|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
01-27-2013, 08:24 PM
| ||
| | ||
| اتمنى ان يعود قلبي /روايه رومانسيه أتمنى أن يعود قلبي المقدمه أريد أن يعود قلبي المليىء بالمشاعر ..وأريد أن أتخلص من قلبي الميت وأن أعثر على شخص لا يخاف من قلبي الميت ليساعدني على تغير نفسي..لكني تأكدت بأن ذلك الشخص غير موجود..وأن قلبي سيبقى منبوذ ويكره جميع البشر..أتمنى فعلا أن أشعر بالناس وأن أصبح حنونا وجيد..أعرف أن هذه الأحلام مستحيله فأنا سأبقى الشرير ذو القلب الميت. البارت الاول بداية القصه في عاصمة الأردن (عمان) وتحديدا أمام مدرسة سكينه بنت الحسين الموجوده في جبل الحسين كان يقف فتى أسمه مازن ومعه طالبه من المدرسه أسمها (ريم) مازن:ريمو حبيبتي خلينا نطلع ريم:نيتو خلينا نبعد من قدام المدرسه..هلىء بتشوفنا معلمه وبتصير فضيحه مازن:طيب..يلا نروح صديق مازن (محمد):أروح معكم؟ ريم ومازن:أكيد لاء طلعوا من المدرسه بنتين بشبهوا (بانه وبيان) بيان:مازن عند باب مدرستنا ملاحظه:-بيان ودانه متحجبات >في الاردن في كتير بنات مو متحجبات سحبتها بانه للجه الثانيه وقالت:لا تطلعي ..والله بننحرج اذا عرفوا البنات أنه أخونا وطلعت من المدرسه بطلة قصتنا ريتاج..تفرجت على مازن الى أخذ ريم وطلعت من المدرسه وراها مباشره بنت اسمها دانه..(هي مو صاحبيتها بس بتروح معها بعض مرات ) دانه:ليش بتتفرجي على نيتو ملاحظه:-دانه مو متحجبه أما ريتاج متحجبه ريتاج ضحكت بعدها قالت:كمان اسمه نيتو..مصخره دانه:خلينا نروح بسرعه كانوا راح يروحوا بس سمعوا صوت واحد بصرخ ومعصب على الأخر لفوا وجهم عشان يعرفوا مين الي بصرخ ..كان واحد بشبه مازن كتير بس ملابسه مختلفه ..ريتاج فكرته هو نفسه توأم مازن(تيم) كان بصرخ على محمد صاحب مازن:هاي المره الأخيره وين مازن؟ محمد بخوف:طيب راح أحكيلك ..بتلاقيه بأخر هديك الزاويه<وهو بأشر على الطريق دفعه تيم وكان راح يمشي بس وقفته بنت وقالت :نيتو ممكن رقمك؟ طنشها ومشى بس وقفت قدامه البنت ..جحرها جحره مليئه بالكراهيه..فقالت البنت بخوف:اسفه على ازعاجك ..راح أروح تيم:مره ثانيه اذا بتقربي مني راح أقتلك البنت :ليش بتقدر تقتلني مسك تيم أيد البنت ولفها..الكل اندهش من حركته البنت بتألم :أتركني تيم:اذا ما رحتي بهدوء راح أكسر مو بس ايدك ..كل جزء في جسمك..أنا ما بهمني أبدا اذا أنت بنت ولا ولد ريتاج:أترك أيدها تيم:واذا ما بدي البنت وهي بتبكي:خلص ما عمري راح أحكي معك واسفه كتير.بس أترك أيدي ريتاج بعصبيه:أترك البنت تيم: خليها تترجاني أكثر سحبت ريتاج البنت...وبعدتها عنه..فعصب تيم كتير ..رفع ايده كان بده يضرب ريتاج ريتاج :شكله عنجد ما بهمك أنك تضرب بنت تيم:روحي انقلعي من وجهي ..لأنه ما في حد بقدر يخلصك من أيدي وقتها أجى محمد وقال:تيم روح لحق أخوك قبل ما يبعد تعريف بالشخصيات (تيم:-عمره 20 سنه ثاني سنه جامعه ..شرير كتير والكل بخاف منه حتى عيلته... بهتم بأخوه مازن أما باقي أخوانه والناس ولا أشي عنده..الكل بكرهوا بعكس أخوه مازن..بسموه شرير صاحب القلب الميت) (ريتاج:-عمرها 16 سنه ونص ..أول علمي شعبه (و)..كانت ساكنه في استراليا ..وبس درست الصف العاشر في الاردن..متحجبه وبتصلي وبتحب تلتزم بالدين..هي فلسطينيه الأصل..صديقتها المقربه أسمها ديمه..هواياتها بتحب الانمي(الكرتون الياباني)والمسلسلات كتير وفاشله بقواعد العربي) ملاحظه:-أول ثنوي في الاردن يعني المرحله الثانيه من الثانويه وثاني ثنوي في الاردن يعني توجيهي(ثانويه عامه ) (مازن:-عمره 20 سنه..عاد التوجيهي(الثانويه عامه)مرتين يعني لساته هلىء في الثانوي وبهرب كل يوم من مدرسته عشان يزور مدرسة البنات..بصيع مع بنات كتير..بس كتير طيب مع الناس وحنون عكس أخوه..بحب تيم بس بخاف من شخصيته) (دانه:-بنت مجنونه كتير..بتروح كل يوم مع ريتاج..مصاحبه نص شباب عمان..بتتسلى بدل الملل الي شاعره فيه..أمها دائما بالشغل بترجع على ال12 بالليل وأبوها مسافر فبتضل لحالها مع الخدامه..مع أنه عندها شباب كتير بس الانسان الي بتحبه مو معطيها وجه وهو أخو ريتاج (ياسر)..دانه بنفس فصل ريتاج) (بيان وبانه:-خوات تيم ومازن..بكرهوا تيم ولا يمكن يحكوا معه..بموتوا بمازن(يعني بحبوه كتير)..عمرهم 16 سنه ..في شعبة الادبي (د)..بشبهوا بعض كتير) (وأخيرا ريم:-عمرها 17 سنه..ثانويه عامه(توجيهي)..بتتكلم مع مازن من ثلاث سنوات وهي أكبر مده تكلم فيها مع بنت..ريم بتعرف انه بحب غيرها فعشان هيك بتعتبره صديق مو أكثر لانها وحيده وما عندها اصدقاء مقربين..الها مكانه خاصه في قلب مازن لكنه ما بحبها وبعتبرها زي اخته) نرجع للقصه (الكلام بين الاقواس يعني الي بدور في العقل (الافكار)) في الطريق كانت ريتاج ودانه بتمشوا دانه:ريتاج ريتاج(ماذا تريد الأن):ماذا تريدين؟ دانه:لماذا أنت متحجبه؟ ريتاج(ما هذا السؤال!):أنا الي لازم أسأل ,,لماذا أنتِ غير متحجبه لم تجب دانه لأن تلفونها رن..أغلقته وقالت:خالد أتصل وما بدي أرد عليه ريتاج:ما سألتك دانه:ريتاج أنت بتعرفي كم بحب أخوك..دعيه يكلمني ريتاج:أن أردت أن تتكلمي في هذا الموضوع ..أنا من طريق وأنت من طريق رأت دانه ياسر يمشي من بعيد..فرحت وقالت:ريتاج أكملي الطريق لوحدك رأيت أحمد وأريد أن اتمشى معه ريتاج:دانه أرجوكِ أبقي ولا تتهوري لم تسمعها دانه لانها ذهبت بتجاه ياسر أكملت ريتاج سيرها وهي تدعي لدانه بالهدايه عند مازن ريم:نيتو مو ناوي تخلص توجيهي؟ ضحك مازن:لاء مو ناوي أبدا ريم:بدي أحكي معك جد..ولا ما بتتقبل النصيحه مازن(مهو أنا ناقصك ..كل يوم نفس النصيحه..أنصحي حالك في الاول):مو لازم أتقبل النصائح فجأه اتمسكت أذن مازن..لف مازن للي مسك أذنه وقال بألم:أي.. تيم أترك ذاني تيم:قدامي على السياره..وكم مره بدي أقلك ما تهرب من المدرسه بعد عنه مازن وقال بخوف:تيم أتركني بحالي مليت من المدرسه تيم:ولك خلص توجيهي بعدها صيع زي ما بدك مازن:ما بدي أخلصه أبدا ..زي ما بابا معاند ومتنح على أني أدخل علمي..أنا ما راح أنجح ريم:مازن أبوك بده أياك تضل علمي عشان مصلحتك جحرها تيم بعينه..كانت نظرته كتير بتخوف ..أرتبكت ريم وصار قلبها يدق بسرعه من الخوف ريم بخوف:نيتو أنا رايحه ..بكره بشوفك تيم بعصبيه:ما في بكره ولا بعده..وأنت قدامي أدخل السياره في مكان قريب وقف ياسر قدام محل كنافة القاضي تذكر بنت بتضحكله وبتقول:يسور خلينا نوكل كنافه ..أنا بحبها كتير كان راح يكمل مشي بس صوت دانه وقفه دانه :ياسر ما بدك توكل كنافه على حسابي ياسر(يارب ما تكون دانه..هلىء مو طايقها):دانه هاي أنت؟ دانه:شكلك ما فرحت بشوفتي؟ لف ياسر عنها وكمل مشي ..ركضت ووقفت قدامه وقالت:ليش بتتجنبني ياسر:لانك بنت وأنا شب ..عيب عليك وحرام أنك تيجي وتحكي معي..وبعدين أنا ما بحب البنات الي مثلك دانه :بس أنا بحبك وما بقدر أعيش من غيرك ياسر(مهو أنا ناقص بنت مثلك..أأف):الله يسهل عليكِ روحي من هون دانه بقهر:شايفني بشحد ولا بشحد ياسر:دانه كل واحد أله حدود في التحمل ..عشان هيك لا تلاحقيني مره ثانيه والا قلت لأهلك دانه بسخريه:ليش هو أهلي فاضين...أذا بدك تعال هلىء على بيتي عشان تحكي لمامي ياسر عصب:روحي أنقلعي من وجهي بلاش أسمعك كلام ما عمري حكيته حتى لشب دانه بعصبيه :شو مفكر أني مستقتله وميته عليك في غيرك كتير ياحبيب المامي ولفت عنه ومشت..وقبل ما تمشي ناداها ياسر ياسر :دانه ابتسمت دانه(أكيد بده يتأسفلي):نعم يسور أتذكر ياسر البنت الي اتذكرها قبل شوي وهي بتحكيله يسور ..فتدايق كتير ياسر:بدي أطلب منك طلب دانه بفرحه:أطلب واتمنى وأنا بنفذ ياسر:أوعك تروحي مع ريتاج أو تحكي معها لأني ما بدي تخربيها بأخلاقك انصدمت دانه من كلام الي بحكيه فمسكت أيده وقالت:ليش ما بدك تفهم أني بحبك بعد أيدها عنه بقوه وقال:ما عمري شفت بنت جريئه مثلك دانه ودموعها بدها تنزل:ليش بعدتني هيك كأنه زباله ...انا مو مقرفه مشى ياسر من جنبها وقال:مو كأنك زباله...أصلا انتِ زباله في سيارة تيم تيم :ما بدك تفهم ..كم مره قلت أنجح ولا ترسب مازن:أنا ما بحب العلمي ليش ما بتفهموا..وأنت غير شخصيتك كل البنات خايفين منك تيم:أسكت أحسنلك بلاش هلىء.. قاطعه مازن :حاضر بس لا تكمل..بوعدك ما راح أقرب على جهة مدرسة سكينه تيم:غريب ما في شرطه عند المدرسه مازن:همه بيجوا ..بس مو كل يوم ولما بيجوا بنهرب هههه ملاحظه:-في الاردن الشباب كتير بتواجدوا قدام مدارس البنات ففي شرطه بتكون عند مدارس البنات بس مو دائما..وبتمسك الشباب الي بيجوا عند المدرسه وبحكوا مع الطالبات وهيك في بيت ريتاج..في المطبخ ريتاج:أوكازا بدك أشي؟ لين(أم ريتاج):وله لا تقولي كوزا ريتاج:أوكازا مو كوزا ومعناها ماما في الياباني لين:بلا ياباني بلا هبل ريتاج:بدك مساعده؟ لين:لا شكرا...بس غريبه أول مره بتسألي هيك سؤال ريتاج باست أمها على خدها وقالت:حرام عليك دائما بسأل ..وهلىء سألت عشان بدي أضل أحضر اليوم لين:كرتون أطفال زي دائما؟ ريتاج:اوووووووووه ..أسمه انمي ومو للأطفال...وأنا بدي أحضر فتيان قبل الزهور..هاد مسلسل كوري ..ماما تيجي تحضري معي؟ وقتها دخل ياسر البيت لين:لا شكرا ما بدي أحضر معك ريتاج:ياسر تعال أحضر معي ياسر متنرفز لسا من دانه:أنتِ اذا بشوفك مع دانه بكسر رجلك<بده يطلع حرته وعصبيته عليها ههههههه ريتاج:ليش شفتها؟..متى ووين ياسر:مو لازم تعرفي المهم...فهمتي؟ ريتاج :فهمت في منزل في ضاحية الامير حسن..في بيت وسطي كانت عايشه بنت أسمها بتول مع عائلتها ومشكلتها الوحيده الفيس والمقالب.. بتول فتحت فيسها تبع المقالب أسمه :الفارس الازرق حمودAl-fars al-2zr8 7mood هبه(خالة بتول):ضفتيها؟ (هبه بنفس عمر بتول 17 سنه) بتول :الهبله ديما عامله حالها ما بتضيف شباب ..مو راضيه تضيفني هبه:اذا ما راح يزيط المقلب في بيت ثاني وبتحديد في غرفة ديما كانت أعده على فيسها..قامت لما نادتها أمها..وبعد فتره دخل أخوها رامي غرفتها(عمره 19 سنه) رامي:ديمو ..وينك؟..فاتحه لابتوبك وفيسك جلس رامي على الكرسي وحمل لابتوب ديما رامي وهو بتفرج على فيس ديما ..وصلتها رساله من (الفارس الازرق حمود)..فتحها رامي رامي(ياغبي ليش أنت متطفل هيك..هلىء ديمو بتعصب):مين هاد حمود..وباعت رساله قرأ الرساله وهي:-ديما أنا اموت واتعرف عليك..شكلك بنت رائعه..بليز ضيفيني رامي(الحقير كيف بتحكي هيك مع ديمو أنا بفرجيك):راح أضيفك وأستهبل عليك في جهه ثانيه عند بتول بتول بسعاده:ضافتني هبه :غريبه..توقعت ديما ما ترضى تضيفك بعد الرساله بتول:هلىء بدي أكتبلها Al-fars al- 2zr8 7mood:مرحبا ياقمر ملاحظه:- هو اسمه بالانجليزي بس لانه بصعوبه اضل اغير اللغه راح اكتبه الفارس الازرق حمود ) رامي:ياحقير..لساتك ما بتعرفها وبتقول ياقمر أنا بفرجيك..أو أحسن أشي أسايرك وأخليك تندم لأنك حاولت تلعب مع أختي هههههههه بتول:هبه طولت ديما بالكتابه هبه :هيها كتبت ديمو دام دوما<اسم ديما على الفيس ديمو دام دوما:أهلين بالحلو ..شو أسمك؟ الفارس الازرق حمود:محمد ..كيفك؟ وممكن نتعرف؟ ديمو دام دوما:اه..عاشت الاسامي..أكيد ممكن ..كم عمرك؟ ضحكت بتول وقالت:خلينا نستهبل شوي هبه :أكتبيلها ياحلوه ياموره أي اشي ..شو رأيك نطلب منها في النهايه نقابلها؟ بتول:هبوش عليك ذكاء ..ان شاء الله ترضى تقابلنا ديمو دام دوما:وينك ...؟؟ فارس الازرق حمود:اسفه بس خالي جنني فارس الازرق حمود:قصدي اسف ديمو دام دوما:بدي أحذفك من هون وأضيفك على الفيس الجديد فارس الازرق حمود:ليش ياحلوه ياقمر انتِ؟ ديمو دام دوما:لأنه لو اخي رامي عرف أني ضايفه شب بقتلني فارس الازرق حمود:اوك بشوفك بكره ديمو دام دوما:فيسي الجديد اسمه ملاك الرحمه وقتها دخلت ديما الغرفه فلغى رامي محمد والدردشه وطلع من الغرفه ..استغربت ديما ولحقته وقالت:شو كنت بتعمل.؟ رامي برتباك:لا تخافي ما كنت بعمل أشي ديما بسخريه:صدقتك عند بتول ضربت بتول ايد هبه كف وقالت:أوعك تحكي لديما أو لريتاج هبه :بينا أنا وياكي وبس..خلينا نقابلها بتول:بس ديما ولا يمكن ترضى تقابل شب هبه:خلينا نجرب في غرفة ياسر كان يتذكر أول أيام في الجامعه (كان يلحق سوسن قبل سنتين في الجامعه ياسر:سوسن وين رايحه؟ سوسن:ما بتفهم أني تركتك..ولك أنا ما بدي أياك ياسر:ليش بتوافقي على أول واحد بطلب أيدك سوسن:حتى لو ما حد طلب أيدي..أنت اخر واحد راح أرتبط فيه ياسر بعصبيه:ليش شو عملت ..نسيتي الحب الي بينا سوسن:لو تزوجتك ما عمرك راح تثق فيه لاني طلعت معك دون أذن اهلي وعملت أشياء كتير سيئه..أحكيلي راح توثق فيه؟ ياسر بندفاع:ما في حب دون ثقه ..أكيد بثق فيكِ سوسن:كذاب..وأحسنلك أتزوج بدون حب...بنت عندها دين وأخلاق) رجع لحاضره وصار يبكي ياسر :سوسن ليش تركتيني ياسر(أصحى ياياسر سوسن أتزوجت وعندها ولد صغير..أخ بس مو قادر أنساكي) فتحت ريتاج الباب وقالت:ياسر العشاء جاهز ياسر:هلىء باجي ريتاج:يلا بسرعه..بلاش أختك نس تخلص الاكل (نس اختصار لاسم اختها نسرين) ياسر:قلت هيني جاي تعريف بالشخصيات (ياسر:-شقيق ريتاج عمره 21 سنه ..ثالث سنه في الجامعه الاردنيه ..شاب هادىء وما بحب الازعاج...بشتغل وبدرس بنفس الوقت من لما مات ابوه..أكثر اشي بكرهوا انه يشوف دانه..وهو بقطع في صلواته) (ديما:- عمرها 16 سنه..صديقة ريتاج المفضله...في نفس فصلها..خجوله وطيبه ..بتكره شقيقها سامح لسبب وبتحب شقيقها رامي كتير...متحجبه وبتصلي كل الصلوات) (بتول:-عمرها 17 سنه ..في فصل ريتاج وديما صديقتهم بس مو كتير ..وصديقتها المفضله خالتها هبه ..بتحب المقالب كتير ..متحجبه وبتصلي كل الصلوات..فتاة جميله وبسموها ملكة جمال العائله ..عيبها انها متهوره كتير وما بتحسب حساب يلي راح يصير بسبب مقالبها) (رامي:-عمره 19 سنه..اول سنه جامعه بنادوه بالسنفور..متطفل وبحب يحشر نفسه في كل اشي..بغار على أمه وأخته بشكل كبير ولكنهم بحبوه لانه متفهم وحنون ...طيب بسامح الجميع بسرعه..بصلي كل الصلوات في المسجد ..وفي اوقات فراغه بحفظ قرأن )>>وانا عن نفسي بحبه كتير ملاحظه:-في الاردن الي بكون أول سنه جامعه بنادوه سنفور ولما يصير ثاني سنه جامعه ببطل سنفور (هبه:-عمرها 17 سنه..خالة بتول..أول ثنوي ادبي الشعبه (أ)..بتحب القرأه ودائما بتتهور مع بتول..هادئه وما بتتكلم كتير مع الناس..غير اجتماعيه ..لكن الكل بحبها لان فيها شبه من بتول الجميله..بتصلي لكنها غير متحجبه) (لين:-أم ريتاج ..بتكون في أغلب الاحيان متضايقه من اولادها وخصيصا نسرين ) بستنى ردودكم وتعليقاتكم بفارغ الصبر وبتمنى ما تكونوا واجهتوا صعوبه باللغه وفهمها ...وبتمنى تحكولي شو رأيكم بشخصيات القصه ورأيكم بالقصه وتوقعاتكم..عشان اذا حبيتوها أكمل مع انه بتوقع عدد قليل يحبها واذا لقيت تعليقات بنزل البارت الجاي الاربعاء او الخمس الفجر fefo alahmad likes this.
__________________ قصه الخطوبه الكاذبه من تأليفي http://vb.arabseyes.com/t244353.html  اللسان ليس عظما ولكنه يكسر العظام :nop: |
|
#3
02-01-2013, 03:17 AM
| ||
| | ||
| البارت الثاني الجزء الاول في صباح اليوم التالي في غرفه ديمه رامي :ديمو استيقظي...ان لم تستيقظي سأذهب لوحدي ديمه بنعاس:بس خمس دقائق ..أرجوك لاني سهرت مبارح رامي بعصبيه:هاي مشكلتك انك سهرتي..أنا رايح..خلي سامح يوصلك قفرت ديمه من السرير..ركضت الى الحمام لتتوضى..لحقها رامي وقال:ههههههه لازم نستخدم اسم سامح كل يوم ديمه :الا سامح دخل سامح الغرفه وقال:ليه حكيتوا اسمي ديمه:ولا اشي ابتسم لها سامح..لكن ديمه لم تعره اهتمام ودخلت غرفتها لتغير ملابسها ديمه (كم أكرهك..اتمنى أن تموت ياسامح):..... أمام مدرسه سكينه توقفت سياره سوداء نزلت منها ريتاج ياسر:ريتاج أخذتي مصروفك؟ ريتاج:اها.. أنت رايح للجامعه نزلت نسرين(أخت ريتاج)وقالت:ياغبيه اليوم الاربعاء فهو أكيد رايح للجامعه ريتاج بعصبيه:لا تقولي غبيه ياسر:لا تتقاتلوا بعد ما قال لا تتقاتلوا راح بسيارته من عند المدرسه وفي نفس المنطقه نزل تيم من السياره ..ببحث عن مازن تيم(مازن شكله وفى بالوعود..ولم يأتي الى هذه المدرسه):.... طالبه توجيهي :نيتو لماذا لم تسأل عني لمدة اسبوع جحرها كالعاده بنظراته ..ارتعبت منه وقالت:أنت مو مازن الي بعرفه وهربت بسرعه كانت ريتاج بتنظر لبنت في الشارع..أما نسرين سبقتها بدخول المدرسه..جاءت ديمه من خلف ريتاج وقفزت عليها وضمتها ديمه:تاجي رتوج اشتقت لك كانت ريتاج راح توقع ولكنها ثبتت نفسها في الارض ريتاج:لا تقفزي علي..كنت راح أوقع...وكم مره قلت لك لا تقولي تاجي أو رتوج ديمه:لما ما تحكي دميمو أو دمدم ما راح أحكي تاجي ريتاج:ما بقدر أخرجت ريتاج ساعه مرسوم عليها أوساي(من أنمي رئيسة مجلس الطلبه نادله)..أخذتها ديمه وقالت :واو ..ياي بدي اياها توجتي ..أرجوك أنا بحب أوساي ريتاج:في أحلامك..أنا لقيتها في محل بالمصادفه واشتريتها كانت ريتاج راح تاخدها بس ديما هربت منها وقالت:اذا بدك الساعه الحقيني ديمه وهي بتركض اصطدمت بتيم..وقعت على الارض وقالت بتألم:اي..أخ نظرت الى تيم وانصدمت لانها اصطدمت بشاب (ماذا أفعل):أنا اسفه و لم تكمل لانه تيم سحبها من مريولها (الزي المدرسي) ورفعها لمستواه وقال بعصبيه :الا ترين أمامك خافت ديمه لدرجه كبيره خصوصا من نظراته المخيفه ديمه:أنا فعلا اسفه تيم:لا تتأسفي لانه راح يكون أخر يوم في حياتك ضربته ريتاج من الخلف بحقيبتها فوقعت ديمه على الارض...راحت ريتاج لعندها بسرعه وقالت:هل أنتِ بخير؟ تيم:أنت يامتخلفه...سأريك لفت له ريتاج وقالت:أنتِ لا تخيفني تيم:فعلا ...أذن أغربي عن وجهي أنت وصديقتك قبل أن أقتلك ريتاج (ياله من شخص مخيف..كأنه رئيس عصابه):لن أرحل من هنا ريتاج(ليه قلت اشي أحمق  )أخرج تيم شيفره من جيبه وقال:اذا ستتقاتلين معي ريتاج(معه شيفره يال حماقتي):كيف بدك تتقاتل مع بنت عند بوابة المدرسه أخرجت دانه هاتفها وقالت:سأصور المشهد حتى أريه لياسر ..هيك راح اتقرب منه وهو راح يعصب على ريتاج...كم أنا سعيده عندما فتحت الكمره لتصور سحب منها الهاتف..بتول سحبته منها فغضبت دانه دانه:هاد هاتفي ليه أخذتيه ؟ بتول:ممنوع التصوير وخصيصا هاي المشاهد دانه بعصبيه:ارجعيه لي حالا بتول بسخريه:مصادر ياحلوه ضحكت هبه وقالت:كلمة حلوه .. أخذت على لسانك ؟ (قصدها لما تعمل حالها محمد كتير بتحكي ياحلوه ياقمر) نرجع لعند تيم الى رفع الشيفره..بده يضرب فيها ريتاج..كانت ريتاج بتتفرج بعيونه بتحدي مع أنها كانت ميته خوف ..قامت ديمه وقالت:ريتاج حبيبتي ما تعاندي وخلينا نروح تيم:اذا تأسفتي بخليكِ تروحي ريتاج:اذا بتقدر تضرب بنت..أضربني رفع تيم الشيفره وكان راح يضرب فيها ريتاج بس أجت معلمه وصرخت فيهم فخفف من سرعه أيده وأجت الشيفره بذقن ريتاج..فنزل منها الدم المعلمه:أنت شو بتعمل ..هلىء بناديلك الشرطه كان تيم راح يحكي بس أجى محمد صاحب مازن وسحب تيم وقال:بسرعه تعال معي سحبه وركض المعلمه:هربوا ...اذا أجيتوا مره ثانيه أنا بفرجيكم ديمه:ريتاج بنزل الدم من وجهك..أنت منيحه المعلمه:دخلوها المدرسه عشان نطهر الجرح نزلت الدموع من عين ريتاج وكانت تبكي بصوت بس قالت ديمه:رتوج حبيبتي لا تبكي ريتاج:مين قال أني راح أبكي المعلمه:أدخلي غرفه المعلمات ...خليني أطهرلك اياها دخلت ديمه ريتاج ديمه:خلي المنديل على الجرح دخلت المعلمه وقالت: بدي أخدك على المستشفى..شكل الجرح بده غرز ديمه:بدي أروح معكم..بليز يامس المعلمه:طيب تعالي..بسرعه ساعدي ريتاج تدخل السياره وهمه في طريقهم للسياره مروا من جنب بانه وبيان بانه :شو في أخوكِ شو عمل بيان:لا تقولي أخوي..هو ولا أخوي ولا بعرفه ..الله يوخده...نفسي عنجد أقتله بانه بحزن:اذا بتدعي عليه مازن راح يزعل..اتذكري أنه بحب تيم كتير بعد ساعات راحت لين (أم ريتاج) على المستشفى ..قطبوا الجرح ثلاث غرزات ..صار في بذقنها ندبه صغيره لين:حبيبتي لا تبكي (بهاي اللحظه ريتاج ما بتبكي) ريتاج ابتسمت لأمها وقالت :مو قاعده ببكي..بالعكس انا فرحانه..صار عندي ندبه مثل لوفي وجواد (جواد في أنمي سلام دانك...لوفي في انمي ون بيس) ضحكت ديمه وقالت بمزاح:أنا بدي مثلها ..عشان أصير زعيم القراصنه لوفي لين : بلا هبل ديمه وريتاج:هههههههه..أسفين لين:ريتاج راح أوصلك باب البيت..وأروح عند جدتك ريتاج:أوكيشن مامي انتهى الجزء fefo alahmad and MissEmily like this.
__________________ قصه الخطوبه الكاذبه من تأليفي http://vb.arabseyes.com/t244353.html اللسان ليس عظما ولكنه يكسر العظام :nop: |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايه انمي رومانسيه جناااااااااااان | vămpȋɾȅ ɡȈȓl | أرشيف المواضيع الغير مكتمله او المكرره او المنقوله و المخالفه | 2 | 12-24-2015 07:10 PM |
| روايه رومنسيه. اول روايه. لي اتمنى. منكم الدخول | فتاه في عالم النسيان | أرشيف المواضيع الغير مكتمله او المكرره او المنقوله و المخالفه | 5 | 05-31-2013 10:57 PM |
| روايه رومانسيه رائعه | LAVANIT | روايات و قصص بالعاميه | 10 | 04-05-2012 04:12 PM |
| روايه رومانسيه شجون | SHJN | أرشيف المواضيع الغير مكتمله او المكرره او المنقوله و المخالفه | 26 | 10-04-2010 12:03 AM |
3Likes
العرض العادي
