حِكاآيات بَدرآن | قصص قَصيرة - عيون العرب

**↵ Y E L L O W ⌁** · #1 07-19-2016, 09:52 PM

-لاف

كيف الحآل يَ أعضائنا الجميلين ؟ :$

أكييد مستانسين الي أجز ، والي باقي له آخر امتحان والي قريب يخلص

الله يوفقكم ححبايبي .. ويوسع صدركم و يحقق لكم مبتغاكم :$

جيت لكم اليوم بقصص تومتني ضحك XDD .. من حساب في الانستقرآم

قصص وآقعيه

- يلقوها الناس لـ "بدران" .. انستقرامه هو
[ 200BB ] للي يبا يششوف قصص وكذا

..
راح يكون متجدد هالموضوع ، يعني تعليقاتكم يَ ف الملف يَ ف التقاييم

بتكون بشكل اسبوعي أو يوميّ على حسب حمآسكم :$ بإذن الله..

**↵ Y E L L O W ⌁** · #2 07-19-2016, 10:05 PM

الحِناءْ
انا سلمكم الله اذا بحط حناء آلبس لبس الحناء اللي هو عباره عن بجامه وصخه صارلها عشر سنين
عندج رايح لونها كلها طبعات حناء كاشه عليج من كثر الغسيل والفرك سيقانج طالعه...آتمنى تخيلتوا المنظر
في هذا اليوم الاقشر آختي الكبيره كانت نفاس في بيتنا ..😭 وآنا انسانه معروفه بالتسدح والتبطح لو القى
سرير بالشارع فطست فيه...انا وحده نفاس على مدار السنه ..😂😅المهم و انسدح بسرير اختي النفاس
واهي راحت وانتوا بكرامه للحمام...انا متملكه على واحد امه كيوته 💅 يعني انا العجوز واهي الكتكوته
سلمكم الله وانا مندمجه بالتسدح ولافه شعري بكيس زباله وحجاب خدامه عشان ما يطبع الحناء وجهي فيه
كم شخبوطه من الحناء...الا اسمع صوت ام زوجي وبناتها عند باب الغرفه 😳لا لا موووو وقتكم شسوي
شلون انحاش اذا طلعت لازم يشوفوني بالمنظر هذا مافي مجال اطلع ابد ابد...واسمع امي تقولهم ي هلا حياكم
الله ادخلوا الغرفه.. يما قلبي وقف وقسم لو تشوفني كذا اهي طلقني مو ولدها 😭وانسدح بالسرير واغطي
وجهي واكتم نفسي...ودخلوا الغرفه واقعدوا...وتدخل عليهم اختي وتسلم وتقعد عندهم...ويقولون لها
لا لا روحي انسدحي تعب عليج مو زين انتي نفاس ..😭وتجي اختي وترفع المفرش عن وجهي الا تشوف
خشتي متحنطه اطالع السقف و تعطيكم اختي نظرة المخروشه اللي فيها ضحكة...😏 وراحت قعدت
على طرف السرير و يقولون لها انسدحي انسدحي..واهي تقول لا تعبت من السرير ابي اقعد
ويقعدون يسولفون ويندمجون بالسوالف وانا نشف دمي قمت اخذ نفس من حلقي لو اتحرك شوي بيوضح
انه في احد داخل السرير جعلكم شفتوني بالوصاخه هذي ولا اني اموت شهيده على فراش نفاس بس خلاص ابتلشت
بالمصيبه اللي سويتها ومع السوالف الا تقول عمتي وين عروستنا نبي نشوفها
و ما تنزل لنا 😢 عاد امي ضربت الصدر لا يويلي اللحين تنزل لك
انا قلت لها عمتج جايه اليوم..😳 متى يمه ليه
وشوله وكيف ولماذا تنسين تعلميني .. 😭 و امي تقول اللحين ادق عليها تنزل والتلفون معاي
منسدح و امي تدق على تلفوني ويرن التلفون ويطالعون على طول السرير..قالت اختي اي اهي نسته
وصعدت فوق انا اناديها لكم..😊 قالت امي لا انا بقوم وتعطيكم صفيرة الحكم يااااااااااساره انزلي عمتج تبيج ياااااساره
يااااساره ياافاره ياااخشت الحماره .. 😂يعني دلع وكذا قدام عمتي تقول
سارا الفارا خشت حمارا ..😱 وعمتي نظام كيوته عاد تعرفون
امي عصبت عيب ما انزل وخلت الحريم وتصعد
فوق ما تلقاني وتسأل الكل محد يدري عني وسوت لنا امي اكشن وعمتي وبناتها استغربوا ودقت على
ابوي انت ماخذ سارا معاك مكان ... قال : لا !! 🔪 قالت : وشلون البنت مالقينها بالبيت .. 😭 واختي
تبي بس امي تطلع عشان تلحقها وتقولها وامي قاعده مكانها...لمن حسيت صار اكشن وخبصه
وسمعت كم كلمه مو زينه...بلحظة هدوء والصوت واطي وقاموا يوشوشون نطقت وانا تحت الكفن
قلت انا منثبره عندكم وماني منحاشه بس مقدر اوريكم شكلي واقوم وانا متغطيه بالمفرش كني غانم
الصالح بمسلسل خالتي قماشه .. 😂 واهااابد ومن كثر ما اختنقت وعرقت ضيعت مكان الباب وتجي
رجلي على طرف الصينيه وتقرقع المواعين وما اسمع الا بسم الله شنو هذا شصاير...وارفع المفرش
واقولهم هاا انا سارا الفارا خشت الحمارا ارتحتوا ...تبين طلقين طلقي 😭 والحنا سايحه ع وجهي
ومطبعه وكنت حاطه كيس الزباله وحجاب الخدامه على شعري ومطلعه اذاني كاني ناصر القصبي بطاش
ما طاش .. 😂 واشوف اللي قدامي يتسدحن ضحك وامي اللي معصبه قامت تخضخض من الضحك
واختي النفاس تضحك وتمسك مكان عمليتها 😖 يع يع يع كل ما اتذكر هالموقف احسه ... عار
على حياتي ...😱بس الحمدلله للحين متملكه ما غيروا رايهم...😌👌 وكرهت كل وحده نفاس
وما قمت احط حنا وبجامة الحنا قطعتها تقطع >> اهي اصلا كانت مقطعه..😁

من الأنستقرآم (200bb) - بدرآن ..

**↵ Y E L L O W ⌁** · #3 07-30-2016, 01:37 AM

المَلّقوفْ

انا واحد من النوع الحركي وهرجي كثييرر ، المهم عندنا واحد في الدوام مسمينه الرجل الصامت لي ثلاث سنوات اداوم ماعمري سمعت منه سالفه يايسلم او يرد السلام ، وطول فترت دوامه ع الكمبيوتر يطبع المعاملات وهذا شغله ، اشتغل عرق اللقافه فيني وكل مارحتله اسولف معه مايعطين وجه وهذي حالتي معه الي معي في الدوام غسلو يدينهم وانا يا قاتل يامقتول .. وفي يوم شتا وامطار دقيت عليه وقلتله تجهز بمرك بكره الصباح نبي نكشت الرجال اعتذر وانا الحيت عليه الا يطلع معي غديه لاشاف البر والامطار يسولف .. مريته الصباح وطلعنا ووديته ابعد مكان مافيه لا ناس ولا ارسال جوال ، بس انا معه و٤ شباب معي بسيارة ثانيه عشان الكشته .. ونزل العزبه واشب النار وضبط المهيله .. واول ماصبيتله الا قعد يبكي 😨😨 سلامات قال ولا شي ،ويشتغل عرق اللقافه من جديد جد وش فيك اعتبرني اخوك وصديقك ادري في قلبك شي ودك تقوله ،قال خلها العصريه اقولك ،قلت ماشي وحسيت بنشوة الانتصار على الذات العصر قام من عندي وراح تقريبا ميتين متر وصرخ صرخه قوووويه حسيته مكبوت ووده ينفجر وروحله ركض بضمه خويي في حاجتي ،لقيته جايني ودموعه اربع اربع قال قبل اربع سنوات طلعت مع واحد من خوياي للبر وصارت مشكله وقتلته ..ودفنته ومحد يدري بالسر الا انت ،قعدت اكذبه وقول تستهبل؟ ويروح يستقبل القبله ويصلي صلاة الميت على خويه !! هنا قعدت ادور مفتاح سيارتي بنحاش العمر مره وانا وش لقفني فيك جعلك مانطقت ، والعصر قرب ينتهي ومفتاحي معه !! قال بنام اليله هنا والصباح نروح الرياض قلتله ابوي يبيني ..وقعد اترجاه نمشي وعندي اشغال وحالتي حاله ويتبسم ويقول الحفر الحين سهل بعد هالمطر وقول وشهوله نحفر خل نمشي بس ، انا خنقتني العبره مقدر فيه نحيف وقصير وهو مستصح ودب 😂! في الاخير قعد يضحك قال يملقوف لك فتره مشغلني وحبيت اتوبك قلت توبه ماعاد اتلقف قال بفضحك في الدوام وخليهم يطقطقون عليك ،ترجيته قلت اذبحني ولا تعلمهم 😩😂! اخذ علي وعد اني لو تلقفت على احد بيعلم ابد يومين الا وهو صايدني اتلقف على واحد توه جديد عندنا وفضحني 💔 لاعاد تلقفون نصيحه

من الأنستقرآم (200bb) - بدرآن ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
• { آمنةة بنت وهب \| سيرةة قصصيرة },, #	✿ sωєєτ ɢɪяℓ ✿	شخصيات عربية و شخصيات عالمية	7	01-27-2014 03:51 PM