احبّنك دگلي شلون انساك - عيون العرب

iraq.lion71 · #1 02-12-2012, 04:08 PM

احبّنك دگلي شلون انساك؟
واذا انساك گلي شلون اگدر
لا اگدر احبك لا اظل وياك
واذا ظليت ما نرسى على بر
دگلي شلون اعوفك جاوب
لا تسكت وناري بگلبي تسعر
اشوف الناس تسكر لو تمس الكاس
وانا بلمسة ايدك روحي تسكر
كضيت احلى العمر يا خلي وياك
ولو ترضى جنت لعيونك انذر
تعال الكلب ميّتم بلياك
دشوفة شحالة من فركاك يكفر
اريدك ما اريد الغير يحجون
يكولون اليحبها دار وافتر
اريدنّك تحبني بكثر ما ريد
وياريتك تحبني شوية اكثر
بحر عينك اضيع بموجة واحتار
وهمس شفتك موسيقى وبيها نشعر
صدك تنسى الحجي واحلاها الايام
وصدك عندك احبك حجي مسطّر
خلّصت الحروف وياك آهات
وما بقّيت بس حروف من جر
عليمن ومن شنو وليش انا وياك
جنة وانت نار تريد تسعر
راح انساك احاول وانسى الايام
ولتظن انا راجع وراح اصبر
جنت من اشوف عيونك ارتاح
هسة انا من اشوفك راسي يفتر
اكولن هم صدك حباني فد يوم
لو شمسة جنت وبشوفي يحتر
دجاوب لا تظل ساكت اريد اليوم
جوابك آخذة لو حتى انضّر
مو انا الجنت اغتر على الناس
صرت بيك انا يم الناس انغر
صدكني من اعوفك اشكال والوان
بغرامي تطيح لو بس صبعي اشّر
لتظن حايرة لو غبت فد يوم
اذا انت الذهب غيرك من الدّر
ما حبك بعد كافي ولحد هنا
اكول انا عليك (الله اكبر)

‏¨°0o.( اسد العراق*‏ ذو الصوت*‏ الحنين*‏ البصراوي ) O.o°¨

**شاشة الوجود** · #2 02-12-2012, 04:11 PM

أشكررررررررك..

جميل...

بس في المرة القادمة كبر الخط..

iraq.lion71 · #3 02-12-2012, 04:29 PM

يدللووو تامرين امر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لن انساك	Ặñâ EšRąâ CO0L ^_^	أرشيف المواضيع الغير مكتمله او المكرره او المنقوله و المخالفه	1	02-25-2011 05:10 PM
كيف انساك	شوقي فؤاد	محاولاتك الشعرية	3	12-05-2009 12:30 AM
كيف انساك؟	world's~smile	قصائد منقوله من هنا وهناك	8	09-17-2009 12:45 PM
لن انساك	نور النجوم	أرشيف المواضيع الغير مكتمله او المكرره او المنقوله و المخالفه	8	07-28-2009 02:26 PM
انساك	غرور انثى	قصائد منقوله من هنا وهناك	11	06-14-2007 12:44 PM