلال:هيونه حبيبتي روحي شوفي القهوه حقت الرجال وش اخبارها..الشغاله فاهيه ماتدبر شي قامت هيا:ان شالله قامت معاها منال:هيونه ويت..بروح معاك راحوا للمطبخ هيا:خلصتي القهوه؟ الشغاله:سوي..بس باقي سوي هيا:اوكي خلصي بسرعه رن جوال هيا هيا:آلووووو هلا طلوووّل طلال:هلا هيون وين القهوه؟ هيا هذا انا قول للشغاله.."وهي تكلم الشغاله"..لالا مو هذي الزمزميه حطي الدله الذهبيه ياخبله طلال:هههههههههه ياحبي لك تكرفين والله اني آآآآسف هيا: لاشدعوه..تعبك راحه طلال:ياقلبي يلوموني فيك..بس لازم اعوضك هيا:هههههههه لالا مابي شي مشكووووور ياحبيبي اهم شي انت توسع صدرك..خلنا نفرح بك وبرجعتك قاطعتهم منال:هههههه من تكلمين اخوك ولا حبيبك ضربتها هيا على كتفها بخفه:وجعه ماتستحين منال:هههههههههههههههههه طلال:ههههههههههههههههههههه من هذي؟ هيا:بنت عمك لابارك الله فيها..تقولي تكلمين حبيبك ولا اخوك طلال:هههههههههههههههههههه اوكي لاتطولين بالقهوه هيا:ثواني وهي عندك انت اطلع لي وانا بعطيك اياها طلال:اوكي..بااااي هيا:باااااي رجعت منال للبنات وهيا عطت الدله لل طلال وراحت تكمل سواليف جلسوا طول اليوم ضحك وسواليف.. عند الرجال طلال:انا اقوول ان هينري غبي يوم يروح لل برشلونه نايف:ههههههههههههه لايسمعك طارق طارق:سمعت..والله هينري حر..بس انت محتر عشانه سحب على ارسنال طلال:وانت وش دراك يالفالح طارق:ادري نايف:واذا قلت لك ياعمي طلال مدريدي طارق بقرف:تشجع ريال مدريد.. لله يخلف بس نايف:اقوووووول وش في ريال مدريد احسن من خشك انت وبرشلونه طارق:برشلونه وبس.. طلال:خله الاخ باز ب رونالدينيو وميسي..خلك على جهلك بس طب عليهم مشعل:صراااااااحه ياطلوووّل القهوه مسكته طلال:ههههههههههههههههه مو هيا اللي مسويتها مشعل:اهاا وانا اقول ليش احسها مو حلوه طارق:سبحان الله توها مسكته..الحين صارت شينه مشعل:هههههههههههههههههههه نايف:الحب ياحبيبي الحب مشعل:على الاقل انا مافكرت بوحده انا عارف انها ماراح تعطيني وجه طلال:تقصد عبير؟ مشعل:هو في غيرها معذبة قلوب الرجال اصحوا طلال:عاد انا ماتعجبني..ماحب البنت اللي تجاري الرجل ب جرأته ..واللي تطلع من سواق لحالها وغيره وغيره..صحيح جمال بس الجمال مو كل شي نايف وطارق ماعجبهم الكلام خصوصا انهم يتكلمون عن بنت بين رجال نايف يبي يقفل الموضوع بطريقه مرحه:لا يسمعكم عبد الله مشعل:أيه الله يهديه يحبها حب ماينوصف.. نايف يبي يغير الموضوع:لييش جالس مع الشياب..شكله طفشااان مشعل:انا جلست معاه بحكم اني بعمره بس هو الله يهديه موب يعطي الواحد وجه..مايبي الا فيصل..وفصول ماجا..قلت اجلس مع البزارين شوي اسمع سواليفهم واضحك نايف يكلم طارق:نقوم عليه نحشره بالزاويه؟ طارق: يالله طلال:ههههههههههههههههههههه جاك الموت يالتارك الصلاه اجل احنا بزران؟..اصغر منك بثلاث سنين صرنا بزران مشعل:هههههههههههههههه طارق:وش عنده ليش ماجا فصول؟ طلال:انا دقيت عليه يقول انه مشغووول وعنده سفره بكره نايف:شف شف..وش عنده عبود يتساسر مع عمي سعد(ابو عبير) مشعل:أيه.ومعهم عمي ابو عبدالله نايف:شكل عندهم بزنس..هههههههه نادا ابوطلال طلال وراح له عند البنات منال:وش بتلبسون للعزيمه؟ عبير:انا عندي ملااابس كثيره ..محتاره وش اللبس شذى:انا بلبس جينز والحركه بخليها في التي شيرت وبس منال:وانا بعد..والله اريح لنا دخلت ام طلال للمره الالف:هيوووون دقي على طلال خله يجي ياخذ الشاهي من زمان وهو خالص هيا:ان شالله راحت ودقت عليه رن الجوال..رن رن رن لكن مافي احد يرد..للحظه كانت هيا بتسكر بس رد هيا:طلوووول حرام عليك صار لي اسبوع اكرف كرف..وانت تزيد علي.بمووت ...........:ماعاش من يموت هيونه حبيبتي هيا صنمت..هذا مو صوت طلال...هذا صوت....مشعل..وش جابه لجوال طلال هيا:آلووووو مشعل:كيفك هيا؟ هيا:الحمدالله بخير شلونك انت؟ مشعل:الحمدالله..اجل تبين طلال هيا بأحراااج واضح:أ..ايه مشعل:دقي بعد شوي هو الحين مشغول هيا:خلاص بس انت قل له يجي ياخذ الشاهي مشعل :حطيه عند الباب انا بجي اخذها هيا:طيب راحت وخذت الشاهي..وحطته عند باب المجلس وراحت بسرررررررعه بعد شوي الكل راح يتعشى..وراحو للبيتهم لما دخلت لبيتها..كانت تدندن لأن لااريج ولا غيرها يقدرون يعكرون لها مزااااااااجها رن التلفون استغربت من بيدق عليهم بهذا الوقت ناظرت الساعه كانت 12ونص ماأهتمت وراحت ترد هي مو عاده ترد لكن قالت خل ارد وش وراي ورفعت السماعه عبير:آلوووو -آلووووو رد عليها صوت رجووولي ساحر..كان صوته جنان روعه..وباين انه هادي والأخ مروق وماوراه شي عبير:هلا اخوي الرجال:هلا هذا بيت سعد محمد ال(.....) عبير:ايه نعم من معي؟ الرجال:اهاا..عبير؟؟ عبير:من معي؟..ومن وين تعرفني انت الرجال:مو مهم من وين اعرفك..ابوك وين؟ عبير:لحظه..من انت اول شي؟ الرجال:انا واحد.. عبير:لاوالله حسبتك أثنين زين ياشيخ اللي قلت لي الرجال ضحك:هههههههههههههههههه لين الحين ماتغيرتي.. عبير:شفت شلون؟ تبي تقهره وتبين له انها مو مهتمه ابتسم الرجال:اووووكي.. ابوك ابغاه ضروري عبير تبي تقهره زي ماقهرها:ابوي عنده جوال.. الرجال فهم وش تقصد:اممممممممم..بس انا دقيت عليه مقفل عبير:مدري عنه الرجل:اوكي عبير اذا جا ابووووك قولي له يتصل فيني عبير:حلوه ذي..طيب من اقوله..ترا والله انبح حلقي وانا اقول من معي الرجل:ههههههههه بسم الله على حلقك ..هو بيعرفني عبير:الحكي معااك ضايع وسكرت الخط الحمد الله والشكر خبل!!..شلون بقوووول لآبوي..بس احسن عناد فيك ماراح اقول لو وش يصير..والله حسافه عليك هالصوت..والله انه روووعه صوته.. ورقت غرفتها ونست السالفه تماما ّ بعد تقريبا 3ايام قامت من النوم..وهي كسلانه تحس ان ودها تنام اكثر..رجعت حطت راسها على الوساده بس ماجاها النوم.. قررت تنزل تاكل لها شي..ناظرت الساعه لقتها 8..اوووف 8 وانا امس نمت 2 او 1..يالله مومشكله نزلت لقت ابوها جالس على الفطور عبير:هاااااي دادي ابوها:هلا ببنيتي اليوم قايمه مبكر شعندك؟ عبير:خخخخخ مدري والله قمت قبل شوي وطار النوم ابوها:عبير حبيبتي..انا داري ان مو بوقته بس بقولك عبير:خير يبه ابوها:عبدالله ولد عمك..خطبك مني عبير ابتسمت ابتسامه بالغصب طلعت:بس انت عارف رايي بهالموضوع ابوها:طيب ليش..انا ماراح ادووم لك ودي افرح بك عبير:يبه انا ماراح اتزوج الا بسن 23وطالع غير كذا لأ ابوعبير:والله يابنيتي انا ماغصبتك على شي طول عمرك..طيب ماودك تاخذين فرصه تفكرين؟ عبير:لا..ماراح افكر ولاشي..وبعدين هذي مو اول مره انخطب وكل مره اقول لا..قول له ماعندنا حريم للزواج وبس عرف ابوها ان الحكي معاها لايودي ولايجيب..وقرر انه اليوم بيقول لأخوه ان بنته رافضه تذكرت كانت بتقول له عن اللي متصل هذيك المره..بس احسن خلك عشان تعرف من عبير..ماراح اقوووووووول ابو عبدالله:لا انا فاهمك ياخوي سعد:انا قلت لها بس هي اللي رفضت..وانت عارفني منيب احب اغصب بنتي على شي ابوعبدالله:طيب انت ماحاولت تعرف سبب رفضها؟ سعد:تقول انها مو مستعده للزواج..وان شالله لي صار عمرها 23وفوق فكرت ابوعبدالله:مهوب كلام ذا وانا اخوك..البنت مالها الا بيت زوجها.. سعد:والله اني مدري شقولك ياخوي بس هذا اللي قالته وانا منيب جابرها على أي شي شذى:خطبك؟؟ عبير:تخيلي.. شذى ماتت ضحك:هههههههههههههههههههههههههههههههههههههههههه هههههههههههههههههههههههههههه عبير:خير ان شالله ليش كل هالضحك شذى:انتي خلقه ماتبين تتزوجين عاد شلون عبدالله هاللي مايضحك الا بطلعة الروح ههههههههههههه والله حاله عبير:ههههههههههههه من جد..ألاحظ هالشي..بعدين عبدالله مايناسبني احسه من النوع الرومنسي بزياده..يعععع..يقلب الكبد شذى:هذا ان طلع رومنسي خخخخخ عبير:ههههههههههههههههههههه حلوه شكلك تكرهينه مررره شذى:هههههههه لاوالله عادي..بس انتي لاتتزوجين موب لازم..خلك على ماأنتي عليه في مكان ثاني..في محل الكوفي شوب...هناك عند شابين جالسين عبدالله ومعه واحد ثاني .........:مالقيت طيب سبب لرفضها؟ عبدالله:لا ابوي يقول ان البنت قالت لأبوها ماعندنا حريم للزواج..شفت يافيصل شفت اني منحووووس وين ماأروح فيصل:ماأظن ان كذا من ربي ماتبي تتزوج..يمكن ابوها خايف عليها او شي انت ماتدري عنه عبدالله انفعل:يخاف عليها معي؟؟؟ فيصل:انا قلت يمكن..بعدين مو معك..يمكن البنت مو وجه مسؤوليه عبدالله:مالي شغل انا ابيها لو شيصير فيصل:مشكلتك عنيد..والبنت نفس الشي عبدالله استغرب:ليش؟..وش دراك انها عنيده..انا من يومها ام 13سنه ماشفتها فيصل:قبل كم يوم كلمت ابوها عشان الشغل ولقيت جواله مقفل وهو قال اذا لقيته مقفل دق ع البيت وانا دقيت....وردت علي هي..هههههههههههههه..تصدق جلست اضحك عليها تبي تعرف من انا بس ماقلت لها..واخر شي سكرت السماعه بوجهي.."وكمل بهمس"..بس ماراح اعديها لها عبدالله ماسمع اخر كلمه:وأتصل عليك عمي؟ فيصل:هههههههههههههههه لا ماأتصل بس مصيره بيتصل عبدالله:هههههههههه والله انك ماتنتحارش..تدور الشر فيصل:تعجبني شخصيتها يوم كنّا صغار كانت قويه..وشكل لي الحين ماتغيرت خخخ عبدالله:أي والله..ليتها بس توافق والله اعيشها احسن عيشه فيصل:خلااااااص ياعبوووود والله ماتسوى عليك عبدالله:انت ولد عمي وعارفني زين..ليش ترفضني.. فيني شي؟ فيصل:لامافيك شي بس انت الله يهديك توسوس فيصل..رجل أعمال كبير..وعنده شركه ..لكنها حقت امه ..بعض شغله يكون مع ابو عبير وابو عبدالله..ماسك الشركه مع اخوانه..لكنه هو المدير والآمر والناهي فيها..طيب.. وخلوق .. ومتواضع ومثقف..خفيف دم لكنه عنيد وراسه يابس..من ناحية الشكل فهو وسيم مررررره..طويل..حنطي البشره..شعره اسود..عمره 26سنه فيصل:طيب بكره المزرعه ماودك توسع صدرك عبدالله:بتجي؟؟ فيصل:أيه عبدالله فتح عيونه لأخر شي:من جدك..فيصل خالد..يتكرم ويتنزل ويجي عندنا..لالا انت مو طبيعي..او انك بتودع هالدنيا فيصل:وجع!!..لاتفاول..وبعدين انا ماجيت متكبر عليكم ..عشان الشغل عبدالله:ايه انت وشغل..تسافر يوم يومين بالكثير وترجع..أبي افهم ليش فيصل:شغل مع عمي سعد..هو اللي شغله يتطلب سفر..ولا انا انسان مستقر بالرياض عبدالله:اهاا..الا صح اخوانك ماراح يجون؟ فيصل:ليش هي عاده يجون؟ عبدالله:شمعني انت اللي تجي وهم لا..ولا فوق راسهم ريشه فيصل:هم مايحبون يجون بمكان فيه ابوي من عقب ذيك السالفه وانت عارف هالشي عبدالله:اهاا..حاول والله مشتاقين لل سلطان..وعزوز..و فيصل:هههههههههههه قل منى ونوف عبدالله:هههههههههههههههه لاماراح اقول فيصل علاااااقته مع عمانه مو ذاك الزود..لأنه ابوه شخص مو والنعم..صحيح عمااانه كلهم لهم اسمهم..بس علااقته معاهم شغل وبس..ولا له أي احتكاك معاهم..لأنه مايحب اوبوه ل سالفه صار ت بعدين تعرفونها..فا يحس ان عمانه نفس الشي..كل شي بيتضح مع الاجزاء الجايه ناظر فيصل عبدالله اللي يفكر فيصل:عبووووود..وش تفكر فيه؟ عبدالله:محد فيصل:انا قلت وش تفكر فيه مو من تفكر فيه بس انت غبي فضحت نفسك.. عبدالله:احبها ياخي فيصل:اوف منك عبدالله:هذي محد يوصل لها فيصل:يمديني عبدالله:اتحداااااااااااااااااااااك فيصل:لاتتحدا عبدالله:مايمديك هي عنيده فيصل:اقدر وبتشوف عبدالله حس انه غبي فيصل مايحب احد يتحدااه فيصل:يالله انا استأذن بمشي عبدالله:شعندك مؤدب فيصل:طول عمري مؤدب..المهم اخلص علينا تبي شي ولا ترا اذا تبي مانيب جايبه عبدالله:هههههههههههههه الا ابي بوسه فيصل:تحلم بوستي ماتاخذها الا ام عيالي عبدالله يتلفت حواليه:وينها ماأشوفها فيصل: اذا اعرست عليها قلت لك عنها عبدالله:هههههههههههههههههههه فيصل:يالله عطيتك وجه عاد..مع السلامه عبدالله:على وين؟؟ مامليت منك فيصل:خبل انا اخليك تمل مني..لالا ياحلو.. عبدالله:أيه من جد على وين؟ فيصل:البيت..يالله عاد صدق انك ماتنعطى وجه..مع السلامه عبدالله:ههههه مع السلامه ياحبي له هالفيصل محد منسيني حبي ل عبير وعذابي معااها الا هو ركب فيصل سيارته وانطلق للبيت وهو في نفسه عارف ان حب عبدالله ل عبير مو حقيقي..لأنه حبها على شكلها..مو على اخلاقها..بس ياأنا ياأنتي ياعبير والتحدي قايم ياعبدالله من بكره..بالمزرعه كانوا البنات جالسين مع بعض العنود:هيونه كيفك بعد العزيمه هيا:آآآآآآه بس لوتعرفين وش كثر تعبت.. منال تغمز لها:بس تعب طلال راحه صح؟ هيا تضربها:انتي ماقد شفتي اخت تحب اخوها؟ منال:ههههههههههههه الا قد شفت..واانا عندي اخوان..بس ماقد شفت اخوان يتغزلون ببعض طبت عليهم عبير:وش عندكم؟.. منال تكلم هيا:اقووووووووول؟ عبير:ايه ايه قولي منال:هاه هيا اقووووول هيا:قولي..اصلا انا احب مشعل وبس.. عبير+منال:ياهوووووووووووووووو!! حممممممر وجهها شذى:هههههههههههههههه وش صاير عبير:الاخت غرقانه بالحب لين شوشتها شذى:اهاا العنود اللي طبت في نفس وقت شذى:ههههههههههه ياعيني..انا سمعت اخر كلمه منال:الا اقول بنااااات عمتي فوزيه بتجي؟ العنود:مدري واالله هيا:تقول امي انها بتجي بكره جتهم ناديه ركض ناديه:اتحدااااااكم من قبل شوي شفت العنود:الجني منال:لالا توم كروز ولا مساري ولا جينفر انستون ولا براد بيت ولا... قاطعتها عبير:هههههههههههههههههههه ولا واحد وش بيجيبهم للمزرعه شذى:ههههههههههههههه يمكن بيجلسون مع الشياب منال :هههههه مساري يجلس يغني عليهم.."وهي تغني"..it's real love that you don't know about عبير:ههههههههه بنات مساري بيعتزل بكره شذى:هههههههه من جد ناديه:هييييييييي اسمعوا العنود:أيه..قولي مين؟ ناديه:فيصل ولد عمي منال:فصوووووول..الفتى الوسيم شذى:آآآآآآآآه فيصل هنا..ياويل قلبي العنود:ههههههههه هو حلو صح بس ليش كل هالخقه منال:لأنه وسيم..زي توم كروز عبير:هههههههههههه هذا همك منال:خخخخخ لالا جد وش جابه العنود:جاي يشوف اهله حاله حالنا منال:بس هي مو عاده شذى:مدري يمكن..يمكن..يمكن..والله ماعندي تفسير مقنع العنود:الا وين هيا وابرار؟ منال:هيا تتغزل باخوها..وابرار يمكن الحريم استلموها طلبات جيبي وودي عبير:انتي قاهرك اخوها منال:من جد اثنينهم قاهريني..اجل في اخوان يتغزلون ببعض؟..والله شي شذى والعنود وعبير:ههههههههههههههههههههههه جت ابرار معاها هيا هيا:بنات وش رايكم نطلع نتمشى؟ العنود:اوكي يالله شذى:يالله ودي احرك رجولي بس طول الوقت جالسه منال:تأكدوا ان مافي ورعان بالجوار شذى:هههههههه عليك لغه العنود:صادقه عبير:يالله وش تحترون.. قاموا كلهم...زيّنت عبير لبسها..كان بنطلون جينز ازرق غامق وتي شيرت احمر مزموم من الخصر وكت ومكتوب عليه بالذهبي..I love my man لكن من هو؟؟؟ خخخ جلسوا يمشكون طبعا كل وحد اخذت طرحتها عشان لما يمر احد من الاولاد منال:مرررره الجو روووعه شذى:صح واحنا جالسين جوا الله يخلف العنود:بنات من عنده نكته عبير:هههههههههههه فجاه العنود:ههههههههه مدري حسيت اني ابي اسمع نكته منال:لايكون متوحمه من ورانا العنود تضربها بخفه:على ........سخيفه منال:اوووووووخس عنوده تسب هيا:اقووول منوله بدال ماتطلعين اشاعات على الناس غني لنا منال:لالا عشان تضحكون علي عبير:لا منوووله انا احب صوتك خصوصا بالغربي شذى:ايه ذبحتني كل يوم تمدح فيك العنود:لاتكبرون راسها منال:غيراااااانه ابرار:خخخ العائله الكريمه كلها مغنين عبير:ليش؟ ابرار:نسيتوا فيصل ولد عمي؟؟..صووته جنان..بس منال بالغربي حلو اما هو بالعربي هيا:يالله عاااد غني لنا منال:اووووووكي وش اغني؟ عبير:too little too late ابرار:أي حقت jojo منال:على هالخشم شذى:الله يالله نسمع منال: Come with me, stay the night You say the words but boy it don't feel right What do you expect me to say عبير: You know it's just too little too late منال: You take my hand, and you say you've changed But boy you know your beggin don't fool me Because to you it's just a game عبير: You know it's just too little too late منال تحمست ع الاخر..نطت مقطع خخخخخ منال: It's just too little too late A little too wrong And I can't wait Boy you know all the right things to say عبير: You know it's just too little too late صفقوا لها البنات هيا:منووووووول احبك موووووت.. منال:شعور متبادل خخخ هيا: بس الاغنيه نطيتي مقطع ولا كمليتي هالمقطع منال:مدري ارتبكت حسيت اني سمعت صوت شذى:كشخه والله اني احبكم عبير ل منال:بدت المصالح ههههه منال:هههههه العنود: عبوووور انتي كورال شي عبير:ههههههههه ماعندي سالفه الا.You know it's just too.. little. too late.. وتقولين كشخه ؟ شذى:بس حلوو سمعوا اصوات من بعيد هيا :بنات تغطوا الاولاد هنا كل وحده تغطت بطرحتها جوا مجموعه من عيال عم عبير ومنهم..نايف.. وطارق.. ووفهد..ومشعل.. وطلال.. واحمد .. وعبدالله.....وفيصل!!! منال بهمس ل هيا:شوفي مشعل اللي لابس كاب اخضر وولابس شيرت اصفر .. عشان بس ماتتعبين وانتي تدورين هيا:وجعه..جعلي اشوف فيك يوم قولي امين منال:ههههههههههههههه لا لما وصولوا عندهم قال فهد فهد:مين اللي تو تغني..اللي صوتها حلووو تقول jojo منال:وانت وش عليك فهد:أهاا...انتي منال انحررررررجت مررره..غبيه فضحت نفسها طارق يحب ينرفز الواحد ف قال خل اشترك معاهم طارق:صوووووتك شي..لو تشتركين ب ستار اكدمي تفوزين من اول اسبووع فهد:هههههههههههه قصدك تطلع منال كانت دمعتها على الطرف..شافتها عبير ولا حبت تكون ساكته عبير:وانت وأياه شدخلكم ان بغت تشترك في اللبوم في ستار اكدمي اشتركت.. ماناقصنا بس ناخذ رايكم فهد عرف هالصوت:عبير هنا؟ عبير:لاتغير الموضوع..وبعدين صوووووتها حلو مافي كلام.. طارق:هههههههه الله يهديك انا قلت شي؟ عبير:لا ابد ماقلت شي..جالس تمدح.. فهد:اوووووكي على راسي ان بغيتي .."وهو يكلم منال"..صووووتك شي والله اني ماأكذب منال ماتحملت الموقف كان محررررج مرره و منال من النوع الحساس..رمت نفسها في حضن هيا..وهي تقاوم عبراتها..لكنها كانت ضعيفه وصاحت بدون صوت عبير عصبت مرره كل شي ولا زعل اللي تحبهم عبير بعصبيه:زين اللي سويته؟ فهد:وشو والله اني كنت امزح عبير:ايه مزح صعايده..المزح موب المشاعر اللتفت لها فيصل اللي كان لاهي بجواله..كان يسمع بس لفت نظره جراة عبير وعصبيتها عشان بنت عمها طارق حس انها مستقويه قال خل اورها اني موب ضعيف طارق:والله انا انسان عن نفسي ماقلت غير الحق صوتها بااااااايخ عبير:والله ياقلبي ماأذكر انها اخذت رايك ولالا؟ طارق خق على كلمة قلبي طلال شاف ان الجو بدا يكهرب..او كهرب وخلص..قال خل افصل بينهم خصوصا ان عبير ضد هالاثنين..وهو المشاعر عنده شي مهم طلال:خلاااااااص عاد..والله حاله.."وناظر منال بحنان"..منال ماعليك منهم تراهم مايقصدون اللي يقولونه منال:................. طلال:منال!..خلك واثقه من نفسك..صوتك حلو هيا:هي مو على كذا بس ليش يتهزون؟؟ طلال ناظرها..ب معنى..انتي تهدينها ولاتزيدين عليها؟؟ هيا فهمت:أ..أ..منوله حبيبتي..ماعليك خلاااااص عبير:انت وأياه عاجبكم الوضع يعني الهالدرجه ماهمتكم مشاعر بنت عمكم فهد مايدري شيقول هو بس قصد المزح اما طارق اللي يقال له فزعه طلع مهايطي عندها..صدق الحب اعمى خخخخ عبير:ماتردووون! -اقول لايكثر تراك بنت قدام رجالين اللتفتت عبير لمصدر الصوت اللي كان...فيصل!! عبير:وانت وش دخلك؟؟ فيصل بدون اهتمام:الباب عبير:طيب اطلع منه فيصل:بأمر مين؟ عبير:بأمري انا فيصل:تراك ماخذه مقلب بنفس بزياده..لاتطالعين فوق لاتنكسر رقبتك عبير:والله كيفي..اطالع فوق ولا تحت..وبعدين من ماحكيتك فيصل: مثل ماهم "ياشر على فهد وطارق"..ماحاكوك وتدخلتي انا بعد اعتقد لي حق عبير:بس هي وحده وهم اثنين فيصل:طيب خلاص لاتجلسين تسوين لنا سالفه..درينا انك فزعه..كل واحد يروح في حاله عبير:ومن انت عشان تسكتني سكت فيصل وناظرها نظرات خلتها تسكت فيصل:يالله نايف وطارق طلال:يالله خل نرووووح مر طلال من عند هيا ومنال اللي كانت لين الحين بحضن هيا وقال شي بأذن هيا طبعا منال سمعت..وراااااح الكل لاحظ تغير منال..طبعا منال من النوع اللي يزعل خمس دقايق ويرضى عبير:اقول منوله وش هالتغير المفاجئ..توك كنتي تصيحين منال:انا؟؟ شذى:لابنت الجيران..وش قال طلال هيا:ابد قال انهم اساسا ماسمعوا شي سمعوا اخر كلمتين حتى ماقدروا يحددون اذا الصوت حلو ولاشين..بس عبير:وانتي وش عليك منهم اذا انتي عاجبك صوتك لايهمك منال:انا ماهمني بس هم كانوا ضدي..بصراااحه كبرتي بعيني لم دافعتي عني عبير:بس هالزلايب ولا وحده فتحت فمها بكلمه العنود:والله اذا انتي جريئه موب لازم كلنا نكون مثلك شذى:صح..انتي لسانك طويل..اما احنا لا عبير:اللي لسانه مو طويل مايعيش هيا:الحمدالله انا مو زلابه انا تكلمت شذى:لحظه!!..اصلا نايف كان موجود..ماكنت اقدر اتكلم طلال:صراااااحه انتوا ناس فاضيه حاطين عقلكم بعقل هالمسكينه؟ فهد:ياخي قلنا بنلعب باعصابها شوي بس..مادرينا ذي بتنط لنا فيصل:حتى ولو..بعدين انتوا شفتوها تصيح مفروض وقفتوا طارق:انا كنت ماسك نفسي لااقوم عليها.. القهر انها بنت ولا كان..اخ يالقهر طلال:امسك نفسك انت بالذات تراك عصبي بزياده فيصل:لاوالله مهايطي.. طارق:انا مهايطي يال... فيصل بكل هدوء:احترم نفسك طلال:شباب خلااااااااص طارق:انت اللي ماحترمت نفسك من الاول عشان الناس تحترمك فيصل:بس انت اللي جبته ل نفسك..محد قال لك تهايط طارق كان بيقوم عليه بس نايف وطلال وقفوه اما فيصل ماتحرك..كأنه ينتظره يجي يضربه فيصل:شفت ان ماعندك سالفه؟..جاي بتضربني؟..لو فيك خير.. طلال:فيصل عشاني خلاص فيصل سكت لأن طلال له معزه عنده طارق:كمل..كمل فيصل:لو بكمل كملت بس انا محترم اللي جالسين وأولهم طلال..ولامو عشانك.. طارق:قل انك خايف فيصل بسخريه:هه..انا اخاف منك..بنت قدرت عليك يعني انا الرجال منيب قادر؟ طارق بسخريه يبي يقهره:انت رجال؟ بس فيصل كأن اللي قدامه بزر:ايه رجال عندك شك جا طارق بيتكلم بس فيصل سبقه:لاتنسا اني انا اللي خليت عبير تسكت عنك ولاكان غسلت شراعك..ف يعني رجال غصبن عن اللي مايرضى وطلع وطارق يصرخ عليه بس فيصل ماراح يعور راسه عشان واحد مثل طارق عبير:بناااااااات..شرايكم ننام احنا البنات في غرفه لحالنا؟..انا نااويه اسهر شذى:أيه..وناااااااااااسه العنود:انا ماعندي مانع اصلا انا دايم اقول لكم خل نننوم مع بعض بس انتوا كل وحد مع امها منال:اوووووكي!!.. في هالوقت دخلت هيا شذى:بسم الله انتي متى طلعتي؟؟ هيا:ههههههههههه..توني طالعه رحت اكلم طلال وجيت ارتسمت على شفايف منال ابتسااامه هيا:منال!..اعقلي منال:هههههههههههههههههههههههههههههههههههههه دخلت ابرار عليهم:يابنووووووووووتات يالله العشا عبير:طيب.. وقاموا كلهم عشان يغسلون راحت هيا لجهه ثانيه غير جهة المغاسل ابرار:وين؟؟.. هيا:بروح اغسل بمغاسل الرجال..لأن هذي مليااانه تجين معي؟ ابرار:لا..انا غسلت وخلصت هيا ابتسمت:اوكي وراحت هيا راحت عشان تغسل وفي نفس الوقت بتشوف مشعل في نفس الوقت نايف:ياخي يالله قم!!... مشعل:طيب وقام نايف:مابغيت..أطرك طراره تقوم مشعل:طيب ترا الاكل مهوب طاير نايف:والله عاد كيفي وقاموا.. عند المغاسل نايف وهو ينتظر مشعل يخلص من التغسيل:ماأقول الا الله يعين هيا عليك مشعل:ليش؟ نايف:اجل جالس اطرك عشان قوم تتعشى مشعل: اصلن حبيبتي تتحملني نايف:هاه؟..حبيبتك؟ مشعل:أيه نايف:من جدك انت تراك خاطب مشعل يقول في نفسه وش ذا الغبي وانا احكي عن مين؟..مايدري اني ماحب الاهيا وبس.. خل اللعب باأعصابه مشعل:ايه خاطب بس هذا مايمنع ان لي حبيبه نايف:يعني هيا مو ....... قاطعه:غبي!! نايف:اجل وش السالفه سفهه مشعل وورااااااح كانت جايه بتشوف حبيب قلبها....كانت مشتاااااقه له موت.. لك ن!! سمعت...!! مشعل: اصلن حبيبتي تتحملني ابتسمت على هالكلمه على انها استحت!!..بس هو يذكرها حتى وهي مو جوده نايف:هاه؟..حبيبتك؟ مشعل:أيه نايف:من جدك انت تراك خاطب اختفت الابتسامه مشعل:ايه خاطب بس هذا مايمنع ان لي حبيبه نايف:يعني هيا مو ....... سدت اذآآنها عشان ماتسمع شي نزلت دمعه..دمعة قهر!!...دمعة حزن..دمعة ودمعة... معقوله مشعل له حبيبه غيري؟؟؟؟ اصلن انا مو حبيته انا ع الهامش بس جلست كلماته تردد على مسامعها.. " ايه خاطب بس هذا مايمنع ان لي حبيبه" يعني لك حبيبه؟؟؟ وغيري..؟؟..لالامو غيري ان ااصلن مو حبيبته.. آآآآآآآآآآآآه يالقهر جانايف بيطلع من حق المغاسل..وانتبه لل شخص كان جالس ولام رجوله ومنكس راسه نايف:في احد هنا؟ هيا من سمعت صوت نايف الا قامت بسرررعه واتجهت لقسم الحريم نايف قال يمكن احد من البزران..بس هو جالس يكذب على نفسه الشكل ماكان شكل بزر..نسى السفاله وراح يتعشى عبير:وين هيا شبعنا وهي ماجت شذى:أي جد بربوره وينها فيه ابرار ترص على اسنانها:اولا انا موبربوره..ثانيا انا جالسه معاكم وش دراني؟؟ العنود:انا خلصت بروح اشوفها وراحت بعد 5دقايق رجعت العنود:تقول مالها نفس منال:قلة حيا وش مالها نفس؟..ماعندنا حريم ..أ..أ..مدري وشو شذى:ههههههههههههههههه رقعي..ماتعرفين تمثلين دور عمتي فوزيه هههههه عبير:هههههههههههههههههه من جد منال:على الاقل احاااااااول عبير:هههههههههههههههههههههه مايمديك العنود:............. منال لاحظت ان العنود ساكته:عنوده وش فيك العنود:مدري انا خايفه على هيا اكيد في شي مزعلها..مو طبيعيه ابرار:لاتخافين هيا تزعل ثواني وترجع طبيعيه العنود:مدري والله احسها مرره متضايقه عبير:يمكن فيها النوم؟ شذى:صح يمكن في أخر الليل كانوا كلهم سهرانين...اقصد كل البنات..الا هيا كانت عبير عند الشباك تناظر شروق الشمس..معاها دفتر شذى:لالا انا ماتعجبني زينب العسكري منال:أي من جد على انها جميله بس ابدا ماتعجبني ابرار:عاديه العنود:قطعتوا جلد الحرمه حرام عليكم منال:هههههههههههههه شذى:عبووووووره الاموره..وين وصلتي عبير:المريخ منال:عبير مع احترامي الشديد لك الرومنسيه ابدا ماتنفع لك عبير:ليش كل العالم تقول اني مو رومنسيه..وانها ماتنفع لي..انا مو رومنسيه اساسا منال:لأن فيك حركات تبين هالشي بس شخصيتك ماتنفع..وهالدفتر اللي معاك شذى:اقووووووول لها ماينفع لك بس هي عبير:اقول انطمي انتي وهي لايكثر العنود:وش مكتوب بالدفتر؟ عبير:خواطر شذى:من تأليفها.. منال:الله الأخت غرقانه بالحب لي شوشتها..وانا اقوول والسر اللي يخلي عبير ترد هالخطاطيب اثاريك تحبين!! شذى:من قال؟ عبير:انا ماأحب انا ارد الخطاطيب لأني بعيش حياتي لاحقه ع الهم..وبعدين خواطري مو اللي ببالك منال:أقري لنا وحده نشووف عبير:اووووكي منال:اووووكي نسمع عبير: منى القلب ان يلقى رفيقه يكن له كل الشجون يحس معه بطعم الفرح ينسيه اللأسى والترح ويعيش معه في حبور ينبض بعذب الشعور يحيا في دروبهما حب وأشوآآآق فرح وأشتياق يقوى به حبهما هكذا الحياة تبقى تجمع قلوب الورى تتسلى بقصص الهيام وما بها حب وغرآآم منال تصفق وتصفر:اووووووووهووووو..عاشت عبير ملكة الرومنسيه العنود وهي تصفق بعد:هههههههههههههه احلى رومنسيه بعد شذى:ههههههههه وش عليك عبوره لك معجبين في مكان ثاني برا.. عبدالله:من جد انت فصول كل هذا سفر؟..ترا سفراتك كثرت فيصل:شسوي تحملني بس هالايام كل شغلي مع ابو عبير عبدالله:اهاا..الله يكون بعونك فيصل:تراني مانسيت التحدي..وهو لي الحين في راسي عبدالله:ومن قال اني انا بعد نسيت؟؟ فيصل:حلووووو عبير:هذا فيصل اللي بازين به؟ منال قااااااااامت للشباك..وراحت تشوف ولحقتها شذى وبعدها العنود..اما ابرار مشت عادي كأن الموضوع مايهمها طلوا من الشباك لقوا عبدالله مع فيصل يمشون منال:سبحان اللي خلق وفرق فرق..شوفوا فرق عن عبدالله شذى:عبد الله مو شين بس لأنك تكرهينه تشوفينه شين ابرار:ماكان يعطينا وجه لم كنا صغار..عشان كذا محد يحبه منال وهي تناظر فيصل يضحك:الله ياملحه عبير:بالله وش فيه حلوو شذى:آآآآآخ نظره بس.. منال:ياويل قلبي تصدقون احلى 2بالعائله فيصل وطلال اخو هيا شذى:هههههه اللي يغازل اخته العنود:مو ذنبهم اذا هم يحبون بعض عبير كانت ساكته وتناظر في فيصل وعبدالله..وتراقبهم..ماتدري ان الحكي كله يدور حولها منال:شوفوا عبير خقت عبير رفعت حاجبها:من زينه تكفين انا مايعجبني منال:انتي مدري من وين تناظرين بلعكس فيصل مرره وسيم عبير:اوكي وسيم بس مايعجبني شذى:وسيم وبس؟.. الا كله على بعضه يهبل..جمال ومال وجسم واخلااق وكل شي منال:اخلااق؟..ليش جالسه معاه؟ شذى:هع مدري بس يمكن يعني ليش لا العنود:الله يرحم حالكم بس من بكره الكل نام..طبعا ماعدا فيصل اللي راح للبيته وعد عبدالله انه بيجي من بكره الصبح قامت شذى..تقريبا الساعه 12الظهر على صوت ....:قوموا بناااات اخر زمن..مالت عليكم بس عبير:اوووووووه...ابغا اناام احنا امس سهرانين..خلينا ننام.. ......:لا ماراح تناموووووووون..وانتي قومي قامت عليك.... شذى:بليز عمتي فوزيه لاتدعين فوزيه:وش بليزه؟...ماأقول الا الله يخلف على اخواني اللي جابوا بنات يحتسون حتسي خواجه..كش عليكم فوزيه..عمة عبير..انساااانه طيبه مره...خفيفة دم بقووه..مطلقه تعيش في بيت لحالها مع ولدها..احمد عمره 27سنه غير متزوج..تكره الرجال كره العمى..لأنها متعقده من زواجها..هي متزوجه مرتين..عمرها....46سنه.. بعد ثواني كل وحده قامت وراحت غسلت وجهها وجلسوا سوالف مع عمتهم عبير:ليش عمتوو ؟..مابغيتي تجين؟ فوزيه:والله يابنيتي وش اسوي..كنت جالسه مع احمد اللي بالمووووت قام ويوم قام لينها 10 ونص قلت وراه اروح خل اجلس..وأجيهم باتسر منال:صادزه (صادقه) شذى:ههههههههههه ماينفع لك ابد منوووله فوزيه:لالا خليها تتعلم..ماعليتس منها منول كملي وانا مني لتس لا اشجعتس منال:ههههههه ان شالله مر الوقت من السوالف والضحك..طلعت شذى برا علشان بتكلم اختها.. نوال:آلوو شذى:نوال..ليش ماجيتي؟ نوال:والله مدري شقول لك محمد شذى:وش فيه بعد؟..ياربيه منه هالانسان نوال:شوشو..انا لسه ماقلت شي شذى:اوكي..كملي نوال:انا ماقلت له بصراااااحه خفت يرفض شذى:يوووه انتي بعد روحي قولي له..بسرررعه..واذا مافي احد يوديك انا اقول ل نايف يروح ياخذك بس انتي اهم شي تعالي نوال:اوكي بقوله وان شالله يوافق يالله بااي شذى:باااياااات جتها عبير عبير:هاااااااي شذى بدون نفس:هاي عبير:وش فيك؟..احد مزعلك..تراني جاهزه للفزعه شذى ابتسمت بدون نفس:احينا افكر وأقول..ليش نصيب نوال كذا؟..مع أنها احسن مني بكثير..وانا..تعتقدين بيصير لي مثلها؟..بيجني زوج مثل محمد؟ عبير:ماتدرين..بعدين يقولك ان المرأه هي اللي تربي الزوج..عاد انتي وتربيتك هههههههههه شذى:هههههههه واذا سوى غلط اعاقبه عبير:ليش لأ ههههههههههه شذى:احينا احسدك ياعبير عبير:ليش؟؟ شذى:كل شي تبينه عندك وشخصيتك قويه عبير:مو كل شي بعدين شي طبيعي ان شخصيتي قويه لأني محتاجتها شذى:وجميله..من ناحية الشكل الخارجي مافي كلاااام عبير:تسلمين..يالله ندخل؟ فكرت عبير ليش ان شذى تحسدها..بلاك والله ياشذى ماتدرين انك في نعمه عندك..وأم..واخوان..آآه ليت عندي بس اخت..او ام دخلوا عبير وشذى منال:هلا والله وين هيا ماشفتوها..الحين الساعه 6 وأحنا 12 قايمين ولا جتنا شذى:انتوا متأكدين انها نامت بالمزرعه؟ العنود:اتوقع..لأنها قالت لي بنام مع امي ابرار:انا دقيت عليها بس ترد على اختها ناديه منال وهي تدق عليها:انا اوريها..ماعندنا حريم يتدلعون اخر شي ردت...بس منال ماعطتها فرصه تتكلم منال:هيّيا..يالحيوااااانه هذا واحنا ننتظرك..وجع..ولا تقولين عندي بنات عم ابغا اكلمهم؟...ماأقووووووول الا مالت عليك وعلى بناااات عمك ناديه:ههههههههههههههههههه انا مو هيا ههههههههه بس حلوه التهزيئه منال:ناديووه ياتبن وين هيا؟؟.. ناديه:خير خير..وشو ناديووه ذي؟..منيّل منال:عيب عليك انا اكبر منك ناديه :لاياشيخه اكبر مني؟..ب سنه بس منال:المهم اكبر منك.. وين هيا ناديه:بغرفتها منال:هااااااااااااااه؟؟..بغرفتها؟؟؟؟..الكلبه رااحت للبيت؟..من وداها؟ ناديه:رحنا انا واياها للبيت ودانا طلال اخوي منال:اوووووووووووووف وهي ماتقدر تصبر لو شوي لازم تشوف هالطلال؟ نايه:هههههههههههههههههه لالا بس هي تبي تكلم امي تقول عندها موضوع مهم منال:وذا الموضوع مايتاجل؟.. ناديه بجديه:ماأظن لأن حال هيا متغير من أمس منال:اوكي..خلاص بس قولي لها اني اتصلت تكفين لاتنسين ناديه:ان شالله لما سكرت عبير:هاه بشري..وينها منال:ببيتهم..راحت هي وناديه ابرار:الخاااينه راحت ولا قالت لي العنود:يمكن تعبانه شذى:طيب تروح معاها ناديه عبير:يمكن عندها اختبار تعرفين اخر سنه هي منال:تقول ناديه ان حالها متغير مر اليوم على خير..ولافي شي صار يستحق الذكر..ألا ان نوال زوجها رفض انها تجي الكل رجع بيته.. من بكره قامت عبير من النوم..وأستعدت عشان تروح للجامعه..صار لها الحين 4ايام غايبه ماتدري وش تلبس اصلا مالها خلق تروح بس وش تسوي لازم ترووح فجأة.. سمعت صوت ابوها جاااااي معصصصب سعد بصبيه:عبير!!..عبير وصمخ عبير عصبت خير ليش يناديني كذا..وراحت له..:هلا يبه سعد:انتي ماتتركين حركات النذااااااله عبير رفع حاجبها:ليش..وش سويت؟ عبير مو عاقه لكن هي كرامتها فوق كل شي..واي احد يرفع صوته عليها تظن انه في مس ل كرامتها..حتى لو كان ابوها سعد:ليش ماقلتي ان جاييني اتصال؟ عبير مافهمت:اتصااال؟..من من؟ سعد:عبير..بدون غباااء!!..فيصل ولد خالد متصل فيني..وانتي رديتي بس ماقلتي عبيرماتتذكر ان فيصل متصل:متى سعد:من كم يوم..اتصل وانا كنت مو موجود..ومقفل جوالي عبير تذكرت صاحب الصووت الحلوو..اجل صار فيصل..:ايه يبه بس هو ماقال من هو سعد:كان قلتي انا بعرف انه هو عبير بدلع:نسيت يبه.. سعد:خلاص خلاص..روحي لغرفتك..وتراني اليوم مسافر لو دق احد عبير:ان شالله راحت عبير لغرفتها..وهي منقهره اجل ابوها اللي مدلعها اخر دلع يصرخ عليها عشان واحد مثل فيصل..ياكرهي لك بس لبست وأتجهت للجامعه في الجامعه..كانت عبير جالسه مع شذى و منيره منيره:اوووف حر شذى:من جد منيره:تدرين ودي ينزل ثلج عندنا..احس وناااااسه شذى:اوف ثلج مره وحد قولي ابغا هوا بارد وبس موب ثلج منيره:لالا ثلج..عشان ارمي بوجهك هههههههه شذى:اتضحت نواياااااك الشريره..انا بالحصا مو بثلج منيره:اوووووووووف صعيديه ..خليك بنت "وبدلع ماصخ معمد"..خليك ركيكه..فاااهمتني شذى:يععععع ركيكه..مااالت عليك.. منيره:اقوووووول وين راحت ذي"ميد عبير" شذى:مدري سرحااااانه منيره:تفكر بحبيب القلب عبير:اقوول انتي وهي لايكثر منيره:قوووووولي من تحبين؟؟ شذى:منوووور لاتتعبين عمرك عبير ماتحب ولارااااح تحب وعلى مسؤوليتي عبير:اووووف منكم..الواحد لين سرح قلتوا يفكر بحبيبه دق جوا ل منيره منيره:آلوووووو........هلا...لا انا بالجامعه...اوووكي ثواني وأكون عندك..بايو شذى:لاتقولين بنت عمتك مدري وش تقرب لك منيره:أيه.. عبير:وهذي بس تدق عليك وانتي لو تقولك طبي بالنار طبيتي منيره:لا لاتظلميني..هئ هئ هئ.. شذى:الركه لين الحين ماراحت؟ منيره:ههههههههههه لاماراحت المهم بنت عمتي تبيني..لاتقولين اني اسمع كلامها بس هي متعلللللقه فيني عبير:ايه..اوكي روحي منيره:بااااااي عبير وشذى:باااي يوم راحت عنهم منيره شذى:هااااه؟..ماقلتي لي وش اخبااارك عبير:ماعليك من اخباري المهم تدرين من طلع المتصل ذيك المره يوم اقولك شذى:متى؟؟ عبير:يوه منك..عليك ذاكره شذى:طيب ذكريني..من طلع عبير:فيصل الشاب الوسيم شذى شهقت:فيصل داق عليك!! عبير:ياذكااااء..مو علي على ابوي..بس تدرين اول مره ابوي يهزئني..وعشان ايش ؟..عشان ماقلت له ان فيصلووه داااااق شذى:انتي ليش تكرهينه هو وش سوا لك؟ عبير:كذا من ربي!!..ماأطيقه شذى:هههههههه انتي عاد لين كرهتي كرهتي خلاااص..صعب تحبين عبير:هههههههههههههه شفتي شلون؟؟ جوا 4بنات.. الاولى بغنج:هاااااااي عبير عبير كشرت من سمعت صوتها وألتفتت:هااااي الثانيه:اخبارك من زمان عنك..من يوم ذيك الطلعه اضواء(اذا تذكرونها):أي جد..مررررره حلوه..لو نعيدها عبير:اهاا..يعني تبون اطلعكم؟؟؟؟؟؟ انروجوا:لالا مو على كذا..بس براحتك يعني عبير:بس مو الحين اوكي؟ اضواء:بس موبدوني في مكان ثاني..وفي مصر...هنااااك عند...فيصل!! فيصل:تسلمين يالغاليه ..هاه تبين شي من مصر ولا ماشيات؟...الله يسلمك..مع السلااامه وسكر من امه مشى..ووقف له تاكسي..وركب اول ماركب قال لل راعي التاكسي عن الوجهه..بعدها بثواني رن الجوال فيصل:هلااااا..عبووووود عبدالله:الحمدالله على السلاااامه..ظلمت الرياض ونورت مصر فيصل:ههههههههه مظلمه بأهلها هههههههه عبدالله:ماااااالت عليك وعلى اللي معطيك وجه فيصل:هههههههههههههههه عبدالله:بشر عساااااك وصلت فيصل:بالله شرايك يعني فاتح جوالي..وش معناها ذي عبدالله:اوووووووف كلتني بقشوري مامداني اسألك..الا تعااال عمي يقول ان هو قايل لك لاتروح انه هو بيروح..خلاااااص ياخي الرجال قال بروح بدالك اقعد بالرياض فيصل:لالا مابي..انت تعرفيني ماأوثق بأحد..وبيني وبينك ترا عمي سعد مايدري اني هنا عبدالله:اجل..رح سو له مفاجأه هههههههه فيصل:تصدق عااد فكره..هو قايل لي بأي حي عبدالله:ياخي تلقا الرجال توه واااااصل ومصدع وحالته حاااااله فيصل:من قال؟... امس هو واصل عبدالله:والله بكيفك..يالله بس حبيت اتطمن فيصل:اوووووووكي وترا التحدي جااري..يالله مع السلامه عبدالله بألم:مع السلاااامه
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد!  |
|
#9
04-19-2009, 01:20 PM
| ||
| | ||
| رد: معذبة قلوب الرجال رواية رومنسية مره
حبيبتى هذه قصة فى غاية الروعة  استمرى و انا متابعة 
__________________ آعامل النآس بــقدر عقولهم .. ! _ .gif "flowr") _انا ليا طلب عندكم والنبى علشانى ف حد معاه تليفون دكتور نفسانى اصل العيشه دى معلش همبكه كدب مالوش داعى وكله لابس وش المصلح الاجتماعى ياما البدل بدارى سلطه ومحدش داري _ _ ونظرت نحوك والحنين يشدني والذكريات الحائرات.. تهزني ودموع ماضينا تعود.. تلومني أتراكِ تذكريه و تعرفي صوته قد كان أعذب ما سمعت من الحياة قد كان أول خيط صبح أشرقت في عمرك الحيران دنيا من ضياه آه من العمر الذي يمضي بنا ويظل تحملنا خطاه ونعيش نحفر في الرمال عهودنا حتى يجئ الموج.. تصرعها يداه..~} _ _ سافرتُ يوما .. وظل القلب في بلدي حاولتُ أنساهُ .. لكن خــــانني جلدي أنساك يا مصرُ ؟ .. كيف القلبُ يسكنني وكيف للروح أن تمضي عن الجسد ؟ ! أهــواك عــمــرا جميلا لا يفــارقني وقـصـة من هوى تحــيـــا إلي الأبد يا مصرُ .. يا قبلة العشاق .. يا وطني كل الأماني مضت .. وبقيت لي سندي في القلب نبضُ وفي الأعماق أغنية مهما رحلتُ سيبقى .. القلبُ في بلدي ღ _ _{{.. انتهى ! ..}} {{.. في حب مصر ..}} {{..امة عكس امة ..}} _ _ آشرح قلبك .. بالضغط هنآ.. و نسأل الله ان يشرح قلوبنآ جميعنا بالقرآن .. و ان يغفر ذنوبنا ..و ينير بصيرتنا http://www.tvquran.com ((لو تعلم اجر قول ^ سبحان الله بحمده سبحان الله العظيم^ لما تركت ترديدها.)) ღ♥♥ღ ... .. |
|
#10
04-28-2009, 11:26 AM
| ||
| | ||
| رد: معذبة قلوب الرجال رواية رومنسية مره اين باقي القصه |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور أنمي رومنسية ومميزة | ميراااالأميرة | أرشيف المواضيع الغير مكتمله او المكرره او المنقوله و المخالفه | 94 | 03-06-2014 06:39 PM |
| أكثر وأجمل وأحلى صور الأنيمي الرومنسية | ميراااالأميرة | أرشيف المواضيع الغير مكتمله او المكرره او المنقوله و المخالفه | 77 | 06-15-2012 06:56 PM |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| الرجال معادن ؟؟يذوبون في درجات مختلفة؟؟كيف؟ | samir albattawi | آدم ~ | 5 | 04-27-2007 02:41 PM |
| الرجال والرمانسية | سنيورة أمواج | الحياة الأسرية | 1 | 03-16-2007 11:18 PM |
العرض العادي
