السلام عليكم ورحمة الله وبركاته اتمنى تعجبكم

لا والذي سوى عيونك ... وسواك
ماقلت ابيك الا وانا فعلا ابيك ...!!


الحب ماهو سوالف و " خذ ... هاك "
الحب يقطع عرق عينك ويعميك


اموت فيك ... اعشق ترابك ... وماطاك
ومالاح صبح إلا وانا انوح وابكيك


كني ملكت الكون إذا تضحك شفاك
تفداك روح اللي على النفس تغليك


اهواك ... تدري وش تعني لي اهواك...؟!
اهواك معناها " انا ميته فيك "


لو ربع ماجاني من الشوق قد جاك
وربي الكريم ان ماتشيلك مواطيك ...!!


ان قاله الله والهوى الشين وراك
والله إن تارد برد عشقي وادفيك


تدري أمل عمري أنا ودي برضاك
خذ كل ماتبي ... على شرط يرضيك ...!!


سبحان من كبرك بعيني واعطاك
عسى عيونٍ شافت الطيب تخطيك


ياحلو هم العشق ... ويازين بلواك
وماصابني من غم عساه يخطيك


قويت كل الناس وعجزت لقواك
ابيع كل الخلق لأجل اكسب معاليك .

تدري أمل عمري أنا ودي برضاك
خذ كل ماتبي ... على شرط يرضيك ...!!

رائعة .........
تسلم يدك

__________________

مشكور اخوي ع المرور يعطيك العافيه

يعطيك العافيه الصقر ع مرورك