بسم الله الرحمن الرحيم
السلام عليكم ورحمة الله وبركاته
امممممممممممممم بالبدايه راح اعرفكم بنفسي انا انفال من المملكه العربيه السعوديه عمري 15
بصرحه انا من النوع الي يطفش بسرعه ذوقي غريب لدرجه كبيره
اموووووووت بالروايات الرومانسيه والمسلسلات الكوريه واليابانيه احيانا
عندي اخ كل يوم اتخانق معه حتى بالاشياء الصغيره لدرجة اذا مر يوم وما اتخانق معه امي واخواتي كل دقيقه يجون يسئلوني فيك شيئ
يحسوسوني جالسه اهرب حشيش :noo:

وبسسسسسسسسسسسسسس ادري وش راح تقولون هذي تقول لنا قصة حياتها بس وش ازين مييتتته من الطفش

وسلااااااااااااااااااااااااااامتكمممممممممممم

__________________

السلام عليكم شكرا لكل من قرأ يومياتي
اليوم ولأول مره بحياتي أزين حلا لان اخوي رجع من السفر وانا واعدته بس الي يشوفني وانا أزين الحلا يقول اني مزينه حرب مو حلا البيض نصه تكسر والصحون كلها توصخت حتى الي ما استخدمها وكل شري أمي وخواتي يقولون لي أنفال تبين مساعده طبعا مو حبا في بس خوفا على بطونهم شفتم التحطيم ويلوموني ليش ما أزين شيئ وش أزين كل ما أزين شيئ يجون يقومون الحرب علي ومر الوقت وأخيرا خلصت من الحلا وطلع الطعم سكرررر والله لو اوريكم التعليقات وخصوصا اخوي خالد يقول ما تعرفين شيئ بالطبخ لا عاد تدخلين المطبخ وبعدين يجي ويأكل منه خير يا أبو الشباب بس الله يخلي لي اخوي محمد حبيبي هو الوحيد الي ما حطمني
الله لا يحرمني منه


ومع السلامه أشوفكم على خير

__________________

بسم الله الرحمن الرحيم السلام عليكم ورحمة الله
شكرا لك من قرأ مدونتي شكرا جزيلا
وطبعا بدت المدارس وانا كالعادة في كل يوم يومي لا يخلي من الهوشاات مع بنات المدرسه وسواق الباص ياختي فيه بنات غير رفعات خشومهن مابقى شيئ الا وتوصل للسقف وطبعا شلتي اغلبهن يشبهوني خلوني أعرفكم عليهن عشان يعني ما تستغربون من تصرفاتي أولا فيه روان هذي هي البنت الدلوعه الي ما تتحمل الضرب واهم شيئ عندها شكلها وفي المدرسه تلاقونها اربع وعشرين ساعه بالحمام ( اكرمكم الله ) قدام المرايه ولا شنطتها الي يشوفها ما يقول هذي جايه لمدرسه بس الله لا يوريكم لسانها طووويل والي يغلط عليها او على اي وحده من الشله تخليه يتمنى الموت
والثانيه ندى هذي شايفه انها عبقرية زمانها غير تسلسف علينا بس بصراحه انا دايما احب انها تجلس جنبي بالفصل عشان انقل منها الواجبات بس والله انها حبيبه وقريبه مني كانها اختي وهي الي غالبا تخطط لطلعاتنا
بعدين فيه شادن هذي قرد غير تتحوك ماتحب تجلس بس لايق عليها هذي كانها بويه بس يعني هي بنوته ودايما تتكشخ بس مشيتها كانها مشيت عيال بس يعني هذي طبيعتها دلوعة ابوها مخليه اخوانها خاتم باصبعها هي مثل امنا بالمدرسه هي الي تشتري لنا وهي الي علمتنا على باصتنا وصراحه انا في البدايه كنت اكره هالبنت بس بعدين والله حبيتها من كل قلبي مافيه بنت اطيب وارق منها بالعالم بس دايما ما احد يفشلنا بالطلعات غيرها
وفيه كادي كدو بنت طيوبه وعلى نياتها هي تحب دايما ان شكلها يكون حلو ومميز اقرب وحده لها هي روان احيانا انقل لها انا وشادن العدوى فعنجد تصير في اوقات مافيه اهبل منها وهي بنت البرستيج والعيب كل يوم تجينا تهزيئه منها بس والله انا حبيبه لما كنا بخامس انقلت لمدرسه ثانيه وعشان ما ننسى بعض تبادلتا اسوارتين يعني اسوارتي عطيتها كادي وهي عطتني سوارتها وتواعدنا نلتقي بمدرسه وحده بالمتوسطه ولله الحمد التقينا وصداقتنا صارت اقوى واقوى وللعلم الاسوارات للحين عندنا
واخيرا راما هذي موب سعوديه بس سبحان الله هي كانت اعز صديقه عندي ومازالت مع انها انقلت لمدرسه ثانيه الا انها مازالت اعز صديقه لي وللحين نلتقي برا المدرسه اكذب عليكم اذا قلت اني ما افقدها وقسما بالله اني لما اتذكرها احس اني فقدت جزء من روحي كنت انا وهي دايما نشتكي لبعض هي كانت تشتكي لي وانا دايما وللعلم انا من نوع البنات الي يبكي كثير خصوصا اذا فيه احد جرحني عشان كذا هي كانت دايما تدافع عني وماتسمح لاي احد انه يهيني وهي من النوع الي مايحب يفضفض لاحد ولاتبكي الا قدامي وللعلم وانا اكتب عنها الحين الدموع مليانه عيني عن جد اني افقدها


وهذي هي شلتي الي مهما ادور بالعالم ما راح القى نفسها

__________________

بسم الله الرحن الرحيم السلام عليكم ورحمة الله وبركاته
مره جاء اخي وزوجته الي هي بتت خالي وولده ولدهم بسم الله عليه طول اليوم يصرخ وطبعا كالعاده جدعوا ولدهم علي مدري ليش دايما يجدعون البزارين علي المشكله ان كل العايله صاروا يزينون هالحركه بنات عمي وخوالي زوجات عيال عمي حتى خالتي الصغيره دايما تجدع بزارينها علي كل هذا لاني اعطيهم وجه ام الغثه لما نطلع شاليه ونتجمع حنا البنات بمكان واحد لازم يكون معنا بزران مدري ليش مربوطين فينا
وللعلم انا مو البنت الصغيره انا البنت الوسطى فيه بنتين اكبر مني وبنتين وثلاث خوان واحد متزوج واثنين للحين ماتزوجوا
اهم شيئ لما جوا قلنا بما ان بنت خالتي هنا خلينا نزين حمعه طبعا تعرفون جمعة البنات لا تخلوا من الرقص والخناق والشبسات والشوكلا
والمشروبات الغازيه وكل وحده منا لابسه ومتكشخه طبعا لان عمتي وخالاتي جوا مع البنات فالبدايه بسم الله علينا بنات مؤدبات ومحترمات قدام خالاتي بس اول نا قمنا طبعا ركبنا فوق وطبعا وبدينا رقص وناكل من الشبس والحلويات واتوقع ما بقى احد الا وحشينا فيه اهم شيئ كل البناترجوا متزوجات ولا لا غير وحده للحين ماجت قالت بتجي بس بتتاخر دقت على اختي وقالت لها نفتح الباب وطبعا انا رحت معها من زود اللقافه الي في وانا طلعت للحوش ما دريت الا واحد بوجهي ولد خالتي ويا فشيلتي والمشكله اني تجمدت بمكاني وهو نفس الشيئ وما حسيت على نفسي الا وانا اركض ما تشوفون غير غباري ونسيت بنت عمي دقت على اختي وراحت وفتحت لها الباب و قعدت تسب وتشتم فينا تقول فشلناها قدام زوجها وما علمت احد غير بنت عمي الي هي اقرب وحده لي
هذا واحد من مواقفي المحرجه وفيه مواقف اكثر ان شاء الله بقولها لكم
وشكرا لكل من قرا
اشوفكم على خير ان شاء الله





















و

__________________

	بسم الله الرحمن الرحيم السلام عليكم ورحمة اللع وبركاته الحين حنا الظهر مدري وش احس فيه كل البيت نايم غيري بس احسن شيى عشان الشبكه اممممممممممممممممممم اليوم مثل كل يوم ملللللللللللللل ما عندي احد يطلعني ومن سوء حظي اني خلصت كل اغراض العيد بسررررعه ادري لن هذا احسن شيئ لان في هذي الايام تكون الاسوووواق زحمه بس بصراحه الزحمه ارحم من هالطفش اذا طلعت ما اروح الا لبيت احد من العايله ولا وحده من صديقاتي يعني جمعه بس حتى الجمعه صاير طفش ولما اقول لواحد من اخواني يطلعنا ما يعطيني وجه يعني الحين سواقنا وش يحس فيه مدري ما ياخذ اجازه غير بالعطله وابوي الله يهديه على طول وافق وحنا يالمساكين البنات قاعدين بين اربع جدران اربع وعشرين سااااعه حالي يحزن صح

__________________