|
| |||||||
| قصائد منقوله من هنا وهناك قصائد مختاره بعنايه و أعجبتك ,منقوله من شبكة الإنترنت او من خارجها |
 |
| | LinkBack | أدوات الموضوع | انواع عرض الموضوع |
|
#1
05-13-2012, 06:13 PM
| ||
| | ||
| منت وحيد (عباس جيجان) انت الشعب كلة بشيعتة و سنتة منهو الكالك ناسيك؟ هم ينسى الكمر وكتة؟ بس عشككـ عشكـ مفضوح و عشكـ الناس كلها مساتر و سكتة صرت انت سبت و بركبة يهودي هم شايف يهودي يجوز من سبتة؟ ********************************* انت الفارس اليسبكـ هبوب الريح و ما ظن خيل سابكتة و انت اليرهم ترابك كحل للعين و دوة للما شفت علتة و من طينك نحني جفوف المعرسين و كل اصبع فرح من طيبتك طكتة و انت الريحة ترابك ترد الروح .. هيل و زعفران و عنبر بشمتة و مثل تراب كاعك ما لكينا تراب ... يرهم للصلاة من طينتة تربتة ******************************** انت ينام بيك المرتضى الكرار ... ابو الحسنين التلوذ الناس كلها بشارتة و بختة و انت ينام بيك بكربلاء حسين .. الما بايع الطاغي و دنكـ ركبتة و انت البيك ظلت شارة العباس ... لمن طاح دنكلة الفرات و باسة من شفتة ******************************** صح هسة اصبحت من وطن نيذر لاند ... هولندي الهوية و شعري جللتة و صح تأقلمت وية الغرب فد نوب ... و صرت ماصخ مثلهم و الملح عفتة و صح صرت ارطن رطنهم لمن يرطنون ... و لسان العرب بالاعجمي كسرتة لكن مدري شنهي يصير بي لمن يمر طاريك ... احسنك دفو تموز وسط شتا اثاريني مثل طبع النخل لو طال ... يرجع للاصول و تنحني شعفتة ******************************** العالم نسى يوم هدعش من ايلول ... صارت بيك سالفتة ناس تكول لازم نحتويه و نشفط البترول ... و نعوض الراح و نسركـ بركتة و ناس تكول لازم ها الحصار يدوم ... و ناس تكول لازم ننزع اسلحتة و ناس تكول خطية اطفالة ماتو من الجوع ... و ناس تكول حيل ويا ، ما حمد ربة و شاكر نعمتة و انت بين هذا و ذاك صاير شبح لليرمون ... و ياهو الكام ضدك سدد تفكَتة ******************************** جي انك حلو و الدول منة تغار ... ما عدهم العندك من مجد نلتة انت اول وطن آدم وضع جدمة عليه و كال يا الله ... لنك وصلة من جنتة و انت اول وطن حبّة النبي ابراهيم ... و دعا ربة يصونة برحمتة و عزتة و انت اول وطن مرسى لسفينة نوح ... و النبي ايوب ناخت بيك راحلتة و انت اول وطن علم العالم ابجدية و يكتب التاريخ و انت اول وطن قانون سننتة و انت اول وطن كالتلة الشمس يمة صباح الخير ... و لو رادت تمسي تمسي يكم كَبتة و انت اول وطن ما يشبه الاوطان ... مدري شلون خالقك ربك ، سبحان ربي شلون صورتة صورتة العراق و بس علينة يلوكـ ... و احنة نلوكلة لمن يحل وكتة نهر الأحزان♥ likes this.  |
|
#2
05-20-2012, 04:43 AM
| ||
| | ||
| ذوق راقي في الانتقاء ربي يعطيك الف عافية لطرحك ولا حرمنا تواجدك دمتي بخير وسعادة شاطيء الماء•ღ°♥ likes this. |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رثاء الشهيد صدام حسين (عباس جيجان) | شاطيء الماء•ღ°♥ | قصائد منقوله من هنا وهناك | 35 | 04-19-2013 11:40 PM |
| قصيدة رثاء صدام حسين للشاعر الشعبي العراقي عباس جيجان | heno soub | قصائد منقوله من هنا وهناك | 10 | 03-09-2010 12:42 PM |
| ديدان الامعاء عند الاطفال | بحـــور الامـل | الحياة الأسرية | 0 | 02-04-2010 04:06 AM |
| رحلة شاقة ابطالها ديدان | جينا الرقيقة | مواضيع عامة | 34 | 08-07-2009 02:58 PM |
2Likes
العرض العادي
