[mshosh2]http://up.arabseyes.com/uploads2013/01_04_17149102861604641.png[/mshosh2]

بسم الله الرحمن الرحيم

السلام عليكم ورحمة الله وبركاته

اليوم سأقدم لكم الحلقة الأولى من برنامج تحشيش تايم

اتمنى تستمتعون بالقراءة

[mshosh2]http://up.arabseyes.com/uploads2013/01_04_1714910288028371.png[/mshosh2]

علي فاضل: أعدائنا المشاهدين نحن اليوم في إحدى المدارس وسنقوم اليوم بجولة حول المدرسة ونسأل الطلبة عن ما إذا كان الامتحان سهلا ام صعبا ، ابقوا معنا

[mshosh2]http://up.arabseyes.com/uploads2013/01_04_17149102902305141.jpg[/mshosh2]

علي فاضل: وها قد خرج طالب من الطلبة من الامتحان

[mshosh2]http://up.arabseyes.com/uploads2013/01_04_17149102943531794.jpg[/mshosh2]

علي فاضل: كيف كان الامتحان

ضرغام يأكل بزر(حب) وينظر لعلي

[mshosh2]http://up.arabseyes.com/uploads2013/01_04_17149102957924921.jpg[/mshosh2]

علي فاضل: كيف جاوبت في الامتحان

[mshosh2]http://up.arabseyes.com/uploads2013/01_04_17149102957924921.jpg[/mshosh2]

علي فاضل : واجهتك اي صعوبة في الامتحان

[mshosh2]http://up.arabseyes.com/uploads2013/01_04_17149102957924921.jpg[/mshosh2]

يدخل اثير للمشهد ويقول: دقيقة ، دقيقة ، انتم قاعد تناشدون بدوني

[mshosh2]http://up.arabseyes.com/uploads2013/01_04_17149102994865441.jpg[/mshosh2]

علي فاضل: لا حول ولا قوة الا بالله ، لاحقني وين ما اروح

[mshosh2]http://up.arabseyes.com/uploads2013/01_04_17149103014413752.jpg[/mshosh2]

المناشد اثير: اليوم وين رايحين اليوم ، الحقكم لو تروحون للمريخ (الحقكم يعني اتبعكم أو اجيء لكم )

المناشد اثير: احنا الطلاب معاناتنا معاناة ، بس لحظة ، يا ولد خلصتو امتحان

[mshosh2]http://up.arabseyes.com/uploads2013/01_04_17149103030590971.jpg[/mshosh2]

[mshosh2]http://up.arabseyes.com/uploads2013/01_04_17149103072175778.jpg[/mshosh2]
المناشد اثير: أنطوني موسيقى حزينة (انطوني=اعطوني)

المناشد اثير:استاذ احنا الطلاب معاناتنا معاناة ، يعني احنا دايما ايد وحدة وماحد يفرقنا ومتفقين نغش سوا (سوا=مع بعض) ، تجيبون الأسئلة نموذج a ونموذج B ليش ؟ ، يعني ليس العنصرية .

[mshosh2]http://up.arabseyes.com/uploads2013/01_04_1714910311178911.jpg[/mshosh2]

المناشد اثير : يعني احنا 50 طالب بقاعة واحدة ، المدرس يترك كل الصف ويوقف على راسي(يوقف على راسي=يوقف بجانبي ) ، يعني اني مثلا مدفاة ؟ ، والله اني مو مدفاة الله أكبر عليك

[mshosh2]http://up.arabseyes.com/uploads2013/01_04_17149103134078871.jpg[/mshosh2]

المناشد اثير: يعني ليش هيجي (هيجي=كذا) ، من نطلع من الامتحان يجي (يجي=ياتي) طالب لوتي (لوتي=مخادع)يقول اني جاوبت الأسئلة كلها ، إذا جاوبت الأسئلة كلها اوكي اشوفك بالدور الثاني ليش ، جاي سياحة مثلا ؟ (جاي=أتيت)

المناشد اثير: وقبل ما اروح للامتحان ، بالبيت امي تقولي لا تعرف أي شيء فارغ ، ترا والله رايح امتحن مو ازرع عشان ما اعرف شيء فارغ ، الله أكبر عليكم

المناشد اثير : يقولون ليش ما تقرأ ، إذا كان استاذنا من يدخل الصف يقول اللي ما راح يصير برأسهم خير اعرفهم (يصير برأسه خير = ينجح) ، انت ماراح يصير براسك خير وانت وانت وانت ، يعني انت جاي تدرس لو تلعب محيبس (محيبس=لعبة تخمين معروفة بالعراق) ، خف علينا يا جاسم (جاسم مقدم أحد برامج لعبة محيبس )

المناشد اثير: يسألوني انت ليش ما تنجح بالانجليزي ، إذا الأستاذة مالتنا (مالتنا=حقتنا ) اسمها ستة هاني ، ياخي اسمكي مال(مال=تاع=انه ل=حق) دردشة لا تخربيه بالتدريس

المناشد اثير يخرج من المشهد ويقول : الله أكبر عليكم ، الله أكبر عليكم ، الله أكبر عليكم

[mshosh2]http://up.arabseyes.com/uploads2013/01_04_17149103252120716.jpg[/mshosh2]

انتهى المشهد اتمنى انكم استمتعتم فيه

قولو لي تقيمكم من 10 في الردود

[mshosh2]http://up.arabseyes.com/uploads2013/01_04_17149103264468385.png[/mshosh2]
المشهد هذا مافيه حركة فقط أن اموري يحرك يده وفي شخص يكلمه مو ظاهر بالصور لذلك ما راح يكون فيه صور للأسف لأن صورة اللي فوق هي الوحيدة الموجودة

الشخص الذي لا يظهر بالمشهد نسميه عامر اسهل

عامر:بابا انت اسمك أمير

يهز أموري برأسه إلى الأسفل والأولى: نعم

عامر: انت طالب

اموري: لا أمير أمير

عامر: بابا لا تصير غبي ، انت طالب تدرس بالمدرسة ؟

اموري: اي (اي=نعم)

عامر: بابا ، انت اهلك جابوا هنا قالو عنك انت واحد عار

اموري : واني جدا احترامهم ولي الشرف

عامر : وقالو عنك انت فاشل

اموري:واني برضو احبهم

عامر: وقالو عنك انت ساقط بالدراسة وسائط بالحياة

اموري: يسلمولي ، يسلمولي

عامر: ابني هم قاعدين يسبوك مو يمدحوك ، لا حول ولا قوة الا بالله

عامر: افهم ابني اني ما اريد إهينك

اموري: اشكرك اشكرك ما تقصر

عامر: هسة شهادتك قدامي ، يعني هسة يصير انت راسب ب6 مواد وناجح ب3 مواد ؟

اموري: استاذ ، يعني هسة انت زعلان لأن راسب ب6 أو فرحان لأن ناجح ب3 ؟

عامر: ابني انت غبي

اموري: تسلم حبيبي تسلم

عامر: ابني انت المفروض اللي مثلك يبقى كل حياته مدنق (مدنق=مخفض) رأسه

اموري(قال شعر ) : (محد=ولا احد)
كل عمري أدنق ليش ؟ ، شنو مسوي اني.....إذا محد من الطلاب ، براشيم مانطاني
مانطاني= لم يعطيني )

عامر : الله ، الله ، الله يا طايح الحظ ، الله

اموري: الله عليك ، حبيبي ، الله عليك

عامر: يا ابني ، انا ما اريد اضربك ولا إهينك

اموري: شكرا استاذ ، شكرا

عامر: درجة النجاح خمسين ، يعني ما عرفت تجيب خمسين

اموري: استاذ إذا اقعد سنة كاملة اجيب فيها خمسين ليش ؟ ، واني إذا اشتغلت بمحل يومين اجيب خمسين

عامر: تجيب خمسين شن ؟

اموري: خمسين دولار

عامر: ابني اني اكلمك على الدرجات مو الفلوس ، اوكي فهمني ليش صار بيك هيجي (هيجي=كذا)

اموري: لأن اني متأثر جدا باخوي الكبير ، اخوي الكبير أقل درجة عنده بالشهادة تسعين ، والحمدالله دخل هندسة وخلص الهندسة ، فهو مثلي الأعلى

عامر: انت غبي لو شنو ؟ ، اخوك من الأوائل ومن المتفوقين واتخرج هندسة ، وانت ساقط بأول ثانوي ؟

اموري: استاذ انت ما فهمتني ، هو مثلي الأعلى بالشغل ، لأن أي مكان يروح له يقولون له ما نحتاج مهندسين ، هو يشتغل هسة سايق تاكسي ، واني اريد اصير مثله سايق تاكسي ، و سايق التاكسي ما يحتاج معدل ولا يحتاج دراسة ، يحتاج اجازة سوق ويحتاج سيارة صفرة ويحتاج فلوس بنزين

عامر : انتو جيل فاشل ، ما تعرفون بخطاكم

اموري: اني غلطان

عامر: الحمدلله انك اعترفت ، اتفضل قول ليش انت غلطان يمكن تفيد المشاهدين

اموري: اصلا اني اكبر غلطان

عامر: اوكي يلا قول ليش

اموري: اني غلطان لاني اعتمدت على سعد بالامتحان

عامر: يعني انت مخلي مستقبلك بيد واحد ؟!

اموري: لا مستحيل اني اخلي مستقبلي بيد واحد ، اني مخلي مستقبلي بيد اثنين ، برضو رامي

عامر: وليش هذول ما غششوك

اموري: لأنهم اثنين ما داوموا

عامر: اوكي هذا نموذج الامتحان قدامي

اموري: لا استاذ اني اموري مو نموذج امتحان

عامر: وقف غباء لو هسة اقوم اضربك

اموري: اوكي خلص استاذ تفضل

عامر:السوال الأول انت تاركه وعليه 10 درجات ليش ؟

اموري: استاذ شنو عشر دولارات هذه ما تكفي اركب فيها تكسي

عامر: ليش انت رايح تمنحن لو تصرف فلوس ، اوكي هذا سوال ثاني ، سوال الصح والغلط ليش ما جاوبته

اموري: استاذ ليش اني شنو عشان أقرر الصح من الغلط ، استاذ لازم ناس أكبر مني يحددون الصح من الغلط مو اني ، اني بعدي صغير

عامر: هذه أسئلة داخلة وياكم بالمنهج يا غبي

اموري: تسلم استاذ وانت بالأكثر

عامر : اوكي هذا سوال مثل في جملة ليش ما حليته

اموري: استاذ اني اللي بقلبي على لساني ، ما اعرف امثل على الناس واضحك عليهم ، يعني انتم ليش تعلمون الاولاد أشياء مو زينة وان يمثلون على العالم ويخادعوهم

عامر : لا حول ولا قوة الا بالله ، انت ما تعبت نفسك ابدا

اموري: لا استاذ اني تعبت روحي

عامر: لا انت ما تعبت روحك

اموري: استاذ اني أوافق كل كلامك بس اني ما تعبت روحي هذه ما اتفق وياك عليها

عامر : قول شلون تعبت روحك

اموري: استاذ الشاعر يقول : من طلب العلا سهر الليالي ، واني كنت اسهر إلى الساعة 5 الفجر

عامر: تسهر تدرس؛

اموري: لا اسهر على الفيس بوك لعبة المزرعة السعيدة

عامر : لديك وين التعب

اموري: اني شنو دخلي استاذ ،روح لوم الشاعر هو ما قال على شنو لازم نسهر

عامر: اوكي انصح الطلاب شيء عشان ما يصيرون طايح ين حظ مثلك

اموري: اريد اقول لهم لا تسون الخطأ اللي سويته اني

عامر : علية ابني علية ، انصرهم

اموري: من تعتقدون مرة ثانية على سعد ، روحو نامو بيتهم عشان اذا غاب تغيب وإذا داوم يداوم إذا انفصل تنفصل

عامر: طيح الله حظك

اموري: تسلم استاذ ، انت وردة استاذ وردة

[mshosh2]http://up.arabseyes.com/uploads2013/01_04_17149103584066061.png[/mshosh2]
بما ان كل الاعضاء عندهم امتحانات وكذا

خليت الحلقة هذه قصيرة عشان م اشغل أحد عن امتحاناته

هذه الحلقة مشددين لكن الحلقات القادمة ان شاء الله تكون أكثر

الأسئلة

1-كم تقيمكم للمشهد الأول من 10

2-كم تقيمكم للمشهد الثاني من 10

3-تريدون استخدم صور كثيرة أو قليلة بالمشهد

4-اكثر شخصية اعجبكم

5-كم مشهد تريدون في الحلقة الواحدة


وفي امان الله