وَلم أجد عبقَ لرمضان يُخفي أشتياقي له | الجزء 2. - الصفحة 3 - عيون العرب

**Rαin** · #11 05-27-2018, 07:42 PM

مساء الخير ،

هذي فريش اليوم، حزة المغرب كانو طارديني من المطبخ وماعندي شغلة اسويها،
ماخليت زاوية بالبيت ماتسدحت فيها من الملل،

وعمت عيوني الشمس فقلت انتقم واصورها ،

اقتباس:
المشاركة الأصلية كتبت بواسطة لـوثـر ..

هالصورهه اول رمضان هالسنةة
في عز شغلي وكرف وتعبي حلفت الاا اصور

الله طالعة تينن الصورة ، شهالاضاءة الشاعرية هذي
ماحب الفيمتو بس طالع يسرسح هني ،

اقتباس:
المشاركة الأصلية كتبت بواسطة رُوحْ.

هاذي كنت اخاف منها وانا ياهل ، وتحسسفت اني ماقط ركبتها

اقتباس:
المشاركة الأصلية كتبت بواسطة s a z i l a

ـ

قبل رَمضان بيوم او يومين كنا نعلق الفوانيسَ وكذا شَغلات ::.
أذكر بقمة أنشغالي أخذت هاي الصَوره وأحتفظت فيها عَندي
كان شَي ممتع رَغم كل شَي :::خري:.

حبييت الاجواء عندكم الليتات والفوانيس ،
هذي لويتعلقون في بيتنا؟ مابيقعدون خمس دقايق بتجوفينهم مختفيين .
ماكلم ورعان انزين، اتوقع لو نقعد انا واختج بغرفة وحدة نسوي مصايب ،
خلي رخصتي بحالها، اريح سيارتي واريحها

اقتباس:
المشاركة الأصلية كتبت بواسطة مَنفىّ ❝

فكرة جمميلة ..
هذي سفرتنآ أول رمضان

الله شهالروقان ،
بعد حاطين فوانيس؟ لازم اتسلف منكم واعلقها عندنا .
عزموني عندكم

**Rαin** · #12 06-05-2018, 02:15 AM

صباح الخير؟ بما انه الفير احين.
شسمه عندي جمن سالفة .

هالاشيه صارت هالاسبوعين، فتعتبر سوالف رمضانية حتى لو مافي فوانيس وليتات .

طلعت ويا اختي نتمشى بعد التراويح، الشوارع ماشاءالله كانت زحممة، نفس زحممة الدوام،
عاد عقبها تحسفنا اننا طلعنا. الرطوبة ماترحم .
الله يأجرنا من نار جهنم. طبعا حصلت محاضرة طويلة عريضة، لانها كانت تبي ترقد وماتبي تطلع وانا حنيت عليها .

حزات اخوي الصغير-اصغر مني بثلاث سنوات- يعطيني نظرة غريبة، نظرة *صج انتي اكبر مني بس ترا انا اعقل منج*
يعني الصراحة ماقدر اوصف النظر، وخصوصا لمايرفع حاجبه عليه، في هاللحظة خاطري انتف هالحاجب.

"اسمع محمد ركزي معاي. في كاكاو يبعونه، جلكسي بس مدور. ابيييييييييييييييييييييييييييييييييييييييييييييييييييييييييييه."
طبعا لما قلتله ذي عطاني هالنظرة

هو اساسا ماكان بيطلع، والساعة اثنعش والعايلة الكريمة كلها راقدة الا انا وهو، وصار خاطري فيه.
قعدت احن عليه لما رضى.

هذي قهوة تركية، الناس صارلهم فترة هابين فيها، فكنت ابي اعرف شالفرق بينها وبين باقي القهوات،

يا اني تحسفت اني سويتها. واساسا ماكنت ادري انه الطريقة كانت غلط. بس بعض الناس قالولي اني يبت العيد فيه.
المهم اكتشفت انه طعمها مب مختلف عن الاسبريسو.

قبل ثلاث سنين ماكنت اعرف شي في الجامعة غير اني ابي اتخرج،
حزتها كنت بثاني سنة. وفي نفس الوقت اختي كانت باخر سنة لها.
من لما قالتلي عن اجراءات التخرج وانا بس انطر لحظة اني اكمل هالاستمارة.
المفروض اننا نكمل هالاستمارة في بداية كورس التخرج، بس كليتنا الجميلة قالت نسويه باخر الكورس.
وشعوري وانا اكمله؟ ياخي ماينوصف، خوف وتوتر و وناسة.

رفيقي وصديقي الصدوق طول فترة دراستي بالجامعة .
من اجراءات التخرج اني ارجع مفتاح الخزنة الذهبية .
وانا للحين مارجعته ، الجامعة متصلين من شهر 3 يبون المفتاح وانا للحين ماسلمته

تعرفون هالمنظر ماجفته الا لما استلمت مفتاحهه قبل خمس سنين؟

لوكري رقم 330 .
اكثر شخص شالني بالجامعة وشال عفشي. تحمل اغراضي اللي كدستها لمدة5 سنين.
اللي وياي كانو يستغربون شلون كنت احشوه اغراض بدل لافرغه،

بس كنت كل ماحشوه احس انه مابقى شي واتخرج.
ولما فضيت وشلت كل اغراضي، حسيت كأني بهاجر. .

هنا كنت اصارع امي بس عشان اصوره. اساسا ماكنت باصوره بس لما تكون صايم كلشي بنظرك يكون لذيذ وخاطرك فيه حتى اذا كنت بالعادة ماتاكله.
المهم نبع الحنان كانت تسحبني وانا :يماااااااااااااااااه بس باصوره. اخر شي لاعت جبدها وقعدت تهددني لمانطردت.
اصلا صارت عادة عندها انها تطردني من المطبخ، حتى لو بس كنت اتحرش واتعلق بذارعها .

اختي ماتحب اذا نطلب حلا من برا مادري ليش. اليوم اللي قبله اخوي كان خاطره بخلية نحل، فطلبه من محل، اليوم الثاني اختي سوت خلية نحل . اتوقع ماتبي تحسسنا انها ماتقدر تسوي شي ؟
هذي لقطة سريعة، امي ماتحب احد يطلع فونه عند السفرة، ع قولتها "وقت العايلة" .
المهم لما طلعته عشان اصوره مايحتاي اقول انه العايلة الكريمة كلها تجمدت، كان خاطري اصورهم.
اللي كان بيشرب وشايل القلاص ، واللي يده تعلقت بالهوا لانه كان بيمد يده لصحن، واللي حلجه فاج. والله منظر .

وبس خلصو سوالفي

**يـآمور.** · #13 06-07-2018, 06:05 AM

احمم تووني مصورتها

22|رمضان

**نَفسْ.** · #14 06-07-2018, 07:36 AM

_نَفس المَكان دَائمًا بصَور فِيه, احِسه كثِير مُريحْ , و احْلا شِي قرِيب مِن بِيتنَا رُحنا فَطرنَا هنَاك,
جَو الفَطُور عَالبَحر كثِير حُلو, بَس جَودة الصُورة خِربت لَما نَقلتَها لِ اللآب.
~

**نَفسْ.** · #15 06-07-2018, 07:39 AM

اقتباس:
المشاركة الأصلية كتبت بواسطة لـوثـر ..

احمم تووني مصورتها
22|رمضان

آه صح نِفسِي اعرفْ شُو نُوع الكَامِيرا إلِي تستَخدمِينهَا, تَصوِيرك تُحفة. ~

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قلمٌ ألماسيّ \|\| ◆ ثَالُوثُ السَحَرَة : ساحرٌ و بِسَاطٌ و مُرشدٌ وزَمانُ العَربُ لَن يُخفى .	سبسر#	روايات الأنيمي المكتملة	8	06-10-2018 07:08 AM
ولم أجد لِرمضان عبقً يُخفي أشتياقي له .	وَتـد	تصوير ضوئي - تصوير فتوغرافي - صور بكمرات الاعضاء	16	08-27-2017 08:20 PM
أسفة على غيابي ولكن أشتياقي لكم جعلني أعود أليكم من جديد	¦₪¦╣• قلم الأحساس مودة •╠¦₪¦	عيون التهاني و الترحيب بالأعضاء المستجدين	1	06-13-2012 07:29 PM
سنفرة الجسم + تقليل نمو الشعر في الجسم + تعطير الجسم ..+تبيض	سالي سارة	أرشيف المواضيع الغير مكتمله او المكرره او المنقوله و المخالفه	1	11-20-2011 10:55 AM
صورالوشم هو وضع علامة ثابتة في الجسم . رسول الله صلى الله عليه وآله وسلم قال: { لعن الله الواصلة والمستوصلة ، والواشمة والمستوشمة}.	SCORPIONKING	أرشيف المواضيع الغير مكتمله او المكرره او المنقوله و المخالفه	45	10-11-2009 10:21 PM