الفرق بين سنة الزواج الاولى والسنين العشره الي بعدها





تشير



الساعه الى 6:30 صباحا



تودع زوجها وهو طالع للعمل وتقول له بالسلامه يا حبيبي



الساعه 11 صباحا



تتصل عليه في العمل وتقول له حبيت اسمع صوتك بس يا عمري



الساعه 3 العصر



تستقبله وهو متشيكه وتبوسه وهو داخل للبيت وتقول له

الغدا جاهز يا حياتي ..تحب احطه لك الحين ؟



الساعه 5 العصر



تصحيه من النوم ببوسه وتقول له اعمل لك شاي يا حبي ؟ تسوي له شاي وحلا ماعمر جده ضاقه



الساعه 6 المغرب



تسبل عيونها وتقول بكل خجل يا ريت يا حبيبي .. يعني لو

ما عليك كلافه .. يعني اذا تقدر توديني شوي لبيت اهلي

اذا كنت تقدر يا عمري وقبل ما ينطق بكلمه ( اذا ما

تقدر خلاص مو لازم ) وطبعا يضيع هو في نظره من عيونها

ويوديها لاهلها ولو انهم ساكنين في الدمام وهو ساكن في

الحسا



الساعه 8 بالليل



تتصل على الجوال وتقول ( اشتقت لك يا عمري .. يا ريت

تمرني ونروح للبيت ) وطبعا هو عارف وش بيجيه في البيت

فيطمر ويقول للشباب اسف والله يا شباب راسي مصدع ولازم

امشي



الساعه 10 بالليل



تجلس في حضنه وتقول ( الله يا حبي تتذكر ؟ تتذكر ايام

الخطوبه لما كنت تعمل المستحيل عشان تشوفني ..وانا يا ما

كذبت على ابوي وقلت له اني طالعه مع امي وانا اصلا متفقه

مع امي عشان اطلع معك



الساعه 12 بالليل



الوصول الى هذه الصفحه غير مسموح



بعد مرور عشر سنوات



الساعه 6:30 صباحا



هي في سابع نومه





الساعه 11 صباحا



هي برضو في سابع نومه





الساعه 3 العصر



تستقبله وهي نافخه خشتها وتقول ( شف لي حل مع ولدك علي

هذا ..حتى الان ما حل الواجب .. وسوير الله ياخذ عمرها

انشاء الله شاقه مريولها في المدرسه …عطني فلوس لازم

اروح اشتري لها واحد غيره … وصويلح يبي علبة هندسه تو

انه يقول لي يوم ان الاختبار صار بكره



الساعة 5 العصر



هي تفك هوشه بين سوير واخوها ويصحى هو على صوتها وهي

تهاوش وتدعي عليهم بجميع الامراض الخطيره الحديث منها

والقديم ( جعلكم للطاعون …جعلكم للحمى …جعلكم للوادي

المتصدع …جعلكم للحمى القلاعيه …والايدز ..الخ



الساعه 6 المغرب



هو جالس يشرب الشاهي وهي تقول ( نبي نروح لامي بتجيهم

بنت خالة جد ولد عم ابوي ..وبعدين نبي نروح نشتري للبنت

مريول ..وبعدين بنت عمي والده ولازم اروح اشتري لها هديه

من باتشي و ابي امر على المشغل .وبعدين حطنا عند اختي

وفي هاللحظه فكر هو انه يشتغل ليموزين احسن له خخخخخخخخخخخخ



الساعه 8 بالليل



تتصل على الجوال ( وينك فيه ؟ وبعدين وين بتروح ؟ ومنهو

الي معك هذا ؟ ووش بتسوون ؟ ومتى بتجي ؟ لا ما فيه الساعه

تعال الساعه 10



الساعه 10 بالليل



جالسين هي وياه عند التلفزيون .اخيرا هدوء .والعيال

نايمين ..والجو جميل ..وفجأه تطالعه وهي ماده بوزها

وتقول ( الحين امك وش عندها اليوم ما ترد يوم اني سلمت ؟

ويرد عليها وكان هموم الدنيا فوق راسمه مسكين:

هاه ؟ ( والله ما ادري كان سالتيها )

بعدين تقول له:

( واختك وش

هالحركات الي مالها سنع …ليش عازمه الجيران وكل حريم

اخوانك الا انا ؟؟؟ لكن هين والله لاسوي عزيمه وما

اناديها …اصلا هي ما زارتني في المستشفى يوم اني ولدت

وانا فاهمه قصدها ..لكن هين .والله لو تحب السما ماني

بزايرتها اذا ولدت ……وبعدين بنات عمك وش عندهم نافخين

عمرهم ؟؟ على ايش ابي افهم ….على جمالهم الزايد اللهم لك

الحمد بس )

تسكت شوي بعدين تقول ( وبعدين اختك نوره يوم

انها تقول ان علي ولدي يشبهني ما يشبه ابوه وش قصدها

هاه

ملاحظه: علي اشين واحد في اخوانه يعني شكله غلط خخخخخخخخ

لا وذاك اليوم

تقول اخوي محمد ( الي هو زوج الهذره هاذي ) حلو مررره من حريم

الجيران قد خطبوه لبناتهم ….من زينك بس ما ادري وش لاقين

فيك ) خخخخخخخ جالسه تسفل في الزوج الله يستر خخخخ

تسكت هي ثم تقول ( وبعدين اخوك

شاري لحرمته ساعه قيمتها عشرين الف ريال ) يرد ( طيب وش

المشكله ؟ ) ( وانا ليش ما تشتري لي .والا انا ما

استاهل ..ولو هي يعني احسن مني … بلاك ما شفتها ..شينه

وطبايعها شينه وحتى طبخ ما تعرف تطبخ )

الزوج يرد واهو يتنهدخلاص اشتري لك

ساعه )

تعصب وتقول ( ايه تسكتني بهالكلام ….والله لانت

شاري ولا شي )وتقوم واهي تبكي



الساعه 11 بالليل



هي زعلانه ونايمه مع العيال



وهو يتحسف على اليوم الي تزوج فيه